|| phags pa 'jam dpal la phyag 'tshal lo |  | bstan chos 'di la bshad bshas thabs yan lag lnga las | dang po slob dpon gis mdzad pa ni ngo mtshar can gyi spyod pa bdun dang ldan pa'i zhi ba lta ste | de yang dpal na len dra dang nye ba'i sa phyogs ni grong khyer yul 'khor bzang po zhes bya ba bde ba lo legs pa myi dang skye bo mang pos gang pa zhig na
rgyal po rgyal rigs spyi bo nas dbang bskur ba'i rgyud pa ma chad pa rgyal po dge ba'i go cha zhes bya ba bzhugs te | des rang dang regs mnyam pa'i khyim 'thab 'ga' zhig bzhes nas dga' mgur phyad pa yang spyir rgya gang ba'i lugs kyis rgyal po sras myed na nus mthu can mang po bsogs shas gzugs chog byas pa'i bum pa glang pa che'i snang pa btags te | des myi gang gi ba go'i
thog tu sum pa bzhag pa de rgyal tshab du dbang bskur ba yin la | 'dir rgyal po'i btsun mo zhi ba la zla ba bcu'i cha la bu mgo'i gdugs lta bu dpral dbyes che ba sna'i zangs ring pa ste gzugs dang ldan pa'i sras gcig btsas bzhi mtshan yang zhi ba'i go che'o | | de nas ring po ma lon par sa ba rgyal po dgung du gshegs te yum des sras de bskyed bsrings te rgyal tshab tu dbang bskur
dan pa na 'bangs rnams kyis bgros te sras 'di rgyal por dbang bskuur la rgyal srid skyong par zhu ba mthun te sang gi nyin par rgyal tshab du dbang bskur ba'i dus la bas pa'i tshe khri rin po che sna tshogs kyis 'dras pa gnam 'phang dang zhe rgyar ldan pa'i gro chen po gcig bshas par byas nas rgyan mang pos 'dras te | nang par rgyal sar 'don pa na do nub rgyal bu rnal ba'i rnal lam rang khri la yi
dam gyi lta 'phags pa 'jam dpal bzhugs te | khyod kyi skye ba thams cad kyi dge ba'i bshes gnyen ni nga yin pas nga'i khri 'di la khyod ma 'dug cig | bu rgyal srid la rtsogs pa thad pa'i bar chad yin pas rab tu byung zhig ces gdam ngag kyang gsung par smyis so | | yang na gdam ngag de lta bu myi gsung yang khri la bzhugs par rmyis pa na de la bsdad du myi rung par mkhyen te
gnyid sad pa na rmyi lam gyi don dran te bdag rgyal srid la longs spyod par 'phags pas ma gan pa de khong na phrag don myed pas bdag rgyal sar bton na dmyal bar 'dzun ba yin la rgyal po spangs na byang chub 'grub pa yin par byung ngo snyam nas na le na dra'i gtsug chag khang du gshegs so | | de na mdo ste 'dzin pa brgya |  'dul bas zin pa brgya | ma mo 'dzin pa brgya | brtsod pa po
brgya | rtsom pa po brgya ste | paN Di ta lnga brgya bzhugs pa las | de rnams kyi nang nas mchog tu gyur pa la paN Di ta rgyal ba'i lta zhes bya ba la rab tu byung ste | rgyal srid la rtsogs pa mchil ma'i thal pa bzhin dor nas zhal ngo thar pa'i gdan sar gshegs pa ni ngo mtshar can gyi syod pa dang po'o | | | de'i tshe mkhan po rang gi ming gi | mthar mtshan dge
tshul zhi ba'i lta zhes bya bar btags so | | de nas rab tu byung pa'i bya ba ni bya ba las kyi 'khor lo dang | klog pa kha don gyi 'khor lo dang | nang du yang dbang 'jog pa bsam gtan gyi 'kho pas khyod gang la 'jug shes mkhan pos dris pas | bsam gtan la 'jug go ces zer te mkhan pos 'jam dpal brnon po'i bsgrub thabs gnang
