tshad ma'i spyi don bsdus pa gtsang drug pa rdo+e 'oder gyis mdzad pa'o ||


༈ || rgya gar skad du ༈ saM myag bidya a lo ka | bod skad du | yang dag rigs pa'i gsal byed ces bya ba | ༈ 'jig rten mtha' dag gi 'dren pa bla ma rnams la phyag 'tshal lo | ༈ | tshogs gnyis mthar phyin zag med dbyings rtogs rang bzhin skyon bral chos kyi sku | |
ye shes las byung mtshan mchog gnyis ldan theg chen chos la rdzogs longs spyod | | lhun grub rgya che rgyun chad med cing 'gro rnams zhing byed sprul pa'i sku | | mnyam med sku gsum 'gro ba'i skyabs mchog sangs rgyas rnams la phyag 'tshal lo | ༈ | chos dbyings rnam dag mkha' ltar yangs pa la | | spros med rang 'byung ye shes dkyil 'khor rgyas
mi shes mun sel 'od zer phyogs bcur khyab | | 'gro mgon 'jam dbyangs nyi ma de la 'dud | ༈ | sde snod dbang phyug chos kyi spyan dang ldan | | dul zhi dpal ldan rnal 'byor la brtson pa | | mchog tshogs nang na phyir rgol lung po yis | | mi bskyod lhun po ltar bzhugs chos kyi rje | | skyes stobs rtsal ldan brtson 'grus shugs drag pa | | thos
bsogs las byung shes rab mche ba can | | chos don spobs pa'i sgra yis the tshom sel | | mi 'jigs smra ba'i seng ge de la 'dud | ༈ | gsung rabs don ni zab yangs rgya che ba | | bslab gsum dri med lasogs bsam mi khyab | | 'gro ba'i 'dod dgu ma lus 'byung ba'i gnas | | rgyal ba'i bstan pa yid bzhin nor bu 'dra | | de'i dgongs pa gsal
byed blo gros na | | thos mang bden mthong smra mkhas brtse ba can | | lnga rig rnam g.yeng med yid can rnams kyis | | legs sbyar gzhung lugs rnams kyi don bsdus pa | | blo gsal skye bo tshul khrims rgyan dang ldan | | shes 'dod rnams kyis de nyid legs rtogs nas | | phyogs rnams kun du rgyas par bya ba'i phyir | | yang dag rigs pa'i gsal byed sgron
ma brtsam || ༈ || de la spyi don gnyis te | spyir shes pa dang shes bya tsam bstan la dbab pa dang | bye brag du tshad ma dang gzhal bya bstan la dbab pa'o | | dang po la gnyis te | blo tsam gyi rab tu dbye ba dang | spyir mtshan nyid kyis mtshon bya mtshon pa'i tshul lo | | dang po la gnyis te | gzung yul la ltos nas blo gsum du dbye ba dang
gzung yul zhen yul 'jug yul gsum ka la ltos nas blo bdun du dbye ba'o | | dang po la gnyis te | ltos sa gzung yul gsum gyi dbye ba dang | 'dzin pa yul can gsum gyi dbye ba'o | | dang po la gsum ste | thun mong gi dbye ba dang | dbye ba so so'i rang bzhin dang | dri lan gyis bstan la dbab pa'o | | dang po la gsum ste | tshig gi don
dang | bsdus pa'i don dang | dgos pa'i don no | | dang po la lnga ste | gang la dbye ba'i gzhi | gang dbye ba'i ngo bo | gang gis 'byed pa'i rgyu mtshan | ji ltar dbye ba'i don | ji snyed dbye ba'i grangs nges pa'o | | dang po ni mtshan nyid 'dzin pa la snang rung ngam gzung yul tsam mo | | gnyis pa ni gzung yul don rang gi mtshan nyid dang | don spyi dang |
dngos med gsal snang ngo | | gsum pa ni gzung yul tsam gzhir byas pa la don byed nus mi nus gnyis yod | dang po don rang gi mtshan nyid | gnyis pa la thun mong par snang thun mong ma yin par snang gnyis yod | dang po gzung yul don spyi dang | gnyis pa dngos med gsal snang ngo | | bzhi pa ni 1 pa bkag pa'i tha dad do | | de yang tha dad mtshan nyid pa ya khyal


| dngos po dngos med 'gal bar gnas pa'o | | lnga pa ni gzung yul tsaM gzhir byas pa la don byed nus mi nus gnyis las gzhan pa'i phung gsum med | dang po gzung yul don rang gi mtshan nyid | gnyis pa la yang thun mong par snang thun mong ma yin par snang 2 las med | dang po gzung yul don spyi | 2 pa dngos med gsal snang ngo | | gnyis pa bsdus
