phyi
tsa
17


| 'phags pa 'jam dpal gzhon nur gyur pa la phyag 'tshal lo | | dbu ma la 'jug pa'i 'grel pa la bsdus pa'i don gnyis ste | rtsa ba'i don dgrol ba dang | bsags pa'i dge ba'i rtsa ba bsngo ba'o || dang po la gsum ste | mchod pa bsgrub pa dang | gzhung gi don gtan la dbab pa dang | bstan bcos yongs 'su gtug
pa'i don to || dang po la gnyis ste | snying rje la bstod pa dang | phyag 'tshal ba'o || dang po la lnga ste | 'brel spyi don dgod pa dang | thub pa'i dbang pa'i don dang | de'i 'bras bu'i don dang | de'i rgyu dang | rgyu'i rgyu'o || gsum pa la gnyis ste | thun mong gi don dang | so so'i sgra bshad pa'o || rgyu la gnyis ste |
'thad pas rgyur bsgrub pa dang | lung gis bsgrub pa'o || rgyu'i rgyu la gnyis ste | bsdus pa rgyu yin pa dang | gtso bo dang phal pa dpyad pa'o || phyag 'tshal ba la gsum ste | sems can la dmigs pa dang | chos la dmigs pa dang | dmigs pa med pa la phyag 'tshal ba'o || gzhung gi don gtan la dbab pa la gnyis ste | rgyu'i sa dang |
'bras bu'i sa'o || dang po la gnyis ste | rab du dbye ba dang | yon tan rgyas pa'o || rab du dbye ba la bcu las | sa dang po la bzhi ste | sa rang gi ngo bo dang | sa de la bsngags pa'i byang chub sems dpa'i yon tan dang | der khyad par son pa'i sbyin pa dang | sa'i bsngags pa'o || dang po la gnyis ste | thun mong gi don dang | thun mong ma yin pa'o | |
yon tan la brgyad ste | bde bar gshegs pa'i sras su brjod pa dang | rigs khyad par can du skyes pa dang | kun tu sbyor ba gsum dang bral ba dang | dga' ba mchog dang ldan pa dang | mthu phul du byung ba 'byor ba dang | sa gzhan bgrod par spro ba dang | brgyad pa'i tshul dang 'dra ba dang | nyan thos dang bse ru zil gyis gnon pa'o || dang po la gnyis ste |
ldog 'tshams cha rkyen dang bcas pa gzhag pa dang | ldog pa gzhag pa'o || nyan thos dang bse ru zil gyis gnon pa la gnyis ste | skabs su bab pa dang | zhar la byung ba'o || 'di la gnyis ste | sa gzhan du blo phul du byung bar 'gro ba dang | shugs kyis 'phangs pa'i don bsgrub pa'o || 'di la gnyis ste | rigs pa dang | lung ngo || 'di la


| gnyis ste | shes par byed pa dang | de la brtsad pa spang ba'o || sbyin pa la gnyis ste | yon tan brjod pa dang | pha rol du phyin pa'i rnam par dbye ba'o | | dang po la bdun ste | blo dang ldan pas blang bar bya ba+'i yan lag yin pa dang | rtogs pa'i khyad par go bar byed pa dang | bde bas 'phongs pa la bde ba nye bar bsgrub pa dang |
dam pa dang phrad pa la gtan tu ba'i bde ba ster ba dang | snying rje'i bdag nyid can la dga' ba bskyed pa dang | sbyin pa dang 'brel pa'i gtam rtso bor bsgrub pa dang | dga' ba bskyed pa'i rnam pa'o || 'di la gnyis ste | ngo bo dang | brtsad pa spang ba'o || 'di la gnyis ste | sdug bsngal med pa dang | yod kyang don grub pa'o || pha rol du phyin pa'i
