Ngokusebenzisana Singayehlula iCOVID-19

vukuzenzele unnamed

Ngeveke yokutho ma ephelileko  yokuqinteliswa  kweminye imisebenzi namakhambo elizweni loke kobanyana kuzokuphungu-lwa ukurhatjheka kwalesisifo esehlileko esibambe iphasi loke, sithokozele iindaba ezimnandi ezisilethele ithabo nethemba kileziinkhathi zobudisi neziletha nokuzaza.
  AmaSewula Afrika ali-114 abuyiswe e-Wuhan e-China eemvekaneni ezidlulileko aqede isikhathi sawo sokubeke-lwa ngeqadi abuyiselwa emakhabo. Kutholakele uku-thi boke abanayo ingogwana yeCOVID-19  begodu baphile tswe, bathakasile nokuthakasa.
Sekuziinyanga solo amaSewu-la Afrika lawa abekelwa ngeqadi, kusukela asese-Wu-han amalanga ama-51, abuya ayokubekelwa ngeqadi godu amalanga ali-14 e-Polokwane.
Ngesikhatheso bebangakghoni ukuba nemi ndeni yabo, banga kghoni ukuphuma lapho bebabekelwe khona ngeqadi, angazi nokwazi ukuthi azakuhlala kilobubujamo bekube kunini. Nasingezelela nalawa amala-nga ali-17 iSewula Afrika ezabe ilawula ngemilayelo yokuqinte lisa amakhambo, wona-ke lamaSewula Afrika abuya e-China azabe asekubekweni n g e q a d i  a m a l a n g a  a m a 8 2 .

 Kube kuhle khulu ukuba ndawonye nalesisiqhema se-Sewula Afrika esimihlobohlobo nayo yoke iminyaka yobuda-la, amalimi ahlukahlukileko kunye nahlukahlukileko ngobunjalo bawo. Kungithoko-zise khulu ukuwabona ukuthi anamandla wokusimelela ka-ngangani nesibindi sokuqalana nobudisi kunye nangoku-ncamela kwawo ukuhlala aphile kuhle. AmaSewula Afri-ka abuya edzabeni leCoronavi -rus e-Wuhan, e-China begodu abone ibangamatlhuwo ebang-wa ngilengogwana epilweni yomuntu. Akurari-ke ukuwez-wa asithi asejimeni lokuhlenga ipilo yabantu abaseduze nawo. Ukubambelela nesibindi sawo kuwahlomulisile, ngoba woke njalo abuyela emakhabo.

 Ukubuya kwawo ekhaya kuphunyeleliswe babantu abanengi ababhesele koke ukuphumelelisa lomsebenzi wokubuyisa amaSewula Afrika.
 Njengesizwe, simthokoza kwamambala uRhulumende nabantu be-China ngokuba-balela kwabo izakhamuzi zekhethu, nangokulekelela kwabo ngomsebenzi wokubu-yisa abantwaba ekhethwapha. Kuqakathekile ukutjheja uku-thi kilawa amaSewula Afrika abekase-Wuhan, amanengana wawo bekakhambe ngomfu-ndalize karhulumende we-Chi-na; leli-ke ligadango lomusa elithokozelwa khulu.