pa'i don ni gzung yul tsam gzhir byas pa la grangs dang ngo bo 3 yod do zhes bstan no | | gsum pa dgos pa'i don ni bsdus don tshig don gyi brjod bya 'am spyi'i mtshan nyid bde glag du rtogs pa'o | ༈ | gnyis pa so so'i rang bzhin la gsum las gzung yul don rang gi mtshan nyid la gsum ste | mtshan nyid dang | mtshan gzhi'i dbye ba dang | mtshan nyid nges byed do |
dang po ni bla ma kha 1 na re 'dzin pa ma 'khrul ba la thun mong ma yin pa'i rnam par snang rung zhes gsung ngo | | 'di'i mtshan nyid nges byed dka' ste shugs la shugs 2 pa 'phen pa'i nus pa med pa'i phyir ro | | des na gzung yul don rang gi mtshan nyid kyi tha snyad du mtshon pa'i mtshid ni thun mong ma yin pa'i rnam par snang zhing don byed nus pa'o | | de skad du yang slob dpon gyis
de ni thun mong ma yin pa'i dngos po'i rang bzhin te rang gi mtshid do zhes gsungs so | | 2 pa dbye ba la 2 te | bems po don rang gi mtshid dang | rig pa don rang gi mtshan nyid do | | dang po ni yul lnga dbang po lnga gnas dang rten du bcas pa thaMd do | | 2 pa ni 'jug pa'i rnam par shes pa tshogs drug kun gzhi'i rnam par shes pa dang nyon mongs pa can gyi yid 2 te rnam shes
tshogs brgyad dang | 'khor reg pa lasogs pa seMs byung lnga bcu rtsa 1 dang bcas pa rang rig mngon suM gyi myong byar gyur pa thaMd yino | | 3 pa mtshid nges byed ni thun mong ma yin pa'i rnam par snang bar de myong pa'i rang rig gis blo thun ma yin pa'i rnaM pa 'dzin byed du dngos su grub pas yul thun mong ma yin pa'i rnaM par snang bar shugs la grub | don byed nus par rang rig dang gzhan rig
mngon suM gyis dngos su ngoso | | 2 pa don spyi'i rang bzhin la 3 ste | mtshid dang | mtshan gzhi'i dbye ba dang | mtshid nges byed do | | dang po ni blo gros chen po kha 1 na re 'dzin pa 'khrul pa la thun mong pa'i rnam par snang ba gsung ste sngar bstan pa'i rigs pas gnod do | | des na don spyi'i mtshad ni thun mong pa'i rnaM par snang la don byed nus pas stong pa'o | | 2 pa
dbye ba la 2 te | rang mtshan shes bya la srid pa'i don spyi dang | rang mtshan shes bya la mi srid pa'i don spyi'o | | dang po ni 'das ma 'ongs da ltar raM dngos po dngos med lasogs pa shes bya la srid tshad kyi rnam par rtog pa la snang pa rnaMs yin | 2 pa ni stag mgo rgru ba'i rnam pa rtog pa la snang ba lasogs pa rnaMs yino | | 3 pa mtshid nges byed ni thun mong pa'i rnam par
snang bar de nyaMs su myong ba'i rang rig gis nges | don byed nus pas steng par rang rig gi shugs dang snang tshod pa de nyid don byed nus pa 'gog byed kyi gzhan rig tshad ma 2 kyis nges so | | 3 pa dngos med gsal snang gi rang bzhin la 3 ste | mtshid dang | mtshan gzhi'i dbye ba dang | mtshid nges byed do | | dang po ni kha 1 na re 'dzin pa 'khrul pa la thun mong ma yin pa'i
rnaM par snang ba zhes gsung pa la gong du bkod pa'i rigs pas gnod do | | des na dngos med gsal snang gi mtshid ni thun mong ma yin pa'i rnam par snang la don byed nus pas stong ba'o | | 2 pa mtshan gzhi'i dbye ba la ni 2 ste | zla 2 kyi rnam pa dang nam mkha' skra shad kyi rnam par snang ba lasogs pa dbang shes rtog med 'khrul pa'i snang yul rnams dang yid shes


