|| rgyal ba'i yuM la phyag 'tshal lo | | yon tan rin po che sdud pa tshig su bcad pa 'di la don gsuM ste | glad kyi don dang | gzhung gi don dang | mthar phyin pa'i mtshan dgos pa dang bcas pa'o | | glad kyi don la bzhi ste | gsungs pa'i dus dang | gsung ba po'i ston pa dang | dgos pa'i
khyad par gyi 'khor bar bstan pa dang | brjod bya khyad par kyi chos bstan pa'o | | gzhung gi don la gnyis te | bsgrub pa po rten gyi gang zag dad pa dang ldan pas bsgrub par bstan pa dang | bsgrub pa'i chos gnas skabs brgyad bstan pa'o | | de la brgyad de | rnaM pa thaMd mkhyen pa dang | laM shes pa dang | gzhi
shes pa dang | rnaM kun mngon rdzogs dang | rtse mo mngon bar rtogs pa dang | mthar kyis pa dang | skad 1 ma dang | chos kyi sku'o | | de rnaMs don skor gsuM du sdud pa las | dbang po rab kyi dbang du byas te | dang po rnaM mkhyen la bcu ste | bsgrub bya byang chub mchog du sems bskyed pa dang | bsgrub byed
gdaM ngag dang | rtog pa gcod mkhan nges 'byed dang | chod pa'i rten khyad par du gyur pa'i rigs dang | gcad rgyu dmyigs pa dang | gcod pa'i ched du bya ba dang | de'i sbyor ba go cha dang | 'jug pa dngos dang | tshogs dang | de'i 'bras bu nges par 'byung ba'o | | bsgrub bya sems bskyed la 3 ste | rtog pa gcod pa
don daM sems bskyed ye+es kyi tshogs sog pa dang | myi dmyigs pa'i tshul gyis kun rdzob byang chub kyi sems bsod naMs kyi tshogs sog pa dang | de'i mjug sdud gdaM ngagi 'tshis sbyar ba'o | | gnyis pa bsgrub byed gdaM ngag la 2 te | bsgrub byed gdaM ngag yin ba'i dpe' dang | don gyi sgo nas gtaM ga dngos
bshad pa'o | | de la bzhi ste | sa ba bden ba 2 la gdaMs pa dang | gnas skabs rgyu 'bras su phye ba bden ba bzhi la gdaMs pa dang | skyabs dgon mchog 3 la gdaMs pa dang | de lta brtsad pa spang ba'i tshul gyis ma zhen pa lastsogs pa gzhag bstan pa'o | | 3 pa rtog pa gcod mkhan
nges 'byed la 3 ste | dmyigs rnaM che 'bring gi rab du dbye' ba dngos dang | de'i gcad bya rnaM par rtog pa dang | yongs su 'dzin mkhan dge ba'i bshes gnyen gyi mtshan nyid bstan pa'o | | rab du dbye' ba la 2 te | dngos dang | zhar la rtogs pa'i chos so | | dngos la bzhi ste | drod dang | rtso mo dang
bzod pa dang | chos mchog gi | | drod la 3 ste | chung du'i dmyigs rnaM dang | 'bring gi dmyigs rnaM dang | chen po'i dmyigs rnaM mo | | rtse mong la'ang 3 ste | chung du'i dmyigs snaM dang | 'bring gi dang | chen spo'i 'o | | bzod pa la yang 3 ste | chung da'i dmyigs rnam dang |
'bring gi dang | chen po'i 'o | | chos mchog la yang 3 ste | chung du'i dang | 'bring gi dang | chen po'i dmyigs rnam mo | | zhor la rtogs pa'i chos la 2 ste | mthong laM dang | bsgom laM mo | | gcad bya rtog pa la 3 ste | gzhi'i dang | lam gyi dang |


'bras bu rnaM mkhyan gyi gcod pa'o | | yongs su 'dzin mkhan dga' ba'i bshes gnyen gye mtshan nyid la gnyis te | dngos dang | de'i myi mthun phyogs dpe' dang bcas pa'o | ༈ | bzhi pa chod pa'i rten khyad par du gyur pa'i rigs la 2 te | spyir dri ba dang | dngos kyi lan no | | lnga ba gcad rgyu
dmyigs pa la 2 te | dngos dang | lan gyi don bsdus pa'o | | drug pa gcod pa'i ched du bya ba la 3 ste | dri ba sngon du 'gro ba sems dpa'i chen po dang | spong ba chen po dang | rtogs pa shug kyis 'phangs te rgyu mtshan don bsdus pa'o | | bdun pa de'i sbyor ba go cha dang | brgyad pa 'jug pa rngos go sla'o ||
