|| tshad ma rnam par nges pa'i ti ka legs par bshad pa bsdus pa' zhes bya ba |  bcom ldan 'das 'jam pa'i dbyangs la phyag 'tshal lo |  | gang zhig nyes pa kun bral chos rnams la |  | ye shes spyan dang ldan pa' thugs rje'i gsung dbyangs kyis |  | legs 'dod skye bo don la mi slu ba'i |  | 'jug yul ston pa 
de la phyag 'tshal lo |  | gang ma mthong pas srid par 'khyams gyur pa |  | bdag la shes bya'i gnas la gnas nyid bzhin |  | lta byed tshad ma'i myig gnyis sbyin mdzad pa'i |  | rgyal mtshungs bla ma rnams la phyag 'tshal lo |  | gang zhig dngos stobs blo yis dngos rnams la |  | log lta'i gzhung rnams rab 'jig dngos nyid dang || 
ston pa'i gsung don nges byed rigs pa'i tshul |  | rnam nges mdzad pa de 'dir rgyal gyur cig |  | de lta'i gzhung 'di skye bo blo gros phyogs can gyis |  | tshig don ma bshad tshig dang don 'ga' bshad pa dang |  log par bshad dang skabs don gzhung las 'khyams bshad kyis |  | shes 'dod rnams kyi dus dang sgra blo gron gyur byas |  | de dag rjes 
zhugs dpyad la ltos myed par |  | rnam 'jig sdud dang gzhung don gsal byed pas |  | ston de'i dgongs pa bde blag nges 'gyur ba'i |  | legs bshad bsdus pa'i ti ka bdag gis bya |  | rnam bshad don gyi ro dang nus pa mi shes par |  | grags pa'i sgra las che ba'i rlung du mngon rgyug pas |  | gzhan zer skye bo lung brgya'i rnyog chus ngoms 
pa bdag |  | legs bshad bkod ma yan lag brgyad ldan 'di mi 'thung |  | gang dag rjod tshogs snying por mi byed kyi |  | gzhung gis bstan pa'i don gzhung nges 'dod pa |  | de dag tshig 'gas don mang rab gsal ba'i |  | rigs bshad snying po 'di la ngo mtshar lta ||   || 'di na legs par 'dod pa'i skye bo dag 
don dang don ma yin pa'i mtha' yongs su tshol yang |  kha cig rtog ge ngan pa'i gzhung lugs kyis blo rnam par bslad pas mthong pa dang ma mthong pa'i ches cher 'khrul par gyur la |  gang dge bde bar gshegs pa'i gsung rab la rten pa rnams kyang ston pa'i gsung drang pa dang nges pa'i don can mi shes pas lta ba sna tshogs par gyur cing |  rang gi tshul 
brjod pa tsam la yang phan tshun yid ches par mi 'gyur ba na |  mkhas rnams kyis yongs su brtags la nga'i bka' blang par bya'i zhes gang gsungs pa don la yongs su rtog pa rigs pa'i tshul 'di ni ring zhig na shes bya'i de kho na tshol ba la mkhas pa'i skye bo chen po dag gis legs par gsungs pa'i gzhung gi cha nyid las rnyed de |  bdag dang 
gzhan gyi rtog ge yang dag pa dang ltar snang pa'i rnam par gzhag pa mdo' tsam zhig mdzad do |  | de yang rang dang gzhan gyi skye bo kun tu rmongs pa dag gis ma rtogs pas shin du smad pa'i gnas su lhung pa na |  slob dpon chos kyi grags pa 'jig rten du byon te gzhung de rtog ge rigs pa'i bstan chos rmad du byung pa'i don can du dgongs pa dang | 


| yul khyad par can la mi bden pas smod pa bzlog pa'i phyir de'i brjod bya rtog ge rigs pa'i tshul gsal bar byed pa tshad ma'i bstan bcos sde bdun mdzad de |  rgyas 'bring bsdus pa gtso' bo lus lta bu'i bstan bcos gsum dang |  rang don rjes dpag gi rgyu rtags kyi mtshan nyid dang 'brel pa la 'khrul pa spong pa gnyis dang |  gzhan 
don rjes dpag dgod pa'i yul phyir rgol bsgrub pa dang rgol ba phyir rgol gyi ngag brtag pa gnyis ste lus kyi cha shas la 'khrul pa spong pa yan lag gi bstan bcos bzhi 'o |  | de dag las rnam par nges pa' ni lus lta bu'i bstan bcos bar ma ste |  gzhung cung zad bsdus pas tshad ma nyid kyi lus tshang par gtan la 'bebs pa'i phyir ro |  | de lta 
mod kyi 'di yang gdul bya 'ga' zhig la tshad ma rnam par nges pa nyid du ma gyur pas 'di tshad ma rnam par nges byed nyid du skye bo kun la bde blag du bstan par bya'o |  | de yang gzhung 'di ni rtsom pa la 'jug pa klad kyi don dang |  brtsam par bya ba skabs kyi don dang |  mthar phyin pa 'jug gi don gsum gyis nges par bya ba las |  re shig rtsom pa 
la 'jug pa klad kyi don ni |  gang la zhes pa dang phan pa dang zhes pa'i ngag gnyis so |  | gal te skye bo dam pa rnams ni bstan bcos brtsam pa'i sngon du ston pa la mchod pa brjod pa mdzad pa yin na slob dpon 'dis ci ltar ma mdzad ce na |  mdzad kyang gzhung du ma bkod pa nyid dam |  sde bdun rtsom pa'i rgyun cig yin pas 'thog 
mar brtsams pa'i gzhung rnam 'grel du bkod pa'i spang phyir ro |  | 'o na ngag dang po 'dis ci zhig bstan par 'gyur zhe na |  rmad na don min skye bas de bzlog pa'i don du brtse bas zhes 'byung pa de la ched du bya gtsor bzung na dgos pa ston pa yin la |  bsam pa gtsor bzung na rtsom pa'i rgyu bstan par 'gyur ro |  | 'o na bstan 
bcos cig la dgos 'brel gi ngag gnyis 'byung pa ci ltar ce na |  dgos 'brel gnyis yod pa'i phyir te |  sngar bshad pa'i tshul gyis rnam par nges pa 'dis slob dpon phyogs kyi glang po'i mdo'i brjod byar gyur pa'i tshad ma gsal bar byas pas brjod bya cha gnyis dang ldan pa'i phyir ro |  | de la mdo'i don brjod pa khyad par gyi dgos 'brel 
ston pa ni gang la zhes pa'i tshigs su bcad pa brjod pa |  de la gzhung bshad pa thams cad du brjod bya nyid ngos bzung ste |  de'i bsdus don gyis tshig bshad pas ngag gi don bstan pa'i dgos pa bsam par bya ba las |  'dir yang ngag dang po 'di 'i brjod bya ni mdo'i rnam grel du byas pa'i dgos 'brel bzhi yin te |  brjod bya kun las 
btus kyis bstan pa'i tshad ma dang |  dgos pa de rtogs pa dang |  'brel pa rtogs pa de dgongs 'grel gyi gzhung 'di la ltos pa dang |  dgos pa'i dgos pa de'i brjod bya ji lta bar rtogs pas gzhung dang slob dpon la smod pa log pa'o |  | 'o na de dag ngag 'dis ji ltar bstan ce na |  re shig brjod par bya ba ni de'i lugs ni ces 


pas ste |  slob dpon gyi mdos ji ltar bstan pa'i tshad ma de nyid yin gyi mdo 'i gzhung nyid dam tshad ma rang dbang du 'chad pa 'ang ma yin no |  | dgos pa'i ngo bo ni gsal bar bya ces ba ste |  bye brag du bshad pas byung pa mdo'i don rtogs pa'o |  | gal te mdo'i don mdo' nyid kyis brjod pa ma yin nam yang bshad pa ci dgos zhe na | 
dgos pa bsgrub mi dgos pa spang pa'i phyir de lta mdo kyi 'on kyang 'jig rten 'ga' zhig gis de gsal bar mi shes pas zhes sbyar te |  de yang gang zag gi khyad par blo gros blun pa dang |  slob dpon de'i gzhung brling pas so |  | brling pa ni rdo rje'i tshig ste |  don zab mo ston pa'i tshig nyung zhing 'brel par dka' bas so |  | a tha'i sgra ni 
'dir tshig la 'jug ste |  don ni dgongs 'brel dang gcig yin pa'i phyir dang |  brling pa tshig la sbyor na ma 'brel pa'i phyir ro |  | dgongs pa'i dgos pa ni slob dpon la smod pa bzlog pa ste |  de yang bzlog bya smod pa nyid ngos gzung pa dang |  de bzlog par 'os pa dang |  de dag gi 'thad pa dang |  bzlog pa dgos par mi 'thad pa 
spang pa bzhi las |  dang po la smad bya yul gyi khyad par ni nyer brten 'jig rten rgyas mdzad de la ces pa ste |  gdul bya rnams sbyin pas bsten te snyan par smra ba dang don dpyod pa dang don mthun pas rgyud byas shing smin par byed pa zhes slob dpon nyid la gzhi mthun par bya ba 'am |  gang su dag bdag nyid sten cing mchod pa'i 'jig rten 
rgyas mdzad zhes sten pa yul gyi khyad par ro |  | smod pa po'i khyad par ni rmongs pas de slob dpon gyi sku che ba'i yon tan mi shes pa'o |  | smod pa nyid ni mi rigs pa'i bstan bcos rtsom pas blo 'khrul pa can no zhes pa lasogs pa sgo gsum gyis log par bsgrub pa'o |  | gnyis pa ni cung zad smad byas na'ang don min skye ste 
gang zhig de 'dra'i rgyal sras sbyin bdag la |  ci ste ngan sems skyed pa byed na de |  ces pa'i tshul gyis mthong pa dang ma mthong pa la 'bras bu mi 'dod pa 'thob pa'i phyir ro |  | gsum pa ni 'o na smad bya skyon med pa dang smad pas don ma yin pa 'thob pa nyid gang las ce na |  de ni dpal ldan dri med blo mnga' zhes smos ste | 
dpal ni legs par spyad pa sbyin pa lasogs pa bsod nams kyi tshigs sam |  yon tan gyi cha yin la |  dri ma myed pa ni blo gros rnam par dag pa ste ye shes kyi tshogs so |  | de yang gang zhe na |  gang la 'phag pa nyid byon nas rjes su bzung pa ste |  slob dpon phyogs kyi glang po'o |  | de yang 'di ltar slob dpon skye bo 
ngan pa 'ga' zhig gis yid phung pas gzhan gyi don mdzad pa la skye ste bdag nyid cig su grol ba nyan thos kyi lam la thugs gzhol zhing 'jug par rtsom pa na |  nyid kyi yi dam gyi lha bcom ldan 'das 'jam pa'i dbyangs mdun gyi nam mkha' la byon nas |  bu ma byed ma byed theg pa dman dang phrad ba las ni blo gros ngan 


| pa skye |  khyod kyi ji srid pa ma thob kyi bar du dge' ba'i bshes sus 'gyur gyis |  khyod kyi bstan bcos 'di la mu stegs tshogs kyis gnod mi nus par shes bya ste |  phyi ma'i dus su 'ang 'jig rten kun kyi myig gcig du ni khyod 'gyur ro zhes bya ba'i gtam gyis dnugs phyung zhing mi 'jigs pa byin par grags pa'i phyir ro | 
de nyid kyis dpal ldan dri med du'ang 'grub ste de dag myed pa la de'i skal ba myed pa'i phyir ro |  | bzhi pa ni de lta na yang gang zag gzhan la gzhan gyi smod pa bzlog pa bstan bcos kyi 'bras bur ma 'brel lo zhe na |  brtse bas ces smos ste |  brtse bas 'jug pa ni gzhan stug bsngal dang bral ba'i don nyid yin pas de gnyer bya'i 'bras bur 'thad pa 
nyid do |  | 'brel pa ni gzhung 'dir gsal bar bya zhes don gyis gnas pa yin no |  | de ltar ngag 'dis khyad par gyi dgos 'brel bzhi' bstan pa nyid kyi dgos pa ni gzhung 'di las mdo 'i don rtogs pa dang des smod pa bzlog par shes nas de dag 'dod pa gzhung 'di la 'jug par 'gyur ba'o |  | tshul 'di nyid rnam 'grel du rtsom pa'i rgyu 
zhes kyang brjod de dgos pa nyid rtsom pa'i rgyu mtshan gyi rgyu yin pa'i phyir ro |  | yang na brtse bas ces pa'i bsam pa gtso' bor byas pas ngag 'dis bstan bcos rtsom pa'i skye ba'i rgyu snying rje yin par bstan to |  | de yang ngo bo yul dang byed pa gsum las ngo bo ni brtse ba zhes pas dmyigs pa myed pa'i ste |  rgyu ma lta bu'i sems can 
rnams sdug bsngal dang bral bar bzhed pa'o |  | dmyigs pa'i yul ni sdug bsngal la yod pa dang rgyu la zhugs pa'i sems can las 'dir rgyu la zhugs pa ni slob dpon la smod pa'o |  | de yang smod pa po dang smod pa'i rgyu dang yul dang rnam pa dang nyes dmigs dang shes byed drug rim pa bzhin 'jig rten blo gros blun po |  de'i tshig brling 
pa gsal bar mi shes pa dang |  nyes brten 'jig rten rgyas mdzad de la dang |  rmongs pas smad byas ces dang |  don min skye bar 'gyur ba yin pas dang |   gang la 'phags pa nyid byon rjes gzhung de ni dpal ldan dri med blo mnga' ste |  ces pas bstan to |  | de'i lugs gsal bar bya ces pa ni byed pa ste sdug bsngal gyi rgyu'i 
rgyu bzlog pa'i thabs la 'jug pa'o |  | de ltar bstan bcos rtsom pa'i rgyu snying rje yin par bstan pa'i dgos pa'i dgos pa ni slob dpon bdag nyid chen por 'rub pa ste |  de lta na'ang legs par bshad pa yin no |  | gang dag tshigs bcad 'di yi phyed snga phyis zlos pa dang rang dga' pang pa'i dgos pa gnyis bstan par 'chad pa ni bstan 
bshad la zlos spong mi rigs shing yi ge la mi 'grigs la |  slob dpon la smod pa log pa'ang ngag 'di 'i dgos pa ma yin te smod pa'i rgyu ma bzlog pa'i phyir dang bzlog pa'i don du brtsam par khas blang pa'i rnam 'grel don med pa'i phyir ro |  | de lasogs pa bshad pa ni brjod bya ma mthong par ma 'brel pa'i bsdus don gyis 'gru bshad 


te dgos don bskal pa gtod par zad mod kyi de dag gi spyad pa 'dir mi dgod te |  rang gi lugs legs par bshad pa nyid kyis gsal bar 'gyur ba'i phyir ro |  | tshad ma nyid gtan la phab pa gtso' bo'i dgos 'brel ston pa ni phan pa dang zhes bya ba lasogs pa ste |  ngag 'di yang dgos pa dang |  bsdus pa dang |  tshig gi don 
gsum gyis nges par bya'o |  | dang po ni gal te rtog ldan gyi rtsom pa la dgos pas khyab pa yin na bstan bcos kyi slad du de'i dgos 'brel gyi ngag bkod pa'i dgos pa ci yin zhe na |  'dir rigs pas 'thad pa dang bzhed pas dmyigs pa'i dgos pa bsam par bya ba las dang po la gzhan gyi lugs spyad pa ni kha cig bstan bcos 
kyi glad du dgos 'brel gyi ngag bkod pa ni bstan bcos 'di la dgos pa myed pas rtog ldan gyis brtsam par bya ba nyid ma yin no zhes pa'i log rtog bzlog pa 'am |  gtam gyi babs ltar bstan bcos kyi gzhung nyid mdzes pas yin no zhes zer ro |  | de dag gi ltar na dgos 'brel bzhi nyid ston pa'i nges pa mi 'thad de 
dgos pa yod ces pa 'am |  mchod brjod lasogs pas bkod pa'i khyad par gzhan gyis kyang 'grub pa'i phyir ro |  | rang gi lugs ni spyir sgra thaMd kyi dgos pa bstan pa'i don la go ba skyed pas don de 'dod pa'i skye bo don can la 'jug pa yin te las kyi dgos pa brjod pa bzhin no |  | 'dir yang bstan bcos la dgos pa 
yod par brjod pas dgos pa med ba'i log rtogs log ste yod par go nas dgos pa don du gnyer ba'i skye bo dag dgos pa can gyi bstan bcos la 'jug pa nyid 'jig rten na myong pa dang bsdus don gyis 'thad pa yin te mkhas pa dag gis |  mdo' don che ba nyid thos na |  len pa dang ni 'dzin pa la |  | nyan pa po de gus byed pas || 
thog mar dgos pa brjod par bya |  | zhes ji skad gsungs pa bzhin no |  | de yang gang zag gi rigs yid ches par sla ba dad pa'i rjes su 'brang pa dang |  yid ches par dka' ba rigs pa'i rjes su 'brang pa gnyis rim pa ltar dgos pa la nges pa dang shas cher 'dzin pa'i the tsom gyis 'jug ste de ltar yang myong pa yin no |  | tshul 'di 
la mi 'thad pa'i rtsod pa gsum spang pa las re shig ngag 'dis rnam gcad bzlog pa mi 'thad pa ni 'dir rtog pa dang mi ldan pa ni bstan bcos kyi gdul bya ma yin la |  yongs su brtags nas 'jug pa ni dgos pa la log par nges pa mi 'thad de dpyad pa'i don la dgag sgrub kyi tshad ma log pa'i phyir ro |  | rgyu mtshan 'ga' 
zhig gis dgos pa la med par nges pa 'am don du mi 'gyur ba'i the tsom skyes na yang de tshig gis bzlog par mi nus ste dam bca' la rtags mi dgos par thal ba'i phyir ro zhe na |  ma yin te dpyad nas kyes pa'i blo gnyis tshig gis bzlog pas ma khyab kyang 'ga' zhig tshig gi khyad par gyis bzlog par mthong pa'i phyir ro |  | 


| gnyis pa yongs gcod la 'jug par mi 'thad pa ni yang tshig gis don la nges pa bskyed par mi nus ste 'brel pa myed pa'i phyir bum pa'i tshig las ka ba bzhin no |  | the tsom skyed pa la ni dgos pa myed de dpyad pas tshad ma log par shes pa las skye ba'i phyir ro zhe na |  ma 'brel pa las tshad ma'i nges pa mi srid kyang 
skye bo yod ches pa'i tshig las nges pa tsam skye bar myong pa yin la |  de lta ma yin na rtog ldan la thos pa'i shes rab dang yid dpyod mi srid par thal ba'i yang phyir ro |  | the tsom tsam de lta na'ang 'dir don shas cher 'dzin pa ngag gis bkyed pas 'gal ba med do |  | gsum pa dgag sgrub gyi dgos pa gzhung la mi ltos pa ni 'o na 
tshig gi khyad par gyis gang zag gi khyad par la dgag sgrub gyi dgos pa de dag 'grub pa 'chad pa po'i tshig las kyang rung pas rtsom pa'i ngag mi dgos po zhe' na |  ma yin te |  de dag gi tshig yid brtan du rung par rgyu mtshan mi mtshungs pa'i phyir dang |  'chad pa po dag bstan bcos kyi glad du dgos pa brjod pa nyid du ma nges pa'i phyir ro | 
gnyis pa slob dpon gyis ngag 'di 'i dgos pa gang la dmigs pa ni bsam par mi nus te phyogs 'gar yang ma bstan pa'i phyir ro |  | spyi'i don ni ngag 'dis 'chad par 'gyur ba'i bstan bcos kyi dgos 'brel bzhi bstan to |  | de yang gsum gyis nges par bya ste | dgos 'brel bzhi so so 'i ngo bo dang |  de ngag 'dis ji ltar 
bstan pa'i tshul dang |  bstan pa bzhi' nyid du nges pa'i rgyu'o |  | dang po la spyir bstan bcos kyi brjod bya dang dgos pa dang 'brel pa dang dgos pa'i dgos pa' zhes bya ba ni go rims bzhin bstan bcos kyis gtan la dbab bya dang de rtogs pa dang rtogs pa bstan bcos la rag las pa dang rtogs pa las mthar 'byung pa'i 'bras bu'o |  | khyad par 
du bstan bcos 'di pa 'i brjod bya ni yang dag pa'i shes pa'o |  | spyir shes pa la shes bya dang mthun par 'jug pa dang mi 'jug pa dang gnyi kar mi 'jug pa yang dag pa dang log pa dang the tsom gyi shes pa gsum las 'dir zhen nas brjod par bya ba'i gtso' bo ni yang dag pa'i shes pa gnyis ste |  gzhan don rjes su dpag pa ni bdag dang 
gzhan gyi yang dag pa'i shes pa'i rgyu dang 'bras bur gtogs pa'i phyir ro |  | dgos pa ni gdul bya'i rigs dang 'bad pa 'di snyed kyis brjod bya yang dag pa'i shes pa'i rang bzhin ji lta bar rtogs pa ste de sngon chad gzhan las ma byung pa'i phyir ro |  | yang dag pa'i shes pa rtogs pa'o zhes ni mi brjod de |  de rnam 'grel dang rigs thig 
gyi dgos par sgra na'ang bzlog par mi nus la thaMd kyi dgos pa de yin na yang rgyud tha dad las tha mi dad 'byung par mi 'thad pa dang dgos pa lhag med pa'i rtsom pa byed pa rtog ldan du mi 'gyur ba'i phyir ro |  | des na de ni tshad ma'i gzhung tsam gyi dgos pa yin pas gzhung gi bye brag rnams la dgos pa'i khyad par bsam par bya ba yino | 


'brel pa ni des na de lta bu rtogs pa de bstan bcos 'di la ltos pa'o |  | dgos pa'i dgos pa ni yang dag pa'i shes pas phan pa dang mi phan pa'i don shes ste zhugs pa las blang dor gyi don grub pa'o |  | des na kha cig don grub dgos pa'i 'bras bu ma yin par mthong nas brjod bya'i dgos pa zhes 'dogs pa ni mi rigs ste | 
mtshan nyid ma rtogs kyang tshad ma nyid las don grub pa 'jig rten na yod na yang de bstan chos kyi dgos pa bstan par ma 'brel la |  bdag med lasogs pa cung zad bstan bcos kyi don nges pa las byung pa'i don grub ni dgos pa'i dgos pa las mi 'da' ste |  sman dang sman dpyad kyi 'bras bu bzhin no |  | de dag ngag 
'dis ci ltar bstan pa'i tshul la re shig brjod par bya ba ni de zhes pas bstan to |  | gal te yang dag pa'i shes pa 'das pa'i don la gtsor bstan pa med pas de'i tshig gis gzung par mi 'thad do zhe na |  don grub kyi sngon du 'gro zhes tshig don du sngar brjod pas sam |  yang na yang dag pa'i shes pa ni phan pa dang mi 
phan pa thob pa dang spang pa'i sngon du 'gro ba yin pas na ces rigs pa'i thigs pa ltar sbyar bas sngar khyad par gyi gzhi nyid du bstan pa'i phyir ro |  | dgos ba'i ngo bo ni bstan pa ces pas bstan te |  rgyu de lta bu'i 'bras bur bstan pa'i don du rgyu'i ming btags pas 'bras bu rtogs pa 'phen pa yin te 'od la nyi mar brjod pa bzhin 
no |  | dgos pa bsgrub pa'i gang zag ni mi mkhas pa rnams la ces la ste mi zlos pas so |  | dgos pa bsgrub par 'os pa ni don bsgrub kyi sngon du 'gro ba'o |  | 'brel pa ni de'i don du 'di brtsam pas ste thabs dang thabs byung du bstan pas so |  | dgos pa'i dgos pa ni phan pa dang mi phan pa thob pa dang spang pa 
ces pas bstan to |  | tshig de dag gis don de dag thams cad dngos sam shugs la bstan pa'ang ma yin te |  ngag gcig nyid yin pa'i phyir dang dngos myed par shugs mi rung pa'i phyir ro |  | 'on kyang dngos su brjod pa'i ngag gi don du dgos pa nyid bstan pa yin te brtsam pa'i ched du bya bar snang pa'i phyir ro |  | gsum po ni 
shugs la ste |  gang bstan par bya ba dang sten pa'i rgyu mtshan dang bstan pa'i ched du byed pa yin pa'i phyir ro |  | rtsom pa po dang nyan pa pos brgyud nas gnyer bar bya ba gtso' bo'i don du ni dgos pa'i dgos pa nyid bstan pa yin ste |  de thob pa'i ched du dgos pa stong par snang pa dang dgos pa tsam gyis rtogs ldan yongs su 
mi tshim pa'i phyir ro |  | tshig gis brjod par 'dra ba las dngos shugs su 'gyur ba'i tshul ni dper na me ni lus dri ba'i rgyu yin pas de bsgrub pa'i don du shing bcad par bya'o zhes bya'i ngag bzhin no |  | 'o na bstan bcos la dgos 'brel dang mdzad pa'i khyad par lasogs pa'i chos du ma yod pa las rtsom pa'i glad du 


| dgos 'brel bzhi nyid ston pa'i nges pa ci yin zhe na |  ngag 'di nyid kyi dgos pa bsgrub pa la bzhi nyid brjod pa'i 'tsham pa'i phyir ro |  | ngag 'di 'i dgos pa ni bstan bcos la gzhan 'jug par byed pa yin la |  de la rtog pa dang ldan pa dag 'jug par bya ba'i don la yongs su rtog pa na ci bya rog po brtan 
pa'i gzhung ltar bstan bcos 'di 'i dgos pa shes bya la myed pa nyid dam |  yod kyang ma cag mar len pa'i dgos pa ltar 'dod par bya ba ma yin pa 'am |  'dod kyang mtho' ris thob pa la phyugs bsad pa'i mchod sbyin ltar bstan bcos 'di dang ma 'brel pa 'am |  'brel yang mi 'os klu ta kßa ka'i nor bu ltar 'di tsam 
gyis bsgrub par mi nus pa nyid dam snyam pa'i rtog pa bzhi 'byung la |  de dag gi mtha' cig ma chod kyang mi 'jug pas gcod pa'i gnyen por dgos 'brel bzhi smos pa yin ste |  de la dgos pa bstan pas de yod pa nyid du go ste ngag rnams kyis bzlog phyogs rnam par gcod pas so |  | dgos pa'i 'bras bu brtag pas dgos 
pa 'dod bya nyid du go ste nying gos gya nom pa'i rgyur shes pas so |  | 'brel pa bstan pas dgos pa de la bstan bcos dang 'brel pa nyid du go la brjod bya bstan pas dgos pas bsgrub nus pa nyid du go ste |  rtogs pa'i rgyu ni blo ngor don brjod pa tsam yin pa'i phyir ro |  | yang na brjod bya bstan pas 'di dgos pa bsgrub pa'i thabs 
nyid du go la 'brel pa bstan pas bsgrub pa'i thabs 'di nyid rgyu gzhan ldan rnam gcod du bstan to |  | brjod pas dgos yod dang dgos pas bsgrub nus su byed pa ni ma yin te |  | dgos pa la brjod byas khyab kyang khyab bya'i log rtogs khyab byed kyi mthar ma thug pas khyab byed brjod pas mi ldog pa'i phyir dang yod pas mi 'grub 
pa'i dogs pa mi chod pa'i phyir ro |  | de ltar na shes bya dang bstan bcos la gang zhig ma bcad na rtog ldan bstan bcos la 'jug par mi 'gyur ba'i rtog pa bzhi 'i gnyen por bstan bcos kyi glad du rang gi dgos 'brel bzhi bkod pa yin no |  | gal te rtog ldan 'jug pa'i yul la dgos pa bzhi gcad dgos na dgos na 
dgos pa'i dgos pa nyid cher rtog ldan gyi gnyer bar bya ba'i gto' bo yin pas de la'ang dgos pa bzlog pa'i dgos 'brel bzhi smos dgos par 'gyur ro zhe na |  don du gnyer ba'i gtso' bo yin mod kyi de la log rtogs sel pa'i dgos 'brel gzhan mi dgos ste |  rang gi ngo bo bstan pa nyid kyis yod cing 'dod byar grub la |  dgos pa'i dgos pa nyid cher rtog ldan gyi gnyer bar bya ba'i gto' bo yin pas de la'ang dgos pa bzlog pa'i dgos 'brel bzhi smos dgos par 'gyur ro zhe na |  don du gnyer ba'i gtso' bo yin mod kyi de la log rtogs sel pa'i dgos 'brel gzhan mi dgos ste |  rang gi ngo bo bstan pa nyid kyis yod cing 'dod byar grub la | 
'brel pa dang brjod bya snga ma nyid kyis brgyud nas 'brel pa dang bsgrub nus su 'grub pa'i phyir ro |  | de ltar na bstan bcos la rtog ldan 'jug pa'i yan lag du dgos 'brel bzhi 'tsham pas bstan pa yin ste |  ji skad du rnam 'grel las |  'brel pa dang ni rjes mthun thabs |  | skyes bu'i don ni brjod byed ngag : 


yongs brtags dbang du byas yin gyi |  | de las gzhan pa'i dbang byas min |  | ces gsungs pa yin no |  | ji skad bshad pa'i dgos pa dang bsdus pa'i don de dag ma nges par phyogs 'dir brjod pa mang pa ni rmongs pa ngo mtshar skyed pa yin pas |  dus dang sgra blo gron du 'gyur du 'ong zhes rtog pa dang ldan pas rna gtad mi bya'o |  | tshig 
gi don ni 'di tsam mo zhes bya ba gzhung yi ger dgod pa ste |  dngos dang zhen pa'i rab du byed pa nang dang phyi rol du mngon sum 'am mngon sum dang nye bas mngon sum gyi sgra sbyar ro |  | ci'i don du zhe na |  bstan pa ste rtogs pa'i don du'o gang zhe na |  yang dag pa'i shes pa di'o |  | gal te yang dag pa'i shes pa ni gang zhig mi 
slu bar mthong pa nyid dam |  kun las btus pa lasogs par bstan pas nges par 'gyur ba ma yin nam zhe na |  de lta mod kyi mi mkhas pa rnams la zhes gdul bya'i khyad par smos so |  | 'o na de rtogs pa nyid la 'dod pa'i don ci zhig yod pas rtog ldan 'bad pa'i las su byed ce na |  skyes bu'i don grub pa'i sngon du nges par 'gro ba 
yin ces ste |  de la gnyer bar bya ba skyes bu'i don ni yongs su bcad pa'i don la 'dod pas yul du byas pa ste |  de yang blang pa dang dor byar 'dod pas yul du byas pa'i mtshan nyid can phan pa dang mi phan pa gnyis nyid do |  | gal te 'dod pa dang dka' spyad lasogs pa mi phan pa dang phan pa dag la mtshan nyid 'chol par mthong pa ma 
yin nam ce na |  ma yin te der yang dngos su bsgrubs pa'i 'bras bu la mtshon bya yod pa nyid la brgyud nas skye ba'i 'bras bu la mtshan nyid zhugs pa myed pa'i phyir ro |  | don de grub pa ni de dag gi bsgrub byed shes nas 'dod pas 'jug pa na thob pa dang yong pa'o |  | de'i sngon du 'gro ba ni rgyu ste |  don grub 'ga' zhig yang 
dag pa'i shes pa nyid las 'byung zhing 'ga' zhig de rtogs pa'i dgos pa las 'byung ba so |  | nges par 'gro ba ni rgyu gzhan ldan rnam gcod ste |  the tsom dang log pa'i shes pas don la 'jug pa'i rgyur 'gyur yang don thob pa nyid ni mi srid de don dang mi mthun pa'i phyir ro zhes bsam pa'o |  | yin pas na ces pa rtsom 
pa'i rgyu mtshan te 'dis ni mthar don grub nyid rtsom pa dang rtogs pa sos 'dod pa'i yul du bstan pa yin no ||   || de ltar rtsom pa'i rgyu mtshan dang brtsams pa la gzhan 'jug pa'i yan lag du bstan bcos kyi dgos 'brel bkod nas |  da ni skabs su bab pa brtsam par khas blangs pa'i 
don de nyid 'chad de |  kun las bstus pa'i gzhung nyid dpang por byas na de'i lugs bzhin du yang dag pa'i shes pa rtan la 'bebs par byed do |  | de yang so so'i ngo bo gtan la dbab par sla bas re shig yang dag pa'i shes pa'i dbye' ba spyir ston pa na mngon par 'dod pa'i mtshan gzhi ngos gzung pa'i sgo nas grangs mang pa dgag pa 


| mdor bstan pa ni |  yang dag pa'i shes pa de ni rnam pa gnyis ste |  | mngon sum dang ni rjes su dpag |  | ces bya ba'o zhes smos ste |  rnam par dbye ba'i ngag 'di yang dbye ba'i gzhi dang dngos po dang rgyu mtshan dang don dang nges pa lngas bshad de dgos pa bsam par bya ba las |  re shig gang la dbye ba'i gzhi ni yang dag 
pa'i shes pa de ni zhes pa dbye ba la khyab pas sngar brjod pa don la phyin ci ma log par 'jug pa nyid yin pa 'am |  bstan par bya ba'i gtso' bo yin pas khyad par tshad ma'i shes pa'o |  | gang dbye ba'i dngos po ni mngon sum dang ni rjes su dpag ces bya ba'o zhes mdo' las gsungs pa'i ming can de nyid te |  de la ming zhes bya ba 
don la brtags pa'i sgra yin la |  de yang gnyis ste |  yi ge'i 'bru las thob pa bshad pa'i rgyu mtshan can dang |  don la grags pas go ba 'jug pa'i rgyu mtshan can gyi sgra'o |  | de la bshad pa dang 'jug pa'i sgra de dag 'brel pa nyid du 'jug pa sangs rgyas la thams cad mkhyen pa'i sgra dang |  'gal ba nyid du 'jug pa 
bye'u la til 'thung gi sgra dang |  'gal 'du mu gsum par 'jug pa ni pad ma la mtsho skyes kyi sgra lta bu gsum las |  'dir mngon sum ni pra tya k+Sha zhes pa bshad na dbang po so so la brten pa'i shes par 'gyur la |  'jug pa ni don mngon sum du byed pa la grags pas mu gsum pa'i sgra'o |  | rjes su dpag pa ni a nu ma 
na ces pa rtags mthong pa'i rjes su khyab byed 'jal ba ste 'du ba'i don can yin no |  | gang gis dbye ba'i sgo ni yul mthong pa dang ma mthong pa 'am blo snang pa dang zhen pa'i 'dzin stangs kyis so |  | rnam pa gnyis ste zhes ji ltar dbye ba'i don ni re shig mngon sum dang rjes su dpag pa dag gi rigs dngos po tha dad pa ni ma yin 
te |  rjes dpag rang rig kyang ma yin pas shes pa nyid ma yin par dang don mi shes par 'gyur ba dmigs pa mngon sum ma yin na |  ces par 'chad pa'i phyir ro |  | rjes dpag gzung yul dngos por myed pa nyid kyis gcig pa bkag pa tsam mo zhes kyang brjod par mi nus ste |  sgra bzhin du yul can yul dngos po ba 
nyid la ltos par ma grub pas rgyu mtshan 'khrul pa dang |  mngon sum ltar rtog pa dngos po nyid myong pas dam bca' bsal ba'i yang phyir ro |  | yul cig nyid la blo tha mi dad pa yang ma yin ste |  gcig la rtog pa dang mi rtog par 'gal ba'i phyir ro |  | des na blo 'di dag yul ldog pa cig la ltos nas ngo bo tha dad 
cing |  tha dad la ltos nas ngo bo gcig pa nyid te |  yid kyi rnam par shes pa gcig nyid phyi rol gyi me la ltos nas rjes su dpag pa dang rang gi ngo bo la ltos nas rang rig pa'i mngon sum gyi mtshan nyid tshang pa'i phyir ro |  | tshul 'di la rtsod pa spang pa la |  re shig yul cig la ltos nas tha dad pa la ni thal ba snga mar 


mi 'gyur te |  shes pa tsam dang don rig la ltos pa'i rang rig gis ma khyab pa'i phyir ro |  | yul tha dad la ltos na gcig pa la gal te rjes su dpag pa mngon sum nyid las tha dad na rang rig pa las kyang tha dad par 'gyur bas tha mi dad par bsgrub na |  tha mi dad na dbang po'i mngon sum las kyang tha mi dad par thal bas tha dad pa nyid 
du ci'i phyir mi 'grub ce na |  'dir tha dad dang tha mi dad ces bya ba phan tshun gyi ngo bor khegs pa dang grub pa la brjod pa na bye brag grub pas spyi 'grub cing bye brag khegs pas spyi mi khegs pas thal ba dang bzlog pa'i khyab pa mtshungs pa ma yin no |  | gal te rang rig mngon sum dang rjes dpag ngo bo gcig na de dag la me'i 
spyi dang rang gi dngos po snang ba dang mi snang par mi 'thad de blo gcig la sngon po dang mi rtag pa bzhin no |  | 'dod na de dag la rtog pa dang mi rtog pa'i dbye' ba mi 'thad do zhe na |  'dir blo'i dngos po gcig la rang gi dngos po dang spyi snang pa 'gal zhes ni brjod par mi nus so |  | de lta yin dang rang dang gzhan la ltos pa'i chos 
de gnyis la rang rig dang rjes dpag du 'jog pas de dag rtog bcas dang rtog pa myed pa ji ltar 'gal |  dngos po dang skad cig snang pa dang mi snang pa la brjod par mi nus pas ga la mtshungs |  ji snyed bye ba'i grangs ni ces bya ba yongs su rdzogs pa'i tshig gis mang pa dang nyung pa bkag pa gnyis nyid do |  | de ltar dbye' ba bstan 
pa nyid kyi dgos pa ni yang dag pa'i shes pa'i grangs ngo bo nges pa rtogs pa ste |  dbye ba ma bstan na 'dir bshad pa'i don nyid rtogs kyang yang dag pa'i shes pa'i mtha' ji snyed pa mi rtogs pa'i phyir ro |  | gal te dbye ba'i tshig gis de ltar 'grub na 'og nas 'thad pab rjod mi dgos par 'gyur ro zhes kyang bsam par mi bya ste | 
sgras spyi'i tshul du go ba la tshad ma'i yul du 'thad pas bsgrub pa ni bstan bcos kyi lugs yin pa'i phyir ro |  | de ltar yang dag pa'i shes pa grangs dang ngo bo nges pa gnyis su rtogs pa nyid kyis ci bya zhe na |  gang las skyes bu'i don grub 'byung pa'i yang dag pa'i shes pa don du gnyer ba rnams kyi 'jug yul nges pa bde blag du 
bstan pa'i phyir ro |  | gal te dbye' ba ma byas par spyi don du gnyer ba'i 'jug yul mi rtogs na khyad par nyid kyang gsal ba'i dbye ba ma byas par mi rtogs pas dbye ba thug med kyi mtha' ston dgos par 'gyur ro zhe na |  'dir gang zhig spyad pa'i bstan bcos su ni de'i rang bzhin gang yin zhing rten gang la yod pa tsam zhig 
bstan bya'i gtso' bo yin la |  gsal ba'i dbye ba ma byas par khyad par ye mi rtogs pa ni ma yin te 'ga' zhig la mthong pas so |  | de gsal ba'i rigs gang dang 'brel pa ni bstan bya'i gtso' bo ma yin ste |  dgos po cig bstan bcos su bstan pas ma khyab pa'i phyir ro |  | rnam pa cig du na dbye ba ma bstan 


| pa la grangs rtogs pa 'gog pa ma yin gyi 'dir dbye' ba byas pa'i dgos pa dpyad pa yin pas rtsod pa'i skabs nyid myed do |  | de dag nyid tshad ma'i mtshan nyid mngon par 'dod pas khyab par bstan pas grangs nyung pa nyid dgag pa'i phyir 'di dag gis zhes smos ste |  ji skad brjod pa'i blo 'di dag gis me la sogs pa'i don yongs su bcad te 
rtogs nas 'bras bu 'dod pa rnams 'jug pa na yongs su bcad pa'i 'jug yul des ston te btso' bsreg lasogs pa'i 'bras bu bya ba la 'jug pa po slu ba myed pa'i phyir ro |  | 'dis kyang yongs su gcod byed kyi blo slu ba myed pa can du bstan pas mngon sum dang rjes su dpag pa gnyi ga yang tshad ma'i mtshan nyid dang ldan pas tshad ma kho na'o zhes mtshon 
pa yin no |  | da ni gang zhig gang gis gang du mtshon pa'i mtshan gzhi dang mtshan nyid dang mtshon bya zhes bya ba'i don nyid ci yin pa dang |  de dag tshad ma nyid du mtshon pa'i mtshan nyid kyang brjod par bya dgos so zhe na |  rtog ldan khyod kyis skabs su bab pa'i don legs par dris kyis gcig du dge' ba'i yid mngon du gyis la nyon cig dang | 
kho bos ji snyed dris pa'i don brjod pas sems rangs par bya'o |  | de la re shig gang zhig nges pas shes bya'i rnam par dbye ba la mkhas par 'gyur ba chos gsum po nyid kyi rnam gzhag ji brjod par bya'o |  | de yang shes bya la chos gsum gyis khyab pa'i tshul dang |  khyab byed chos gsum gyi rang bzhin gtan la dbab pa dang |  chos gsum 
gyis shes bya rnam par 'jog pa'i tshul gsum gyis nges par bya ba las |  dang po ni re shig chos zhes bya ba mtshan nyid 'dzin pa la brjod pa'i tshul gyis gzugs nas thams cad mkhyen pa'i chos rnams la rang ldog thun mong ma yin pa re yod te de med na chos nyid ma yin pas so |  | de dag kyang de ltar sgra blos zhen du rung pa yin te shes 
brjod las 'das pa'i chos mi srid pa'i phyir ro |  | chos de gnyis gang la yod pa de mtshan gzhi nyid de gzhi myed pa'i chos mi srid pa'i phyir ro |  | de dag nyid mtshan nyid dang mtshong bya dang mtshan gzhi yin te |  de ltar na rdzas dang ldog pa la rten pa 'am sgrub pa dang dgag pa'ang rung gang zhig gang gi tha snyad du rung pa thams cad la gzhi' 
mtshan mtshon gsum gyis khyab pa nyid te |  bya ba'i gzhi dang byed pa'i rgyu dang des bya ba'i chos gsum med par tha snyad mi rung pa'i phyir ro |  | chos gsum po de'i rang bzhin gtan la dbab pa yang rang bzhin nyid ngos gzung pa dang |  des grub pa'i don dang |  de la 'khrul pa spang pa gsum gyis nges par bya'o |  | dang po la yang gsu 
ste |  so so'i mtshan nyid dang | phan tshun 'brel nges pa dang | mtshan nyid dang 'brel pa nges nas so sor mtshon pa'i tshul lo |  | de la re shig mtshan nyid kyi mtshan nyid dpyad pa na mtshan nyid mi dgos par rtog pa dang dgag pa dang |  dgos pa'i mtshan nyid ngos gzung pa dang |  de'i bsal bya skyon can gyi dbye' ba gsum 


las | dang po ni kha cig na re mtshan nyid la yang mtshan nyid btsal bar bya ba ma yin te de rdzas yod yin pa'i phyir ro | | gal te dgos na de la yang mtshan nyid gsum pa dgos pas thug med du 'gyur ro zhes zer na | de ni ma yin te mtshan nyid rung pa'i tha snyad la dgos pas skyon med pa dang | yin pa'i don la dgos kyang skyon myed pa dang |
mtshon bya'i mtshon bya dang mtshungs pas skyon myed pa'i phyir ro | | dang po ni mtshan nyid yin pa'i lkog shal lta bu la mi dgos kyang de spyi 'am bye brag du mtshan nyid kyi tha snyad du mtshon pa la rgyu mtshan ci ste mi dgos || dgos kyang tha snyad de ni mtshon bya'i khyad par nyid yin pas rdzas su yod pa'i gtan tshigs ma grub ste | ji ltar sngon po 'di ni
gzhal bya mngon gyur gyi tha snyad du rung ste mngon sum gyis rtogs pa'i phyir bde' sdug bzhin no zhes bya ba'i bsgrub bya mngon gyur gyi tha snyad nyid mngon gyur ma yin pa bzhin no || 'o na mtshan nyid de mtshan nyid kyi tha snyad du mtshon pa la 'ang gsum pa dgos pas thug med du 'gyur ro zhe na | bden na rmongs pa la du ba tshul gsum gyis gtan
tshigs su sgrub pa na tshul gsum de yang gtan tshigs nyid du bsgrub dgos pas rtags thug myed du 'gyur ba ji ltar yang | de la 'di skad du bye brag la me ldan bsgrub pa'i gtan tshigs dang du ba gtan tshigs su sgrub pa'i gtan tshigs zhes bsgrub na ji srid blos zin gyi bar du rung pa nyid te snga ma la ltos pa'i tshul gsum gzhi dang phyi ma'i tshul gsum
rtags yin pa'i phyir ro | | thug pa myed pas phugs ma la gtan tshigs kyi tha snyad ma shes kyang phyi ma phyi ma'i tha snyad mi 'grub par ni mi 'gyur te | sgrub bya ni rtags kyi mtshan gzhis sgrub pa'i phyir ro | | gtan tshigs tsam du sgrub na ni thug med du mi 'gyur te | tshul gsum tsam ldog gtan tshigs su sgrub pa'i tshe
gzhi rtags nyis mi 'thad pa'i phyir ro zhe na | 'dir yang ste bye brag kar zal ba lang du mtshon pa'i mtshan nyid dang lkog shal mtshan nyid du mtshon pa'i mtshan nyid ces mtshon na thug myed du gnas kyang skyon myed pa'i tshul ji skad brjod pa bzhin la | mtshan nyid tsam du mtshon na thug myed du mi 'gyur ba yang spyi ldog gcig du 'dod pa'i ||
ltar na sbyor ba gsum pa'i tshe gzhi mtshan gnyis mi 'thad pa'i phyir te | de'i ltar na bsgrub bya go byed dang mtshon bya rnam 'jog la rtags dang mtshan nyid kyi mtshan gzhis ma khyab par 'gyur ba yin no | | gang dag rang ldog khyad par myed kyang rten tha dad pa'i ldog pa mi gcig par smra ba'i ltar na spyi la'ang thug med rung pa nyid te sbyor ba gsum pa ||
la yang du ba la tshang pa dang tshul gsum la tshang pa'i tshul gsum gnyis tha dad pa dang | lkog shal chos gsum la tshang pa'i chos gsum ldog pa tha dad pa'i phyir ro | | de bzhin du sbyor ba bzhi pa man chad kyang rten mtshungs kyang ltos pas ldog pa tha dad pas chos gsum gyi gzhi mtshan thug med du gnas pa nyid do | | gnyis pa ni mtshan


| nyid yin pa'i ngo bo la mtshan nyid dgos kyang skyon myed de de rang gi mtshon bya las rdzas su grub kyang gzhan gyi mtshon byar mi 'gal ba'i phyir ro  || thug pa myed par yang mi 'gyur te | lkog shal dang tsha ba la sogs pa dag ldog pa 'ga' zhig la mi dgos pa'i phyir sgra sgyu ma lta bur bsgrub pa'i rtags mi rtag pa la rtags gzhan 
yod pa dgos kyang de mngon gyur yin pas sgrub byed thug myed du mi 'gyur ba bzhin no  || gsum pa ni da ni mtshon bya la 'ang mtshon bya btsal ci ste mi dgos ce na  || dgos mod kyi mtshon bya'i don dang gzhi dang tha snyad thaMd la'ang mtshon bya yod ces 'chad par 'gyur ro  || dgos pa'i mtshan nyid ngos gzung pa ni 'dir mtshan nyid ces bya ba 'ga' 
zhig thun mong ma yin pa'i tha snyad du mtshon pa la brjod pa na gang du mtshon bya de'i don ldog yin pa ste | tha snyad sgra blo'i zhen yul lam tha snyad du rung pa'i yul yin pa dang | gang mtshon par bya ba'i gzhi la ji ltar dgod par bya ba ltar gnas pa ste | sgrub bya go byed kyi mtshan nyid gang du bsgrub bya'i khyab bya yin pa dang gang bsgrub bya'i 
gzhi la grub pa'i tshul gnyis yin pa bzhin no  || 'di gang mtshon bya'i gzhi la gang du mtshon bya'i don grub pa yin te kar zal ba lang gi tha snyad du mtshon pa la nog dang lkog shal 'dus pa lta bu'o  || rta ba la du 'am ba lang rtar mtshon pa la ni nog dang lkog shal mtshan nid du tsal bar mi 'gyur te las dang bya ba de la ltos nas de'i 
tshul gnyis ma tshang pa'i phyir myig gi gzung bya phyogs chos khyab pa tshang pas sgra dang rtag pa sgrub pa la rtags su thal bar brjod pa bzhin no  || 'o na gang du mtshon pa'i don ces pa rang gi mtshon byas khyad par byas pas mtshan nyid kyi skyon ji ltar min te ba lang du mtshon pa la ba lang gi mgo' bo bkod pa bzhin no zhe na | bden na byas pa nyid 
thams cad du gtan tshigs yin pa 'am ma yin ces brjod par mi nus pas 'di dang 'di la zhes rang gi bsgrub bya la ltos na rtags kyi skyon ji ltar min te me bsgrub pa la me'i 'bras bu bkod pa bzhin no  || de bzhin du rgyu'i nus pa yang thams cad la ma yin pas 'bras bu'i khyad par ngos gzung pa la ltos pas rgyu 'bras phyin ci log du ji ltar 
mi 'gyur  || de la gtan tshigs kyi tha snyad sgrub bya ngos gsung pa la ltos kyang mtshan gzhi sgrub ba grub pa la mi ltos pas skyon med de | sgrub bya go byed ni rtags kyi tha snyad ma yin gyi mtshan gzhi' yin te tha snyad la khyab pa grub pa myed pa'i phyir ro zhe na  || 'dir yang mtshan nyid kyi mtshan nyid mtshon bya ngos gzung la ltos kyang 
mtshan nyid mtshon bya grub pa la mi ltos pas skyon med te | mtshon bya rnam 'jog ni mtshan nyid kyi mtshan gzhi' yin gyi mtshan nyid ma yin te de don gzhan du 'gyur ba'i phyir ro zhes brjod par bya'o  || mtshan nyid des bsal par bya ba mtshan nyid skyon can kyang dper brjod pa dang | de dag skyon du bsgrub pa dang | skyon kyi grangs ngos 


pa'i tshul gsum kyis nges par bya ba las | dang po ni mtshan nyid kyi tshul gnyis kyi bsal bya gang zhig gang du mi mtshon pa'i skyon ni gsum te |  | rang ldog rdzas su ma grub pa dang |  don ldog gzhan du gyur pa dang |  mtshon gzhi' la myi gnas pa'o |  | de la dang po ni gang zhig rang gi mtshon bya las rang dbang du ma grub pa te |  me grub pa 
la me 'am me'i 'bras bu bkod pa ltar ba lang du mtshon pa la ba lang nyid dam pa lang gi mgo bo bkod pa lta bu'o |  | tha snyad thams cad rang ldog rdzas su myed par ni mi brjod de |  tha snyad rnams rang rang la sgra blos zhen rung gi tha snyad phyi ma'i mtshan nyid yin zhing 'ga' zhig la don ldog gzhan du 'gyur ci'i phyir ro |  | de lta ma yin na 
ci ba lang gi tha snyad yul du byas pa la sgra blos zhen rung gi chos cig yod dam myed |  myed na tha snyad shes bya ma yin par 'gyur la |  yod kyang de zhen yul ba lang gi tha snyad las ldog pa gzhan ma yin na lkog shal la zhen rung gi ba lang yang lkog shal nyid las ldog pa gzhan ma yin zhes brjod par mi nus pa ci yod | 
gzhan yin yang de'i mtshan nyid lkog shal nyid yin na gcig gis gnyis mtshon par 'gyur te |  de ni rtag pa'i dngos po bzhin du 'gog par 'gyur ro |  | des na shes bya la ldog pa'i grangs ji snyed par de las sgra blos zhen rung gi tha snyad yod cing don dang tha snyad la yang mtshan nyid mtshon bya'i chos tshang pas shes bya la mtshan nyid 
du mi rung pa'i ldog pa myed ces nges pa'i gnas su dam bcas ste 'khor gyi nag du seng ge'i sgra bsgrag go |  | de la tha snyad dang po mtshan nyid du mi rung par rtog pas 'dir tha snyad ni mtshan nyid du 'gyur mi srid de btags yod yin pa'i phyir ro zhe na |  | bskyed bya dang bsgrub bya yin pa nyid kyis skyed byed dang gtan tshigs su 'gal bas 
'dus byas don byed pa dang gtan tshigs lkog gyur mi srid par mi 'gyur ram |  de la gzhan gyi bya ba gzhan gyi byed por 'gyur ba la 'gal ba ci yod ces bya ba thun mong gi las yin no |  | gal te ba lang gi rigs mi mthun ba lang gi bdag nyid ma yin pa 'am ba lang ma yin pa'i bdag nyid mtha' dag nog dang lkog 
shal gyis bsal bas ba lang nyid du grub pas ba lang gi tha snyad mtshan nyid du bkod pa la bsal ba gzhan myed do zhe na |   yod te rang la tha snyad du mi rung pa'o |  | de ba lang ma yin pa nyid yin na ba lang ma yin pa'ang lkog shal dang mi ldan pa nyid do |  | de lta na ldog pa gnyis myed par thal la |  ji srid ldog 
pa tha dad pa de srid du bsal bya tha dad do |  | des na mtshan nyid re res rang dang dngos dang brgyud 'gal thams cad gcod pas rang   ldog ma yin pa'i tha snyad 'jog nus kyang rang dang 'gal ba'i ldog pa'i dbye ba ji snyed par de las log ldog gi mtshan nyid gzhan dgos te kar zal byas mi rtag du mtshon pa'i mtshan nyid bzhin no |  | 