rtog med 'khrul pa'i snang yul rnamso | | 3 pa mtshid nges byed ni thun mong ma yin pa'i rnam par snang bar de nyid myong pa'i rang rig gi shugs kyis nges | don byed nus pa stong par snang tshod pa 'dzin pa'i rang rig gi shugs dang snang tshod pa de don byed nus pa 'gog byed kyi tshad ma 2 kyis nges so | ༈ | gsum pa dris lan gyis gtan la dbab pa la 2 te | dri ba dgod pa dang
de'i lan gyis gtan la dbab pa'o | | dang po ni gzung yul 3 po 'di dngos po yin naM dngos med yin | mtshid 3 du brtsi na kun brtags ni gang gzhan dbang ni gang yongs grub ni gang zhes pa dang | bden brdzun yul gyi steng du brtsi 'khrul ma 'khrul shes pa'i steng du brtsi tsam na yul bden la blo ma 'khrul ba yin naM yul brdzun la blo 'khrul pa yin
zhes na | 'di yi lan la 3 te | gzhan lugs dgag pa dang | rang lugs dgod pa dang | de la lung dang 'gal ba spang ba'o | | dang po la 3 ste | rnam rig ses tsam pa'i lugs dgag pa dang | rnam bcas mdo sde ba'i lugs dgag pa dang | rnam med bye brag tu smra ba'i lugs dgag pa'o | | dang po la 2 ste | seMs tsam rnam brdzun pa'i
lugs dgag pa dang | rnam bden pa'i lugs dgag pa'o | | dang po la 2 te | khas blangs brjod pa dang | de dgag pa'o | | dang po ni kho'i ltar na gzung yul 3 po 'di la don spyi dang med pa gsal snang dngos med yin | der ma zad sgo lnga'i rnam par shes pa la gzugs sgra dri ro lasogs par snang ba thaMd kyang dngos med yin lo | de dag 'dzin par byed pa'i shes
pa thaMd dngos por 'dod do | | myong bya bde bsogs dang de myong pa'i rang rig thaMd kyang dngos por 'dod pa yin | mtshid 3 du brtsi na don spyi dang dngos med gsal snang kun med pa'i don blo la snang ba'i kun brtags su 'dod do | | sgo lnga'i rnam par shes pa la snang ba'i gzugs sgra dri ro lasogs pa thaMd kyang kun brtags yin zhes zer ro | de skad du dbus mtha' las rnaM par rtog pa gang
gang gis | | dngos po gang gang rnam brtags pa | | de nyid kun tu btags pa'i | | ngo bo nyid de de med do zhes gsung so | | shes pa seMs dang seMs byung gis bsdus pa thaMd rgyu rkyen gyis bskyed pas gzhan dbang yin | de skad du yang de nyid las gzhan gyi dbang gi ngo bo nyid | | rnam rtog yin te rkyen las skyes zhes so | | yongs grub gang zhe na chos can gzhan dbang
de la kun btags kyis dben pa de 'gyur ba med yongs grub yin te | grub ni de la snga ma po | | rtag tu med par gyur pa gang zhes gsungs so | | de rtogs pa phyin ma log pa'i yongs grub yin te | 'gyur med phyin ci ma log pa | | yongs su grub pa rnam pa 2 zhes bshad do | | bden brdzun yul gyi steng du brtsi 'khrul ma 'khrul shes pa'i steng du rtsi
na gzhan rig gi shes pa thaMd yul brdzun la blo 'khrul par 'dod | bye brag la sbyar na rtog pa la don spyi snang ba thaMd | rtog med log shes la zla 2 dung ser gyi rnam par snang ba thaMd yul brdzun la blo 'khrul pa | sgo lnga'i rnam par shes pa la gzugs sgra lasogs par snang ba thaMd kyang yul brdzun la blo 'khrul pa yin la | seMs dang seMs las byung pa'i rang rig
thaMd yul bden la blo ma 'khrul ba yin zhes zer ro | | 2 pa de dgag pa ni gzugs sgra lasogs pa thaMd kun rdzob tsam du dngos med yin na | shes pa dngos med yin pa cis dgag | seMs gdung gi don byed nus pas dngos med du 'gal lo zhes na | mes brtso bsreg gi don byed nus pa lasogs pas don la yang mtshungs so | gzhan rig shes pa 'khrul na


| don byed pa ltar snang ba yin gyi bden par med do zhe na | rang rig gi shes pa 'khrul nas sems gdung gi don byed par snang ba tsam yin gyi bden par med do zhe na | shes pa don byed nus pa'i dngos por yod pa la gnod byed ci yod zhe na | bems po don byed nus pa'i dngos por yod pa la gnod pa ci yod ces dri | gnod pa yod de dbu ma rigs phreng las