dgu' pa tshogs la bcu ste | brtse' dang sbyin stsogs dang | kun rdzob bskyed zhi gnas dang | don daM gcod lhag mthong dang | zung du 'brel pa dang | thabs la mkhas pa dang | sgrib pa gcod pa ye+es dang | ting nge 'dzin gyis go 'byed pa bsod naMs dang | sog lugs laM dang | grogs gzungs dang |
sog sangs dang | gnyen po'i tshogs bstan pa'o | | bcu 'bras bu nges par 'byung ba la 2 te | dpon las bltos pa'i byung lugs dang | rang gis grub pa'i byung sa'o | | byung lugs la lnga ste | ched du bya ba spyir bstan pa dang | mnyaM ba nyid kyi gzhi rten las 'byin pa dang | sems can
don gyis gnyen rten las 'byin pa dang | 'bad pa myed pas rdzas spyod las 'byin pa dang | shin tu nges par 'byung bas btags spyod las 'byin pa'o | | rang gis grub pa'i byung sa la 3 ste | thob pa'i nges par 'byung ba dang | rnaM pa thaMd mkhyen pa'i nges par 'byung ba dang | laM gyi yul can gyi
nges par 'byung ba'o | | thob pa'i nges 'byung la bzhi ste | kun 'byung gi bral thob dang | dngos dang ldog pas laM gyi dang | sdug bsngal gyi dang | 'gog pa btags yod kyi bral thob po || || dbang po 'bring gi dbang du byas pa mkhyen pa 3 las | gnyis pa lam shes la gnyis te |
rten gyi chos mtshon pa tsaM du bya ba dang | de'i rgyud la skye zhing shes par byed pa'i laM shes so | | de la 3 ste | dang po dpon la ltos pa'i dus su | nyan thos kyi laM sbyang ba dang | thabs mkhas thob nas ces' rdu'i laM sbyang ba dang | thugs rjes gzhan don byed pa byang chub seMs dpe'i laM sbyang ba'o | |
nyan thos kyi laM sbyang ba la bzhi ste | drod shes pa dang | rtse mo shes pa dang | bzod pa shes pa dang | chos mchog shes pa'o | | de la 2 | myi gnas pa dngos dang | dpe' dang don 2 kyis de'i 'thad pa bstan pa'o |  rang rgyal gyi laM sbyong ba la 2 ste | rnaM pa bzhis bsgrub byed shes pa dang |
shes pa bzhis thabs rten 'brel dgrig pa'o | | dang po la bzhi ste | kun 'byung gi rnaM pa dang | laM gyi dang | sdug bsngal gyi dang | 'gog pa'i rnaM pa'o | | 2 pa la yang bzhi ste | drod shes pya dang | rtse mo shes pa dang | bzod pa shes pa dang | chos mchog shes pa'o ||


| thugs rjes gzhan don byed pa byang chub sems dpa'i laM sbyong ba la gnyis te | mthong ba'i laM phan yon dang bcas pa dang | bsgoM ba'i laM byed pa dang bcas pa'o | | mthong laM la bzhi ste | sdug bsngal gyi skad 1 ma bzhi dang | kun 'byung gi dang | 'gog pa'i dang | laM gyi
skad 1 ma bzhi bstan pa'o | | bsgoM laM la 2 te | bsgoM laM zag myed kyi byed pa dang | bsgoM laM dngos so | | de la 2 | byed pa dang bcas pa zag bcas kyi bsgoM laM dang | byed pa myed pa zag myed kyi bsgoM lamo | | byed bcas la 3 ste | mos po dang | rjes su yid rang ba dang | sngo ba'o ||
mos pa la 3r ste | rang don gyi bstod bkur bsngags pa dang | 2 ka'i dang | gzhan don gyi'o | | rang don la'ang 3r ste | mos pa skye ba'i rgyu bstod ra 3 dang | mos pa la 'jug pa dngos bkur bsti 3 dang | mos pa'i 'bras bu bsngags pa 3 mo | | bstod ra la 3 ste | bstod rab thaMd pa
thob pa dang | 'bring 'di phyi'i rgolaM ba dang ngan song bzlog cing chung du nad bzhi brgya rtsa bzhi sel ba dang | zhor la dus gsuM kyi sangs rgyas bskyed pa'i yuM du bstan pa'o | | bkur bsti la'ang 3 ste | zag myed du bsgroM ba dang | zag bcasu bsgoM ba'i tshul 2 kyis bkur bsti rab ma nor bar bsgoM ba dang |
'bring klog pa dang | chung du mchod pa'o | | bsngags pa la yang 3 ste | rab rtog pa bzhi ka las thar nas rnaM mkhyen thob pa dang | 'bring laM log pa las thar nas dman bar myi lhung ba dang | chung du shad 'du ba rnaM pa bzhi las thar ba gdaMs pa dang bcas pa'o | | 2 ka'i don gyi kha 2 te |