| gal te tha snyad dang tha snyad kyi mtshon bya gnyis don ldog gcig na tha snyad gnyis 'gal la mi gcig na don ldog gzhan du 'gyur ro zhe na |  gnyis kyi don ldog gcig ma yin yang tha snyad kyi mtshon bya'i don nyid tha snyad yin pas don ldog gzhan la ga la 'gyur |  yang tha snyad phyi ma mtshon bya la gal te tha snyad la 
tha snyad thug med du yod na tha snyad bsgrub kyi gang zag rmongs pa kho na ma yin par 'gyur te mkhas pas kyang thug med mi rtogs pa'i phyir ro |  | kar zal ba lang gi tha snyad la rmongs pa bzlog 'dod pas tha snyad thug med bsgrub dgos par 'gyur zhing |  tha snyad thams cad don snga ma snga ma ma grub par mi 'grub pas rmongs pas mthar tha snyad cig 'grub 
pa'i tshe don ldog stong 'grub cing |  mkhas pas thog mar don cig grub pa'i tshe tha snyad kyi ldog pa stong 'grub par 'gyur ro zhe na |  don dang po'i tha snyad ma shes pas rmongs pa dang dang po'i tha snyad bsgrub bya'i gtso' bo yin gyi phyi ma'i log rtogs kyang bsal dgos pa dang |  tha snyad thams cad la blo ma phyogs kyang tha snyad tsam la tha snyad mi 
rung pa'i dogs pa chod pa dang |  phyi ma la snga ma snga ma shes dgos par 'dod pa yin te |  'bras bu'i 'bras bu ces sogs snga mas khyad par byas chos thams cad la snga ma la ltos pa'i phyir ro |  | des na blo rags pas mtshon mi nus kyang ldog pa'i dbye' ba mtha' yas so |  | don ldog gzhan du gyur pa no mtshon par bya ba las 
rdzas su grub kyang gang du mtshon pa'i don ma yin pa'o |  | de yang gsum las mtshon bya la mi srid pas don ma yin pa ni gang du mtshon ldan gyi gzhi' la mi srid pa 'am gang du mtshon pa'i ldog pa dang 'gal ba ste |  rtag pa'i tha snyad du mtshon pa la skad cig ma 'am |  ma yin dgag du mtshon pa la dgag chos 'ba' zhig 
pa lta bu'o |  | mtshon bya dang khyab mi mnyam pa las ma khyab pa ni gang du mtshon pa'i chos dang mi 'gal yang de yod par ma khyab pa ste |  nog dang lkog shal gyis dngos po'i tha snad dang dgag chos 'ba' shig pas shes byar mtshon pa lta bu'o |  | khyab ches pa ni gang du mtshon ldan la khyab cing mtshon chos myed par yang 'jug 
pa ste |  don byed pas ba lang gi tha snyad dam ma yin dgag du mtshon pa la shes bya lta bu'o |  | mtshon bya dang khyab mnyam yang mtshon bya'i don ma yin pa ni 'dus byas kyi tha snyad la skad cig ma dang shes byar mtshon pa la stong pa nyid lta bu'o |  | gang du mtshon pa'i chos nyid la zhugs pa dang ma zhugs pa lasogs pas ni skyon 
yon du mi brjod de |  stong nyid dgag chos 'ba' shig pas med dgag ni tha snyad du mtshon pa chos la ma zhugs pas mi srid pa dang de sgrub chos ma dor bas mtshon na chos la yod pas skyon dang yon tan du 'gyur ba'i phyir ro |  | de'i tshe med dgag gi tha snyad la sgrub chos don ldog de nyid du myed pas mi srid par brjod na ma khyab pa 


lasogs pa lhag ma rnams kyang mtshon chos la don ldog de nyid du myed pa nyid yin pas mi srid pa kho nar 'gyur ba'i phyir ro |  | gal te mtshon ldan gyi gzhi la rtsi na mtshan gzhi' la ltos pa'i skyon las khyad par ci yod ce na |  de ni mtshon chos dang ldan nam mi ldan yang rung gang mtshon byar bkod pa la ci yin no |  | des 
na mtshan gzhi la mi gnas pa ni gang du mtshon pa'i don yin yang gang mtshon pa'i gzhi' la dgod par bya ba ltar mi gnas pa'o |  | de yang tshul bzhis 'gyur pa las |  dbyer med du ma grub pa ni gzhi' mtshan so sor mi srid pa 'am srid kyang rdzas tha dad pa stong dper na rta ba lang gi ngo bor mtshon pa la nog dang lkog shal lta bu'o | 
tshul gsum gyis stong pa la tshul gsum bkod pa ni der mi brjod de khyad par bkag ldog nyid la tshul gsum tshang pa'i phyir ro |  | ldog pa gzhan du ma grub pa ni gzhi ldog mtshan nyid du bkod pa ste |  lkog shal 'dus pa ba lang gi ngo bor mtshon pa la lkog shal 'dus pa nyid lta bu'o |  | tshul gsum gtan tshigs 
su bya ba la tshul gsum bkod pa ni ma yin te ldos pas ldog pa tha dad pa'i phyir ro |  | lkog shal dang skad cig lasogs pa ni dag pa ba yin pas ltos pas mi 'gyur la dus snga phyi'i lkog shal lasogs pa ni rdzas nyid tha dad du 'gyur ba'i phyir ro |  | don ldog gzhan du ma grub pa ni rang gi mtshon ldog gzhir bkod pa ste : 
ba lang gi tha snyad ba lang du mtshon pa la lkog shal bkod pa lta bu'o |  | shes bya'i tha snyad shes byar mtshon pa la blo'i yul bkod pa ni ma yin te gzhi dang chos kyi shes bya gnyis ltos pas don ldog tha dad pa'i phyir ro |  | gzhi la khyab par ma grub pa ni mtshon 'dod kyi phyogs cig la myed pa ste |  sgra tsam mi slu bar 
mtshon pa la bden pa'i yul can nam du ba gtan tshigs su mtshon pa la tshul gsum bkod pa lta bu'o |  | blo tsam tshad mar mtshon pa la myong pas don rtogs bkod pa ni ma yin te |  mtshon bya la ma khyab par 'gyur ba'i phyir ro |  | de dag skyon nyid du bsgrub pa yang re shig rang ldog rdzas su ma grub pa ni 
mtshan nyid kyi skyon yin ste |  rang ldog rang dbang du grub pas thun mong ma yin pa'i tha snyad mtshon pa zhes bya ba tha snyad mtshan nyid kyi don dang byed pa myed pa'i phyir mi sgrub pa la me 'am me'i 'bras bu bkod pa'i rtags bzhin no |  | de lta na yang don ldog gzhan du gyur pa skyon ji ltar yin te rang gi las su sgrub nus 
pa'i phyir rgyu dang rtags kyis 'bras bu dang bsgru bya bzhin no zhe na |  sgra blos zhen yul gyi don dang de'i rung chos ma yin na tha snyad de'i rgyu mtshan du mi rung pas mtshan nyid kyi don dang byed pa myed pa'i phyir rjes su mi byed kyang me myu gu'i rgyur brjod pa bzhin no |  | de lta na yang mtshon bya la mi srid pas der 'gyur na 


| gtan tshigs kyi tha snyad la tshul gsum mi srid pas don ldog gzhan du mi 'gyur ram ce na |  rang ldog la de ma tshang yang gzhi' la tshang pa'i chos de la rgyu mtshan du yod pa nyid te skyes bu dag la 'di gnyis pha spun yin no zhes brjod pa bzhin no |  | de lta yin dang mtshan nyid las dang bya ba la srid tshul tha dad pas 
gzhi la srid pa ltar mi srid kyang gzhi' la tshang pa'i don ldog de tsam la de'i tha snyad 'jug pas rang gi tha snyad la rang nyid mi srid pa ma yin no |  | rnam pa cig du na mtshon ldan gyi gzhi' la srid pa nyid mtshon chos la srid pa'i don yin ste |  bzhon pa 'gro skyen pa la skyes bu mgyogs par brjod pa bzhin no |  | 'o na ma khyab 
pa skyon ji ltar yin te rang nyid gang na ba der mtshon bya mtshon nus pa'i phyir bsgrub bya la gtan tshigs bzhin no zhe na |  'gyur te yul myed pa'i tha snyad mi rung zhing don gzhan gyi tha snyad kyi don las de don ldog gzhan du 'gyur ba'i phyir dang de med kyang gnas pa'i tha snyad de des rnam par bzhag par mi 'gyur ba'i phyir ro |  | rtags 
ni bsgrub bya las don ldog gzhan du gyur pa dang gnas pa'i rgyu ma yin par 'gyur ba 'dod pas ga la mtshungs |  khyab ches skyon ji ltar yin te myed na mi 'byung pa'i rgyu yin pa'i phyir bskyed bya'i 'bras bu la rgyu bzhin no zhe na 'gyur ba nyid te rang ldog gang na ba der zhen rung gi tha snyad med pa mi srid cing gzhan ldog la rung pa'i 
tha snyad las de don ldog gzhan du 'gyur ba'i phyir dang |  de yod kyang de med na de tsam de rnam 'jog gi rgyu mtshan ma yin par 'gyur ba'i phyir ro |  | me lasogs pa du ba las don ldog gzhan dang de tsam gyi rgyu ma yin par 'dod pas ga la mtshungs |  gang mtshon pa'i gzhi' la ma grub pa yang mtshan nyid kyi skyon yin te : 
don med par de'i tha snyad mi rung pas gzhi rang gi tha snyad du mtshon pa zhes bya ba mtshan nyid kyi don dang byed pa med pa'i phyir nam mkha' mi rtag par sgrub pa la byas pa'i rtags bzhin no |  | de lta na yang gzhi dang rdzas mi gcig pas ma grub par mi 'gyur na la la du ba'i rtags ma grub par 'gyur ro zhe na |  der yang ngo bor bkod 
na ma grub par 'gyur mod kyi yod par 'god la |  'dir mtshan nyid lkog shal ni gzhi 'i ngo bor dgod par bya ba yin te mtshon bya ngo bor mtshon pa'i phyir ro |  | gang gi bsgrub bya yang gzhi'i ngo bor ram mtshon bya yang ldan par mtshon pa'i tshe ni de ltar yang 'gyur ro |  | 'o na mtshan nyid yod par grub pas mtshon 
bya 'am bsgrub bya yin par mi 'grub pa 'di mtshon bya dang bsgrub bya la ltos pa'i skyon ma yin nam gzhi la ltos pa'i skyon ci ltar yin ce na |  ma yin te bya ba dang byed po'i 'brel pa la khyad myed pa'i phyir ro |  | des na 'brel pa gcig pa nyid kyis rang gi bya ba la mi 'khrul pa'i byed po rnams gzhi la ji ltar 


grub na bya ba nus pa de ltar dgod par bya ba yin pas de ltar ma grub pa gzhi' la ltos pa'i skyon yin no |  | gal te ldog pa gzhan myed pas gzhi la mtshan nyid mi srid na de'i mtshon bya 'ang mi srid par 'gyur te de lta na mtshan nyid mtshon byas stong par 'gyur ro zhe na |  'di khyab pa ma grub pa yin te mtshan nyid la mtshan nyid 
gnyis pa myed kyang mtshon bya myed par 'gyur te rang ldog mtshan nyid yin pa'i phyir sgra la khyab byed sgra ldog gnyis pa khegs kyang sgra'i khyab bya mi khegs pa bzhin no |  | 'dod pa 'ang yin te mtshan nyid mtshon bya phan tshun la mi srid kyang phan tshun gyi gzhi la srid pas der brjod pa'i phyir ro |  | gal te gzhi' la don ldog gzhan 
du myed pas ma grub par 'gyur na rtags bzhi las don ldog gzhan du myed pa'ang ma grub par 'gyur ro zhe na |  de rgyu mtshan gang las |  'dir ni des gzhi' de la chos gang yang mtshon mi nus pa'i phyir te |  gzhi' nyid mtshon byar 'gal zhing gzhi 'i steng du mtshon pa'i chos las don ldog gzhan du 'gyur ba'i phyir ro |  | rtags bsgrub bya la don ldog 
gzhan du gyur ba skyon yin na ha cang thals mtshungs pa ma yin no |  | 'o na mtshon gzhi' 'i phyogs cig la ma grub pa skyon ji ltar yin ce na |  dngos po la rang nyid gang na myed pa der rang gi tha snyad 'jog par mi nus la |  skyes bus kyang gzhi de la tha snyad kyis khyab par mtshon 'dod na don gyis ma khyab pa skyon yin te 'dod pa ma mtshon pa'i 
phyir mi srid pa bzhin no |  | gal te de'i tshe yang mtshan nyid rten tsam du bkod na de ltar grub pas gzhi' la ltos pa'i skyon ma yin te des mtshon bya khyab byed du ma mtshon pa ni de lta'i mtshon bya las khyab ches pa'i skyon yin no zhes na |  'di ltar gtan tshigs kyi mtshan nyid tsul gsum yin pas tshul gsum gar yod par gtan 
tshigs mtshon cing sgrub nus la |  khyab byed du gyur pa'i gtan tshigs la'ang tshul gsum don ldog gzhan yin yang mi 'khrul pas sgrub sus te tshul gsum gar yod par khyab byed kyi gtan tshigs yod pa'i phyir ro |  | de mtshon 'dod kyi phyogs cig du ma mtshon pa ni der tshul gsum nyid ma khyab pas gzhi' las skyon 
du gyur pa yin no |  | ci ste mtshon bya'i chos nyid du ba'i khyab byed du gyur pa'i gtan tshigs yin na de lta bu mtshon pa dang sgrub par mi nus pas mtshon bya las skyon du gyur pa kho nar 'dod pa kho na'o |  | 'o na du ba la gtan tshigs khyab byar mtshon pa tshul gsum khyab ches pa yang gzhi las skyon du 'gyur te rang nyid gar myed myed par 
mi mtshon pai phyir ro zhe |  khyab ches kyang spyir khyab byar gyur pa'i gtan tshigs tsam ni khyab byar gyur pa'i tshul gsum rten tsam gyis mtshon nus pas skyon du mi 'gyur la |  du ba'i khyab byar gyur pa'i gtan tshigs zhes pa ni khyab byed du gyur pa dang gnyis ka mtshon bya las skyon du 'gyur bar mtshung spar 'dod pa'i phyir ro |  | 


| skyon de dag du grangs nges pa'i tshul yang mang pa dang nyung pa dgag pa dag mtha' 'gog pa'i nges pa'i rigs pas nges par bya ste |  de la snga rabs pa dag mtshan nyid kyi skyon mtshon bya la ltos te mi srid pa dang ma khyab khyab ches gsum las myed par sems pa de dag ni khyab mnyam pa'i don ldog gzhan pa dang rang ldog rdzas su ma grub pa skyon du bsgrub pas 
gnod par lta'o |  | yang kha cig rnam gcad myed pa zhes bya ba skyon gzhan yang yod te ba lang gi mtshan nyid lkog shal 'dus pa'i mi rtag pa lta bu'o zhes zer ba |  de la rtags kyi skyon yang gsum las mthun phyogs la ma khyab pa zhes bya ba gzhan yin te rtsol ma byung sgrub pa la mi rtag pa bkod pa lta bu'o zhes brjod par bya'o |  | de lta na 
du bas me sgrub pa yang skyon can du 'gyur la |  mi rtag pas rtsol ma byung bsgrub pa ni skyon yin yang ldog pa myed pas ma nges par 'dus so zhe na |  khyed la yang 'dus byas mi rtag pa'i mtshan nyid du rgyus bskyed pa'i skad cig ma skyon du 'gyur te rnam gcad so sor myed pa'i phyir ro |  | mi rtag pa'i lkog shal bkod pa ni skyon yin yang don ldog 
gzhan yin pas gsum du 'dus pa kho na ste |  des na don ldog gzhan du ma gyur na rnam gcad myed kyang skyon ma yin zhes bya'o |  | rnam pa cig du na der yang rtag pa dang rgyu lasogs pa rnam bcad so sor yod pa nyid te mtshan nyid dan dngos po la 'gal yang blo ngor bzlog phyogs ma chod na mtshan nyid rnams kyis rang gi tha snyad mtshon mi nus pa'i phyir ro || 
de ltar na mtshan nyid skyon med thaMd la rnam gcad yod pa kho na'o zhes bya'o |  | skyon gyi grangs mang nyung gi mtha' yang rigs pas 'di ltar khegs ste |  gang zhig gang du mtshon pa'i mtshan nyid du bkod pa la de rang gi mtshon bya las rdzas su grub ma grub dang |  grub pa yang mtshon bya de'i don ldog yin ma yin dang |  yin pa yang mtshon 
bya'i gzhi la grub ma grub bzhir nges pas skyon bzhi khegs la |  gsum po mtshong pa'i phyir ro |  | yang na mtshon bya las rdzas su grub ma grub gnyis kyis gang du mtshon pa'i don ldog ma yin pa dang gang mtshon pa'i gzhi la ma grub pa gnyis kho na ste |  rtags kyi skyon bsgrub bya de mi nus pa dang gzhi' de la mi nus pa gnyis su 
'dus pa bzhin no |  | mtshon bya'i mtshan nyid ni ngo bo ngos gzung pa dang |  de btags yod du 'gyur tshul dang | de la rtsod pa spang pa gsum gyis nges par bya ba las |  dang po ni 'dir ba lang zhes bya ba lasogs pa mtshon bya'i tha snyad ni sgra spyi dang rang mtshan gyi ming ma yin te gzhi mtshan gnyis dang ma 'brel par 'gyur ba'i phyir ro |  | 
ming btags pa dang gdags su rung pa yang ma yin te mtshan nyid la ma khyab pa dang 'khrul pa'i phyir ro |  | don de blos shes pa 'am shes su rung pa yang ma yin te ma khyab pa dang 'khrul pa'i phyir ro |  | blo ma 'khrul pas zhen rung tsam yin na yang don tshad mas grub kyang tha snyad ma grub pa mi srid par 'gyur ba'i phyir ro |  | des na don ldog 


la blo ma 'khrul pa ming gi rnam pa shar bas zhen par bya ba ste |  don rnams kyi rang ldog la ma 'khrul pa'i blo sgra thun mong ma yin pas zhen rung gi don de dag gi tha snyad yin la | 
don ldog de nyid blo'i sgra'i yul du rung ba tsam yin la de rung yul la ltos pas tha snyad thaMd btags yod kho na zhes bya'o |  | gsum pa ni gal te mtshon bya'i tha snyad sgra blos khyad par byas pa yin na sgra blo'i grangs ji snyed par des khyad par byas pa'i rung chos 'phel dgos pas don cig gi mtshon bya du mar 'gyur la |  gra blo myed pa'i tshe mtshon bya myed par yang
'gyur ro zhe na |  sgra blo'i khyad par gyis rung chos du mar 'gyur yang mtshon bya'i tha snyad du mar mi 'gyur te don ldog de la sgra blo tsam gyis zhen rung gcig las 'das pa myed pa'i phyir ro |  | sgra blo nyid mi srid na de'i rung chos 'gal yang sgra blo dngos su yod pas khyad par ma byas pas myed pas myed par yang mi 'gyur ro |  | gal te mtshon bya'i tha 
snyad don gyis khyad par byas pa yin na don myed par grub na khyad par byed chos khegs pas rmongs pa la yang tha snyad 'gog pa'i rtags mi dgos par 'gyur te mi rtag par grub pa la rtag pa'i dngos po bzhin no zhe na |  de lta mod kyi don dang tha snyad kyi 'brel pa la rmongs pa la dran pa la sbyar bas 'gog pa'i mi 'gal te shing bkag pas sha pa 'gog pa bzhin 
no |  | mtshon gzhi 'i mtshan nyid ni mtshon chos dang ldan pa ste des na sngar mtshon ldan la mtshan nyid tshang pa nyid mtshon bya la srid pa'i don du brjod do |  | yang na mtshan nyid rten pa la brjod kyang mtshan nyid mtshon bya la khyab ches pa myed te de dag phan tshun la rten par ma grub pas so |  | yang na mtshan mtshon zung cig rten pa ste 
ba lang dang lkog shal rten pa'i kar zal lta bu'o |  | 'o na rta ba lang du mtshon pa la lkog shal bkod pa lta bu skyon yon rtsi ba'i mtshan gzhi' la ma khyab po zhe na |  rtags kyi mtshan nyid phyogs chos khyab pa yang rtag pa sgrub pa la myig gi gzung bya lasogs pa skyon yon rtsi ba'i rtags la ma khyab par mi 'gyur ram |  de lta bu 
rtags su bkod kyang rtags nyid ma yin pas de la de'i mtshan nyid ma khyab pa skyon du ji ltar 'gyur zhes bya ba'i lan gyi tshul mtshungs pas 'di la spros pa'i gnas myed do |  | 'o na rtsod gzhi' chos can gyi mtshan nyid kyang sgrub bya gtan tshigs gnyis rten par ci ste mi 'gyur ce na |  rang gis de ltar yang rnam gzhag rung mod kyi slob dpon gyi 
gzhung gi cha dag las bsgrub bya shes 'dod 'jug pa la rtsod gzhi 'i brda' btags pas de la de gnyis sam gang rung rten pas ma khyab pa'i phyir ro |  | chos gsum po de dag 'brel pa nges pa'i tshul yang rang ldog ngos gzung pa dang |  mtshan nyid spyir 'brel nges pa dang |  mtshan gzhi 'i dgos 'brel nges pa'i tshul gsum las dang po re 


| shig mtshan mtshon gzhi' gsum gyi rang ldog ni sgrub pa'i chos yin te de dag mtshan nyid sngar brjod pa rnams rang gi rnam pa rang dbang du shar bas nges su rung pa'i phyir ro | | 'o na skad cig mas stong pa dang don byed pas stong pa yang mtshan gzhi' dang mtshan nyid yin pas sgrub chos su 'gyur ro zhe na | 'dir khyab pa'i tshul gnyis
las chos gsum la sgrub chos kyis khyab par khas blangs pa de de dag gi rang ldog la khyab par khas blangs kyi gzhi ldog la khyab par mi 'dod la || de lta yin dang de dag mtshan gzhi dang mtshan nyid kyi gzhi' yin gyi rang ldog yin pa'i gtan tshigs ma grub po | | de la khyab bya grub kyang khyab byed mi 'grub na byas pa la tshul gsuM
yod kyang gtan tshigs su mi 'grub ces kyang brjod par mi nus ste | de'i khyab pa ni gzhi ldog ma yin pas de yod par de myed pa 'gal ba'i phyir ro | | | gnyis pa ni des na de dag gi mtshan nyid phan tshun rang bzhin gyis 'brel pa yin te | chos rten pa'i gzhi chos la mi 'khrul bas mtshan gzhi la gnyis pos khyab cis
chos kyang gzhi dang shes bya la mi 'khrul bas mtshan nyid la gnyis pos khyab la | chos la gzhi dang shes bya la don gyis khyab pas mtshon bya la'ang gnyis pos khyab pa'i phyir ro || || | gsum pa ni gnas skabs kyi blo gsum las re shig mtshon nyid dang mtshon bya'i tha snyad 'brel pa nges pa'i blo ni gong bu 'ga' zhig gi steng du
gzhan rig gis mthong pa'i nog dang lkog shal de tsam la ba lang zhes pa'i ming shar ba'i rtog pa ma 'khrul pas dngos su zhen par rang rig gis myong pa na phan tshun la zhen rung dang rung yul gyis ma khyab pa'i dogs pa chod pas rang rig don rig gi tshad ma gnyis yin no | | mtshan nyid kyi dngos po rig pa ni mtshan nyid mtshan gzhi dang 'brel
pa nges pa ste | kar zal la kol shal mthong pa'i mngon sum mo | | mtshan nyid kyis mtshon bya tha snyad du byed pa ni mtshan gzhi dang mtshon bya'i tha snyad 'brel par nges pa ste | de yang sgra rtog dang ldan pa'i mkhas pa la rgyu mtshan 'dzin pa'i tshad ma nyid yin te | rtog pa yod pas don 'grub pa nyid na rtog pas zhen rung ltar
sgras brjod rung du'ang 'grub pa'i phyir ro | | brda' dang mi ldan pa'i rmongs pa la ni sngon 'brel pa grub pa'i rgyu mtshan rtags su bkod pa'i rjes dpag gis yin te | gang rgol shal 'dus pa de ni ba lang gi tha snyad du mtshon par bya ba yin te sngon gyi gong bu de bzhin no | | kar zal 'di yang kog shal dang ldan pas zhes bya bas so |
tha snyad nam grub pa na don gyis mtshon par mthong pas na mtshon bya zhes pa'i ldog pa dang 'brel par yang tshad ma de dag gi shugs kyis yin no | | mtshan mtshon du gyur pa lkog shal ba lang gnyis dang ldan pas so | | de ltar na kar zal mtshan gzhi' ba lang gi tha snyad du mtshon bya nog dang lkog shal dang ldan pas zhes bya ba'i


sbyor ba grub pa yin no |  |  | mtshan nyid dang 'brel pa nges pas so sor mtshon pa'i tshul yang |  rang ldog yin par mtshon pa dang |  gzhan ldog min par mtshon pa dang |  de la rtsod pa spang pa gsum las |  dang po ni kar zal gyi ldog pa 'di mtshan gzhi tsam dang 'dir gtogs kyi mtshan gzhir mtshon te |  spyir dang 'dir gtogs kyis 
mtshan mtshon du gyur pa'i lkog shal ba lang gnyis dang ldan pas so |  | de bzhin du lkog shal 'dus pa yang mtshan nyid tsam dang 'di 'i mtshan nyid du mtshon te spyi dang 'dir gtogs kyi mtshon bya'i don gzhi' la grub pas so |  | ba lang gi tha snyad kyang mtshon bya tsam dang 'di 'i mtshon byar mtshon te spyi dang 'dir gtogs kyi mtshan nyid 
kyis gzhag bya yin pas so |  | sbyor ba 'dir gtogs kyi mtshon byar mtshon pa'i chos gsum gyi khyad par ci yin ce na |  sbyor ba ni lkog shal gyi don la zhen rung gi tha snyad ni lkog shal gyi mtshon bya yin te lkog shal gyi don kar zal gyi gzhi' la grub pas gzhag bya yin pas ces bya bar 'gyur la |  de'i tshe mtshan gzhi lkog 
shal gyi don la zhen rung gi tha snyad dang mtshon bya de don la ltos ldog dang mtshan nyid de ltos pa'i rgyu mtshan yin pas ldog pa tha dad de |  me las skyes pa 'di' me'i 'bras bu yin te me'i rjes su byed pa'i phyir ro zhes brjod pa bzhin no |  |  | gnyis pa ni yang kar zal dang lkog shal sbyor ba 'dir gtogs kyi mtshon bya yin pa dang |  lkog shal 
dang ba lang mtshan gzhi ma yin pa dang |  ba lang dang kar zal mtshan nyid ma yin par mtshon te |  de dag la de'i mtshan nyid myed pas so |  | khyad par du na kar za pa dang lkog shal ni mtshon bya tsam yang ma yin par mtshon te mtshon bya'i mtshan nyid tsam dang mi ldan pas so |  |  |  gsum pa de dag la rtsod pa spang pa ni gal 
te sbyor ba 'dir gtogs kyi chos gsum po phan tshun mi srid na des der mtshon par mi rung ste lkog shal 'dus pas rta bum par mtshon pa bzhin no zhe na |  rang ldog la phan tshun gyi mtshan mtshon myed kyang de dag gi mtshan gzhi' srid pas de'i ngo bor mtshon du rung pa nyid ste |  gang gis gang zhig gang du bya ba thaMd ni de dag gi mtshan gzhis yin 
gyi mtshan nyid dang mtshon byas ni ma yin te |  rtags kyis chos can la bsgrub bya bzhin no |  | khyad par du mtshon bya tsam ma yin du mtshon pa la rtsod pa spang pa la gsum ste |  brtags na mi 'thad pa spang ba dang |  ha cang thal ba spang pa dang |  'gal mtshungs kyi sbyor ba'i dbye' ba bstan pa'o |  | dang po ni 'o na dkar zal 
dang lkog shal la mtshon bya tsam ma yin du mtshon par bya ba'i chos de nyid mtshon bya ma yin nam yin |  dang po ltar na mtshan nyid mi 'god par thal ba dang tha snyad thams cad mtshon byar 'dod pa nyams la |  gnyis pa ltar na mtshon bya'i mtshan nyid bkag pas mtshon pa 'gal te skad cig mas stong pas mi rtag pa mtshon pa 


| bzhin no zhe na |  de ltar rtog par rigs mod kyi 'on kyang thog mar dngos po'i lan la yid mi ches pas re zhig kho bo'i dris lan 'di thob cig dang de'i rjes su brjod pas tshim par 'gyur ro |  | ci ba lang gi tha snyad 'di mtshon bya yin nam ma yin ma yin na mtshon nyid la mi ltos par 'gyur zhing |  yin na mtshon bya'i mtshan 
nyid tsam gyis mtshon par 'gyur ro |  | de bzhin du bum pa mi rtag pa ma yin na rtag par 'gyur la yin na skad cig mas mtshon nus par mi 'gyur ram |  de la gal te bum pa dang ba lang gi tha snyad dag mi rtag pa dang mtshon bya'i zhi' yin zhing rang ldog ma yin pas skyon gnyis ka myed par brjod na |  'dir yang ste 'dir mtshon bya zhes bya 
ba sgra ltar de'i mtshan nyid mtshon bya mtshan gzhi' gsum par la brjod pa las |  'dir mtshon bya ma yin pa'i tha snyad de mtshon bya'i don nam tha snyad kyang ma yin mod kyi mtshon bya'i tha snyad du rung pa'i gzhi' yin pas skyon gnyis ka las grol te ba lang gi tha snyad bzhin no |  | de bzhin du yod ldog ni rtags kyi sgrub bya ma yin pa'i tha snyad du 
bya ste ngo bo 'dod pa ma bsal bas stong pa'i phyir ro zhes brjod pa'i tshe tha snyad de nyid bsgrub bya ma yin na rtags la mi ltos par 'gyur la yin na rang gi mtshan nyid bkag pas bsgrub par 'gyur ro zhes bya ba'i brgal lan dang yang mtshungs par blta'o |  | de lta na yang gzhi de la mtshon bya'i mtshan nyid ma khegs na mtshon bya ma yin pa'i tha snyad 
du mi 'gyur la khegs na mtshon bya'i gzhir 'gal te lkog shal khegs pa ba lang gi mtshan gzhir 'gal ba bzhin no zhe no |  | don ldog de nyid du khegs la gzhan du yod pa ma khegs pas sam |  de'i gzhi la khegs shing de nyid gzhir byas la ma khegs pas skyon gnyis ka myed do |  | de bzhin du mtshon bya ma yin pa'i tha snyad 
de la mtshon bya'i mtshan nyid zhugs na khyab ches par 'gyur la ma zhugs na mtshon bya'i mtshan gzhir mi rung ngo zhes pa'i skyon yang med de |  de'i gzhi' la ma zhugs shing |  rang ldog la zhugs pa'i phyir te |  srid pa dang mi srid pa lasogs pa thams cad mtshon bya'i chos la ma yin gyi gang mtshon pa'i gzhi' la yin par 
brjod pa'i phyir ro |  | gnyis pa ni gal te dkar zal dang lkog shal la mtshon bya'i mtshan nyid don ldog la zhen rung tsam khegs na mtshon bya'i mtshan nyid bkag pa'i don ldog la zhen rung yang khegs par 'gyur la |  de lta na mtshon bya' ma yin pa'i tha snyad kyang khegs par 'gyur ro zhe na |  don la zhen rung tsam khegs na 
de ltar 'gyur yang de ni mtshon bya'i gzhi tha snyad kyi mtshan nyid yin pas de ma khegs kyang mtshon bya'i mtshan nyid ji skad brjod pa de khegs pa yin no |  | de nyid kyis na de dag la mtshon bya'i tha snyad tsam 'gog na rang ldog yin pa dang gzhan ldog min par mtshon bya'i tha snyad kyang khegs par thal lo zhes pa'i skyon yang myed de | 


de dag gi tha snyad mi 'gog kyang mtshon bya ldog pa 'gog pa nyid la |  mtshon bya'i ldog pa ni kar zal dang lkog shal gyi steng gi tha snyad gnyis po la rten pa yin gyi de dag la rten pa   ma yin pas 'gal ba myed de stong nyid kyi ldog pa la shes bya mi khegs kyang shes bya'i sgrub chos khegs pa bzhin no |  | gal te mtshon bya ma yin pa'i tha 
snyad mtshon bya yin na mtshan nyid ma yin pa'i tha snyad kyang mtshan nyid du rung ngo zhes rtog na |  mtshan nyid tsam ma yin pa ni mi srid la 'ga' zhig gi ma yin pa ni 'ga' zhig gi rung pa nyid de mtshan nyid kyang yin pa dang ma yin pa'i ltos pa las tshang pa dang ma tshang par 'jog pas 'gal ba myed do |  | mtshon bya tsam ma yin gyi tha 
snyad mtshon bya'i gzhir rung ni dngos myed kyi tha snyad kyang dngos po'i mtshan gzhir rung zhes ni brjod par mi nus ste |  de don byed nus pas dngos por mtshon nus pa'i phyir ro |  | 'dir yang de mtshan nyid kyis gzhag bya yin pas mtshon byar mtshon rung par thal lo zhe na 'dod pa nyid la |  der yang 'dod na don byed mi nus pa'i dngos myed nyid nus 
pas dngos por yang rung na dngos dang dngos myed dang don byed nus mi nus rdzas la rten pa'i chos ma yin par 'gyur ro |  | mtshon bya yin min rdzas la rten pa'i chos ma yin par thal ba 'dod pas mtshungs pa ma yin no |  | des na ldog pa'i chos 'gal ba'i tshul ni 'di yin te rang ldog 'gal bas gzhi' ldog pa gcig la mi 
rten yang ltos pa gzhi 'i dbang gis 'gal ba nyid myed pas de dag nyid rten dang rten par rung pa yin no |  | gsum pa ni des na gzhi tha dad la ltos pas 'gal ba dang gcig pa med kyang rang ldog gi rigs 'gal ba dang gcig par mngon pa'i mtshan nyid kyi sbyor ba du ma yin te |  de la gzhi mtshan 'gal ba ni tshul gsum 
gyis stong ldog nyid la tshul gsum tshang pas gtan tshigs su mtshon pa lta bu'o |  | gzhi mtshon 'gal ba ni sngar bshad pa de nyid dang |  med dgag gi tha snyad kyis stong ldog dgag chos 'ba' shig pas myed dgag gi tha snyad du mtshon pa dang |  mngon gyur gyi tha snyad nyid myong pas mi rtogs pas mngon gyur gyi tha snyad du 
mi rung par mtshon pa lta bu'o |  | yang gzhi mtshan mthungs pa ni tshul gsum nyid tshul gsum gyis gtan tshigs su mtshon pa lta bu'o |  | gzhi mtshon mtshungs pa ni shes bya'i ldog pa nyid blos yul du rung pas shes byar mtshon pa lta bu'o |  | 'di dag nyid don dang tha snyad bkag pa dang bsgrub pa'i ldog pa 
la sbyar na ches phra bar 'gyur te | blo gsal ba rnams kyis shin du spros kyang gtugs par mi 'gyur ro |  | des grub pa'i don ni de ltar chos gsum gyi so so'i don gyi ngo bo nyid chos rnams kyi rang gi khyad par gyi don ldog rang la thun mong ma yin pa'i tha snyad re yod pas thaMd du don dang tha snyad du gyur pa'i mtshan nyid mtshon 


| bya dag ngo bo dbyer myed cing rdzas yod btags yod kyi ldog pa gnyis grangs dang 'brel pa nges pa dang |  mtshan gzhi la ji ltar mtshon pa'i tshul gyis ngo bo dbyer myed dam tha dad du yod pa zhes bya bar grub pas dbang po rnon po la khyad par gyi chos bshad mi dgos pa nyid do |  | 'on kyang don la blo ma phyogs pas mtha' gzhan 
du rtog pa'i 'khrul pa smra ba rnams don la ma gtugs par rtog ge'i rnam gzhag 'gal ba'i sgo nas dgag pa la gsum ste |  tha dad nges pa la 'khrul pa dgag pa dang |  rnam gzhag nges pa la gnod pa spang pa'o |  | dang po yang chos de dag ngo bo mi gcig pa dang |  ldog pa gcig pa dang |  ldog pa mtshungs pa dgag 
pa las |  dang po ni kha cig bum pa 'dus ma byas dang bden pa'i dngos po las 'byed pa'i mtshan nyid skye 'jig dang dpyad bzod pa'i don byed pas stong pa lasogs pa gzhi dang ngo bo mi gcig pa yin no zhes zer ro |  | de la dpyad de ci mtshan nyid ngo bo ma yin pa des mtshon bya gzhi 'i ngo bo nyid dam ldan par mtshon |  dang po ni mi nus 
ste lkog shal tha dad du ldan pas rta ba lang gi ngo bo mi mtshon pa bzhin no |  | gal te ngo bo ma yin yang gzhi las ngo bo gzhan du med kyi chos su yod pas nus par sems na |  mtshan nyid de myed par bkag pa yang gzhi rnams la de lta bu'i chos su yod pas mtshon bya de ma yin gyi ngo bor yang mtshon par thal ba tshangs pas kyang spang 
par mi nus so |  | phyogs gnyis pa ni nus kyang gzhi chos de dang ldan par mtshon pas gzhi nyid de ma yin las dbye' bar mi nus ste 'dzin pa dngos por mtshon pas de'i gzung pa dngos myed las tha dad par mi 'grub pa bzhin no |  | de la yang de gzhi 'i ngo bo ma yin yang chos su mtshon pas gzhi de ma yin las phyed par rtog 
na |  rang gi mtshon bya bkag pa yang gzhi rnams la de lta bu'i chos su yod pas gzhi de mtshon byar 'dod pa las kyang tha dad par thal ba brgya byin gyis kyang bzlog par mi nus so |  | de'i phyir 'ga' zhig de ma yin las rnam par 'byed pas de'i ngo bor mtshon dgos shing de yang rnam 'jog de'i ngo bor ma grub na mi 'gyur bas thaMd du 
chos ngo bor mtshon pa'i chos gsum ngo bo dbyer myed pa nyid do |  | ldog pa gcig pa gcig pa nyid kyang ma yin te mtshan nyid dang mtshon bya gcig na phan tshun mi srid pa dang don dang tha snyad rtogs pa gcig pas gang zag la mkhas rmongs kyi dbye ba mi 'thad pa'i phyir dang |  mtshon bya dang mtshan gzhi' cig du smra ba 'ang skyon de dag nyid du 
'gyur ba dang |  mtshan gzhi'i dang mtshan nyid gcig na yang rtags tha snyad sgrub mi rung pa dang |  gzhi' la khyad par bstan pa'i bstan bcos don med par 'gyur ba'i phyir ro |  | des na ldog pa tha dad pa nyid do |  | de yang thaMd rdzas yod dam rtags yod du 'dra ba ma yin te |  btags yod rnam par 'jog byed dang 


rdzas yod rnam par gzhag byar 'gal ba'i phyir ro | | mtshan nyid du mi 'gyur ba'i chos myed par brjod pas btags yod kyang 'ga' zhig gi rnam 'jog du 'gyur ba ma yin nam zhe na | 'gyur mod kyi de lta na 'ang mtshan nyid dang mtshon bya'i ldog pa rdzas yod dang btags yod du nges par gzhag ste | ltos pas snga phyi don gcig la 'ur yang rgyu dang
'bras bu'i ldog pa snga phyi la mi 'khrul bar brjod pa bzhin no | | mtshan gzhi'i ldog pa ni rdzas yod kyang rung ste bum pa byas par mtshon pa la rgyus bskyed pa bzhin no | | mtshan nyid la ltos pa yang ste rgyus bskyed pa'i bum pa rgyus bskyed pas 'dus byas su mtshon pa bzhin no | | mtshon bya la ltos pa yang ste | 'dus byas kyi nus
pa rgyus bskyed pas lus byas su mtshon pa bzhin no | | mi rtag pa'i bum pa mi rtag ste byas pa'i phyir zhes pa'i rtags ni rung pa ma yin te mi rtag pa ma grub pam grub na'ang gzhi ma grub pa dang shes 'dod med pas rtags go byed du mi rung pa'i phyir ro | | mtshan nyid blos ma grub pa 'am mtshon bya grub pas ni rnam par gnas pa'i rgyu
mi ldog pas mtshungs pa ma yin no | | mtshan nyid mtshon bya'i ldog pa grangs nges pa la 'khrul pa dgag pa las | re shig mtshan nyid gcig gis mtshon bya gnyis mtshon pa ni mi rung ste | sgra blo tha dad kyi rung pa tsam mtshon bya ma yin pa'i phyir dang | don ldog gzhan la rung pa de'i tha snyad ma yin pas
don ldog gzhan du 'gyur ba'i phyir ro | | gnyis kyis cig mtshon pa yang mi rung ste | sgra blos zhen mi rung pa'i don ni mi srid pa dang | srid kyang de rung chos las don ldog gzhan du 'gyur ba dang | ming cig gis zhen yang ming tsam mtshon bya ma yin pa'i phyir ro | | tshul gsum dang nog dang lkog shal lasog
pa ni tshogs ldog gcig mtshan nyid yin gyi rnam par brtag pa ma yin pas 'gal ba myed do || dgal te de lta na gtan tshigs cig gis sgrub bya gnyis dang gnyis kyis gcig bsgrub pa yang mi rung par 'gyur ro zhe na | de rgyu mtshan gang las | mtshan nyid mtshon bya don dang tha snyad la brjod pa na don cig la tha snyad
gnyis sam gnyis la cig mi srid pas gtan tshigs gnyis ka 'am bsgrub bya gnyis ka la rtags kyi mtshan nyid tshang pa mi srid pa'i phyir te | gang yang rung pa don ldog gzhan du 'gyur ba'i phyir ro | | de lta yin dang rgyu rnams cha 'ga' zhig 'dra yang 'ga' zhig gis mi mtshungs pa'i khyad par 'di lta ste | skyed byed
kyi rgyu ni rdzas tha dad pas khyab cing 'bras bu la 'khrul yang gnyis po ma yin pa dang | shes byed kyi rgyu ni 'brel pa la ltos shing 'bras bu la ma khyab kyi gnyis po ma yin pa dang | rnam 'jog gi rgyu 'bras ngo bo gcig pas khyab cing 'bras bu grub kyang mi ldog gi gnyis po de lta ma yin zhes shes par mi bya'o ||


| rnam gzhag nges pa la gnod pa yang pa yang kha cig ming de'i don gzhan du btags te gzhi la 'dod pa'i mtshon bya 'gog pa tshad ma'i mtshan nyid dngos po 'dzin pa myed pas rjes dpag tshad ma ma yin no zhes zer ba dang |  don de'i ming gzhan du btags nas gzhi la mi 'dod pa'i mtshon bya 'gog pa bum pa don byed nus pas don dam 
pa'i bden pa yin no zhes zer ba lta bu ste |  de dag gi mtshan nyid dang mtshon bya de dag gi ming don brtags te rang dang mi mthun na dgag par sla zhing mthun na ming la brtsad pa'i 'bad pa mi bya'o |  | mi mthun na yang des rang 'dod pa'i mtshon bya mtshon na don ldog gzhan du 'gyur la |  gzhan mtshon na ni gzhan gyis gzhan mtshon 
pas 'di la ci ltar gnod ces bya'o |  | de bzhin du ming don bzlog par smra ba rgyus bkyed pa'i mtshan nyid 'dus byas yin zer ba la yang brtag par bya ste de dag gi tha snyad mtshan nyid dang don mtshon byar smra na rigs pas bsal zhing |  don mtshan nyid dang tha snyad mtshon bya yin na yang de kho bos 'dod pa'i don dang tha snyad la gzhan du btsal bar 
mi nus la |  de nyid yin na yang kho bo'i tshul rjes su spyod pa khyod kyis nyon mongs pas brtsad pa'i don ci yod ces smad par bya'o |  | de'i phyir de ltar mtha' ma mthong pa'i bya dag ring du song yang srung du 'babs pa ltar nyams drod myed par 'gal ba ma su smra ba dag la yang mkhas pas yongs su btags na 'dod pa'i thog nyid du 'bab pas rigs pas don 
mthong pa'i rnam gzhag ni tshig gis sgrib par nus pa ma yin no |  | de ltar chos gsum gyis shes bya rnams ngo bo dang ldog pa de dang de ma yin du rnam par 'jog pa'i tshul yang |  ngo bo dang ldog pa'i don dang |  de dang de ma yin gyi mtshan nyid dang |  des de dag de dang de ma yin du mtshon pa'i tshul gsum pas |  'dir ngo bo 
'am rdzas zhes bya ba dngos po nyid ni ma yin te spyi dang zla gnyis la yang grags pas so |  | rang dbang du grub pa'ang ma yin te btags yod pa'ang rdzas cig dang tha dad 'jog pas so |  | phyi rol pa'i ltar chos can dang chos la rdzas dang ldog par brjod pa'ang ma yin te |  ldog pa las ma gtogs pa'i rdzas nyid myed pa'i phyir ro |  | 
des na ldog pa'i chos rnams 'bral mi shes par 'dus pa'i don ni de dag gi rdzas su brjod cing 'dus ba can gyi chos rnams ldog par brjod pa yin te khrab dang byang bu bzhin no |  | de lta yin dang skye 'jig lasogs pa'i ldog pa 'ga' zhig ni rdzas la rten pa'i chos yin te de dang de ma yin rdzas cig la mi rung pa'i phyir ro |  | sgrub 
bya dang gtan tshigs lasogs pa 'ga' zhig ni ldog pa la rten pa'i chos yin te ldog pa tha dad na rdzas gcig la'ang rung pa'i phyir ro |  | de dag de dang de ma yin du mtshon pa'i mtshan nyid na phan tshun bzlog pa yin no |  | de yang bkag chos thams cad don nyid yin pas mtshan nyid du 'gyur ba na nog dang lkog shal 


bkag pa ni ba lang gi don ma yin par mtshon pa'i mtshan nyid yin zhing ba lang gi tha snyad bkag pa ni tha snyad ma yin par mtshon pa'i mtshan nyid yin la |  tshul gsum dang gtan tshigs bkag ldog kyang gtan tshigs kyi don dang tha snyad ma yin pa'i mtshan nyid yin no |  | de dag grub pa'i ldog pa yang don gyi tha snyad dang tha snyad kyi tha snyad 
kyi mtshan nyid du 'gyur te |  'on kyang rnam par phye ba'i byed pa chung pas sgrub pa'i tha snyad gnyis pa ma grags shing dgag pa'i tha snyad gnyis gcig du bsdus te rgyus ma bskyed pas 'dus ma byas ces dang tshul gsum myed pas gtan tshigs ma yin pa zhes bsnyad par brad do |  | mtshan nyid de dag gis gzugs lasogs pa rnams rdzas dang ldog pa'i chos 
sgrub pa dang dgag par mtshon pa'i tshul ni gsum nyid de |  rdzas kyi chos yal 'dab tha dad du ldan pa dang mi ldan pas shing dang ldan mi ldan du mtshon pa dang |  skad cig ma'i ngo bo yin pa dang ma yin pas mi rtag pa'i ngo bo yin min du mtshon pa dang |  ldog pa'i chos gsum la rten pa dang mi ldan pas gtan tshigs ldan mi ldan du mtshon pa 
lta bu'o |  | 'di dag kyang mtshan mtshon gyi 'brel pa gcig nyid las gzhi' la mtshon bya ji ltar mtshon tshul ltar mtshan nyid bkag pa'i dbye ba yin no |  | de la ngo bo'i chos mtshon pa na mtshan nyid mtshon bya'i rdzas de myed pa 'am ma yin pa la zhugs pa skyon yin te |  rtag pa dang mi rtag par mtshon pa la shes bya bkod pa 
lta bu'o |  | ldog pa'i chos mtshon pa na mtshan nyid de mtshon bya'i rdzas ma yin pa la ma zhugs kyang ldog pa de med pa la zhugs pas kyang yin te med dgag dang ma yin dgag du mtshon pa la shes bya bkod pa lta bu'o |  | thams cad du yang gi mtshon bya myed par zhugs na skyon yin gyi rang gi mtshon bya yod na chos gzhan la 
zhugs pas 'khrul par mi brjod de rtags kyi ldog pa bzhin no |  | rdzas dang ldog pa'i mtshan gzhi la yang de dang de ma yin gyi gzhir nges pa dang ma nges pa'i dbye' ba yod te |  rdzas kyi chos ltos bcas bskyed bya dang skyed byed lasogs pa ni rgyu dang 'bras bu'i khyad par la ltos pas me dang du ba lasogs pa'i rdzas gcig nyid de dang de ma 
yin du mtshon rung pa'i phyir ro |  | de bzhin du yul dang dus dang grogs la ltos pa'i rdzas kyi chos rnams kyang yin no |  | dag pa ba me dang mi rtag pa dngos po lasogs pa yin pa dang ma yin par mtshon pa'i mtshan gzhi ni bum pa dang spyi lasogs pa nges pa yin ste |  gang la'ang mi ltos pas ltos pa'i khyad par gyis mi 
'gyur ba'i phyir ro |  | ldog chos kyi mtshan gzhi ma nges pa ni rtags dang bsgrub bya dang mngon gyur lasogs pa ste |  bsgrub bya dang gang zag lasogs pa'i khyad par gyis de dang de ma yin gyi gzhir 'gyur ba'i phyir ro |  | nges pa ni med dgag ma yin dgag gi gzhir stong nyid dang shes bya'i ldog pa lta bu ste |  de dag gang 


| la ltos pas kyang ma yin dgag dang med dgag gi mtshan gzhir mi 'gyur ba'i phyir ro |  | de bzhin du mtshan nyid dang mtshan gzhir nges pa dang ma nges pa'i tshul yang rdzas dbyer myed kyi ldog pa gnyis phan tshun rten dang rten pa gnyi kar nges pa yin te blo'i yul dang dpyad bzod kyi don byed pas stong pa lta bu'o |  | rten dang rten pa gnyis kar 'gal 
ba yod de sgrub chos dor ba dang ma dor ba'i ldog pa lta bu'o |  | rten dang rten pa so sor nges pa yod de med dgag dang ma yin dgag gi tha snyad lta bu |  de ltar na shes bya rnam 'jog gi chos gsum pa'i 'di dag rang gi mtshan nyid dang rdzas dang ldog pa la rten pa'i dbye bas mtshon tshul dang rang ldog dang gzhi ldog 'gal ba dang mtshungs pa rnams rten dang rten par 
rung pa dang mi rung pa'i rnam gzhag ji skad bshad pa'i tshul 'di ni 'chad pa po gzhan dang thun mong ma yin pa'i chos yin te |  shin du phra bar gyur yang 'khrul pa myed pas rtog ge'i bstan bcos slob pa rnams kyis thog mar 'di nyid mnyan par bya'o ||   || de ltar rnam 'jog gi tshul des skabs su bab pa tshad ma nyid kyi 
rnam gzhag nges par bya ba la gsum ste |  mtshan nyid ngos gzung pa dang |  mtshan gzhi' la log rtogs dgag pa dang |  gzhi la mtshan nyid nges par byed pa'o |  | dang po ni 'o na gang zhig bkag pa dang sgrubs pas tshad ma'i grangs nges par 'gyur ba mngon sum dang rjes su dpag pa dag tshad ma nyid du mtshon pa'i mtshan nyid gang yin 
ce na |  rigs pa'i dbang phyug nyid kyi zhabs kyi rdul la reg pa dag slob dpon gyi dgongs pa mi slu ba'i yul can dang ma rtogs pa'i don gsal ba gang yang rung pa'i gnyi ka yin par 'chad do |  | 'di la rgyu mtshan gnyis kyi tha snyad cig du mi rung par brjod zin la |  khyad par du na mi slu ba'i yul can mtshan nyid du mi rung ste |  de ni 
yul don byed par gnas pa zhes dngos po'i yul can kho na la brjod pas dngos myed 'jal ba la ma khyab pa'i phyir ro |  | gnyis pa yang mi rung ste |  de yang rang gi mtshan nyid ma shes la |  shes pa gang yin zhes dgongs phyir |  zhes rang gi mtshan nyid shes pa la brjod pas spyi 'i rnam par 'jal ba la ma khyab pa'i phyir ro |  | de'i 
phyir de dag ni slob dpon mtshan nyid du bzhed pa ma yin gyi |  'bras bu dang byed pas mtshon pa'i mtshan nyid lta bur bstan pa ni mdo' mdzad pa'i dgongs pa bstan pa yin ste |  dgongs phyir zhes 'byung pas so |  | yang gzhung gi don la legs par sems pa dag mi slu ba'i don yongs su gcod byed kyis bstan pa'i don thob par byed pa ste |  de yang 
don yongs su bcad nas 'jug pa na slu ba myed ces pa'i tshig gsum gyis mtshon pa'i ngo bo don mthob pa'i nus pa dang yul gang yongs su bcad pa dang byed pa yongs su gcod byed kyi khyad par dang ldan pa'i nus pa nyid tshad ma'i mtshan nyid yin la |  don rtogs pa ni byed pa yin gyi mtshan nyid ni ma yin te rtogs pa'i cha nas nye bar mkho' 


ba myed pa'i phyir ro zhes zer ro |  | 'di yang re shig rigs pas 'thad pa ma yin te |  dngos myed 'jal ba la thob pa mi srid pa'i phyir ro |  | yod na rung pa 'am dngos po ma thob pa nyid la thob par brjod na dngos myed skyed par bya bar yang 'gyur la |  bstan pa'i don la yid ches pa tsam ni rtogs pa nyid yin pa'i phyir ro |  | gzhan yang byed 
pa nyid kyis rigs gzhan gcod pas de mtshan nyid du mi rung pa ci yod |  mi mkho' bas zhes bya ba ni 'dod pas sbyar ba'i tshig yin te |  'dir chos rnams kyi mtshan nyid ni mkho' ba dang mi mkho' ba bsams te lha dang bdud rnams kyis bzhag pa ma yin gye | 'on kyang gang zhig thun mong ma yin par 'jog pa'i rgyu mtshan du 
gyur pa yin pas de nyid rtog ge ba rnams kyis btsal bar bya ba yin no |  | des na byed pa nyid mtshan nyid du 'gyur bas des khyad par du byas pa'i mi slu ba don ldog gzhan du 'gyur ba'i phyir ro |  | rang gi rnam gzhag 'gal ba yang yin te |  'bras bu ma mthong pa'i nus pa mngon sum gyis ma nges pas tshad ma'i mtshan nyid 
tshad ma rang las nges pa mi rung pa'i phyir ro |  | slob dpon gyi dgongs pa yang ma yin te gzhung gi gzhung cha gar yang mi slu ba'i tshig don de lta bu la bshad pa myed pa'i phyir ro |  | yang don che long du rnam par gzhag pa dag don dam pa dang tha snyad 'jal ba'i tshad ma gnyis las |  dang po ni ma rtogs pa'i don gsal ba tsam 
yin gyi mi slu ba ma yin ste de kho nar shes pa rang gsal gyi ngo bo la 'jug yul dang thob pa myed pa'i phyir ro |  | gnyis pa ni sngar ma rtogs pa'i don la mi slu ba ste |  mi slu ba tsam bcad pa'i yul can la'ang yod pas so zhes zer ro |  | 'dir yang rim pa ltar mi srid pa dang ma khyab pa'i nyes pa gsal ba nyid ste |  shes pa 
don dam pa nyid skyon du mas mi 'thad pa'i phyir ro |  | des na de dag ni slob dpon bzhed pa dang 'thad pa'i mtshan nyid ma yin no |  | 'o na bzhed cing 'thad pa'i mtshan nyid gang yin ce na |  'dir 'dod pa'i mtshan nyid ngos gzung pa dang |  de'i rang bzhin nges par bya ba dang |  de mtshan nyid du 'gyur ba'i tshul gsum 
gyis nges par bya ba las |  dang po ni slob dpon gyis rnam 'grel las ma shes don gyi gsal byed zhes dang |  'di nyid las dngos po'i yul can kho na ni tshad ma ma yin gyi |  tshad ma'i mtshan nyid ni mi slu ba yin la de ni gal te rang gi yul yod pa dang myed pa dag la de'i ngo bor 'jog pa'i phyir ro |  | zhes dang 
mngon sum yang ni don med na |  zhes bya ba lasogs pa'i gzhung las sngar ma rtogs pa'i don rtogs pa zhes bya ba 'di yin no |  | gnyis pa de'i rang bzhin nges par bya ba la gsum ste |  rtogs par bya ba don gyi rang bzhin dang |  de rtogs par byed pa blo'i rang bzhin dang |  des de rtogs pa'i dbye ba'o |  | dang po ni 


| tshad mas rtogs par bya'i yul la gzhal bya dang bden pa ces pa'i khyad par smos mi dgos mod kyi snang na yang tshad ma'i yul dpyad bzod dang dngos po'i bden pa ma yin gyi shes par bya ba gnod byed kyi bden pa yin la |  don ces pa yang phyi rol pa dang 'bras bu ma yin gyi chos rnams kyi lus de shes bya'i rang bzhin no |  | rtogs 
par byed pa blo 'i rang bzhin yang rtogs pa'i mtshan nyid dang |  byed pa dang |  rtogs pa la mi 'thad pa yang pa gsum las |  dang po la rtogs pa'i ngo bo ni blos don rtogs zhes bya ba blo dang don phan tshun du zhugs pa ma yin gyi 'on kyang don de la rang dang 'dzin stangs 'gal ba'i blo nyid sel pa'o |  | de yang don dang mthun pa dang mi 
mthun pa'i 'dzin pa sel pa log pa dang yang dag pa'i rtogs pa yin la gnyis ka mi sel ba ni ma rtogs pa zhes bya'o |  | 'o na the tsom dang log pa'i shes pas kyang don dang mi mthun pa'i 'dzin pa phyogs re sel bas yang dag pa'i rtogs par 'gyur la |  don gyi sgro 'dogs mtha' dag sel ba ni tshad mas kyang mi nus so zhe na |  ma yin te | 
don ldog de'i sgro 'dogs mtha' dag bsal ba myed pa'i phyir ro |  | 'dir yang dag pa'i rtogs pa yin pas don dang mi mthun pa'i 'dzin pa ste bzlog pa'i sgro 'dogs sel pa yin no |  | de la sgro 'dogs zhes bya ba ni gnas lugs las mtha' gzhan du 'dzin pa ste |  the tsom dang zhen yul la 'khrul pa'i log shes yin gyi gzung yul 
la 'khrul pa'i log shes ni ma yin te |  bden zhen myed pas lam gyi gegs ma yin pa dang rgyu ma log na tshad mas bsal bar mi nus pa'i phyir ro |  | de sel zhes bya ba yang yod pa'i ngo bo bzlog   pa 'am phyis skye ba'i sa bon 'joms pa ma yin te dngos su yod par ma nges pa dang mthu' myed pa'i phyir ro |  | 'on kyang sgro 'dogs 
dang lhan cig mi gnas pa'i 'gal ba ste yul de la der 'dzin gyi tshad ma'i 'du byed yid gtad na dran rung ma nyams pa de srid du de ma yin du 'dzin pa'i sgro 'dogs kyi gags byed pa'o |  | yul gyi khyad par ni sngar ma rtogs pa la ste |  de yang ldog pa'i rigs dang rdzas sngar ma rtogs pa 'jal ba ma khyab pa dang khyab ches par 'gyur mod kyi | 
nges pa'i 'jug yul de sngar rtogs pa'i 'du byed myed pa las rtogs pa ste |  yul dus gnas skabs nges pa'i me tsam rtogs pa bzhin no |  | 'dzin stangs kyi khyad par ni don la mi 'khrul pa'o |  | gal te don rang gi mtshan nyid la mi 'khrul pa ni sgro btags 'jal ba la ma khyab pa rnam pa tsam la mi 'khrul pa ni log shes 
rbal'ang yod do zhe na |  blo rang gis sgro ma btags pa'i don la brjod pas skyon ga la yod |  mi 'khrul pa yang don dang bdag gcig pa 'am de las byung pas ma yin gyi don dang tshogs pa gcig   pas ste |  mngon sum tshogs pa nyid dang rjes dpag de las brgyud pa'i phyir ro |  | rtogs pa'i byed pa ni de ltar ngo bo dang yul dang 