phyogs tha dad phyir 1 ma yin | | 1 nyid med phyir du ma 'ang med | | phyogs med pa ni yod ma yin | | gzhig pa 'am ni gnyen po yis | | yod nyid med par 'gyur drang na | | dngos po srid pa ma yin pas | | gzhig pa gnyen por ji ltar 'gyur zhes bshad pas | | gzugs lasogs pa 'di la phyogs kyi cha du ma dang bcas pas cha med kyi 1 medd | des na de bsags
kyi du ma 'ang med pas cha med kyi 1 dang du ma dang bral ba'i phyir | don byed nus pa'i dngos por bden par med do zhe na | 'dir yang mtshungs te de nyid las ji ltar skad 1 mtha' yod ltar | | thog ma dbus kyang brtag par gyis | | skad 1 3 gyi bdag nyid phyir | | 'jig rten skad 1 la mi gnas | | thog ma dbus dang tha ma yang | | skad 1 bzhin du blta' bar bya zhes gsungs pas | |
mtha' 'gag cha yod pa ltar thog ma skye cha dang nus gnas cha yang yod pa yin te | ma skyes na gnas par mi 'thad de med na 'gag pa 'ang mi 'thad pa'i phyir ro | | des na dus kyi cha dang bcas pas cha med kyi 1 med la de bsags kyi du ma 'ang med pas cha med kyi 1 dang du ma dang bral ba'i phyir ro | | shes pa rang yang don byed nus pa'i dngos por med do zhes bya | shes pa'i steng du cha
med kyi 1 dang du ma bkag pas don dam gyi dngos por yod pa khegs kyi kun rdzob kyi dngos por yod pa mi khegs so zhe na | de ni phyi rol don la yang mthungso | | 2 pa rnaM bden pa'i lugs dgag pa la 2 ste | khas blangs brjod pa dang | de dgag pa'o | | dang po la 2 te | sna tshogs 2 med du 'dod pa'i lugs dang | rnam pa'i grangs ji snyed par shes pa'i grangs kyang de snyed par
'dod pa'i lugs dgod pa'o | | dang po ni seMs tsam pa kha 1 na re gzung yul 3 po thaMd dngos po yin zhes zer | de yang mi snang na gzung yul du mi 'thad snang na snang tshad shes pa'i dngos por 'dod do | | rtog pa la don spyi snang ba lasogs pa thaMd snang mkhan shes pa'i bdag nyid du 'dod do | | de yang gang snang dang 'dir bdag nyid do zhes so | | mtshid 3 du brtsi na bdag 1 rang dbang can
du btags pa dang gzung 'dzin don dam du btags pa lasogs pa Na pa la yod par btags pa thaMd kun btags yin la | 2 med kyi shes pa rgyu rkyen gyis bskyed pa gzhan dbang yin zhing | chos can gzhan dbang de la dgag bya kun du btags pas dben pa de 'gyur ba med pa'i yongs grub dang | de rtogs pa phyin ci ma log pa'i yongs grub yino | | bden brdzun dang
'khrul ma 'khrul brtsi na don du snang ba thaMd rang bzhin seMs dpa'i blos spyad na don ma yin pa la don du gzung pas yul brdzun la blo 'khrul pa yin la | shes pa myong pa'i rang rig thaMd myong bya yul bden la myong byed rang rig ma 'khrul bar 'dod | tha snyad rnam gzhag las rnam bden rnaM brdzun 2 gas kyang don du snang tsam gzhal bya rnam pa shar nas sgro 'dogs chod pa tshad ma
don rig pa'i tha snyad du byar rung 'bras bur 'dod de | de dang 'dra 'am gzhan yang rung | | shes pa de ltar snang ba'i | | rgyu ni don yang yin pas na | | don ni gzhal bya nyid du 'dod zhes sogs bshad do | | 2 pa ni kha 1 na re rnam pa dkar dmar lasogs pa rdzas du ma yod pa ltar shes pa rdzas tha dad par yod pa yang de snyed yod par 'dod do | | 2 pa de dgag pa la 2 las | sna


tshogs 2 med du 'dod pa'i seMs tsam dgag pa la 3 ste | snang rung ma dmigs pas dgag pa dang | tha dad du snang bas dgag pa dang | don du snang ba'i rtags kyis dgag pa'o | | dang po la 2 te | gtso bo seMs yin pa dgag pa dang | 'khor sems las byung ba yin pa dgag pa'o | | dang po ni dkar dmar gyi rnam par snang ba 'di dag chos can shes pa 1 gi dngos por