 Siyabathokoza nabo boke abantu ababe nesandla kilokhu, ukusukela esiqhemeni saboflayi bakwa-SAA ukuya esiqhemeni sezepilo, emapholiseni nema-jonini, boke abantu ababuyise lamaSewula Afrika akade ase-Wuhan. Omunye nomunye wabo usikimele ukufaka isa-ndla sokuphephisa nokuhlenga abanye abantu.  Bebazimisele ukuqalana nomsebenzi obudisi noyingozi babe bazikhethele nangeqadi. Njenganje-ke, boke bangitjela ukuthi se-bakulungele ukuthatha elinye godu igadango lomsebenzi. Ngithanda ukuthokoza iinse-benzi nabaphathi be-Ranch Ho tel ese-Polokwane, bona ababe netjhejo elikhulu kilamaSewula Afrika abekabuyiswa ekhabo. Bebancame khulu ukulima indima emzamweni wethu welizwe loke wokwehlula isife-si. Woke umuntu obenesandla kilomzamo uliphakamisele phezulu ilizwe leSewula Afri-ka.  Lokhu okuhlangabezene namaSewula Afrika e-Wuhan kusitjengiso samandla nesidi-ngo semilayelo yokuqintelis-wa kwamakhambo wabantu elizweni loke. Kube ngenca yaleligadango eliqinileko elithethwe nguRhulumende we-China ukuthi kuphumelele-ke ukulawula isifesi edrobheni le-Wuhan, kwabe kwagcina ngokuthi boke abantu bekhethu babuye ekhethwapha basaphile kuhle bangathele-leki namkha batshwayeleke ngengogwana ye-Covid-19 . I-Wuhan, ilidrobha elinabantu abaziingidi ezili-11 esifundeni se-Hubei, ibe nabantu abanga-phezulu kwee-50 000 abangenwe yingogwana yeCOVID-19 .  Namhlanjesi-ke, ngemva kwesikhathi esingaphezulu kweenyanga ezimbili kuthome ukusebenza imilayelo yokuqintelisa amakhambo wabantu, isifundesi sesinabantu abanga-phasi kwama-20 abatheleleke ngengogwana yesifesi eemve keni ezimbili ezidlulileko. Ukulawuleka kwesifesi e-Wuhan, esiFundeni se-Hubei nakezinye iindawo elizweni le-China loke kuthethe umza-mo omkhulu nongakajayeleki. Hlangana nokhunye okwenzi weko ngesikhatheso kubalwa  nemiqinteliso eqinileko nge-pilo yangamalanga ukube ngahlanye kube namacapha-zela amambi phezu komnotho welizwe le-China. Namanye amazwe athethe amagadango anjengewe-China nawo aphu-melela ngcono ukulawula nokukhandela ukurhatjheka khulu kwesifesi kunamazwe athathele muva ukusiki-ma athathe amagadango.
  Njengoba inani labantu esele kufakazelekile ukuthi bange-nwe yiCOVID-19  ephasini loke seliphakamela ukudlula iinku-lungwana ezima-700 000 nje, nanjengobanyana abantu esele babulewe ngiso isifesi seban-gaphezulu kweenkulungwana ezima-33 000 nje, kuneemfundo esingazifunda emazweni lawa.

 Kwanjesi-ke sekukhanya ku-hle ukuthi umphakathi nawu-zakuphumelela ukulawula iCOVID-19  uyikhandele nokuthi ingarhatjheki, abantu kufuze bahlale emakhaya, bangatjhidelani kodwana babe maqalanga nanyana bahlezi emakhaya njalo, bekudluleiimveke ezimbadlwana, ubu-ncani bakhona. Kuqakathekile-ke  nokuthi imilayelo yokuqin-telisa amakhambo le namanye amagadango wesizo elirhabako kulandelwe kuhle, kusetjenzi swe nangendlela efanako.
  Njengoba amaSewula Afrika abuya e-Wuhan angafakaza nje, ukuphila ngemilayelo yoku-qinteliswa kwamakhambo woke malanga nokuqinteliswa ukuthintana nabantu yinto ebudisi khulu. Lapha eSewula Afrika, ukubekwa kwemi-layelo yokuqintelisa amakha-mbo kungezelela umtlhago nokudosa emhlweni, nje-ke senza koke esikukghonako ukwenza umthwalo ube ludlana ebantwini bekhethu.
  Kodwana-ke isifundo esi fundwe maSewula Afrika e-Wuhan kukobana uku-qinteliswa kwamakhambo wabantu kuyasebenza, kuya-lekelela. Kuyatjengisa kobana nasihlonipha imilayelo nemi-bandela yokuqinteliswa kwam-akhambo ukukhandela uku-rhatjheka namkha ukuthuwe-lela kwengogwana le, sizaku-kghona nokwehlisa inani laban-tu abangenwa sisifesi. Kuya-tjengisa ukuthi nasisebenzisa-na kuhle neemphathimandla zepilo nasenza ekufuze sikwenze, angeze sigcine ngokuhlenga ipilwethu kwa-phela, kodwana sizabe sihlenge nepilo  yabantu esihlala nabo.

 Indaba yamaSewula Afrika abuyiswe e-Wuhan ku-fuze isikhuthaze isinikele nethemba eemvekaneni ezibudisi ezizakwezi.

Indaba yalamaSewula Afri-ka isitjela ukuthi kunehlasana yomkhanyo ethi lozi, lozi,ethi nange singazikhalima, sizeluse, sihloniphe imilayelo yokuqi-nteliswa kweminye imisebenzi namakhambo, sisebenzisane ngokubambisana, singayehlula besiphumelele.  