nas 'dag khar mzad de bsgrubs pas de'i zhal mngon sum mthong las rtog ge ngan pa yongs su sbyangs pa blo'i me long la bde bar gsung rab mtha' dag gi don gyi gzugs brnyan snang par gyur nas skye po rnams pa phyin ci ma log ba'i rtogs pa bskyed pa'i don du bslab pa kun yas btus pa mdzod do | | de'i tshe spyod lam gnyis kyis gnas te nang gi spyod lam gsum 'phags


pa 'jam dpal gyi zhal blta ba dang | de la chos gsan pa dang dge ba'i chos yid la byed pa rtse gcig par gnas pa' ni rab du byung pa'i las ka mchog la zhugs pa ste ngo mtshar can gyi spyod pa gyis pa'o | ༈ | phyi'i spyod pa dang za mnyal ba dang chag pa gsum gyis gnas pas | slob dpon bsgrub pa mdzad pa'i dus su chos ston 'dren pa mang po byung pa na de'i tshe
de na yod pa'i rab tu byung sa rnams kyis phrag dog gi sgo nas rngan mying du btags pa ni 'bu su ku zhes pa 'du shes gsum pa ste za ba dang gos kyi 'du shes nyal ba dang 'greng pa'i 'du shes 'gro ba dang 'dug pa'i 'du shes gsum du 'du shes pa'o | | de nas de na gnas pa'i rab tu byung pa rnams kyis 'dus nas bka' bgros te spyir dge 'dun gyi yo byed 'di bsam gtan dang klog pa dang dge
'dun gyi bya ba byed pa gsum gyis longs dpyad par gan la yin pa las 'di ni gang yang myed pa bdag cag rab tu byung pa rnams ni sbyin bdag dad pa can rnams kyi nor ma yongs spyod dgos te de la yon tan khyad par can rgyud la skye dgos pa las dge tshul zhi ba'i lta 'di ni rgyal po'i bu skyid de bar gnas slob sbyong gang yang ma byas pas yon tan gang yang rgyud la myed de sbyin bdag gi no ro la
longs spyod par ma dbang ngo zhes gnas nas 'don par rtsom pa la | de'i mkhan po stobs dang ldan pas mkhan po'i gzi brjid kyis dngos su blo bur du gdon par ma nus te rab tu byung ba rnams bgros pas 'o skol rnams kyis mdo'i 'don pa'i re mo bya ste 'di la bab pa na | khos blo sbyong ma byas yin pas mdo 'don myi nus te rang don la 'gro'o zhes zer te mdo 'don pa'i ra bo bya bar
byas so | | de nas slob dpon la mdo 'don pa'i re mo 'bab pa na deg bskos pas mkhan po rgyal ba lha'i rtsar phyin te | khyed kyi mkhan bu la da ste zhag bdun ba mdo 'don pa'i re mos 'bab ste des blo sbyong la rtsogs pa ma byas pas mdo 'don pa'i nus pa myed de khyed rang gis 'don par zhu zhes bsnyad pas mkhas pa rnams kyi yon tan ni mkhas pa rnams kyis rig pa yin pas mkhan po
zhal nas re shig kho dang la dris dang khos ma byung na gdon par bya'o zhes gsungs pas | dge bskos pas slob dpon rtsar phyin nas kyed la zhag bdun na mdo 'don pa'i re mos 'ong ngo zhes smras so | | de nas cang myi gsung pa'i tshul gyis zhal gyis bzhes so | | de nas dge bskos pa ngo mtshar skyes te dge tshul zhi ba'i ltas mdo' 'don par khas blangs so zhes phyogs
kun du bsgrags pa na phyogs kun nas mdo'i nyan pa mang po lhags te mdo' 'don pa'i khri dma' ba'i dbang du byas na slob dpon gyis der byin pas mtho' bar gyur la khri dma' ba 'am yang na ras bcos bu sna tshogs kyi khri ta la bdun srid tsam du spangs mtho ba'i khri chen po bshams pa la slob dpon bya'i rgyal po ngang pa nam mkha' la 'phir ba ltar chos gos rnam pa gsum sku la bsnam