bden pa med de yod na snang du rung ba la ma dmyigs pa'i phyr ro | snang du rung ba yang yin te don yang mngon sum tsam la snang du rung shes pa yang mngon sum tsam la snang du rung pas de 2 1 tu yod na yang snang du mi rung pa'i rgyu mtshan med pa'i phyir ro | de skad du yang slon gyis | dngos mthong med phyir 1 ma yin | | blo dngos tha dad med mthong pas | tha dad med par nges par 'gyur zhe
gsung so | | 2 pa seMs byung yin pa dgag pa ni | yul sdug pa dang mi sdug pa'i rnam pa snang ba 'di kun chos can tshor ba bde ba dang sdug bsngal gyi bdag nyid du bden pa med de sim pa dang gdung par ma dmigs pa'i phyir ro | | 2 pa tha dad du snang pa'i rtags kyis dgag pa ni | gzung 'dzin gyi rnam par snang ba 'di dag chos can | shes pa 1 tu bden par med te tha dad du snang ba'i
phyir | ma nges so zhe na tha dad du snang mkhan gyi blo 'khrul la ma 'khrul dang po ltar na de'i yul thaMd brdzun pas bden pa tsam khegs pa n shes pa'i dngos por bden pa 'ang khegs so | 2 pa ltar na de la tha dad du snang ba de tha dad rang du bden pas shes pa 1 gi dngos por bden pa 'ang khegs so | | 3 pa don du snang ba'i rtags kyis dgag pa ni dkar dmar gyi rnam par snang ba 'di dag chos can
shes pa'i dngos por bden pa med de don du snang ba'i phyir ri | phyogs chos ma spyad pa'i mngon suM gyis grub la khyab pa sngar gyis rigs pas grub po | | 2 pa rnam pa'i grangs ji snyed par shes pa'i grangs kyang de snyed du 'dod pa dgag pa ni sngo 'dzin gyi shes pa la rung yul gyi dkar po snang ngam mi snang mi snang na sngon po la 'ang mtshungs snang na shes pa rdzas 1 la rnaM pa rdzas tha dad par snang
pas rnam pa'i grangs ri snyed par shes pa'i grangs de snyed par bden pa nyaMs so | rgyud 1 la dus 1 char skyes pa'i shes pa 2 rdzas tha dad na kun gzhi'i rnam shes dang rdzas mi 1 par thal | 1 dang du ma 'gal ba'i chos dang ldan pa'i phyiro | | 'dod na de 2 shes pa tsam ma yin du thal ces pa'i rigs pas gnod pa yino | | 2 pa rnam bcas mdo' sde ba'i lugs dgag pa la 2
ste | khas blangs brjod pa dang | de dgag pa'o | | dang po ni mdo sde ba na re snang snang thaMd shes par bden no zhes rnam pa dang mthun par 'dod sngo lnga'i rnam par shes pa la gzugs sgra lasogs pa'i dkar dmar gyi rnam par snang ba 'di thaMd shes pa la phyi rol gyi don rkog na mos gtad pa'i 'brus yin la phyi rol gyi don dang 'dra ba yin te | dper na shel sgong yongs su dangs pa la ras
dkar dmar gyi rnam pa shar ba de shel rang dang bdag 1 la rnam pa gtod pa'i ras logs na yod pa bzhin no zhes zer ro | mtshid 3 gyi brtsi tshul de kho la med do | | bden brdzun dang 'khrul ma 'khrul brtsi na rang rig thaMd myong nas rig pa yin pas yul bden la blo ma 'khrul ba yin la | gzhan rig gi shes pa la phyi rol na rnam pa gtod byed med pa'i rtog pa la don spyi
snang ba dang rtog med log shes la zla 2 dung ser gyi rnam par snang ba dang rmi laM gyi shes pa la rta glang gi rnam par snang ba lasogs pa thaMd yul brdzun la blo 'khrul pa yin zhing | phyi rol na rnam par gtod byed yod pa'i sgo lnga'i rnam par shes pa la gzugs sgra lasogs pa'i rnam par snang ba kun yul bden la blo ma 'khrul bar 'dod do | de skad du yang 'dra bar snang ba dmyigs pa yin