rnam par dbye ba la gnyis ste | sgra bshad pa dang | rang bzhin no || || sa gnyis pa la lnga ste | tshul khrims kyi pha rol du phyin pa lhag pa dang | tshul khrims kyi bsngags pa brjod pa dang | mi mthun phyogs dang ma 'dres pa dper brjod pa dang | pha rol du phyin pa'i rnam par dbye ba dang | sa pa bsngags pa'o || dang po la lnga ste | tshul
bsgre ba dang | rang gi ngo bo dang | khyad par brjod pa'i rgyu dang | 'bras bu'i khyad par dang | ye shes kyis yongs su zin pa'i khyad par ro || bsngags pa brjod pa la bzhi ste | mi mthun phyogs kyi nyes dmigs dang | gnyen po bstan pa'i tshul dang | yon tan kun gyi gzhi yin pa dang | mngon par 'dod pa'i rgyur grub pa'o || dang po la gnyis
ste | bsags pa'i 'bras bu zad pa dang | ngan 'gror bar 'tshams med pa'o || ༈ || sa gsum pa la bzhi ste | sa'i nges tshig dang | de phul du byung ba'i yon tan dang | chos gsum gyi khyad par bsam pa dang | skabs yongs su rdzogs pa'o || gnyis pa la gnyis ste | bzod pa'i pha rol du phyin pa lhag pa dang | yon tan
gzhan khyad par du 'phags pa'o || dang po la gnyis ste | rten nges pa dang | ma nges pa'o | | 'di la bzhi ste | mi bzod pa'i skyon dang | bzod pa'i yon tan dang | bzod pa bsten par 'os pa dang | pha rol du phyin pa'i rnam par dbye ba'o || dang po la gsum ste | don med pa dang | ma mthong pa'i nyes pa dang |


mthong pa'i nyes pa'o || bar pa la gsum ste | ngan 'gror 'phen pa dang | sdig pa ma bsags pas sog pa'i rgyu dang | bsod nams bsags pa 'grib pa'i rgyu'o || yon tan gzhan khyad par 'phags pa la drug ste | bsam gtan dang | gzugs med dang | tshad med dang | mngon pa shes pa dang | phra rgyas gsum zad pa dang | 'dod pa'i
'dod chags 'joms par nus pa'o || ༈ || sa bzhi pa la gsum ste | ngo bo dang | sgra 'jug pa'i rgyu mtshan dang | yon tan gyi khyad par ro || gnyis pa la gnyis ste | rgyu'i ngo bo dang | de skyed par byed pa'i yon tan no || ༈ || sa lnga pa la gsum ste | sa'i ming gi rgyu mtshan bsnyad pa dang | bsam gtan gyi pha
rol du phyin pa lhag pa dang | bden pa la mkhas pa'o || ༈ || sa drug pa la bzhi ste | shes rab kyi pha rol du phyin pa khyad zhugs pa dang | de gtsor bsgrub pa dang | bya ba'i khyad par gtso bor ltan pa dang | de mngon par brjod pa'i byang chub sems dpa'i yon tan no || gsum pa la gnyis ste | skabs dgod pa dang |
bdag med par bsgrub pa'o || dang po la bzhi ste | rang dbang du brjod par mi nus pa dang | 'phags ba'i rjes su 'brangs ste brjod par 'os pa dang | skal ba dang ldan pa'i chos kyi khyad par bsam pa dang | bskul ba'o || gsum pa la gnyis ste | mtshan ma dang | yon tan no || bdag med par bsgrub pa la gnyis ste | rigs pa dang |
lung ngo || dang po la gnyis ste | chos kyi bdag med par bsgrub pa dang | gang zag gi bdag med bar bsgrub pa'o || dang po la lnga ste | yid ches pas bstan pa'i tshul dang | skye ba med par bsgrub pa dang | tha snyad gzhung gzugs pa dang | yon tan bsgrub pa dang | rnam par dpyad pa'i 'bras bu'o || gnyis pa la gsum ste | dam bca' ba dang |
