Vulekamali  e maatlafatša maAfrika Borwa  

More Matshediso

Ka ponyo ya leihlo, batho ba kgona go longwa tsebe gabonolo ka ditekanyetšokabo tša naga ye, tše ka moka di kgonagala ka baka la sistemo ya inthaneteng ya go bitšwa Vulekamali.
Phothale ye e hlomilwe ke ba Matlotlo a Bosetšhaba mengwageng ye mebedi ye fetilego ka tšhomišano le mekgatlo ye bonagalago ye tšwago setšhabeng.
Protšeke ye ya boikgopolelo e thopile sefoka nakong ya Difo ka tša bo17 tša Boikgopolelo Le fapheng la Mmušo ngwageng wa 2019, ka fase ga legoro la Boikgopolelo bjo bo Kgokaga nyago Ditharollo tše ikadilego ka Theknolotši ya Sebjalebjale.
Molaodi wa Matlotlo a Bosetšhaba Andile Best, yo a eteletšego pele lesolo la phothale ya Vulekamali , o bo letše gore nepokgolo ya yona ke go hlatloša kgahlego ya batho, kamego ya bona le tsebo ya mananeo a ditšhelete a mmušo.
“A ke maikgafo a Matlotlo a Bosetšhaba a go se fihle selo mabapi le matlotlo a mmušo.
Tshedimošo ka ga diteka nyetšokabo e šetše e phatlala ditšwe wepsaeteng ya Matlotlo a Bosetšhaba, eupša phothale ye e nale tshedimošo yeo e ka hwetšagalago gabonolo ka fomate ya go se fediše pelo, go kgontšha gore tshedimošo bathong e phatlalatšwe ka katlego, gomme go be le ditshekatsheko le dinyakollo,” a hlaloša ka gorealo.
Goya ka Best, Vulekamali  e thekga kamego ye tšwago mekgatlong ye ikadilego  setšhabeng le setšhaba ka kaka retšo ditshepedišong tša teka nyetšokabo ebile e kgontšha badudi go ba le ditherišano tše nago le tsebo ka gare mabapi le dipholisi tša mmušo.
“Ge re ka kgopela batho gore ba kgathe tema ditshepedišong tša tekanyetšokabo ke moka bona batho bao ba sa tsebe selo, ba ka se kgone go hlagiša dintlha tša go kwagala. Sa bobedi, re nyaka batho ka moka setšhabeng ba tsebe ka fao mmušo o šomišago tšhelete go tšwa sekhwameng sa ona,” a realo Best.
Go fa mohlala, mekgatlo ye lego setšhabeng e fela e nyaka go tseba ka fao mmušo o abago ditirelo, ka fao ditirelo di kgokaganago le tekanyetšokabo le gore gare ga mmušo wa bo setšhaba, mmušo wa profense goba pušoselegae ke ofe mmušo wo o rwelego maikarabelo a ditirelo tše itšego.
Best o boletše gore magareng ga bakgathatema bao ba ame gago protšekeng ye ke Kgoro ya Peakanyo, Tekodišišo le Tshekatsheko ya Phethagatšo ya Mošomo (DPME); mokgatlo wa mohlakanelwa wo ikagile go setšhabeng wa Imali Yethu ; Senthara ya Lesolo la Lefaseng ka Bo phara le ya Boeletši bja Sethekniki.
M o maemong afe goba afe a go tšea diphetho le mo sehlongweng sefe goba sefe sa pušo, go nale baemedi ba go tšwa mmušong le ba go tšwa mekgatlong ye ikagilego setšhabeng, a realo.
Ge a be a bolela legatong la mekgatlo ye lego setšhabeng ye amegago, Zukiswa Kota, hlogo ya Lenaneo la Tlhokomelo le Thekgohlohleletšo Bolekoding bja Boikarabelo bja Ditirelo tša Mmušo ebile e le mosepediši yo a eteletšego ditshepedišo ka moka pele tša Imali Yethu , o boletše gore ditshepedišo tša boikarabelo tša tekanyetšokabo di bohlokwa temokrasing.
Nepokgolo ya tšona ke go huetša kabo ya ditirelo yeo e kaonafetšego, a realo.
“Go rena, khumanego ya tshedimošo ya ka pejana go ra gore o ka se ke wa hwetša batho setšhabeng ba dula ba nyamile ebile ba sa lemoge ditshepedišo tša tekanyetšokabo,” a realo, a buša a tlaleletša ka gore batho ba kgona go dira dilo ka tšhoga nyetšo goya ka fao go nyakega go ge ba efa ditshwayotshwayo tša bona ka tekanyetšokabo ebile ba tseba gabotse gore ba swanetše go lebiša dikgalefo tša bona go mang .