lhung zed dang gsel byadg phyag du bsnams nas khri la byon pas dma' bar gyur pa yin no | | de nas slob dpon gyis 'khor rnams la byams pas gzigs nas 'di skad ces sngon chad khyed rang la grags pa'i sangs rgyas kyi bka'i le lag cig gdon nam sngar ma grags pa'i nga rang gis byas pa'i bstan chos cig gdon zhes 'dam ka bor ro | | de nas 'khor rnams kyis sngar mye
pa'i khyed rang gis mdzad pa de gdon par zhu ces byas pa las sngan chad ma byung ci yang 'dir rjod myed zhes pa dang bcas te byang chub sems dpa'i spyod pa la 'jug pa 'di dbugs thog cig la zhal don du mdzad pa ni ngo mtshar can gyi spyod pa gsum pa'o | | | de nas 'khor rnams pa rabsu dka' ste byang chub sems dpa' blo gros myi zad pa zhes bya bar btags so | | de nas rnyed pa dang


| bkur bsti mang po byung pas sems g.yengs par gyur te | bdag ni rnyed mang bkur bstir bcas | | bdag la mang po dga' zhes | | de dra'i snyems pa 'chang 'gyur na | | 'chi ba'i 'og tu 'jigs pa skye zhes gsungs pas thar pa'i bar chod du gzigs nas lto phyogs kyi rgyud nye ba'i mchod rten dpal yon can zhes bya bar byon nas der bskor ba mdzad cing bzhugs
pa na | shul du 'khor rnams kyis slob dpon gyis gsungs pa'i bstan chos la zin bris byas pas rgyu gar nub phyogs pa rnams kyis tshigs su bcad pa bdun brgya pa steg pa bshags pa'i le'u logs su ma byas par le'u dgu pa cig byang ngo |  | byang phyogs pa rnams kyis tshigs su bcad pa stong lhag pa le'u snga ma lta bu cig byung ngo | | rgya gar shar phyogs pa'i paN Di ta myi brjed
pa'i gsungs dang ldan pa cig gis tshigs su bcad pa stong them pa sdig pa bshags pa'i le'u logs su byas pas le'u bcu pa gcig byung ngo | | de ltar slob dpon gyi gsung chad lhag myed pa ni rang rang gi ltar yin la khyed kyi de sgro 'dogs bkur 'debs kyi mthar lhung pa yin no zhes ma mthun no | | 'og tu bslab pa'i shes byed kyi skabs nas | gang phyir rtag tu spyad pa ni |
de las rgya cher rab ston pa'i | | bslab pa kun las btus pa yang | | nges par yang dang yang du blta | | zhes 'byung pa dang | yang na re shig mdor bsdus pas | | mdo rnams kun las btus pa blta | | slob dpon klu grub kyis mdzad pa'i | | gnyis pas 'cad pas blta bar bya | | zhes 'byung pas slob dpon gyi gsung chad lhag myed pa gang yin pa dang | bslab pa
kun las btus pa bya ba sus byas pa yin gang na yod | slob dpon klu grub kyis ma mdzad pa'i mdo kun las btus pa bya ba sus byas pa yin gang na yod bya ba dang | bstan bcos 'di la mchod brjod kyi ngag ma byung pa ji ltar yin dri pa'i nub phyogs byang phyogs shar phyogs te phyogs gsum nas slob dpon gyi tsar bang chen pa gsum gyis phyin nas dris pa las | slob dpon gyi
zha nas chad lhag myed pa ni rgya gar shar phyogs pa'i de yin pas de la nyan shad gyis shig | bslab pa kun las btus pa dang mdo kun las btus pa ni nga rang gis byas pa'i paN Da ta'i yi ge shing cho ngen pa bris pa nga rang gi sngas kha na yod pas shing lo bzang po la yi ge bzang pos byis pa phyogs dang phyogs mtshams su spel cig | mchod brjod ni bslab bsdus kyi mgo na
