﻿In nomine Domini nostri Jesu Christi. Anno nativitatis eiusdem millesimo ducentesimo quadragesimo quarto tertio Kalendas Septembris. Noverint universi praesentes pariter et futuri quod cum ego frater Ferrarius inquisitor haereticae pravitatis, et Guillelmus Raimundi Ordinis Praedicatorum olim collega meus in diocesi Albiensi inquisitionem de haereticis et infamatis ex mandato facerem apostolico invenimus per testes ydoneos et sufficientes Raymundum de Malafalgueria quondam de Monteacuto memoratae diaecesis Albiensis se in obitu haereticis reddidisse, promittendo illis firmiter et profitendo sectam illorum dum viveret se tenere, eamque nullatenus timore mortis, vel alia dimittere occisione, ac juxta promissum de dicta secta damnabili, et perversa postmodum non resiluisse. Tandem vero nos frater Ferrarius memoratus, et frater Petr Duranti Ordinis ejusdem inquisitores haereticae pravitatis in provincia Narbonensi, et Albiensi, Ruthenensi, Mimatensi, et Avicionensi diocesibus authoritate apostolica constituti. Quoniam crimen istud non solum in vivos sed etiam in mortuos, et etiam ipsorum haeredes per iura promptissima iudicantur praefati Raimundi de Malafalgaria haeredum citavimus pro eodem deffendendo quo comparente, nec deffensionem aliquam proponente vel proponere volente licet a nobis fuisset super hoc requisitus nos inquam inquisitores superius designati visis et diligenter inspectis ac attentis culpis et demeritis eiusdem Raymundi de Malafalgaria, et circunstantiis debitiis ex quibus motus animi nostri potuit multipliciter informari assidentibus nobis venerabili patre G. Deri gratia abbate Castrensi, ac viris providis, et discretis magistro Sicardo canonico Narbonensi et B. de Vermiliis jurisperito de ipsorum et aliorum magnorum discretorum virorum consilio diffinitive pronunciando judicamus eundem R. de Malafalgaria haereticum decesisse, et ipsum, et ipsius memoriam pari severitate damnates ossa eius si ab aliorum corporibus sive ossibus discerni poterunt de cimiterio ecclesiastico exhumari, semelque cremari decernimus in detestationem criminis tam nephandi. Actum fuit hoc apud Castras in plano ante Castrum in praesentia et testimonio Guillelmi Grimaudi prioris claustralis monasterii Castrensis, Isarni boni hominis monachi, et prioris de Monrocole, Ermengarii de Elargio prioris sancti Pauli de Cadaiouis, Ermengavi Amelii, Raimundi de sancto Privato monachorum Castrensium, fratris Stephani hospitalarii comendatoris de Rassaco, et de sancto Cirroto, Guillelmi Michaelis de Gauna Simonis de Viridario castellani de Castris, Guillelmi clerici, P. de Pradellis, P. Gauandum, P. Grimaudi, Raimundi de Auriaco, Jordani de Rocale, P. Grandis notarii Biterris, Petri Ariberti, et plurium aliorum ad hoc specialiter vocatorum, et mei Guiraudi Crepati notarii qui mandatus haec omnia scripsi.



In nomine Domini nostri Jesu Christi. Anno nativitatis ejusdem millesimo ducentesimo quadragesimo quarto decimo septimo Kalendas Septembris. Quoniam nos frater Ferrarius, et frater P. Duranti Ordinis Praedicatorum inquisitores haereticae pravitatis in provincia Narbonensi, et Albiensi, Ruthenensi, Mimatensi, et Avicensi authoritate apsotolica constituti per inquisitionem quam de haereticis, et etiam diffamatis ex apostolico facimus mandato invenimus quod tu Isarne Bernarde de Fanoiovis diocesis Tholosae miles sicut tu ipse confessus es in judicio coram nobis haereticorum perversis dogmatibus et doctrinis interfuisti, adorasti haereticos pluries, et in pluribus locis, et visitasti eos, haereticationi seu consolamento ejusdem interfuisti, credidisti haereticos per triginta annos sperans te salvari in eorum secta nepharia, et dampnata, benefecisti eis in quadam infirmitate tua medicum haereticum habuisti, persolvisti haereticis quindecim libras Tholosanas pro prelio bladi, quod eis in morte sua legaverat frater tuus, celasti non solum fratri Guillelmo Arnaldi Ordinis Praedicatorum, et fratri Stephano Ordinis Fratrum Minorum bonae memoriae olim inquisitoribus in Tholosa et diocesi Tholosana, verum etiam fratri Poncio Garino collegae mei fratris Ferrerii, scitatus per eundem scienter de his quae sciebas super crimine haeresis veritatem contra proprium venire non metuens juramentum citatus peremptorie coram inquisitoribus venire contempsisti insuper, et mala malis accumulans praetet omnia supradicta convinceris post abjuratam a te solemniter haeresim per testes haereticos adorasse. Item tu Vesiada uxor