rang don grub nas gzhan don bskyed byed pa'i 'tshaMs sbyar ba dang | dpe'i sgo nas mnyaM ba nyid du bstan pa'o | | gzhan gyi don gyi bstod bkur bsngags 3 las | bstod ra rab 'bring gis tha ma mtshon nas 'og nas ston la | sngon du bkur bsti 3 las | chung du gzugs brnyan gyi
chos spyong du 'jug pa dang | 'bring ma nor ba'i chos 'chad pa dang | bar 'dir bstod ra 'bring dgra bco rang rgyal gyi chos la bkod pa bas che ba dang | bkur bsti rab bsdu' ba bzhi byed pa'o | | 'bras bu bsngags pa 3 las | rab byang chub 'thob pa dang | 'bring lha myi zaM myi 'chad pa dang
tha ma shes rab 'phel ba'o | | bstod ra chen po thabs mkhas pas ma zin ba bas zin pa'i yuM la sbyor ba che ba'o | | 2 pa rjes su yid rang ba la 2 te | khyad par du 'phags pa'i dpe' dang | ches khyad par du 'phags pa'i don no | | 3 pa bsngo' ba la drug ste | bngo' ba'i rdzas
dang bsngo' ba'i gnas dang bsngo' ba'i gol sa dang 2 gyis myi dmyigs pa'i bsngo' bas khyad par gyi bngo' ba mtshon nas bstan pa dang | phyin ci ma log pa'i bsngo' pas dben ba shugs la bstan pa dang | sangs rgyas bsod naMs tshogs kyi rang bzhin dran bas thabs mkhas pa dang bcas pa dang |


mtshan ma myed pur'i bsngo' ba dang | dnos dang phan yon 2 kyis sangs rgyas rjes su yid rang ba'i bsngo' ba dang | bsod naMs chen po 'byung ba'i bngo' ba'o | | byed pa myed pa zag myed kyi bsgoM laM la 2 te | bsgrub pa'i bsgoM lam dang | rnam par dag pa'i bsgom lam mo | |
dang po la 3 ste | kun 'byung la mngon bar 'du myi byed pa dang | laM la chos rnaMs dmyigs pa myed par ston pa dang | rdzas btags 2 kyi gnyen por don chen po bstan pa'o | | rnaM bar dag pa'i bsgoM laM la 2 ste | skye ba dang myi skye ba'i rgyu bstan pa dang | rnam dag dngos bstan pa'o | |
rgyu bstan pa la 2 te | rgyu dngos dang de'i 'bras bu dang 2 kyis btags yod dang bral bas rnaM dag skye bo'i rgyu dang | 'dzin rtog dang ma bral bas rnaM dag myi skye ba'i rgyu bstan pa'o | | de la bzhi ste | chos kyis 'phongs pa'i las kyi rgyu dang | las kyi ngo bo dang | las kyi 'bras bu dang |
dad par gdaMs pa'o | | rnaM dag dngos la bzhi ste | nyan zhes gzhi rten gyi dag pa dang | rang rgyal rdzas yod kyi dag pa dang | byang chub sems bpa' gnyen po rten can gyi dag pa dang | sangs rgyas btags pa tsaM gyi yang dag pa'o || gsuM pa gzhi' shes la lnga ste |
go cha'i gzhi' dang | myi mthun bya dang gnyen po'i gzhi' dang | gzhi dang laM dang 'bras bu rnaM mkhyen gyi sbyor ba 3 gyis sbyor ba'i gzhi' dang | 'bras bu'i gzhi dang | dpe' dang don 2 kyis lam gyi ngo bo'i gzhi'o | | dbang po tha ma'i dbang du byas te brgyad las |
mkhyen pa 3 gong du gtan la phab nas |  sbyor ba bzhis nyaMsu len pa las | dang po rtsa ba'i gzhi mo lta bu rnaM kun mngon rdzogs kyi sbyor ba la 3 te | nyan thos dang cha mthun ba'i rnaM kun mngon rdzogs dang | rang rgyal dang cha mthun ba'i rnaM kun mngon rdzogs skyo | |
dang po la bzhi ste | sbyor ba dang | yon tan dang | skyon dang | mtshan nyid do | | sbyor ba la 2 te | dris pa dang | lan no | | lan la nyi shu las bsdu' na 3 ste | mkhyen pa 3 gyi sbyor ba bkur ba dang | de rgyud la bsgrub par byed pa'i sbyor ba dang | de'i yon tan gyi sbyor ba bstan pa'o
dang po la 3 ste | gzhi' mtha' 2 'brel pa myi gnas pa'i sbyor ba dang | laM myi dmyigs 2 myed zab pa'i sbyor ba dang | 'bras bu rnaM mkhyen rten rtog 'brel pa gting dpag dga' ba dang tshad myed pa'i sbyor ba'o | | 2 pa la 3 ste | thos pa'i sbyor ba tshogs che ba dang | bsaM ba'i sbyor bas