'dzin stangs kyi khyad par gsum dang ldan pa des rim pa ltar tshad ma gcig gi don gcig gis mi 'gog pa dang |  cig gi don cig gis mi sgrub pa dang |  gcig don cig dang mi 'gal ba zhes bya ba'i byed pa gsum du nges pa yin no |  | rtogs pa'i don la mi 'thad pa spang pa ni tshad ma dang sgro 'dogs yul dang dus dang ngo bo gcig dang tha dad par 
mi 'thad pa gsum spang pa las |  dang po ni bsal bya sel byed kyi sgro 'dogs dang tshad ma dag yul gcig gam mi gcig |  dang po ltar na'ang de dag gi yul de grub na bsal bya sgro 'dogs ma yin par thal te |  yul bden pa dang ldan pa'i phyir tshad ma bzhin no |  | ma grub na sel byed tshad ma ma yin par thal te gzhal 
bya dang mi ldan pa'i phyir sgro 'dogs bzhin no |  | yul mi gcig na'ang de dag bsal bya sel byed du mi rung ste nam ka rtag pa dang bum pa 'jig par 'dzin pa bzhin no zhe na |  'di la gsum las gzhan gyi lan gdags pa ni kha cig sgra rtag pa dang mi rtag par 'dzin pa dag yul sgra'i rdzas su gcig pas gnod bya gnod byed du 'thad la | 
ldog pa tha dad de mi rtag pa grub la rtag pa ma grub pas tshad ma dang sgro 'dogs su 'thad do zhes zer ro |  | 'di tsam gyis kyang blun po dag tshim par 'gyur mod kyi de nyid la rjes su dpyad na snying po myed pa nyid te |  sgro 'dogs kyi yul spyir rtag pa yin na de yod pas sgro 'dogs 'khrul par mi 'grub la |  sgra rtag pa yin na de yin pas 
sgro 'dogs shes par mi 'gyur ba'i phyir dang |  rtag pa dang mi rtag pa rdzas gcig par 'gal ba'i phyir ro |  | des na 'di dag dmyigs pa'i yul cig la 'dzin stangs kyi rnam pa 'gal ba yin te sgra nyid rtag pa dang mi rtag pa'i rnam par zhen pa'i phyir ro |  | de la dmyigs yul gcig pas gnod bya gnod byed du 'thad pa rnams pa tha dad 
pa grub pa dang ma grub pas sgro 'dogs dang tshad mar 'thad do zhes brjod par bya ba yin no |  | de bzhin du thag pa dang sbrul du 'khrul pa'i yul yang tshad ma'i yul khra bo nyid yin no |  | thag pa yin zhes ni mi brjod te thag ldog nges pa myed pa'i phyir ro |  | de la rtsod pa ni 'o na zhen yul bden pa dang ldan pas sgro 'dogs ma 
'khrul par thal te tshad ma bzhin no zhe na |  khyab pa ma grub ste zhen stangs kyi rnam pa don dang mi mthun pa'i phyir ro |  | tshad ma'i rnam pa don dang mthun pas ga la mtshungs |  des na gzung pa dang zhen pa la 'khrul pa'i blo gang yang yul bkag pas bsgrub pa ma yin ste |  yul khegs sam ma khegs na shes 
pa nyid dam log par mi 'grub pa'i phyir ro |  | 'on kyang gzung pa dngos po dang zhen stangs don dang mthun pa bkag pas yin no |  | gal te rtog pa 'khrul pa dang ma 'khrul pa'i zhen yul rdzas gcig na |  dung kar po dang ser por 'dzin pa rtog myed 'khrul ma 'khrul gyi gzung yul dung nyid du sgra ste |  dung ser po ma yin pas 


| ser 'dzin gyi gzung pa dung ma yin na sgra rtag pa ma yin pas rtag zhen gyi yul sgra ma yin la |  mi rtag pa'i sgra nyid rtag par zhen pa ltar dkar po'i dung nyid 'khrul pa la ser por snang ngo zhes mtshungs par rtog na |  ser 'dzin gyi gzung yul dung yin na de la de snang dgos pas dung gi bdag nyid dkar po yang snang par 'gyur ro | | 
rtag par zhen pa'i yul sgra yin na der nges dgos pas de'i bdag nyid mi rtag pa 'ang nges par 'gyur ro zhe na |  sgra dang mi rtag pa nges pa dang ma nges pa mi 'gal te gcad bya sgro 'dogs tha dad pa'i phyir dang |  'gal na rang bzhin gyi rtags mi srid par 'gyur ba'i phyir ro |  | snang pa sgro 'dogs gcad pa la mi ltos pas ga la mtshungs |  gal 
te kar po snang pa 'dod pa yin te 'on kyang ser por snang ngo zhe na |  ma yin te ser po'i rnam pa ni bden nam brdzun yang dkar por 'gal ba'i phyir ro |  | 'on kyang slob dpon gyis de yul sun dbyung myed par ni |  | de blo spang par nus ma yin |  | zhes yul bkag pas sgro 'dogs spang par gsungs pa 'gal lo zhe na |  der yang 
yul du rlom pa'i zhen stangs yul la bkag pa la dgongs pas 'gal ba myed do |  | yang gal te sgro 'dogs dang tshad ma dus cig na yid gnyis cig char 'jug par 'gyur la tha dad na gnod bya gnod byed du mi 'thad de ma tshogs pa'i phyir snga phyir song pa'i dgra' bzhin no zhe na |  mngon sum dang dus mtshungs kyang rtog pa myed 
pas mi 'gal la |  rjes dpag tshad ma dang dus tha dad kyang sgro 'dogs kyi rgyu bzlog par byed pas 'gal ba myed do |  | yang gal te de ltar rtogs pa'i tshad mas blo rang nyid kyis de ma yin du 'dzin pa sel na bya byed 'gal la blo gzhan gyi sgro 'dogs pa nus na sangs rgyas kyi ye shes kyis 'gro pa'i sgro 'dogs sel par 'gyur ro zhe 
na |  gnyi ka ltar ma yin te rgyud cig la blo gzhan gyis sgro 'dogs sel par byed pa'i phyir ro |  | rtogs pa'i rnam par dbye ba yang gang zhig gang gis ji ltar rtogs pa'i tshul gsum las |  re shig gang rtogs pa don gyis dbye na tshad ma ni rang gi yul yod pa dang myed pa dag la de'i ngo bor 'jog pa yin te zhes 'byung 
pa'i tshul gyis bsgrub pa dang dgag pa rtogs pa gnyis so |  | de las rtogs par bya ba dgag sgrub kyi rang bzhin dang |  de rtogs pa'i tshul gnyis las |  dang po la sgrub pa dang dgag pa'i mtshan nyid ci yin ce na | kha cig na re dgag bya rnam par bcad nas yongs gcod mi 'phen pa yin dgag pa yin la |  chos 
gzhan 'phen pa ni ma yin dgag yin no zhes zer ro |  | de la 'di snyam du dpyad te |  ci rnam par gcad bya'i dgag bya de yongs gcod dang dngos 'gal lam rgyud 'gal zhig la brjod |  dang po ltar na sgyu ma lasogs pa'i chos thaMd dngos 'gal bcad pa tsam yin gyi chos gzhan 'phen pa med pas myed dgag du 


'gyur la |  gnyis pa ltar na stong pa nyid lasogs pa'i dgag pa thaMd rgyud 'gal bkag nas chod gzhan 'phen pa nyid yin pas med dgag mi srid par 'gyur zhes bya ba'i mtha' gnyis yang par mi nus so |  | gal te rnam par gcad bya dang yongs su gcad bya'i chos de dag sgrub pa'i chos su 'dod pas skyon de gnyis su mi 'gyur ro 
zhe na |  de lta na yang me dang mi rtag pa lasogs pa sgrub ldog rnams dgag pa gnyis su sdud pa mi 'thad de de dag gi rang ldog la mtshan nyid de dag med pa'i phyir ro |  | des na 'di ltar chos gang zhig dgag bya'i spyi 'char ba la ma ltos par rang dbang du nges su rung ba ni sgrub pa yin te snang pa lta bu'o |  | sgrub pa bkag ldog tsam 
du gnas pa ni dgag pa ste dgag pa stong nyid lta bu'o |  | de dag tshogs pa'i ldog pa ni bkag pa'i bsgrub pa ste ma yin par dgag pa zhes bya ba brdzun pa lta bu'o |  | de dag las bar pa ni sgrub chos dor bas myed par dgag pa dang gnyis po ni sgrub chos ma dor bas ma yin par dgag pa zhes brjod do |  | de la ci med dgag 
de sgrub chos kyi mtshan nyid dam mtshan gzhi dor bas yin |  dang po ltar na bden dngos lasogs pas stong pa myed dgag du mi 'gyur la gnyis pa ltar na sgrub chos gnyis bkag ldog med dgag ma yin par 'gyur ro zhe na |  mtshan gzhi dngos po lasogs dang mtshon bya bsgrub chos kyi tha snyad kyis stong pa ni med dgag gi 
mtshan gzhi yin la mtshan nyid rnam pa rang dbang du shar bas nges rung gis stong pa ni de med dgag du mtshon pa'i mtshan nyid yin no |  | de nyid med dgag gi gzhir ma rung par yang mi 'gyur te |  sgrub chos nyid kyang ldos pa'i sgo nas sgrub chos kyi mtshan gzhi yin pas des stong pa med dgag gi mtshan nyid kyang ltos pa'i 
sgo nas mtshan gzhir yang rung pa'i phyir ro |  | 'o na sgrub chos kyi gzhi' mtshan de dag dor ba tsam 'am tsam dor ba myed dgag gi gzhi mtshan nyid yin |  dang po ltar na shes byas kyang bden dngos kyi sgrub chos dor bas med dgag du 'gyur la |  gnyis pa ltar na stong pas kyang shes bya'i sgrub chos ma dor bas ma yin 
dgag du 'gyur ro zhe na |  mtshan gzhi ni sgrub chos kyi mtshan gzhi 'ga' zhig dor ba tsam yin la mshan nyid ni sgrub chos tsam dor bas yin te |  de lta yin dang dor ba dang ma dor ba'i chos dag rdzas dbyer myed du 'gyur mod kyi ldog pa la so sor nges ste bden mod kyi sgrub chos dor ba ni stong nyid kyi ldog par 'gyur la shes bya'i 
sgrub chos ma dor ba ni shes bya'i ldog par 'gyur bas 'chod par thal ba myed do |  | 'o na mtshan gzhi 'i bye brag bkag pas mtshan nyid kyi spyi 'dod na ha cang thal bar mi 'gyur ram zhe na | 


| steng du yin pas stong ldog la ma yin pa'i phyir ro | | 'o na dngos sogs grub pa yang rang rang gi gzhi bum sogs kyi steng du yin pas stong ldog gis sgrub chos kyi mtshan gzhi' tsam yang dor zhes ni brjod par mi nus ste | stong ldog shes bya nyid kyang ma yin par thal ba'i phyir ro | | mtshan nyid sgrub chos tsam dor
dang stong ldog shes bya'i sgrub chos kyang dor bar thal ba ni 'dod pa nyid de shes bya'i rnam pa rang dag du run bas nges rung ni shes bya'i ldog pa yin pa'i phyir ro | | yang ci sgrub pa dang dgag pa'i chos dag ngo bo gcig pa nyid dam de lta ma yin zhe na | gzhan dag myed dgag la ngo bo nyid myed pa na sgrub pa dang med dgag ngo bo gcig du mi rung pas
cig pa bkag pa'i tha dad pa nyid yin no zhes zer ro | | de ni ches mi rigs pas gsal ba yin te | 'jig pa don gzhan du smra ba dang mtshungs pa'i phyir ro | | de la dngos po rtog pa nyid du thal ba brjod pa ltar | bum pa de rtag pa'i gngos myed dgag dang dbyer myed ma yin na rtag pa'i dngos po nyid lasogs pa gzhan dngos thams
cad grub par thal ba nyid brjod par bya'o | | de la gal te khyab pa ma grub ste | myed dgag dang dbyer myed ma yin yang myed dgag de nyid dang gzhan du myed pa'i chos su yod pas de rtag dngos su mi 'gyur ro zhe na | 'o na bum pa'i dngos po lasogs pa rang nyid bkag pa yang rang la de lta bu'i chos su yod pas bum pa lasogs pa nyid kyang
ma yin par thal ba spang par mi nus so | | de la spyir bum myed tsam chos su yod kyang khyab pa ma grub la bum pa de nyid med dgag chos su yod par ma grub ste de nyid myed par mi srid pa'i phyir ro zhe na | spyi dang de nyid ces pa'i khyad par ci yin ste | bum pa'i ngo bo dor ba'i bum myed kyang chos su yod la ma dor ba'i stong nyid kyang
chos su myed pa'i phyir ro | | ci ste bum pa'i ngo bo nyid ma dor ba'i stong nyid yod na stong nyid bum pa'i ngo bor grub pa de nyid yin no | | gal te bum pa rtag dngos myed dgag ni ngo bo ma yin yang ma yin dgag mi rtag pa'i ngo bo yin par de ltar mi 'gyur ro zhe na | bum par 'dus byas ma yin yang rtag du yod myed du mi 'gyur te rtsol
byung yin pas zhes brjod do | | rgyu tsam gyis ma byas pa rtsol byung nyid du 'gal la rtsom pas byas na'ang byas pa ma yin par 'gal lo zhe na | rtag pa spangs pa'i ngo bo ma yin na mi rtag pa nyid du mi rung la de spangs na'ang de'i dngos po ma spangs par 'gal te mtshungs so | | ci ste yang bum pa rtag pa'i dngos po myed dgag gi
ngo bo ma yin yang sgra dang sgra ma yin gyi byas ldog gsum pa ltar dgag tsam gyi ngo bo yin pas de ltar mi 'gyur ro zhe na | ma yin te rgyus bskyed pa ltar sgrub pa las log pa nyid dang de sgrub pa gzhan dang tshogs pa las gzhan pa'i dgag ldog gsum pa myed pa'i phyir ro | | gzhan yang gal te myed dgag dngos po'i


ngo bor mi rung na rnam gzhag 'chol par 'gyur te gzhan bkag pa gzhan gyi ngo bor 'gal bas ma 'brel pa bkag pa spyi 'gog pa la rtags su thal ba dang | sgrub pa'i ngo bor mi rung pa'i bdag myed pas khyab pas chos rnams la rang bkag pas khyab par thal ba'i phyir ro | | 'di lta bu slob dpon gyi bzhed pa'ang ma yin te rnam 'grel las
gzhan ma yin pa nyid de'i ngo bo yin no zhes bstan pa'i phyir ro | | des na 'dir dgag pa ni bsgrub pa bkag pa la rjod na rang dang rang la ldan pa'i sgrub chos myed dgag dang ni tha dad pa yin ste | bum pa la bum pa nyid dang mi rtag pas stong pa bzhin no | | de lta yin pa gzhan gyi sgrub chos bkag pa dang ni gcig pa nyid de | bum pa
la ka ba dang rtag pa'i bum pas stong pa bzhin no | | 'di la rtsod pa gal te sgrub pa rnams rang gi sgrub chos myed dgag dang ngo bo mi gcig na bum pa dang ngo bo gcig pa'i stong ldog des bum pa nyid dang byas mi rtag gi sgrub chos dor na dngos po rnams sgrub pa rang chos bkag pa'i med dgag dang ngo bo mi gcig pa nyams la | ci ste ma dor na
sngar med dgag gis sgrub chos spyir dor bar brjod pa nyams so zhe na | mtshan nyid thams cad dor mod kyi rang chos zhes bya ba rang ngam rang la khyab pa'i sgrub chos kyi mtshan gzhi' la brjod pa na stong ldog des bum pa byas mi rtag gi ldog pa nyid dor ba myed pas mi 'gal te | rdzas cig la rten pa'i ldog pa 'gal ba rnams kyang mtshan
gzhi phan tshun mi 'dor ba'i phyir ro | | 'o na mtshan gzhi'i la spyi ma dor na bye brag bkag pa la dgag pa'i tha snyad nyid mi rung pas dgag sgrub ngo bo gcig par mi 'grub po zhe na | de ni ma yin te de dgag pa tsam ma yin na sgrub par 'gyur la de 'ang ma yin na dgag sgrub phan tshun log pa yin par 'gyur ro ces rigs pa
mi 'thad pa dang | tha snyad kyi khyad par bkag pa la mi rung zhes dgag pa'i tha snyad sbyor bas rang tshig dang 'gal ba dang | bstan bcos dag las kyang dngos po'i khyad par bkag pa la dgag pa tsam gyi tha snyad byas pa'i phyir ro | | gal te gzhan gyi sgrub chos myed dgag dang ngo bo gcig na gzhan gyi dngos po dang mi rtag pa dang rgyus stongs
de'i ngo bo yin pas dngos po dang dngos med dang rtag pa dang mi rtag pa dang rgyu dang rgyu ma yin pa rnams ngo bo gcig par 'gyur ro zhe na | ltos pa'i khyad par gyis 'dod pa kho na'o | | gang zhig 'gal ba'i dgag pa de ni brjod zin to | | bum pa dang bum pa'i dngos po tsam ma yin pa ste | spyi grub pa khegs par 'gal ba'i
phyir ro | | spyi grub pas bye brag khegs pa mi 'gal bas mtshungs pa ma yin no | | gal te ngo bo gcig na de snang pa na de yang snang yul du 'gyur bas sgrub pa'i chos su 'gyur ro zhe na | khyab pa ma grub ste snang yul gyi ldog pa nas med dgag ma yin pa'i phyir yod ldog rgyus bskyed kyang ltos bcas su mi 'gyur ba


| bzhin no |  | de ltar sgrub pa dang dgag pa'i chos gnyis ni shes bya la khyab pa yin te |  phan tshun log pa'i chos yin pa'i phyir ro |  | ji skad du |  dgag pa bkag pa bsgrub pa yin |  | sgrub dang dgag pa ma gtogs pa |  | sgra las byung pa'i tha snyad gzhan |  | yod min zhes gsungs pa'i phyir ro |  | 
blo'i yul du ni de dag tshogs pa'i ldog pa dang gsum du 'gyur ro |  | chos de dag blos rtogs pa'i tshul yang grub ces bya ba blos don bzhag pa 'am ngo bo snang pa ma yin ste ma 'brel pa dang ma khyab pa'i phyir ro |  | khegs zhes bya ba dsang don bsal ba dang mi snang pa ma yin te mi 'gal ba dang 'khrul pa'i phyir ro |  | 'on kyang 
don dgag pa dang yod pa dang gnyi ga'i sgro 'dogs bcad pas sgrub pa dang dgag pa ma yin dgag rtogs par brjod pa yin no |  | gang gis rtogs pa blo yis dbye na rtog med dang rtog pas rtogs pa gnyis las |  dang po ni don snang pa'i stobs kyis sgro 'dogs gcod pa ste mngon sum la sngon po bzhin no gnyis pa ni don zhen pa'i stobs 
kyis sgro 'dogs bcad pa ste |  rjes su dpag pas mi dang mi rtag pa bzhin no |  | gal te don de nyid snang pa dang zhen pas yin na rang rig gis sgra don mi rtogs pa dang rjes dpag rang nges ma yin par 'gyur la |  ci ste gzhan snang pa dang zhen pa'i stobs kyis yin na lkog du gyur pa'ang rtog med kyis rtogs par 'gyur ro zhe na | 
snang pa dang zhen pa'i byed pas sgro 'dogs gcod pa yin gyi brgyud pa'i 'bras bu tsam ma yin pas skyon med do |  | de dag de dag gis ji ltar rtogs pa'i tshul ni gnyis ste |  dngos su rtogs pa dang shugs la rtogs pa'o |  | don de yang mtshan nyid dang |  byed pa dang |  blo gang la gnas pa bsam pa gsum gyis nges par 
byas la |  re shig dngos dang shugs la rtogs pa'i mtshan nyid ni don de nyid gyi rnam pa snang pa dang don gzhan gyi rnam pa snang pa'i sgo nas sgro 'dogs gcod pa ste |  des na dngos su rtogs pa ni don gzung pa 'am zhen pas yul du byas nas sgro 'dogs bcad pa yin la | shugs la rtogs pa ni don la blo phyogs shing 
yul du byas pa med de bzlog pa'i dbye' ba mtha yas pa'i phyir dngos po mi rtag par grub pa na gang zag thams cad la sngon po'i rtag 'dzin gyi blo khegs pa bzhin no |  | 'on kyang de dang de dag gi sgro 'dogs 'gal bas de dag rtogs par brjod pa yin no |  | rtogs pa de dag kyang dus mtshungs par yin gyi snga phyir ma 
yin te rjes dpag du 'gyur ba'i phyir ro |  | de dag gi byed pa yang spyi dang bye brag gi don dang |  de dag dgag sgrub rtogs pa'i tshul dang |  de la rtsod pa spang pas bstan te |  de la 'dir gang zhig dgag sgrub du rtogs par bya ba'i spyi dang bye brag ces bya ba khyab bya khyab byed la brjod pa ni ma yin te bye brag grub na spyi 


grub pa dang spyi khegs na bye brag khegs pa'i rnam gzhag mi 'thad pa'i phyir ro |  | khyad par du byed pa dang byas pa'ang ma yin te |  rang bzhin mi gcig pa la'ang thal ba'i phyir ro |  | 'on kyang slob dpon gyis |  mthun dngos gzhan gyis dngos dag las |  | ldog pa la ni rten pa can |  | zhes gsungs pa rigs mi mthun 
las log pa'i chos rkyang pa ni spyi 'am khyad par byed chos yin la |  de nyid rigs mthun nang las log pa'i chos gnyis pas zin pa ni de'i bye brag dang gzhan gyis khyad par du byas chos yin te bum pa dang gser dang gser gyi bum pa bzhin no |  | gzhan des zin pa ni gzhan gyi bye brag dang des khyad par du byas pa yin te gser 
dang bum pa dang bum pa'i gser zhes pa bzhin no |  | chos gnyis phrad tsam gyi ldog pa gsum pa ni tshogs pa'i spyi zhes bya'o |  | de lta bu'i spyi dang bye brag dag gzhan rig gis dngos shugs la rtogs pa'i tshul ni rjes dpag gis byas pa'i rtags kyi rjes su 'gro ldog gang yang rung pa dngos shugs la grub pa dang |  yul me'i 
rnam pa snang pas rtogs pa na bdag nyid mi snang yang me 'jal ma yin pa'i sgro 'dogs chod pa lta bu'o |  | gzhan rig mngon sum gyis me dang du ba rgyu 'bras su dngos shugs la grub pa dang |  gzung yul sngon po snang pas rtogs pa na bdag mi snang yang sngo 'dzin ma yin pa'i sgro 'dogs pa chod pa lta bu'o |  | yang rang rig 
pas sngon po'i rnam pa 'dzin pa'i blo dngos su rtogs pas yul sngon po 'i rnam pa dang |  bdag du rtog pa'i blo dngos su rtogs pas yul bdag gi rnam pa mi snang yang med pa'i sgro 'dogs chod pa lta bu'o |  | gal te rang rig pa'i shugs de blo'i ngo bo tsam myong pas ni yul de ltar mi 'grub la |  yul bdag dang sngon po la 
rtog pa myong pas yin na yang yul gyis khyad par du byas pas yul nyid dngos su grub par 'gyur ro zhe na |  gnyi ga ltar ma yin te 'dzin stangs kyi khyad par bdag dang sngon por lta ba dang rtog pa grub pas yul der myed par sgro 'dogs 'gal bas so |  | des na gzhan rig gis ni yul gyis blo 'phen la rang rig pas ni blos yul 
shugs la 'phen par lta'o |  | de la gal te yul dang yul can grub bde cig na gzhan rig gis 'khrul pa'i blo dngos po khegs pa dang rang rig gis yul dngos por 'grub par thal lo zhe na |  dngos po yod med du grub bde' gcig par mi 'dod kyi |  'on kyang der 'dzin dang der snang par yin la |  khyad par du ni bden rdzun 
dang 'khrul ma 'khrul du yin no |  | de lta na yang zla gnyis kyi rnam pa bden na de'i blo mngon sum du 'gyur la |  brdzun na de rtogs pa'i rang rig 'khrul par 'gyur ro |  | sgra rtag par zhen pa'i yul yang sgra nyid las gzhan ma yin pas de bden na sgro 'dogs ma 'khrul pa dang brdzun na sgra 'dzin 'khrul par 'gyur ro zhe na | 


| de ltar rtog pa ni rigs mod kyi |  'on kyang kho bo yul dang yul can gyi khyad par gzung 'dzin la brjod pas skyon du 'gyur ba las rgyang ring ngo |  | gal te sngon po mthong pa'i tshe dus cig du rang rig gzhan rig gi tshad ma dngos shugs bzhi'i skye na yul dang yul can re re la tshad ma gnyis 'jug pas sngar bshad pa'i tshad ma'i byed pa 
myed par mi 'gyur ram zhe na |  mi 'gyur te rtogs zin pa la 'jug pa myed pa'i phyir ro |  | gzhal bya ldog pa gcig la tshad ma gnyis rung na gzhal bya gnyis la'ang gsum rung pas gzhal bya'i dbang gis tshad ma'i grangs mi rung ngo zhe na |  mi mtshungs te gnyis la dngos su 'jal byed gnyis su grub cing dngos kyi gzhal bya gsum pa myed la 
'dir dngos kyi gzhal bya gzhan yod pa'i phyir ro |  | spyi dang bye brag dgag pa dngos shugs la rtogs pa'i tshul yang rigs pa brjod pa dang |  ji ltar rtogs pa'i tshul gnyis las dang po ni re shig tshogs ldog 'dzin pa la ya khyal 'dzin pas khyab pa ni myong pas grub pa yin no |  | de lta yin dang khyab byed khegs pa na khyab bya khegs par 
rigs pas |  spyi' ldog pa gnyis tshogs kyi 'dzin pa khegs pa nyid te |  de lta ma yin na gang zag dang chos la bdag myed par rtogs kyang bye brag gi rtogs pa can gyi mu stegs dang dngos por smra ba'i lta ba mi sel pas grub mtha' mi 'gal ba nyid du thal bar 'gyur ro |  | des na de 
dag ji ltar khegs pa'i tshul ni dgag gzhi'i la dngos shugs kyis khegs pa dang |  dgag bya dngos shugs kyis khegs pa dang |  gnyis ka dngos shugs kyis khegs pa'i tshul gsum las |  dang po ni sgra dang dngos po tsam la rtag pa dang bden pa'i dngos po khegs pas yul dus rnam pa tha dad kyi sgra dang dngos po la'ang de dag khegs pa lta 
bu'o |  | gal te de lta na sgra'i spyi la sgra nyid khegs pas rnga sgra la khegs par 'gyur ro zhe na |  ma yin te 'gal bas khegs pa la brjod pa'i phyir ro |  | 'o na shes bya tsam gyi ldog pa 'bras bu dang sgrub bya dang mi rtag pa'i gtan tshigs yin pa khegs pa'i phyir bye brag byas pa'i shes bya la'ang de dag khegs par 'gyur ro 
gtan tshigs ma grub ste de dag shes bya ma yin par 'gyur ro zhes kyang brjod par mi nus ste |  shes bya'i rdzas yin pas ldog pa la de dag gi mtshan nyid myed pa'i phyir ro |  | shes bya'i rang ldog la mi rten pas de dag shes bya ma yin par yang mi 'gyur te |  de dag gi ldog pa la shes bya rten pa'i phyir med dgag bzhin no zhe na 
rdzas la rten pa'i chos spyi la khegs pas bye brag la khegs pa yin te |  spyi dang bye brag dag la rten rdzas gnyis myed pa'i phyir ro |  | gtan tshigs lasogs pa ldog pa la rten pa'i chos ni de ltar mi brjod de spyi dang bye brag dag rten ldog pa la rten pa yin te |  rgyu la rang bzhin ji snyed cig |  tha dad pa'i phyir ro |  | 


de bzhin du phyogs chos tsam ldog la gtan tshigs myed kyang phyogs chos khyab pa dang bcas pa la yod pa mi khegs ste ldog pa'i chos yin pa'i pas so |  | gal te 'bras bu ldog pa la rten pa'i chos yin na rdzas cig la cha shas kyi bskyed byar 'gyur ro zhe na |  ma yin te bdag nyid thams cad kyis bskyed par bya ba yin yang 'bras bu'i 
tha snyad ni ldog pa la rten pa yin ste |  rgyu la rang bzhin ji snyed cig myed na mi 'byung 'bras bu zhes 'byung pa'i tshul gyis rigs gzhan la ldog pa la ltos pa'i phyir ro |  | gal te 'bras bu dang khyab bya yin min dag ldog pa la rten pa'i chos yin pas de ltar mi 'gyur na du ba dang dngos po'i spyi la me dang mi rtag pa'i khyab bya ma 
yin pa khegs kyang la'i du ba dang bum pa'i dngos po la mi khegs par thal lo zhes na |  khyab bya ma yin pa zhes bya ba khyab pa myed dgag gam ma yin dgag de ma yin la 'jug pa ma 'dod |  dang po ltar na 'dod pa nyid te |  spyi khyab grub pa'i tshad mas bye brag la khyab pa mi 'grub pa kho na'o |  | de ma yin la 'jug 
pa khegs pa ni des ma khyab pa'i dgag bya'i spyi khegs pa dang |  de ma yin la de'i spyi 'gog pas rdzas la rten pa'i sgrub chos khegs pa'i byed pa yin pa'i phyir ro |  | gal te bum pa tsam dang sngon po 'gal na bum pa sngon po mi srid par 'gyur la |  mi 'gal na'ang bum pa tsam sngon por grub pa na sngo ma yin khegs 
dgos pas gser gyi bum pa yang khegs par thal lo zhe na |  de'i tshe bum pa'i ldog pa gcig dang sngo min gnas skabs 'gal ba yin gyi bum pa'i mtshan nyid tsam nas sngo ma yin gyi dgos pa chod pa'i gtan tshigs la grub po |  | gal te bum pa tsam la sngon po grub na ser po khegs par 'gyur te de dag rnam gcod yongs 
gcod kyi 'gal ba yin pa'i phyir sgra mi rtag par grub pas rtag pa bzhin no |  | 'dod na bye brag gser gyi bum pa la yang khegs par 'gyur te |  spyi la khegs pa'i phyir ro zhe na |  bum pa tsam la sngon po grub kyang ser po khegs pa'i gtan tshigs ma grub ste |  de dag gzhi rdzas gcig la de ltar 'gyur yang rdzas 
la rten pa'i 'gal ba dag gzhi ldog pa gcig la rnam gcod yongs gcod ma yin ste |  rten rdzas tha dad pa'i phyir shes bya tsam la rtag mi rtag phan tshun ma bkag par gnyi ga rten pa bzhin no |  | de ltar na rdzas la rten pa'i chos rnams spyi la rang bzhin 'gal bas khegs na bye brag la khegs pa nyid do |  |
ldog pa chig rkyang la khegs pa tsam gyis ni gnyis tshogs la mi khegs ste |  khyad par du bya byed dag rdzas tha dad par srid pa'i phyir dbyug pa la srog khegs kyang dbyug pa can la mi khegs pa bzhin no |  | gnyis pa dgag bya'i spyi dngos su khegs na bye brag shugs la khegs pa'i sgra dang dngos po la rtag pa dang bden pa'i spyi 


| khegs las rdul dang skad cig ma'i rtag pa dang bden pa'ang khegs pa lta bu'o |  | de lta na dngos po yongs gcod la dngos myed tsam khegs pas bye brag rtag pa dang bden pa'i dngos myed kyang khegs par 'gyur ro |  | de lta ma yin na dngos myed yongs gcod la dngos po tsam khegs kyang rtag bden kyi dngos po mi khegs ste spyi dang bye brag du mtshungs
pa'i phyir ro zhes na |  'di la de dag spyi dang bye brag ma yin zhes ni brjod par mi nus ste |  bkag pa'i dbye ba thams cad dgag byas phye ba yin pas dgag bya'i bye brag bkag pa rnams bkag pa'i bye brag du 'dod dgos ste dngos po las log pa tsam nyid dngos po'i spyi 'am bye brag la ldog chos gnyis pas khyad par byas pa'i phyir ro |  | 'on kyang dngos 
po yongs su chod pa dngos myed kyi spyi nyid khegs par ma grub la |  de dngos pa'i spyi dang bye brag du ma grub par yang mi 'gyur te rang gi dngos po dang dngos po tsam myed khegs pa'i phyir ro zhes brjod par bya'o |  | yang de lta na rtag pa la mi rtag pa tsam mngon sum gyis khegs pas bye brag sgra yang khegs par 'gyur zhe na |  mi rtag pa dang sgra ni 
spyi dang bye brag nyid ma yin te de'i mtshan nyid med pa'i phyir ro |  | khyad par du byed pa'i chos dngos su khegs pas kyang khyad par can shugs la khegs pa yin te dbyig pa khegs pas dbyig pa can khegs pa bzhin no |  | 'o na 'dir da ltar lha sbyin khegs pas 'de'i bu khegs par 'gyur ro |  | bu ni pha 'dir yod pas khyad par ma byas 
la spyir yod pa nyid ma khegs so snyam na yang |  du ba la me mtshor yod pas ma khyab la lar yod pa mi khegs pas rgyu mi dmigs pa'i rtags mi 'thad par 'gyur ro zhe na |  'dir bu ni pha sngon du song pas khyad par byas pas de khegs par ma grub la |  du ba'i khyad par la me rang gi gzhi la rten pas khyab pa de myed pas 'gog pa 
ci ltar 'khrul |  des na bdag nyid 'brel pa dang skyed byed 'brel pa dang khyad par byed chos rnams tshul ji ltar khyab byed du 'gyur ba de ltar bkag pas 'khrul pa med do |  | de ltar na gzhi' 'ga' zhig la ya khyal 'gal bas khegs pa de la gnyis tshogs khegs ste sgro 'dogs 'gal ba'i phyir ro |  | 'o na tshul gsum 
la tshul gsum tsam khegs pas tshul gsum gyi shes bya 'am shes bya'i tshul gsum yang khegs par 'gyur ro zhe na |  tshul gsum dang shes bya tshogs ldog mi khegs mod kyi tshul gsum rang la rang 'gal bas khegs par ma grub la |  tshul gsum gzhir byas pa la tshul gsum tshang par 'gal bas khegs pa 
la tshang pa'i shes bya'ang khegs par 'dod pa nyid do |  | gsum pa spyi la spyi dngos su bkag pas bye brag la bye brag shugs la khegs pa ni dngos po la bden pa nyid bkag pas don dang shes pa la rdul dang skad cig du bden pa khegs pa lta bu'o |  | gal te de dag ni bems po dang rig pa'i ldog pa yin pas dngos po'i bye brag ma 


yin no zhe na | 'dir dngos po'i mtshan nyid sgro ma btags la brjod pa na de'i khyab bya thaMd bye brag nyid yin pa'i phyir ro | | 'o na sgra dang yod pa'i sgra zhes bya ba lasogs pa'i ldog pa khyad med par 'gyur ro zhe na | 'dod pa nyid de sgra zhes bya ba grag pa tsam ma yin gyi sgro ma btags pa'i grag pa la brjod pa'i phyir ro | | spyi la spyi
'gog pa'i rjes dpag cig skyes pa nyid kyis bye brag la rten pa'i rjes dpag mi dgos par 'gyur ro zhe na | tshad ma de'i 'du byed ma nyams pa de srid du bye brag dang tshogs pa 'gog pa'i rjes dpag mi dgos mod kyi | 'on kyang bkag chos dang tshogs pa sgrub pa'i rtags dgos pa nyid te sngar gzhi 'i bye brag ma grub pa'i phyir ro | | de ltar na bye brag
dang khyad par byas chos grub pas spyi dang khyad par byed chos dngos su grub pa dang spyi khegs pas bye brag shugs la khegs pa ni nges pa yin la bzlog pa ni ma nges pa'o | | de la rtsod pa ni gal te bye brag khegs kyang spyi grub pa ni 'gal te | bye brag la ma rten pa'i spyi nyid med pa'i phyir cig dang du ma dang bral ba'i dngos po bzhin no zhe na |
bye brag las rdzas gzhan myed kyang ldog pa gzhan du yod cing de la bye brag nges pa'i ldog pas ma khyab la | gang yang rung pas khyab kyang blos nges pa la ma khyab pa'i phyir ro | | de ltar dngos shugs la rtogs pa'i byed pa de yang tshad ma nyid kyi chos ma yin gyi sel ba dang bcas pa'i blo thams cad la yod par blta'o | | shugs kyi
rtogs pa yang sel pa nyid yin gyi snang pa dang zhen pa ni mi srid do | | de mtshan nyid du ji ltar 'gyur ba'i tshul ni de ltar khyad par gsum dang ldan pa'i don rtogs pa de nyid mngon sum dang rjes su dpag pa dag tshad ma'i tha snyad du mtshon pa'i mtshan nyid yin te | ji skad bshad pa'i skyon gsum dang bral ba'i phyir ro | | ci ltar ces
na | re shig de mtshon bya tshad ma nyid kyi don yin te | tshad ma ma yin par grags pa rnam par bcad pas de tsam la tshad ma'i brda' sbyar ba'i phyir ro | | de yang tshad ma ma yin pa'i rang bzhin ngos gzung pa dang | de dag ji ltar bsal ba'i tshul las | 'dir tshad ma ma yin pa'i blo ni lnga ste | snang la ma nges pa
dang | bcad pa'i yul can dang | yid dpyod dang | log shes dang | the tsom mo | | de dag kyang so so'i ngo bo dang | | tha dad pa dang grangs nges pa'i tshul gsum gyis nges par bya ste | de la snang la ma nges pa'i mtshan nyid ni kha cig snang yang nges pa 'dren mi nus pa zhes zer ba ni 'dir blo rnams yul cig la ltos nas
tha dad par 'jog pa yin no | | de lta yin yang rtog pa'i skad cig tha ma myong pa'i rang rig tshad ma dang | log shes pa khyab ches pa yin te skad cig gnyis par nges pa mi 'byung pa dang rang gi gzung pa bdun pa snang yang mi nges pa'i phyir ro | | 'on kyang rang gi mtshan nyid snang yang sgro 'dogs mi sel pa'o | |


| de yang yul rnam pa mi gsal bas ma nges pa ni dper na don rig la sngon po'i skad cig dang stong pa nyid dang |  blo rig la blo'i bdag myed dang stong pa 'am de dag 'dzin pa'i chos lta bu'o |  | yul rnam pa myed pas ces ni mi brjod de |  'dir rnam pa'i don rang gi ngo bo las gzhan du brtags par mi nus pas de med na 
snang par mi 'thad pa'i phyir ro |  | rnam pa mi gsal ba ni yul phra ba dang blo zhan pa dang thag ring pa'i sgo nas yin no |  | rnam pa gsal ba yang yid nye bar gtod pa med pas kyang mi nges par 'gyur te |  ji skad du rnam 'grel las |  rnam shes don gzhan chags pa yis |  | don gzhan 'dzin pa myed phyir ro |  | zhes gang 
gsungs pa'o |  | gsal ba la yid gtad kyang 'khrul pa'i rgyu mtshan gyis mi nges par 'gyur te |  thag pa snang pa las sbrul du rtog pa lta bu'o |  | de'i mtshan nyid ni yul dngos por grub pa dang 'dzin stangs kyi ngo bo myong pa'i tshad ma gnyis kyis nges so |  | bcad pa'i yul can gyi mtshan nyid ni sngar rtogs zin la 'jug 
pa tsam ma yin ste |  tshad ma dang snang la ma nges pa dang log shes la khyab ches pa'i phyir ro |  | 'on kyang rtogs pa'i byed pa ma nyams pa'i don la sgro 'dogs dang 'gal bar 'jug pa ste |  ji skad du mthong pa'i 'du byed ma nyams pa'i don 'dzin pa'i dran pa zhes gsungs pa yin no |  | de yang tshad ma gnyis dang yid dpyod 
kyi rjes su skyes pa'i rtog pa dang mngon sum gyi rgyun rtog pa myed pa'o |  | rjes dpag dang yid dpyod kyi rgyun gyis ni rang gi ming mi thob ste |  ji skad 'chad pa'i mtshan nyid sngar ma grub pa'i don la 'jug pa mi 'thad pa'i phyir ro |  | de'i mtshan nyid ni snga ma'i byed pa dang rang gi 'dzin stangs myong ba'i rang rig gnyis kyis nges so : 
yid dpyod kyi mtshan nyid ni myong pa dang rtags la ma rten par nges pa tsam ma yin ste |  zhen yul la 'khrul pa'i log shes la khyab ches pa'i phyir ro |  | 'on kyang rtags dang myong pa myed par sngar ma rtogs pa'i don nges pa'o |  | de yang rtags su bkod pa myed par de lta bu nges pa ni rgyu mtshan myed pa zhes bya ste |  dper na 
khyim na 'dug pas 'khron par chu yod ces nges pa lta bu'o |  | phyogs chos khyab pa dngos po la myed pa'i rtags las nges pa ni rgyu mtshan phyin ci log pa ste |  dper na mig gi gzung bya 'am gzhal bya las sgra mi rtag par nges pa lta bu'o |  | phyogs chos khyab pa blo la ma grub pa'i rtags las nges pa ni rgyu mtshan 
ma nges pa yid dpyod te |  dper na tshul gnyis tshad mas ma grub pa'i byas pas sgra mi rtag par nges pa lta bu'o |  | de ltar na rgyu mtshan myed pa nyid dam ma grub pa dang ma nges pa'i rgyu mtshan la rten pa gsum nyid te |  gtan tshigs dang 'gal ba la brten pa'i blo ni log shes dang tshad ma nyid du 'gyur ba'i phyir ro |  | 


de'i mtshan nyid ni myong pa dang rtags kyi chos ma tshang par mthong pa dang yul la 'jug pa'i tshad ma gsum gyis nges so |  | gal te don nyid ma grub na blo don nges byed du mi grub la grub na yang myong pa dang rtags la ma brten pa mi rung pas 'di gang gi tshe mtshon par byed ce na |  yul myong pa 'am rtags kyis grub pa na ste |  de'i tshe blo de la yid dpyod 
kyi mtshan nyid myed kyang de ni nges byed kyi tshad ma yin la |  de las dran yul du byas pa'i blo snga ma nyid yid dpyod du mtshon pa yin ste |  'di yi yul gyi tha snyad kyang tshul de lta bu kho nas mtshon par bya ba yin no |  | log shes kyi mtshan nyid ni kha cig mi bden pa'i yul can no zer ba ni |  mi bden pa'i don dpyad 
mi bzod yin na khyab ches la |  sgro btags min na ma khyab cing |  gnod bcas yin na mi srid par 'gyur bas mi 'thad do |  | 'on kyang rang gis sgro btags pa yul byed pa'o |  | de yang sgro btags gzung yul du byed pa spyi dang zla gnyis lasogs pa 'dzin pa gzung yul 'khrul pa dang |  mi srid pa zhen yul du rlom pa 
phung po la bdag du zhen pa lasogs pa zhen yul la 'khrul pa gnyis so |  | de dag kyang yul la 'jug pa tsam rang gis shes la yul de sgro btags par gzhan las yin no |  | the tsom ni yul la rtse gnyis su 'jug pa ste |  cha mnyam pa dang shas cher 'dzin pa'o |  | de ni dpyad pa'i don la tshad ma log par shes pa 
las byung te |  mtshan nyid ni rang gi 'dzin stangs myong pa nyid kyis nges so |  | blo 'di dag gi tha dad pa bsam pa yang tshad ma gnyis ste bdun char yang yul re re la ltos nas dngos po tha dad pa nyid te 'dzin stangs 'gal ba'i phyir ro |  | yul tha dad la ltos nas ni thams cad kyang rang gi ngo bo la ltos nas rang rig pa'i mngon sum tshad 
ma dang snang la ma nges pa dang bcad pa'i yul can gsum gyis khyab pa nyid do |  | yul gzhan la ltos nas ni rtog pa dang rtog myed 'gal te gsal ba dang mi gsal bar 'jug pa'i phyir ro |  | rtog med kyi mngon sum tshad ma dang snang la ma nges pa bcad pa'i yul dang log shes bzhi ni sa phyogs dang de'i skad cig dang dngos po dang dung ser 
po la ltos nas myig gi rnam shes rdzas cig du mi 'gal lo |  | rtog pa yang gzung yul la ltos nas thams cad log pa'i shes par gcig ste don spyi snang pa'i phyir ro |  | zhen yul la ltos nas nges pa dang the tsom ni tha dad te 'dzin stangs 'gal pa'i phyir ro |  | nges pa yid dpyod dang bcad pa'i yul can gsum ni 
me dang tsan dan gyi me dang dngos po la ltos nas yid kyi rnam shes rdzas cig du mi 'gal ba nyid do |  | sngar mtshan nyid phan tshun khyab pa skyon du brjod pa ni yul re re'i shes pa la yin pas 'gal bar mi bsam mo |  | grangs nges pa'i tshul yang yul re re la ltos nas tha dad pa bdun nyid grub pas nyung pa ma yin la | 


| 'di dag las gzhan pa yang srid pa ma yin te | re shig yul la te gnyis dang phyogs gcig par 'jug pa las tshul gzhan myed la phyogs gcig pa yang log pa dang ma log par nges shing | ma log par 'jug pa 'ang de'i sgro 'dogs sel mi sel dang | sel pa yang sngar rtogs pa dang ma rtogs pa la 'jug par
nges la | ma rtogs pa la 'jug pa'ang snang pa dang mi snang pa rtags la brten pa dang ma brten par 'jug pa las mi 'da' bas mtha' gzhan 'gog pa'i rigs pas khegs pa'i phyir ro | | de ltar na yul yongs su gcod pa'i sgo nas blo bdun nyid du nges pas tshad ma ma yin pa lngar nges pa yin no | | de dag ji ltar bsal ba'i
tshul ni re shig rtogs pa'i ngo bo sgro 'dogs dang 'gal bas the tsom dang log pa'i shes pa dang snang la ma nges pa bsal ba yin ste || de dag sgro 'dogs kyi ngo bo nyid dam 'gal ba ma yin pa'i phyir ro | | yul gyi khyad par sngar ma rtogs pas bcad pa'i yul can bsal la | 'dzin stangs kyi khyad par don la mi 'khrul pa
bas | yid spyod bsal ba yin ste | de ni chod dpags su 'dod pas bya rog dang ta la'i tshul du don dang mthun pa tsam yin pa'i phyir ro | | de ltar de ma yin bsal ba tsam la de'i brda' sbyor bas de tshad ma'i don yin la | mtshan gzhi don sang pa la sgro 'dogs sel pa'i mngon sum dang rjes su dpag pa la yang
myong pa dang rtags kyi stobs kyis rtogs pa chos gsum pa khyab par yod pas 'di de dag der mtshon pa'i mtshan nyid kho na ma tho ba myed par grub po | | mtshan gzhi' la log rtogs dgag pa yang mngon sum la dgag pa dang | rjes dpag la dgag pa dang | gnyi ma yin pa mtshan gzhir dgag pa gsum las |
dang po ni kha cig tshu rol mthong pa rnams ni yul dang dus dang skye mched ma phye bar gang la zhen pa drangs pa'i don la mi slu bas tshad mar 'gyur ba yin ste | zhen pa ni tshad ma'i byed pa yin pa'i phyir ro | | de lta ma yin na 'gro ba na spyad pa'i don thob pa'i mi slu ba nyid mi srid par 'gyur te mthong pa'i dngos po rnams
'jug par gzo' ba na 'gag pa'i phyir ro | | de lta yin dang me dang lu'i kha dog 'dzin pa ni tsha ba dang gser ba'i zhen pa 'dren pa nyid kyis reg pa la tshad ma yin no zhes zer ro | | de ni mi rung ste | don myong pa'i stobs kyis rtogs pa myed pa'i phyir ro | | re shig sngar brjod pa ji ltar rtogs pa'i tshul
gnyis mi 'thad de | de la de'i rnam pa mi snang pa'i phyir dang | de myed pa'i sgro 'dogs mi 'gal ba'i phyir ro | | ci ste me'i kha dog 'dzin pa tsam reg pa tsha ba myed pa'i sgro 'dogs dang 'gal na mi lus mthong nas tsha ba rtogs par 'gyur te tshad ma yod pa'i phyir sngon po nam grub pa na sngo 'dzin rtogs pa bzhin no |


gal te snang pa dang shugs myed kyang kha dog 'dzin pas tsha ba la zhen pa drangs pa na tshad ma yin no zhe na |  de ltar na bzhin 'dzum pa 'dzin pa yang sems rangs pa la zhen pa 'dren pa nyid kyis tshad mar 'gyur ro |  | mthong pa'i don du zhen pa myed do zhe na |  de ma yin la zhen pa'i rgyus der 'gyur na snang pa'i sngon po la rtag par 
zhen pa grangs pas sngo 'dzin rtag pa la tshad mar 'gyur la |  mi rtag pa la log pa'i shes par yang 'gyur te |  log zhen 'dren pa'i phyir ro |  | zhen pa gzhan gyis gzhan du mi snang pa'i blo de la log par mi 'gyur na |  des de mi snang pa'i blo de la tshad mar 'gyur ba'i rgyu ci yin |  gzhan yang de lta na bdag med pa 
goms pa rnams kyi dbang po skad cig dang sgyu ma nyid la tshad mar 'gyur te |  dngos po mthong pa nyid na de dag du zhen pa 'dren pa'i phyir ro |  | 'di ni mthong pa nyid dang mthun pas brjod pa'i rgyu mtshan las ches lhag pa'ang yin no |  | de lta bu ni chos mthun pa mthong pa las blo bur pa'i rjes su dpag pa yin gyi mngon sum 
gyi byed pa ma yin no zhe na |  mthong pa la zhen pa de'i byed pa ma yin na ma mthong pa la zhen pa de'i byed pa ci ltar yin pa 'di sems rnal du phob la soms shig |  zhen pa ni tshad ma'i byed pa nyid kyang ma yin te ma khyab pa dang 'khrul pa'i phyir ro |  | de'i phyir skye mched rdzas tha dad pas kha dog nyid reg pa'i khyad par 
du zhen pa ni gcig du log pa'i shes pa yin la |  de reg pa dang ldan par zhen pa yang log shes dang yid spyod dang rjes su dpag pa nyid yin pas |  slob dpon gyis kyang lhan cig spyod pa'i don gzhan la mngon sum tshad ma nyid bkag ste |  gzugs lasogs pa ros rtogs pa |  rgyu chos rjes su dpag pa zhes 
gang gsungs pa yin no |  | 'di nyid kyis kha dog la 'khrul pa reg pa la zhen pa 'dren pas tshad mar rtog pa'ang bsal ba yin no |  | gal te mi snang pa tshad ma'i yul ma yin na bcad pa'i don thob pa mi srid par 'gyur ro zhe na |  'dir bcad pa dang thob pa zhes bya ba ldog pa mtshungs pa'i rgyun la 'jog pa 
na |  ci tsam zhig gzhal byar 'gyur ba'i ldog pa snang pa nyid yin la rdzas la thob pa yang mi 'jog pa'i phyir ro |  | der ni 'jug yul gyi ldog pa la bcad thob myed pas ga la mtshungs |  'o na grang pa 'gog pa la me rtags su sbyor ba'i tshe me'i kha dog gis grang reg 'gog pa ma yin la | 
reg pa tsha ba yang lus la ni snang du mi rung ste |  rung na grang pa'i reg pa mngon sum nyid kyis khegs par thal ba'i phyir ro |  | kha dog 'dzin pas kyang mi 'grub na rtags ci ltar 'grub |  me tsam zhes bya ba yang tshogs pa'i spyi yin pas bye brag ma grub par mi 'grub po zhe na |  de'i tshe mngon suM  