Isarni Bernardi praedicti, sicut tu ipsa coram nobis confessa es, et in jure visitasti haereticos pluries, et in pluribus locis sermonibus eorum et doctrinis nephariis interfuisti multotiens, adorasti eos pluries, promisisti te infirmam ab haereticis pluribus et pluries visitari et comedisti de pane non solum ab eisdem benedicto, verum etiam in eadem mensa cum eis multotiens de his quae benedixerant more suo, bene fecisti eis, et recepisti eos, et fecisti ab aliis receptari celasti inquisitoribus supradictis de te et aliis cum pariurio veritatem, et quoniam post abjuratam haeresim eos adorares dubitare te dicebas, item eis credidisti ab annis discretionis salutem esse in eorum secta damnabili et perversa. Insuper in iniquitatis tuae cumulum et augmentum post abjurationem erroris visitando haereticos, adorando eos, sermones audiendo eorumdem sicut tu ore proprio confessa eis in abjuratam haeresim miserabiliter recidisti. Item tu Bernarde Hugo de Festa miles de dicto Castro Fanijovis cum haereticis pluribus, et pluries et in locis pluribus adorasses, benefecisses eis in blado, denariis, vestibus, et aliis, dedisses cuidam eorum nomine recipienti de mandato matris tuae haereticae deffunctae duos modios bladi, et dimidium, receptasses eos, et fecisses ab aliis receptari, infirmam visitari ab eis, comedisses de pane ab eis benedicto et in eadem mensa cum eis, permisisses te infirmum visitari ab eis sermones eorum pluries audivisses, persolvisses cuidam nomine haereticorum sexcentos solidos Melgorienses pro aestimatione rerum legatarum eis a quodam haeretico et recepto in factam eorum. Cujus haereticationi personaliter affuisti visitatus ab haereticis in infirmitate tua rogasses eos et pascissens cum eis ut si in articulo mortis esses licet, sed non haberes usum linguae nilominus te in suam sectam reciperent legando eis valens centum libras Melgorienses duxisses et associasses eos credidisses, ab annis discretionis te salvari posse in secta horribili eorumdem celare non erubuisses de multis inquisitoribus cum perjurio veritatem nihilominus post abjuratos errores in visitationibus et, adorationibus haereticorum in beneficiis multis, et solutione legati materni receptatione et comestione cum eis et colloquio petito damnabiliter recidisti sicut haec et alia in judicio es confessus et per testes convinceris pluries adorasse in tuo ad huc mandatio pariter et perjurio perseverans. Item tu Veziada uxor dicti Bernardi Hugonis de Festa visitasti haereticos in multis locis benefecisti eis, nutrita fuisti in puericia ab avia tua haeretica comedens cum eis in eadem mensa de pane benedicto, et aliis adorasti eos pluries sermones eorum audivisti haereticationi cujusdam personaliter interfuisti, credens eorum fuisti, ab annis discretionis tuae celare fere omnia supradicta inquisitoribus post datum a te juramentum nequiter praesumpsisti fuisti relapsa in visitatione haereticorum, adoratione receptatione, praedicatione et beneficiis eorumdem. Item in Galbarde miles de Fanojovis visitasti haereticos pluries et in pluribus locis permisisti quidam haereticaretur in domo tua interfuisti sermonibus haereticorum et haereticationi quorumdam qui se in habitu reddiderunt haereticis adorasti eos pluries duxisti et associasti eos persolvisti eis ducentos solidos quod frater tuus haereticatus legaverat et praeceperat eis dari supprimere veritatem scienter inquisitioribus cum perjurio minime dubitasti convinceris per testes post abjuratam haeresim a te haereticos quod tu obstinato animo non formidas iniquitatis tuae cumulum occultare. Insuper ab annis discretionis tuae salvationem esse in eorum secta pestifera credidisti. Item tu Gaia uxor quondam Raimundi de Villario diocesis Tholosanae quae haereticos in locis pluribus visitaveras sermonibus eorum interfueras et apareillamento eorum pacem ab eis et a mulieribus astantibus more caeterorum credentium acceperas adoraveras eos pluries benefaciens eis comedens cum eis in eadem mensa de his quae benedixerant more suo credens eorum, ab annis discretionis tuae sicut tu confessa es extitisti insuper coram praefatis inquisitoribus necnon et coram fratre Poncio Garino collega mei fratris Ferrarii celare contra juramentum quod praestiteras veritatem minime timuisti. Item tu Petre de sancto Michaele de Fanojovis sicut tu confessus es in judicio coram nobis credens fuisti haereticorum quadraginta quinque annis et in augmentum ejusdem credentiae manifestum, adorasti eos pluries