lung bstan pa dang | bsgoM ba'i sbyor bas phyir myi ldog pa'o | | 3 pa la 3 ste | thos pa'i shreb la sbyor bas nges par 'byung ba'i dpe' don dang | bsaM ba'i shreb la sbyor bas bar chad myed pa'i dbe' don dang | bsgoM ba'i shreb kyis bden ba bzhi la sbyor ba'o | | de la bzhi ste |


| kun 'byung stong nyid nye bar rtogs pas byang chub nye ba dang | sdug bsngal nye bar song ba'i sbyor bas byang chub myur ba dang | laM gyis gzhan don 'phel 'grib myed par sbyor ba dang | 'gog pas bden ba bzha' rtig pa 'gog pa'o | | de la 3 ste | kun 'byung chos dang chos myin
lasrtsogs pa myi mthong ba'i sbyor ba dang | sdug bsngal chod pas rnaM par myi rtog pa'i sbyor ba dang | laM la 'bras bu rin po che sbyin ba dang 'gog pa la dag pa'i sbyor ba'o | | 2 pa yon tan ni go bar sla'o | | 3 pa skyon la 2 te | dris pa dang | lan no | | de la 2 te |
mdor bstan pa dang | rgyas par bshad pa'o | | de la bzhi ste | skyon gyi dbye ba dang | spyir gdaMs pa dang | bar chad mang ba'i gang zag dang | des myi tsugs pa'i rgyu bstan pa'o | | dbye' ba la drug ste | gzhi sbyor log pas tshu rol mtha' la gnas shing pha rol 'dod pa'i skyon dang
mkhyen pa 3 gyi spyi khyab gyi skyon bzhi bstan pa dang | laM sbyor log pas 'dod pa'i yon tan tshol bas laM bor ba dang | zab mo'i chos gtang bas laM gol ba dang | rnaM mkhyen gyi sbyor ba log pas chos dang de smra ba bo spyong zhing slob ma ma yin ba'i skyon dang | bdud kyi dben spyos pas
sbyor ba log ste bar chad mar ba'o | | bzhi ba mtshan nyid la bzhi ste | shes pa'i mtshan nyid dang | khyad par myi dang | byed pa'i dang | ngo bo nyid kyi mtshan nyid do | | shes pa'i mtshan nyid la 3 ste | gzhi shes pa'i dang | laM shes pa'i dang | rnaM pa thaMd mkhyen pa shes pa+'i mtshan nyid do
gzhi shes pa'i mtshan nyid la lnga ste | de bzhin gshegs pa 'byung ba shes pa dang | 'jig rten 'jig pa myed pa shes pa dang | sems can gyi sems kyi spyod pa lastsogs pa shes pa dang | sems bltar myed pa lastsogs pa shes pa dang | de bzhin nyid rtogs te gzhan la ston pa
shes pa'o | | laM shes pa'i mtshan nyid ni | stong nyid mtshan ma myed bcas lastsogs pa shes pa'o | | rnaM pa thaMd mkhyen pa'i mtshan nyid la 2 te | de bzhin nyid kyi chos brten nas gnas pa lastsogs pa dang | stong nyid shes pa lastsogs pa bstan pa'o | | khyad par gyi mtshan
nyid la yang 3 ste | gzhi rtogs pa'i khyad par gyi mtshan nyid bsaM myi khyab lastsogs pa dang | laM 'jug pa khyad par gyi mtshan nyid dang | 'bras bu khyad par gyi mtshan nyid bstan pa'o | | laM 'jug pa la 3r ste | 'phags pa'i gang zag sdud pa lastsogs pa'i khyad par dang |
bsgrub pa dang yang dag par bsgrub pa lastsogs pa'i khyad par dang | dmyigs pa rten dang bcas pa'o | | de la bzhi ste | kun 'byung chu bo la gzhi rten gcod pa'i dbe' don dang | sdug bsngal la rdzas yod gcod pa'i dpe' don dang | laM la gnyen po rten can gcod po'i dpe' don dang


'gog pa la btags yod gcod pa'i dpe' don no | | 'bras bu khyad par gyi mtshan nyid la 3 ste | mtha' dag pa lastsogs pa bstan pa dang | rten lhag bsaM dang ldan pa la chos dmyig can gyis yongs su 'dzin pa'i gdaM ngag ston pa dang | des pha rol phyin drug myi dmyigs
pa'i tshul gyis byang chub du bsngor bcug pas ro myang myed pa'i khyad par ro | | gzhan don byed pa'i mtshan nyid la 2 ste | gzhi rtogs pa'i byed pa dang | laM bskyed kyi byed pa dang | 'bras bu rnaM mkhyen gyi byed pa'o | | ngo bo nyid kyi mtshan nyid la yang 3 ste | gzhi'i