'thad pa brjod pa dang | 'jug bsdu ba'o || bar pa la bzhi ste | rang dang | gzhan dang | gnyi ga dang | rgyu med pa las skye ba dgag pa'i 'thad pa'o || dang po la bzhi ste | de kho na nyid du dgag pa dang | tha snyad du dgag pa dang | gnyi ga la 'jug bsdu ba dang | don shin tu ma 'brel bar thal ba'o || dang po la gnyis ste |


| don med pa dang | mi rigs pa'o || 'di la bzhi ste | grags pa'i don mi rung ba dang | ma grags par 'thob pa dang | rgyu 'bras ngo bo 'chol pa dang | rtogs par mtshungs par thal ba'o || gzhan las skye ba dgag pa'i 'thad pa la gnyis ste | brgal pa dang | lan no || 'di la gnyis ste | dbu ma'i lugs brjod pa dang |
lugs gzhan bzlog pa'o || dang po la bzhi ste | de kho na nyid du dgag pa dang | kun rdzob du dgag pa dang | yon tan bsgrub pa dang | las 'bras 'brel par 'thad pa'o || dang po la gnyis ste | rigs pas gnod pa brjod pa dang | 'jig rten gyi gnod pa spang ba'o || dang po la gsum ste | gzhan nyid khas blangs ste gnod pa brjod pa dang | gzhan nyid dag pa dang
mu bzhi dgag pa'o || dang po la gnyis ste | rigs mi mthun pa las skye bar thal ba dang | skye ba ma nges par thal ba'o || 'di la gnyis ste | don brjod pa dang | phyir gzhil ba bzlog pa'o || 'di la gnyis ste | brgal zhing brtag pa dang | 'dod pa'i don dang mtshungs par bsgrub pa'o || gzhan nyid dgag pa la gnyis ste | dus mtshungs pa dgag
pa dang | yul khyad par can bzlog pa'o || dang po la gnyis ste | ngo bo dkag pa dang | gzhung gzugs pa bzlog pa'o || 'di la gsum ste | byed pa po la ltos ste dpe dang mi mthun pa dang | bya ba la ltos ste dpe dang mi mthun pa dang | mdo'i dgongs pa brjod pa'o || 'jig rten gyi gnod pa spang ba la gsum ste | gzhan gyi lugs
rjes su brjod pa dang | spyod yul ma yin par bsgrub pa dang | de'i yul dper brjod pa'o || bar pa la gnyis ste | dpes nges par brtags pa dang | 'jig rten tshad ma ma yin pas nges par brtags pa'o || dang po la gsum ste | yan lag dang | ngo bo dang | yan lag rgyas pa'o || yan lag la gsum ste | bden pa gnyis
rnam par gzhag pa dang | 'jig rten pa'i shes pa dpyad pa dang | shes bya dpyad pa'o || yan lag rgyas pa la gsum ste | kun rdzob kyi dbye ba dpyad pa dang | don dam pa'i bden pa dang | skabs kyi don 'jug bsdu ba'o || gnyis pa la gnyis ste | ngo bo dang | brgal pa ngas ba'o || yon tan bsgrub pa la gsum ste | ngo bo dang | 'thad pa dang


'jug bsdus pa'o || dang po la gnyis ste | lta ba med pa dang | mod dang sbyar ba'o || 'thad pa la gnyis ste | don dam par rang bzhin med pa dang | kun rdzob rang bzhin med pa'o || 'di la gsum ste | ma brtags pa'i don khas blangs pa dang | ji skad bshad pa'i don khas blang bar 'os pa dang | grags pa gzhung gzugs pa'o || las dang 'bras bu 'brel
pa 'thad pa la gsum ste | chud mi za ba dang | nyes pa spang ba dang | dgongs pa can gyi don gzhag pa'o || bar pa la gnyis ste | 'bras bu thug pa med pa spang ba dang | nges pa med pa spang ba'o || dgongs pa can gyi don la gnyis ste | dgongs pa dang ldan pa'i don dang | dgongs pa gang yin pa'o || lugs gzhan bzlog pa la sun ste |
