Asonge Igezi Khona Ingazokuqinteliswa

Silusapho Nyanda

KUNEZINTO EZIMBALWA ezingenziwa maSewula Afrika ukonga igezi nokukhandela ukucinywacinywa kwayo.
UmJaphethe wom Phathi wesiTetjhi sakwa-Eskom i-Matimba Power Station u-Obakeng Mabotja wathi ukutlhayela kwamandla aneleko ngeSewula Afrika kunomthelela emaphilweni wabantu ngombana imisebenzi yangemihla  ayenzeki nakucinywacinywa igezi.
I-Matimba Power Station ise-Lephalale, eLimpopo.U-Mabotja wahlathulula bonyana ukucinywacinywa kwegezi kwenzeka lokha i-Eskom nayibhalelwa kuphe-hla igezi eyaneleko ukuhlangabezana neendingo zelizwe. Ngalokho-ke kuqakathekile bonyana woke amaSewula Afrika afake isandla emizameni yokonga igezi.Iinluleko ze-Eskom ngokonga igezi:
• Cima ilampa nakungana-muntu ngekamureni• Sebenzisa amadlhobhu we-LED• Cima iinsetjenziswa nazingasebenziko• Sebenzisa amanzi aqandako kwaphela, ngaphandle kwalokho nakunesidingo, • Sebenzisa ingubo yegizara ebamba umtjhiso.Kunabonobangela aban-gakhandela ukuphehlwa kwegezi, kufaka hlangana ukulungisa, ukucinywa kwegezi okungakahlelwa, nobujamo bezulu. U-Mabotja wathi isitetjhi esingaphasi kwelawulo lakhe,  ngokukhethekileko, sitsh-wenywa mazinga womtjhiso aphakemeko. “Ngamalanga adlangelwe mtjhiso, isitetjhi sibhalelwa kuphehla igezi ngokupheleleko,”.I-Matimba Power Station isebenzisa amalahle ukuphe-hla igezi begodu yakhelwe ukuphehla amamegawathi azii-3990 MW. “Igezi isatjalaliswa ngeentetjhi eziphakelako. Ikhamba ngemizila yegezi yezinga eliphezulu idlule kumath-ransfoma ukwehlisa amandla wegezi. Igezi bese idluliselwa kusisa-balalisigezi selizweloke.”Amalahle asetjenziswa kilesi sitetjhi abuya emayini yeExxaro’s Grootegeluk . Akhanjiswa lihlelo lama-bhande asiwe eenlulwini ze-Matimba ngaphambi kokudluliselwa eengayweni lapho asilwa khona abeyigezi, kwatjho u-Mabotja. 


