Funga u Tsime

Silusapho Nyanda

HU NA ZWITHU zwinzhi zwine vhathu vha Afrika Tshipembe vha nga ita u vhulunga muḓagasi na u thivhela phungudzo ya muḓagasi.
Mulanguli wa Tshiṱitshi o tou Farelaho kha Tshiṱitshi tsha Muḓagasi tsha Matimba tsha Eskom Vho Obakeng Mabotja vho amba uri ṱhahalelo ya muḓagasi wo teaho kha ḽa Afrika Tshipembe zwi kwama matshilo a vhathu ngauri mishumo ino dzulela u itwa  musi hu na phungudzo ya muḓagasi. Tshiṱitshi tsha Muḓagasi tsha Matimba tshi wanala Lepha-lale, Limpopo.Vho Mabotja vho ṱalut-shedza uri phungudzo ya muḓagasi i bvelela musi Eskom i tshi balelwa u bve-ledza muḓagasi wo linganaho u swikela ṱhoḓea dza shango. Ngauralo ndi zwa ndeme, uri vhathu vhoṱhe vha Afrika Tshipembe vha ite zwine vha nga kona u shumisa muḓagasi muṱuku.Tsivhudzo i bvaho kha vha Eskom zwi tshi ya kha u shumisa muḓagasi mutuku:
• Kha vha tsime mavhone musi vha tshi bva lufherani• Kha vha shumise gulupu dza LED• Kha vha tsime zwishumis-wa zwa muḓagasi musi zwi sa khou shumiswa• Vha shumise maḓi a u rothola fhedzi, nga nnḓani arali hu na zwa ndeme• Kha vha shumise nguvho ya thyemaḽa u fukedza giza yavho.Zwiitisi zwinzhi zwi nga thivhela mveledzo ya muḓa-gasi, zwi tshi katela ndondolo, u tsima hu songo lavhelelwa-ho na, tsha ndemesa, mutsho. Vho Mabotja vho amba uri ḽimaga ḽavho, nga maanḓa, ḽo kwamea nga mutsho wa mufhiso u re nṱha. Vho amba uri: “Nga maḓu-vha o no fhisesa, tshiṱitshi a tshi koni u bveledza muḓa-gasi nga nḓila yo teaho.”Tshiṱitshi tsha Muḓagasi tsha Matimba tshi shumisa mala-sha u bveledza muḓagasi, nahone tsho itwa nga nḓila ine tsha bveledza Mega Watsi (MW) dza 3990. “Muḓagasi u kovhekanywa nga kha tshiṱitshi tshiṱuku tsha khovhekanyo. U tshimbila kha zwirathisi zwa voḽithedzhi ya nṱha wa fhira kha ṱhirantsifoma ya u fhungudza u itela u fhungudza voḽithedzhi. Muḓagasi u konaha u rathiswa wa ya kha gridi ya lushaka.”Vho Mabotja vho amba uri malasha a tshiṱitshi tsha muḓagasi a bva kha mugodi wa Exxaro Grootegeluk. A endedzwa nga sisteme ya u tshimbidza a iswa kha dzi silo na dzi bunker dza Matimba, phanḓa ha musi a tshi iswa kha zwigayo hune a kwashekanyiwa a shandukiswa a vha muḓagasi. vU wana tsivhudzo nga vhuṱalo kha zwauri vha nga vhulunga hani muṱagasi, kha vha dalele webusaithi ya Eskom: www.eskom.co.za Tshiṱitshi tsha Muḓagasi tsha Matimba ngei Limpopo tshi khou ita mushumo wa ndeme vhukuma kha u bveledza muḓagasi Afrika Tshipembe