| myed kyang rgyu'i chos dpog pa'i rjes su dpag pas mi rung pa med do |  | rtog med 'khrul pa cha shas la tshad ma dgag pa yang yul dang dus dang rnam pa la 'khrul pa tshad mar rtog pa bsal bar bya ba ste |  dang po ni kha cig sgo gseb du nor bu'i 'od byung pa la nor bur 'dzin pa yang yul gyi khyad par sgo phugs la 
'khrul yang nor bu tsam la bcad pa dang thob pa yod pas mngon sum gyi tshad ma yin no zhes zer ba de la spyad te |  de'i tshe mig shes la 'od snang pa nyid rtog pas chos mthun pa las nor bu sgro btags pa yin no |  | de la re shig rtog pa de ni mngon sum ma yin ste dngos po mi snang pa'i phyir ro |  | 'di 'dzin pa'i rtog med 
kyang nor bu la mngon sum ma yin ste de'i dngos po mi snang pa'i phyir ro |  | mi snang yang zhen pa 'dren pas de la mngon sum gyi tshad ma yin no zhes bya ba la ni brjod zin to |  | kha cig mtshan mo nyi ma gung du rmis pas yongs su bcad pa'i bu phyis nyi ma gung nyid na 'ongs pa ni bcad pa dang mthun par thob pas dus kyi khyad par 
la 'khrul yang mngon sum gyi tshad ma yin no zhes zer ba yang bsal te |  rmi lam gyi shes pa bu'i dngos po nyid snang pa med pa'i phyir ro |  | yang kha cig dung gser du snang pa na yang kha dog la 'khrul yang g.yas su 'khyil pa'i dbyibs tsam la mngon sum gyi tshad ma yin ste |  bdag nyid thams bcad la ma 'khrul pa 
ni pha rol ma mthong pa la myed pa'i phyir ro |  | de nyid kyis na mdo' mdzad pas kyang mngon sum rtog dang bral ba can |  zhes ma 'khrul pa'i khyad par ma gsungs zhes zer ba dang |  kha cig rten gyi chos la 'khrul na tshad mar mi rung la |  rten pa'i chos la 'khrul yang ma 'khrul pa rten gyi cha la tshad mar 
rung pas 'gro par snang pa'i shing gi kha dog la tshad mar smra ba yang |  dngos po'i cha de dag la blo mngon sum nyid ma yin ste de dag de la snang pa med pa'i phyir ro |  | ci ste snang na ni kar po dang stod pa nyid kyang snang par 'gyur te de dag de'i bdag nyid yin pa'i phyir sngon po dang mi rtag pa bzhin no |  | 'gro bar snang pa yang rten 
kha dog nyid la 'khrul pa yin te mgal me la 'khor lor snang pa bzhin no |  | de nyid kyis na rten dang rten pa'i khyad par gyis 'byed pa'ang rmongs pa ngo mtshar bar byed pa tsam yin te |  rtag pa dang mi rtag pa ltar rdzas cig la snang pa dang mi snang pa 'gal ba'i phyir ro |  | des na rtog med kyi blo ni yul dang dus dang 
rnam pa'i khyad par cung zad cig la |  'khrul na yang bdag nyid thams cad la 'khrul par 'gyur bas don la ma reg pa nyid shes par bya'o |  | mngon sum don gyi bdag nyid thaMd la tshad ma ma yin yang ma 'khrul pa nyid ni slob dpon dag bzhed pa yin te |  mdo' mdzad pas mngon sum ltar snang rab rib bcas 


zhes |  rtog med 'khrul pa mngon sum ltar snang par gsungs la |  rnam 'grel las |  don gyi rang gi ngo bo gcig |  bdag nyid mngon sum yin pa la |  | tshad ma rnams kyi brtag bya gang |  | ma mthong cha gzhan ci zhig yod |  | ces gsungs pa yin no |  | de'i phyir thob par bya ba'i don la blos reg pa med kyang 
ci zhig ltar thob pa dang mthun pas tshad mar smra ba ni tshad ma'i mtshan nyid mi shes par cung zad bdag la phan pa rnams tshad mar mthong pa yin no |  | yang kha cig yul dang dus dang rnam pa gzhan du sgro 'dogs kyi rtog pa dang lhan cig pa'i rtog med kyang bum pa la tshad ma ma yin ste |  don dang blos nges pa mthun pa myed pa'i phyir 
dung ser por snang pa bzhin no zhes zer ro |  | de ni ma yin te de'i tshe yul dus rnam pa'i khyad par la rtog med snang la ma nges pa dang rtog pa log shes su 'gyur mod |  bum pa tsam la ltos nas snang pa nges pa'i rkyen tshang pa'i mngon sum ci'i phyir tshad mar mi 'gyur |  khyad par gyi chos ma nges pas spyi la tshad mar mi rung 
na sgro 'dogs myed pa'i mngon sum la'ang mtshungs pas pha rol ma mthong pa la mngon sum tshad ma mi srid par thal ba spang par mi nus so |  | des na dngos po 'dzin pa'i dbang shes la nyi ma ri dang 'byar ba dang tha dad 'dres pa dang rtag par snang pa nyid myed cing der rtog pa 'khrul yang dbang shes dngos po la tshad mar mi 'gal bar blta'o |  | 
de'i phyir dbang po'i shes pa tshad mar spyad par de nyid 'khrul pa dang blo gzhan 'khrul pa mtshungs par rtog pa ni rigs pa ma yin no |  | 'dis ni grub pa'i mthas blo bslad pa dag du ba dang byas pa la rtag pa dang bden pa'i me dang mi rtag pas khyab par nges nas de lta bu dpog pa na me dang mi rtag nyid la yang rjes su dpag pa'i cha myed par 
smra ba yang spangs pa yin te |  de'i tshe spyis khyab pa mngon sum gyis mthong pa dang rtog pas nges pa myed par mi 'thad pa'i phyir te |  rtog pa 'khrul pas mthong pa mi ldog cing bye brag khyab byed nges pa la spyi khyab byed du ma nges pa 'gal ba'i phyir ro |  | de lta ma yin na phyir rgol sgra rtag par rtog pa na sgra tsam la byas pa 
'i phyogs chos mi 'grub pas sgrub byed 'phen pa'i thal ba nam yang mi srid par 'gyur ro |  | gal te chos dang chos can gyi khyad par la 'khrul pas mi gnod na rtag pa dang bden pa'i du ba lasogs pa rtags su bkod pa yang spyi go byed du 'gyur ro zhe na |  de'i tshe spyi la phyogs chos yod mod kyi khyad par can khyab byar nges pas ni 
khyad par myed pa la khyab pa mi 'grub ste |  bye brag khegs pas spyi mi khegs pa'i phyir du ba'i khyad par la tsan dan gyi mes khyab kyang du ba tsam la ma yin pa bzhin no |  | der yang rtags khyad par myed pa la sgrub byas khyab pa tshad mas mthong na khyad par gzhan sgro btags pas ni gnod pa ma yin pas |  ji skad du | 


| grub na ma grub kyang khyad par gnod byed ma yin te |  sgra'i nam mkha' la rten bzhin |  | zhes gang gsungs pa yin no | | des na mi rtag pa ni sgra ni don dam par mi rtag pa yin te bdag gis byas pa'i phyir yan lag can gyi bum pa bzhin no zhes bkod pa na yang spyi'i cha la rjes su dpag pa srid do zhes bya bar 
blta'o |  | shes par byed pa'i rgyu la 'khrul pas rjes dpag tshad ma nyid ma yin pa la yin par rtog pa ni rab du mang ste |  ji snyed skabs su bab pa na brjod par bya'o |  | gnyis po ma yin pa sgra las byung pa lasogs pa mtshan gzhir rtog pa ni gzhung nyid kyis 'gog par 'gyur ro |  |  gzhi la mtshan nyid nges byed bsam pa ni 
yang ci gnyis po de dag tshad ma nyid du rang nyid dam gzhan zhig gis nges par byed |  dang po ltar na tshad ma'i bstan bcos don med par 'gyur la |  gnyis pa ltar na thug pa myed par 'gyur ro zhe na |  'di yang rang dang gzhan las nges pa'i don ngos gzung pa dang |  so so'i ngo bo dper brjod pa dang |  de la skyon myed pa gsum gyis 
nges par bya ba las |  dang po ni 'dir nges par bya ba tshad ma'i chos gsum las mtshan gzhi ni thaMd du rang gis grub pa nyid te |  rang ma grub par don rtogs pa 'gog par 'gyur ba'i phyir ro |  | mtshon bya'i tha snyad ni mkhas pa la mtshan nyid 'dzin pas nges la |  rmongs pa la ni thams cad du gzhan nyid las nges par 
'gyur ro |  | mtshan nyid ni ci rigs par 'gyur ro |  | nges par byed pa yang rang dang gzhan gyi ldog pa la brjod na thams cad gzhan las nges par 'gyur te |  mtshan nyid chos gsum ldan gyi rtogs pa tshad ldog gcig gis grub pa myed pa'i phyir ro |  | don byed par snang pa'i mngon sum dang rjes su dpag pas yul 
me bden par grub pa nyid kyis blo me bden pa 'jal ba'i tshad mar grub pa zhes bya ba ni byis pa'i snyan sngags yin te |  bden pa'i yul can ni blo tshad mar bya ba la nus pa dang dgos pa myed pa'i phyir ro |  | des na bsam pa'i dbang gis rnam gzhag ci ltar yang rung mod kyi |  slob dpon gyis |  rang las rang gi 
ngo bo rtogs |  | tha snyad las ni tshad ma nyid |  | ces 'byung pa la brten te tshad ma'i mtshan nyid blo 'i ngo bo de nyid dang gzhan gyis grub pas tshad ma rang dang gzhan gyis nges par gzhag go |  | de lta yin dang tshad ma rnams ni rang nyid kyis grub pa yin ste |  blo rnams yul mi gcig pas gzhan gyis nges pa 
mi rung pa'i phyir ro zhes zer ba ni |  gzhal bya thams cad mngon gyur yin ces bya ba dang |  de gzhan gyis nges pa'i tshad ma 'chad pa nyid kyis gnod par sla'o |  | yang kha cig gzhal bya'ang rang gis grub par 'gyur du'ong pas rang nyid kyis mi 'grub kyi |  dpyod pa zhes bya ba 'du byed brtan par byed pa'i blo gzhan gyis 


nges pa yin no zhes zer ro |  | de yang ma yin ste |  rang gis grub pa'i tshad ma grub pas gnod pa dang dpyod pa nges byed du mi 'thad pa'i phyir ro |  | des na don 'dir 'gyur te ji skad brjod pa'i mtshan nyid las ma gtogs pa'i don la sgro 'dogs sel pa ni thams cad du gzhi grub pa nyid kyis nges la |  don la mi 'khrul ba'i 
'dzin stangs ni gzung pa dngos po nyid dam rtags la ma brten par myed pas de rtogs pa yang de dag nges pa las yin no |  | de lta yin yang rjes su dpag pa ni khyab pa ma dran par mi skye bas thams cad du rang nyid 'jug pa na myed na mi 'byung pa'i rjes su 'brangs par dran pa myong zhing sngar rtogs pa'i byed pa mi dmyigs pa'i rang rig dang 
rang gi 'dzin stangs sgro 'dogs dang 'gal ba myong pa ste |  rtogs pa chos gsum ldan gyi mthar thug rang gi ngo bos nges pa yin no |  | mngon sum gyi tshad ma yang gzung yul dngos por nges pa rnams ni 'dzin stangs mi 'khrul bar shugs la grub ste |  des na rang rig pa dang gzhan rig goms pa ba rnams ni tshad ma'i 
mtshan nyid rang las nges pa yin no |  | dngos po snang yang myed pa'i sgro 'dogs kyis zin pa'i gzhan rig mngon sum ni don la mi 'khrul bar gzhan las nges pa yin ste |  dper na rgyang nas me la mer snang pa nges kyang brdzun par dogs pa dang bcas pa lta bu'o |  | 'di ni dmar la 'bar ba'i rnam pa tsam la ltos 
nas tshad ma yin te rtogs pa chos gsum dang ldan pa'i phyir goms pa'i mngon sum bzhin no |  | gal te de myed pa'i sgro 'dogs mi sel pas de rtogs pa'i ngo bo nyid myed do zhe na |  goms pa ba yang tshad mar mi 'gyur te sngon po rtog pa'i sgro 'dogs mi sel ba'i phyir zhes brjod par bya ste |  de sngon po'i sgro 'dogs 
mi sel par ma grub cing |  skad cig la tshad ma ma yin par 'dod la |  des sngon po la tshad ma 'gog na khyab pa ma grub po zhe na |  brjod pa'i tshul de nyid rnam pa dang bden pa'i cha la sbyar nas 'debs pa'i lan ji ltar bzlog |  de nyid kyi phyir yod med nges pa'i 'bras can min |  | phyir na tshad ma nyid ma 
yin |  ces pa'i skyon du'ang mi 'gyur te |  sgra'i don nam yang dngos po dpyad pa'i gzhir mi rung par 'gyur du 'ong zhes rang gi mtshan nyid yod med nges pa ni tshad ma'i byed par slob dpon bzhed pa ma yin pas sgra don nges pa'i rang rig pa ltar yul dngos por yod med du ma nges kyang rnam pa tsam du yod par nges pa'i phyir ro |  | 
gal te gzung yul dngos por ma grub kyang mi snang pa dang rnam pa gzhan du snang pa'i sgro 'dogs bsal bas snang yul la tshad mar 'gyur na zla ba gnyis dang rmi lam gyi shes pa yang tshad mar 'gyur ro zhe na mi 'gyur te don gyi khyad par rang gis sgro ma btags pa zhes mi 'khrul pa myed pa'i phyir dang |  snang pa tsam dngos po ma 


yin pa la mngon sum gyi tshad ma nyid mi rung ste |  'dzin stangs don la mi 'khrul pa mi rung pa'i phyir ro |  | gal te rnam pa la sgro 'dogs sel pa nyid kyang de 'dzin myong pa'i rang rig yin gyi gzhan rig pa'i cha nas ma yin no zhe na |  gzhan rig yin gyi rang rig pa ma yin no zhes brjod par mi nus pa ci yod | 
gal te bden pa'i ldog pa la tshad mar mi 'dod na snang pa tsam gyis nges pa las gzhan las nges par mi 'thad do zhe na |  'dir yul gzhan las nges par su smra |  'on kyang snang yul de dngos por ma grub pa srid du blo la tshad ma'i mtshan nyid don med na mi 'byung par mi 'grub pas de snang yul dngos por nges pa'i blo gzhan la ltos pas 'di 'i 
tshad ma nyid gzhan las nges par brjod do |  | gzhan dag ni dngos po snang pa la mi snang pa'i yid gnyis kyis zin pa yang phyogs cig gis don mthun pas mtshan nyid gzhan las nges pa'i tshad ma yin la |  rgyang nas shing tsam 'dzin pa yang bye brag sha pa lasogs pa'i khyad par gyi don la tshad ma nyid yin te spyi ni khyad par gyi mthar 
thug pa'i phyir ro |  | de la spyi la ltos te ni tshad ma'i mtshan nyid rang gis nges la khyad par la ni gzhan las nges pa yin no zhes zer ro |  | de ni ye nas ma yin te |  re shig dper brjod pa snga ma la snang pa nyid na sgro 'dogs ma bcad na snang la ma nges pa nyid dang |  lan cig snang par rang gis nges kyang phyis mi snang pa'i dogs 
pa zhugs pas de ltar 'gyur na tshad ma thams cad gzhan las nges par 'gyur ba spang par mi nus so |  | gnyis pa la yang re shig spyi khyad par gyi mthar thug pa'i phyir ro zhes bya ba'i sgrub byed mi 'thad de |  spyi bye brag yin pa'i mthar thug pas ni cir yang mi 'gyur la |  nges pa mthar thug par brjod na rtags bsgrub bya dang 
mtshungs pa nyid te khyad par rnams la mthar gtugs pa myed pas spyi nam yang mi rtogs par thal ba'i phyir ro |  | gang la tshad mar 'gyur ba khyad par gyi don ces bya ba yang de'i rdzas sam mtshan nyid la brjod |  rdzas ni spyi dang gnyis myed pas yul grub pa dang ma grub pa'i tshad ma gnyis mi rigs so |  | thams cad du spyi 
nges pas khyad par gyi mtshan nyid nges so zhes bya bar ni mi nus ste |  spyi 'dzin khyad par gyi sgro 'dogs dang lhan cig pa myong pa'i phyir dang |  shes bya nges pas mi rtag pa'i shes bya mi nges pa'i phyir dang |  rten pa spyi yin na yang rgyun dang rags pa 'dzin pa rten rdul dang skad cig la tshad mar thal ba'i phyir ro |  | ci ste thag 
nyo bar gnas pa na spyi 'dzin des khyad par gyi mtshan nyid grub na yang de la tshad ma rang gis mi nges pa'i rgyu ci yin |  yul la de'i tha snyad ma thogs paso zhe na |  de lta na don gyi spyi la gzhan nges dang rang rig lasogs pa yang gzhan las nges par ha cang thal ches par 'gyur ro |  | des na don 'dir 'gyur te |  dngos po 


mi snang pa mngon sum nyid ma yin la |  snang pa la mi snang pa'i sgro 'dogs ma bcad pa mngon sum tshad ma ma yin zhing |  snang pa dngos po ma yin pa'i sgro 'dogs ma chod na tshad ma gnyis las ma yin no |  | de lta yin yang gzung yul dngos por ma grub na spyi la rang las nges pa mi rung la |  grub na yang de la tshad mar 
'gyur ro cig mtshan nyid rang gis grub pas dngos po cig la rang nges gzhan nges kyi tshad ma gnyis mi srid pa nyid do zhes khong du chud par bya'o |  | des na mtshan nyid gzhan gyis nges pa'i tshad ma ni gcig nyid de dngos po la der mi snang pa'i sgor 'dogs chod kyang de ma yin pa'i sgro 'dogs dang bcas pa'o |  | de nges par byed pa yang de'i 
yul gyi rnam pa gsal bar myong pa'i goms pa tsam don byed par snang pa'i mngon sum nyid yin kyi |  'bras bu'i rtags las shes pa'i rjes dpag ni ma yin te |  yod pa bsgrub par bya ba la rtags kyi mtha' 'gog pa nyid kyi phyir ro |  | gal te nges par bya ba nges par byed pa dag yul mtshungs na gang yang rung pa tshad mar 
mi 'gyur la |  tha dad na yang sgrub bya sgrub byed du mi rung ste myig dang rna ba'i blo gzhin no zhe na |  rnam pa dang bden pa dag chos tha dad cing dngos po gcig nyid pas skyon gang yang myed do |  | de ltar tshad ma'i mtshan nyid rang dang gzhan las nges pa'i tshul 'di la |  ji skad brjod pa'i nyes pa yang myed de |  gzhal bya bems 
po rnams la rang rig med pa dang |  mtshan nyid rang gis nges pa nyid kyi yan lag bstan bcos su dpyad dgos pa'i phyir dang |  yul rdzas mtshungs pa'i phyir dang mthar rang nges yod pa'i phyir ro |  | de lta rnam pa gzhag pa'i rgyu 'bras spyi dang khyad par gyi don nges par byas pa 'di la kha na ma tho ba cung zad kyang gmyed pas dogs par 
'dod pa dag gis ji lta bar yid la gzung par bya'o ||   || da ni 'dod pa'i mtshan gzhi' la 'khrul pa gsal bas mdor bstan pa'i grang nges pa de dag nyid rgyas par sgrub pa na |  re shig mang pa bkag pa la gzhan dag ma bzod nas smra ba ni gal te zhes pa ste |  phyi rol pa dag ji skad bshad 
pa lta bu'i tshad ma spyi de bye brag gnyis po'i mtshan nyid yang dag par ma rtogs par gang cung zad go ba'i rgyur gyur pa de thams cad tshad mar brtags nas gzhan yang smra ba na sgra las byung pa ni sgra rang gi mtshan nyid las lkog gyur rtogs te phyogs chos myed kyang 'brel pa tsam las lkog du gyur pa'i don rtogs pa'o |  | nye bar 
'jal ba ni dpe' go byed du gyur pa ste |  'brel pa myed kyang 'dra ba tsam gyis lkog du gyur pa'i don gzhan rtogs pa ba lang las ba men rtogs pa lta bu'o |  | sogs pa ni mthong pa dang thos pa'i don las gzhan du mi 'thad pas ma mthong pa rtogs pa don gyis go ba'i tshad ma dang |  med pa rang dbang du 'jal ba dngos po 


| myed pa'i tshad ma dang |  rjes su 'gro ldog las 'bras bur rtogs pa rigs pa'i tshad ma dang |  'jug pa'i blo myed pas dgag pa rtogs pa myi dmyigs pa lasogs pa ste |  tshad ma gzhan yang yod ma yin nam ci'i phyir gnyis kho nar 'byed ce na |  slob dpon gyis |  tshad ma rnam gnyis kho na ste zhes nges 
par gzung pa mdzad pas |  'dir grangs kyi ming la mi ba 'cad de de dag kyang tshad ma yin na 'di dag du 'du la mi 'du ba ni tshad ma nyid ma yin no zhes grangs dang tshad ma gzhan dgag pa'i dam bca' gnyis mdzad par blta'o |  | de dag gi 'thad pa yang 'chad par 'gyur ba'i gzhung las sbyor ba 'di ltar mngon te |  tshad ma ni 
mngon sum rjes dpag las gsum pa myed de |  mngon gyur lkog gyur las don nam gzhal bya gzhan rtogs pa myed pa'i phyir log pa'i shes pa bzhin no zhes bya ba dang |  blo gzhan ni tshad ma ma yin ste |  don naM gzhal bya gnyis po ma rtogs pa'i phyir log shes pa bzhin no zhes bya ba khyab par byed pa mi 
dmyigs pa'o |  | 'di dag gi bsgrub par bya ba rtogs pa gcig mod kyi sbyor ba'i tshul mi 'dra ba'i sgo nas tshad ma gsum pa'i tha snyad tsam 'gog pa yin no |  | de la sbyor ba dang po'i dbang du byas te rtags kyi tshul bsgrub pa gzhung la sbyar ba na |  re shig tshad mas don nam gzhal bya gsum ma rtogs pa'i gtan tshigs 
ji ltar grub snyam pa la don ni rnam pa gnyis nyid te mngon sum dang lkog du gyur pa'o zhes rmos ste |  mngon sum la snang pa dang mi snang pa dag ni sngon po dang sngon men ltar cig bkag pa cig shos kyi mtshan nyid yin pa na phung po gzhan med par tshad ma cig nyid kyis grub pas sam gzhal bya gzhir byas pa na yang rang gi ngo bo dang 
ngo bo ma yin pas rtogs par bya ba dngos 'gal du grub pas don nam gzhal bya gsum pa de rtogs pa ga la yod zhes bsams pa'o |  | khyab pa ma grub ste don gsum pa ma rtogs kyang tshad ma gsum pa ci 'gal snyam na |  don ma rtogs pa 'am gnyis po rtogs pa'i tshad ma yin grang na |  re shig don ma rtogs 
pa la tshad ma'i brta'i yul tsam khegs pa'i rang rig nyid kyi tshad ma'i tha snyad gsum khegs pa 'am |  tshad ma gsum pa ma yin te tshad pa tsam ma yin pa'i phyir ro zhes bya bas so |  | phyogs gnyis pa yang blo gsum pa ni don gnyis pa rtogs pa ma yin te mngon gsum rjes dpag ma yin pa'i phyir the tsom 
bzhin no zhes brjod do |  | 'di 'i phyogs chos ni chos can sgra'i don rig pa nyid kyis grub la |  bzlog pa'i khyab pa 'chad pa na re shig mngon gyur rtogs pa la mngon sum tshad mas khyab pa la log rtogs myed pas tshig le'ur byas par ma brjod do |  | lkog gyur rtogs pa la rjes su dpag pas khyab par ston 


pa ni 'brel pa ni zhes bya ba ste |  mngon sum ma yin pa ni 'brel pa gzhan las 'dra ba'i bdag nyid te spyi'i tshul du rtogs pa'i phyir ro zhes sbyar te 'chad par 'gyur ro |  | de rgyas par bshad pa la don mngon gyur rtogs pa la mngon sum tshad mas khyab par bstan pa'i phyir don mngon gyur nyid ngos gzung pa ni de la zhes pa ste |  rjes su 
byed du 'jug pa ni rgyu yin la mthun pa ni 'dra ba'i bdag nyid ni dngos kyi ste |  don gang zhig mthun par shes pa'i rnam pa'i dngos kyi rbu byed pa de ni mngon sum pa'o zhes rgyu chos bzhi dang ldan pa zhig go zhes bstan pas de rtogs pa rang 'dra ba'i skyed byed la sgro 'dogs gcod pa la mngon sum tshad mas khyab pa nyid don gyis rtogs par bya'o |  | 
tshad ma gnyis kyi yul gyi khyad par bstan pa'i phyir de ni rang gi ngo bos rtogs par bya bas rang gi mtshan nyid do zhes smos so |  | gal te rang gi mtshan nyid gcig gzhal bya zhes bshad pas rjes su dpag pa'i tshad ma'i yul yang mye lasogs pa'i rang gi mtshan nyid ma yin nam ci'i phyir dmyigs kyis dkar ba byed ce na |  bden mod 
kyi de lta na yang 'di thun mong ma yin pa'i dngos po ste yul dus rnam pa ma 'dres shing so sor nges pa'i rang bzhin du rtogs pas rang gi mtshan nyid du brjod pa yin no |  | gal te don mngon sum pa'i mtshan nyid ji skad brjod pa 'di sangs rgyas pa'i gzhung don dang blo'i rnam bcas rnam med smra ba'i lugs bzhi la mi srid pa dang ma khyab 
par 'gyur ba yin te |  dus dang ngo bo gcig pa'i dngos po dang dngos myed rgyur mi rung pa'i phyir ro zhe na |  de lta mod kyi 'dir ni slob dpon gyis re shig don gyi rnam pa dang bcas pa'i tshul zhal gyis bzhes nas rnam gzhag mdzad pa yin la |  de la yang myong pa'i don la mi mthun pa myed pas dmigs pa'i don nye bar mtshon 
pa yin te |  don mngon sum pa nyid ni gang zhig mngon sum la snang pa'o |  | lkog gyur rtogs pa la rjes dpag tshad mas khyab par bstan pa'i phyir gzhan ni zhes smos ste |  mngon sum ma yin pa'i don ni rjes su dpag las gzhan gyis mi rtogs ste yan lag bzhi tshogs pa las gzhan gyis rtogs par 
mi 'thad pa'i phyir ro zhes sbyor pa'i don du ba lta'o |  | rtags de nyid bsgrub la |  re shig rang gi ngo bos ni rtogs par mi 'thad pa nyid te |  don gzhan ngo bos rtogs par bya ba la rnam pa dngos su 'jog pas khyab pa las blo la rang gi ngo bo 'jog pa'i nus pas stong pa'i phyir mig la sgra bzhin no |  | gzhan mthong ba tsam 
yang gzhan rtogs pa'i sgyu ma ste |  cig rtogs pas thams cad gtogs par ha cang thal bar 'gyur ro |  | mi rtogs pa nyid kyang ma yin te go byed gzhan po de yang go bya myed na mi 'byung pa nyid yin na ni 'gyur ba 'ang yin no |  | de yang 'brel pa yod pa tsam gyis ma yin gyi go bya me lasogs ji lta 


| bu'i rnam pa dang rang bzhin te spyi rigs 'brel pa tshad mas grub pa de lta bu'i rnam pa go bar byed do |  | de tsam gyis kyang gzhi nges pa la go ba ma yin te me dang 'brel pa nges pa'i du pas phyogs thams cad du me rtogs par thal ba'i phyir ro |  | 'on kyang go bar byed pa de gang du nye ba de nyid du go bar byed ces bya bas don 
gzhan 'brel pa nges pa nye ba'i chos bzhis khyab pa'i rtags bsgrubs nas |  tshul bzhis rtogs pa la rjes dpag gis khyab par ston pa ni 'brel pa grub pa'i don gzhan nye ba las 'brel yul spyi'i tshul du rtogs pa ni rjes su dpag pa'i mtshan nyid yin no |  | de'i phyir don gnyis rtogs pa ni mngon sum rjes dpag gi tshad 
ma gnyis kho na'o |  | gzhung 'dis lkog gyur rtogs pa la rjes dpag tshad mas khyab par   bstan pas rtogs par bya ba'i don nyid shugs la bstan to |  | yang na gzhan ni blo la dngos su rang gi ngo bo 'jog pa'i nus pas stong pa ste zhes bya bas don gyi ngo bo ngos gzung ste |  de ni thun mong pa nyid du rtogs par bya ba yin pas spyi 
'i mtshan nyid do zhes blta'o |  | de rtogs pa la des khyab par ston pa ni nus pas stong pa nyid kyi phyir rang gi ngo bos rtogs par mi 'thad pa nyid do ces bya ba lasogs pa'o |  | rtags sgrub bya gnyi ga'i mjug stud pa ni de'i phyir ces pa ste |  don gnyis su nges shing de rtogs pa la tshad pa gnyis kyis khyab pa'i de'i phyir tshad 
ma gnyis kho na ste |  tshad ma gzhan gyis dang don gzhan rtogs par mi 'thad pa'i phyir ro |  | de bzhin du sbyor ba gnyis pa'i tshul la sbyar ba yang re shig tshad mar 'gyur ba la don gnyis po rtogs pas khyab pa ma grub po snyam na |  mtshan nyid don rtogs pa nyid med pa 'am don gsum pa rtogs pa'i tshad ma yin 
ces brtags pas sbyar ro |  | gtan tshigs ma grub ces pa la blo gsum pa ni don gnyis rtogs par byed pa ma yin te mngon sum dang rjes su dpag pa ma yin pa'i phyir the tsom bzhin no zhes bya ba'i bzlog khyab du bsgrub par bstan pa dang bshad pa'i gzhung sbyar bar bya'o |  | de lta mod kyi de dag ni rnam pa dang bcas pa'i lugs 
la mtshon pa tsam yin na don gnyis rtogs pa la tshad ma gnyis kyis khyab par 'dzin pa'i tshad pa nyid brjod dgos so zhe na |  bden te rnam bshad byed pa dag ni gzhung rjes su bzlas pa tsam byas ste 'di zhes don gyi cha rtog par mi byed do |  | 'di la re shig don mngon gyur gyis rtogs pa nyid mngon sum tshad ma'i mtshan nyid yin 
pas mtshon byas khyab par sla'o |  | don mngon sum ma yin pa la yang ngo bo snang pas rtogs par rig pas khegs pas chos gzhan la ltos la |  'brel pa ma nges pa'i don gzhan las rtogs pa yang tshad ma nyid ma yin te 'dzin stangs kyi khyad par myed pa'i phyir sbra bu'i tshogs las mi nges pa bzhin no |  | mi 'khrul 


pa nges pa las rtogs pa yang de myed pa dag du mi rung ste de'i dngos kyi byed pa yin pa'i phyir ro |  | 'dir mi 'khrul pa nges nas 'ga' zhig du khyab byed rtogs pa la der khyab bya grub pas khyab pa ni rjes dpag gi steng du rang rig gis grub mod kyi rmongs pa la mtha' bkag pa bzhin no |  | de lta yin dang mi 'khrul pa'i chos 'ga' zhig 
du nye ba ni khyab pa dang phyogs chos yin la de nges pa las don rtogs pa ni rjes dpag gi mtshan nyid yin pas lkog gyur rtogs pa la rjes dpag gis khyab pa yang rang rig gsum gyis nges pa yin no |  | da ni tshad ma yin na 'di dag kho nar 'du'o zhes gang gsungs pa'i bsgrub bya la gzhan gyis tshad ma 'ga' zhig mi 'du bar mthong 
nas dam bca' la bsal pa 'am |  phyogs chos dang khyab pa ma tshogs pas kyang lkog gyur rtogs pas lkog gyur rtogs pa la rjes dpag gis mi khyab par mthong nas gnyis po ma nges pa dang ma grub par smra ba |  gal te 'brel pa tsam las lkog du gyur pa'i don rtogs pa'i sgra las byung pa tshad ma gzhan ji ltar ma yin | 
de ni rtags las rtogs pa yin pas rjes dpag las ma 'das so zhes kyang bsam par mi nus ste |  'brel pa kho na ni rtags kyi mtshan nyid ma yin gyi |  | 'on kyang chos can ma mthong pa'i phyogs chos kyang yin no |  | chos can ci lta bu la zhe na |  gzung par bya ba'i chos ni sgrub byar 'os pa ste grub 
bsal med pa'i chos dang ldan pa'i rtsod gzhi 'o |  | de ltar shes 'dod kyi gzhi' la go byed mthong pa de ni sgra las don go ba la yod pa ma yin ste |  so ka nags na me tog yod ces brjod pa'i tshe me tog shes 'dod kyi yul dang dus na sgra myed cing |  sgra mthong pa'i skyes bu la me tog shes 'dod myed pa'i phyir ro zhe na | 
gzhan yin yang tshad ma ma yin par ston pas sgra phyi rol gyi don la tshad ma'i rgyu 'gog pa na |  re shig sgra dang don la 'brel pa yod du chug kyang bum pa yod pa dang myed ces brjod pa'i tshig de dag gang du rtogs par 'dod pa'i gzhi de la ma mthong na 'o na tshig de dag gis yul dang dus gang du don ci zhig sgrub pa 'am 'gog par 
byed te mi nus pa'i phyir ro |  | gal te yul dus gsar par mi sgrub kyang don gang sngar yod pa dang myed par mthong pa'i gzhi'i de la dran par byed do zhe na | sngar mthong pa de ni sgra dang rtags sam sgra'i rtags myed par yid nye bar gtad pas kyang dran par mi 'gyur ram ci | 'gyur na yang sgra las dran pa dang gnas skabs 'di gnyis 
las tshad mar 'gyur mi 'gyur gyi khyad par yod dam ste ci yang med do |  | ci ste yid sad pas gtad par mi nus na ni gdod sgrub par bya bar 'gyur na de 'ang mi nus so zhes brjod pa yin no |  | de ltar nges pa'i yul mi ston cing ston pa la dran pa nyid du 'gyur ba de'i phyir bum pa yod pa dang myed par brjod pa'i tshig 'di yul dus 


| nges pa'i gzhi 'ga' zhig du sngar ma grub pa'i don 'ga' zhig sgrub pa 'am 'gog par mi byed pa'i phyir ji ltar na gzhal bya 'ga' zhig sgrub par byed pa yin |  des na 'jug yul mi ston pas tshig tshad ma'i rgyu ma yin no |  | de ltar na yang de ltar lha sbyin gyi khyim na bum pa yod de zhes pa'i sgra ni 'brel pa nges pa'i gzhi las 
gzhan du 'jug yul nges pa'i don ston pa'i phyir tshad ma'i rgyu yin de rtags bzhin no snyam du dogs pa la |  dgag sgrub brjod pa'i sgra de dag las ngar ma rtogs pa'i don grub pa yang ma yin ste |  sgra de dag don der tha dad pa dang myed kyang 'byung pas 'brel pa gang yang ma grub pa'i phyir bum pa'i sgra las snam bu bzhig no |  | gzhung gi don de 
lta mod kyi ngag don 'brel pa yod du chug kyang ngag las don rtogs pa tshad mar mi 'thad de brjod bya yul dus rnam pa gsum dang 'brel pa ma grub na mi rtogs la grub na ngag gi don grub zin pa'i phyir ro |  | rtags ni chos tsam dang 'brel pa grub na gzhi yul yod pas mtshungs pa ma yin no |  | des na ngag kyang tshad ma'i rgyu ma 
yin no |  | 'o na sgra cig du don rtogs pa'i rgyu nyid ma yin nam zhes na |  sngon gyi brjod bya rtogs pa tshad ma yin yang rjes dpag du 'du bas gzhan la yin par bstan pa'i phyir smra ba po'i mngon par 'dod pa'i don zhes smos ste |  'dir gang go bar nus pa'i don brjod 'dod la 'chad pa ni ma yin ste |  don gyi tshig 
mi 'thad pa dang |  rnam 'grel las |  smra ba po'i byed pa'i yul |  don gang blo la rab gsal ba |  | de la sgra ni tshad ma nyid |  ces 'dod pa'i yul la gsungs pa'i phyir dang |  brjod bya la tshad ma gzhan du 'gyur bar rtog pa na brjod 'dod la rjes dpag du bsdus pa skabs su ma bab pa'i phyir ro |  | 
skyon 'di dag nyid gang dag don du snang pa'i bsam pa go bar 'dod pa la'ang blta bar bya'o |  | des na 'dir go bar bya ba ni yid la snang pa don gyi rnam pa yin no |  | de la go byed mi 'khrul par bstan pa ni go bar rung pa'i phyir te ces pa ste |  don gang gi spyi snang pa myed par de bstan par 'dod pa mi 'byung la de med na 
brjod par mi rtsol bas sgra mi 'byung pa kho na ste |  sgra'i khyad par la don du snang pas khyab pa ni rang rig pa snang pa nyid kyis grub pa yin no |  | gal te 'di ni dngos su 'khrul pa ma yin nam |  don gyi rnam pa shar ba myed par yang de brjod pa'i sgra 'khrul pa dang lad mo zlos pa dang gzhung goms pa 'don pa lasogs par 
mthong pa'i phyir ro zhe na |  'di la de dag kha cig de dag du 'ang der snang pa skad cig skyes pa yin te 'bras bu rgyu la mi 'khrul pa'i phyir ro zhes zer ro |  | 'dir don du snang pa nges pa yin na de las de bstan par 'dod pa 'byung gi ma tshor ba ni don du snang pa nyid dang brtag pa mtshungs pas de las de'i 'bras bu 'byung par mi 


rigs so | | 'on kyang don gyi rnam pa shar ba dang ma shar bas sbyar ba'i sgra'i ngo bo ni sa bon dang lci ba las skyes pa'i sha mi bzhin du tha dad pa yin ste | shin du rnam par phye ba'i 'bras bu rgyu la mi 'khrul pa'i phyir ro | | de lta na yang 'gro ba'i khams kyi bye brag gis rang bzhin gyis bzang pa dang ngan la 'byung pas brda' mthun
cing skyes bu'i rang bzhin yongs su shes pa nyid las rtogs pa yin ste | des na thams cad du sgra don go byed du 'gyur ba ni ma yin gyi 'ga' zhig kho na 'ga' zhig la go bar byed pa yin no | | gal te de lta na yang don du ma la 'jug pa go dang ste ri lasogs pa'i sgra dag las gang gi spyi dpag par bya ste 'khrul par 'gyur ro zhe
na | der yang grags pa'i don gang yang rung pa cig la mi 'khrul pa yin ste | ming tsam las rigs gang yang rung pa zhig yin par dpog pa bzhin no | | de lta na'ang sgra las byung pa'i tshad ma grub par ma gyur tam zhe na | go bar byed pa rtags nyid du bsgrub pa'i phyir mi 'khrul pa nges pa'i sgras de ltar de bsam pa la
snang pa'i don rtogs par bya ba'i gzhi ni smra ba po de nyid yin pas shes 'dod kyi gzhi' la phyogs chos dang khyab pa tshogs pa las blo rtogs pa'i rjes su dpag pa nyid do zhes dgongs pa'o | | gal te sgra don la rtags yin na rang bzhin nam 'bras bu zhig du 'gyur grang na | spyi dngos po myed pas sgra'i rgyu dang ngo bor mi rung pas gnyi
kar mi 'thad do zhe na | bden mod kyi spyi nyid rgyu ma yin yang de'i khyad par can gyi 'dod pas sgra bskyed pas khyad par bsgrub pa la 'bras bu'i rtags yin ste | ji ltar dus mtshungs pa'i ro las gzugs dpog pa 'bras bu'i rtags su 'chad par 'gyur ba bzhin no | | gal te don gyi spyi snang pa ni rtog pa yin pas de
tshig las dpag par nus na de la thams cad mkhyen pa nyid khegs par 'gyur te | rtog pa ni ye shes dang spangs pa'i khyad par dang 'gal ba'i phyir ro | | de lta na de ldog pa 'khrul pa can du bshad pa 'gal lo zhe na | de lta bu'i rgyud la thams cad mkhyen pa nyid dpag nus pa kho na'o | | slob dpon gyis
ni sgra ba tsam las de 'gog pa 'khrul par bshad pa yin te lus kyi rig byed bzhin no | | 'dir don gyi rnam pa snang par dpog pa ni lus ngag gi rig byed khyad par can yin pas 'gal med do | | 'o na lus ngag gi khyad par 'ga' zhig las 'dod chags kyang dpag nus par 'gyur na 'khrul par bshad pa'ang
yin no zhe na | de ni mi nus te de myed kyang blo sngon du btang nas de lta bu'i tshig sbyor bas khyad par mi byed pa'i phyir ro | | don gyi rnam pa ni de lta bu'i tshig sbyor bar yid gtad pa nyid kyis snang pa'i phyir la || de tsam de'i don ma yin pas mtshungs pa ma yin no | | de ltar na sgra las don rtogs pa tshad ma


| nyid ma yin pa 'am rjes dpag du 'dus pas tshad ma gzhan ma yin no zhes gnas so |  | 'o na zhes bya ba'i rgol ba ni tsa ra ka lasogs pa ste |  de lta na yang yod na yod pa ste rjes su 'gro ldog dang snang rung mi dmyigs pa las lkog du gyur pa'i rab du skye ba ste 'bras bu dang myed pa rtogs pa dag rigs pa dang mi dmigs 
pa tshad ma gzhan ji ltar ma yin zhes bya ba ngag gi don to |  | de dag mngon sum ma yin yang shes 'dod kyi gzhi' la rtags yod pas rjes su dpag pas 'du bar yang ma yin ste |  phyogs chos kho na ni rtags kyi mtshan nyid ma yin gyi 'on kyang bsgrub bya'i chos nyid la mthong pa'i rjes su 'gro ba yang yin la |  de nges 
pa myed pa'i phyir mnyan par bya ba bzhin no |  | 'di nyid gang las ce na |  tshul 'di la chos gnyis dang ldan par tshad mas grub pa'i dpe' myed pa'i phyir mnyan par bya ba bzhin no |  | grub pa'i dpe' myed pa nyid kyang phyogs la 'jug pa'i tshad ma las sgrub par byed pa gzhan myed pa'i phyir te |  myu gu dang ri bong gi 
'go' lasogs pa la yang phyogs kyi rtags de dag nyid kyis dpog pa las ma gtogs pa bsgrub bya nges pa'i tshad ma gzhan med pa'i phyir ro |  | gal te der rtags myed par mngon sum nyid kyis grub na phyogs la'ng mi 'grub pa'i rgyu med la |  der yang phyogs la 'jug pa'i rjes dpag de lta bu nyid kyis bsgrub par byed pa 
yin na yang mi rung ste |  de rang gi khyab pa grub pa la ltos pas phan tshun rten pa 'am |  de yang gzhan gyis sgrub na thug pa myed pas nam yang mi rtogs par thal ba'i phyir ro |  | de'i phyir khyab pa nges pa med kyang phyogs chos tsam gyis don rtogs pa'i tshad ma gzhan yod pas dam bca' ba la gnod do zhes bsaMs 
pa'o |  | lan gdab pa'i phyir ma yin te zhes smos ste |  bsam pa ni 'di yin te |  ci rab du skye ba dang myed pa'i don nam tha snyad rtogs pa'i tshad ma gzhan du rtog pa yin |  dang po ni yod na yod pa dang mi dmyigs pa'i mngon sum nyid yin te de dag nyid de dag gi don yin pa'i phyir ro |  | rmongs pa la de dag 
gi tha snyad du rung pa rtogs pa ni mtshan nyid kyi rtags las rjes su dpag pa ma yin pa ma yin ste |  dpe' sgrub par byed pa gzhan yod pa'i phyir nog dang lkog shal las ba lang gi tha snyad rtogs pa bzhin no zhes bya ba'o |  | 'o na tha snyad zhes bya ba ci zhig yin pas de sgrub pa la dpe' ci ltar yod ce na |  'dir 
gzhan gyi nyes par bshad pa sun dbyung pa dang |  rigs pa'i don brjod pa dang |  de la skyon spang pa gsum gyis nges bar bya ba las |  dang po ni kha cig na re mtshan nyid kyi rtags kyis bsgrub par bya ba 'bras bu dang myed pa dang ba lang lasogs pa'i tha snyad ces bya ba ni mi gi rnam pa tsam yin pas don la yod pa ma yin 


gyi don gyi chos de tsam las sgro btags pa yin no |  | de lta yin dang don la tha snyad kyis khyab pa ni nog dang lkog shal ni ba lang gi tha snyad kyis khyab pa yin ste de tsam gyi rgyu mtshan yin pa'i phyir zhes bya ba khyab byed 'gal ba'i rjes dpag gis grub la |  'di'i phyogs chos khyab pa ni sngon dpe' nag sgur lasogs pa'i 
steng du de tsam las de'i tha snyad zhugs pas grub pa yin pas dpe' sgrub byed gzhan yod do zhes zer ro |  | 'di la re shig don gyi chos rgyu mtshan du mi 'thad par brjod zin to |  | gzhan yang brtags pa dngos po'i bdag nyid du rlom pa la ni don ji ltar bar rtogs pa dang thob pa'i mi slu ba mi rung pas tha snyad 'jal ba'i blo tshad ma 
nyid du mi 'gyur ro |  | khyab pa sgrub pa'i tshul yang mi 'thad de |  dngos po' ba'i rgyu mtshan blos btags pa'i tha snyad la 'khrul pa'i phyir dang |  ma khyab par sems pa la de tsam rgyu mtshan yin pa'i rtags ma grub pa'i phyir ro |  | yang kha cig tha snyad ces bya ba rgyu mtshan las gzhan pa'i don gyi chos ni 
myed kyi don gyi cha de dag la 'dzin pa'i rnam pa mi 'dra ba brjod pa dang 'jug pa kun nas slong pa'i blos yul du byed pa tsam yin la |  de lta bu'i 'dzin stangs kyang 'ga' zhig du rgyu mtshan 'dzin pa nyid kyis 'dren pas na rgyu mtshan la tha snyad kyis khyab pa ni dpe' la tha snyad gsal ba'i don rig pa nyid kyis grub pa yin pas dpe 
sgrub byed gzhan yod do zhes zer ro |  | de yang mi 'thad de |  gal te don dang tha snyad dag don la ldog pa gnyis myed na bya byed du mi 'gyur te sgra dang sgra nyid bzhin no |  | de nyid kyis na don las tha snyad rtogs pa'i blo yang tshad ma gzhan du mi 'gyur te gzung pa 'dzin pa'i phyir dran pa bzhin no |  | 'dzin pa'i rnam 
pa mi 'dra ba'i yul du byed na yang ming gi rnam pas yul du rung pa de dngos po la mi gnas pa dang don las ldog pa gzhan myed par mi 'thad de |  don la zhen pa'i ldog pa blo la myed pa dang don dang tha snyad kyi blo yang gnyis myed par thal ba'i phyir ro |  | khyab pa don rig pa nyid kyis grub pa yang ma yin te |  de 'de lta bu'i 
rtog pa bskyed du zin kyang yul du ma byas pas mi 'khyul pa nges pa myed pa'i phyir ro |  | gzhan yang phyogs 'dir sgrub bya dang khyab pa'i tshul shin du ma 'brel pa ma du smra ba yod pa mi brjod te |  rang gi tshul brjod pa nyid kyis sgrim pa myed par sun 'byin par 'gyur ba'i phyir ro |  | gnyis pa rang gi lugs ni rtags 'di 
tha snyad sgrub yin pas khyab pa dpe' la mngon sum gyis grub ces bya'o |  | de yang don dang tha snyad sgrub pa'i khyad par dang |  sgrub bya tha snyad kyi don dang |  dpe' la khyab pa grub pa'i tshul gsum gyis nges par byas pa las |  dang po ni 'o na don dang tha snyad sgrub pa ces bya ba'i rtags kyi khyad par ci yod ce na |  kha cig na re 


| sgra shes la ma ltos pa dang ltos pa sgrub pas don dang tha snyad sgrub pa'o zhes zer ro |  | de'i ltar na ming gi ngo bor snang pa dang zhen pa zhes bya ba brda'i grags pa rnams kyang de la ltos pa'i chos sgrub pas tha snyad pa'i grags pa nyid du 'gyur ro |  | yang kha cig rtags 'dzin la dgag bya snang du mi rung pa dang rung pa 'gog pa yin 
te |  me dang shing bkag pas du ba dang sha pa 'gogs pa bzhin no zhes zer ro |  | 'di ni phan tshun 'khrul zhing ma khyab pa yin te |  gzhi dag par 'dzin pa la skad cig ma'i bum pa dang bum pa 'dzin pa'i sha za snang du mi rung pas spyi dang khyad par du byed pa bkag pa' bye brag dang byas chos kyi don 'gog par thal ba dang |  mi rtag 
pa'i dngos po snang rung la dngos po tsam snang du mi rung ba mi srid pas rtag pa la dngos po'i don dgag mi dgos par thal ba'i phyir ro |  | 'on kyang 'dir 'di skad brjod de spyir bsgrub bya gang la tshul gsum tshang pa de de'i rtags yin pa na sgrub bya tha snyad tsam dang don sgrub pa la tshul gsum tshang pas de dag gi rtags su gsal mod 'di la spyad pa ci 
yod |  gnyis pa sgrub bya'i don kyang don dang tha snyad ces bya ba mtshan nyid dang mtshon byar rung pa ste sngar dpyad zin to |  | 'on kyang gzhung gi skad las rgyu mtshan la rten pa'i tha snyad ces bya ba ni don la zhugs pa'i sgra blo yin ste |  rgyur mtshan can gyi sgra shes sgrub ces gsungs pa'i phyir ro |  | 'dir bsgrub par bya ba ni tha snyad der 
rung pa ste don la sgra blo la 'khrul pas zhen rung du rung zhes bya ba chos rnams kyi mtshon byar brjod pa de nyid yin no |  | gsum pa ni de ni brda' ma dran pa'i dbang gis phyogs la mngon sum gyis mi rtogs la |  dpe' la ni brda' sbyar nyid gyis don dang blo myong pa'i mngon sum nyid kyis khyab pa grub po zhes sngar brjod zin pa nyid 
do |  | des na dpe' la ni phyogs gyi tshad ma las gzhan mngon sum gnyis kyis bsgrub par bya ba'i chos grub po zhes brjod par bya ba yin no |  | phyogs 'di la rtsod pa ni gal te tha snyad du bya ba don gyi chos yin na ni gtan tshigs don sgrub pa nyid du 'gyur la |  mngon sum la rtogs pa khyad yod par yang 'gyur ro zhe na | 
kho bo cag don nyid la mtshan nyid dang mtshon bya'i ldog pa bsgrub pas don dang tha snyad pa'i rtags su smra la |  mngon sum la rtogs pa'i khyad par ni 'dod pa nyid te 'khrul pa'i rgyu mtshan yod myed lasogs pa rgyu khyad par yod pa'i phyir dang po ba dang goms pa'i mngon sum bzhin no |  | gzhung gi cha dag las tha snyad brda tsam 
ces pa dang 'gal ba'ang ma yin te |  tha snyad don la gnas pa'i chos yin yang de ma shes pa la brda' 'ba' zhig bstan pas chog ste |  de la blo ma 'khrul pas zhen rung ni don grub pa nyid na grub pa'i phyir ro |  | don la blo ma 'khrul pas |  'o na mngon sum gnyis po phan tshun la bsgrub bya dang gtan tshigs mi 


snang pas khyab pa ji ltar 'grub ce na |  rgyud cig la yul cig du yul cig la 'jug par skyes pas byed pa cig 'dren pa'i phyir snga las sgra byung par shes pa bzhin no |  | gal te don la brda' sbyor ba'i rdeg pa rang dga' ba ma yin nam des zhen par grub pas yul bden par mi 'grub ste |  sgra la rtag par rtog pa rang rig pas myong 
pas kyang sgra rtag pas khyab par thal ba'i phyir ro zhe na |  'dir rtog pa tshad mar byas pa ma yin gyi 'on kyang de 'jug pa nyid du myong pas rung par grub pa yin te |  ji ltar tshad ma gnyis kyis rgyu tshogs pa las 'bras bu skye bar mthong pas skyer rung pa shugs la 'grub pa bzhin no |  | der ni zer rtog tshad mar ma grub pas yul bden par mi 
'grub la |  de lta bu'i rtog pas zhes rung du 'grub kyang de tsam rtag pa'i tha snyad ma yin ste blo ma 'khrul pa'i phyir ro |  | don de nyid thugs la bzhag nas de dag rtags las rtogs pa'i rjes dpag du sdud pa na spyir bstan pa de la zhes pa 'am |  yang na re shig 'dir du ba me yod myed kyi rjes su byed pa las rab du skye ba'i 'bras bu'o 
zhes bya ba'i tha snyad sgrub pa de la'o |  | tha snyad 'jug pa'i yul ni don yin la de rtogs pa'i blo ni tha snyad skye ba'i rgyu mtshan te de dag rtogs pa gcig pas gnyis ka bstan pa 'am |  yang na tha snyad 'jug pa'i yul nyid te rnam 'jog gi rgyu mtshan yin te de ltar bstan pas sngon myu gu lasogs pa'i steng du de tsam las 
yul can sgra blo'i tha snyad zhugs pas 'brel pa grub pa'i yul can de dran par byed pa'i phyir |  rjes su dpag pa yin te du bas me rtogs pa bzhin no |  | 'di 'i sbyor ba ni gang tha dad yod myed kyi rjes su byed pa de ni de'i 'bras bu'i tha snyad du rung ste sa bon la myu gu bzhin no |  | du ba yang tha dad pa'i me'i rjes su byed pas
zhes bya ba rang bzhin gyi rtags so |  | chos de dpe' la mngon sum gyis nges pa'i rgyu mtshan ni rgyu dang 'bras bu de dag gi don gyi ngo bo nyid ni rjes su 'gro ldog bya ba'i yul dang byed pa las gzhan ma yin pas de nyid la brda' zhugs pas so |  | de bzhin du sngon ri bong gi 'go' lasogs pa rwa dmyigs par rigs pa mi
dmyigs na yang de tsam las myed do zhes pa'i brda' brjod pa yin te |  'brel pa grub pa de'i phyir 'jim gong lasogs pa'i phyogs 'dir rgyu mtshan bstan pas tha snyad du rung pa sgrub par byed pa yin no |  | ci ltar ce na |  mi dmyigs na myed do zhes bya bar ro |  | de tsam de'i rgyu mtshan yin na de mthong pa nyid las 
'jug mod snyam na |  bden mod kyi brda' mi dran pa'i rmongs pa la ste |  'di la snang rung gi bum pa myed pa'i tha snyad bya ste mi dmyigs pa'i phyir ri bong gi mgo la rwa bzhin zhes rang bzhin gyi rtags las shes pa'i rjes dpag yin te |  nog dang lkog shal las ba lang gi tha snyad rtogs pa bzhin no |  | 