rjes su brjod pa dang | de dgag pa dang | nges par legs pa'i skal ba can ma yin pa dang | kun rdzob la glan ka spang ba dang | mdo'i dgongs pa brjod pa dang | rnam par shes pa smra ba la gdams pa dang | mdo'i khyad par gyi dgongs pa bsnyad pa'o || rjes su brjod pa la gnyis ste | blo dang ldan pa'i de nyid rtogs pa dang | gzhan dbang rnam par gzhag pa'o ||
'di la gnyis ste | 'bras bu'i gzhan dam skye bar bsam pa dang | gzhan dbang khyad par can yod pa nyid do || dgag pa la gnyis ste | ma dag pa gzhan dbang dgag pa dang | dag pa'i gzhan dbang dgag pa'o || dang po la drug ste | rmi lam gyi dpe sun dbyung ba dang | rab rib kyi dpe sun dbyung ba dang | rten dang dmigs pa sun dbyung ba dang |
bsgrub par byed pa ril bsgrub par bya ba dang mtshungs pa dang | lung gis gnod pa spang ba dang | bsgrub byed gzhan bzlog pa'o || dang po la gsum ste | shes pa ma grub pa dang | sgrub byed med pa dang | skabs don bsgrub pa'o || rab rib can gyi dpe sun dbyung ba la gnyis ste | rtogs pa po nges pa la yul yod pa dang | de'i 'thad pa'o || 'di la gsum ste |
ngo bo dang | gnod pa spang ba dang | 'jug bsdus pa'o || bar pa la gnyis ste | gnod pa dgod pa dang | de spang ba'o || de la gnyis ste | nus pa med pa dang | de med pa'i tshul lo || 'di la gsum ste | da ltar ba'i nus pa dgag pa dang | ma 'ongs pa'i nus pa dgag pa dang | 'das pa'i nus pa dgag pa'o || bar pa la gnyis ste |


| khyad par dang khyad par can ma grub pa dang | nus pa dang 'bras bu'i rang gi ngo bo ma grub pa'o || 'das pa'i nus pa dgag pa la gnyis ste | skye ba ma nges par thal ba dang | bsgrub byed ma grub pa'o || rten dang dmigs pa sun dbyung ba la gsum ste | gzhan gyi lugs brjod pa dang | dgag pa'i 'thad pa dang | 'jug bsdu ba'o ||
dag pa gzhan gyi dang dgag pa la gsum ste | bsgrub byed med pa dang | ha cang thal ba dang | tha snyad nyams pa'o || dang po la gsum ste | mngon sum med pa dang | rjes dpag med pa dang | ma grags pa'i don 'thob pa'o || dang po la gnyis ste | spyir dgag pa dang | 'thad pa dang bcas pa dgag pa'o || rjes dpag med pa la bzhi ste |
de cho ga nyid du ma grub pa dang | 'brel pa yang ma grub pa dang | go bar byed pa'i ngo bo ma grub pa dang | rang gzhung rnam par gzhag pa'o || kun rdzob la klan ka spang ba la gnyis ste | mi mtshungs pa dang | 'jig rten gyi gnod pa la'o || mdo'i dgongs pa la bzhi ste | smad pa dang | bdag byed pa po yin pa dgag pa dang | gzugs gtso bo yin pa
dgag pa dang | skabs don 'jug bsdus pa'o || gnyis pa la gsum ste | mthar thug pa'i don dang | tshig bshad pa dang | de brtan par byed pa'i lung gzhan dgod pa'o || gzugs gtso bo yin pa dgag pa la 3 ste | ngo bo dang | mdo dang 'gal ba brjod pa dang | mngon par 'dod pa'i don gzhag pa'o || rnam par shes pa smra ba la gdams pa la 3 ste |