yod pas de bstan chos 'di'i mgor yang bris shig ces gsung ngo | | de nas bang chen de rnams kyis slob dpon gyi rnam thar dang snyan pa bsgrags pas der yang rnyed pa dang bkur sti mang du byung pas sems g.yengs te | bdag ni grol ba don gnyer la | | rnyed dang bkur bstis 'ching myi dgos zhes pas | thar pa'i bar chad du gzigs nas ri khrod dben pa gcig tu gshegs te der
phyi rol pa'i kun tu rgyu lnga brgyu dang re shig lhan gcig tu gnas so | | de'i tshe kha bar gyi rgyun nyin zhag bdun du ma chad par bab pas stegs dang zam pa thams cad nub par gyur te grong khyer du bsod snyoms la 'gro ba'i go skabs myed pas shin tu bkres par gyur to | | de nas kun tu rgyu de rnams na de bdag cag la 'tsho ba ster nus pa cig byung na de'i kha la nyan pa la zhes zer ba
la 'ga' zhig na re phyogs 'di na nang pa sangs rgyas pa'i dge sbyong gcig gnas te de la nus pa yod pa srid pas de la 'o skol gyi 'tsho ba sbyor ba zhus na zhes zer ro | | de nas slob dpon gdan drangs te kun tu rgyu de rnams kyis slob dpon la 'di skad du khyod la bdag cag gi 'tsho ba sbyor ba'i nus yod dam yod na khyod ji skad gsung pa nyan zhes smras so | |


de nas slob dpon gyis nga la nyan na de ltar bya zhes zhal gyis bzhes nas ngang pa nam mkha' la 'phur ba ltar grong khyed du gshegs nas 'bras chan lhung bzed gang blangs te nyid kyis gso pa | yang lhung bzed gang blangs sngar gyi dgon par khyer nas slob dpon gyis byin brlabs mdzad de kun tu rgyu lnga rgya gral na 'khod pa'i lhung bzed du bgos nas blugs pas kha dog la rtsogs
pa phun 'tshogs pa'i 'bras chan gyis de rnams khengs par byas te tshim par byas nas dbang phyug la ma skyabs par dkon mchog gsum la skyabs zhus cig gsung ste sangs rgyas pa'i bstan pa la bkod pa ni ngo mtshar can gyi spyod pa bzhi pa'o | | | de'i tshe kun tu rgyu rnams kyis byang chub sems pa sbyin bdag chen po zhes bya bar mtshan btags so | | de nas rgyal 'khams
de na rgyal po u t ra ge sar bya ba cig la blon po dge ba spyod pa gcig dang myi dge ba la spyod pa gcig ste gnyis yod pa las | dge ba la spyod pa de grongs nas myi dge cha spyod pa des rtig pa 'ba' zhig spyad pas | rgyal 'khams der bkra myi shis pa dpag tu myed pa byung pa las slob dpon gyis thugs kyis ma bzod nas | chos gos dang lhung bzed sbas te | khra rgyal cig
sku la gsol 'phags pa 'jam dpal gyi phyag mtshan shing pa byas pa ltar snang pa'i ral gri ba rnams te rgyal po'i pho brang gi sgo drung du byon nas rgyal po la 'dam bar zhes bsnyad pa dang | rgyal po'i zhal nas mi la bza' btung la rtsogs la byin nga la 'phrad pa'i don myed de 'ong zhes gsung ngo | | cis kyang mjal bar zhu zhes bsnyad pa dang 'o na myi de nang du thong gsung | de nas nang du byon te