ngo bo nyid dang | laM gyi ngo bo nyid dang | 'bras bu'i ngo bo nyid do | | gzhi'i ngo bo snyed la bzhi ste | gcod kyi go cha dben ba lnga dang | bskyed kyi gog cha rka ba'i ngo bo nyid dang | nges pa'i ngo bo nyid dang | ched du bya ba dang myi dmyigs pa'i ngo bo nyid do | | laM gyi ngo bo nyid la yang
bzhi ste | mngon bar zhen pa myed pa dang | dmyigs pa myed pa'i ngo bo nyid dang | 'jig rten dang myi mthun ba'i ngo bo nyid dang | thogs pa myed pa yang de nyid kyis so | | 'bras bu'i ngo bo nyid la yang bzhi ste | gzhi'i myed bya lastsogs pa dpes bstan pa dang |
de bzhin nyid myi dmyigs pa gsal bar bstan pa dang | de lag du thob pa dang myi thob pa shreb la rag las pa dang | de nyid kyi dpe' don gyis gsal bar bshad pa'o || || 2 pa rang sangs rgyas dang ma mthun ba'i rnaM kun mngon rdzogs la bzhi ste | go cha byar
pa'i cha mthun dang | 'jug pa nges 'byed cha mthun dang | rjes la slob pa phyir myi ldog pa'i rtags dang | de'i lag len dngos saM yid la byed pa'i khyad par ro | | 'jug pa nges 'byed la bzhi ste | drod dang | rtsa mo dang | bzod pa dang | chos mchog go | |
rjes la slob pa la 2 te | zhu ba dgod pa dang | lan no | | de la 3 ste | sbyor laM thabs mkhas pa las phyir myi ldog pa'i rtags dang | mthong laM spangs pa las dang | bsgoM laM rtogs pa las phyir myi ldog pa'i rtags so | | sbyor laM la bzhi ste |
drod dang | rtse mo dang | bzod pa dang | chos mchog gi rtags so | | mthong laM la yang bzhi ste | kun 'byung snga mas zin la | sdug bsngal rdzas yod chod pas baM gtan lastsogs pa'i yan lag yongs su zad pa dang | laM rtags gyi ge bcu spangs nas rge
ba bcu la 'god pa dang | btags pa chod pas 'gog bden las phyir myi ldog pa'i rtags so | | de la 2 te | yon tan gyi khyad par dang | rtags dngos so | | bsgoM laM la 2 te | zab mo'i ngo bo spyir bstan pa dang | te rtog pa'i bsgoM laM rgyas par bshad pa'o ||


| de la gsuM ste | khaMs 3 gyi rtogs pa'i don rgyu la bsgoM ba bsgoM laM du bstan pa dang | bsod naMs kyi gyur tshad dang | de'i byed pa 'bras bu dang bcas pa'o | | gyur tshad la 3 ste | sgro bskur dang bral ba'i bsgoM laM thabs shreb zung 'brel du bsgoMs pas 'bras bu chen po
'byung ba dang | de rgyun chags yin bas rnaM rtog spong ba'i dpe' dang | des nyon mongs pa che 'bring rku spong ba'o | | de la 3 | chung du dang | 'bring dang | chen po'o | | 3 pa la 2 te | byed pa dang | 'bras bu'o | | byed pa la 2 te | brtsod pa dang | lan no ||
'bras bu la brtsod pa'i lan la 3 ste | gcod mar mye'i dpe' sems pa skyed Na phyi byang chub kyi rgyu yin bar bstan pa dang | rten 'brel 'dzom bas 'bras bu 'byung ba sa bon gyi dpes snga phyi dngos dang brgyud pa'i rgyur bstan pa dang | bskyed chu thigs kyi dpes sems bskyed snga phyi
rims kyis 'phel bas byang chub kyi rgyu yin bar bstan pa'o | | de lta bu'i lag chen dngos sam yid la byed pa'i khyad par la 3 ste | dngos dang phan yon 2 kyis chos sku thob bar byed pa la srid pa dang zhi ba mnyaM ba nyid du bsgoM ba dang | gzugs sku thob par bya ba'i
don du zhing dag pa 2 bsgoM ba dang | 'phrin las thogs pa myed pa thob par bya ba'i don du thabs la mkhas pa la bslab pa'o | | de la 2 te | yul dang sbyor ba'i sgo nas mdor bstan pa dang | dbye' ba'i sgo nas rgyas par bshad pa'o | | de la bcu ste | dgra rnaMs las 'das