rigs pa dang | lung dang | mthar thug pa'i don no || mdo'i dgongs pa bsnyad pa la bzhi ste | gzhan gyi 'dod pa brjod pa dang | rang gi gzhung gzhag pa dang | de'i sgrub byed brjod pa dang | nges pa dang drang ba'i mdo'i rnam par dbye ba la bslab pa'o || gsum pa la gnyis ste | lung dang | rigs pa'o || gnyi ga las skye ba dgag pa'i 'thang pa la
gnyis ste | gzhan lugs dgod pa dang | de sun dbyung ba'o || 'di la gnyis ste | sngar brjod pa dran par bya ba dang | sngar ma brjod pa brjod pa'o || rgyu med las skye ba dgag pa'i 'thad pa la 2 ste | ngo bo nyid smra ba dgag pa dang | tshu rol mdzes pa dgag pa'o || dang po la gnyis ste | bsal bya dgod pa dang | de dgag pa'o || dang po


gnyis ste | rigs pas gnod pa dang | grags pas gnod pa'o || 'di la 2 ste | thaMd la grags pas gnod pa dang | rang la grags pas gnod pa'o || tshu rol mdzes pa dgag pa la 3 ste | rjes su brjod pa dang | bsgrub byed med pa dang | gnod byed yod pa'o || 'di la 3 ste | lta ba phyin ci log du gzhag pa dang | bsgre ba dang | de nyid 
de las bzlog pa'o | | tha snyad gzhung gzugs pa la 3 ste | kun rdzob snang ba'i rgyu dang | brgal pa spang ba dang | kun rdzob du skye ba rnam par gzhag pa'o || gnyis pa la gsum ste | gzhan la brgal zhing brtag par 'os pa dang | slar brgal zhing brtag pa dang | bdag la brgal zhing brtag par mi 'os pa'o || rnam par dpyad pa'i 'bras bu 
'brel dang | ngo bo dang | brtsad pa spang pa'o || gang zag gi bdag med par bsgrub pa la 2 ste | 'brel dang | brjod par 'dod pa'i don bstan pa'o || 'di la drug ste | gzhan gyi ste pas brtags pa dang | rang gi ste pas brtags pa'i bdag dgag pa dang | rten nas gdags pa rnam par gzhag pa dang | bdag gti mug las grub pa dang | rnal
'byor pa ma grol ba srid pa dang | brten nas gdags pa bsgre ba'o || dang po la 2 ste | gzhan gyi lugs rjes su brjod pa dang | de bzlog pa'o || dang po la bzhi ste | grangs can gyis nye bar brtag pa dang | bye brag pa dang | phyugs bdag pa dang | rigs byed kyi mthar smra bas nye bar brtags pa brjod pa'o || dang po la 2 ste | de kho na rnam par gzhag pa dang
bzings pa dang grol ba gzhag pa dang | rtsa ba'i tshig don bshad pa'o || bzlog pa la 2 ste | gnod pa brjod pa dang | bsgrub byed dgag pa'o || dang po la 2 ste | khyab par bya ba'i mi dmigs pa dang | rang bzhin mi dmigs pa'o || dang po la 2 ste | dgo bo dang | khyad par ma skyes pa'o || rang gi ste bas brtags pa'i bdag dgag pa la 3 ste |
brjod du yod pa'i bdag dgag pa dang | brjod du med pa'i bdag dgag pa dang | 'jug bsdus pa'o || dang po la 2 ste | de'i lugs rjes su brjod pa dang | de bzlog pa'o || 'di la 2 ste | dgag pa bsgrub pa dang | dgag pa'i don sdoms pa'o || dang po la brgyad ste | rigs pa dang 'gal ba dang | lung dang 'gal ba dang |


| | mngon par rtogs pa dang 'gal ba dang | mdo'i don rnam par dbye ba dang | mi 'grigs pa'i don du 'gyur ba dang | ngar 'dzin gyi yul du mi 'thad pa dang | ma 'brel ba brjod pa dang | phyogs gnyis bsal ba'o || dang po la 2 ste | nyes pa lnga brjod pa dang | nyes pa lnga bsgrub pa'o || mngon par rtogs pa dang 'gal ba la 2 ste | med par lta