et in pluribus locis  visitasti eos interfuisti apareillamento eorum et haereticationi quorumdam pacem accepisti ab haereticis ex transverso receptasti eos in domo tua permittens ibidem dogmatizare in tua et aliorum praesentia comedisti cum eis invitatus in eadem mensa de his quae benedixerant more suo, insuper ad tuarum ex aggregatione culparum non es veritus coram fratribus inquisitoribus supradictis et coram fratre Poncio Garino contra proprium juramentum supprimere veritatem convinceris etiam per testes postquam abjurasti haeresim, haereticos adorasse ad huc in tuo perjurio simul et mandatio damnabiliter perseverans. Item tu Galharda uxor quondam Raimundi Garsias de Fanojovis visitasti haereticos pluries et in pluribus locis sermonibus quorumdam pacem accepisti a libro eorum et ab astantibus mulieribus ex transverso adorasti eos benefecisti eis, ab annis discretionis te salvari posse in eorum sexta damnabili credidisti. Insuper ad tuae inquitatis augmentum celare non erubuisti contra iuramentum proprium inquisitoribus veritatem. Item tu Orba uxor Guillelmi de Villanova de Praemerario visitasti haereticos pluries et adorasti comedisti cum eis in eadem mensa de his quae benedixerunt more suo sermonibus haereticorum et haereticationi quorumdam intterfuisti, tenuisti eos absconsos pro haereticando socio tuo et adducens eos ad haereticandum eum et reducens, inde facta haereticatione receptasti, et fecisti ab alio receptari in utroque loco eis in victualibus providisti asservisti quod ex quo discretionem habuisti eorumque erroribus credidisti adiungens quod eos quotienscumque oportunitatem habere poteras adorabas citata peremptorie non solum contempsisti ad culpae tuae augmentum coram inquisitoribus comparere quin potius cum venisses elapso peremptorio coram eis non erubuisti cum perjurio supprimere veritatem. Item Ponci de Montelauro de Laurano diocesis Narbonensis visitasti haereticos pluries et adorasti eos caelasti inquisitoribus supradictis non solum cum perjurio veritatem. Verum etiam post abjuratam haeresim visitasti eos adorasti associasti. Item per fratrem Poncium Garinum citatus non dubitasti veritatem contra juramentum proprium occultare. Insuper per viginti annos te salvarii in eorum secta damnabili credidisti. Item tu Guillelma de festa uxor Mauri de Alagritano visitasti haereticos pluries adorasti comedisti cum eis de his quae benedixerant more suo fuisti cum parentibus tuis in puricia tua qui erant haeretici apud Montemsecurum perversis eorum praedicationibus et doctrinis interfuisti, credens ab infancia te salvari posse in eorum secta damnabili ac per eos et post haec omnia in iniquitatis tuae cumulum et impuniae signum cum gratis posses et deberes venire contempnens non nisi citata voluisti coram inquisitoribus comparere. Item tu Michaela uxor Arnaldi de Laurano fuisti nutrita inter haereticos comedens cum eis de his quae benedixerant more suo accepisti pacem ab eis pluries ex transverso benefecisti eis post primam confessionem tuam in qua caelasti cum parjurio veritatem visitasti eos adorasti eos non nisi citata et deprehensa voluisti ante inquisitorum praesentiam comparere insuper ab annis discretionis credidisti in eorum fide nepharia te salvari. Item tu Miro Bernardo de Lauraco miles qui cum haereticos visitasses adorasses pluries interfuisses perversis eorum praedicationibus et insanis de controversia quam habebas cum aliis compositionem per manum haeretici recepisses persolvisses ei centum solidos sterlingorum de mandato fratris tui deffuncti credens eorum annis triginta quinque fideliter extitisses sperans te salvari si in manibus decederes eorumdem non dubitasti coram inquisitoribus veritatem occultare et animae tuae periculum ex certa scientia deierare in eodem ad huc damnabili perjurio perseverans quaedam quae novisti de te ac aliis sicut per testes legitime vobis constat per fraudem et malitiam supprimendo. Item tu Ramunde Turre de Cuella diocesis Tholosae quia adoraveras haereticos pluries et in locis pluribus et visitaveras eos de loco ad locum duxeras per viginti quinque annos credens fueras eorumdem sperans salutem in eorum secta damnabili et insana sermones et dogmata eorum multotiens audiendo ad culpae tuae cumulum et augmentum voluisti imo potius contempsisti coram fratre Guillelmo Arnaldi et fratre Stephano bonae memoriae inquisitoribus cum inquirerent de haereticis et etiam diffamatis apud Fanumjovis ubi tu faciebas residentiam comparere.