pa'i thabs la mkhas pa dang | thun mong ma yin ba'i dang | myi gnas pa'i dang | ji bzhin shugs kyi dang | chags pa myed pa'i dang | myi dmyigs pa'i dang | mtshan ma myed pa'i dang | smon pa myed pa'i dang | tshad myed pa'i dang | rtags kyi thabs la mkhas pa'o || ||
rtse mo mngon bar rtogs pa'i sbyor ba la lnga ste | sbyor laM gyi rtse mos de' rten rtog gcad pa dang | mthong laM gyi rtse mos kun brtags gcad pa dang | bsgom laM gyi rtse mos lhan skyes spang ba dang | bar chad myed pa'i rtse mos lhan skyes kyi sa bon 'phra mo spang ba dang |
de dag gi spang bya log bsgrub bstan pa'o | | sbyor laM gyi rtse mo la bzhi ste | drod kyi rtse mo'i rtags dang | rtse mo'i rnaM par 'chel ba dang | bzod pa'i brtan pa dang | chos kyi mchog sems kun tu gnas pa'o | | drod kyi rtse mo la bcu 2 ste | kun brtags rtog pa
chod pa'i thob pa dang ma thob pa'i khyad par drug dang | lhan skyes rtog pa gcod pa'i thob ma thob kyi khyad par drug go | | dang po la drug las | myi laM na dman ba la 'dod pa myed cing mchog gi snang ba 'byung ba dang | khyad par du snying rje dang 'brel bas bden ba ngag la


grub pa dang | bden ba sems la grub pas bar chad zhi zhi rloM ba myed pa ste | mthun ba'i rtags dang | bdag gi lung bstan rloM ba dang | gzhan gyi lung bstan rloM ba dang | bdud kyi mying gis lung bstan rloM ba ste | myi mthun ba'i rtags so | | 2 pa la yang drug ste |
dben ba bsten pas nga rgyal ba dang | de bzlog pa'i gnyen po dang | rka ba spyad pas nga rgyal ba dang | de bzlog pa'i gnyen po dang | 'du 'dzi spangs pas nga rgyal ba dang | de bzlog pa'i gnyen po gdaMs pa dang bcas pa'o | | de la 2 te | gnyen po dngos dang | spyir gdaMs pa'o | | de la gsum |
de grub pa la ka ya myi tra la brten dgos pa dang | brten pa'i dge' ba'i bshes gnyen dngos dang | de brten pa'i byed pa 'thad pa dang bcas pa'o | | rtse mo'i rnaM par 'phel ba la 2 te | rang don gyi 'phel ba dang | gzhan don gyi 'phel ba'o | | rang don gyi la 2 te | rang don gyi gzhi mo shreb
kyi mtshan nyid dang | de lta bu rtogs pa'i bsod naMs kyi 'phel ba dngos so | | gzhi mo la 2 te | dngos dang | brtsad pa spang ba'o | | 2 pa la 2 te | rang don gcod kyi 'phel ba dpe' la sbyar ba dang | gzhan don bskyed kyi 'brel ba tshad myed bzhi dang ldan ba'i phan yon no | | gzhan don
gyi 'phel ba la 3 ste | gzhan don gyi gzhi mo yuM yin bar bstan pa dang | gzhan don byed pa'i 'phel ba dngos dang | gzhan don byed pa'i khyad par gyi phan yon bstan pa'o | | yuM yin bar bstan pa la 2 te | gzhan don byed pas yuM nyi sdu blang bau bstan pa dang | khyad par du yid la byed pa
dpe'i sgo nas bstan pa'o | | 'phel ba dngos la yang 2 te | gzhan don bskyed 'phel zil gnon gyi dpe' dang | don no | | khyad par gyi phan yon la yang 2 te | lha myi dga' ba bskyed pa dang | bdud thaMd zil gyis gnon ba'o | | de la 3 | zug rngu dang ldan ba dang | des 
gnod pa'i sbyor ba byed pa dang | myi tshugs pa'i rgyu bstan pa'o | | bzod pa'i rtse mo brtan pa bstan pa la 2 te | sems can gyi don yongsu myi gtong ba'i brtan pa dang | kun mkhyen 3 gyi chos yongsu rdzogs pa'i brtan ba'o | | sems can gyi don la 2 te | bzod pa'i myi
mthun ba bstan pa dang | de'i gnyen po bskyed pa'i sgo nas sems can gyi don yongs su myi gtong ba'i brtan ba dngos bstan pa'o | | bzod pa'i myi mthun ba la'ang 2 te | bar chad 'byung ba'i rgyu bstan pa dang | thabs myi mkhas pa 'thabs mkhas pa dang ldan pa la gnod par sems pa+'i
