Go goteletšwa le go  timelwa mohlagase 

Silusapho Nyanda

GO NA LE DILO tše ntši tšeo maAfrika Borwa a ka di dirago go seketša mohlagase le go efoga go kgaolwa ga mohlagase. 
Molaodi wa Motšwaoswere wa Seteše sa Mohlagase sa Eskom sa Matimba, Obakeng Mabotja, o boletše gore go hlokega ga mohlagase wo o lekanego ka Afrika Borwa go ama maphelo a batho ka gobane mediro ya ka mehla e ka se kgo nege nakong ya go kgaotšwa ga mohlagase. Setiši sa Mohlagase sa Matimba se ka Lephalale, Limpopo. Mabotja o hlalošitše gore go kgaotšwa ga mohlagase go di-ragala ge Eskom e palelwa ke go tšweletša mohlagase woo o lekanego go fihlelela tlhoko ya ka nageng. Ka fao go bohlokwa, a realo, gore maAfrika Borwa ka moka ba tsenye letsogo mo go seketšeng mohlagase. Maele go tšwa go Eskom ma-bapi le go seketša mohlagase:
• Tima mabone ge o etšwa ka phapošing• Šomiša ditlelupu tša LED• Tima didirišwa ge o sa di šomiši• Šomiša lepai la themale go apeša kisara ya gago.Go na le mabaka a mmalwa ao a ka šitišagotšweletšo ya mohlagase, go akaretšwa go lokiša, go kgaotšwa ga mohla-gase fao go sego gwa letelwa le, e lego se bohlokwa, maemo a boso. Mabotja o boletše gore pholante ya gabo, kudukudu, e angwa ke maemo a godimo a  dithempheretšhara. “Mo matšatšing a go fiša kudu seteše se palelwa ke go tšweletša mohlagase o montši ka fao se kgonago ka gona,” a realo. Seteše sa Mohlagase sa Ma-timba se šomiša malahla go tšweletša mohlagase, gomme se hlamilwe gore se tšweletše mohlagase wa Dimekawate tše 3990.“Mohlagase o phatlalatšwa ke setiše se sennyane sa phatlalatšo ya mohlagase. O sepela ka megala ya dibolthetše tša godimo tša mohlagase gomme wa fetela ditheransefomeng go fokotša bolthetše. Ke moka mohlagase o romelwa kabong ya mohlagase ya bosetšhaba.”Malahla a seteše se sa mo-hlagase a tšwa moepong wa Exxaro wa Grootegeluk. Wona a sepetšwa ka mokgwa wa lepanta go ya ka dišegong le dibong tša Matimba pele ga ge a išwa ka tšhilong go yo šilwa le go fetošetšwa go ba mohlagase, gwa realo Mabotja.


  