Idcirco nos inquisitores praefati cum nos omnes praenominatos Tholosae et Narbonae diocesum non solum per confessiones vestras superius expressas sed etiam ex testimoniis aliorum in crimine labis haereticae multipliciter deliquisse et haereticorum erroribus deliquisse deprehendimini tamen quia licet tales fueritis et taliter deprehensi ad ecclesiasticam veritatem prout asseritis de corde bono et fide non ficta saniori utentes consilio revertimini praefatos errores quibus temere credidistis et omnem aliam pravitatem haereticam prorsus in nostris manibus abjurantes et haereticos cujuscumque sectae non solum non recepere celare aut deffendere vel credere quin potius eos eorum quae nuncios bona fide persequi vel capere vel saltem ecclesiae aut principibus eorum aut ballivis qui eos fideliter capere velint et valeant ac fidem catholicam quam sacro sancta Romana ecclesia tenet et praedicat servare et deffendere et pro culpis vestris supra expositis perpetui carceris paenitentiam quam dominus papa talibus deprehensis specialiter mandat injungi omnesque aliam juxta nostrae beneplacitum voluntatis subire pariter et complere atque universis et singulis nostris et ecclesiae mandatis absolute obedire jurantes et si contra feceritis sponte vos ad paenam haereticis debitam obligamtes et recognoscentes quod ab excommunicationum vinculis quibus tenebamini pro praemissis astricti estis per vos juxta formam ecclesiae absolutionis beneficium assecuti sub ea conditione et retentione quod si veritatem de vobis et aliis inventi fueritis suppressisse et si mandata quae vobis injunxerimus et omnia quae nobis jam alias promisistis et in praesenti promittitis et juratis non servaveritis et compleveritis ex tunc vobis absolutio praefata non prosit sed pro non facta penitus habeatur adjunctis nobis ad haec sollicitius exequenda venerabili patre G. Dei gratia abbate Castrensi et viris providis et discretis magistro Sicardo canonico Narbonensi et capellano seu rectore de Castris et B. de Vermilliis de Castris de ipsorum et aliorum plurium magnorum et specialiter reverentissimorum Petri Dei gratia Narbonensi archiepsicopi et Raimundi eadem gratia Tholosani episcopi consilio ad agendam condignam paenitentiam de praemissis quibus Deum et ecclesiam nequiter offendistis paenitentiam perpetui carceris vobis juxta mandatum injungimus apostolicum et vobis universis et singulis in virtute praestiti juramenti quo vos ad recipiendam hujus paenitentiam et omnia mandata ecclesiae ac nostra voluntarie sicut expressimus obligastis praecipimus ut ubicumque vobis mandaverimus vos protinus detrudatis et ibidem faciant salutarem et perpetuam mansionem sane si hoc mandatum nostrum implere nolveritis aut ingredi differendo aut post ingressum forsitan exeundo aut alias contra superius a vobis abjurata jurataque sive promissa quocumque tempore veniendo ac per hoc fictam confessionem vestram et in paenitentiam declarando vos ex tunc tanquam impenitentes perjuros et haereticos culpisque astrictos prioribus et omnes qui vos scienter aut receperint aut deffenderint aut vobis non implentibus vel ne impleant consilium auxilium qualitercumque impederint vel favorem tanquam haereticorum fautores receptatores et deffensores excommunicationis vinculo authoritate qua fungimur innodamus decernentes reconciliationem et misericordiam vel factam ulterius prodesse non posse et juste vos pariter ex tunc seculari judicio velut haereticos relinquentes. Actum fuit hoc apud Castras in plano ante capud Castri in praesentia et testimonio fratris Stephani Gardiani Domus Fratrum Minorum Albiae Petri Grandis notarii Biteriis Petri Ariberti et aliorum quamplurium clericorum et laicorum ad haec solemniter convocatorum et mei Guiraudi Trepati notarii publici qui mandatus hoc scripsi.