nyes dmyigs bstan pa'o | | | gnyis pa la 3 ste | gzhi shes kyi bslab pa yongsu rdzogs pa mnyaM ba nyid dang | laM shes kyi rdzogs pa nyaMs pa myed cing dmyigs myed skyod pa la mkhas pa dang | rnaM pa thaMd mkhyen pa yongs su rdzogs pa'i yum du thams cad 'dus pa'o | | 


| de la gnyis te | rnaM mkhyen gyi chos yongs su rdzogs pa dang | de la spyod pa'i phan yon bstan pa'o | | de la 3 ste | 'bras bu'i dmyigs pa chod pas 2 su myed par mkhyen pas zil gyis gnon pa'i dpe' don dang | gnas pa chod pas la bskyed chos der 'dus pa'i dpe'
don dang | chags pa chod pas gzhi'i gcod der 'dus pa'i dpe' don to | | chos kyi mchog gi rtse mo sems kun tu gnas pa la 2 te | myi mthun phyogs 'gog pa la btags yod chod bas myi gnas pa dang | ting nge 'dzin gyur tshad kyi 'phel ba dngos bstan pa'o | | de la 2 |
'phel ba dngos dpes bstan pa dang | de'i 'thad pa bstan pa'o || || mthong laM gyi the mos kun bstags gcod pa la 2 te | spang bya rnaM par rtog pa bstan pa dang | mthong ba'i laM gyi phan yon bskyed chos bstan pa'o | | spang bya la 2 te | 'jug pa phyogs kyi dang |
ldog pa phyogs kyi bstan pa'o | | 'jug pa la 2 ste | gzhi rten can gyi dang | gnyen po rten can gyi bstan pa'o | | gzhi' rten la dgu' ste | ngo bo nyid du rtog pa'i gnyen po dang | rigs kyi dang | laM yang dag par 'grub pa'i dang | shes pa'i dmyigs pa ma 'khrul ba shugs
la bstan pa dang | myi mthun phyogs dang gnyen po'i dang | rang gis rtogs pa'i byed pa'i dang | de'i khas dang 'bras bu'i rtog pa'i gnyen po'i | | gnyis pa'i gnyen po la yang dgu' ste | srid zhir ma lhung bas rtogs pa myi dman ba'i yon tan gyis bstan pa dang | yongsu 'dzin pa
yod pa dang | laM kyi rnaM pa tsang ba'i yon tan dang | gzhan gyi rkyen gyis myi 'gro ba'i yon tan dang | ched du bya ba log pa dang nyi tshe ba dang sna tshogs 3 gyi gnyen po bstan pa dang | gnas dang 'jug ba la rmongs pa'i gnyen po dang | rjes la 'gro ba'i gnyen po bstan pa'o | | ldog pa
phyogs kyi la 2 ste | rdzas yod kyi dgu'i gnyen po dang | btags yod kyi gnyen pa'o | | mthong laM gyi phan yon bskyed chos bstan pa la bzhi ste | bskyed chos dngos byang chub gzhan la ston pa dang | de thob pas bar chad myed pa'i rgyu bsod naMs mang po'i mtshan nyid dang | de'i rgyu yongsu gtod pa dang
byang chub chen po mthong laM nyid ngos bzung ba'o | | de la 2 te | mthong laM gyi ye+es ngos bzung ba dang | rtogs pa'i khyad par ro | | dang po la 3 ste | zad myed skye myed kyi yuM gyis sangs rgyas bskyed pa dang | dpe'i sgo nas rgyas par bshad pa dang | zhor la thob ma thob kyi khyad par bstan pa'o ||
bsgoM laM gyi se mos lhan skyes spong ba la 2 ste | mthong ba goMs pa'i rten gyis rtsal sbyong bstan pa dang | gzhan shugs kyis 'phen ba'o | | mthong goMs la 2 te | 'khor ba'i rten 'brel lugs 'byung dang | 'das pa'i ltags bzlog go || || bar chad myed pa'i rtse mos ltan


skyes kyi sa bog 'phra mo spong ba la 2 te | bsod naMs kyi gyur tshad kyi sgo nas bar chad myed pa dngos dang | ldan thob dmyigs pa lastsogs pa'i khyad par mtshon nas bstan pa'o || | || de dag gi spang bya log bsgrub bstan pa la lnga ste | bo de yuM la spyod pas bsaM gtan la'a
gnas nas de'i rtog pa gcod pa dang | brtson 'grus la gnas te le lo myi mthun phyogs kyi rtog pa gcod pa dang | bzod pa la gnas te de'i myi mthun phyogs kyi rtog pa gcod pa dang | tshul khrims la gnas pas de'i myi mthun phyogs kyi rtog pa 'chal pa bzhi gcod pa dang
