Sit tibi, non magis hac res placet ulla Deo.
Sitque fides constans comes et sit splendida virtus,
Quę te coelicolis efficit esse parem.
Attamen hei caveas ( moneo ) fera pectora fratris,
Hei nimis in cędes dextra parata sua est.
Sed Deus, ut spero, semper tua vota iuvabit,
Patris avique tui qui Deus usque fuit.
Hunc tibi devota statuas cum mente colendum,
Is tibi successum consiliumque dabit.
Haec, qua ceu pręsens tecum me corda loquela
Solarer, misi scripta legenda tibi.
Nate vale dulcis foelicia tempora vitae
Vivito, sit reditus o brevis hora tui.
