Vulekamali i maanḓafhadza Vulekamali i maanḓafhadza MaAfrika Tshipembe MaAfrika Tshipembe 

Vho More Matshediso

Nga u tou puṱedza bathoni, vhathu vha nga kona u wana ma fhungo a migaganyagwama ya shango zwo leluwa, ri livhuwa sisiṱeme  ya lubuvhi i vhidzwa ho Vulekamali.
Phothaḽa yo thomiwa miṅwa ha mivhili yo fhiraho nga vhaVhufaragwama ha Lushaka vho ṱanganelana na madzangano a vhadzulapo o vhalaho.
Thandela iyi ya vhuthomazwiswa yo wina pfufho nga tshifhinga tsha Pfufho dza Vhuthoma zwiswa dza Sekithara dza Nnyi na Nnyi dza vhu17 dza 2019, fhasi ha khethekanyo ya Innova tions Harnessing 4IR Solutions .
Mulangi wa Vhufaragwama ha Lushaka Vho Andile Best, vhane vha rangaphanḓa vhurangeli ha phothaḽa ya Vulekamali, vho amba uri ndivho yayo khulwane ndi u engedza dzangalelo ḽa nnyi na nnyi, vhuḓidzhenisi na nḓivho ya mbekanyamushumo dza zwa masheleni dza muvhuso.
Vho ṱalutshedza uri: “Hezwi ndi vhuḓikumedzeli ha Vhufaragwa -ma ha Lushaka ha u bvela kha gala nga ha masheleni a nnyi na nnyi. Mafhungo a zwa mu gaganyagwama o no anḓadzwa kale kha webusaithi ya Vhufaragwama, fhedzi phothaḽa i fara data i swikeleleaho nga nḓila i shumiseaho, u itela khovhanyo ya mafhungo a shumaho, tsenguluso na ṱhoḓisiso. U ya nga ha Vho Best, Vuleka mali i tikedza vhuḓidzhenisi ha vhadzulapo na nnyi na nnyi kha maitele a u shumisa mugaganyagwama ya konisa vhadzu lapo u vha na tsheonḓivhadzwa nga ha milayo ya muvhuso.
Vho Best vho amba uri: “Arali ra humbela  tshitshavha u shela mulenzhe kha maitele a  mashumisele a zwa muga ganyagwama nahone vha tshi bva kha vhuimo vhune a vha ḓivhi tshithu, vha nga si kone u ita ndongwa dza ndeme. Tsha vhuvhili, ri ṱoḓa nnyi na nnyi a tshi ḓivha uri muvhuso u shumi sa hani masheleni a tshi bva kha tshikwama tsha nnyi na nnyi.” Sa tsumbo, madzangano a vhadzulapo a dzulela u ṱoḓa u ḓivha uri muvhuso u ṋetshedza hani tshumelo, na zwa uri tshu melo dzi ṱumanywa hani na mugaganyagwama na zwa uri muvhuso wapo, wa vundu kana wa lushaka i na vhuḓifhinduleli naa na tshumelo dzo khetheaho.
Vho Best vho amba uri vhukati ha vhakwamei nga thandela iyi hu na Muhasho wa Tsedzulu so, Vhulavhelesi na Vhupulani; ṱhanganyo ya vhadzulapo ya Im ali Yethu; Vhurangeli ha Ḽifhasi na Senthara ya Vhueletshedzi ha zwa Thekiniki ya Muvhuso.
Kha ḽeveḽe iṅwe na iṅwe ya u tshea tsheo na kha tshiim -iswa tsha vhuvhusi tshiṅwe na tshiṅwe, hu na vhuimeli ha vhoṱhe muvhuso na vhadzulapo.
Vha tshi khou amba vho imela madzangano a vhadzulapo a kwameaho, Vho Zukiswa Kota, ṱhoho ya Mbekanyamushumo ya Vhulavhelesi na Vhutikedzi ngei kha  Mulavhelesi wa Vhuḓifhinduleli ha Tshumelo dza Muvhuso na muthusamu konanyi muhulwane wa  Imali Yethu, vho amba uri maitele a re na vhuḓifhinduleli a zwa mu gaganyagwama ndi a vhuṱhogwa kha dimokirasi. Tshipikwa tshihulwane hu u ṱuṱuwedza nḓisedzo ya tshumelo dzakhwine.
“Kha riṋe, u swikela mafhungo nga u ṱavhanya zwi amba uri a u dzuleli u vha u na vhadzulapo vho sinyuswaho na uri vha sa ḓivhi nga ha maitele a muga ganyagwama.”vho ralo,  vha engedza nga zwa uri vhathu vha na kupfele kwa khwine nga u ṱavhanya ha u ṱoḓea ha u amba nga ha migaganyagwama na hone vha a ḓivha uri vha amba na nnyi nga  zwi vha dinaho . 