BMW yi nghenelela eka ku lwisana na GBV

vukuzenzele unnamed

Nyenyankulu 2020 Nkandziyiso 1 KU XANISIWA KA VAXISATINtlawa wa BMW wa le Afrika-Dzonga wu nyikete swipandzamananga swa ti BMW i3 leswi nga ta tirhisiwa hi vatirhi vo hlayisa lava kumekaka emigangeni ku fikelela vaxanisiwa va madzolonga lama simekiweke eka rimbewu.
Swipandzamananga swi amukeriwile hi Phuresidente Cyril Ramaphosa na Chanse-lara wa Jarimani, Angela Merkel. Swi nyiketiwile eka Nhlanganelo wa Mabindzu wa Afrika-Dzonga wa swa  Rihanyu na Aids (SABCOHA) ku yi lawula hi ku yimela Komiti yo Fambisa ya Nkarhinyana ya tisekitharanyingi ya madzolonga lama sime-kiweke eka rimbewu na ku dlayiwa ka vaxisati (GBVF).Ku hoxa xandla ka ntlawa wo endla swipandzamananga swi kombisa xinakulobye lexi kulaka exikarhi ka mfumo na hlangano ya vaaki, loku katsa-ka sekithara ya mabindzu na varinganisi va matiko ya misava eka ku lwisana na GBVF.Pfhumba leri i xiphemu xa Nkwama wo Cinca Tifeme to Endla Swipandzamananga (lowu durhaka R6 wa tibiliyo-ni) lowu nga tumbuluxiwela ku cinca migingiriko yo vuyerisa ya vumaki bya swipandzamananga no olovisa ku nghenelela eka sekithara hi mitlawa leyi khale na hi ku ya hi matimu a yi ri evuswetini leyi katsaka vaxisati, vantshwa na vanhu lava nga tsoniwa.Loko a vulavula eka ntlangu wo nyiketa swipandzamana nga, lowu a wu khomeriwe eka feme yo endla swipandzama nanga ya Ntlawa wa vumaki wa BMW eRosslyn, eTshwane ku nga ri khale, Phuresidente Ramaphosa u vule leswaku swipandzamananga swi ta pfuneta ku hlayisa vutomi. U kombisile ku khensa swinene eka BMW ku va yi ve khampa ni yo sungula ku nyikela hi swipandzamananga, naswona u hlohlotele letin’wana ku endla tano.“Xikombiso lexi khomekaka xa vuakatiko bya vun’wamabindzu lebyinene xi rhumela mahungu lamanene no va erivaleni ya leswaku hi navela leswaku tikhampani tin’wana na tona ti swi tekela enhlokweni no swi endla.“Vukona bya BMW eAfrika-Dzonga byi kombisa vuxaka bya swa ikhonomi lebyi veke kona nkarhi wo leha no tiya exikarhi ka Jarimani na Afrika-Dzonga.
Kungu ro angula hi xihatla ro ololoxa GBVMfumo wu le ku simekeni ka kungu ro angula ra xihatla ku ololoxa GBVF.Kungu ra Matirhelo ra Rixaka hi mayelana na GBVF leri kombisaka magoza yo hlaya yo lwisana na GBVF, na rona ri endliwile.“Kungu ri kongomisa eka ku tiyisisa matshalatshala yo sivela na ku vona leswaku ku na vuhlayiseki na vululami bya vaxisati na vana etikweni ra hina. Kungu ri tlhela ri khumba ku nyika matimba ya swa ikhonomi, mhaka leyi nga ya nkoka swinene leyi hina tanihi mfumo hi nga ta kongomisa eka yona,” ku vula Phuresidente RamaphosaNhloko ya Ntlawa wo Endla na mutshamaxitulu wa BMW ya Afrika-Dzonga, Dokodela Milan Nedeljkovic u vule leswaku ntsengo wa vanhu va 4 000 eAfrika-Dzonga va thoriwa hi ku kongoma hi Ntlawa wa BMW, lowu katsaka mune eka ntlhanu wa vamininjhere va laha tikweni.Hi ku engetela eka sweswo, Nedeljkovic u vule leswaku ku tlula 40 000 wa vanhu va thoriwile hi ndlela yo ka yi nga kongomi hi mihlangano ya khamphani eAfrika-Dzonga.“Ndhawu ya hina yo sungula yo letela ya ximfumo eka BMW ya le Afrika-Dzonga yi pfule minyangwa ya yona hi 1978 naswona ku sukela kwalaho, ku tlula 2 000 wa vatirhi va leteriwile hi BMW na ku kuma mitirho eka BMW.“Malembe manharhu lama nga hundza, khamphani yi pfurile akhademi ya vuleteri ku tlakusa vuleteri bya xithekiniki byi va eka xiyimo lexintshwa.U vule leswaku maanakanyelo ya khamphani ya khwati hata dyondzo tanihi xilotlelo xa ku humelela, naswona “ku dyondza vutomi hinkwabyo hi ku tirhisa Ntlawa wa BMW i xiphemu xa ku humelela kwaloko.”“Hi 2025, hi ta seketela miliyoni yin’we ya vana na vantshwa emisaveni hinkwayo hi ku tirhisa minongonoko ya dyondzo leyi kongimisiweke hi ri karhi hi kongomisa eka minongonoko ya swikili”. Phuresidente Cyril Ramaphosa na Muchanselara wa Jarimani Angela Merkel hi nkarhi wa ku hundzisela swipandzamananga leswi nyikeriweke hi BMW ku pfuneta ku lwa na GBVF.