par thal ba dang | de bsgrub pa'o || 'di la 3 ste | phyogs dor ba dang | 'go bsnyam pa dang | nyon mongs pa ma spangs par thal ba'o || bzhi pa la 2 ste | dgongs pa dang | 'dod pa'i don bsgrub par mi nus pa dang | 'dod pa la gnod pa'i mod dgod pa'o || dgag pa'i don bsdoms pa la 3 ste | 'jig tshogs la lta ba'i rnam pa dang |
brgal pa spang ba dang | rnam pa'i ming bye brag du rtogs par bya ba'o || brjod du med pa dgag pa la 2 ste | rjes su brjod pa dang | dgag pa nyid do || brten nas gdags pa rnam par dagzhag pa la 2 ste | ngo bo dang | de'i 'bras bu'o || dang po la 3 ste | rtsom pa nye bar dgod pa dang | dpe bsgrub pa dang | dpe'i don dngos rnam par gzhag pa'o
2 pa la bzhi ste | shing rta don dam par dgag pa dang | kun rdzob pa gzhag pa dang | de kho na nyid la 'jug pa'i thabs yin pa dang | phyir bzlog pa spang ba'o || dang po la 2 ste | bkag zin pa'i phyogs dran par bya ba dang | phyogs 2 dgag pa'o || 'di la 3 ste | tshogs pa shing rta yin pa dgag pa dang | gnyi ga shing rta yin pa lhan cig
dgag pa dang | dbyibs shing rta yin pa dgag pa'o || 'di la 3 ste | yan lag re re'i dbyibs shing ltar dgag pa dang | tshogs pa'i dbyibs shing rtar dgag pa dang | bsgre ba'o || 'di la 2 ste | rigs pa bshad ma thag pa sbyar ba dang | sngar bshad pa dran par bya ba'o || kun rdzob rnam par gzhag pa la 2 ste | gzhan gyi phyogs la nyes pa yod pa dang |
rang gi phyogs la nyes pa med par bstan pa'o || 'di la 3 ste | ngo bo gzhag pa dang | khyad par gzhag pa dang | mkhas pa ltar bcos pa bsal bar 'os pa'o || dpe'i don rnam par gzhag pa la 2 ste | len pa po sbyar ba dang | byed pa po sbyar ba'o || brten nas gtags pa bsgre ba la 2 ste | mdor bsdus pa dang | rgyas par bshad pa'o ||


rgyas pa la 2 ste | chos lnga la bsgre ba dang | rgyu dang 'bras bu la bsre ba'o || 'di la bzhi ste | ltos pas 'grub pa dang | rang bzhin gyis 'grub pa dgag pa dang | rang gyi gzhung skyon med par brjod pa dang | gzhan gyis smras pa'i don spang ba'o || 'di la 2 ste | rjes su brjod pa dang | dgag pa'o || dgag pa la bzhi ste | thal ba mtshungs
pa spang ba dang | brgal zhing brtag pa mtshungs pa dang | gzhan la gdams pa dang | sun 'byin phyin ci log du smras pa lasogs pa spang ba lasogs don gsum brjod pa'o || thal ba mtshungs pa spang ba la bzhi ste | gzhan dang 'dra bar dpyad pa mi 'jug pa dang | rang la grags pa'i dpes skyon mi srid pa dang | 'grel pa mkhan po gzhan sun
dbyung ba dang | 'bad pa don med pa'o || lung la bzhi ste | klang bslang ba dang | mdo bsdus pa'i bstan pa dang | rgyas bshad dang | mdo bsdus pa'i don bshad pa'o || gleng bslang ba la 2 ste | bdag med pa 2 gsal bar bya ba dang | de'i dgos pa'o || rgyas par bshad pa la stong pa nyid bcu drug las | dang po stong pa la 3 ste | rang gi ngo bo dang |
