Thekgo ya balwetši e bohlokwa go lwantšha TB

Dale Hes

Protšeke ya Afrika Borwa ya Bolwetši bja Mafahla (TB) yeo e šomago mmogo le Etšensi ya Amerika ya Tlhabollo ya Boditšhabatšhaba (USAID) e laeditše bohlatse bja go ba mohlala wo mokaonekaone wa ka fao mmušo, batho setšhabeng le Mekgatlo yeo e Sego ya Mmušo (di-NGO) di ka šomago mmogo go lwantšha TB ka go abela balwetši thekgo ye maleba.  Afrika Borwa e tšeere maemo a boetapele twantšhong ya TB lefaseng ka bophara, ebile US AID e tšeere kgato ya go fana ka thušo.
Protšeke ye ya mengwaga ye mehlano, yeo e thomilwego ka 2016, e gare e phethagatšwa ka tšhomišano le Kgoro ya Bosetšhaba ya Maphelo mo diprofenseng tše seswai tša Afrika Borwa.
Tše dingwe tša dikarolo tše bohlokwahlokwa tša protšeke ye ke go thekga di-NGO tšeo di ikagilego setšhabeng. Protšeke ye e fana ka thekgo ya tšhe lete go di-NGO tše 21 tšeo di thekgilego balwetši ba go feta 3 500, ba bantši ba bona ba tšwa dinagamagaeng.
Mosamaria Profenseng ya ForeisetataKua Mangaung, Mosamaria ke ye nngwe ya di-NGO tšeo di amogetšego thekgo ya tšhelete go tšwa protšekeng ye.
 Mokgatlo wo o nale sehlopha sa badiredi ba maphelo go tšwa setšhabeng, molaodi wa pro -tšeke le motlanyatshedimošo bao ka moka ba šomago ka thata go netefatša gore balwetši ba latela dikalafo tša bona gore ba kgone go fola mo lebakeng la dikgwedi tše tshela.
“Re thwetše bahlokomedi ba go fihla 74 mo protšekeng ye.
Mathomong re be re šoma ka balwetši ba 200, ke moka ra hlatlogela go balwetši ba 400, ebile mo kontrakeng ya rena ya bjale re nale balwetši ba 500 bao re šomago le bona tšatši ka tšatši. Balwetši ba ba fetišetšwa go rena ge go kgonthišišitšwe gore ba swerwe ke TB go tšwa dikliniking tše senyane tša go fapafapana mo Mmasepaleng wa Metsesetoropo wa Mangaung,” a realo motsamaiši wa Mosamaria e bago Trudie Harrison.
Mosamaria e swara masolo a diteko a go tsena motse ka motse go hwetša balwetši ba TB le go netefatša gore ba hwetša kalafo ka yona nako yeo.
Harrison o bolela gore mošo mo wo botse wa Mosamaria o fokoditše mahlabišadihlong ao batho ba nago le ona mabapi le TB, o agile dikamano tšeo di tiilego setšhabeng ebile gape o hlatlošitše kelo yeo e kao nafetšego ya dikalafo tšeo di atlegilego tša bolwetši bjo.
“Go fa mohlala, ka baka la lesolo le, ka 2018 balwetši ba rena ba 514 ba thušegile gore ba fole,” a realo Harrison.
Harrison o boditše batho ka semaka sa yo mongwe wa balwetši ba Mosamaria. O filwe thekgo ya tšatši ka tšatši ke mohlokomedi wa Mosamaria, yo a bego a netefatša gore o nwa diphilisi tša gagwe tšatši ka tšatši le go thuša gape ka maupi le diaparo tše diswa.
“O feditše kalafo ya gagwe a ba a fola. O ile a boela mošo mong ka ge mongmošomo wa gagwe a be a mmeetše mošomo wa gagwe,” a realo Harrison.
Tseba dika tša TB  Ge eba o nale tše dingwe tša dika tšeo di latelago, o swanetše go etela kliniki ya kgauswi le wena gore o dirwe diteko tša TB:
• Go gohlola lebaka la go fihla dibeke tše tharo goba go feta; 
• Go gohlola sehuba sa madi; 
• Dihlabi kgareng, goba go kwa dihlabi ge o buša moya goba o gohlola; 
• Go fokotšega ga mmele e se ka maikemišetšo; 
• Molapo; 
• Go fišafiša . 
MAPHELOGo hwetša tshedimošo ka botlalo ka ga Protšeke ya Afrika Borwa le USAID ka TB, leletša: 012 484 9300.