slob dpon dang gsung geng mdzad pas slob dpon gyi yon tan rgyal pos rig ste | bdag gi blon po nus na gang ngm zhes zhes pas | shin bru sngo slog go zhes gsung nas rgyal po'i blon po mdzid de | rgyal srid chos dang 'thun par bsktangs pas slob dpen la bsod naba'ang me mched pa bzhin byung pa la rig pa la spyod pa'i blog pa de phrag dog skyes te | slob dpon gyi shing las byas pa'i
ral gri ltar snang pa de la snyad btags nags rgyal po dang dbyen byas te 'di skad du 'o pa skol rgyal srid skyong pa la go mtshon bzang po dgos pa la blon po 'di la ni shing pas byans pa'i ral gri las myed do ces bsnyad do | | de la rgral po slugs ma ches te slob dpon hyi ral gri ba ta ba'i phyir rgya'ang 'khams kyi dmag myi rnams bsogs te zhag gsum na dmag chen po cig 'dren dgos par yod pas
thams cad kyis go mtshon thogs cig ces smras so | | zhag gsum yon pa'i nyin mi dmag myi rnams 'bo gas te dmag myi rnams la rgyal pos | ral gri shubs nas phyung dang ba ltos byas pas khong rnams kyis ral gri phyung nas bstan | slob dpon gyi tsar yang phyin te khyod kyi ral gri yangs cha ston cig ces smras pa dang | slob dpon gyi zhal nas rgyal po de skad myi gsung par zhu
nga'i ral gri bstan na rgyal po'i spyan la gnod ces zhung pas | rgyal po ni re ral gri bstan pas myig la ci ste gnod ston zer ro | | 'o rgyal po'i spyan g.yas pa khob la g.yon pas gzigs cig gsung ral gri sngo dpags pa dang | ral gri las 'od zer me stag gi tshul du byung ste rgyal po'i spyan g.yon pa la phog pas zhar bar byas so | | de nas rgyal srid chos dang 'thun par bskangs
shing pas byas pa'i ral gri la 'od zer byung pa ni ngo mtshar can gyi spyod pa lnga pa'o | | | de'i tshe dmag tshogs de rnams kyi byang chub sems dpa' ral gri 'dzin pa zhes bya bar mtshan btags so | | de nas yang sngar gyi dgon par byon nas chos gos lhung bzed la tsogs pa blangs te nang pa sangs rgyas pa'i gtsug lag khang dpal kyi re shri bar ra ta zhes kyang ze | o tan ta pu rir byon


| nas gtsug khang de dang nye ba'i sa phyogs cig na | phyi rol pa'i 'du khang kha Ta be ra na zhes bya ba yod | de na mu stegs kyi ston pa shang kar de ba zhes bya ba yod pas de nang pa'i gtsug lag khang der 'ongs nas | yang na rdzu 'phrul 'gran yang bsgro gling bya yang na nga'i bstan pa la zhugs zhes rab tu byung pa rnams 'tshe bar byed pa la | gsug khang de'i dge bsnyen gyis
khrud ma khyi brtun du so bas thor ma cig slob dpon gyi lus la phog ste lcags bsregs la chu 'thor ba ltar swa sgra chen po cig byung bas dge bsnyen des de na bzhugs pa'i rab tu byung pa rnams la zhus pa 'o skol gyi sgo drung na dge slong 'di lta bu cig snang ste de la mu stegs kyi ston pa 'di bzlog pa'i bus pa cig yod pa yang srid do zhes so | | de nas rab tu byung pa de rnams kyis slob dpon nang du spyan drangs nas
mu stegs kyi ston pa 'di bzlog pa'i nus pa bdog gam zhes gsol pas | bdog gsung | de'i tshe mu stegs pa'i ston pa de der byu ste sngar skad zer ba la | slob dpon gyis nga dang rdzu 'phrul 'gran no zhes gsungs so | | de nas kho na de rdus tshon lnga las byas pa'i dkyil 'khor cig ngas gri khyod kyis shig | yang na khyod kyis bris ngas gzhig zer ro | | slob dpon gyi khyod