rang bzhin gyi don bstan pa dang | mthar thug pa'i don brjod pa'o || rang bzhin gyi don bstan pa la 3 ste | rang bzhin med pa dgag pa dang | yod pa nyid de kho na dang bcas par brjod pa dang | rang bzhin gzhan dgag pa'o || bcu 2 pa la dbye ba med do || bcu bzhi pa la 3 ste | bstan pa dang | chos kyi rang gi mtshan nyid rgyas pa dang |
'jug bsdu' ba'o || bar ma la 2 ste | kun nas nyon mongs pa'i rgyas pa dang | rnam par byang ba'i rgyas pa'o || 'di la 2 ste | rgyu'i gnas skabs dang | 'bras bu'i gnas skabs so || rgyu'i gnas skabs la 2 ste | thun mong ma yin pa dang | thun mong pa'o || bco lnga ba dang bcu drug pa la dbye ba med do || ||
sa brgyad pa la 3 ste | yon tan yongs su 'dzin pa dang | de bzhin gshegs pa las gdam ngag thos pa dang | skyon zad pa'o || dang po la 3 ste | phyir mi ldog pa dang | smon lam gyi pha rol du phyin pa lhag pa dang | sa khyad par can la gnas pa'o || skyon zad pa la 3 ste | ngo bo dang | bya ba dang bcas pa nyid dang | bya ba'i rgyu bstan pa'o


'bras bu'i yal bdun ste | ye+es phun sum tshogs pa dang | sku phun sum tshogs pa dang | bzhed pa la mnga' ba phun sum tshogs pa dang | thun mong ma yin pa'i yon tan phun sum tshags pa dang | 'phrin las phun sum tshogs pa dang | theg pa bstan pa rnam par dbye ba dang | dus kyi rnam par dbye ba rnam par gzhag pa'o | |
dang po la 3 ste | yul gyi sgo nas ye+es phun sum tshogs pa dang | dus kyi sgo nas ye+es phun sum tshogs pa dang | brtsad pa spang ba'o || de la 2 ste | brgal pa dang | lan no || 'di la 2 ste | 'jig rten la grags pa'i sgo nas ye+es rung ba dang | bstan pa rung ba'o || 'di la 2 ste | sku 2 mdor mtshon pa dang | dpes bsgrub pa'o ||
sku phun sum tshogs pa la 3 ste | chos kyi sku dang | longs spyod rdzogs pa'i sku dang | mthu'i sgo nas sprul pa'i sku bstan pa'o || 'di la 3 ste | nyid rang gi skye ba brgyud pa bstan pa dang | rgyal sras kyi spyod pa bstan pa 2 kyis sku la sngar gyi byung tshul bstan pa dang | ba spu'i khung bu bstan pa'o || 'di la 3 ste | nyid kyi dang | sangs
rgyas kyi dang | nyan thos lasogs pa'i byung tshul bstan pa'o || thun mong ma yin pa'i yon tan la 2 ste | bstan pa dang | rgyas par bshad pa'o || 'di la 3 ste | ngo bo bstan pa dang | sangs rgyas ces pa ma gtogs par bstan par mi nus pa dang | rang nyid kyis ji zhig ltar brjod pa'o || theg pa bstan pa rnam par dbye ba la 2 ste |
don dam pa'i theg pa dang | dgos pa'o || dus kyi rnam par dbye ba rnam par gzhag pa la 2 ste | byang chub pa'i dus dang | gnas pa'i dus bstan pa'o || 'di la 2 ste | ngo bo dang | rgyu bstan pa'o || 'di la 2 ste | rgyu'i ngo bo'i khyad par brjod pa dang | rnam pa'i khyad par brjod pa'o || || bstan bcos yongs su
gtugs pa'i don la bzhi ste | rang dga' ba spang ba dang | lugs thun mong ma yin pa dang | 'bad pa 'bras bu dang bcas pa dang | don bzang po la gzud pa'o || || dbu ma la 'jug pa'i bsdus don | rdzogs s+hyo || ||


