IONAS PROPHE:
TA ELEGIACO CAR: 
mine redditus per Rod. Gualth.
Clara fuit quondam, NINEVEN dixere vetusti,
Urbs fama, gestis divitiisque potens. 〈 Descriptio Nineves 〉
Hanc nimium longo cingebant tramite muri
Qui primis stabant sydera ad alta suis.
Quos quicunque tribus poterat circumire diebus,
Velocis poterat nomen habere simul.
Mille et quingentae stabant ex ordine turres,
Assyriae clarum nobilitatis opus.
Extructae Pario surgebant marmore Divum.
Aedes, magnorum et tecta superba Ducum.
Undique de vivo manabant gurgite fontes, 〈 gurgite 〉
Undique piscosis nobile flumen aquis.
Nulli divitiis, nulli cedebat honore
Exuperans omnes laude superba locos.
Vicerat hęc varias variasque subegerat urbeism,
Et multas armis accumularat opes.
Undique splendebat veterum laude atque triumphis,
Et multis stabant clara tropaea locis.
Sed quantum fastu, quantum pollebat honore, 〈 Ninevitarum peccata 〉
Tantum erat iniustis obruta criminibus.
Numinis non illic, non iusti cura vigebat
Non virtutis amor, non honŏs ullus erat.