kyis bris ngas gzhig gis gsung nas ras dkar po dri med pa yug cig | | thal ba gyo mo gang | mar me cig | chu sum pa gang | gtor ma cig | yas stags su tshogs gyis shig gsung nas tshags byas so | | khong gis rdul tshon las byas pa'i dkyil 'khor cig nam mkha' la bris pa la | slob dpon gyis rgyal po gral gung la bzhugs su gsol | |
nang pa rnams g.yas phyogs su dgrigs | phyi rol pa g.yon phyogs su dgrig du bcug te | dbus na mar la rang dkar po dri ma myed pa de bskyad pas shel gyi lca ris su rgyur | rlung lha la gtor ma byin de rlung chen po sbar nas phyi rol pa'i phyogs su thal ba gyo mo gang gtor bas thal ba'i tshub mas dkyil 'khor bshig ste mun pa'i dmag tu gyur to | | mar me de rang gi
phyogs su brteg pas snang pa dang ldan par byas so | | chu bum pa gang gis rgyal po'i sku la khrus byas ste | de lta bu'i rdzu 'phrul ya ma zung bstan cing mu stegs kyi ston pa 'khor dang bcas pa nang pa' bstan pa la bkod pa ni ngo mtshar can gyi spyod pa drug pa'o | | | de'i tshe skye bo rnams kyis byang chub sems dpa' rdzu 'phrul chen po zhes bya bar mtshan btags so | |
de nas chos gos dang lhung bzed brnams te phyogs kyi rgyud du byon pa na | mu stegs kyi ston pa dpal 'chang ma zhes bya ba la | khyim 'thab myos byed ma dri tha ra zhes bya ba char btsongs shing 'tsho ba byed pa cig 'dug pa la  | slob dpon gyis chang nyos te gsol zhing 'dron po kha cig dang lhan cig du gnas so | | de'i tshe dpal 'chang ma der 'ongs nas nang pa'i dge sbyor bya ba chang
bsrung dgos pa la 'di ni chang 'thung pa ngan pa cig 'dug go zhes ngan smrang gtang pas | slob dpon gyi zhal nas nga'i 'di chang myin 'o ma dang bdud rtsi 'dres ba yin zhes gsung | kho na re nga'i chung ma la chang nyos nas 'thungs bzhin du brdzun smra'o zhes zer ro | | slob dpon gyis zhal nas brdzun ma yin te lhag ma 'dron po la brims pas | 'dron po rnams na re kha dog dkar zhing
ro zhim par 'dug pas nges par 'o ma dang bdud rtsi 'dres par snang ngo zhes bshag phye'o | | dpal 'chang ma na re de khyed kyi mthu ma yin te rten 'brel 'tshogs pa'i mthu yin no | | de lta ma yin na nyi ma'i dkyil 'khor 'di khyod kyis zung ngas gtang ngo zer ro | | slob dpon gyi zhal nas de ltar bya'o gsung te nyi grib 'tshams su bsil byed btsugs pas nyi ma la nub pa'i dus ma


byung ste | rtsis pa rnams kyi chu tshod dang dbyug gung pa tsogs pa'i brtsis thams cad kyang 'khrugs | skye bo rnams na re zhag bdun gyi bya ba yang der zin cing 'tsho ba yang der zad do ces zer ro | | de la kho na re de ni khyod kyi mthu ma yin te nyi ma la rlung gsum yod pa las 'degs byed dang yang 'phul byed kyi rlung ma tshang pas nyi ma la nub dus ma byung pa yin no zer ro | |
de la slob dpon gyi zhal nas 'o na khyod kyis zung cig ngas gtang ngo gsung ste bsil byed bton pas nyi ma de ma thag tu nub par gyur to | | de ltar nyi ma stod la gnan cing dpal 'chang ma brdul ba ni ngo mtshar can gyi spyod pa bdun pa'o | | | de'i tshe skye bo rnams kyis byang chub sems dpa' nyi ma 'dzin pa zhes bya bar mtshan btags so | | de lta bu'i 'dod yon dang ldan