| rang gi ngo bo myong ba yin | | des na shes pa thaMd ni | | dmyigs myong bdag nyid tha dad gnas zhes pa dang | gzung 'dzin yang btags pa bar 'dod de | don gyi rnam pa myong ba la | | don mthong ba zhes btags pa yin zhes pa 'am | | shes pa rnam bcas phyogs la ni | | dngos su de ni tha dad kyang | | de dag gzugs rnyan 'dra ba la | | btags pa
tsam 1 tshor bar rung zhes bshad do | | 2 pa de dgag pa ni snang tshad shes pa'i dngos por 'dod pa la 'gog byed rigs pa seMs tsam rnam bden 'gog pa'i skabs su bkod zin to | gzhan yang sgo lnga'i rnam par shes pa la gzugs sgra laso pa'i rnam par snang pa 'di dag chos can don rkog na mo'i 'bras bur yang mi 'grub ste | de 2 la tshad ma phrugs 3 gyi gzhal rung med pa'i
phyir ro | sgo lnga'i shes pa la rnam par snang ba 'di chos can rkog na mo dang 'dra bar yang mi 'grub ste | rkog na mo rang tshad mas ma grub pa'i phyir ro dper na sha za bzhin no | gzhan yang rnam par snang ba don dang 'dra na rtog pa la don spyi snang ba 'di 'ang chos can phyi rol gyi don rkog na mo dang 'dra bar thal | 'dod na de la phyi rol na rnam par gtod byed med par 'dod pa
nyamso | 3 pa bye brag du smra ba'i lugs dgag pa la 2 ste | khas blangs brjod pa dang | de dgag pa'o | | dang po ni kho'i ltar na rtog pa la don spyi snang ba dang | rtog med log shes la zla 2 dung ser gyi rnam par snang ba lasogs pa thaMd yul dngos Na blo dngos po yin la | sgo lnga'i rnam par shes pa la gzugs sgra laso par snang ba 'di kun yul yang beMs po'i
dngos po | snang yang don du snang bden yang don du bden blo la gtan nas kyang ltos med kyi beMs po dag pa bar 'dod la | shes pa yang dngos por 'dod do | | mtshid 3 gyi rtsi tshul de nyan thos pa la Na bden brdzun dang 'khrul ma 'khrul brtsi na | rang rig thaMd yul bden la blo ma 'khrul ba gzhan rig gi shes pa la rtog pa la don spyi snang ba dang rtog med log shes la zla 2 kyi
rnam par snang ba laso pa kun yul brdzun blo 'khrul pa yin la | sgo lnga'i shes pa la gzugs sgra lasogs pa snang ba 'di dag yul bden la blo ma 'khrul ba yin te | de yang gzung 'dzin dus mnyaM pa dang shes pa la don gyi rnam pa ma shar bzhin du thug phrad du don 'dzin par 'dod | | 2 pa de dgag pa la 3 ste | shes pa goms pa'i rjes su byed pa'i rtags kyis dgag pa
dang tha dad du snang ba'i rtags kyis dgag pa dang | ha cang thal bas dgag pa'o | | dang po ni don du snang ba 'di dag chos can blo la ltos med kyi beMs po dag pa bar bden pa med de | shes pa goms pa'i rjes su byed pa'i phyir ro | yid du 'ong par goms par byas pa la gzugs mdzes par snang ba 'am mi sdug par bsgoMs pa las rkeng rus kyi rnam par snang ba laso pa bzhino | | 2
pa ni don gyi rnam par snang ba 'di kun chos can blo la ltos med kyi beMs po bden par med de don 1 shes pa la rnaM pa tha dad par snang ba'i phyir ro | dper na ri laso pa thogs bcas thogs med du snang ba 'am chu la gnag khrag dang bdud rtsi lasogs pa'i rnam par snang ba 4 no | de ma nges pa yang ma yin te tha dad par snang mkhan gyi blo 'khrul laM ma 'khrul dang po ltar na de'i yul brdzun
pas bden pa tsam khegs pa na blo la ltos med kyi beMs por bden pa yang khegs so | 2 pa ltar na yul tha dad du bden pa don 1 yin pa nyaMs so | de skad du yang dmyal ba yi dgags dud 'gro rnams | | lta rnaMs so so rigs drug la | | dngos 1 yid ni tha dad phyir | | don ma grub par 'dod pa yin zhes bshad do | | 3 pa ni shes pa la don gyi rnam pa shar yang don de 'dzin


