|| a+'oM swa sti | sangs rgyas dang byang chub sems dpa' thaMd la phyag 'tshal lo || 'dir byas chos kyi 'brel cag tsam ci byed pa ni | sangs rgyas mngon par rdzogs par sangs rgyas nas chos kyi 'khor lo rim gsuM gsungs | de yang bsdu na drang pa'i don gyi mdo'i ste dang | nges pa'i don gyi mdo' ste gnyis su 'dus te | kun rdzob kyi bden sa bston pa dang | gang zag gi bsam
pa la ltos pa'i don dam pa'i bden pa bstan pa ni drang don yin la | dngos po'i gnas lugs kyi don dam pa'i bden pa spras bral ston pa ni nges don yin | sangs rgyas myang na las 'das nas yod dbu brgya na slob dpon thogs med byon | de yang mdo'i nas lung bstan te | nga ni myang nas das 'og du || lo ni dbu brgya lon pa na | thogs med zhes bya'i dge' slong 'byung || nga'i mdo'i
ste 'byed par 'gyur zhes gsungso || slob dpon thogs med kyis shes rab kyi pha rol du phyin pa nyi khri lnga stong pa la gzigs pa na don gyi 'brel pa khong su ma chud tshig so sor bcad pa sa gcod yang ma shes te | 'gron po'i skye bo phyogs gtor ba bzhin du gyur pas | nga yang bde' bar gshegs pa'i gsung rab la rgya ring su gyur na skye bo gzhan smos su yang med pas | sangs rgyas kyi sa'i
cha 'di nyid du gzhan gyis bar du ma chod pas byang chub du lung bstan pa bcom ldan 'das byams pa yin pas | ngas dang po byams ba bsgrubs la de nas byams pa'i zhal mthong nas mdo'i ste dbye bar bya'o snyam nas | byams pa bsgrubs pas lo dbu na byams pa'i zhal mthongo | | kha cig dag lo bcu' gnyis su bsgrubs pas byams pa'i zhal mthong par 'dod de || skye ma thogs med nags
su lo || bcu gnyis bar du sems dpa' bsgrubs || sems dpa' ma grub glang chen gyi ||  rgyab khal longs pa'i grub mtha' brtsams | ces so || byams pa'i zhal mthong nas byaMs pa'i rdzu 'phrul la brten nas dga' ldan du byon lo nya bzhugs byams pa'i chos lnga bsan pas shes rab kyi dbang po rgyas bar gyur | de nas 'dzaM bu gling pa'i seMn rjes su gzung pa'i don du 'dzaM bu gling du
byon | byaMs pa'i chos lnga skyes su khyer nas phyin | byams pa'i chos lnga po de yang drang ba'i don gyi 'grel ba dang | nges pa'i don gyi mdo'i sde'i 'grel pa gnyis su 'dus | de la 'byed gnyis dang brgyan gnyis ste bzhi po drang don gyi mdo'i sde'i 'grel pa yin | de yang 'byed gnyis po don dam pa'i bden pa'i mdo'i sde'i 'grel pa yin | rgyan gnyis po kun rdzob kyi bden pa ston pa'i
mdo'i 'brel pa'o | | 'o na 'gal ba khas blangs par yong ste | don dam pa'i bden pa ston pa'i nges don gyi mdo'i sde yin | kun rdzob kyi bden pa don pa drang don gyi mdo'i sde yin no zhes gong du bshad pa ma yin naM | 'byed gnyis dang rgyan gnyis te bzhi po drang don gyi mdo'i sde'i 'grel pa yin no zhes nas | yang 'byed gnyis don dam pa'i bden pa ston pa'i mdo'i sde'i 'grel pa yin no
zhes pa 'gal lo zhe na | mi 'gal te kun rdzob kyi bden pa ston pa drang don gyi mdo'i ste yin te | gang zag gi bsam pa la ltos pa'i don dam pa'i bden pa ston pa yang drang don gyi mdo'i sde yin la | 'byed gnyis po gang zag gi bsam pa la ltos pa'i don dam pa'i bden pa ston pa'i mdo'i sde'i 'grel pa yin pas | dra don gyi mdo'i sde'i 'grel pa yin


pa mi 'gal lo || de la theg pa chen po thun mong dang thun mong ma yin pa'i shes bya dang lam dang 'bras bu ston par byed pa dbus dang mtha' rnam par bbyed pa | de'i mtshan nyid kyi le'u las 'spros pa chos dang chos nyid rnam byed yin te | gnyis snang zhen pa dang bcas pa'i yul dang yul can chos kyi mtshan nyid de | 'khor ba'i spros pa'i gnyen po yin | de'i chos nyid gzung 'dzin
gnyis su brtags pas stong pa de chos nyid kyi mtshan nyid de | myang na las 'das pa'i tha snyad kyi rten no | | gal te mngon rtogs brgyan drang don gyi mdo'i sde'i 'grel pa yin na | de ni rgyas 'bring gsum gyi 'grel pa yin pas | shes rab kyi pha rol du phyin pa drang don gyi mdo' yin nam zhe na | 'di ma kha cig dag ni rgyas 'bring gsum drang don gyi mdo'i sde rang yin la | nges
don gyi mdo'i sde ne rgyud bla ma nas bshad pa'i gzungs kyi dbang phyug rgyal po'i mdo' dang | de bzhin gshegs pa'i snying po'i mdo' lasogs pa yin no zhes 'dod do | | lang kha cig ni lo tsha ba'i dgongs pa de ltar me 'dod de | rgyas 'bring gsum nges don gyi mdo' sde yin yang | mngon rtogs rgyan drang don gyi mdo'i 'grel pa yin sa mi 'gal te | shes drab pa rol phyin pa
rgyas 'bring gsum nas | dngos su gzhi skye ba med pa dang lam skye ba med pa dang rnam pa skye ba med pa gsum gsungs la | shugs la skye med bsgom pa'i rnal 'byor pa rnams kyi mngon rtogs skye ba'i rim pa cig gsungs pa la | mngon rtogs brgyan gyis shes rab kyi pha rol du phyin pa rgyas 'bring gsum nas dngos su gsungs pa'i skye med gsum ma bshad | shugs la gsungs
'i skye med gsum bsgom pa'i rnal 'byor pa rnams kyi mngon rtogs skye ba'i rim pa mngon rtogs brgyan gyis bshad la | mngon rtogs skye ba'i rim pa yang kun rdzob kyi bden pa yin pas | mngon rtogs brgyan dran don gyi mdo'i 'grel pa'o | | byang chub sems dpa'i spyod pa gtso' bor ston pa'i mdo' sde'i 'grel pa theg pa chen po'i mdo' sde brgyan no | |
des na rgyan gnyis 'byed gnyis bzhi po drang po'i don gyi mdo' sde'i 'grel pa yin la | theg pa chen po rgyud bla ma cig su nges don gyi mdo' sde'i 'grel pa yin no ||