sbyin pa la gnas nas de'i myi mthun phyogs kyi rtog pa ser sna gcod pa'i rtso mo bstan pa'o | | bsaM gtan gyi la lnga ste | bsaM gtan la gnas nas zag myed kyi laM bskyed pa dang | gzhi rten du rtog cing bsaM gtan gyi gnyen po la chags na 'khor bar skye ba dang | dang po spong
ba'i gnyen po dang 2 pa spod ba'i gnyen po 2 kyis gzung rtog spong ba'i gnyen po bstan pa dang | bsaM gtan la ro myang zhing rdzas su zhen pa gcod pa dang | bsaM gtan la skyes bu btags par zhen pa'i rtog pa gcod pa'o | | brtson 'grus kyi la bzhi ste | mdor bstan pa dang
dpe' don rgyas par bstan pa dang | rgyu mtshan dang des na skyo ba myed par gdaMs pa dang zhor la gnyen po thob pas brtson ba dang ldan pa dang lngas gnyen pos myi mthun spong ba gdaMs pa dang bcas pa dang | thabs myi mkhas pa gzhi rten du rtog pas myi mthun ba dang ldan pa dang |
bzlog pa gnyen po brtson 'grus dang ldan ba 2 kyis gzhi rten spong ba gnyen po dang bcas pa dang | rdzas su zhen pa'i rtog pa dang ldan pa dang | gnyen po blo rtsal dang ldan ba myi skyo ba 2 kyis myi mthun ba rdzas sa zhen pa'i rtog pa spong ba dang | rtog pas bcings pas bdagzhan
gyi 'du shes can myi mthun bar bstan pa dang | gnyen po de dag 2su myed par spyod pa 2 kyis btags yod spong ba'o | | bzod pa'i la 2 te | bzod pa la gnas pa'i yon rtag dang | bzod pa'i laM khyer dngos so | | yon tan la 3 ste | yul la spro rga sngon du
'gro ba yongsu rtog pas gzhi rten gcod pa dang | de sbyin bya las khyad par du 'phags pa dang | des 'bras bu thob pa'o | | lam khyer dngos la 3 ste | myi mthun phyogs gnyen po rten can gcod pa dang | rdzas yod gcod pa dang | btags spyod gcod pa'o | | tshul
khrims kyi la bzhi ste | gzhi rten du rtog pas tshul khrims kyi myi mthun ba 'chal pa gcod pa dang | dman ba don du gnyer ba gnyen por rtog pa myi mthun ba dang de'i gnyen po 2 kyis gnyen po rten can gcod pa dang | rtog pa dang ldan pas bdagi 'dod pa'i don du bsrung ba


| myi mthun ba dang | gnyen po zag bcas zag myed sdoM ba bskyed pa 2 kyis rdzas yod gcod pa dang | btags yod gcod pa'o | | de la 2 | rtag pa de yod pas myi mthun phyogs su bstan pa dang | de'i gnyen po bstan pa'o | | de la
btags yod blang dor 2su 'byed pa myi mthun ba dang | gnyen po blang der 2 su myed par dag pa 2 kyis de nyid bshad pa'o | | sbyin pa+'i la bzhi ste | rten tshul khrims dang ldan ba chags ldan myed par dngos po blos thengs pas gnyen po mthu' dang ldan pa dang po
'bras bu dang bcas pa dang | gnyen po mthu' ldan bskyed pa 3 gyis gzhi rten gcad pa dang | gnyen po rten can gcod pa'i sbyin ba laM du khyer ba dang | 'dzin pa chod de dngos por myi 'dzin pas bsod naMs 'phel ba dang | de nyid zhing khyad par du 'phags par bstan pa
gnon pa dpe' don gyis bshad pa 3 gyis rdzas kyi 'dzin pa gcod pa dang | btags pa'i rtog pa gcod pa dpe' dang bcas pa'o || || mthar kyis pa'i mngon bar rtogs pa'i sbyor ba la drug ste | ngo bo dang byed pa 2 kyis sbyin ba'i mthar kyis pa dang |
tshul khims kyi dang | bzod pa'i dang | brtson 'grus kyi dang | bsaM gtan gyi dang | shreb kyi mthar kyis pa'o | | skad 1 ma'i mngon bar rtogs pa go blo'o || || chos kyi sku'i mngon bar rtogs pa la bzhi ste | gcod mthar phyin pa ngo bo nyid kyi sku dang |
mthar phyin pa lo spyod rdzogs pa'i sku dang | smon laM thugs rje'i mthus byung ba sprul pa'i sku dang | 2 su myed pa mthar phyin pa chos kyi sku'i 'phrin las bstan pa'o || || rgyal ca'i yuM yon tan rin po che sdud pa'i bsdus don rdzogs s+hyo || 