pa'i phyir shes pa thaMd kyis kyang don thaMd 'dzin par thalo | de ma nges pa ma yin te rnam pa shar nas 'dzin par myong bas grub la shar ma shar 2 las phung 3 yang med pa'i phyir ro | | 2 pa rang lugs ni dri ba 3 po de'i lan 'di ltar yin te | dngos po dang dngos med du brtsi na rtog pa la don phyi snang ba dang rtog med log shes la zla 2 du ser gyi rnam par snang ba laso pa 'di dag yul dngos med blo
dngos po yul brdzun pa blo 'khrul pa yin no | sgo lnga'i rnam par shes pa gzugs sgra laso par snang ba 'di rnams phugs su ma rig bag chags kyis brtags pa yin yang tha snyad rnam gzhag la yul dngos po blo yang dngos po yino | bag chags brtan pa'i snang ba yin pas yul bden pa dang blo ma 'khrul ba zhes bya rang rig thaMd kyang de dang 'dra'o | dbu ma bas kyang mtshid 3 du brtsi
tu yod de phyi rol bas gang zag gi bdag du brtags pa dang | nyan thos pas gzung 'dzin don dam pa'i rang 4n dang | seMs tsam pas rnam rig don dam du brtags pa dang | dgag chos dang bsgrub chos su brtags pa thaMd kun tu btags pa yin | phyi nang rten 'brel gyi snang ba ngo bo rgyu rkyen gyis bskyed pa dang | rnam 'jog chos gzhan la ltos pa'i kha nas gzhan dbang yin no | snang ba
rten 'brel bden pa'i rang bzhin gyis stong pa dang snang med don dam gyi ngo nas bden brdzun gyi spros pa dang bral ba de 'gyur ba med pa'i yongs grub yin la | de rtogs pa phyin ci ma log pa'i yongs grub yino zhes kho bo seM mo | | 2 pa de la lung dang 'gal ba spang pa ni sgo lnga'i rnam par shes pa la don du snang ma 'di don gyi dngos por bden na | bag chags kyis ni bkugs pa'i
seMs | | don du snang ba rab tu 'byung | | don yod ma yin seMs nyid de | | phyir rol don mthong log pa yin zhes pa dang 'gal lo zhe na | de rnam rig seMs tsam pa'i lugs yin pas kho bo cag dbu ma la mi gnod do | | gzhan yang rnal 'byor spyod pa'i dbu ma bas kyang don du snang ba thaMd ma rig pa'i bag chags kyis brtags pa yin | kun rdzob bden pa'i rnam gzhag
ni seMs tsam rnam brdzun pa dang mthun pa yin 'on kyang lo ka ba la blo ma 'khrul bar grags pa'i sgo lnga'i rnam par shes pa la zla ba 1 gi rnam par snang ba lasogs pa 'di kun phugs su blo la ltos pa yin yang yul bden zhes bya ste 'phral la de 'dzin gyi blos sgro btags pa ma yin pa'i phyir ro | zla ba 2 kyi rnam par snang ba lasogs pa ni kun rdzob tsam du yang yul brdzun pa zhes bya
ste de 'dzin gyi blos sgro btags pa'i phyir ro | ༈ | gnyis pa 'dzin pa yul can gsum gyi dbye ba la 2 te | thun mong gi dbye ba dang | dbye ba so so'i rang bzhin no | | dang po la tshig don chos rnam pa lnga las gang las dbye ba'i gzhi ni snang yul 'dzin pa'i yul can tsam mo | gang dbye ba'i ngo bo ni don rang gi mtshid kyi yul can rtog med ma 'khrul ba'i shes pa dang | don
spyi'i yul can rtog pa'i shes pa dang | dngos med gsal snang gi yul can rtog med 'khrul pa'i shes pa dang 3 yin | gang gis 'byed pa'i rgyu mtshani snang yul tsam gzhir byas pa la 3 yod pas de 'dzin pa'i shes pa yang 3 du phye'o | ji ltar dbye ba'i don ni shes pa 3 po 'di tsam ldog ngo bo 1 pa yang yod pa yin te | zla ba 2 snang rtog med 'khrul pa'i shes pa dang de nyaMs su myong
pa'i rang rig rtog med ma 'khrul ba'i shes pa ngo bo 1 de'i dusu don spyi snang mkhan gyi rtog pa skyes na yang 3 bar kun gzhi'i rnam shes su rdzas 1 ldog pa tha dad pa yin | bye brag ngo bo tha dad pa yang mang du yod do | | ji snyed dbye ba'i grangs nges pa ni gzung yul 3 du grangs nges pas de la ltos pa'i 'dzin pa yul can 3 du grangs nges so | bsdus don dang | dgos don sla'o | |


