Ast hic ceu claro resplendes aethere sydus 
Emicat, et diam praefert in corpore formam,
Os humerosque deo similis, nam plurimus olli 
Splendor inest, pulchroque micat sub corpore virtus,
Nunc etenim prima rubeas lanugine malas 
Contegit, et prima resplendent ora iuventa,
Atque oculi blandi fulgent, queis plurima lucet 
Gratia, tum placidum fert blandum lumen amorem,
Quid referam placidas venientes pectore voces, 
Quas laudant cuncti proceres dictisque moventur 
Orantis pueri, nec quis male sanus honorem 
Invidet insignem, cuncti sed munere dignum 
Affirmant tanto, inque animo maiora precantur. 
O foelix nimium iuvenis, nisi forma decora 
Cepisset dominam, dirusque cupidinis ignis.
„ Improbe et infoelix, quae tu non corda Cupido
„ Flectis, dum coecum spiras male fidus amorem?
„ Hei quantos multis casus quantasque ruinas 
„ Movisti sęvis, celeres dum saepe sagittas 
„ Immittis miseris irritamenta malorum, 
„ Et modo fortunę iuvenis proh improbus obstas.
Nam mulier forma praestans, quam Putiphar olim 
Duxerat in thalamos communis foedere lecti, 
Cumque illa foelix plures exegerat annos, 
Ut iuvenis vidit formam lętique ruboris 
Vultum, qui placidum semper spirabat amorem, 
Laudat formosam faciem plenamque pudoris
Quo puer offusus tingebat saepius ora. 
Nunc habitus spectat claros, nunc corpora laudat 
Mollia, praeclarum iuvenili in corpore pectus,