| don las tha snyad tsam sgrub pa'i dpe' ni ji ltar sa bon 'jog pa'i tshul gyis lus skyed pa la pha'i tha snyad du byed ba bzhin no |  | 'o na snang du mi rung pa ma dmyigs pa las rtogs pa'i blo ji ltar ce na |  bsgrub bya gnyis las de myed pa'i tha snyad bsgrub pa la 'khrul pas tshad ma nyid ma yin la |  yod par nges pa'i tha 
snyad du bya ba la tshad mas dmyigs pas khyab pa rang rig pas grub pa las rgyu mtshan de myed pas rgyu mtshan can gyi yod par nges pa'i tha snyad 'gog pa la tshad ma yin kyang khyab byed mi dmyigs pa'i rjes dpag du 'du ba yin ste |  dper na skyes bu 'di ni 'di 'i pha'i tha snyad du bya ba ma yin te lus skyed byed ma yin pa'i phyir bum pa 
bzhin no zhes bya ba lta bu'o |  | 'dir yang rmongs pa la zhes rjes su 'jug ste |  thams cad du tha snyad pa'i rtags bstan pa'i yul ni rmongs pa nyid yin pa'i phyir ro |  | gal te phyogs la chos mthong pa ni sngon shes pa'i khyab pa ma dran na mkhas pas kyang sgrub bya rtogs par mi 'gyur la dran pa rmongs pas kyang rtogs 
pa ma yin nam |  mkhas pa dang rmongs pa'i khyad par ci yin ce na |  sngon de tsam las de'i tha snyad zhugs bzhin du 'ang 'dir de mthong yang mi 'jug pa nyid rmongs pa yin no |  | de lta na yang gzhan gyis don bstan pa nyid na tha snyad pa grub pa ni mi 'thad de |  bstan pa'i ming gis don nges pa nyid na don la ming blo ma 'khrul 
pas zhen rung grub pa'i phyir ro |  | ming gi khyad par nges pa las ni ltos pa myed par mtshon bya'i skabs su brjod pa yin no zhe na |  bden mod kyi tha snyad chos gsum po de nyid la sngar mtshon bya'i ming btags pa de ming gzhan gyis mi dran pa'i phyir ro |  | 'o na tha snyad de sngon btags pa'i ming kho nas dran par bya dgos 
na brda'i thog mar tha snyad mi grub par 'gyur la |  gdod sbyar bas kyang 'grub na phyogs la'ang brda' bstan pas tha snyad mngon sum gyis rtogs par 'gyur te dpe' bzhin no zhe na |  thog mar sbyar ba dang grags pa dang grags pa'i don nyid la gdod sbyar bas mtshon bya go bar 'gyur gyi gzhan gyis mi 'gyur bas |  phyogs la'ang 
mngon sum gyis rtogs par rung mod kyi sngar grub zin gyi 'brel pa bstan pas rjes dpag skyes pa nyid ches 'dzes ste sgra lasogs pa'i phyogs thams cad la gnod pa can rung yang yod pa nyid sbyor bzhin no |  | mkhas pa la ni tha snyad pa'i gtan tshigs bstan par bya ba ma yin ste |  ming gis rung pa don tsam dang 'brel 
par shes pa'i phyir ro |  | de lta yin yang kha cig shes pa myed pa'i tha snyad rtags la ltos par ma nges kyang |  don myed pa'i tha snyad ni thams cad du rjes su dpag pa nyid kyis grub pa yin gyi mngon sum gyis ni mi rung ste |  myed pa nyid dmyigs par 'gal la yod par ma dmyigs pa tsam yang 'khrul la dmyigs rung yod 


par ma dmyigs pas ces pa ni khyab pa la ltos pas rjes dpag du 'gyur ba'i phyir ro  || rjes dpag de yang rmongs pa la dgag bya'i rang bzhin mi dmyigs pa yin la |  mkhas pa la khyab byed dmyigs pa myed pa yin no zhes zer ba ni mi 'thad de |  sngar brjod pa'i tshul gyis tha snyad thams cad sgra la ltos pas brda' shes pa 
dang mi shes pa'i rjes su byed pas don dang shes pa'i dbye' ba mi 'thad pa'i phyir dang |  tha snyad du sgrub pa khyab byed mi dmyigs par 'gal bas mkhas rmongs la rtags kyi khyad par mi 'thad pa'i phyir dang |  don dgag pa'i tha snyad thams cad du rtags la ltos na dpe' thug pa myed pa'i skyon mi spongs pa'i phyir dang rmongs pa la zhes gang zag gi 
khyad par bzung pa mi 'thad pa'i phyir ro |  | myed pa'i tha snyad mngon sum gyis rtogs pa'i tshul mi 'thad pa yang ma yin te |  gzhi dag par dmigs pa nyid snang rung yod pa ma dmyigs pa yin te de tsam las myed pa'i sgra blo 'jug pa'i phyir ro |  | de lta ma yin na shes pa myed pa'i tha snyad dang don myed pa'i don nyid la brgal 
zhing brtag pa ji ltar yang |  gang yang slob dpon gyis myed la dbang skyes blo min te |  ces bya ba dang |  myed pa de'i yul du 'gal ba'i phyir ro |  |  zhes gsungs pa ni dngos po myed pa nyid gzung yul du mi 'gyur pa la dgongs pa yin la |  dgag pa gang ci snyed pa de thams cad mi dmyigs pa las yin no zhes bya 
ba yang rtags la ltos pa nyid ma yin par skabs su bab pa na bshad par bya'o |  | sogs pas bsdus pa don gyis go ba dang nye bar 'jal ba dang dngos po myed pa rnams ni mi 'thad par sla ba dang le'u gsum par zhar la 'gog pas 'dir brgal lan ma mdzad do |  | gnod pa myed pa nyid kyi mjug sdud pa ni de'i phyir ces 
pa de ltar gyi don de |  mngon sum ma yin pa'i tshad ma ni rjes su dpag pa las gzhan yod pa ma yin no zhes sbyor ro |  | ci 'i phyir zhe na |  mngon sum yin pa rtogs pa thams cad mi 'khrul pa'i chos gzhan nges pa la ltos pa'i phyir la de yang gtan tshigs nyid yin pa'i phyir ro zhes bya ba'i don 
to |  | da ni 'di dag la slu ba med do zhes bstan pa de rgyas par bsgrub pa na re shig phyogs snga ma brjod pa ni gzhan dag ces bya ba tshu rol mdzes pa ba ste |  ji skad brjod pa'i tshul gyis tshad ma gsum pa mi 'thad pa'i phyir dang |  rjes su dpag pa yang tshad ma ma yin pa nyid te |  myed pa'i don 'dzin 
pa'i phyir thag pa la sbrul du 'dzin pa bzhin no |  | dngos po yang rjes su dpag pas thob par bya ba ma yin te |  ma bzung pa'i phyir ser po'i blos kar po bzhin no |  | bye brag du yang lan cig de las byung pa ni rang gi rgyu de la 'khrul pa yin te med dang sa bon las skyes pa'i du ba dang ud pa la dag 


gtsubs stan dang lci ba las kyang 'byung pa'i phyir ro |  | bdag nyid cig pa yang gtan tshigs ma yin ste |  sngon po dang zlum po bum pa'i bdag nyid du grub kyang phan tshun 'khrul pa'i phyir ro |  | de ltar 'brel pa gnyis 'khrul na de dag gi stobs kyis dgag pa'i rtags cig ltar mi 'khrul ste |  des na rtags 
gsum la rtogs pa tshad ma ma yin no |  | de'i phyir mngon sum ma yin pa'i tshad ma myed do zhes zer ro |  | 'di la re shig tshad ma yin pa la brjod pa'i spyi dang bye brag gi skyon de dag ji ltar myed pa'i tshul ni 'og nas 'chad par 'gyur la |  rjes dpag gcig du don la phyin ci log par smra ba nyid la yid ches pas 
bsal pa brjod pa'i phyir de ni rigs pa ma yin te zhes smos so |  | ci ltar ce na |  'dir rjes dpag tsam tshad ma 'gog pa la rang gi tshig gis bsal nyid yod kyi de btang snyoms su byas ste |  bye brag du rtags gsum gyi rjes dpag yong pa la khas blangs kyi bsal pa ston pas |  gang gi phyir tshad ma gzhan yang 
srid pa nyid kyi phyir ro zhes sbyar te |  de la tshad dang gcig shos spyi gzhag dang |  zhes bya bas ni gang bstan par bya ba'i rnam par rtog pas smra ba po'i rgyud la rang bzhin gyi rtags las 'ongs pa'i blo tshad mar khas blangs pa bstan to |  | gzhan blo rtogs par byed phyir dang zhes bya bas ni gang la bstan par bya ba'i yul 
rtogs pas 'bras bu'i rtags las 'ongs pa'i blo tshad mar khas blangs pa bstan to |  | 'ga' zhig dgag pa byed phyir yang zhes bya bas ni nyan pa po dang gnyi ga'i rgyud la mi dmyigs pa'i rtags las 'ongs pa'i blo tshad mar khas blangs pa bstan to |  | de rnam par 'grel pa ni re shig rtsa ba dang po'i don la rnam gzhag smra 
bas rjes dpag khas blangs pa'i tshul ni tshu rol mrdzes pa'i slob dpon de slob ma la rnam gzhag smra ba na smra bar bya ba de rjes su dpag par bya ba las ma 'das so zhes sbyar ro |  | rnam gzhag ji ltar bu zhig smra ba na zhe na |  mngon sum kho na tshad ma yin gyi rjes dpag ni ma yin no zhes de dag gi mtshan nyid 
la tshad ma yin gyi spyi khyab smra ba na'o |  | dgos pa ci'i don du zhe na |  rang gi ji ltar bstan pa'i don la slob ma'i 'jug pa mi 'khrul par bya ba'i phyir ro |  | 'o na smra bya rtags kyis dpag par ji ltar 'gyur zhe na |  dpe' thag pa la sbrul 'dzin dang me 'dzin lasogs pa shes pa'i bye brag 
'ga' zhig gi ste du dngos po 'dzin pa dang mi 'dzin pa la slu ba dang mi slu bas khyab pa dmyigs nas |  khyab pa de dang chos mthun pa'i dngos po 'dzin pa dang mi 'dzin pa mngon sum rjes dpag gi phyogs la mthong pa las |  ji ltar khyab pa bzhin du tshad ma yin ba dang ma yin par sgrub pa de ni sto de'i phyir du ba las 


me dpag pa bzhin te des de'i blo rjes su dpag par yang grub po |  | dpe' la khyab pa grub pa dang bsgrub bya grub par yang mi 'gyur te |  de'i mtshan nyid la khyab pa grub kyang rtsod gzhi mtshon bya yin pa'i phyir ro |  | rjes dpag khas mi len na rnam gzhag mi 'thad pa ni rjes su dpag pa de yang bden par ma grub pa'i 
phyir gzhan 'jug pa'i yan lag du rnam gzhag ston pa'i brtan bcos bya ba ma yin par rigs so zhes sbyar ro |  | 'di gang las ce na |  slob dpon nyid kyis yul nyams su myong pa ste |  sngar dpe' la mthong pa'i gsal ba 'ga' zhig las ma gtogs pa smra bar bya ba tshad ma yin min gyi rnam gzhag cung zad kyang 
rtogs par mi 'gyur bas so |  | gsal ba 'ga' zhig rtogs pa de nyid smra mod ce na |  gsal ba de dag gis kyang don 'di gzhan la ston par byed pa mi 'os ste |  rang kho na'i rgyud la yod pa dang mtshon par bya ba ma yin pa zhes bya ba don med pa dang mi nus pa'i phyir zhes bya ba'i don to |  | ci 'dra ba ni 'jug 
pa dad brjod pa dang 'gal ba ste |  kho bos khyed la mi bden pa'i don bstan to zhes bya ba'o |  | gang dag gzhung 'dis bstan pa ltar rtogs pas slob ma'i rgyud la rjes dpag khas blangs par 'chad pa de dag gi ltar na slob dpon gyi smra bar bya ba dpe' la myong pa'i gsal ba tsam du 'gyur bas |  gsal ba bstan du med 
ces dang |  mtshon par bya ba ma yin ces pa 'gal zhing |  slob mas rjes su rtogs pa rjes dpag du 'dod pas des smras pa las gzhan gyis ces 'byung par thal ba dang |  cung zad kyang mi rtogs ces pa'i tshig slob dpon la sbyor na gzhung snga ma ma 'brel zhing slob ma la sbyor na phyir ma mi 'brel par 'gyur ro |  | 
rkang pa gnyis pa 'chad pa ni lus ngag gi rig byed las gzhan la blo yod par rtogs nas blo dang ldan pa gzhan gyis khong du chud par bya'i phyir ma shi bar du ci bder spyod ces bya ba lasogs pa'i bstan bcos kyang byed la |  'bras bu'i rtags las rjes su dpag pa'i tshad ma yang 'dor ba ni mi rigs ste |  de bden pa'i
don can ma yin na gzhan la bstan pa rtogs pa'i blo myed pas 'jug pa 'bras bu myed par 'gyur ba'i phyir ro |  | rjes dpag myed pa'i skyes bu ni bstan bcos byed par mi rigs ste 'jug pa 'bras bu myed pa'i phyir ro zhes bya'o |  | gal te de myed kyang mngon sum gyis rtogs pas de ltar mi 'gyur ro zhe na | 
blo de gzhan gyi lus dang 'brel pa ni skyes bu tsam gyis mngon sum du mi rtogs so | zhes smos ste |  ci ltar ce na |  re shig de lus 'dzin gyis dngos su rtogs na de kha dog dbyibs ltar lus kyi bdag nyid du 'gyur la |  de 'gog pa lus nyid ni ces pa ni gzhung 'di ni rtags gsum du 'gyur te |  lus tsam ni 


| blo ma yin te rang rig pas blo'i ngo bor ma dmyigs pa'i phyir sem pa la gdung pa bzhin no zhes bya ba de'i ngo bo ma yin pa'i tha snyad sgrub pa'i rang bzhin no |  | skad cig ma sngon po rig pas ma dmigs kyang bdag gcig pas ma nges par yang ma yin ste |  skad cig ma'i rdzas ni sngon po nyid yin pa'i 
phyir ro |  | yang na gzhan gyi blo ni lus kyi bdag nyid ma yin te |  lus 'dzin gyi mngon sum gyis bltar rung gi khyad par ma dmyigs pa'i phyir pha rol gyi cha bzhin no |  | zhes bya ba bdag nyid kyi tha snyad 'gog pa'i khyab byed mi dmigs pa'o |  | chos can ni sgra'i don tsam rang rig pas grub pa yin no || 
'di dag nyid kyis lus dang blo chos can rdzas cig nyid ma yin te grub ma grub 'gal ba'i chos dang ldan pa'i phyir bum pa dang chu bzhin zhes bya ba 'gal bas khyab pa'i rtags kyang mtshon pa yin no |  | gal te de dag rdzas gzhan du ma grub par rtags 'di mi 'grub la rdzas gzhan du grub na yang gcig khegs pa nyid 
yin pas rtags su mi 'thad do zhe na |  chos tha dad grub pa tsam gyis rang bzhin gcig pa'i sgro 'dogs mi khegs ste lus dang yan lag bzhin no |  | yang rmongs pa la tha snyad kyi 'khrul pa sel par yang mi 'thad pa med do |  | lus 'dzin pas shugs la rtogs pa 'ang ma yin te bzlog pa'i sgro 'dogs 
mi 'gal ba'i phyir bum pa 'dzin pas chu bzhin no |  | des na 'jug pa don yod par 'dod pa khyod kyis 'bras bu'i rjes dpag khas blangs pa yin no zhes bya'o |  | gal te tshad ma gnyi ka myed kyang thams cad rang dang gzhan gyi don la 'jug pa ltar yid spyod dang the tsom las 'jug pa 'ang 'bras bu med 
par ci ltar 'gyur zhe na |  de lta mod kyi rjes dpag log pa nyid du smra ba la de 'ang mi 'thad pa'i phyir ro snyam du dgongs pa'o |  | rtsa ba gsum pa 'chad pa ni 'di ces pa ste |  gzhan yang rgyang phan pa 'dis mi dmigs pa'i rjes dpag tshad mar khas blangs pa yin te mi snang pa'i gzhi 'ga' zhig 
du lha dang sems dmyal lasogs pa myed ces dgag pa byed pa'i phyir ro zhes bya'o |  | khyab pa ma grub snyam pa la re shig dgag pa de mngon sum gyis bya bar 'os pa ma yin ste |  'di ltar don gzhan 'dzin pas shugs la'am myed pa nyid dngos su snang pas byed grang na |  dang po ni gzhi skal pas mi 
rung ngo |  | gnyis pa yang don rig pa ni myed pa gzung yul du byed pa ma yin te don gyi nus pa la ltos pa'i phyir ro zhes bya ba khyab byed 'gal ba dmigs pa'o |  | mi ltos ste don yod pa nyid kyis 'dzin pa yin na ni chod pa dang yul ma yin pa la yang de 'dzin pa skye bar 'gyur ro |  | gal te 


yul ma yin pa'ap mngon sum log pa nyid kyis bskal pa'i dngos po myed par rtogs pa yin no zhe na |  nyams pa ni 'jal byed myed pa dang gzhal bya rtogs pa 'gal ba'o |  | de nyid bshad pa ni de log na ces ba'o |  | gal te mngon sum nyid myed kyang de log pa las myed par nges pa'i blo gzhan zhig yod 
do zhes dogs par byas nas yod na ni zhes pa'i lan ni gang zhig bkag pas gang myed par nges pa de nyid mi dmigs pa'i rjes dpag khas blangs pa yin no snyam du dgongs pa'o |  | gang dag 'ga' zhes pa'i tshig spyir byas nas gzhan dag dgag bya la log pa dgag gzhi 'dzin pa'i mngon sum nyid kyi bkag pa rtogs 
so zhes rgol pa 'gog par byed pa ni |  rigs pas mi 'thad par sngar brjod pa dang lan gi gzhung mi 'brel bas ma yin no |  | 'di snyam du blo gsum po 'di dag rjes dpag yin par mi 'thad te dngos po 'dzin mi 'dzin la tshad ma yin min kyis khyab pa nyid myed yin pa'i phyir ro |  | spong pa'i phyir pha rol gyis rjes 
dpag du 'dod pa 'ang ma yin no |  ci ltar ma 'brel pa'i gzhung 'god snyam na |  bden mod kyi ji ltar 'dod pa'i don de dag de ltar nges pa yin na rjes dpag gsum khas blangs par 'gyur ro zhes bstan pa yin no |  | da ni kha cig de ltar spyi gzhag lasogs pa'i don 'ga' zhig la mi slu yang yid brtan du myed pa 
yin te |  tshul gsum pa'i rtags las shes pa de'i rang bzhin la ud pa la las sa bon dang lhan sbyin gyi bu las sngo bsangs dpog pa lasogs pa 'khrul pa mthong pa'i phyir ro zhes smra ba la |  ma yin te zhes 'khrul pa dgag pa la dngos po'i sgrub byed 'god par byed de |  | de yang gang du 'khrul pa de ni rjes dpag de'i
rang bzhin rtags las rtogs pa nyid mtshon pa'i phyir te |  rtags kyi mtshan nyid khyab pa ni rang bzhin 'brel pa yin la zhes bya ba lasogs pas rtags bsgrub bya la mi 'khrul par bstan nas |  rtags las shes pa tshad mar bsgrub pa ni 'di ltar ces pa ste |  rtsa ba phyed snga mas dpe' dang phyi mas phyogs chos sbyar 
ba'o |  | de'i 'grel par thog ma'i mngon sum la dpe' bsgrub pa ni gnyi ka la tshad mar grub pa'i mngon sum yang ces pa ste |  mi slu ba ni 'dzin stangs don la mi 'khrul pa'o |  | don la mi 'khrul pa yang don gyi 'bras bu yin pa ste rjes su 'gro ldog mi byed pa ni de la mi 'khrul pa ma yin te | 
sgra la myig gi slo bzhin zhes bya ba'i don to |  | 'dis ni tshad ma rtag par 'dod pa 'ang don la 'khrul par bstan pa yin te don gyi rjes su mi byed pa'i phyir ro |  | rnam pa myed pa dag gal te zhes mngon sum don cha mi 'khrul pa'i rgyu mtshan gzhan du rtog pa la slob dpon gyis mthong zhes pa'i sgra gnyis la 


| 'jug par gzigs ste las dang byed po'i chos su brtags nas phyogs dang po la thal ba'i ngag 'di de lta na don thams cad mthong pa yin pa'i phyir skyes bu thams cad kyis mngon sum du 'gyur ro zhes don gyis tha snyad 'phen par sbyar te | 'di la mthong pa don chos su khas blangs kyang don thaMd mthong par ma grub
ste sngon po bzhin no snyam na | ma yin te 'ga' zhig du 'ga' zhig gis ma mthong pa'i don 'ga' 'ang myed pa'i phyir ro | | 'o na dngos po la don byed pas khyab kyang thams cad thaMd kyi don mi byed pa ltar khyab pa ma grub pa yin no zhe na | der ni 'bras bu'i khyad par la ltos pa'i chos yin la 'dir ni me tsha ba dang be
du rgya sngo ba ltar don dag pa'i chos su khas blangs pa la brjod pas mtshungs pa ma yin no | | tshul 'di las gzhan du 'chad pa ni nor ba nyid las mi 'da'o | | gnyis pa 'gog pa ni shes pa yin no zhes pa ste 'brel med la mi 'khrul pa mi 'thad pas so | | mthong pa'i phyir zhes rtsod gzhi lan du smra ba la
brtsad cing dri ba ni sngar gyi lan mthong pa de yang ces pa brtags pa'i skabs yin pas mi 'thad ces pa'o | | 'brel pa myed na shes pa don la mi 'khrul par mi 'thad pa de'i phyir zhes pa ni khyab pa'i 'jug sdud pa'o | | dngos po sgrub pa'i rjes dpag la phyogs chos sbyar ba ni mi 'khrul ba'i rgyu mtshan don dang 'brel pa de
ni ces pa'o | | gal te 'brel pa la tshad mas khyab pa myed na mngon sum tshad ma'i khyab byed rjes dpag la yod pas tshad mar ci ltar 'grub ste log shes bzhin no zhe na | bden te 'dir don la mi 'khrul ba'i rgyu mtshan 'brel pa yod pas mi 'khrul par bsgrub pa'i skabs yin no | | tshad ma nyid du bsgrub pa
ni 'brel pa'i stobs kyis sngar ma rtogs pa'i don la sgro 'dogs sel pa'i phyir zhes bya ba la ltos so | | gal te pha rol rjes dpag khas mi len pa la rjes dpag nyid bsgrub pa la rjes dpag sgrub byed du ji ltar 'gyur zhe na || 'di dag rjes dpag la sdug pas tha snyad khas mi len du zin kyang don la 'jug pa yin te 'gal
ba dang 'brel pa'i rgyu mtshan las dgag dgrub byed pa'i phyir | ba lang rdzi dag la'ang mngon sum sgrub byed du mi 'gyur ba ma yin no | | 'di snyam du 'ga' zhig mngon sum yang sgrub byed du khas mi len na de la tshad ma nyid bsgrub pa'i thabs myed par 'gyur ro zhes ni mi bsam ste | re shig don dang shes pa'i yod pa
nyid ces bya ba'i tha snyad chad par ma gyur cig ces shes bya ji lta bar myong pa'i blo 'ga' zhig ni khas blang par bya ba yin la || de yang yul la de dang de ma yin pa'i tha snyad byed pas dngos po myong pa'i stobs kyis sgro 'dogs sel pa zhes bya ba mngon sum tshad ma'i don khas blangs pa nyid la | tha snyad ni de tsam la brda' sbyang


'grub pa'i phyir ro | | de nyid kyi phyir 'ga' zhig gis rjes dpag kho na tshad mar brjod par mi nus ste shug pa myed par mi 'gyur ba'i yang phyir ro | | des nas tha mi shes pa dag mi khas len pa dang mi len pas don grub pa dang khegs pa ma yin la | cung zad rtog ge la rten pa'i gzhung lugs la de lta bu myed pas sun dbyung pa'i gnas su
ma bkod do || || de ltar mtshan nyid kyis khyab pa'i tshad ma'i dbye' ba spyir bstan nas | mngon sum bye brag du gtan la dbab pa'i phyir de la zhes smos ste | la zhes bya ba bdun pa'i sgras gang la dbye' bar bya ba'i gnas bstan nas mngon sum ni ces par rigs kyi sgo nas dmyigs kyis dkar ba yin no | | 'dir mngon
sum rtog bral ma 'khrul pa | ces bya ba ming dang don sbyar ba ni ma yin ste | rtog bral ma 'khrul pa ni mngon sum gyi ming bshad pa dang 'jug pa'i don ma yin pa'i phyir bum pa dang mi rtag pa bzhin no || mtshan nyid dang mtshon bya bsgrub pa dang rjes su brjod pa yang ma yin ste | tshogs pa de mngon sum gyi mtshan nyid ma
yin pa'i phyir dang | yin na yang mtshan nyid kyi sngon du mtshon bya nyid grub pa mi rung pa'i phyir ro | | des na mngon sum ces pa'i ming don la mngon du byed pa la 'jug pa nyid kyis ming gi don gzung ba la ma 'khrul pa'i mtshan nyid ma grub pas mtshon bya shes te 'on kyang mtshan nyid de rtog bral gyi khyad par can du bsgrub 'dod pa
nas rtog bral ma 'khrul pa zhes khyad par gyi gzhi brjod nas chos bsgrub pa yin te sgra ni mi rtag pa'i dngos po 'o zhes bya ba bzhin no | | de rgyas par bshad pa na mdor bstan du brjod pa bde bas rtog bral sngon du smos kyang rgyas par bshad par don nyung pas ma 'khrul pa ngos gzung pa tsam byed pa na rab rib dang ces bya ba lasogs pa ni
'khrul pa gang gis bskyed pa'i rgyu tha dad pa ste | dbang po dang yul dang gnas la yod pa'o | | 'khrugs pa ni gang byed pa'i nus pa gcig pa ste || de dag gis dbang po nyams par byas pa'o | | sogs pa zhes bya ba so so dang spyi la sbyar bas mtshon pa sdud pa yin no | | de dag gi bskyed pa'i shes pa la ni don du snang
pa yod kyang don nyid myed pas snang yul la log pa'i shes pa yin pas || 'dir de dag gis 'khrul pa ma bskyed pa ni gzung pa la phyin ci ma log pa yin no | | 'dir bcad pa'i don la mi slu ba ni ma 'khrul pa'i don ma yin te | mngon sum du bzhed pa skad cig lasogs pa snang pa la ma khyab pa'i phyir dang
rtog med tshad ma zhes bya ba mngon sum las don gzhan du 'gyur ba'i phyir ro || || bden pa'i yul can yang ma yin ste || bden pa'i don sgro ma btags pa las gzhan du mi 'thad pa'i phyir dang | yul yang gsum las rtog myed la zhen yul myed cing | 'jug yul bden pa sgro btags kyang yin pas


| ha cang thal ba nyid kyis gzung yul yin la |  de bden pa ni dngos po la brjod dgos pas dngos po snang pa nyid las gzhan du mi 'thad pa'i phyir ro |  | des na gzung pa la ma 'khrul pa ste dngos po snang pa nyid mngon sum gyi mtshan nyid du gzhung la gsal ba dang rigs pas kyang 'thad pa yin no |  | 'o na slob dpon ni gzhung 
lugs du ma'i tshad me 'jog pa yin na 'di thun mong pa yin nam 'ga' zhig gi yin |  dang po na mi rung ste |  gzung don rgyu yin pa dang blo nyid yin pa dang |  dngos por myed pa'i phyogs la ma khyab pa'i phyir ro |  | so so'i las 'di don rnam pa myed pa'i dbang du byas zhes kyang brjod par mi nus ste |  gsum pa'i 
mngon sum logs su brjod pa myed pa'i phyir dang |  'dir don rnam myed kyi rnam gzhag mdzad pa nyid myed pa'i phyir ro zhe na |  'di gzhung lugs thams cad kyi yin kyang ma khyab pa ma yin ste rnam pa dang bcas pa'i lugs la don dang blo'i rnam pa'i dngos po snang pa'i phyir dang | gang tshe gzung 'dzin rnam phye ba'i |  | mtshan 
nyid rnam par bslad pa can |  ces bya ba'i lugs la yang mngon sum la snang pa ni spyi dang skra sogs las khyad par du gyur pa'i dngos po 'dod pa yin ste |  bag chags brtan pa'i dbang gis 'khor ba ji srid par don byed pa zhes gsungs pa'i phyir ro |  | des na grub mtha' tha dad pa dag gis kyang me dang chu lasogs pa don byed pa'i 
dngos po nyid la bsnyon par mi nus so |  | de lta yin dang 'dir re shig don yod rnam bcas pa'i tshul la brten nas bzhag pa yin la |  de'i rang dang gzhan rig pa'i mngon sum ni rang nyid dang don gyi rnam pa'i dngos po snang pa ste |  ji skad du |  bdag nyid gsal ba myong pa yin |  | don dang 'dra ba dmyigs pa yin |  | zhes 
'byung pa bzhin no |  | yang na don nyid mi snang pas don la ltos nas mngon sum mtshan nyid pa ma yin mod kyi 'on kyang don gyi rnam pa snang pa las don la mngon sum zhes btags pa yin ste |  shes pa rnam bcas phyogs la ni |  | dngos su de gnyis tha dad kyang |  | de dang gzugs brnyan 'dra bas na |  | btags 
pa tsam zhig tshor bar rung |  | zhes bshad pa bzhin no |  | rtog bral bshad pa la re shig gang dang bral bar bya ba'i rtog pa de nyid gang zhe na zhes dri ba la |  'dir brdzun pa'i yul can dang don gyi ngo bo tshol ba la mi rung pas mngon par brjod can gyi shes pa zhes smos so |  | de 'grel pa na 'dis brjod pas na rjod pa ste dngos su 
brjod par byed pa'i ming ngo |  | de dang 'dres pa ni don ming gi rnam pa can du snang pa yin de ni brda' mi shes pa rnams la myed pas rung pa zhes smos ste |  brda' shes pa na 'dre bar nus pa'i phyir ro |  | mdor na rtog pa'i mtshan nyid ni sgra'i dngos kyi don 'dzin pa yin te ji skad du |  shes gang la la'i sgra don 'dzin : 


de ni de la rtog par brjod |  | ces gsungs pa yin no |  | don spyi 'dzin pa ni rtog pa'i mtshan nyid du mi brjod te rang gi mtshan nyid 'dzin pa la rtog pa'i log rtogs myed par thal ba'i phyir ro |  | 'o na brda' mi shes pa rnams la don du snang pa'i rtog pa nyid yod par gang las zhe na |  bya ba la 'jug ldog gi khyad par dmyigs pa'i phyir 
bdag gi rgyud bzhin no zhes 'bras bu'i rtags nyid las rtogs la de la mtshan nyid kyang don spyi 'dzin pa de nyid kyi phyir sgra don 'dzin pa yin ste bdag gi yid shes bzhin ces pa'i rang bzhin rtags kyis 'grub ste |  don spyi ming dang 'dre bar mthong pa na 'drer rung gis khyab pa 'grub pas so |  | ci ltar bral ba'i tshul ni de dang ces pa mtshan 
gzhi' rdzas nyid la snyag go |  | de tha dad yod par bral ba ma yin gyi ngo bo yod par bral ba ste |  rang gi yul la ltos nas rtog pa'i rdzas kyang ma yin pa'o |  | yang na mtshan gzhi khyad par du byed pa'i mtshan nyid la snyag pas de dang bral ba ste |  gang don nyid mngon du byed pa de rtog pa'i mtshan nyid kyis mi 'jug pa'i phyir ro  | 
de lta yin dang mngon sum rtog pa'i ngo bo 'am ldog pa ma yin pas rtog bral du brjod ces bya ba'i brtag pa las grol ba yin te |  mngon sum dang rjes su dpag pa dag rtog pa'i rdzas yin pa dang ldog pa ma yin par mtshungs kyang rang gi ldog pa la de'i mtshan nyid yod pa dang myed pas rtog pa dang mi rtog par brjod pa'i phyir te |  ji ltar 
tshul gsum gyi rdzas dang ldog pa yin pa dang ma yin par mtshungs pa'i byas pa dang gzhal bya dag gtan tshigs dang gtan tshigs ma yin par 'gyur ba bzhin no |  | don 'di nyid las par ti kar |  | shes gang la la'i sgra don 'dzin |  | de ni de la rtog par brjod |  | rang gi ngo bo sgra don min |  | de phyir de la rtog 
mi byed |  | des na de la kun mngon sum |  | zhes gsungs pa yin no |  | de ltar na dngos po snang zhing rtog pa myed pa mngon sum gyi mtshan nyid du bstan pa yin gyi mi slu ba lasogs pa ni ma yin no |  | mngon sum tshad ma'i mtshan nyid ni sngar ma rtogs pa'i dngos po snang pa'i stobs kyis sgro 'dogs gcod pa zhes 
brjod zin to |  | gal te dngos po 'dzin pa dang spyi mi 'dzin pa mngon sum gyi mtshan nyid yin pa sgra'i don rang rig gis rtogs par bya ba la mngon sum ma yin pa'i tshad mar 'gyur ro zhe na |  mi 'gyur te shugs kyi yul la mngon sum dang tshad ma sgra gcan gyi mgo bo ltar gzhi mthun du mi smra'o |  | mngon sum 
gyi stobs kyis tshad mar gyur pas de'i tshad mar brjod pa yin te glang po'i shing rta bzhin no |  | des na de ni mngon sum gyi tshad ma yin yang mngon sum nyid ma yin no |  | de bzhin du mngon sum nyid yin yang de'i tshad ma ma yin pa dang gnyi ka yin pa'i mu gsum du gnas pa yin no |  | de nyid kyi phyir mtshan 


| nyid nye bar bzung pa'i dgos pa yang rtog bcas rtog myed kyi ltar snang pa gnyis bcad pa'i don ma yin te de la gnyis mi dgos pa'i phyir ro |  | gnyi ka log rtogs tsam sel pa 'ang ma yin te mtshan nyid ma brjod par thal ba'i phyir ro |  | 'on kyang bstan bcos byed pa rnams kyis mtshan nyid du bkod pa ni thams cad du rigs mi 
mthun pa gcod pa dang |  log rtogs sel pa'o |  | dang po ni rang gi tha snyad thun mong ma yin par 'jog pa ste ji skad brjod pa'i skyon gsum dang bral ba'o |  | gnyis pa ni don ldog gzhan du 'gyur yang khyad par gyi chos la 'khrul pa sel pa'o |  | 'dir yang gzung pa la ma 'khrul pas ni mngon sum ma yin pa mtha' dag bsal 
bas de nyid de'i don yin la rtog bral gyis ni kha cig mngon sum don nye ba nges pa'i rtog par smra ba bzlog pa yin par gdon mi za'o ||   || so so'i ngo bo bshad pa'i glad 'dir de ni rnam pa bzhi ste |  dbang po dang yid dang rang rig pa dang rnal 'byor gyi mngon sum mo zhes rigs pa'i tshigs par gsungs pa'i 
rab du dbye' ba blta bar bya ste |  so so'i ngo bo bshad pa'i phyir ro |  | de yang dbye ba'i gzhi dang dngos po dang rgyu mtshan dang don dang grangs nges pa lnga las |  dang po gnyis ni ji skad bshad pa'i mtshan nyid dang ldan pa las dbang po lasgos pa'i mngon sum bzhir dbye ba'o |  | rgyu mtshan ni bye brag du smra ba dang rna ma phug pa dang 
spyod pa ba dang rgyang phan pa rnams kyi log rtogs bzlog pa'i phyir yul dang bdag po'i rkyen tha dad pa'i sgo nas so |  | dbye ba'i don ni gsum char rang rig dang ngo bo gcig la ldog pa tha dad pa ste |  des na rang rig mngon sum ni bye brag yin yang spyi la khyab pa yin te gsal ba rigs gzhan la brten pa'i dbye ba yin pa'i phyir 
phung po dang 'du byed kyi phung po bzhin no |  | gsum po nyid ni ngo bo tha dad pa yin te dus dang rten mi mtshungs pa'i phyir ro |  | grangs nges pa yang yul rang gzhan gnyis su nges la |  gzhan shes pa yang bdag po'i rkyen dbang po gzugs can dang yid la rten par nges shing |  yid kyang tha mal pa dang goms pa gnyis su nges pa 
'i phyir ro |  | 'di dag las kyang gnyis ni tshad mas grub la gnyis ni 'du las grags pa yin la |  gzung pa rang las rdzas tha dad pa dang mi dad pa'i sgo nas rang rig gzhan rig gi mngon sum gnyis su nges pa ni tshad ma nyid kyis 'grub po |  | dbye ba smos pa'i dgos pa ni grangs dang ngo bo nges pa bzhir shes pas spyi'i mtshan 
nyid don du gnyer ba'i 'jug yul rtogs pa'i don te |  'on kyang dgos pa de dbye ba myed na myed pa ma yin pas 'dir gzhung du ma bkod do |  | da ni dbye ba so so'i ngo bo rim pa bzhin du bshad pa la re re la yang thun mong ma yin pa'i mtshan nyid dang |  mtshan gzhi dper brjod pa dang |  mtshan nyid bsgrub pas nges 


par bya ba las |  re shig dbang po'i shes pa zhes bya ba ni bdag rkyen dbang po gzugs can las yul shes pa'o |  | dbang po'i mngon sum ni bdag rkyen dbang po gzugs can las rtogs bral ma 'khrul pa'o |  | dbang po'i tshad ma ni bdag rkyen dbang po las dngos po snang pa'i stobs kyis sgro 'dogs sel pa'o |  | de ltar na dbang po'i shes 
pa la 'khrul pa dang ma 'khrul pa dang tshad ma gsum ste |  blo 'di dag rgyu gsum gyi shes pa yin yang gang gis thun mong ma yin par 'gyur ba bdag pos khyad par du byas pa'i ming gis brjod de 'bras kyi chang zhes pa bzhin no |  | de la dbang po'i mngon sum gyi mtshan gzhi myig dang rna ba dang sna dang lce dang lus la brten nas gzugs 
dang sgra dang 'dri dang ro dang reg bya 'dzin pa ste rab du grags pa de dag nyid yin no |  | gzhi'i de dag las dang spyi'i mtshan nyid bsgrub par bya ba las |  re shig rang gi mtshan nyid dbang po gzugs can las skyes pa ci ltar 'grub ce na |  dbang po zhes bya ba grub mthas kun brtags pa nga ni tshad mas khegs la |  rkyen gsum la 
ci yang rung pa'i rgyu gzhan zhig dpag par yang nus pa ma yin ste |  de las yang rkyen gsum gyi rdzas tshang yang 'bras bu res 'ga' ba'i rtags ldog pa la the tsom za ba'i phyir dang |  rkyen gsum gyi nus pa tshang pa nyid ni 'bras bu ma mthong par mi 'grub la mthor na yang grub zin pa gzhan la mi ltos pa nyid kyis dam bca' bca' ba la 
bsal ba'i phyir ro |  | gzhan yang gsum po rgyu nyid du sgrub pa yang de lta bu'i rnam par brtag pa las mi 'da' bas phan tshun rten par 'gyur ba'i yang phyir ro |  | kha dog dang reg pa'i khyad par 'di dag nyid dbang po yin no zhes bya ba yang mi rung ste |  dbang po shes pa yul 'dzin pa'i bdag rkyen lkog gyur du bshad pa'i 
phyir ro |  | ji skad du rnam 'grel las |  de phyir dbang dang nus sogs la |  | dbang po'i blo ni myed phyir ro |  | zhes gsung pa yin no zhes na |  'di ni rjes su 'gro ba'i sgo nas mngon sum nyid kyis grub pa yin ste |  'bras bu mi dmyigs pa las mig kha phye ba'i rjes su yul 'dzin pa dmyigs pas rdzas de la shes 
pa yul 'dzin pa'i nus pa rten par grub pa yin no |  | 'ga' zhig du ldog pa'i sgo nas sgrub pa yang skyon med de |  rkyen gzhan nus pa tshang pa ni rang bzhin khyad par myed pa'i rtags las grub pa'i phyir ro |  | phan tshun rten par 'gyur ba yang ma yin te rjes 'gro 'i sgo nas mngon sum gyis kyang grub par brjod pa'i phyir ro |: 
tshad ma 'di yang slob dpon gyis rang rig pa'i skabs su gsungs pa yin no |  | da ni spyi'i mtshan nyid bsgrub par bya ba las ma 'khrul pa'i sgrub byed mi brjod pa ni mngon par 'dod pa'i mngon sum la 'khrul par rtogs pa nyid myed pas sam |  yang na rang dang gzhan gyi de pa dag mngon par 'dod pa'i mngon sum la gzung pa la ma 


| 'khrul pa ma yin no zhes bya ba'i log rtogs myed pa ma yin kyi |  rtog bral du bsgrub pa dang tshad 'bras rnam par gzhag pa'i skabs kyis bsal bar nus pas de'i rigs pa phyogs cig du brjod pa ma mdzad do |  | gzhan gyi de pa dag don thams cad ming gi bdag nyid yin pas blo thams cad ming gi sgo nas don la 
rtog pa sha stag yin no zhes bya ba'i log rtogs mthug po bsal ba'i phyir rtog pa dang bral bar bsgrub par mdzad te |  de yang mtshan gzhi rang gi ngo bo dpyad pas dngos su bsgrub pa dang |  de'i yul la spyad pas shugs la bsgrub pa'i tshul gnyis las |  dang po yang 'thad pa'i sgo nas rang rgyud kyi rtags gzung pa'i don gyi rnam 
par skyes pas ming dngos po ba snang pa'i rtogs pa 'gog pa ni |  dbang po'i shes pa la ni srid pa ma yin te don gyi mthu yis ni |  | yang dag skye ba yin phyir ro |  | zhes bya ba'o |  | 'dir chos can dang bsgrub bya dang gtan tshigs kyi don gsum las |  chos can ni 'dir dbang po'i shes pa tsam ma yin te 
ji skad bkod pa'i rtags khyab byed du mi 'grub pas dgag bya srid pa mi khegs pa'i phyir ro |  | 'on kyang ma 'khrul pa ste dbang po'i mngon sum mo |  | bsgrub bya'i don la rtog pa'i mtshan nyid sngar brjod pa de la dbye na gnyis ste |  don gyi ngo bo dang khyad par nges pa ma 'khrul pa dang |  'khrul pa la yang 
rdzas tha mi dad rnam par 'byed pa dang |  tha dad pa'i snang brtags dang |  rigs mthun dang |  snga phyi dang |  mi don cig du sre ba'o |  | mi don bsre bas ni spyi la 'ang khyab pas 'dir de 'gog pa yin no |  | de la ming zhes bya ba ni don la brda' btags pa'i sgra ste don rang gi ngo bor go bar byed pa'o |  | de la gnyis 
las dngos kyi brjod byed ni don gyi ngo bor snang pas go ba ste rtogs pa la lto ldir zhabs zhum gyi ngo bor snang pa'i bum pa ces pa'i sgra spyi bzhin no |  | zhen pa'i brjod byed ni don gyi ngo bor zhen pas go ba ste sgra spyi dang don spyi las brgyud nas lto ldir zhabs zhum gyi dngos po go bar byed pa rna ba la grags pa'i sgra bzhin no |   | 
de ltar na spyi gnyis dang rang gi mtshan nyid gnyis dang bsnor ba gnyis ste brjod bya brjod byed mu bzhi las cig ni dngos kyi yin la gsum ni zhen pa'i brjod bya brjod byed yin no |  | de la zhen pa'i brjod bya dang brjod byed snang pa tsam gyis ni rtog par mi 'gyur te |  rtog pa'i mtshan nyid myed pa'i phyir dang dbang po'i shes pa yang 
rtog par thal ba'i phyir ro |  | 'on kyang dngos kyi brjod bya brjod byed snang pas rtog pa yin no |  | de yang gzhan dag dbang po'i gzung pa dngos po yin pas de'i ngo bor gyur pa'i ming yang dngos po yin no zhes rtog pas 'dir dgag bya ni mi dngos so snang pa yin te |  myed na mi 'byung pa zhes rang gi rnam pa'i rgyur brjod pa'i phyir ro || 


dbang po'i mngon sum la de srid pa ma yin ces bkag pa khyab byed du bsgrub par bya ba'o |  | rtags kyi ngo bo ni gzung don gyi rnam par skyes pa'i phyir sngon po 'dzin pa bzhin no zhes bya ba la don ni 'di yin ste |  'dir don rig rnam bcas ba'i lugs la brten pa yin la |  de'i rnam par gzhag pa ni shes pa gang la ci snang pa thams 
cad shes pa nyid kyi ngo bo yin no |  | de la rtog pa dang zla gnyis lasogs pa'i blo ni don gyis ma bskyed te shes pa nyid la snang pas blo 'khrul pa yin la |  gzugs lasogs pa sgo lnga'i mngon sum la snang pa ni shes pa'i ngo bo yin yang don gyi rnam pa yin te |  ji ltar ras kha dog lnga nyi ba las shes sgong sngon po lasogs pa
'i rnam par skye ba ltar |  mchod pa'i don lnga las shes pa don gyi rnam par skye ba yin no |  | de lta yin dang rnam pa gtod pa'i rgyu la gzung pa dang rnam pa la 'dzin par brjod pas gzung pa las 'dzin pa thams cad gzung pa las skyes pa yin te |  ji skad du |  rnam pa gtod par nus pa'i phyir |  shes pa'i gzung 
yul rgyu yin no |  | zhes gsungs pa yin no |  | des na rtags 'di de'i lugs la brten pa nyid kyis phyogs kyi chos kyang bsgrub par mi mdzad do |  | de lta na yang gzung pa'i rnam par skyes pa la ming snang pa mi srid do zhes bya ba 'di 'i khyab pa gang las zhe na |  de don gyi nus pa las skyes pa na zhes bya ba rtags nyid chos 
can no |  | ming mi snang pa nyid te zhes don gyis gnas pa'i sgrub bya la gang gi phyir gzung pa'i don de'i rang bzhin kho na'i rdzas su byed pa'i phyir zhes bya ba gtan tshigs te don ji ltar bar snang ba'i phyir ro zhes bya ba'i don to |  | 'di 'i phyogs chos kyang bsgrub mi dgos ste 'dzin pa'i rnam pa gzung pa las skyes pa dang 'dra bar khas blangs 
pa'i skabs yin phyir ro |  | gal te don ji ltar ba'i rnam pa la yang ming snang pa ci 'gal zhe na |  de lta na don la ming yod par 'gyur ro |  | 'dod pa ma yin te rgyu mtshan gang gis don de ji lta bar snang pa na ming de yang snang pa don la ming 'go' la rwa bzhin du yod pa 'am bum pa la mi rtag pa bzhin bdag nyid ni ma 
yin te |  don 'dzin pa'i mig shes lasogs pas de ltar ma dmyigs pa'i phyir snyam du dgongs pa'o |  | gal te ming ni gzugs dang sgra'i bdag nyid yin pas rna ba dang myig shes la snang du mi rung pa ma yin nam zhes ni mi brtag te de snang na de yang snang par khas blangs pa 'gog pa'i phyir dang |  rnam ldan snang pa'i bdag nyid 
la yid gtad na mi nges pa 'gal ba'i phyir dang |  de'i dbang gis blo rtog par brjod pa'i phyir ro | | 'o na dbang po'i don rnams la don 'dzin gyi mngon sum nyid kyis mi khegs pa na rang nyid rtog bral du grub pa ma yin nam |  de lta ma yin na 'og du 'chad pa'i de ni brjod myed rtogs byed yin |  zhes bya ba  


| shugs kyi byed pa ji ltar 'gyur |  de'i phyir de las 'ongs pa'i rtsa ba'i rtags skra bregs nas skar ma rtog pa nyid du 'gyur ro zhe na |  yul dang yul can du grub pa dag de ltar 'gyur yang don tsam dang dbang po'i shes pa dang de lta ma yin pas nyes pa myed de |  sgra mi rtag par grub pa tsam gyis rna ba'i blo mi rtag pa'i yul 
can du mi 'gyur pa bzhin no |  | gal te don la mi myed kyang de snang pa la de 'ang snang pa ci 'gal zhe na |  de ltar na blo mi mthun pas don ji lta bar snang pa zhes bya ba rtags kyi khyad par ldog la |  de las skyes pa'i snang pa tsam du 'ang mi 'gyur te |  des dming dang ma 'brel pa'i rnam pa ma gtad na bdag thaMd kyis ma gtad par 
'gyur ba'i phyir du gser du snang pa la g.yas su 'khyil pa'i dbyibs bzhin no |  | de lta ma yin na cha shas kyi bskyed bya bskyed byed du 'gyur ba 'am |  sngon pa'i rnam pa'ang ser po las skye bar rung par 'gyur ro |  | gal te don de nyid ming myed par ji lta ba bzhin du snang yang de dang ma 'brel pa'i ming gzhan snang pa ci 
'gal snyam na |  rig pa'i chos te shes pa'i gzung pa ming gi rnam pa 'di don la mi rig pa ste brjod par bya ba'i don dang ma 'brel pa yang ma yin no |  | ci 'i phyir zhe na |  de don dag du sbyor ba ni ming gi mtshan nyid don gyi ngo bor sbyor ba la brjod pa'i phyir ro zhes bya ba'i don to |  | gzhan yang don dang 'brel par mi 
snang na ming de las don mi rtogs pa dang de'i rnam pas don la mi rtog par yang 'gyur te bum pa'i ming las ka ba bzhin no |  | tha snyad du ming las don rtogs pa dang rtog par 'dod pa 'ang yin no |  | gang zhig gang las rtogs pa dang de'i rnam pas rtog pa de yang don de dang 'brel par snang pas khyab ste me zhes bya ba dang tsha ba bzhin no : 
gzhan yang ming logs su snang pa nyid kyang ma dmyigs pas khegs so |  | de lta yin dang gzung pa'i don ming gi rnam pa mi 'jog pa nyid dang don de las skye ba la yang ming mi snang par grub pa yin no |  | de ltar yul dang yul can dag la mi 'khrul pa grub pa de dag nyid rtsa ba'i sbyor bar dgod pa na |  re shig rtogs 
pa cig pa yul gyi steng du sbyor ba ni 'di nye bar gyur pas zhes bya ba nye bar gnas pa'i gzung pa'i don chos can |  skyed par byed pa'i don bdag nyid ma yin pa don gzhan myed na mi 'byung pa'i snang pa mdun du 'jog pa ma yin ste |  gtan tshigs ni rnam par shes pa skyed pa ni ces pa ste |  rang gi rnam pa' rgyu yin 
pa'i phyir zhes bya ba'o |  | dper na ro dang rang gi gzugs lasogs pa rang gi shes pa skyed pa na phan tshun gyi snang pa mi 'jog pa bzhin no zhes bya ba khyab byed 'gal ba dmyigs pas don gzhan tsam gtod pa bkag pas mi gtod pa khegs so |  | yang na gzung pa'i don ni rang gi 'dzin pa la ming gi snang pa 


gtod par mi byed te snang pa'i rgyu yin pa'i phyir bum pa bzhin no zhes bya bar grub po |  | khyab pa sngar bsgrubs pa dran pa la sbyar ba ni rnam pa'i rgyu la mi gtod pas khyab pa de'i phyir ro |  | skabs kyi don yul can gyi ste du sbyor ba ni don de'i stobs kyis skyes pa'i rnam par shes pa chos can |  skyed par byed pa las don gzhan 
gyi rnam pa 'dzin pa ma yin te |  gzung don de las skyes pa'i phyir ro dang gzugs lasogs pas skyed pa'i shes pa phan tshun gyi rnam pa mi 'dzin pa bzhin no zhes bya'o |  | yang na mi 'dzin pa ma yin ste |  myig shes bzhin zhes brjod par bya ste |  'di yang khyab byed 'gal ba dmyigs pa'o |  | 'di yi khyab 
pa yang sngar bsgrubs pa de'i phyir zhes bya la bsnyag par bya'o |  | gal te dpe' bum 'dzin gyi mig shes ming mi snang pa nyid du ci ltar grub cing |  der gtan tshigs dang chos can ltar grub pas khyab pa grub pa na sgrub bya grub par yang 'gyur te |  de lta ma yin na snga sgra'i steng du mnyan bya mi rtag par grub kyang 
sgra tsam la mi 'grub pas mnyan bya yang sgra mi rtag pa'i rtags su 'gyur ro zhe na |  der gzung don las skyes pa'i ldog pa nas ming mi snang par grub kyi |  dbang shes rang ldog nas de ltar grub pa myed la |  de'i mthus kyang rtags rang gi ngo bor gyur pa'i dbang shes ming mi snang par grub kyang rtags kyi ngo bo ma yin pa'i dbang 
shes dgos pas dbang shes tsam la ming mi snang pa'i bsgrub bya mi 'grub la |  mnyan bya rang ldog nas mi rtag par nges pa myed cing sgra bsnyan bya ma yin pa'i dogs pa 'gal bas mtshungs pa ma yin no |  | de ltar don la ming myed pa nyid kyis gzung don las skyes pa tsam la ming mi snang par bsgrubs nas |  da ni yod kyang dbang 
shes thams cad rtog par mi 'grub ces brtag pa bzung nas kyang pha rol 'dod pa 'gog pa ni ming don rnams kyi bdag nyid yin du bdug kyang ces smos ste |  ming gi sgra chos can dbang po gzhan gyi shes pa'i gzung yul ma yin ste |  shes pa gzhan skyed par mi nus pa'i phyir gzugs kyis rnam ba'i shes pa bzhin no zhes bya ba 
khyab byed mi dmyigs pa ste |  sgra tsam la blo gzhan skyed pa'i nus pa khegs pa na blo de'i gzung pa'i bdag nyid du gyur pa 'ang khegs la rgyu ma yin yang snang yul ma yin pa'i phyir ro |  | snang na ha cang thang ba'i yang phyir ces pa ni dbang po du ma la rnam 'jog dang dgos pa'i don myed par ro |  | gal te skyed pa'i bdag 
nyid yin kyang mi skyed cing mi snang na cha shas kyi bskyed par byed pa dang snang par 'gyur zhing sngar bdag nyid de 'dzin la snang du rung pa las zhes bya ba 'gal lo zhe sda |  bden te nyid kyis na de lta bu dngos po'i chos su mi gnas pa yin te byas pa dang ma byas pas khyab pa khegs pa'i rtag pa'i dngos po khegs pa bzhin no |  | kha cig 


| rtsa ba'i rtags don kho na las skyes pa zhes bya bas sgras ma bskyed ba'i phyir ces pa'i khyab byed myed pa 'ang thob par byas nas |  bskyed na snang pa srid do zhes de'i bzlog khyab dang sgras ma bskyed pa nyid kyi phyogs chos sgrub pa dang ma nges par rtog pa dgag pa dang sbyor ba'i don bsdu ba rnams gang gi phyir dang gang gis dang rig pa'i chos dang de'i phyir 
ces pas 'chad pa ni legs par bshad pa ma yin te |  bzlog khyab kyi gzhung mi 'grigs pa'i phyir dang ma grub pa yong na des bskyed pa des kyang bskyed par ces 'gyur ba dang |  ming gi rnam pa tsam don du sbyor bas don 'bras bu sgra spyis ma nges la ming dngos po'i snang pa'i don du sbyor ba'i gtan tshigs ma grub pas ma nges pa yong par mi 'thad pa 
dang |  sgrub pa dang sdud pa'i rtags tha dad pa ma 'brel pa'i phyir ro |  | de ltar dbang po'i shes pa la rtog pa mi srid na ji skad brjod pa'i mtshan nyid can gyi rtog pa de shes pa gang la srid par 'gyur snyam na |  zhar la rtog pa srid pa'i gzhi bstan pa ni mtshon bya rnam par rtog pa can gyi mtshan gzhi ni bdag rkyen yid la rten pa'i rnam 
par shes pa'o |  | de la ji skad brjod pa'i rtags mi 'jug ste gzung don gyi nus pa nye ba la ltos pa myed par skye'o |  | de nyid kyis dbang po'i don cig du ma nges par thams cad 'dzin par byed pa yin te |  don gyis bskyed na gang skyed byed de kho na ma 'dres par snang pa'i phyir ro |  | gal te don gyis ma bskyed kyang don 'dzin na sngar brjod pa 
'gal bar mi 'gyur ram zhe na |  don nyid 'dzin pa ma yin gyi rnam pa thun mong par 'dzin pa yin no |  | 'o na de rgyu gang las skye snyam na rigs mthun pa'i rnam par rtog pa'i bag chags kyis skyes shing |  don gyi rnam par snang pa ni don de dag sngon nyams su myong pa dang 'brel pa las so |  | 'o na rgyu gnyis las byung par khyad 
par myed pas rtog pa thams cad kyis thams cad kyi tshe thams cad 'dzin par thal bar 'gyur ro zhe na |  snang pa'i nus pa mye pa myed kyang ngo bo nges pa'i rgyu ni 'ga' zhig ces pa myong pa'i khyad par dang 'brel pa las don gyi khyad par du rtog ste |  de yang ji ltar goms pa'i dbang gis ming dang don nam don nyid lhan cig gam so sor 'dzin pas skyon myed do |  | 
nus pa ma nges pa zhes bya ba yang don thams cad snang nus pa ma yin te rang gi mtshan nyid 'dzin mi nus pa'i phyir ro |  | rang gi yul thams cad snang pa ni dbang po la yang yod mod kyi don thams cad kyi rnam pa snang par nus pa yin no |  | gzhan yang zhes bya ba ni bsgrub pa'i pa'i rnam pa gzhan bstan pa yin ste |  rang gi mtshan 
nyid dam spyi 'ang rung don gyis sgra sbyor ba dang shes pas sgra 'dzin pa dgag pa nyid la rang gi rnam pa'i rgyu yin pa dang don gyi rnam par skyes pa las rigs pa gzhan yang ngo |  | 'di yang dngos su thal ba brjod te 'dod pa la ha cang thal bas bzlog pa rang rgyud ston pa las |  re shig rtsa bas yul dang yul can gyi steng du thal ba bzhi brjod pa ni don 