| gnyis pa dbye ba soso'i rang bzhin la 3 las don rang gi mtshid kyi yul can stog med ma 'khrul ba'i shes pa bzhi se | mtshid dang mtshan gzhi'i dbye ba dang | mtshid nges byed kyi tshad ma dang | rtog med ma 'khrul ba shes bya yul la 'jug pa'i tshulo | | dang po ni gsal la don byed nus pa gzung yul du byed pa'o | gsal ba gzung yul du byed pas
rtog pa sel | don byed nus pa gzung yul du byed pas 'khrul pa selo | | 2 pa dbye ba ni beMs po don rang gi mtshid kyi yul can gzhan rig mngon suM dang | rig pa don rang gis mtshid kyi yul can rang tig mngon sumo | 3 pa mtshid nges byed ni gzhan rig dang rang rig gis yul beMs po dang bde ba lasogs pa gsal la don byed nus par dngos su grub pas yul can de ltar
'dzin par shugs la grub po | | bzhi pa yul la 'jug pa'i tshul ni rtog med ma 'khrul ba thaMd yongs gcod bsgrub pa'i sgo nas 'jug pa yin te | de skad du yang sgrub pa myong nyid sel pa gzhan | | rnaM gcad ldog pa yin par 'dod ces gsungs so | | 'di la yang 3 ste | sgrub pas 'jug pa'i mtshid dang | mtshan gzhi'i dbye ba dang | mtshan gzhi'i la mtshid
nges par byed pa'i tshad ma'o | | dang po ni blo gang zhig don rang gi mtshid dang mthun par myong pa'o | | 2 pa dbye ba la 2 te | rang rig mngon suM dang | gzhan rig mngon suM mo | | rang rig mngon suM la seMs myong pa'i rang rig dang | sems byung myong pa'i rang rig 2 su dbye | gzhan rig mngon suM la 'ang sgo lnga'i shes pa ma 'khrul ba lnga | yid rtog med ma 'khrul ba dang
drug tu phye'o | | 3 pa mtshan gzhi sngo 'dzin shes pa lasogs pa'i steng du rtog med bsgrub pas 'jug pa'i tha snyad du mtshon pa'i mtshid de nges byed kyi tshad ma bsaM pa la 3 ste | don gyi gnas lugs dang | blo'i 'dzin stangs dang | blo don mthun par sgrub pa'o | | dang po ni sngo 'dzin mngon suM gyi yul sngon po de gnas lugs 3 du gnas | sngo min las log sngo tsam
du don la gnas pa dang | sngon po byas pa mi rtag pa 3 tha dad kyis stong bar gnas | sngon po byas pa ma yin na ma byas par thal sngon po gzhi grub byas ma byas dngos 'gal la phung 3 med pa'i phyir ro | 'dod na sngon po sngo min du thal lo mi rtag pa la yang de dang mtshungs so | des na sngo byas mi rtag pa 3 po dbyer mi phyed pa yino | | 'o na khyed rang tshad ma ba rnams kyis
sngon po chos can mi rtag de byas pa'i phyir zhes rtags sbyor ba'i don 3 du tha dad par tha snyad byed pa dang 'gal lo zhe na | tha dad par tha snyad byed pa de blo yis sgro btags pa yin sgro ji ltar btags snyam na sgro 'dogs pa'i rgyu mtshan sgro 'dogs pa'i rnaM pa sgro btags pa'i dgos pa dang 3 las | dang po ni log sa tha dad 3 las log rtog pa la sngon po laso pa 3 gyi don spyi shar ba de sgro
'dogs pa'i rgyu mtshan yin | don spyi tha dad du shar ba ltar tha dad du zhen pa de sgro 'dogs pa'i rnam pa yin | sgro btags pa'i dgos pa ni blo la ltos pa'i tha dad 3 yod pas rtags sbyor ba'i don 3 'grub pa lasog pa'i dgos pa'o | de yang slon gyis chos dang chos can nyid du tha dad pa ni blos kun du btags pa yin gyi don kyang ni ma yino zhes bshad do | | gnas lugs
3 pa ni yul dus rang bzhin gyi sngon po thaMd rang bzhin 1 gis stong ste | rdzas tha dad du gnas pa yin gal te rdzas 1 yin yul 'di'i sngon po da ltar gzhan gyi sngon po yang snang bar thal ba las snang mi snang 'gal ba'i chos dang ldan pa'i phyir rang 4n 1 gis stong | dus dang rang bzhin tha dad pa'i sngon po yang 'gal ba'i chos dang ldan pa'i phyir 1 du mi thad do | 'o na khye rang tshad