pa'i slob dpon gyis mdzad pa ni dang po'o || ༈ || gnyis pa phyogs gang du gtogs pa la gnyis te | nag po 'khor ba'i rgyu 'bras bstan pa dang | chen po mya ngan las 'das nga'i rgyu 'bras bstan pa'o | | de las 'di chen po mya ngan las 'das pa'i rgyu 'bras bstan pa'i phyogs su gtogs so | | de la yang bka' dang bstan chos gnyis las
bstan bcos so | | de la yang bka' thun mong du gsal bar byed pa'i bstan bcos dang | so sor gsal bar byed pa'i bstan bcos gnyis las so sor gsal bar byed pa'i bstan bcos so | | de la mdo ste dang | 'dul ba dang | mngon ba dgos su gsal bar byed pa'i bstan bcos gsum las | mdo' ste gsal bar byed pa'i bstan bcos so || || gsum pa mtshan
ci las gsol ba la lnga | yul dang | shu lo ka dang | dpe' dang | rtsom pa po dang | don las mtshan du gsol ba'o | | dang po ni lang shar gshegs pa la rtsogs pa'o | | gnyis pa ni stong phrag brgya pa lastsogs pa'o | | gsum pa ni sa lu ljang pa lastsogs pa'o | | bzhi pa ni chos mchog zhes bya ba lastsogs pa'o | | lnga ba dbu ma zhes bya ba lastsog
pa'o | | de las 'di don las mtshan du gsol ba ste | 'des bstan par bya ba'i don ni byang chub sems dpe'i spyod pa yin la de rtogs thabs la 'jug pa'i phyir ro || || bzhi pa dgos pa ci'i don du mdzad pa la gnyis te | dngos kyi dgos pa dang | brgyud pa'i dgos pa'o | | dang po byang chub sems dpa'i spyod pa rtogs pa'i shes rab skyes pa'o | | gnyis pa ni bla na myed
pa'i byang chub thob pa ste de gnyis kyi don du mdzad pa'o ||  || lnga pa dbu nas zhabs su don dus bstan pa la gsum ste | rtsom pa dang 'brel pa'i don dang | skabs kyi don theg pa chen po'i rang bzhin dang | bka' drin rjes su dran pas phyag btsal ba'o || || rgya bod kyi skad slad du smos pa'i dgos pa ni | kha cig skad rigs la bag chags bzhag pa'i dgos pa yod zer la | kha cig na re sgra thang log
la mkhas pa'i dgos pa yod zer cing | kha cig bstan chos khungs btsun pa'i dgos pa yod do zer ba ni ma yin te | bod ma kha cig la yang rgya skad bcug pa yod pa'i phyir ro | | des na 'di bstan bcos kyi 'jug sgo shes par bya ba'i yin no zhes gsung ngo | | sangs rgyas dang byang chub sems dpa' la phyag 'tshal lo zhes bya ba'i dgos pa ni | kha cig na re lo paN 'gyur byed pa rnams kyi bka'
spyad kyis mdo ste rnams kyi glad du sangs rgyas dang byang chub sems dpa'o | bdul ba rnams kyi glad du thams cad mkhyen pa | mngon pa rnams kyi glad du 'jam dpal la phyag 'tshal ba yin pas | 'di mdo sde snod du rtogs par bya ba'i phyir | sangs rgyas dang byang chub sems dpa' thams cad la phyag btsal ba yin no zer ba ni ma yin te | 'grel chung 'gyur nying 'ga' zhig las | oM kun tu
bzang po la phyag 'tshal lo zhes 'byung pas ma nges pa yin no | | des na lo paN 'gyur byed pa rnams kyis bkra shis pa'i yan lag du rang dad pa'i lta la phyag btsal ba yin no zhes gsung ngo ||