chos can shes pa la rang gi rnam pa nye bar sbyor ba brda' dran par bya ba la ltos par 'gyur te | rang gi rnam pa las gzhan sgra'i snang pa yang sbyor ba'i phyir ro | | gal te de ltar 'dod na | don de dbang po'i shes pa'i chod pa'i rgyur 'gyur ba yin zhes bya ba'o | | yang yul can dbang po'i blo chos can don 'dzin pa brda' dran pa la ltos par 'gyur
te | don de la ming sbyor ba'i phyir ro | | gal te de ltar 'dod na | de'i phyir blo de chod par 'gyur ba yin ces sbyar te don las dngos su ma skyes par 'gyur zhes bya ba'o | | 'grel par skabs don yul can la brjod pa'i thal ba'i dbang du byas ste thal ba dang bzlog pa'i khyab pa ston pa ni 'di ltar ces pa ste | lto ba ldir ba la bum pas
las gzhan ka ba'i brda' ma dran pas de'i ming mi sbyor ba bzhin zhes pa'o | | rdzas su 'gro ba yang gang gi ming snang pa dang de la sngon sbyar ba'i brda' dran pa dag rgyu dang 'bras bu nyid du yid kyi shes pa la rang rig pas grub pa yin no | | brjod pa snang pa brda' dran pa la ltos pa de lta na yang dran pa dang dus mtshungs pa'i don las dbang po
'i shes pa skye bas thal ba gnyis pa'i khyab pa myed do snyam na || dus mtshungs na de ltar rung par 'gyur na brda' dran pa ni don nye ba sngon du ma song par ma yin no zhes thal bas bsgrub pa ni rnam pa gtod pa'i don nye bar byas pa'i brjod bya la yid gtad pa myed na don de'i khyad par gyi ming dran pa mi 'thad la | don gang gi brda'
dran pa la'ang don de nye bas khyab pa spyi'i steng du grub pas sam || gdags gzhi mdun du byas pa las brda' sbyar bas khyab pa grub pas don dngos po ba'i ming yin na yang gdags gzhi'i sngon du mi nye ba khegs pa yin no | | de des ma byas na ces pa ni don de kho na'i sgos ming du dran par mi rigs zhes snga ma nyid rjes su
brjod pa yin gyi 'thad pa 'am don gzhan ston pa ma yin no | | yang gi sbyar ni brda' ma dran par ming mi sbyor ba sdud pa'o | | de ltar khyab pa brgyud pa'i 'bras bu ni des na ces pa ste | dbang po'i shes pa ni don dang brda' dran pas bar du chod pa'i phyir don las dngos su ma skyes par 'gyur ro zhes bya ba 'di gnaso |
'di snyam du de lta na yang don gyi rgyu snga mas brda' dran par byas te phyi mas ming sbyor ba'i dbang shes dngos su skyed pas thams cad du don las dngos su mi skye bar thal ba med do zhe na | bum pa lasogs pa'i don gang sngon dbang po'i blo dngos su mi skyed pa'i rgyun phyi ma de ni chos can no | | phyis kyang dngos su mi skyed pa kho nar
'gyur te | don thams cad rang gi 'dzin pa la sgra'i snang pa nye bar sbyor bar khyad par myed pa'i phyir rgyun snga ma bzhin zhes bya'o | | rtags 'di ni sngar don ni nye bar sbyor ba na gzhan yang sgra sbyor na zhes bya ba pha rol gyis khas blangs pa yin no | | khyab pa ni de'i phyir ces pa ste | sgra sbyor ba bda' dran


| pa la ltos pas don las dngos su mi skye bar sngar grub pa de nyid kyi phyir ro | | ci te sgra nye ba sbyor bar khyad par myed kyang don snga mas dngos su mi skyed la phyi mas skyed pa la 'gal ba ci yod snyam na || de ltar na don gyi nus pa gcig ni dbang po'i blo gcig la dngos su byed pa dang mi byed par 'gyur na de ltar ni 'gal bas ni
mi rung ngo | | don gyi rgyun snga phyi nus pa ci ltar cig ce na | dngos su mi skyed pa'i rgyu mtshan shes pa la sgra sbyor ba'i don gyi bdag nyid tha dad myed pas rgyu mtshan can gyi nus pa la khyad par 'gal ba'i phyir te | lkog shal mtshungs pa'i gong ba la ba lang gi tha snyad bzhin no zhes bya ba'o | | yang na nyer sbyor ni 'grel pa'i
nus pa ste don gyi rgyun snga mas dngos su mi skyed pa dang dbang shes nye bar sbyor ba'i nus pa khyad par myed pa'i phyir zhes bya'o | | 'o na skyed par byed pa nus pa nyid ma yin nam | des na rtags dang rtags can du mi 'thad do zhe na | yod mod kyi 'on kyang skyed pa ni 'bras bu sgrub bzhin pa'i gnas skabs yin la nus pa ni de bsgrub
pa'i mthu' la brjod pas tha dad te | de lta ma yin na rgyu rtag pa'i nus pa 'phel 'grib myed pas 'bras bu res 'ga' ba mi skyed par thal ces pa lasogs pa'i sbyor ba mi 'god par 'gyur ro | | khyab pa la 'khrul pa sel pa ni nus pa cig nyid 'bras bu cig la zhes bya ba'o | | nus pa khyad par myed par gang las zhe na
bdag nyid tha dad myed pas ste | rkyen gzhi tshogs pa'i khyad par gyi rdzas khyad par myed pa'i phyir zhes pa'i don to | | 'di 'i phyogs chos na rkyen gzhi 'i gnas skabs tshang par 'dzin pa'i mngon sum gyis grub pa yin no | | gal te 'dir ma nges pa yin te skyes bu snang pa nas grib khang du zhugs pa lasogs pa rgyu tshogs pa
yongs su 'gyur ba la ltos pa rnams rdzas khyad par med dang skad cig dang pos dngos su mi nus kyang phyi mas nus pa dang | bye ba dang khyi bsnyon pa'i dug dag la'ang rang bzhin khyad par myed kyang phyis 'chi bar byed pa mthong pa'i phyir ro | | de dag mthar 'bras bu de nyid la nus par rigs gcig las ma 'das pa ltar ni 'dir yang brgyud nas
dbang shes la nus par gcig pa nyid do zhe na | de dag la dbang po dang lus lasogs pa'i rdzas kyi gnas skabs khyad myed pa'i rtags ma zhugs par gsal te rdzas kyi gnas skabs 'phos pa las nus pa khyad par du 'gyur ba'i phyir ro | | gal te rtags 'di thal bar brjod pa ma yin nam tshul gnyis tshad mas bsgrub par mi
'thad do snyam na | don phyi ma la snga ma dang nus pa khyad med pa nyid rigs pas gnas pa rjes su brjod pa yin gyi dngos su mi skyed pa dang khyad par myed pa zhes bya ba'i khyad par khas blangs yin pa'i phyir ro | | 'o na don gyis dbang shes dngos su mi skyed med de las cir 'gyur zhe na | 'dod pa la ha cang thal ba ni des na ste de'i


phyir dbang po'i blo ni don myed kyang yod par 'gyur zhes bya'o |  | gal te don snga phyi las dngos su ma skyes pas don ye med kyang yod par thal ba ma nges la don dang dus mnyam du myed par thal ba ni gzung pa rgyur smra ba'i lugs la 'dod pa ma yin nam zhe na |  'grel pa don gyis dngos su brda' dran par byed kyi dbang po'i blo la dngos su mi sbyor ba'i phyir 
zhes 'dod pa blangs nas thal ba'i don ni don gyis dngos su ma bskyed pa'i phyir dbang po'i blo ni don ma chod pa las mi ltos par thal te mes po dang tsha bo bzhin no zhes brjod pas 'dod pa dang 'khrul pa myed do |  | da ni ji skad brjod pa'i thal ba rnams bzlog pas tshad ma'i 'bras bu sdud pa na |  re shig dbang po'i gzung don ma chod pa las skyes pas 
don las dngos su skyes pa yin no zhes bya ba'i rang bzhin gyi rtags don gyis blta'o |  | don las dngos su skyes pa'i phyir brda' dran pa'i bar chad myed ces khyab byed 'gal ba'i rtags rtogs pa gcig pa don la 'god pa ni don gyi nye bar sbyor bas dngos su skyed par byed pa'i phyir brjod ba dran pa'i bar chad myed ces pa'o |  | des rgyu mi dmigs pa 
rtsa ba'i rtags grub pa ni de'i phyir dbang po'i mngon sum 'bras bu ming snang pa'i rtog par grub zhes blta'o |  | gal te rtags thal bar brjod pa 'dis khyab pa la 'khrul pa yong par mi nus ste thal ba'i blo tshad ma ma yin zhing bzlog pa'i blo gzhan 'phangs pa myed pa'i phyir ro zhe na |  de lta mod kyi khyab pa gnad cig pa dran pa la 
sbyar ba nyid kyis bsgrub bya rtsa ba'i thal bar bskyal bas sam 'dod pa la khas blangs kyis bsal bar brjod pas kyang 'khrul pa yangs pa grub po |  | yang na snga ma ltar 'khrul par rtog pa la don rgyun phyi mas kyang sgra sbyor gyi dbang shes dngos su mi skyed te snga ma dang nus pa khyad par myed pa'i phyir snga ma bzhin zhes rang rgyud du sbyar yang rung pa nyid 
te |  des na ces pa'i bsal pa ni sngar gyi de ma thag pa'i 'bral bur ming 'gyur ro zhes pa rtsa ba'i thal ba la snyeg pa'i phyir ro |  | de ltar na gzhan yang ces pa'i gzhung 'dis gzung don las dngos su skyes pa'i rtags kyis sgra tsam gyi snang pa yang bkag pas dbang po'i mngon sum sgra sbyor ba'i sgos nas don la rtog pa myed par grub 
pa yin no |  | de lta yin dang gang dag gzhung 'di don gyi mthu' las skyes pa nyid gyi bzlog khyab bsgrub par 'chad pa ma 'brel par smra ba yin te |  gzhan yang zhes 'thad pa bsags pa'i tshig ming 'thad pa'i phyir dang |  rtags mi gcig pa nyid kyi phyir dang |  rang nyid rang gi bsgrub byed du 'gyur ba'i phyir ro |  | de ltar dbang 
po'i shes pa la mi snang pa mi srid pa nyid kyi rtog pa'i khyad par mtha' dag khegs mod kyi byed brag du don phan tshun khyad par can du sbyor ba'i rtog par 'dod pas gzhan yang zhes smos ste |  'di yang rjes su 'gro ldog gi khyab pa bstan pa dang |  dbang shes gnyis la phyogs chos sgrub pa dang |  tshad ma'i 'bras bu bsdu' ba 


| gsum gyis shes par bya ba las |  dang po ni khyad par dang ni ces pa'i tsa ba don tsam 'grel pa dang bcas pa ste |  khyad par ni 'ga' zhig gi chos so |  | khyad par can ni chos can du bya ba'i skyes bu lta bu yin gyi byas pa'i dbyig pa can ni ma yin te de nyid du chos bzhi 'dus par 'gyur ba'i phyir ro |  | 'brel ba ni tha dad 
dang tha mi dad nor dang bdag po dang dung dang dkar po lasogs pa'o |  | 'jig rten gyi rnam par gzhag pa ni 'brel tshul de dag la 'jig rten pa'i brjod tshul te dbyig pa thogs pa la dbyig pa can dang rwa skyes pa la rwa can dang nor dbang pa la nor yod pa zhes bya ba lasogs pa gtam du grags pa'o |  | khyab byed chos bzhi po de shes pa 
yod na de bzhi ba doms nas 'ga' zhig 'ga' zhig gi khyad par can du 'dzin pa'i rtog pa rung ste zhes rjes 'gro bstan nas |  gzhan du min ces pa'i ldog pa bshad pa ni gtso'o bo dang phal pa'i don dang ces ste |  phyir ces bya ba de'i don brjod pa yin gyi gtan tshigs ni ma yin no |  | rtsod gzhi'i dbang po'i shes pa rigs 
gnyis la rtog pa'i khyab byed chos bzhi' 'dzin pa myed pa'i phyogs chos bsgrub pa las |  re shig don tha mi dad rtogs pa'i dbang shes gong bu 'ga' zhig 'gro bar snang pa ltar bu la ni |  ba lang gi rigs dang kha dog gi yon tan dang 'gro ba'i bya ba dang de dag gi gzhi gong bu dang de dag 'brel pa'i ldan pa dang de la brjod tshul gyi 
chos bzhi 'am khyad can du 'dzin pa 'di mi srid pa nyid dang sbyor bar mi rigs ste ces pa don gcig te bsgrub bya'o |  | gtso' bo dang phal pa gnyis dang de dag 'brel pa ste chos gsum mi snang pa'i phyir 'o ma chus bslad pa mthong pa bzhin no |  | ces bya ba khyab byed mi dmyigs pa'i gtan tshigs te |  chos bzhin pa snang 
pa yang myed mod kyi 'dir btang snyoms su bya ba'o |  | de lta na yang gtso' bo dang phal pa tha dad dsod pa'i dbang shes la khyad par can nam chos bzhi 'dzin pa yod dam snyam na |  dbang shes gang la skyes bu dang dbyig pa lasogs pa gtso' bo dang phal pa rdzas tha dad par snang pa'i mig shes de la yang khyad par can nam chos bzhi 
'dzin pa ni ci ltar srid par 'gyur ces sbyar ba bsgrub bya ste |  snga phyi 'dzin pas stong pa'i phyir nam mkha' bzhin ces bya ba khyab byed mi dmyigs pa'o |  | 'di 'i bzlog khyab ni phyed snga ma ste |  chos bzhi 'dzin pa ni snga phyi 'dzin pas khyab pa yin te brda' dran pa'i rgyu las brda' dang tha snyad kyi mthong pa sdud pa'i bdag nyid 
yin pa'i phyir ro zhes byang ste |  chos gnyis 'brel tshul 'di lta bu la sngon 'di skad brjod pas 'di 'o zhes bya ba chos bzhi pa tsug lag gi bryadon yin pas so |  | de 'grel pa na dbang po'i shes pa 'di la chos bzhi 'dzin par byed pa'i nus pa yod pa ma yin te |  gang gi phyir snga phyi chos mthun par dpyod pa myed pa 


'i phyir zhes sbyar ro |  | 'di nyid gang las zhe na |  gzung don las dngos su skyes pas zhes rmos ste |  sngo 'dzin lasogs pa gsal ba 'ga' zhig gi ste su gzung don gyis dngos su bskyed pa la don yod pa 'dzin gyi myed pa mi 'dzin pas khyab pa dang sngar phyi dpyod pa la don nye bas ma bskyed pas khyab pa grub pa yin no |  | de lta 
yin dang dbang po'i shes pa yang snga phyi spyod par byed na yid kyi shes pa dang gnyis spyod pa'i rgyu mtshan don nye bas ma bskyed par khyad myed par 'gyur la |  de'ang 'dod na yid kyi chos ldog chos kyi dbye' ba 'dzin pa dang lkog gyur dpog pa dang don yod pa tsam la 'ang mi ltos pa dang 'dod pas ldog pa lasogs par yang thal ba las |  de ltar 
'dod pa yang ma yin te |  gzung don yod pa la ltos pas mchod pa las skyes pa'i phyir spyod pa med ces blta'o |  | gal te dbang po'i shes pa bdag nyid la snga phyi 'dzin pa'i mthu' myed kyang yid kyis tha dad 'brel pa dang snga phyi gzung pas 'dus byas pa'i chos bzhi dbang po'i shes pas bzung nas don khyad par can du rtog par byed do zhe na 
de chos bzhi 'dus byas kyang dbang po'i shes pa de ltar don khyad par can du rtogs par mi rigs ste de'i khyab byed du ji skad bshad pa'i chos bzhi mi 'dzin pa'i phyir ro |  | des 'dus byas kyang ci'i phyir mi 'dzin ce na |  chos gsum dang bzhi pa de tha dad tha mi dad 'dzin pa'i dbang shes gnyis pa'i yul ma yin pa'i phyir ro zhes sbyar te | 
yul ma yin pa la mi 'jug pa'i phyir te sgra la myig gi blo bzhin no |  | de ltar na dbang po'i shes pa chos can don khyad par can du rtog pa'i rtog pa ma yin te chos bzhi 'dzin pa myed pa'i phyir zhes bya ba'i rtags grub pa de'i 'bras bu bsdu ba ni de'i phyir zhes bya ba'o |  | kha cig chos bzhi 'dzin pa nyid dgag bya rtog par 
byas nas de'i rgyu chos gsum dag pa so sor 'dzin par dom pa dang khyab byed snga phyi'i 'dzin pa dom pa myed pa'i phyogs chos dbang shes rigs gnyis la sbyor ba ni chos bzhi 'dzin pa nyid kyang rtog pa yin mod kyi 'dir gzhung gi bsam pa ma yin te |  chos bzhi shes na khyad par can du 'dzin pa'i rtog pa 'byung gi gzhan du mi 'gyur 
zhes khyad par can du 'dzin pa'i rtog pa dgag byar bshad pa'i phyir ro |  | de ltar rang rgyud kyi rtags kyis bsgrubs nas rtog par smra ba la dngos su thal ba brjod pas kyang sgrub byed 'phen par byed do |  | de la yang re shig de ma thag du brjod pa chos bzhi 'dzin pas brtags pa'i don la 'jug pa'i rtog par brjod pa la thal ba gnyis 
brjod pa las thun mong du bstan pa ni gzhan yang te ni rtog pas bslang na yang |  ces pa'i rtsa ba gsum ste |  dang po ni yul la 'jug bzhin pa'i dbang po'i shes pa chos can 'dod pas ldog par thal te |  brtags pa'i don 'dzin pa'i phyir phyogs las gzhan pa'i rnam rtog thag pa la sbrul du 'dzin pa 


| bzhin no |  | gal te 'dod pas ldog pa'i don yul ma brtags ste gnod pa mthong pas bzlog par nus pa zhes bya ba yul la gnod pa mthong pas bzlog pa ma yin nam de bden zhin myed pa dang ma 'khrul pa'i rtog pa la ma khyab po zhe na | ma yin gyi de la mi rtag go zhes yid ma gtad pas ldog pa la brjod pas 
skyon myed do |  | dbang po'i shes pa la de 'dod par mi nus pa ni dbang po'i blo ni ces pa'o |  | de'i phyir rtog pa ma yin no zhes bya ba khyab byed mi dmyigs pa'i rang rgyud blta bar bya'o |  | gnyis pa ni gtan tshigs de nyid kyis gzung don ma chod pa la mi ltos par yang 'gyur te ba lang dang sbrul lasogs par 'dzin pa'i rnam rtog bzhin zhes 
bya'o |  | brtags pa ni myed pa nyid te yod na brtags par mi 'gyur bas so |  | des na brtags pa'i don 'dzin pa la gzung don la mi ltos pas khyab pa grub po |  | gal te rjes su skyes pa'i nges shes gzung yul brtags pa 'dzin pa'i rtog pa yin yang don nye ba nyid la 'byung pa ma yin nam zhes na |  de mngon sum gyi 
gzung don nye ba la ltos kyang rang gi zhen yul yin gyi gzung pa'i don dngos po ba yod pa ma yin no |  | de lta na yang gzhan dag rgol ba ni 'dir rtog pa gnyis las 'ga' zhig de lta na yang 'di yi rnam pas 'jug pa'i rtog pa ni gzung don nye ba nyid las gzhan du mi 'gyur la kho bo cag gi mngon sum yang 'di nyid yin pas 
khyab pa ma grub po zhes bya ba'i don to |  | 'di 'i rnam pa can yang don nye ba la nges pa 'di ni yod pa ma yin ste zhes gsungs ste |  ci'i phyir zhe na |  gang gi phyir bum pa'i don nye ba myed dang tha dad myed pa las kyang 'di bum pa'o zhes pa'i blo der 'gyur ba'i phyir ro |  | 'o na de rgyu ci las byung ce na |  mtshan mo lus 
kyis reg pa las kyang ngo |  | mtshan mo'i bum pa myed dang tha dad myed pa nyid ces zhe na |  bum pa ni skye mched 'dus pa la brjod pas de dag tshogs pa de dmyig dang lus kyi spyod yul ma yin pa'i phyir ro |  | de 'grel pa na mtshan mo'i bum pa de rang gi dbang shes skyed pa la myed pa dang khyad par myed pa nyid te de la dngos su 
mi nus pa'i phyir zhes bya'o |  | de nyid cis zhe na |  de dbang po gnyis kyi yul ma yin pa'i phyir ro |  | yang na dbang po'i spyod yul ma yin pa'i don ni dbang po'i shes pa skyed pa la myed pa dang khyad myed pa yin te dngos su nus pa log pa'i phyir don spyi bzhin zhes bya'o |  | khyab pa ma grub ste myed pas ni brgyud pas 
kyang mi nus la |  gzugs kyis ni reg pa las brgyud nas 'di yi rnam pa'i rtog pa bskyed pas so zhe na |  brgyud pas bskyed pa ni rgyu sngon 'gags pas kyang yin pas da ltar myed pa las khyad par mi 'grub ces pa'o |  | don bsdu ba ni de'i phyir ces pa ste |  skyes bu 'di bum pa'i gzugs la don nye ba'i mngon 


sum can du rigs pa ma yin no |  | de la gzhan gyis gzugs lasogs pa skye mched bzhi'i yon tan tha dad kyang rten rdzas gcig du 'dod pas |  gal te lus kyis reg pa de bum pa'i kha dog ma yin yang kha dog gi rdzas yin te kha dog gi rdzas ni reg par bya ba yang yin pas reg pas bum pa'i blo 'byung pa ni don nye ba nyid do zhes pa 
ma yin zhes pa'i don ni de lta na yang reg pa las 'di sum pa'o zhes rtog pa ni mi nye ba'i kha dog la yang dmyigs pa' phyir ro zhes bya ba'o |  | dmyigs pa'i don nye ba myed pa de'i phyir kha dog la dmyigs pa'i rnam rtog 'di ni sngon gzugs mthong pa dang da ltar reg pa'i shes pa'i rgyu las dran pa'i yid yin gyi don nye ba'i dbang shes ni 
ma yin no zhes bya ba'o |  | de ltar na rtog pa ni don nye ba la mi ltos pas khyab pa yin no |  | 'dir yang dbang po'i shes pa ni gzung don nye ba la ltos pas rtog pa ma yin no zhes khyab byed 'gal ba dmyigs pa'i rang rgyud gnas pa nyid do |  | da ni rang rgyud dang po'i sgrub bya dag pa'i don mthong pa myed pa la thal ba brjod pa ni gzhan 
yang ces pa ste |  'di yang thal ba nyid brjod pa dang |  gnyis ka'i khyab pa bsgrub pa dang |  bzlog pa'i don bsdu ba gsum las |  dang po la gzhan gyi khas blangs rjes su brjod pa ni 'grel pa'i gal te zhes pa ste |  dbang po'i shes pas rang rang gi ming dang bcas pa'i don kho na mthong pa myed do zhes bya bar nges pa 
yin na'o |  | da ni zhes gzhan gyi khas blangs de thal ba'i skabs su gzigs nas don mthong pa'i skyes bu rnams la don mthong pa'i dbang po'i shes pa zhes bya ba'i ming tsam yang myed par 'gyur te |  don dag pa mthong pa myed pa'i phyir bum pa bzhin no zhes bya ba khyab byed mi dmyigs pa'i |  thal ba las don mthong 
pa nyid yod pas dag pa mthos pa yod ces bya ba bzlog pa'i rang bzhin gyi rang rgyud 'phen to |  | de dag mthong pa myed kyang ming dang bcas pa'i don mthong pa yod pas thal ba dang bzlog pa'i khyab pa ma grub po snyam pa la |  rtsa bar dag mthong myed pa'i skyes su gzhir byas pa la ming dang bsres mthong 'gog pa'i rtags brda' 
dran pa myed pa'i phyir dang de 'ang don dag pa mthong pa myed pa'i phyir ces rgyu mi dmyigs pa gnyis brjod pa ni rim pa ltar |  de ma dran na de dang don |  | bsres nas rig pa de ji ltar |  ces dang |  de rtogs myed na ni |  sgra'i khyad par ci ltar dran |  ces pa'o ||  phyi ma'i rjes 'gro'i khyab pa ston pa ni gang zhig 
yod la ces pa'i rtsa ba phyed dang gsum ste |  sngon barda'i dus su lto ba ldir ba lasogs pa'i don dag pa gang zhig mthong pa yod pa la bum pa shes pa'i brda' gang zhig sbyar bas mthong pa'i don de ltar bu 'dir mthong pa kho na las de'i ming dran par rigs pa yin te me dang du ba bzhin no zhes bya ba'o |  | de'i 'grel par 


| rgyu mi dmyigs pa gnyis po phyogs tsam mtshon pa ni brjod par byed pa'i khyad par gzhan dran par mi rigs pa'i phyir ro zhes pa yin la |  phyi ma'i rjes 'gro ston pa ni gang phyir zhes pa'o |  | de ltar thal ba dang khyab pa gnyis te rtags gsum bar gyi don bsdus pa ni brda' shes pa 'dis ces pa ste |  mas rims 
nas ma sbyar na yang ces dang |  ma mthong na yang ces dang |  'dis ces bya ba'o |  | yang na 'di ni rigs pa gzhan yin te ming dang don mthong pa la phan tshun rgyu dang khyab byed du yod par ston pas gnyi ga mi mthong pas mthong pa tsam yang myed par thal zhes bya ba'o |  | gal te don mthong pa myed pas brda' mi dran ces bya ba 
'di khyab pa ma grub ste |  don mthong pa nyid myed kyang nye ba tsam gyis de'i bag chags sad pas brda' dran pa'i phyir ro zhe na |  'dir don mthong pa dang nye pa zhes bya ba rnam med dang rnam bcas kyi gzung pa la brjod pa ni ma yin gyi rnam bcas nyid kyi rnam pa shar ba dang ma shar ba la brjod pa yin no |  | de la nye bar gnas pa'i 
don chos can ma mthong bzhin brda' dran par byed pa ma yin te zhes bya ba la |  rtags kyi don ni kha cig brda' dang don la brjod bya brjod byed kyi 'brel pa dngos po ba myed pa'i phyir ro zhes zer ba ni mi rigs ste |  bzlog khyab dngos mi srid pa'i phyir dang |  spyi khyab grub pas bye brag khyab byed du 'phen mi nus pas dgag 
bya la brjod bya brjod byed kyi 'brel pa dngos po bas ma khyab par yod pa gegs byed myed pa'i phyir dang |  brda'i dus su skyes pa ces pa'i gzhung dang mi 'grigs pa'i phyir ro |  | des na don las brda' dran pa skye ba de'i 'brel pa dngos po ba myed pa'i phyir zhes brjod te |  'di'i bzlog khyab ni gang zhig ma mthong par bya byed du 
gnas pa ni bskyed bya skyed kyi 'brel pa dngos po ba yin te me dang du ba bzhin zhes bya bas 'grub la |  phyogs chos ni gal te de dag blo la ma ltos pa'i 'brel pa yod na me dang du ba ltar brda' mi shes pa'i ngo na yang yod par 'gyur ba las brda' ma mthong pa la myed pa'i phyir zhes pas bsgrub po |  | yang na don chos can 
rang nyid ma mthong par rang gi mi shes par byed pa ma yin te |  ming don la 'brel pa dngos po ba myed par sbyar ba yin pa'i phyir zhes bya'o |
sbyar pa nyid blos mthong pas khyab pa ni rang rig nyid kyis grub pa yin no |  | gal te don nye ba brda' dran byed ma yin zhes bya ba'i dam bca' ba 'di sngar don gyi nye bar sbyor bas byas pa'i nang gi 'gyur ba myed par yang sgra'i khyad par dran par mi rigs bya ba dang 'gal bar mi 'gyur ram zhe na |  brda' dran pa la don nye ba 


la ltos pa dang don ma mthong pa la dngos su dran byed 'gog pa ma yin te |  'bras bu rgyu la ltos kyang rgyu ma tshang ba la dngos sa skyed par mi nus pa bzhin no |  | 'o na 'brel pa blos sbyar ba yin gyi dngos po ba myed pa'i phyir zhes bya ba gtan tshigs 'di ma grub pa yin te |  dngos kyi don myed par sgra mi srid pa'i phyir ro |  | zhen pa 
'i sgra don 'brel pa myed par brjod na yang sgra las don spyi dpog pa dang 'dir der rtogs myed na ni ces don mthong pa bkag pas sgra spyi 'gog pa mi 'thad par 'gyur ro zhe na |  re shig sgra don gyi 'brel pa blos byas pa nyid du bsgrub pa ni brda' ma mthong pa la myed pas ces brda' rjes su byed pas blos byas par bsgrub pa 'am dngos po ba 'gog pa 
ma yin no |  | de la gal te brda' ma sbyar ba'i tshe myed kyang brda' sbyar ba nyid kyis sgra don 'brel pa dngos po ba skye ste gos la tshon bzhin no snyam na |  de lta na brda' 'dod pas sbyor ba yin pas skyes bu'i 'dod pas don rnams 'gal 'brel du 'gyur ba las 'gyur ba ma yin pa'i phyir ro |  | gzhan yang gal te brda' sbyar ba nyid 
kyis gos la tshon bzhin du don la 'brel par 'gyur na |  de nas de don gyi chos su gnas pas skyes bu thams cad kyi ngo na'ang yod par 'gyur ro |  | skyes bu tha dad pa dag la yod pa dang myed par gyur na don phyogs cig du mi gnas pas rang bzhin myed par 'gyur ba'i phyir ro |  | gal te 'di ma nges ste 'bras bu skyes pa'i 
dus su de la rgyu'i chos dngos po ba 'thob kyang thams cad la ltos nas rgyu ma yin pa bzhin no zhe na |  der yang thams cad kyi rgyur mi 'gyur mod kyi de'i rgyur gyur pa'i chos ni skyes bu thams cad gnas pa yin no |  | bzlog pa'i don bsdu ba ni de ltar na rgyu mi dmyigs pa gnyis kyis don dag pa mthong ma myed pa la mthong 
pa tsam myed pas khyab pa grub pa de'i phyir dag mthong myed na don mthong pa nyid myed par thal ba las mthong pas na dbang po'i shes pa 'dis don dag pa mthong pa yin no zhes rang rgyud kyi gtan tshigs so |  | de la kha cig thal ba dang bzlog pa'i khyab pa de las byung pa nyid la rten pa dang |  bdag cig pa nyid la rten par brjod pa ni 
mi rigs par gsal la |  slob dpon dag mthong pa tsam la dag mthong sres mthong gis khyab pa bdag gcig pa yin pa la |  sres mthong la'ang dag mthong gis khyab pa de las byung pa gnyis kyis khyab pa rjes su 'gro ldog gnyis stos pa gang zhig ces dang de rtogs myed na ces pa yin no |  | des na rtsa ba'i thal ba 
khyab pa ma grub ste sres mthong yin pas ches rtog pa la myed par thal te dag mthong myed pa'i phyir zhes pas khyab pa bsgrub la |  bzlog pa'i rtags ni 'brel pa gnyis ldan yin pas phyogs cig pa ma yin no zhes zer ba 'ang ma yin te |  rjes 'gro'i gzhung ma tshang pa dang |  thal bas mi 'grub pa'i bzlog pas ming 


| pas khyab bsgrub mi 'thad pa dang | rtags kyi grangs nyams par 'gyur ba'i phyir ro | | des na 'dir skyes bu tsam chos can du byas pa la dag mthong myed pas don mthong med pas don mthong pa tsam myed par thal ba rgyu myed pa yin la | bzlog pa 'brel pa stong gnyis la brten nas mthong pa tsam la dag mthon srid par dpog pa de |
las byung pa la ltos pas 'bras bu'i rtags su blta'o | | spyis bye brag dpog pa 'khrul pa 'am yin te khyab pa'i phyir yod pas mi rtag pa'i yod pa dpog pa bzhin no | | 'on kyang khyab pa'i tshul 'dis don mthong pa'i gang zag la rtog med kyi dbang shes mi srid pa khegs kyi dbang shes la rtog pa srid pa ni khegs pa ma yin te |
rgyu 'bras dus mi mtshungs pa'i phyir mngon sum tshad ma myed pa'i phyir mngon sum gyis rtogs pa tsam myed par thal ces bya bas tshad ma sngon du song pa'i tshad ma ma yin pa'i mngon sum gyis rtogs pa mi khegs pa bzhin no | | de ltar gnas skabs ma bzung par rjes su dpag pas bsgrubs nas || da ni slob dpon phyogs kyi glang pos
mngon sum rtog pa dang bral la | | mngon sum nyid kyis grub pa yin | | ces gsungs pa'i don gnas skabs 'ga' zhig du myong pa nyid kyis bsgrub pa'i rnam pa gzhan ston pa ni yang na ces pa ste | 'di yang mngon sum gyis grub pa nyid kyi don brjod pa dang | de khas mi len pa dgag pa gnyis las | dang po yang re
shig gang gi tshe grub pa'i gnas skabs bstan pa ni 'di ltar ces pa ste | phyi rol gyi brtan bya thams cad las rtog pa bsdus te nang du dmyigs pa gang yang rung pa gcig la te gcig du gnas pa'i tshe myig gis gzugs mthong pa'i dbang shes de rtog pas dben par de'i rang rig mngon sum nyid kyis grub pa yin te | 'khrul pa'i rgyu
mtshan myed pa'i phyir mdun gyi sa phyogs su myed du gzhan rig gis grub pa bzhin no | | de 'ga' zhig gis sam ce na | dbang po'i shes pa rtog pa myed par snang pa ni de lta bu'i tshe na srog chags thams cad kyis mngon sum gyis grub pa yin no | | de'i phyir 'di la sgrub byed rjes su dpag pa mi dgos pa nyid do | | 'dir
spyad pa ci dbang po'i blo rtog pa myed pa'i chos 'di gzhal bya mngon gyur ram lkog gyur yin dang po ltar na sngar rjes dpag 'gal zhing gnyis pa ltar na da ltar mngon sum gyis grub pa mi 'thad de || don mngon du gyur la tha snyad lkog du gyur pas zhes kyang brjod par mi nus ste sngar brjod pa'i rtags rnams don nyid bsgrub pa'i phyir ro zhe na |
de'i phyir khyod nyid la 'di dri bar bya ste | ci du ba bkag chos 'di gzhal bya mngon gyur ram lkog gyur yin || dang po ltar na rgya mchod rgyu mi dmyigs pa'i rtags mi sbyor bar 'gyur la || gnyis pa ltar na de'i rjes 'gro mngon sum gyis mi 'grub par 'gyur ro | | phyogs cig du mi smra ste | gzhi 'i dbang gis ci rigs par 'gyur


bas skyon myed de zhe na |  'dir yang ste gzhi 'khrul pa'i rgyu mtshan myed par mngon sum nyid du 'gyur la |  gang gi tshe rtog pa dang lhan cig yul la 'jug pa de'i tshe 'dres pas phan tshun dben pa'i chos snang yang nges par mi nus pas lkog du gyur pa yin te |  skad du ma dus cig sgrogs pa la khyad par mi nges pa bzhin no |  | 'o na 
gnas skabs de lta bu'i mngon sum gyis nges pa 'dren na rtog pa ma bsdus par 'gyur ma mi 'dren na 'ang snang la ma nges par 'gyur bas bsgrub byed du med rung ngo |  | yul don la mi 'dren la shes pa la 'dren pas ces kyang brjod par mi rigs ste nang gi bdag nyid ma bsdus par 'gyur ba'i phyir ro zhe na |  'dir dbang po'i shes pa ni 
tshad ma ma yin yang mi 'gal la nges pa mi 'dren pas tshad ma ma yin par yang mi 'gyur mod kyi |  'on kyang rgyun gyi mthar ji snyed myong pa la nges shes 'dren pas skyon gang yang myed do |  | gal te de lta na rang gi rgyud kyi yid kyi shes pa gcig la rtog pas khyab par mthong pa'i mngon sum gyis kyang srog chags thams 
cad kyis yid shes rtog myed pa'i dogs pa khegs par 'gyur ro zhe na |  de rgyu mtshan gang las |  'dir ni skabs der dbang shes tsam la rtog pa dang 'gal ba la 'gal ba'i yu ris zin pas so |  | der yang khyab pa nyid la khyab pa'i yu ris zin pa yod na rtog med kyi yid mi srid par 'gyur la |  rtog bcas kyi dbang 
shes mi srid par 'dod pas ga la mtshungs |  de lta bu'i tshad ma de khas mi len pa dgag pa ni gal te de'i tshe 'ang dbang po'i shes pa rtog pa yin yang mngon sum gyis rtog par zad do zhe na |  de ni mi rigs ste ci snang du mi rung pa nyid dam snang yang mi nges pas mi rtogs grang na |  dang po ni blo lkog du gyur par mi 'thad 
ces de ma thag du 'chad do |  | gnyis pa ni rgyu mtshan gang gis de'i bdag nyid du yod kyang de myong pas mi rtogs pa'i tha snyad du 'gyur ba'i rgyu mtshan spyir rtog pa rnams rang nyid skyed 'gag byed pa mi tshor ba de ni mi srid te don nges pa'i ngo bo yin pa'i phyir dang |  mthong pa rags pas zil gyis non pas mi nges par yang mi 
rigs ste |  'di ltar bsdus pa las langs ste |  rtog pa dang bcas pas kyang don 'ga' zhig bltas nas de'i 'og du slar yang rang gi shes pa sngar skyes pa rnams la rtog pa na rtog bcas kyis bltas pa'i gnas skabs la kho bo'i rnam rtog gis 'di dang 'di ltar brtags so zhes dran gyi gnas skabs dang po'i mthong pa la ni dran la 
myed do |  | de 'grel pa na yang de bsdus pa las te rtog bcas kyis cung zad rnam par brtags nas de'i 'og du sngon du song pa la rtog pa na gnas skabs bar pa la rnam rtog ci snyed skyes pa thams cad dran par gyur pa de'i phyir rnam rtog 'di dag sngar mngon sum yin na'o |  | mjug bsdu ba ni snang rung mi dmyigs pa des 


| na dbang shes rtog bral gyi don mngon sum gyis nges la tha snyad snang pa mi dmyigs pa'i rtags kyis nges pas zhes bya'o |  | yang na dgag gzhi dang dgag bya bltar rung yin pa de'i phyir sngar mthong pa'i bdag nyid kyi mngon sum la phyis mthong pa'i bdag nyid kyi rtog pa mi snang pas zhes 'gyur 'ga' zhig las mngon no |  | da ni dpyod 
pa ba dag dgag gzhi dang dgag bya'i blo mngon sum la bltar rung nyid ma yin pas dbang shes rtog bral du mngon sum gyi ga la 'grub ces rtog pa la |  ha cang thal bas bkag te bzlog pa'i don bsdu ba las |  dang po ni 'di la nyes pa du mar 'gyur ba las re shig 'di 'o de'o zhes skye 'gag rang nyid kyis tshor ba'i rnam par rtog pa 
'di cems rig gang du 'du ba brtags nas |  cems po 'gog pa la rtags gnyis ni nang 'dzin char gsal ba'i phyir ces pa rang rgyud dang |  'dun pas yid gtad pa dang ma gtad pa'i dbang gis skye 'gag mi byed par thal ba las byed pa'i phyir zhes bya ba don gyi tha snyad tsam 'gag pa'o |  | shes pa yin pa 'gog pa ni blo ni ces 
pa ste |  rnam par rtog pa 'di blo yin mod kyi khyod gyi ltar na blo yang ma yin par thal te gsal ba'i phyir ro |  | de'i khyab pa ni blo chos can 'jug du zin kyang gsal ba ma yin te mngon sum ma yin pa'i phyir ro zhes gzhan nyid la grags pa'i rtags yin no |  | yang don yin pas sngar gyi chos gnyis po de la myed 
kyang rna ba phyi btsums kyis chu sgra res 'ga' ba ltar lkog gyur gyi blo'i chos gnyis de la sgro btags pa yin no zhes dogs par byas nas gsal ba'i don kyang zhes smos ste |  de ltar na sim gdung lasogs pa thams cad kyang don du sgro 'dogs par thal bar 'gyur ro |  | yang blo lkog du gyur kyang don mngon du gsal ba'i dbang gis de 
'ang gsal bar mngon pa yin no zhes pa'i lan du don gsal bas de ltar 'jug pa yang ma yin par zhes bya bar 'grigs so |  | phung po gsum pa 'gog pa ni gdi gzhan 'ga' zhig dang ces pa ste rig pa yod med kyi dngos po dngos 'gal yin pas so |  | de dag gis phyogs chos dang khyab pa grub pas thal ba'i don brjod pa 
ni rnam par rtog pa ni chos can no |  | ci lta bu zhe na |  ngo bo sgra dang don la 'jug cing nyams su myong pa'o |  | gtan chad par 'gyur te don dang blo ma yin pa'i phyir ri bong gi rwa bzhin no zhes bya'o |  | 'dod par mi nus ste nyams su myong pa'i bdag nyid ces 'byung pas chos can 'dzin pas bsal lo snyam du dgongs 
pa'o |  | gal te 'di thal ba yin na phyogs chos khyab pa tshad mas sgrub pa ci ltar ce na |  blo ma yin pa de nyid khas blangs la ltos pa'i phyir ro |  | khyad par du rtog myed kyi gnod pa brjod pa ni bde' ba lasogs pa ces pa ste bdag gi bde' sdug myong pa yang blo yin pa'i phyir lkog gyur du thal ces brjod te |  de 'dod 


na myong bya bde' sdug chos can bdag la phan gnod te 'bras bu sim gdung mi byed par thal la |  myong byed lkog du gyur pas bdag bde sdug nyid du mi 'gyur bar thal te skyes bu gzhan gyi myong bya myong byed bzhin ces bya ba'o |  | thal ba las de dag du 'gyur ba'i phyir ces bde sdug myong pa mngon gyur gyi tha snyad sgrub pa yin no |  | 
blo tsam lkog du gyur pa la gnod pa brjod pa ni 'di dag ces pa ste |  rtog myong gi blo tsam chos can bdag gi rgyud la yod pa nyid du mi rtogs par thal te mngon sum pa ma yin pa'i phyir sha za bzhin zhes bya ba khyab byed myed pa'o |  | 'di la khyab pa ma grub ste blo rjes dpag gis rtogs pa yin no zhes pa'i rtags kyi mtha' dgag par bya ba 
las |  re shig 'di snyam du ji srid gzugs lasogs pa'i don nam yul 'ga' zhig shes par ma gyur par blo nyid yod par mi shes pas na don 'ga' zhig shes pa'i rtags kyis shes byed kyi blo dpog pa yin no zhe na |  'di lta bu'i tshig la 'jig rten rna gtod pa nyid kyis blun po khyod rgyal bar bsgrags pas rgyal ba yin no zhes bya'o |  | 
yang na blun po rgyal ba ni bsgrub bya grub pas ma yin gyi nges sgrub byed bkod pas rgyal lo zhes bsgrags pa dang 'jig rten gyis bsgrub pa de lta bu la rna gtad pas so |  | sna gtad par mi 'os pa ci ltar ce na |  don shes pa ces pa ste |  blo'i rnam grangs sam khyad par yin pas ma grub ces bya ba'i don to |  | yang kha cig bdag gi 
rgyud la dbang po dang don yod pa'i phyir de la brten nas de 'dzin pa'i blo yod par dpog go zhes pa la |  mi 'khrul na gtan tshigs yin mod kyi rgyu 'bras bu la dngos du 'khrul pas ma nges pa yin no zhes bya ba'i don to |  | yang gzhan bdag la gnas pa'i yon tan gang gis shes pa rim gyis 'byung par byed cing g.yeng pa dang 
zhan par yang 'gyur ba'i rgyu yid ces bya ba rtags yin no zhe na |  de yang kho bo cag gis de ma thag pa zhes brjod pa'i rnam shes snga ma nyid yin par rig ste de'i bya ba dang ldan pa'i phyir ro zhes bya'o |  | de'i bya ba gang zhe na |  rnam shes snga ma de yul gzhan la chags pa dang brgyal ba lasogs pas nus pa nyams par gyur na 
yul de la 'am shes pa phyi ma nyid mi skye bar byed pa yin no |  | des na bye brag spyi'i dngos po dpog pa la rtags su mi 'grub la |  khyed rang gi gzhung la yid shes pa rim gyis 'byung pa las dpag byar brjod pas kyang ma 'grub po |  | yang yul gsal bar dmyigs pas yul long spyod pa'i blo dpag go zhe na |  gsal 
ba'i don byed pa dang las bsgrub par brtags nas |  gsal byed blo yin pas ma grub la |  gsal bya don gyi chos kyang blo la ltos pas ma grub mod kyi 'on kyang 'brel pa gnyis myed pa dang |  blo'i bye brag la nye ba'i rgyu myed pas thun mong gi ma nges par brjod do |  | de ltar gzhan gyis dngos su blo'i rtags su bkod pa sun 


| byung nas |  gzhan yang lus ngag gi rig byed lasogs pa blo dang 'brel pa'i rtags shig blo'i sngon du grub du chug na de las blo rjes su dpag par mi nus ste blo dang 'brel pa nges pa myed pa'i phyir nad kyi rigs las gdon mi 'grub pa bzhin no |  | de nyid cis zhe na |  bsgrub bya blo'i ngo bo ma gu nam yang ma grub pa'i 
phyir |  gal te de lta na skad cig ma tshu rol mthong pa rnams kyis 'gar yang grub pa myed pas kyang rtags dang 'brel pa mi 'grub pas de dpag du mi nus par thal lo zhe na |  skad cig ma'i ldog pa ma mthong yang rdzas su grub pa'i bum pa la mthong pa'i byas pa rtag pa la bkag pas de la khyab par 'grub la |  'dir blo'i rdzas su gyur pa'i 
chos 'ga' 'ang ma grub pas gzhan du mi 'thad pa'i thabs myed pas mtshungs pa ma yin no |  | de ltar na blo tsam lkog du gyur pa la rtags mi 'thad pa'i skyon ni gsum ste |  blo tsam lkog du gyur na dmyigs pa mngon sum ma yin pas gzhi dang rtags kyi ngo bo nyid mi grub pa dang |  blo'i khyad par can gyi rtags the tsom za bas 
phyogs chos la brten pa dang |  'brel yul ma grub pa dang 'brel 'dzin mi 'thad pas khyab pa la brten pa'i nyes pa'o |  | des na rang la blo yod nges byed pa rnams kyis blo mngon sum pa'i tha snyad du byar rung ngo zhes bzlog pa'i don ste |  | de ltar blo'i ngo bo nyid mngon sum pa ma yin na ha cang thal bar 'gyur bas ngo bo mngon sum yin pa 
de'i phyir blo 'di 'i khyad par rtog pa myed pa yang mngon sum gyis grub par byung pa yin zhes bya ba bzlog pa'i don bsdu ba'o |  | da ni dbang po'i gzung don phyogs su byas pa la sgra'i brjod bya bkag pas gyang yul can rtog bral du shugs la grub pa ston te |  rtog pa'i mtshan nyid sgra'i don 'dzin pa la brjod pa'i phyir ro |  | des na de 'gog 
pa la rtags gnyis ste |  dang po yang gtan tshigs dgod pa dang |  khyab pa bstan pa dang |  phyogs chos bsgrub pa gsum las |  dang po ni 'thad pa gzhan gyis gyang mngon sum de ni brjod myed rtogs byed yin |  ces bya ba skabs gyi bsgrub bya shugs kyis thob pa bkod pa'o |  | dngos kyi bsgrub bya nyid ni dbang po'i don 
ni sgra'i dngos kyi brjod bya ma yin te zhes bya ba'o |  | ci'i phyir ce na | sgra las byung pa'i blo la snang pa myed pa'i phyir ro |  | gang gi tshe zhe na | dbang po'i bya ba myed pa'i tshe'o |  | sngar sgra'i shes pas kyang dbang po'i don 'dzin par brjod pa ma yin nam ce na |  de'i rnam pa snang mod kyi dbang po mthong pa ji lta ba 
bzhin du zhes smos ste |  dbang po byed pa myed pa'i tshe dbang pos mthong pa bzhin sgra'i shes pa la mi snang pa'i phyir ro zhes bya ba'o |  | 'grel par yang de nyid te |  sgra las byung pa'i shes pa ni don 'ga' zhig brjod pa'i sgra rang gi mtshan nyid thos pa las byung pa 'ang rung ste dngos kyi brjod byed sgra spyi la dmyigs pa'i shes pa'o :


gnas skabs kyi khyad par bzung pa ni dbang po yul la 'jug pa'i tshe dbang pos mthong pa'i don sgra'i shes pas kyang mthong par dogs pa bzlog pa'i phyir ro |  | khyab pa dran pa la sbyar tsam byed pa ni gang zhig sgra las byung pa'i ces pa ste |  de'i mtshan nyid ni sgra'i ngo bor snang pa nyid yin pas so |  | phyogs kyi chos ji ltar grub 
snyam pa la dbang po'i byed pa myed pa dang yod pa'i dus su de la de snang pa 'gog pa dang 'bras bu bsdu ba gsum las |  dang po ni dbang shes mi 'jug pa'i tshe sgra mi shes pa la snang pa chos can dbang po'i don ma yin te |  gtan tshigs ni mthong pa la rnam pa gzhan du snang pa'i phyir ces bkod pa dang rtogs pa cig pas mthong pa dang 
mi mthun par snang pa'i phyir zhes bkod par blta'o |  | yang na bsgrub byar bkod pa dang rtogs pa gcig pa dbang po'i don ni dbang po mi 'jug pa'i tshe sgra'i shes pa la snang pa ma yin ste |  zhes bya ba la rtags so sor bzhag par bya'o |  | de ltar gang yang rung ste khyab pa ni de nyid ma yin par 'jog pa'i rgyu mtshan ni 
rnam pa mi mthun pa de tsam mo |  | gnyis pa ni dbang po yul la 'jug pa'i tshe de'i don la sgra'i rnam pas kyang zhen pas de la'ang snang pa ma yin nam zhe na |  de'i tshe don de de'i zhen yul du yod kyang sgra'i shes pa de ni de'i bdag nyid gzung yul du 'dzin pa ma yin te |  don gyi rjes su mi byed pa'i phyir dri la 
ro 'i blo bzhin no zhes bya ba khyab byed kyi khyab byed mi dmyigs pa yin te |  'dzin pa la 'bras bus khyab cing de la mtshan nyid rjes su byed pas khyab pa'i phyir ro |  | gang zhig gang 'dzin pa de ni de'i rjes su byed pa yin te |  gzugs la myig gi blo bzhin no zhes bya ba chos mi mthun pa'i dpe'o |  | gal te de'i 
tshe de yod pa na de yang yod pas rjes su byed pa ma yin nam zhe na |  ma yin te |  de'i tshe don yod kyang shes pa de la myed pa snang pa dang khyad par myed pa'i phyir ro |  | de gang las zhes na |  sgra'i shes pa ni sngon brda' sbyar ba'i don snang pa yin la de da ltar mi srid kyang sgra'i shes pa'i snang pa mi nyams pa dang dbang po byed pa 
myed pa'i tshe 'ang de'i snang pa nyams pa myed pa'i sgo nas te rmi lam na gang gar snang pa chu la mi ltos pa bzhin no |  | 'o na rjes su mi byed kyang 'dzin pa ci 'gal te khyab pa ma grub snyam pa la |  re shig bzlog pa'i khyab pa don rig rnam bcas pa'i lugs kyis don gyi rnam pa 'dzin pa la 'bras bus khyab cing 'bras bu la 
rjes su byed pas khyab ces bya ba'i don rtogs pa gcig pa yul la ston pa ni |  rnam pa gtod par nus pa'i phyir shes pa'i gzung pa rgyu yin la ces pa'i rjes su rgyu la yang 'bras bu'i rjes su bya bas khyab pa yin no zhes sbyar bar bya'o |  | rjes 'gro'i khyab pa rjes su mi byed pa 'bras bu ma yin zhing 'bras bu ma yin 


| pa yang 'dzin pa ma yin no zhes bya ba rtogs pa gcig pa yul la ston pa ni |  rjes su 'gro ba dang ces bya ba lasogs pa'o |  | rtags kyis grub pa'i 'bras bu bsdu ba ni de ltar dbang po'i byed pa yod dang med pa'i tshe mi snang pa de'i phyir ces pa ste sgra las byung pa'i rtog pa ni dngos po'i yul can ma yin no zhes bya bar 
bsdus pa 'dis rtog pa rang gi mtshan nyid 'dzin pa bkag pas tshad ma gnyis kyi spyod yul la log rtogs bsal pa 'ang bshad pa'i phyir ro |  | rtags gnyis pa 'gog pa ni sgra sbyar ba yang ces pa ste |  'di la yang rtags bstan pa dang |  de bsgrub pa dang |  'bras bu bsdu' ba gsum las |  'di 'i rtags ni khyab pa bstan pa las 
mngon te dbang po'i don chos can sgras dngos su brjod bya ma yin te |  brda' dang tha snyad kyi dus gzhan du rjes su 'gro ba myed pa'i phyir gsal ba'i dum bu bzhin no zhes bya ba'o |  | de 'phen pa'i bzlog khyab ston pa ni brda'i sgras dngos su brjod par bya ba ni dgos pa don de tha snyad kyi ngo bor snang pas go bar bya ba'i phyir yin la | 
des de la yang don de sngon ming de dang 'brel par mthong dgos te de lta ma yin na go bar mi nus te bum pa brjod pas ka ba bzhin no |  | ngon 'brel pa grub pa dang phyis rtogs pa'i don gzhi gcig pa nyid rjes su 'gro ba'i don yin no |  | 'dir dpyad te |  re shig rtags kyi don la rjes su 'gro ba zhes bya ba 'dir yul dus 
rnam pa thams cad du khyab pa'i spyi cig la zer ba ma yin nam |  de lta yin dang gcig mtshan nyid pa 'am ldog pa gcig myed pa rtags yin dang po ltar na sgra'i dngos kyi brjod bya la de yod pa'i bzlog khyab grub pa myed te yul dus gang zag tha dad la shar ba'i sgra don 'gal ba'i chos dang ldan pa'i phyir ro |  | gnyis pa 
ltar na phyogs la chos ma grub ste bum pa dang dngos po tsam lasogs pa ldog pa gcig du sgro btags pa'i phyir ro zhe na |  gnyi ga ma yin gyi yul dus rnam pa'i khyad par dang ma 'brel pai' rnam pa tsam rjes su 'gro ba yin la |  de rtog pa la shar ba'i spyi la yod cing don rang gi mtshan nyid la myed pas skyon gang yang 
myed do |  | gal te de lta na yang rdzas su 'gro ba myed zhes pa'i rtags de nyid la rjes 'gro yod na de'i bdag nyid kyi dbang po'i gzung don rjes su 'gro bar 'gyur la |  med na khyab pa ma grub par 'gyur ro zhe na |  ji skad brjod pa lta bu'i rjes 'gro myed pas gtan tshigs ma grub par yang mi 'gyur la ldog mtshungs kyi 
rjes 'gro yod pas khyab pa ma grub par yang mi 'gyur te |  thams cad du rtags kyi rjes su 'gro ba ni ldog mtshungs nyid la 'jog pa'i phyir ro |  | de lta na yang rtags 'di nyid kyis dbang po'i don rnams sgra'i zhen pa'i brjod bya yang ma yin par 'gyur ro |  | khyab pa ma grub ces ni 'dir yang brjod par bya ste | 


rjes su mi 'gro ba'i don la sbyar ba'i dgos pa ldog par yang mtshungs pa yin no zhe na |  mi mtshungs te sgras zhen nas brjod pa'i dgos pa ni sgra'i ngo bor zhen pas go ba yin pa na |  dbang po'i don rnams la rdzas su 'gro ba nyid myed kyang rjes su 'gro bar zhen pa mi 'gal ba'i phyir ro |  | brda' dang tha snyad kyi dus kyi dbang 
po'i don rnams cig du snang na ni ma 'dres pa'i chos mi snang pas don gyi ngo bo yang snang pa mi 'thad pa'i phyir dang |  cig gi rnam pa tsam snang pa ni dbang po'i don ma yin pa'i phyir ro |  | 'di nyid kyis 'ga' zhig rtags sbyar ba yang bsgrub bya rtogs pa'i phyir yin pas ces brtag par bya ste |  'brel pa nges pa dang bsgrub bya rtogs 
pa'i me dang du ba lasogs pa rjes 'gro myed par mtshungs pa'i phyir ro zhes rtog pa spangs pa yin te ldog pa cig nyid du zhen pa'i phyir ro |  | gal te yang 'di snyam du rjes 'gro myed pa la brda' sbyar ba'i dgos pa don go ba ldog mod kyi de lta na yang brda' sbyar ba de don go ba'i rgyu thogs myed yin nam rgyu tsam yin | 
dang po ltar na de nyid du don go bas shes byed kyi rgyu mi 'thad la |  gnyis pa ltar na 'bras bu log kyang mi ldog pas khyab pa ma grub po zhes rtog na |  bden te slob dpon gyi gzhung las 'bras bu'i khyab byed 'gog par mngon yang |  mi 'khrul pa nyid ni brda' sbyar ba la dgos pa don go bar rung pa la rjes su 'gro bas khyab 
pa 'am |  rjes su 'gro ba myed pas khyab par bzo' ba na 'gag pas brda' mi nus pa nyid las yin no |  | da ni dbang po'i don la ji ltar rjes su 'gro ba myed pa'i rtags de nyid bsgrub pa ni gang gi phyir gcig du mthong pa'i khyad par de gzhan 'gar yang ma mthong pa'i phyir ro ces pa ste |  de nyid bshad pa ni yul dus rnam 
pa tha dad pa'i bum pa lasogs pa rnams ni bum pa tsam zhes bya ba'i spyi gcig ma yin te |  nus pa dang snang pa dang skye 'gag lasogs pa tha dad pa'i phyir ro |  | rtags gnyis smos pa ni dngos po dang blo'i yul du 'gal ba brjod pa yin te |  dngos po nyid tha dad pa'i rgyu mtshan yul dus rnam pa tha dad pa'i dngos po rnams 
'bras bu gcig la ltos nas nus pa yod med dang |  sngon po sngo myed lasogs pa'i rnam pa dang skye mi skye lasogs pa'i gnas skabs 'gal ba'o |  | blo la ltos pa'i tha dad pa ni blo cig la snang pa dang mi snang pa 'am |  yang na 'gal ba'i chos de dag blo la tha dad par snang pa ste |  tha dad nyid du res pa'i rgyu'o |  | 
gal te pha rol tha dad pa la gcig ma yin pas khyab pa khas len na chos can grub pa nyid nas dgag bya khegs pas rtags don med la |  mi len na rtags su 'god pas ci ltar nus ce na |  bden te khyod kyis byang pha rol yod pa la ni mi rtag pas khyab pa khas len na sgra grub pa nyid na 'gyur bas rtags su bstan 


| pa don myed la |  mi len na rtags su bkod pa ci ltar nus pa soms shig |  sgra grub pa na yod pa grub mod kyi de la mi rtag pas khyab pa la dran par mi 'gyur la phyis khyab pa bstan pa las bsgrub bya rtogs pa yin no zhe na |  'dir yang ste yul tha dad du mthong pa'i dngos po bzlog pa la ni gcig ma yin pas 
khyab pa myed la |  de dag phan tshun dngos su 'gal ba'i bzlog pa la gcig ma yin pas khyab pa nges kyang ma dran pas gang nus pa dang mi nus pa de dag gcig ma yin te zhes dngos 'gal gyi ldog pa la cig ma yin pas khyab pa brjod nas bsgrub bya dgos pa la mi rigs pa ci zhig mthong gal te gsal ba nyid rjes su mi 'gro ba 
de lta na yang de dag gi steng na bum pa tsam dang dngos po tsam zhes bya ba lasogs pa dbang po nyid la rjes su 'gro bar snang pa'i spyi gcig yod pa ma yin nam zhe na |  gsal ba las tha mi dad pa'i spyi ni cig du khegs la |  gang la bum pa zhes pa lasogs pa thun mong gi sgra cig 'jug par 'gyur ba'i spyi tha dad pa yang 
med te der blos mi dmyigs pa'i phyir phyogs dag par bum pa bzhin zhes bya ba'o |  | de'i bzlog khyab dpe' la grub pa ni bltar rung pa'i don tha dad pa la ni ces pa'o |  | des rjes 'gro la 'khrul pa dgag pa ni de tha dad myed kyang ces pa ste |  ha cang thal ba nyid ni 'gro ba la gcig dang du ma'i tha snyad chad par 'gyur ba'o | 
'di gang las ce na |  de'i tha snyad du bya ba la de ma yin las log par nges pas khyab pa las |  gcig du mthong pa'i ngo bo thams cad la gzhan dogs pas gcig du nges pa myed pa'i phyir ro |  | du mar ci ltar mi 'gyur zhe na |  de ltar phan tshul tha dad par ma rtogs pas ste |  bsag par bya ba cig ma snyid 
pa'i phyir shing ma grub pa'i nags bzhin no |  yang na zla bcas zla myed dag phan tshun log pa yin pas bzlog phyogs zlo myed ngos zin pa myed pa'i phyir bzang po ma yin pa'i ngan pa bzhin no |  | tha dad myed rig gcig yin na |  zhes 'chad par 'gyur ba yang tshul 'di bzhin du shes par bya'o |  | gal 
te gsal ba la tha dad pa'i spyi mi snang pa'i gtan tshigs ma grub ste |  'on kyang gsal ba dang yul dus tha dad myed pa'i rgyus tha dad par ma nges pa yin no zhe na |  de las ces pa'i don 'di spyi de mi rtogs par mi 'thad de de mthong pa las gsal ba la sgra blo 'jug par 'dod pa'i phyir ces sbyar te |  'grel pa'i 
don yang spyi rjes su 'gro bar snang pa'i rgyu mtshan gyis gsal ba rnams la sgra blo gcig 'jug par 'dod pa la rgyu mtshan nyid rtogs par mi 'thad ces bya'o |  | de nyid kyis na gsal ba las tha dad pa ma rtogs kyang spyi nyid rtogs pas ces pa'i lan kyang mi rung ste |  rjes su mi 'gro bar grub pa'i gsal ba las 


tha dad par ma rtogs na spyi rjes su 'gro bar mi 'grub pa'i phyir ro |  | 'bras bu bsdu ba ni de'i phyir ces pa ste |  de ltar spyi gzhan snang rung mi dmyigs pas khegs la gsal ba rnams rjes su 'gro ba myed pa'i phyogs chos grub pas dbang po'i don sgras brjod par bya ba ma yin no ces bya ba'i bsgrub bya rtogs pa gcig pa blo'i steng du bsdus pa'o : 
da ni de ltar dbang po'i mngon sum rtog pa myed par bsgrubs pa la gzhan dag tshad ma'i byed pa myed par rgol ba'i gnod pa yang pa ni 'o na zhes pa ste |  bsam pa ni gal te tshad ma ni 'di dag gis don yongs su bcad nas 'jug pa na zhes bya ba lasogs pas skyes bu 'jug pa'i yan lag du brjod pa ma yin nam |  'jug pa'i yul 
yang nges par byas pa kho na yin pas 'jug yul ston pa ni don gyi ngo bo dang nus pa nges par byed pa yin no |  | de lta yin dang dbang po'i mngon sum rtog pa myed na don snang pa tsam gyis ni 'di ni 'di 'o zhes me dang chu lasogs pa don rnams kyi ngo bo nges pa dang |  'di las 'di 'byung ngo zhes bdag la phan pa dang gnod pa'i 
sgrub byed dro ba dang grang ba lasogs pa don rnams kyi nus pa nges pa myed pas phan pa dang mi phan pa'i don la 'jug pa'i yan lag du mi 'thad do zhes bya ba'o |  | skyon 'di ni myed de ces lan gyi don to |  | mngon sum nyid rtog pa myed kyang don rnams kyi ngo bo ni mngon sum gyis mthong pa nyid de'i byed par 'gyur ba'i rjes su 
shes pas nges la |  nus pa yang 'bras bu mthong pa la de nyid kyis nges shing ma mthong pa la chos mthun pa mthong pa'i rjes dpag dang dran pas nges pa yin gyi mngon sum gyis ni mi rtogs ste khyad par du byed pa'i 'bras bu ma grub pa'i phyir ro gal te don rnams kyi ngo bo 'dzin pa'i mngon sum gyis des gang la ci zhig byed pa'i nus 
pa rtogs na sman dpyad lasogs pa'i bstan bcos thams cad don myed pa nyid du 'gyur ro |  | de lta na mngon sum 'jug pa'i dngos kyi rgyur mi 'gyur ro zhe na |  de lta yin te mngon sum ni 'jug yul ston byed yin gyi |  'jug pa'i rgyu ni thams cad du 'bras bu 'dod pa kho na yin no zhes gzhung gis ston pa ni 
gang gi phyir ces pa ste |  mngon par 'dod pa yis 'jug ldog gi tha snyad byed pa yin ces blang ngo |  | yul gang la zhe na |  sngon don gyi ngo bo de mthong pa nyid na mthong pa'i dro ba dang ngoms pa lasogs pa'i 'bras bu rnams la'o |  | rgyu gang las zhe na |  don de lta bu byed pa'i nus pa dran pa las 
so |  | dran pa nyid gang las byung snyam na |  sngon don de la de'bras 'byung par myong pa dang ltar don gyi ngo bo myong pa gnyis kyis mthul las so |  | de 'grel pa na mngon sum don la lta ba tsam ste rtog pa myed kyang mngon par 'dod pa dang gcig shos te mi 'dod pa dag gis dngos su 'jug ldog gi tha snyad byed pa 


| yin no zhes sbyar ro |  | de'i yul dang rgyu ni de mthong pa nyid na ces dang nyams su myong pa ces pa ste |  myong pa snga phyi 'tshams sbyor ba ni dran pa'i byed pa'o |  | gal te mngon sum rang nyid dngos su 'jug pa'i rgyu ma yin na 'jug pa'i rgyu de dag la nus pa ci ltar snyam pa la chos nyid kyi rigs pa lan du brjod pa ni 
sngar snam pa gsal bar myong pas bag chags 'jog pa dang phyis de 'dra ba mthong pas bag chags sad par nus pa ni mes sreg par nus pa ltar chos nyid yin la |  de las 'dod pa'i bag chags te bag chags sad pa'i 'dod pa nyid 'byung zhing de las kyang lus kyis blang pa dang dor ba la 'jug par 'gyur ba yin te |  lus ngag gi bya ba thams 
cad 'dod pa'i bsam pa sgrub byed nyid yin pa'i phyir ro |  | de ltar na gzhung 'dis 'di skad ces yul bu cag mngon sum rtog pa yod med du 'dod pa gnyi ka ltar yang 'jug pa'i dngos kyi rgyu ni 'bras bu 'dod pa dang de'i rgyu nus pa dran pa yin te de gnyis ni khyod kyis kyang mngon sum du brjod par mi nus la |  de'i rgyu 'jog pa dang 
sad byed ni mngon sum yin te de ni rtog pa myed pas kyang nus pas ma spyad pa'i rtsod pa byed pa ni la ba don myed pa yin no zhes brjod pa yin no |  | dbang po'i mngon sum bshad zin to ||     || da ni mdo' las dge slong dag gzugs shes pa ni gnyis ste dbang po la rten pa dang yid 
la rten pa'i zhes dang slob dpon phyogs kyi glang pos yid kyang don dang zhes don 'dzin pa'i yid kyi mngon sum bshad pa la |  mu stegs pa kha cig de ni mi 'thad de shes pa de dbang po la mi rten par ram rten kyang don gzhan 'dzin na dbang po myed kyang don mthong par 'gyur la |  dbang pos gzung pa nyid 'dzin na bcad pa'i shes par 
'gyur bas de la don la tshad mar 'gyur ba'i skabs nyid myed don zhes bya ba'i log rtogs bzlog pa'i phyir |  kun la grags pa myed kyang de lta'i tshad ma 'byung pa la gnod pa med par ston to |  | de yang mtshan nyid bsam pa dang |  mtshan gzhi ngos gzung pa dang |  de yul tshad ma nyid bsgrub pa gsum shes par bya las | 
de la 'dir yid kyi shes pa zhes bya ba dag rkyen yid las skyes pa yin la |  mngon sum ni rtog bral ma 'khrul pa yin pas yid kyi mngon sum ni bdag rkyen tha mal pa'i yid las skyes shing rtog bral ma 'khrul pa zhes bya ste |  mngon sum nyid ma yin pa dang rang rig pa dang dbang po dang rnal 'byor mngon sum rnams 
bsal ba'i phyir ro |  | mtshan gzhi ma grub na yang mtshon bya de srid na mtshan nyid de dang ma 'brel pa 'gal te mngon sum rtog bcas kyi mtshan nyid sgra don gyi dngos po 'dzin par 'gyur dgos pa bzhin no |  | mtshan gzhi yang nye bar mtshon byed gyis ngos gzung pa dang |  de log rtogs bsal pa grub pa dang : 


mtshon byed la mi 'thad pa yang pa gsum las | dang po ni bdag po dang nyer len dmyigs pa'i khyad par gsum dang ldan pa ste | de la yid ces bya bas ni bdag rkyen gyi khyad par te bdag po'i rkyen yid tsam las skyes pa zhes bya bas rang dang rig pa dang dbang po'i shes pa rnam par bcad pa yin no | | dbang shes de ma thag rkyen
las byung zhing zhes bya ba ni nyer len rgyu'i khyad par ste | de ma thag pa'i rkyen dbang shes snga ma tsam las byung pa yin pas rnal 'byor pa'i shes pa rnam gcad do | | gal te drug po 'gags ma thag pa'i || | rnam shes gang yin de yod ces brjod pa ma yin nam || 'di 'i nyer len dang bdag rkyen la khyad
par myed do zhe na | bden mod kyi 'on kyang shes pa spyi la rig pa'i ngo bor dang yul 'dzin par skyed pa'i ldog pas gnyis su brjod pa yin no | | de don de ma thag 'dzin pa zhes bya ba dmyigs pa yul gyi khyad par te | dbang po'i gzung don skad cig gnyis pa 'dzin pas yid kyi rnam shes rtog pa dang bcas pa dang
rtog med 'khrul pa rnams bcad pa yin no | | rgyu de gsum las byung pa'i yid kyi shes pa yang mngon sum zhes bya ba tshig gi lhag ma'o | | gal te rgyu de dag tsam las yid kyi mngon sum skye na dbang po lnga'i mngon sum 'gags pa'i skad cig gnyis par yid kyi mngon sum lnga dus cig du 'byung par 'gyur
te rgyu ma tshang pa myed pa'i phyir ro | | rgyu tshang yang mi 'byung pa 'am 'phel 'grib kyi rjes su mi byed pa de'i 'bras bur 'gal la | 'dod na rgyun du mar 'gyur ro zhe na | de'i tshe rkyen gyi khyad par gyis don lnga'i rnam par snang yang rgyu'i nus pa 'am rig pa tsam la 'phel ba myed pas 'bras bu yid kyi
mngon sum rdzas gcig du mi 'gal lo zhes zer ro | | yang na de ltar 'dod pa nyid la gnod pa med de rtog gnyis cig car 'jug pa myed | 'di ltar rnam par rtog pa rnams | | rims kyis 'byung par yang dag rtogs | | ces bya bas rgyud cig la yid rtog pa gnyis cig char 'byung pa bkag pa yin gyi
yid kyi rnam shes rdzas gnyis skye ba ni myong pas grub pa yin te | rmi lam dang 'jigs sogs goms pa'i yul la yin gsal snang skyes pa nyid na de'i khyad par rtog pa 'jug pa'i phyir dbang shes dang rtog pa bzhin no | | ji skad du par ti ka las | rtog bcas rtog pa myed pa'i yid | | cig char nyid
du 'jug phyir ram | | zhes gang gsungs pa yin no | | 'grel par yang de bzhin las mtshungs pa ni nyer blang gi 'bras bu phyi ma dang rig par mtshungs pa'o | | nyer len gyi rgyu la rkyen zhes grub mtha'i tha snyad dang bdun pa ni skabs kyi don 'di grub mtha' la grags par bstan pa'i phyir ro | |


| de yang rkyen dbang shes rang gi yul gyi skad cig gnyis pa'i lhan cig byed pa can no |  | de lta bu'i khyad par can la gzhan gyi skyon yang pa ni de nyid kyi phyir ces pa ste |  dbang shes de ma thag rkyen las byung pa de nyid kyi phyir dbang po myed par ma yin la |  de'i don de ma thag 'dzin pa de nyid kyi phyir yul gzhan 
pa nyid kyang ma yin la |  gzung pa 'dzin pa yang ma yin no |  | 'di la rtsod pa spang pa las re shig rgyu rkyen mi 'thad par rgol ba ni yid kyi gzung don ni nyer len dbang shes kyi lhan cig byed pa ma yin no zhes blang ngo |  | ci'i phyir zhe na |  de dang byed pa'i dus mtshungs pa ma yin pa'i phyir te |  de 'ang rang gi shes pa yid 
nyid kyi dus na yod pas so zhe na |  lhan cig byed par mi rung pa ma yin te rgyu rkyen gnyi gang yang dus mtshungs pa'i phyir ro zhes bya'o |  | gal te yul ni 'bras bu shes pa nyid kyi dus na yod pa ma yin nam zhe na |  yul ni shes pa dang lhan cig 'byung par 'gal te shes pa'i rgyu yin pa'i phyir ro zhes bya'o |  | 
rgyu yin yang lhan cig 'byung pa ci 'gal snyam na |  dus mnyam pa la nye bar sbyor ba mi 'thad pa'i phyir ro |  | de nyid bsgrub pa ni gnyi ga myed pa'i snga dus na rgyu'i nus pa mi 'thad te ngo bo myed pa'i phyir ro zhes bya ba khyab byed mi dmyigs pa dang |  gnyi ga yod dus kyi 'bras bu ni skyed byar mi 'thad de rdzogs zin pa'i phyir 
ro zhes bya ba khyab byed 'gal ba dmyigs pa'i rtags gnyis yin te |  ji skad du rnam 'grel las |  myed pa sngar nus myed phyir dang |  phyis kyang nye bar mi sbyor phyir |  | rgyu rnams thams cad sngar yod pa |  | des na rang blo bcas don myin |  | zhes gsungs pa bzhin no |  | rtsod pa gnyis pa ni gal 
te dus tha dad na shes pa'i dus na don myed pas ci ltar gzung ste sgra 'gags pa mi thos pa bzhin no zhe na |  myed kyang shes pa ste rnam pa'i rgyu nyid rnam pa'i gzung pa yin no zhes mkhas pa rnams kyis bsnyad te |  ji ltar 'jig rten na pha ci 'dra ba'i bu skyes pa la bus pha'i gzugs bzung so brjod pa bzhin no || 
rtsa ba dang 'brel pa'i cha ma yin pa'i don tshig le'ur byas pa ni bar skabs kyi tshigs su bcad pa'o |  | de ltar tshad mar 'thad pa nyid la 'khrul pa bsal pa ni |  phyogs kyi glang po'i slob ma kha cig |  yid kyi mngon sum ni dbang pos gzung pa'i don la 'jug pa yin no zhes zer ro |  | de'i ltar na re shig de 
tshad mar mi 'thad pa ni |  yid kyi mngon sum 'di chos can tshad ma snga ma'i yul 'dzin pa ma yin te tshad ma yin pa'i phyir ro zhes brjod te |  'di'i phyogs chos ni yid kyang don dang zhes pa'i lung gis grub po |  | khyab sgrub ni tshul gnyis las gtan tshigs la dgag bya bsal ba ni tshad ma ni 


snga mi gzung pa 'dzin pa ma yin te sra zhes bya ba sngar ma rtogs pa'i yul can yin pa'i phyir ro |  | de lta ma yin na ha cang thal ba nyid bshad pa ni mthong pa'i 'du byed ces bya ba lasogs pa'o |  | tshul gnyis pa dgag bya la gtan tshigs dgag pa ni bya ba ljogs pa'i las te sngar rtogs pa'i don la 'jug pa chos can m+'a na zhes 
bya 'jug par byed pa'i tshul las 'das pa yin te khyad par du byed pa ste rtogs pa'i khyad par mi byed pa'i phyir ro zhes bya'o |  | gzhan yang gzung don cig 'dzin na blo rim can du 'gal bar brjod pa ni don de ces pa ste |  dbang po dang yid kyi blo rnams chos can cig char 'byung par thal te gzung don rdzas gcig la skyes pa'i 
phyir sngon po dang mi rtag pa'i 'dzin pa bzhen no zhes bya ba rang bzhin gyi thal bas rim can du snang pa'i phyir gzung don rdzas cig gi rgyu can ma yin zhes bya ba khyab byed 'gal ba'i rgyud 'phen pa yin no |  | de'i khyab pa bsgrub pa ni gzung pa rdzas cig la ni blo rim gyis skye bar mi 'thad de rkyen la mi ltos na yang ste 
de'i phyir zhes bya'o |  | mi ltos par ma grub po snyam na |  gzung don rdzas gcig pa ni rkyen la ltos par mi 'thad te rkyen gzhan gyis khyad par du byar myed pa'i phyir ro zhes bya'o |  | de 'ang ma grub ste snga ma las khyad par 'ga' zhig byas na de rdzas gzhan du 'gyur bas gcig yin pa nyams so |  | gzung don 
mi rtag pa'i rgyu mtshan gyis kyang blo rim can 'gog pa ni |  dbang po'i gzung don chos can rang gi 'bras bu yid kyis 'dzin pa ma yin te yid kyi dus na myed pa'i phyir ro zhes brjod te |  de nyid kyang 'das pa'i phyir dang skad cig ma nyid kyi phyir ro zhes pas so |  | bzlog pa'i don bsdu ba ni gzung don cig 'dzin na 
skyon de dag du 'gyur ba de'i phyir dbang po'i gzung don las rkyen gyis khyad par byas pa'i don gyi skad cig gzhan nyid yin gyi mngon sum gyis rtogs pas tshad ma yin no zhes bya ba'o |  | ci ltar tshad ma yin pa'i tshul yang kha cig ni rang dbang shes skad cig re'i 'og du yid kyi mngon sum re 'byung ste rkyen gsum ma tshang 
pa myed pa'i phyir ro |  | de ltar skad cig ye pa mar 'jug pa nyid kyis dbang po dang yid re res sgro 'dogs mi chod pas gnyi ga mthud pa'i rgyun gyis sgro 'dogs gcod pas tshad ma gcig du 'gyur ba yin no zhes zer ro |  | kha cig ni dbang po byed pa dang bcas pa'i tshe gzugs 'dzin pa'i shes pa gang ji snyed pa thams 
cad dbang shes su gzhag te khyad par myed pa'i phyir ro |  | yid ni dbang po'i byed pa 'gags pa'i rjes su skad cig ma cig skye ba yin te yul de ma thag pa'i skad cig ma lhan cig byed pa can zhes 'byung pa'i phyir ro |  | des na de ni rnal 'byor pa la tshad mar 'gyur gyi tshu rol mthong pa ni mi 'gyur ro zhes zer ro |: 


| de lta mod kyi khyad par gsum pa 'di ni mngon shes myed pa rnams kyi la nye bar mtshon pa yin te |  tshu rol mthong pa rnams kyi mngon par shes pa lnga yang mngon sum ma yin par mi 'thad la |  gsum por mi 'thad cing yid kyi mngon sum gyi mtshan nyid ji skad bshad pa yod pas yid kyi mngon sum du 'thad do |  | 
des na de dag tshad mar 'gyur ba ni dbang po la mi ltos pa nyid do |  | 'di 'i rtog pa dang bral bar bsgrub pa ma mdzad pa ni |  mtshan gzhi'i tshad mas grub pa myed pas sam |  dbang po'i gzung pa 'dzin pas dbang shes kyi rigs pa mtshungs pa dang gsal bar snang pas rnal 'byor mngon sum gyi rigs pa mtshungs pas go bar dgongs pa'o : 
yid kyi mngon sum bshad zin to ||   || rang rig pa'i mngon sum la spyi'i don 'di shes par bya ste |  mtshan nyid dang |  mtshon bya'i tha snyad mi 'thad pa spang pa dang |  tshad ma nyid bsam pa'o |  | de la spyir shes pa dang blo zhes bya ba ni don rig cing gsal ba la brjod la de yang rang nyid ma rig par 
gzhan rig pas de'i yul rang dang gzhan la ltos nas rig pa'i ldog pa gnyis ste gsal bar byed pa'i mar me bzhin no |  | de la rang rig pa zhes bya ba ni shes pa rnams rang rang gi bdag nyid myong pa yin no |  | de ni bdag nyid bems po las log pa'i ngo bor skyes pa nyid kyis 'gyur bas bdag po'i rkyen la yang mi 
ltos ste |  ji skad du rnam shes bems po'i rang bzhin las |  | bzlog pa rab du skye ba ste |  bems min rang bzhin gang yin pa |  | de 'di 'i bdag nyid rig pa yin |  | zhes bshad pa bzhin no |  | rang rig pa'i mngon sum ni rang gi ngo bo la rtog bral ma 'khrul pa yin la |  de'i tshad ma
ni rang gi ngo bo myong pa'i stobs kyis ma rtogs pa'i don la sgro 'dogs sel pa'o |  | gnyis pa ni gal te rang nyid la gzung pa dang 'dzin pa gnyis mi 'thad de rdzas dbyer myed pa'i phyir ro |  | ci ste ldog pa tha dad pas dang bya byed la mi ltos par rang nyid bems po las log pas ces pas rung na tshul de nyid kyis rdzas 
cig la rgyu 'bras kyang rung par 'gyur te |  ldog pa sgro btags yin pas rdzas cig la bya byed 'gal ba dang gnyis myed na mi skye ba las ldog pa nyid mi 'thad par yang mtshungs pa yin no zhe na |  'dir rgyu 'bras zhes bya ba bskyed bya bskyed byed la brjod pa ma yin nam |  rdzas cig la grub ma grub ni 
'gal lo |  | de lta yin dang grub na bskyed byar 'gal la ma grub na bskyed byed du 'gal te ngo bo nyid myed pa'i phyir ro |  | gzung 'dzin ces bya ba yang rig bya rig byed la brjod la rig pa dang ma rig pa ni ngo bo cig du 'gal lo |  | de lta yin pas rig pa rig byar 'gal la ma rig pa rig byed du 'gal 


te shes pa nyid ma yin pa'i phyir ro zhe na |  rig pa yin pas rig byar 'gal na gzhan gyis kyang mi rig pas shes pa shes bya nyid ma yin par 'gyur ro |  | grub pas gzhan gyi yang bskyed bya ma yin par thal ba 'dod pas ga la mtshungs |  rnam pa gzhag 'jog gi rgyu 'bras ni dngos po grub bde' cig kyang blo ngor 
grub ma grub kyi rim pa la 'dod pas bsgre bar bya ba ma yin no |  | de nyid kyi phyir rang rig la 'khrul pa yang srid pa ma yin te |  rig byed dngos po yin zhing 'khrul pa'i gzung yul dngos po'i ngo bor 'gal ba'i phyir dang |  rtog pa'i zhen pa ma yin pa'i phyir ro |  | de nyid kyis rang la rtog pa mi srid par yang grub pa 
yin no |  | gal te rang ma rig par gzhan mi rig pa ltar rang la ma zhen na don mi zhen par yang 'gyur te khyab pa ma grub ces ni 'dir yang smra'o zhe na |  de gang las |  'dir rang gi ngo bo snang na shes pa nyid ma yin par 'gyur ba'i phyir ro |  | rang gi spyi snang pa shes pa'i don yin na rtog myed kyi shes pa mi 
srid par 'gyur ro |  | gsum pa ni gal te shes pa thams cad rang gi ngo bo la mngon sum nyid yin na tshad ma'ang yin nam zhe na |  thams cad la ma yin gyi yul la bzlog par 'dzin pa dang 'gal bar 'jug pa'i 'dzin stangs thams cad la tshad ma yin pas rtog pa dang rtog myed tshad ma dang bcad pa'i tshul can 
dang log shes rnams grub la des de dag gi yul der snang yang shugs la rtog pa yin no |  | dga' gdung lasogs pa blo'i rnam pa la ni yul dang yul can gnyi ga la dngos su tshad ma yin no |  | snang la ma nges pa dang 'khrul ma 'khrul gyi 'dzin stangs ni rnam pa dang mi ldan zhing khyad par du byed chos ma 
grub pas |  de dag la myong pa tshad mar mi 'gyur la |  shes pa nyid kyi skad cig dang rgyu dang 'bras bu'i ldog pa yang rnam pa dang mi ldan pas tshad ma ma yin no |  | des na rang rig mngon sum ni snang la ma nges pa dang tshad ma dang bcad pa'i yul can du 'gyur bas tshad ma dang mngon sum mu gsum du 'gyur 
bar blta'o |  | gzhung gi cha la mtshan gzhi ngos gzung pa dang |  de la mtshan nyid bsgrub pa dang |  mtshan gzhi'i la log rtogs dgag pa gsum las |  dang po ni bde' ba lasogs pa rang rig pa rnams kyang mngon sum yin no zhes bya ste |  de 'ba' zhig gam zhe na |  shes pa thams 
cad kyi ces so |  | 'o na thams cad du dper brjod la de kho na smos pa ci zhe na |  nyams myong gsal ba ste |  ngos gzung sla ba bstan pa'i phyir zhes bya'o |  | de la spyi 'i mtshan nyid rtog bral sgrub pa ni bde ba lasogs pa rnams kyi ngo bo rig pa la brjod pa snang pa'i rtog pa srid pa ma yin te zhes 


| bya la rtogs pa cig pa yul brjod bya 'gog pa'i rtags gnyis las |  dang po ni bde sogs kyi rnam pa la brda' bya bar mi nus pa'i phyir ro zhes bya ba'o |  | 'di gang gi phyir ce na |  bde sogs rnams la bda' nus pa ma yin te |  gzhan la sten min te dus gzhan mi sten pa'i ngo bo yin pa'i phyir ces bya'o : 
'di 'i phyogs chos rang gi mtshan nyid dus gnyis par mi 'dod pa ni skabs gzhan du bsgrubs la |  khyab pa ni 'di ltar brda' sbyar ba la ni don mthong pa dang de la brda' gzo' ba dang sbyar ba'i dus gsum gyis khyab pa rang rig nyid kyis grub pas skyes la ma 'gags pa'i rdzas cig la brda' sbyar bar 'gal lo zhes bya pa'i don tsam 'grel pa 
ni 'di dag la ces pa ste |  skad cig ma 'di dag la brjod par byed pa sbyor ba ni ma yin te dus gzhan myed pa'i bdag nyid la brda' 'jug par 'gal ba'i phyir ro zhes bya'o |  | ci ltar 'gal zhe na |  skad cig ma'i bde sogs la brda' byed na ma skyes pa 'am skyes pa la byed grang |  dang po'i 'gog pa ni bde ba 
lasogs pa ces pa ste |  rang rig chos can bde sogs ma skyes pa'i dngos po brda'i yul du byed pa ma yin te bde sogs de'i bdag nyid yin pa'i phyir ro zhes bya ba khyab byed la 'gal ba dmyigs pa yin no |  | phyogs gnyis pa skyes pa la byed pa dgag pa ni de'i rang bzhin ces pa ste |  don gang la brda' byed pa 
la don de brjod pa'i sngon du mthong dgos pa las rang rig ni bde sogs skyes pa la brda' byed par mi 'thal te |  dngos po skad cig ma rnams sngon nam yang mthong ma myong pa'i phyir ro zhes bya ba rgyu mi dmyigs pa 'o |  | 'di khyab pa ma grub ste brda' sbyor ba'i sngon du mthong pa myed kyang mthong pa'i dus nyid na brda' sbyor ro 
snyam pa la |  de lta na gzung 'dzin myed pa'i brdar 'gyur ro zhes ston pa ni yul mthong nas de la brda' brjod par gzo' ba na zhes bya ba'o |  | 'gags pa'i rjes su skyes pa'i blo gzhan gyis brda' byed do zhe na |  gzhan gyis dmyigs par rung yang 'das pa'i ngo bo brda'i don du rig pa ma yin pas rang rig brda'i 
don 'dzin par mi 'gyur ro zhe bya'o |  | tsa ba'i rtags 'di dbang po'i don rjes su 'gro ba myed pa'i phyir ro zhes pa nyid yang khyab pa'i gnad rigs pa'i yul tha dad pas zlos par ni mi bsam mo |  | yang dgang dag rang las gzhan du mi 'jug phyir zhes 'don pa ltar na brda' byed po las gzhan ma yin pa'i 
phyir zhes bya ba rtags kyi don yin no |  | 'grel par de'i don tsam brjod pa ni 'di dag la ces pa ste |  bde sogs 'di dag la rang rig nyid brda' sbyor ba ma yin te bdag nyid la bya byed 'jug pa 'gal ba'i phyir ro zhes bya ba'o |  | ci ltar 'gal ba nyid dus gsum du brtags pas bsgrub pa las |  ma 'ongs 


pa la khyab byed 'gal bas 'gog pa ni bde' ba lasogs pa ces pa'o |  | da ltar ba la byed pa gzung 'dzin myed par thal bas 'gog pa ni brjod par gzo' ba na zhes pa'o |  | 'das pa la byed pa 'gog pa ni rang gis sngon ma mthong pa dang gzhan gyis 'das pa mi rig pa gnyis de'i rang bzhin ces dang gzhan gyis kyang zhes bya ba'o : 
rtags 'di la yang rang nyid la bya byed mi sten yang brda' byed po gzhan gyis kyang rung pas gzhan la mi sten par ma grub pas mi 'thad do zhes pa'i skyon myed te |  cung zad don gyi ming 'dzin pa de dag ni rang nyid kyis brda' sbyor bar mthong pa'i phyir dang |  de lta ma yin na ha cang thal ba'i phyir ro |  | rtags gnyis pa ni bde' 
sogs chos can brda'i brjod bya ma yin te brda' don myed pa'i phyir ces bya ba 'bras bu mi dmyigs pa'o |  | 'di gang las ce na |  brda' sbyar ba'i dgos pa ni tha snyad kyi tshe rtogs pa'i phyir yin la de yang rjes su 'gro bas khyab pa las yang 'byung pa ma yin pa'i phyir zhes bya ba khyab byed myed pa'o |  | yang sgra'i brjod bya ma yin 
pa nyid la yang mi 'byung pa bkod na 'bras bu'i khyab byed myed pa ste gong du brjod pa bzhin no |  | rtags gnyis pa don bsdu ba ni brda' mi nus pa dang don myed pa de phyir ces pa ste |  yul brjod bya ma yin pa dang rtogs pa gcig pas skabs don yul can gyi steng du bsdus pa'o |  | da ni bde' ba lasogs rang rig rnams zhes 
gang brjod pa de la bde sdug rig pa ni rang rig pa ma yin te bde sdug don nyid yin pa'i phyir ro zhes bya ba'i log rtogs 'gog par byed do |  | de yang na dang phyir rol gyi don du 'dod pa gnyis las |  | dang po'i log par rtog pa ni kha cig na re ces ste |  mu stegs rigs pa can dag shes bya thams cad |  | rdzas dang yon tan 
las dang spyi |  | bye brag 'du ba drug du 'dod |  | ces bya ba las rdzas ni mi rtag pa'i rdzas 'byung pa bzhin dang |  rtag pa'i rdzas bdag dang dus dang phyogs dang yid ces pa lnga'o |  | de la bdag ces bya ba ni bems po dang rtag pa dang nang yin pa dang yon tan gyi rten byed pa dang za ba po'i chos lnga dang ldan pa ste |  ji skad du | 
gzhan dag kyang ni 'dir bdag nyid | | 'dod dang sdang sogs yon tan can | | rten dang kun 'jug za byed pa'o | | rang nyid bems po'i ngo bor 'dod | | ces bshad pa bzhin no | | yon tan ni shes pa dang bde' sdug dang chos ma yin pa dang 'du byed pa dang 'cad pa'i shugs dang rtsol ba she pa dgu'o | | de lta yin
dang bde sdug ni shes pa'i ngo bo la yin gyi 'on kyang gdong pa la yod pa'i myig gis snang bzhin du bdag la 'du ba'i shes pas rig par bya ba yin no zhes zer ro |  | de la bde sogs shes pa nyid yin te |  shes pa dang rgyu cig las skyes pa'i phyir ro zhes bya ba'i rtags dgod pa ni de dag gi yang zhes bya'o |  | sbyor ba 'di 


| 'i chos can dang |  bsgrub bya dang |  rtags kyi don nges par bya ba las |  dang po ni bde sogs zhes bya ba 'dir yul dang 'brel pa dbang po'i 'khor du skyes pa ste shes pa tsam gyis sim pa lasogs par rig pa'i mtshan nyid thun mong du grub pa yin no |  | sgrub bya ni ci phyir shes ma yin te shes pa'i ngo bo nyid yin te : 
zhes bya ba'o |  | rtags kyi don ni shes tha dad myed rgyus bskyed ces bye ba ste |  'dir gzhan gyi dri ba dgod pa dang |  spyir rgyu dang rkyen gyi mtshan nyid bsal pa dang |  skabs kyi rtags nyid ngos gzung pa gsum shes par bya ba las |  dang po ni ci rgyu tha dad myed pa zhes bya ba'i rtags kyi don shes pa dang nyer len gcig pa 'am 
rkyen gcig pa tsam yin na ma nges ste rkyen dang rgyu'i dbang gis khyad par du 'gyur ba'i phyir 'bru gcig las zas dang myu gur 'gyur ba dang sa gcig las dug dang sman gyi ljon pa skye ba bzhin no |  | rgyu rkyen tshogs pa gcig las skyes pa yin na ma nges ste |  tshogs pa cig las yul dang dbang po'i gnas skabs kyang skyes pas 
dngos su 'khrul pa'i phyir ro |  | rgyu dang rkyen bdag nyid thams cad kyis gcig pa yin na yang bsgrub bya ma grub par phyogs kyi chos rgol phyir rgol la the tsom za ba'i ma grub pa las mi 'da' ba nyid do zhes bya ba gzhan gyi dri ba'o |  | gnyis pa rgyu rkyen gyi mtshan nyid spyir bsam pa yang gzhan gyis brjod pa sun 
dbyung pa dang |  'thad pa'i don gzhag pa dang |  de la skyon yang pas nges par bya ba las |  dang po ni kha cig na re nye bar len ba'i rgyu dang lhan cig byed pa'i rkyen ces bya ba ni 'bras bu rang dang rigs 'dra ba dang mi 'dra ba bskyed pa la brjod te myu gu la sa dang sa bon bzhin no zhes zer ro |  | de ni mang yin te bstan 
bcos las nyer len dang lhan cig byed par brjod pa'i me dang du ba dang gzugs dang gzugs brnyan dag la ma khyab pa dang 'khrul pa'i phyir ro |  | thun mong ma yin pa dang gi rgyun ces bya ba yang rdzas cig skyed pa la mi 'dod pas 'dra ba nyid la brjod dgos pas skyon der 'gyur ba dang |  me dang du ba lasogs pa 'byung pa la 
rigs 'dra ba'i rgyun rgyur yod do zhes smra na grangs can gyi lta ba khas blang par 'gyur ba yin no |  | yang kha cig 'bras bu la dngos dang brgyud nas phan 'dogs pa yin te phung po la las dang nyon mongs pa 'am myu gu la sa bon dang chu bzhin no zhes zer ba yang ma yin te |  bstan bcos las rgyu dang rkyen du brjod 
pa'i kha yar ba'i sa bon la ma khyab pa dang shes pa la dngos su phan pa'i tshogs pa'i dbang po lasogs pa la khyab ches pa'i phyir te |  ji skad du rnam 'grel las |  rnam shes min pa rnam shes kyi |  | nyer len min pa'i phyir yang ste |  | zhes gsungs pa bzhin no |  | yang ci cig rgyu gnas pa'i rgyun 


log nas dang ma log par 'bras bu skyed pa yin te bum pa la 'jim pa dang rdza mkhan dang |  snam bu la snal ma dang tha gang ba bzhin no zhes zer ro |  | de yang ma yin te |  bstan bcos las nyer len du brjod pa'i me dang du ba dang |  sgron ma'i 'do dang |  nor bus me dang chu bskyed pa la ma khyab pa'i phyir dang |  rkyen du brjod pa shing 
gis du ba dang gos kha dog kar pos dmar po skyed pa la khyab ches pa'i phyir ro |  | de dag de'i rgyu rkyen nyid ma yin no zhes bstan bcos dang mthong pa yangs ste ma mthong pa rgyu rkyen du brdag na yang ha cang thal bas nges pa'i rnam gzhag mi 'grub pa nyid do |  | 'thad pa'i don ni 'di yin te |  'di 'i mtshan nyid ci zhes bya 
ba ni ming las don tshol ba yin la |  de la yang bstan bcos la ma ltos par rang gis gdod gang la gdags par bya ba'i don tshol ba yin na gang ci yang rung pa yin pas bkod pas chog ste |  don de yod pa dang med par ming de len pa dang mi len pa'i phyir ro |  | bstan bcos las sngon btags pa'i ming las don 
tshol ba yin na gang la btags par mthong pa de yin pas brtsad pa'i rgyu myed par 'gyur ro |  | 'on kyang mtshon bya'i ming 'di don gang la btags na bstan bcos kyi rnam gzhag dang ming 'gal ba'i don de tshol ba yin la |  de yang slob dpon gyi gzhung las nyer len dang lhan cig byed pa zhes bya ba 'bras bu'i ngo bo 
dang khyad par bskyed pa la bzhed par mngon te |  ji skad du rnam 'grel las |  me'i 'bras bu du ba ste |  'bras bu chos kyi rjes 'jug pas |  zhes gsungs pa yin no |  | de la ngo bo ni rang bzhin te rig pa nyid dang du ba dang myu gu lasogs pa'i dngos pa rnams so |  | khyad par ni de la yod pa'i 
gnas skabs kyi chos te yul gyi khyad par 'dzin pa dang yul dang dus dang dran gzhan lasogs pa'i rnam pa nges pa'o |  | 'di la kha cig mi 'dod pa dang mtshungs pa yin te sngar gyi 'dra mi 'dra skyed pa nyid dam ngo bo dang khyad par skyed pa nyid go bzlog pa'i mtshan nyid du smras ste |  ma khyab pa dang khyab ches pa 'dir yang 
brjod la rang gi mtshan nyid mtshon bya khyab snyom pa'i lan mtshungs par 'gyur ro zhe na |  ma yin te tha snyad bstan bcos dang 'gal ba dang |  kho bo'i 'dod pa 'am de las gzhan mtshon zhes brtags pas don gyis mi gnod pa nyid te tshul 'di ni bshad zin to |  | gal te yang 'bras bu'i ngo bo dang khyad 
par bdag mi cig na lhan cig byed pa 'bras bu'i rgyu nyid ma yin par 'gyur la |  bdag gcig na rgyu dang rkyen gyis bskyed pa dang mi skyed par mi 'thad de cha shas myed pa'i phyer ro zhe na |  bdag nyid thams cad kyi rdzas gcig kyang spyi rigs gang gi rjes su byed pa de de'i 'bras bur 'jog pa yin no |  | gal te 


| skyen ma tshang yang 'bras bu ldog pa ma yin nam des gnyi ga phan tshun gyi rjes su byed par mtshungs na me dang shing dag las gang zhig rgyu dang rkyen du ngo bo dang khyad par skyed par skal ba gtad par bya zhe na |  khyad par ma mthong yang gcig shos la rgyu'i tha snyad byas na bstan bcos dang 'gal bar 'gyur ba'i phyir ram | 
yang na rkyen log pas ni 'bras bu'i ngo bo mi ldog pas gang 'bras bu'i ngo bo ldog byed byed pa de dag ni rgyu nyid du brjod par bya'o |  | 'bras bu'i khyad par ni rgyu ldog pa'i rjes su byed kyang rjes 'gro mi byed pas rgyu'i 'bras bur mi 'gyur te du ba la shes bya bzhin no |  | 'o na pi bang las sgra 'byung pa'i tshe khog pa dang pags pa dang 
rgyud dang rtsol ba dag las re re zhig ldog kyang sgra'i ngo bo nyid mi ldog pas de dag rkyen yin na rkyen tshogs pa nyer len du ci ltar 'gyur zhe na |  ngo bo'i rkyen dang khyad par gyi rgyu byed pa 'gal ba ma yin te bum pa'i mdog dang dbyebs la gser dang 'gar bzhin no |  | di lta yin dang du ba'i ngo bo dngos po la khyad par gzugs can 
dang ngo bo du ba la khyad par sngo la gdang pa lasogs par 'gyur bas nges pa med mod kyi |  'jig rten na gang la gang gi tha snyad du 'gyur ba de'i rang bzhin dang gnas skabs la ngo bo dang khyad par dang |  de dag bskyed pa la rgyu dang rkyen gyi tha snyad brjod pas don 'di la rigs pas gnod pa 'ga' yang myed do |  | gang yang slob dpon 
gyis la lar nyer len dang lhan cig byed pa dag la rkyen dang rgyu'i sgras brjod par snang pa ni lung gi tha snyad brkyang pa dang 'bras bu la phan 'dogs tsam la dgongs pas 'gal bar mi bsam mo |  | gsum pa skabs kyi rtags nyid ngos gzung pa yang gzhan gyis brjod pa sun dbyung pa dang |  rigs pa'i don dang |  de la skyon 
yang pa gsum las |  dang po ni kha cig 'dir rtags ni bde sdug shes pa dang nyer len cig las skyes pa yin no zhes zer ba de ni mi rigs ste |  me las me'i rgyun dang du ba dang rnga las rnga'i rgyun dang sgra skye ba lasogs pas rkyen mi 'dra ba'i mthun 'bras bu tha dad par mthong pas mnges pa'i phyir dang gzhung la 
mi snang pa'i phyir ro |  | yang kha cig rgyu rkyen gnyi ga cig pa rtags yin la de mi 'grub pa yang ma yin te |  re shig rnam shes dang bde sdug rgyu tshogs cig par grub pa las bde sdug kyang dbang po dang don gyi nyer len las byung na de dag gi rgyun bzhin du bems por 'gyur ba las ma yin pas de ma thag pa'i 
nyer len dang gnyis po'i rkyen las skyes par grub po zhes zer ba yang ches mi 'thad de |  bde sdug rig par ma grub pa srid du gnyis po'i nyer can mi khegs la grub na bsgrub bya grub par 'gyur ba'i phyir dang gzhung la ming snang pa'i phyir ro |  | gang yang myong par skyed pa'i rgyu las skyes pas zhes bya bas rtags 


kyi don du rtog pa ni ye nas ma yin no |  | yi ge la mi snang yang cu zad rigs pas mi gnod po de 'dir rtags yin na sim par myong pa'i phyir ro zhes ci ste mi brjod |  des na rtags kyi don ni dbang po'i shes pa'i rgyur gyur pa yul dang dbang po yid la byed pa gsum las skyes pa'i phyir dbang po'i shes pa bzhin no zhes 
bya ba gzhung ji lta ba nyid brjod do |  | 'di 'i phyogs chos ni gzhung nas 'byung pa nyid tshad mas grub po |  | de lta na yang khyab pa ma grub pa yin te |  tshogs pa yongs su gyur pa'i dbang yod don kyang rgyu de dag las skye bas ma nges pa yin no zhe na |  mi yin te de dag ni de'i gnas skabs na skye ba yin gyi | 
tshogs pa de nyer len du gyur pa las skyes pa'i gtan tshigs ma grub pa'i phyir ro |  | de la mi 'khrul par mtshungs kyang rgyur gyur pa ma yin te me la du ba dang lhan cig po'i ri'i skad cig bzhin no |  | 'dir dbang shes dang bde sdug ni tshogs pa de len du gyur pa las skyes par grub pas ga la mtshungs |  rnam pa cig du ni 
bde' sdug ni gsum 'dus nas bcad pa'i rig pa las skyes pa yin pas tshogs pa'i nyer len las brgyud nas skyes pa rtags su bkod kyang gzhung dang don la mi 'thad pa myed do |  | rgyu tshogs pa tha dad mi dad las skyes pa'i 'bras bu rigs cig dang tha dad par 'gyur zhes bya ba ni thams cad du slob dpon bzhed pa yin la |  kun 
gyis khas blang dgos pa 'ang yin te |  de lta ma yin na 'bras bu rigs gcig dang tha dad pa'i rgyu mtshan mi rnyed pa'i phyir ro |  | yang rtags 'di don nam tha snyad sgrub pa yin ce na |  rmongs pa la tha snyad tsam sgrub pa yin te chos can grub pa na rig pa'i ngo bor grub zin pa'i phyir ro zhes bya'o |  | don de nyid rnam 
par 'grel pa na re shig phyi rol pas kyang 'di 'i bzlog khyab khas blang dgos so zhes ston pa ni rigs pa can de dag kyang brgal zhing brtags pa na rgyu'i rang bzhin la brten te lan 'debs dgos so zhes sbyar ro |  | ji skad ce na 'bras bu de dang de ma yin rnams rang bzhin tha dad pa 'di gang las zhes so |  | ji ltar rten 
ce na |  rang rang gi rgyu tshogs tha dad las skyes pa yin te dper na sa bon tha dad las skyes pa'i myu gu bzhin no zhes so |  | de khas mi len pa'i mtha' dgag pa ni blo bur pa ces pa ste |  gal te rgyu tha mi dad kyang 'bras bu tha dad pa skye na 'bras bu'i tha mi dad dag rgyu tha dad tha mi dad la rjes su 'gro ldog 
'khrul pa'i phyir de dag gis ma byas par 'gyur ro |  | de 'dod na tha mi dad rgyu myed du 'gyur la |  de 'dod na dngos po tsam glo bur bar 'gyur zhes bskangs ste |  de ltar blo bur pa nyid na yin na thams cad du thams cad thams cad kyi ngo bor yod pa 'am ye myed par 'gyur te res 'ga' ba'i nges pa myed par thal lo 


| zhes bya ba'o |  | 'di 'i don rgyas par 'bras bu'i gtan tshigs su 'chad par 'gyur ro |  | rgyu gsum las skyes pa'i phyogs chos rjes 'gro 'i sgo nas mngon sum nyid kyis grub mod kyi log rtogs bzlog pa'i don du bzlog pa'i sgo nas rtags kyis bsgrub pa ni 'bras bu tha dad la rgyu tha dad las skyes pas khyab pa de la zhes 
bya ba'o |  | gzugs dang sgra lasogs pa'i bdag nyid legs pa dang snyan pa dang zhim pa lasogs pa'i bdag nyid ci lta bu dang 'brel pa'i bde sogs rnams phyogs su byas te yul dang ldog pa grub pa yin te gnyis po tshang yang yul myed na myed pa'i phyir ro |  | 'di 'i phyogs chos nges pa'i tshad ma bzhi ni don gzhan 'dzin pa'i mngon 
sum yod pa'i tshe gnyis po yod par sgrub pa'i rnam pa can dang yul dang bde ba myed par dgag pa'i rnam pa can gyi mngon sum nyid yin no |  | dbang po myed par yang ma yin te |  zhes bya'i tshad ma bzhi yang |  gnyis po yod par ni don gzhan 'dzin pa dang rig pas grub la |  dbang po ma chod pa dang bde' 
ba myed par ni sgrib byed 'dzin pa dang rang rig pas grub pa yin no |  | yid la byed pa myed par yang ma yin te zhes bya ba'i tshad ma bzhi yang |  gnyis po yod par ni sad pa'i yul dang dbang po phrad pa'i 'bras bu dro ba lasogs pa'i rtags kyis shes la |  yid nye bar gnas pa dang bde ba myed par ni rang rig pas 
grub po |  | 'o na 'di dag gi rtags gnyis po'i rdzas tshang yang 'bras bu myed pa 'am nus pa tshang yang 'bras bu myed pa yin |  dang po ni snang pa nas grib khang du zhugs pa'i tshe rkyen gsum car tshang yang 'bras bu myed pas ma nges la |  gnyis pa ni 'bras bu nyid ma mthong par de'i nus pa thogs myed du mi 'grub 
po zhe na |  nus pa tshang pa nyid rgyu rang bzhin khyad myed 'dzin pas grub pa yi te |  ji ltar sa phyogs dang rang bzhin myed par myed pa'i bum pa snang rung mi dmyigs pa'i phyogs chos grub pa bzhin no |  | de 'dir yang rgyu cig shos yod pa'i tshe gnyis po ci tsam zhig las 'bras bu 'byung pa de'i gnas skabs 
de grub pas yin no |  | de lta na yang 'di dag rgyur bsgrub pa'i rtags phan tshun rten par mi 'gyur ram zhe na |  ma yin te 'ga' zhig rjes 'gro 'i sgo nas kyang 'grub pa'i phyir ro |  | de nyid kyi phyir dbang po la yod na 'byung pa'i rjes 'gro smos pa ni gnyis po la'ang mtshon pa yin no |  | rgyu de dag dbang 
shes dang gcig du bsgrub pa ni rnam par shes pa zhes bya ba'o |  | de ltar shes pa dang rgyu cig las skyed pa des na bde' ba lasogs pa ces sbrel te |  khyab pa rjes su brjod pa ni rgyu'i rang gi ngo bos ces pa'o |  | yang na rang gi ngo bos 'bras bu'i ngo bo nges pas na zhes khyab pa nyid kyi bsdu ba'o |  | de la 'khrul pa 


yang pa la gnyis las |  phyogs la 'khrul pa smra ba ni 'dus byas pa sal ces pa ste |  bde sogs shes pa'i rgyu gsum las skyes mod kyi rnam shes ni rgyu lhag pa bdag gi yon tan shes pa snga mas bskyed cing phyi ma bskyed pa'i mtshan nyid can gyi 'dus byas pa zhes bya bas bskyed pas rgyu thams cad kyis khyad par myed par ma grub zhes pa'o : 
de'i lan la rgyu bzhi pa ma grub pa ni ji skad brjod pa'i gsum las ma rtogs pa gang gi rjes su 'bras bu yod myed byed pa de lta bu'i nus pa ma mthong pa'i phyir ces pa'o |  | ha cang thal ba ni du ba'i rgyur gnam gyi skar ma yod ces pa lasogs pa ste |  dus snga phyi ma chod pa'i dngos po thams cad rgyu 'bras su brtag par thal 
ba'o |  | gsum par mtshungs pa ni gzhan yang 'dus byas pa zhes mi su btags pa yang yid la byed par brjod pa'i rnam shes snga ma nyid yin par rtogs shing de nang bde ba'i rgyu yin no zhes bya ba'o |  | de gnyis ka'i rtags dgod pa ni gang gi ste |  gzugs can ma yin pa nang yid kyi shes pa dang yid kyi 'khor du byung pa'i bde 
sogs chos can rnam shes snga ma las byung pa yin te de yul 'ga' zhig la goms pa g.yer zhan gyi rjes su byed pa'i phyir zhes bya'o |  | gtan tshigs 'di nyid kyis yid kyi bde sogs shes pa'i rang bzhin du yang bsgrub pa yin no |  | yang khyab pa la 'khrul pa smra ba 'o na rgyu tshogs pa gcig las skyes pa'i phyir bde ba dang 
sdug bsnga pa yang khyad par myed par thal lo zhes pa la |  bde sdug shes pa'i rgyu mtshungs pas shes par khyad myed pa 'dod la |  byed brag khyad myed par thal ba khyab pa ma grub cing bye brag gi rgyu nyid mtshungs pa'i gtan tshigs ma grub ste yul sdug mi sdug bar ma'i khyad par yod do zhes lan 'debs pa ni ma yin te ces 
pa ste |  thams cad du 'bras bu'i khyad par ni rgyu'i khyad par las 'byung pa'i phyi ro |  | yang bde sogs phyi rol gyi don du rtog pa dgag pa'i phyir phyogs snga ma nyid 'god pa ni gzhan dag ces pa ste |  drang srong ser skya'i rjes su 'brang pa'i grangs can pa dag shes bya thams cad bems rig gnyis su gnas so |  | 
de la bems po ni bde sdug btang snyoms gsum gyi rang bzhin yin la |  de dag cha mnyam pa ni rang bzhin te gtso' bo zhes bya ba snang yul ma yin no |  | cha mi mnyam pa ni rnam 'gyur te snang pa'i 'gro ba rnams so |  | de yang thog mar chen po 'am blo zhes bya ba shel gyi khang pa 'am me long ngo gnyis pa 
'i sum pa lta bu bems po phyi nang gi gzugs brnyan 'char ba'i rten byed pa dang |  de las nga rgyal gsum las 'byung pa las gyur pa'i nga rgyal las sgra dang reg pa dang gzugs dang ro dang dri ste de tsam lnga dang |  de las kyang rim pa nam mkha' dang rlung dang me dang chu dang sa ste 'byung pa lnga 'byung la |  jul las gyur 


| pa'i nga rgyal las kha dang rkang lag sbubs dang mtshan ma ste las kyi dbang po lnga dang |  rna ba dang lus dang mig dang lce dang sna ste blo'i dbang po lnga dang |  gnyi'i ga'i dbang po yid dang bcu cig 'byung pa yin te |  ji skad du dbang phyug nag po zhes bya ba'i gzhung las |  rang bzhin las chen de las nga rgyal te | 
de las tshogs ni rnam pa bcu' drug 'byung |  | de ltar bcu' drug 'byung pa de la yang |  | de tsam lnga las 'byung pa rnam lnga 'byung |  | zhes bshad pa yin no |  | rig pa ni bdag gam skyes su zhes bya ba ste |  shes pa rtag pa cig su lkog gyur za ba po'i chos lnga dang ldan pa'o |  | de la bems po'i rang 
bzhin gtso' bo dang skyes bu don dam pa yin pas mi snang la |  rnam 'gyur nyi shu rtsa gsum ni snang pa kun rdzob pa yin te |  ji skad du |  yon tan gsum gyi rang bzhin mchog |  | mthong pa'i yul du 'gyur ma yin |  | mthong pa'i yul du gang gyur la |  | sgru ma bzhin du shin du gsog |  | 
ces 'byung pa yin no |  | de lta yin dang bde sdug btang snyoms ni sangs rgyas pa ltar sems pa can yang ma yin gyi don yin la |  de 'ang rigs pa can ltar na ma yin gyi sgra lasogs pa phyi rol gyi rang bzhin yin no |  | 'o na de myong pa'i ngo bor rtogs pa gang las zhe na |  blo'i ngogs la bde sogs kyi 
rang bzhin sgra lasogs pa'i rnam pa shar ba nang gi skyes bus myong pa las bde sogs myong pa'i ngo bo lta bur mngon pa yin no zhes zer ro |  | phyogs 'di sun dbyung pa la yang phyi'i don dgag pa dang | nang sel pa can du bsgrub pa dang | 'bras bu bsdu ba gsum las dang po ni de dag gi ltar na yang bde sogs don gyi 
rang bzhin min zhes sbyar ro |  | 'dir yang chos can dang bsgrub bya dang gtan tshigs kyi don gsum nges par bya ba las |  chos can ni myong pas grub pa'i bde ba lasogs pa tsam mo |  | bsgrub bya ni don gyi rang bzhin zhes bya ba don gyis bzhag pa'i rnam pa 'gog pa ni ma yin te |  de ma thag du 'di 
'i bdag nyid 'di 'jog par byed la gzhan yin par ni mi rigs ste ces 'chad pa dang zlos pa'i phyir ro |  | 'on kyang sgra lasogs pa don gyi ngo bo nyid ma yin ces bya ba'o |  | gal te skyes bus myong bzhin pa ni rnam pa yin gyi don gyi ngo bo nyid du mi 'dod pa ma yin nam zhe na |  yin mod kyi myong 
pas mtshon pa'i bde' ba tsam don du 'dod pa 'gog pas 'gal ba myed do |  | gtan tshigs ni phyi rol khyad myed kyang goms pas khyad par du gyur pa'i phyir shes rab bzhin zhes bya ba khyab byed 'gal ba dmigs pa'o |  | 'di 'i phyogs chos ni don khyad med dang bde ba khyad par du 'gyur ba 'dzin pa'i mngon 


sum gnyis kyis grub la |  rtags ni tha snyad tsam sgrub pa yin no |  | 'grel par de 'phen pa'i thal ba bkod pa ni gang gi phyir ces pa yin la |  chos gnyis ka'i khyab pa ston pa ni do' khyad par ces pa ste |  goms pas 'gyur ba la blo'i rang bzhin gyis khyab pa grub pa na don gyi rang bzhin gyis khyab pa grub pa na don 
gyi rang bzhin rnam gcad la khegs pas rang rgyud kyi rjes 'gro dang thal ba'i bzlog khyab 'grub pa'i phyir ro |  | yang na 'di yang rtsa ba'i gtan tshigs te chos can bde sogs nyid bkod de bsgrub pa lhur byas pa rang bzhin gyi gtan tshigs yin no |  | na sems pa can du bsgrub pa la re shig de nyid kyis khas blangs pa'i rjes su 
'brangs pa'i rtags 'god pa ni myong bya yin pa'i phyir shes rab lasogs pa bzhin ces pa ste khyed rang ltar na yang skyes bus myong byar 'dod pas so |  | sems pa'i rang bzhin ma yin pa myong bya ma yin zhes bya ba'i bzlog khyab rtsa ba gnyis pa'i don rtogs pa gcig pa yul can la ston pa ni 'grel par gang gi phyir ces pa ste | 
bde' ba rig pa la sdug bsngal gyi rnam pa myed pas sdug bsngal myong byed min pa bzhin no |  | yul gyi rnam pa ni shes pa'i ngo bo yin pas shes pa'i ngo bor myong byed pa yin na yul myong byed nyid ma yin te ces bya ba'i don to |  | 'di dag gi khyab pa pha rol dngos su khas mi len mod kyi dpe' 'ga' zhig gi steng du
mtha' gzhan bkag pas 'grub po snyam du dgongs pa'o |  | de la gzhan dag rtags 'di khyab pa ma grub pa yin te rnam pa myong byed ma yin yang yul myong pa 'thad la |  de yang skyes bu yul gang yid lhag par gzhungs pa yin no zhes pa'i dogs pa bsu nas nyes pa brjod pa ni 'di 'di 'i ces pa ste |  gsal ba'i 
gnas skabs de dbang po dang blo las kyang thob pas de dag kyang myong par thal ces pa'o |  | shes pa rtag pa'i lugs la res 'ga' 'dra ba 'gal lo zhes gzhan zhig sems pa la bden te 'di ni 'di 'i nyes pa gzhan ces pa ni 'dra ba myed pa mi 'thad pa las gzhan no |  | gal te skyes bu rtag su rig par yod pa nyid 
kyis don rnams myong par 'gyur mod rgyu mtshan gzhan mi dgos po snyam pa 'gog pa ni rig pa yin pa tsam ni don nges pa myong pa'i rgyu ma yin te thams cad la khyad par myed pa'i phyir ro ces pa'o |  | des na bye brag la ltos pa ni de la ces pa'o |  | da ni gzhan dag tshur rgol bas de lta na yang myong par bya ba'i 
rnam pa shes par grub pas bde ba nyid shes par mi 'grub ste sngon po'i rnam pa shes pa yin yang sngon po nyid shes par mi 'grub pa bzhin no zhes pa'i lan du |  sngon po'i rnam pa ni sngon po nyid ma yin la 'dir bde'i ba'i rnam pa sem par myong pa gang yin pa 'di nyid kyang zhes smos ste |  bde ba'i mtshan nyid yod 


| pas snyam du dgongs pa'o |  | gal te yul dang ces pa ni mi 'dod pa grub par rgol ba ste |  yul gyi rnam pa'i bde ba myong pa'i bdag nyid yin na rnam pa gtod pa'i bde ba myong pa ma yin pa zhig kyang yod par 'gyur ro ces pa la |  kho bo cag myong par bya ba'i bde ba la rnam pa gtod byed yod par 'dod pa ma yin 
gyi |  khyed kyi phyogs la yang bde sogs myong par bya ba ni bdag nyid ma yin pa la mi rung pas myong pa'i bdag nyid du yod pa yin no zhes bstan pa'i don du myong phyir sems pa 'ang yin ces pa'i rtags bkod pa yin no zhes bya'o |  | da ni dngos po'i rigs pas kyang bsgrub par bzhed pas 'o na khyed rang gi lugs kyis ci ltar sgrub ces pa la 
bde sogs myong pa'i bdag nyid yin pa'i lugs de la yang ces pa ste |  phyir rol gyis byas pa'i rnam pa myong pa ltar rig bya rig byed cha gnyis myed pas cig du'o |  | de 'ang nang ste skyes bu'i rgyud du myong pa'i ngo bo nyid du myong pas grub pas brtsad pa'i yul ma yin no zhes dgongs pa'o |  | 'on kyang gzhan gyi log rtogs bzlog 
pa'i phyir 'thad pa'i sgo nas don gyi rnam pa nyid 'gog pa ni 'di 'i ces pa ste |  myong pa'i rang bzhin gyi bde sogs 'di phyi rol gyis gzhag pa ma yin te phyi rol sgra lasogs pa khyad myed kyang bde sogs khyad par du 'gyur ba'i phyir zhes bya ba khyab byed 'gal ba'o |  | gang las ce na |  'gro ba'i rang bzhin du goms pa'i khyad 
par gyis so |  | de la gzhan dag ma grub par rtog pa ni 'dir myong pa 'am myong par byed pa 'am de dag gi gzhi blo'i bde ba chos can yin |  de la myong byed kyi bde ba 'jog na gzhi ma grub la |  myong pa gzugs bsnyan gyi bde ba 'jog na rtags ma grub ste khyad par du 'gyur ba ni blo'i ngo bor gtogs pa'i bde ba yin 
no |  | de don gyis ma bzhag par ni grub pa la sgrub po zhes sbyar ro |  | de la slob dpon gyis blo dang myong pa tha dad du 'dod pa nyid dgag par bzhed nas ci zhig ces khyad par brtag pa mdzad do |  | pha rol gyis khyad par smras pa ni yul gyi zhes pa ste |  bems po yul gyi rnam pa can dang |  rig pa rnam pa myed pa 
yin no zhes brjod pa la |  blo'i mtshan nyid la 'khrul pa brjod pa'i 'dra ba gzhan ni me long lasogs pa'o |  de las khyad par brjod pa ni nang gi byed pa ste skyes bu longs spyod pa'i byed pa dang na nyid dang shin du dang ba lasogs pa de'i rgyu mtshan yin no zhe na |  de yang mtshon bya blo nyid rtogs pa'i yan lag ma 
yin pa'i phyir mtshan nyid du bsgrag par bya ba ma yin te 'di ltar shin du dang pa lasogs pa'i rnam pa de lta bu khyad par gzhan ni dbang po la yod pa'i phyir ro |  | kha cig khyad par brjod pa'i dogs pa bsu nas nang gi byed pa lasogs pa yang de'i rgyu mtshan can yin pa 'am zhes gzhung 'don pa ni tshig 'tshams sbyar ma 


shes par gsal lo |  | gzhan yang blo des 'di ni 'di 'i zhes yul rnam par 'jog par ji ltar 'gyur te sems pa myed pa'i phyer ro |  | de'i khyab pa ni yul rnam par 'jog pa ni ces pa ste myong pas grub pas so |  | rig pa myed kyang de'i rnam pa shar bas de 'jog na shel lasogs pas kyang 'jog par ha cang thal ba'o |  | skyes bus 
'jog pa yang mi rung ste yul gyi rnam pa khas mi len pa'i phyir ro |  | gzhan yang sngar phyi rol sgra lasogs pa'i bde ba goms pas khyad par du mi 'gyur la blor gtogs pa khyad par du 'gyur bar brjod pa 'gal te |  myong bzhin pa'i bde ba'i rdzas cig la myong bya myong byed blo gsum gyi cha myed pas khyad par du 'gyur mi 'gyur 'di dag 
'gal ba'i phyir dang |  blo'i bde' ba myong bya ma yin pa'i yang phyir ro |  | gnod pa'i don bsdu ba ni nyes pa gsum po de'i phyir myong pa las gzhan pa'i blo ni yod pa ma yin no |  | de'i myong pa'i bde ba myed la blo'i bde' ba don gyis ma bzhag cing myong pa'i bde ba khyad par du mi 'gyur ro zhes brjod par mi rigs pas myong 
bzhin pa'i bde sogs nyid khyad par du 'gyur ba kho na'o zhes bya'o |  | blo dang myong pa tha mi dad par grub pa'i sgo nas kyang brjod pa ni gzhan yang myong pa'i rang bzhin las log pa |  bde sogs kyi rnam pa can g.yi blo ni myed phyir ro |  | 'on kyang myong pas grub pa'i bde sogs 'di ni blo'i chos bde sogs kyi rnam pa du mar 
mngon sum gyis grub pas bems po dang tha dad pa zhes bya ba'i ming la mi brtsad do zhes bya ba'o  || gal te rnam pa du mar myong pa ni ma yin te myong pa'i skyes bu ni phra bas lkog du gyur pa'i phyir ro zhes zer ba la | long spyod byed mngon sum pa'i don grub bzhin du tha snyad la 'khrul pa ha cang 
thal bas dgag pa ni yul long spyod pa ni ces pa ste |  myong byed lkog du gyur pa'i skyes bu 'di'i chos can myong bya myong pa'i tha snyad thams cad mngon sum ma yin par thal te myong byed mngon sum ma yin pa'i phyir skyes bu gzhan gyi myong pa bzhin no |  | thal ba las myong bya mngon sum yin pas myong 
byed mngon gyur yin zhes bya ba rang bzhin gyi gtan tshigs blta'o |  | gal te thal ba 'di brjod par bya ba'i phyir rgol bas myong bya mngon du ma grub na bsal ba dang bzlog pa'i gtan tshigs myed la |  grub kyang myong mngon du ma grub na thal dang bzlog pa'i khyab pa myed do |  | grub na'ang thal ba'i 
rtags dang bzlog pa'i shes 'dod myed pas ci ltar yang mi 'grigs par 'gyur ro zhe na |  myong bya grub pas myong byed mngon gyur gyi tha snyad du rung pa tsam sgrub par byed pas nyes pa drug las rnam par grol ba yin no |  | yang yul yod pa tsam las zhes bya ba tsam gyis spyod byed bkag pas spyod byed myed pa'i lo spyod 


| par thal te spyod byed mngon sum ma yin pa'i phyir ro zhes pa'o |  | gal te mngon sum ma yin yang dbang po bzhin du yod pa ma yin nam zhe na |  mngon sum ma yin pa'i shes pa ni rang gi rgyud la yod kyang myed pa dang khyad par myed te yod par ma grub pa'i phyir ro de 'ang mngon sum ma yin pas ces bya'o |  | 
mngon sum ma yin yang rtags kyis dpags pas rang rgyud la long spyod byed yod par 'grub po snyam pa la |  rtags las longs spyod byed dpags pa'i longs spyod pa ni longs spyod pa'i tha snyad du bya ba ma yin te spyad pa'i bya ba mngon du ma gyur pa'i phyir dper na 'bras bu 'ga' zhig ti rtags las skyes bu gzhan gyis kha zas 
la long spyod par rtogs pa bzhin no zhes bya'o |  | gzhan yang rtags can de las kyang longs spyad par mi 'grub ste shes pa dpag pa la mi 'khrul pa'i rtags nyid ma grub par 'gyur ba'i phyir sngar spyod pa ba la bshad pa bzhin no |  | de lta na zhes bya ba dngos pos dngos po mtshon par byas te skyon de dag yod pas longs 
spyod skyes bu'i gzugs brnyan mngon sum du 'dod na de nyid kyis longs spyod pa'i tha snyad rdzogs pas gzugs brnyan 'jog pa'i shes pa gzhan ces bya'o |  | yang na pha rol gyis myong pa lkog du gyur kyang blo nyid kyis yul longs spyod par byed do zhes pa la |  'o na yul mngon sum du dmyigs pa de nyid kyis longs spyad 
pa'i tha snyad rdzogs pas longs spyod pa la sems pa can gyi skyes bu gzhan dgos pa ci yang myed do |  | de lta na yang blo dang myong pa gcig pa yin no snyam na spyod byed de yang dga' gdung gi rnam pa dang rang bzhin cig nyid du mthong pas zhes bya'o |  | gal te de dag gcig du mthong yang tha dad pa yin la |  de lta na 
'ang tha dad du mi rtogs pa ni skyes bu yul la longs spyod pa'i tshe skyes bu'i gzugs brnyan blo la zhugs shing 'dres pa'i phyir lcags gong me'i rnam par gyur pa bzhin no |  | de'i tshe 'ang lcags me gnyis myed pa ni ma yin te zlum po dang lci ba dang |  dmar ba dang tsha ba dang so sor nges pa'i phyir ro zhes zer ba ni lcags 
go dang ni zhes pa'o |  | de la re shig rnam gzhag nyams pas don nyid mi 'thad par ston pa ni de lta yin na ces pa ste |  sgra dang bde ba lasogs par rang bzhin tha dad par snang yang cig du smra bas tha dad kyi tha snyad rgyu med cing blo dang myong pa cig du dmyigs kyang tha dad 'dres par rtogs pa cig gi tha snyad rgyu mtshan gang gis 'jog 
ces bya ba'o |  | de nyid bsdu ba'i tshig le'ur byas pa las rigs pa'i rnam gzhag brjod pa ni tha dad te dngos po gang zla myed par rig pa de cig gi rnam 'jog gi rgyu mtshan yin na de ltar gang min gyi bzlog phyogs zla dang bcas pa de tha dad kyi tha snyad 'grub 'gyur ces bya ba ces su 'gro ba'o |  | de bsgrub byed min 


na ces pa log na ldog pa ste gcig nyid ngos ma zin pas bzlog pa las ma phyed pas sam |  tshogs pa can mi snyed pa'i phyir te sngar bshad pa bzhin no |  | dkar sdug lasogs ces pa'i shu log ni de las 'das pa'i skyon te |  bstan pa dang bshad pa'i don bde' blag du bsdus pas bsdu' ba'i tshigs su bcad pa'o |  | 
don mi 'thad par ma zad lcags kyi gong bu la yang ces ni dpe' ma grub par ston ste |  de'i tshe me'i rdzas cig nyid do zhes bya ba'o |  | gal te de'i tshe me nyid du gyur na phyis lcags ci las 'byung par 'gyur ce na |  yang rdzas gzhan skye ba yin no zhes sbyar te |  me'i rdzas ldog pa'i nyer len dang grang pa'i reg 
pas brlan pa'i rkyen tshogs las so |  | gal te de ltar dpe' dang don mi 'thad pas tha dad par ma dmyigs pa cig nyid yin na |  gser rdul srang dang zho cig bzhu ste sbrang bur gyur pa'i tshe yang tha dad ma dmyigs pas gcig nyid du 'grub po zhe na |  kha cig dbang pos bltar rung pa'i rags pa rnams tha dad tha mi dad 
kyi tha snyad mngon sum gyis nus kyang rdul skad cig lasogs pa cha phra ba la ni rtags kyis nges par bya ba yin te |  nags dang ldum ra'i rgyal mo ga gon bzhin no |  | des na 'dir yang phyis nag tshur gyis phye ba na 'bras bu tha dad pas 'byung pa'i rtags kyi sgo nas tha dad nyid du rjes dpag gis gzhag par bya ba yin 
no zhe'o |  | yang na der yang tha dad myed pa nyid yin te phyis tha dad par 'gyur ba'i chu dang 'o ma 'dres pa gcig nyid du brjod pa bzhin no |  | rgyu cig las 'bras bu du ma 'byung pa mi 'gal bar yang brjod zin to |  | tshad ma'i 'bras su bsdu ba ni goms pa las khyad par du 'gyur ba dang |  myong par bya ba yin 
pa dang don gyi rnam pa'ang ma yin pa de'i phyir zhes bsgrub bya gnyis la rim bzhin sbyar bar bya'o |  | rang rig pa'i mngon sum bshad zin to ||   || da ni rnal 'byor gyi mngon sum bshad par bzhed nas 'jigs sogs bzhin du zhes bya lasogs pa gsum so |  | 'di 'i don gyi cha 
ni spyi'i don gsum gyis nges par bya ste |  rang bzhin nyid ngos gzung pa dang |  de yul la tshad ma bsam pa dang |  ngo bo bsgrub byed do |  | dang po yang mtshan nyid dang |  dbye ba dang rgyu bsam pa gsum las |  de yang 'di ltar rnal 'byor ces bya ba ni zung du 'jug pa ste |  zhi gnas dang lhag mthong ngam 
thabs dang shes rab sgom pa yin pas yang dag pa'i don la ting nge 'dzin goms ba'i bdag rkyen las skyes pa ni rnal 'byor pa'i shes pa zhes bya ba gzhi tha dad pa'i bsdu ba yin te tsa'i me dang stag gi ri mo zhes bya ba bzhin no |  | rnal 'byor pa'i mngon sum ni bdag rkyen de las byung zhing rtog bral ma 'khrul pa ste | 


| mngon sum ma yin pa dang blo gsum bcad pa yin no |  | tshad ma ni bdag rkyen de las don myong pa'i stobs kyis sgro 'dogs sel pa'o |  | rnam par dbye' ba la rten gyi sgo nas ni 'di 'phags pa'i gang zag la bzhag pas de la gsum ste |  nyan thos dang rang rgyal dang |  byang chub sems dpa' dang | 
thams cad mkhyen pa'o |  | yul gyi sgo nas ni gnyis ste |  chos can dang chos nyid kyi yul gnyis snang bcas dang |  snang pa myed pas so |  | de la nyan thos rang rgyal gyi snang pa dang bcas pa ni bsam brtan la mnyam par bzhag pas tshe na stong gnyis dang stong gsum gyi snod bcud mthong pa ste |  ji skad du slob ma bse ru ston 
rnams kyis |  stong gnyis gsum dang grangs myed mthong |  | zhes bshad pa lta bu'o |  | snang pa myed pas ni de dag gang zag gi bdag myed par rtogs kyi chos kyi bdag myed par ni ma yin te |  zag pa myed pa'i dbyings la gnas |  | mtshan nyid kyis ni rnam par g.yengs zhes 'byung pa'i phyir ro |  | byang chub sems 
dpa' rnams kyis ni 'jig rten pa'i ye shes kyis zhing brgya nas zhing bcu'i rdul snyed kyi 'jig rten khams kyi snod dang bcud mthong pa dang |  mnyam par bzhag pas de dag gi chos nyid ji lta ba mngon sum du rtogs ste |  ji skad du mdo' las |  des 'jig rten gyi khams kun kyi sa dang |  chu dang me dang rlung gi khams kyi rdul 
phra rab thams cad rab du mthong ngo zhes gsungs pa dang |  blo dang ldan pa mi rtog ye shes stobs |  | rtag du kun nas mnyam par song pa yis |  | zhes gsungs pa yin no |  | sangs rgyas bcom ldan 'das rnams kyis ni |  snang pa dang bcas pa dang snang pa myed pas chos can dang de dag gi chos nyid ji lta ba bzhin du zad par 
mkhyen pa yin te chos thams cad la sgrib pa myed pa'i spyan dang ldan pa'i phyir ro |  | ji skad du mdo' las |  mnyam par bzhag pas ni chos thams cad nam mkha'i dkyil lta bur gzigs la |  dag pa 'jig rten pas ni chos thams cad sgyu ma lta bur gzigs so zhes gsungs pa bzhin no |  | kha cig 'phags pa 
nyan thos rnams kyi snang bcas ni dbang po dang yid kyi mngon sum nyid yin no zhes zer ba ni ma yin te |  de dag gi ting nge 'dzin gyis mthong pa la dbang po dang yid kyi mtshan nyid myed cing rnal 'byor mngon sum gyi mtshan nyid ji skad bshad pa yod pa'i phyir byang chub sems dpa'i mngon sum bzhin no |  | ye shes de dag gi rgyu 
la snang bcas skye ba'i rgyu ni bsam brtan gyi ting nge 'dzin dang smon lam las 'byung pa yin te |  ji skad du |  ji ltar mdud pa'i dbang gis ni |  | gos la tshon bkra mi bkra ba |  | de bzhin 'phen pa'i dbang gis kyang |  | grol ba'i ye shes bkra mi bkra |  | zhes gsungs pa yin no |  | ye shes de phyin 


ci ma log pa'i rgyu ni sgrib pa'i sa bon dang bcas pa zad pa las yin no |  | snang pa myed pa'i ye shes ni don de nyid yang nas yang du goms pa nyid las 'byung pa yin te |  ji skad du |  'ga' yis chos kun bdag myed pa |  goms pa de'i bdag nyid du |  | 'gyur te dngos po mthong pa bzhin |  | zhes bshad pa bzhin no |  | 
ye shes de don la mi 'khrul pa'i rgyu yang sngar gyi phyin ci ma log par bsgom pa de nyid te rgyu dang 'bras bu'i shes pa yul gcig la 'jug pa'i phyir ro |  | de lta na 'bras bu'i shes pa rtogs zin la 'jug pas tshad mar mi rung ngo zhe na |  rung ste sngar gyi spyi'i rnam pa las khyad par rtogs pa'i phyir rjes dpag gis mi rtogs pa la mngon sum 
'jug pa bzhin no |  | rnal 'byor gyi mngon sum yul la tshad ma nyid bsam ba la tshad ma ma yin pa'i tshad ma ni snang la ma nges pa dang bcad pa'i shes pa'o |  | de la 'phags pa chung 'bring gnyis kyi snang bcas la ni snang la mnges pa yin te |  thams cad ma rtogs pa nyid kyis cung zad rtogs chos rnams la ma rtogs pa'i chos 
rnams kyis khyad par du byas pa de dag snang yang nges par mi 'gyur ba'i phyir sgra la rna bas rnga'i 'bras bu nyid bzhin no |  | chos nyid stong pa nyid la yang nyan thos pas dgag bya'i dngos po mtha' dag gis stong par snang la mnges pa dang byang chub sems dpas chos can thams cad kyi chos nyid du snang la ma nges pa yod do |  | gal te chos 
nyid la dbye ba myed par rtogs pa dang ma rtogs pa'i cha 'gal lo zhe na |  chos nyid spros bral la dbye ba myed mod kyi 'on kyang chos can thams cad dang 'ga' zhig rang bzhin myed par rtogs pas chos nyid rtogs pa'i ye shes nyi tse ba dang khyab par brjod pa yod te |  ji skad du mdo' las |  sprin mthong mkha' la nyi bzhin 
'dir khyod phyogs cig blo gros can |  blo myig dag pa'i 'phags rnams kyis kyang thams cad mthong ma lags |  bcom ldan 'das khyod chos sku gang dag blo gros mtha' yas pa |  shes bya mtha' dag mkha' byings mtha' dag khyab pa de dag gis kun mthong |  zhes gsungs pa yin no |  | chos nyid stong 
pa nyid la ni chos can dang ngo bo gcig pas chos can ltar ma rtogs pa'i cha yod pa kho na'o |  | sangs rgyas bcom ldan 'das la ni snang la ma nges pa mi mnga' ste |  thams cad mkhyen pa nyid dang gzhan gyi don tshang pa nyid mi 'thad par 'gyur ba'i phyir ro |  | bcad pa'i shes pa 'ang med te don dang shes pa thams 
cad skad cig ma nyid kyis don dang blo rnying pa phrad pa myed pa'i phyir dang |  'das pa dran pa'i rtog pa myed pa'i phyir ro |  | tshu rol mthong pa ni skad cig mi rtogs pas rgyun phrad pa dang 'das pa dran pa'i rtog pa yod pas mi mtshungs po zhe'o |  | 'di snyam du skad cig snga phyi'i rdzas de lta na yang de dag la ye shes kyis 'gro ba 


| rtogs pa 'am sngon po nyid rtogs zhes bya ba yod dam myed |  myed na spyi ma rtogs pa'i bye brag rtogs par 'gal la |  yod na yang de nyid la ye shes phyi ma bcad pa'i shes pa ji ltar ma yin |  gzhan yang rtog pa myed mod sngon ji ltar mkhyed pa'i chos rnams da ltar ma mkhyen na thams cad mkhyen par mi 
'gyur la |  sangs rgyas kyi chos bsnyel ba mi mng'a ba dang dran pa nyams pa mi mnga' ba zhes bya ba'i don yang ci zhig yin |  des na 'jig rten mkhyen pa ni thams cad du rdzas la tshad ma nyid la ldog pa la bcad pa'i yul can nyid kho na ste |  de dag gi chos nyid stong pa nyid las de bzhin no |  | tshad ma yin 
yin yang mngon sum ma yin pa yang yod ste |  chos can dus gsum mkhyen pa yin yang 'das pa dang ma 'ongs pa'i don la mngon sum du mi rung ste |  de yod na dus gsum rtag par 'gyur la myed kyang snang na log shes nyid yin pa'i phyir ro |  | 'on kyang de dag gi rnam pa snang pa la sgro 'dogs bcad pas de 
dag gi dngos po la dogs pa chod pas tshad mar 'gyur ba yin no |  | des na sangs rgyas rnams ni mngon sum spyan zhes bya ba yang dus gsum car gyi rnam pa ci lta ba bzhin ye shes dang ltar ba nyid la 'char ba la dgongs par gdon mi za ste gzhan du mi 'thad pa'i phyir ro |  | chos nyid stong pa nyis la yang 
chos can la ji lta bzhin te |  da ltar gyi dngos po'i chos nyid la mngon sum dang tshad ma gzhi mthun pa dang |  'das ma 'ongs lasogs pa dang ltar dngos po myed pa'i chos rnams kyi chos nyid la mngon sum dang tshad ma gzhi tha dad par blta'o |  | rnal 'byor mngon sum sgrub pa yang ngo bo bsgrub pa dang |  mtshan 
nyid bsgrub pa dang |  grub pa la gzhan gyi log rtogs dgag pa gsum gyis nges par bya ba las |  dang po yang ye shes gnyis po de sngon gzhan gyi rgyud la byung zin pa dpag pa ni zab pa dang rgya chen po ston pa'i gzhung 'di dag chos can de lta bu'i don mngon du byed pa'i shes pa sngon du 'gro ba can yin te gzhung 
bkod pa'i khyad par 'di lta bu dmyigs pa'i phyir zhes bya ba mi 'khrul pa'i yu ris zin na rtags su rung mod kyi tshu rol mthong pa rnams kyis nges par mi nus pas slob dpon gyis ma bkod do |  | rang gi rgyud la gdod 'byung rung bsgrub pa ni rnam 'grel du bkod te |  sbyor ba ni bdag myed goms pa'i rnal 'byor 
pa 'di ni goms pa'i yan lag dang ma bral na bdag myed gsal bar snang pa'i ye shes nges par 'byung ste rten brtan pa dang rang gis khyad par du 'gyur ba sgom pa'i phyir 'dod 'jigs goms pa bzhin no zhes bya ba mtha' gzhan bkag pa'i nges pa bsgrub pa'i rang bzhin no |  | 'di yang chos can dang bsgrub bya dang 


gtan tshigs kyi don gsum nges par bya ba las |  chos can ni bdag med pa sgom pa'i rgyud rang rig pas grub po |  | bsgrub bya ni goms pa'i yan lag 'di nyid ma bral zhing 'gal rkyen med na goms pa'i yul gsal snang 'byung par nges zhes bya ba mtha' gzhan bkag pa'i nges pa ste rgyu tshogs pa las 'bras bu 
rung pa dpog pa bzhin no |  | rtags kyi don la yang mtshan gzhi dang mtshan nyid bsgrub pa dang mtshon bya bsam pa gsum las |  mtshan nyid phyogs chos sgrub pa la ngo bo sgom pa nyid dang khyad par rang gis khyad par du 'gyur ba ni rang rig pas grub la |  rten brtan pa ni rig pa'i rgyun mi zad par bsgrub pa ste | 
'di la kha cig skyes ma thag pa'i sems 'di la 'phen pa'i sems gzhan sngon du song ste sems tsam yin pa'i phyir da ltar gyi sems bzhin zhes bya ba 'bras bu'i rtags dang |  'chi kha'i sems 'dis sems gzhan 'phyi mas phen te sred bcas yin pa'i phyir da ltar gyi sems bzhin ces pa rang bzhin gyi rtags brjod 
do |  | 'di la spyad te sred bcas ces pa'i rtags kyi khyad par smos pa'i dgos pa ci yin |  sems tsam ni mi mthun phyogs dgra bcom pa tha ma'i sems la zhugs par dogs pa cis bzlog |  rang rgyud la sred bcas tsam la spyi khyab grub pas de lta bu'i dogs pa chod na |  rang rgyud la sems tsam la 
spyi khyab grub pas de lta bu'i dogs pa mi chod pa'i rgyu ci zhig yod |  des na rang rgyud la rang bzhin 'brel pa'i spu ris ma zin na khyad par gyis mi phan zhing zin na khyad par mi dgos pas slob dpon gyis kyang rnam 'grel du khyad par ma bkod pa dang |  de lta bu'i log rtogs kyang spangs pa yin te ji skad du 
tha ma'i sems ni sems gzhan dang ||   'tshams sbyor ba la 'gal ci yod |  | ci 'dra sngon chad 'phen 'gyur ba |  | de 'dra phyis kyang 'gyur ba nyid |  | ces mthun phyogs nyid las ma 'das par gsungs pa yin no |  | khyad par de gzhan gyi rgyud la grub pas ma yin no |  | yang rtags de dag 
gis sems snga phyi tsam zhig grub kyang skad cig gnyis phan chad yod par mi 'grub la skad cig re re'i snga phyi dpog na rjes dpag thug med du 'gyur ba'i skyon mi yongs so |  | des na 'dir rig pa'i rgyun thug med ni mngon sum nyid gyis grub pa yin te |  'di ltar rig pa yang mtha' thug pa ni rig pa snga ma sngon du 
ma song pa ma yin la |  de ni 'dir rig pa tsam rig pa snga ma las byung par grub pa'i tshad mas khegs ste |  tshang bar nga du me dud rgyu 'bras 'dzin pa'i tshad mas 'ga' zhig na'ang mes ma bskyed pa'i du ba khegs pa bzhin no |  | rig pa ma mtha' thug pa ni rig pa phyi ma mi skyed yin la |  de mang 


| pa snga ma tsam gyis phyi ma skyed par grub pa'i rang rig gis khegs ste |  sgron ma dang 'od 'brel pa 'dzin pa'i tshad mas 'ga' zhig na'ang 'od mi 'byin pa'i sgron ma khegs pa bzhin no |  | de lta na yang 'ga' zhig du snga ma song pa'i du ba dang phyi ma mi skyed pa'i tshe mi khegs pa ltar dogs par mi 'gyur ram zhe na : 
me dang du ba ni 'dir rang gi skad cig snga ma tsam las byung par grub pa nyid myed pas de lta bu'i khyab pa nyid myed pa'i phyir ro |  | gal te 'dir rig pa rgyu 'bras su grub pa'i tshul nyid cing spyi 'am bye brag gam spyi dang bye brag yin |  dang po ltar na byas pa dang mi rtag pa tsam rgyu 'bras yin pa cis bzlog |  rdzas cig la 'gal 
ba ltar ldog pa gcig la shin du'ang 'gal zhing sngar med mi 'thad pas grub pa 'ang ma yin no |  | bye brag nang rgyu 'bras su grub pas ni rgyu 'bras mtha' med par mi 'grub po |  | phyis bye brag skyed pa 'ang rgyu sngar med dang 'bras bu mtha' med mi 'grub la |  bye brag gis spyi skyed pa ni mi 'grub ste ldog pa 
myed pa'i phyir ro zhe na |  bye brag rig pa snga phyi rgyu 'bras su grub la |  de 'ang 'bras bu rang la ltos pa'i rig pa snga ma tsam las byung par grub pas sngar ma dmyigs pa dang thug med mi 'grub pa'i skyon las grol lo |  | gal te tshad ma des yul dus rnam pa'i bye brag gi shes pas spyi skyed pa khegs na bye brag spyi'i 
rgyur 'gyur la |  de lta bu'i bye brag nyid mi skyed pa khegs na shes pa nyid thams cad yul dus rten dang rnam pa de lta bu'i rigs rgyud nyid skyed par thal lo zhe na |  bye brag gis zin yang rig pa phyi ma tsam mi skyed pa khegs par 'dod pas skyon gyis gos pa myed do |  | de ltar na rtags khyad par gsum ldan gyi phyogs 
chos rang rig pa nyid kyis grub pa yin no |  | khyab pa ni dpe' la mtshan gzhi grub pa dang mi mthun phyogs la khegs pas grub ste |  de yang mi mthun phyogs goms pa mthar thug par mi 'gyur na goms pa'i mtha' med pa nyid dam yod kyang khyad par du mi 'gyur ba 'am |  'gyur yang rten mi brtan pas 
mi 'gyur grang na |  dang po ni dpe' la bsgrub bya'i chos mthong pas khegs la |  gnyis po ni rtags kyi khyad par dang 'gal bas khegs so |  | de nyid kyis rjes 'gro 'ang shugs la grub po |  | yang na dpe' 'jigs sogs goms pa'i steng du rjes 'gro yi khyab pa nyid dngos su grub pa yin no |   | 
rtags 'di ni don bsgrub pa'i rang bzhin nyid do |  | tshul 'di nyid kyis 'jig rten mkhyen pa'i ye shes 'byung du rung pa yang bsgrub nus par bstan pa yin te |  brtag pa mtshungs pa'i phyir dang rnam gnas yid la byed pa las mngon par shes pa 'byung par bshad pa'i yang phyir ro |  | 'on kyang slob dpon gyis skabs su 


mkho' ba myed pas ma gsungs par zad do |  | de la mtshan nyid bsgrub pa las rang gi mtshan nyid ni mtshan gzhi' sgrub pa nyid kyis grub la |  spyi'i mtshan nyid rtog bral ma 'khrul pas ma khyab pa 'khrul pa dang rtog bcas yin pa ni yul bdag myed bde da pa dang rtog pa la mi gsal bas khyab pa grub pas khegs shing |   | 
khyab par yod pa ni tshad mas grub pa'i ngo bo snang pa'i phyir ces pa dang |  gsal bar snang pa'i phyir zhes bya ba lung la rten pa'i rtags kyis grub pa yin no |  | de ltar yangs pa dang rtogs pa phun sum 'tshogs pa'i mngon sum 'di la gzhan gyi log par rtogs pa yang bzlog par bya ste |  de yang phyi rol pa kha cig blo'i 
skyon yangs pa phun sum 'tshogs pa ni mi srid te |  dri ma sems kyi rang bzhin yin pas yang par mi nus pa'i phyir dang |  yong pa'i thabs mi shes pa'i phyir dang |  yangs kyang gser gyi dra ba ltar zlar ldog pa'i phyir ro zhes zer ro |  | 'di yang rtag bden gyi dngos po spyir khegs pas blo 'ur pa yang par nus pa dang | 
stong nyid goms pas rgyu bzlog pas thabs shes pa dang |  sa bon bcom pa yang mi 'byung pas spangs pa ldog pa med ces spangs pa chos gsum ldan nyid ji ltar 'thad pa'i don ni rnam 'grel las sems ni rang bzhin 'od gsal te |  dri ma rnams ni blo bur pa |  ces dang |  rgyu ldan phyir dang rgyu yi ni |  | gnyen 
po goms pas zad pa'i phyir |  | rgyu'i rang bzhin shes pa yis |  | de shes pa yang grub pa yin ces dang |  bdag lta'i sa bon spangs pa'i phyir |  | slar mi ldog pa nyid yin no |  | zhes rgya cher bshad pa shes par bya'o |  | yang kha cig ye shes phun sum 'tshogs pa mi rung ste |  mchong 
goms pa ltar khyad par du mi 'gyur ba'i phyir dang |  chu bskol ba ltar rten mi brtan pa'i phyir dang |  gser gyi sra ba ltar yang ldog pa'i phyir ro zhe'o |  | 'di la yang byas zin 'bad pa la mi ltos pas ngang gis khyad par du 'gyur ba dang |  rig pa mtha' myed pas rten brtan pa dang |  sgrib pa'i dri ma zad pas 
rtogs pa brtan pa nyid de zhes dogs pa chos gsum ldan pa nyid du brjod par bya ste |  ji skad du rnam 'grel las |  sems la brtse sogs goms skye ba |  | rang gi ngang gis 'jug 'gyur te |  | me lasogs la shing dag dang |  | dngul chu sogs la gser sogs bzhin |  | ces dang |  tha ma'i 
sems ni sems gzhan dang |  | 'tshams sbyor ba la 'gal mi yod |  | sngon chad ci 'dra 'phen 'gyur ba |  | de 'dra phyis kyang 'gyur ba yin ces dang |  | 'tshe ba med dang yang dag don |  | ngo bo nyid las phyin log gi |  | 'cad du zin kyang mi zlogs ste |  | blo dod de phyogs 'dzin pyhir ro |  | 


| zhes bshad pa bzhin te rgyas par 'dod pas de nyid du blta bar bya'o |  | da ni gzhung gi cha bshad par bya ste |  de yang ngo bo dper brjod pa dang |  de 'byung par bsgrub pa dang |  rtog bral du bsgrub pa gsum gyis bstan pa las |  dang po ni yang dag pa'i don 'jigs sogs bzhin du bsgoms pa'i stobs kyis gsal bar snang pa 
de rnal 'byor pa'i shes pa yin la |  yang dag pa'i don bsgoms pa'i stobs kyis byung pa'i shes pa gang rtog myed ma 'khrul ba de ni rnal 'byor gyi mngon sum zhes bya'o |  | yang rtog bral ma 'khrul pa ni mngon sum gyi ngo bo yin la |  yang dag pa'i don bsgoms pa ni ma 'khrul pa skyed byed yin zhing gsal bar snang pa ni rtog bral 
shes byed yin no |  | rnam par 'grel par yang de bzhin te |  rnal 'byor pa rnams kyi sgom pa ljogs pa na 'jigs sogs goms pa de gsal bar snang pa de rnal 'byor pa'i shes pa'o zhes blta'o |  | rnal 'byor pa ci lta bu na sgom par byed pa'o |  | de yang ci ltar ce na dang por yang dag par thos pa'i shes rab kyis sgras bstan 
pa yid spyod kyi yul du go ba ste |  'gal 'brel gyis mtha' gzhan du dogs pa sel pa bsam pa'i shes rab kyis nges par byas nas nges pa'i don de bsgom pa'o |  | shes pa'i khyad par rtog pa myed cing 'khrul pa de yang mngon sum mo |  | phyin ci ma log pa dang mi slu ba ni ma 'khrul pa'i don yin la |  yang ni mngon 
sum snga ma sdud pa'o |  | tshad mar ni de'i stobs kyis sgro 'dogs sel pa las yin no |  | mtshan nyid de nyid mtshan gzhi' dper brjod pas bstan pa ni 'phags pa'i bden pa mthong pa bzhin te ces pa ste |  'dir dmyigs par bya ba'i yul bden pa ni bzhi ste |  nyer len gyi phung po sdug bsngal gyi bden pa 
dang |  de'i rgyu las dang nyon mngos pa kun 'byung gi bden pa dang |  sdug bsngal rgyu dang bcas pa bral ba 'gog pa'i bden pa dang |  sdug bsngal gyi rgyu dang 'gal ba bdag myed pa sgom la lam gyi bde pa'o |  | mthong pa ni dmyigs pa'i yul |  de dag ni 'phags pa rnams kyi shes ngo na bden pas 'phags 
pa'i bden pa'o |  | mthong pa ni dmyigs pa'i yul bden pa bzhi po de dag 'jig rten las 'das pa'i lam du myed pa dang ma yin par dgag pa'i rnam pa bcu' drug du mthong pas khams gsum pa'i kun du sbyor ba yong pa'o |  | 'di dag gi dmyigs pa dang rnam pa dang sgom pa'i thabs dang goms pa'i dus lasogs 
pa'i khyad par ni tshad ma rnam 'grel le'u gnyis par ste |  bden pa bzhi la brtan pa dang |  | bde dang nga dang nga'i sogs |  | yang dag min pa rnam bcu' drug |  | sgro btags nas ni yongs su srid |  | de nyid la ni de 'gal don |  | de nyid rnam pa rjes rtogs can |  | legs sgoms yang dag lta 


ba ni |  | sred pa rjes 'brang bcas 'joms byed |  | ces bya ba lasogs pas gtan la phab pa bzhin no |  | da ni ngo bo de sgrub pa'i phyir goms pa las gsal snang 'byung pa'i dpe' nyid bsgrub pa ni 'dod 'jigs ces pa ste |  de dag gis yid bslad pa la gnyid sad pa'i dbang po'i byed pa myed par gang zhig goms pa'i yul 
'dod pa dang 'jigs pa dang bu dang dgra' lasogs pa myed kyang gsal ba nyid du snang pa 'byung ngo |  | 'o na gang zag gzhan la de dag de ltar snang pa nyid du gang las shes ce na |  bslad pa ji bzhin ces pa ste |  rang rang gi yul gsal snang dang mthun pa'i lus ngag gi 'jugs pa las teng su ris zin pas log na ldog pa 'ang grub ces 
pa'o  |  | don la sbyor ba ni de ltar goms las gsal snang grub pa de'i phyir ces pa'o |  | de la rang gi de pa kha cig goms pas 'bras bu yang dag ma yin pa snang pa ci ltar 'gyur snyams pa la |  'di ltar khyed rang yang 'dod pa yin no zhes sbyar ro |  | ci ltar 'dod ce na |  keng rus dang mi gcang pa lasogs pa mi sdug 
pa dang |  sa dang chu dang me dang rlung dang kar po dmar po sngon po ser po dang nam mkha' dang rnam par shes pa bya ba zad par dang zil gyis gnon pa'i skye mched lasogs pa don la mi gnas pa yang bsgoms pa'i stobs kyis ces bya'o |  | yang na goms pa las gsal snang 'byung pa de nyid la 'jig rten la grags pa'i dpe' tshad mas 
bsgrubs nas |  bstan bcos las grags pa'i dpe' khas blangs kyis bsgrub pa ni de ltar ni bstan bcos las kyang 'dod pa yin no zhes bya ba'o |  | yang dag pa'i don snang pa la 'khrul par dogs pa myed kyang rtog bcas du dogs pa yod pas bsgoms pa'i stobs kyis 'byung pa'i shes pa de yang mtshan nyid rtog pa myed par 
ci ltar 'grub zhe na |  bsgoms pa las byung pa'i shes pa de chos can rtog pa myed de goms pa'i yul gsal bar gsnang pa'i phyir ro zhes pa'i rtags blta'o |  | de la yang yul gsal bar snang du zin kyang rtogs pa myed par ji ltar 'gyur zhes pa la |  gang gi phyir zhes bzlog khyab rtags su bkod do |  | dgongs pa ni 
'di yin te |  rnam par rtog pa chos can don gsal bar snang pa mi srid de ming gi don 'dzin pa'i phyir zhes bya ba mtshan nyid rtags su sbyar te dgag bya la gtan tshigs 'gog pa 'gal bas khyab pa dmigs pa'o |  | 'di 'i phyogs chos ni chos can 'dzin pas grub la |  khyab pa yang lngon brda'i ming don 'dir 
sre ba la mi gsal bas khyab pa rang rig gis grub pa yin te |  rang gi mtshan nyid snang la gsal bas khyab pa bzhin no |  | rtog pa'i mtshan nyid la mi gsal bas khyab pa mngon sum nyid kyis grub pa des na de bsgrub pa la 'dir rtags gzhan ma bkod do |  | de ltar khyab pa tshad mas grub mod kyi kha cig de 


| lta na yang rkyen 'ga' zhig gis rtogs pa gsal bar srid do snyam pa'i dogs pa bsu ba'i lan 'di ltar ces pa ste |  yid mi gsal ba gsal bar byed pa'i rkyen stobs chen gnyid kyis kyang rtog pa gsal bar mi nus ste |  'di ltar rmi lam na yang rtog pa de ni gsal ba'i yul can myen pa nyid du sad pa'i rjes shes kyis 
dran pa yin no zhes bya'o |  | 'grel pa'i de ltar ces pa yang gsal ba'o |  | de'i phyir ces pa don bsdu ba ste rtog pa la ldog pa gsal snang grub pas rtags gsal snang la rtog myed kyis khyab pa'i rjes 'gro grub ces pa'o |  | kha cig rmi lam gyi rtog pa mi gsal bar rjes kyi dran pa'i rtags las dpog par byed pa ni mi rigs 
te |  gsal ba dang mi gsal ba'i shes pa ni rang rig nyid kyis myong pa yin la dran pa ni myong pa'i byed pa yin te myong pa nyid kyi rtogs pa'i rnam pa rjes su shes pa yin pas des nges pa nyid myong pas grub pa yin zhing |  myong pa ma grub par de dran pa mi nges pas dpag par mi 'thad pa'i phyir dang |  rtog pa bsdus pa'i gnas skabs 
kyi mthong pa yang bsdus pa las langs pa'i dran pas dpag par thal ba'i phyir dang |  yi ges mi ston pa'i phyir ro |  | yang kha cig gtsa' ba'i rtags mi gsal ba chos can rtog pa la khyab te |  rtog pa tsam gyi rgyu las byung pa'i phyir ces bya ba ltos myed kyi rtags rang bzhin du bkod nas |  de'i phyogs chos 
kyang rtog pa'i mi gsal pa chos can rtog pa tsam dang rgyu gcig pa yin te mi gsal ba'i rkyen gzhan log kyang mi ldog pa'i phyir bya'o |  | 'di 'i phyogs chos gang du 'grub pa la rmi lam gyi gnas skabs smos pa yin te sad pa'i gnas skabs na yid mi gsal ba'i rkyen log par mi 'grub pa'i phyir ro |  | rmi lam 
gyi gnas skabs na yid mi gsal ba'i rkyen thams cad log par ni rtog med kyi rmi lam gsal snang skyes pas so |  | de'i tshe rtog pa'i mi gsal ba' de rtog pa'i rgyu las kyang ma skyes na rgyu myed pa nyid du 'gyur ba las rgyu yod cing rkyen gzhan myed pas rtog pa tsam gyi rgyu las skyes par grub pa yin no zhes zer ro |  | 
de la 'di snyam du dpyad te rmi lam gsal mi gsal gnyis dus cig tu skye na yid gnyis yin pas gnyi ga'i rkyen yod pa mi 'gal te sad pa'i dbang shes dang yid shes bzhin no | | re mos skye na gsal skye ba'i tshe mi gsal ba'i rkyen myed kyang mi gsal bar skye ba'i tshe rkyen yod pa mi khegs ste | gzhan du
na mi gsal ba de rgyu myed par yang thal bar 'gyur la |  de ltar ni yi ges bstan pa 'ang yin no |  | des na bshad pa snga ma nyid gzung par bya'o |  | rnal byor gyi mngon sum bshad zin to ||   || de ltar spyi dang bye brag gis mngon sum yang dag pa nyid bshad nas | 


da ni nye bar bshad pa la ha cang thal ba yang pa'i sgo nas mngon sum ltar snang pa'i dbye ba 'chad pa na |  gzhan gyi rgol ba ni gsal snang la rtog myed kyis khyab pa khas len na 'o na ni ces pa ste |  rmi lam gsal snang gi shes pa yang rtog pa myed par thal la 'dod na mngon sum du thal te |  rtog pa myed pa ni slob dpon phyogs kyi 
glang pos mngon sum nyid du bshad pa yin te |  ji skad du rtog pa dang bral mngon sum mo |  | zhes gang gsungs pa'i phyir ro zhe na |  khyab pa ma grub pa'i sgo nas ha cang thal ba yang pa'i phyir ma yin te zhes smos te |  kho bos mngon sum rtog bral ma 'khrul pa zhes sngar brjod cing slob dpon gyis kyang don gyis bstan pa'i 
phyir ro |  | gang gi phyir mngon sum gyi mtshan nyid gzung pa la ma 'khrul pa yin pa de nyid kyi phyir des bsal bar bya ba mngon sum dang cha 'dra la mtshan nyid myed pa'i mngon sum ltar snang pa gnyis su mdor gsungs shing kho bos brjod par bya ste |  de gang zhe na |  cig ni rnam par rtog pa ste don gyi rnam pa snang pa 'am nye ba nges kyang 
dngos po dang mi mthun par snang pa dang |  gnyis pa ni rtog myed yin yang rten bslad pa las byung pa ste dngos po dang mthun par dngos po'i rnam pa yul dus rnam pa ma 'dres par snang yang ji ltar bzung pa'i don thob du mi rung pas slu ba'i phyir ro |  | de 'grel pa na brjod zin pa ni mngon sum yang ni don myed na |  | mi 'byung pa las zhes 
bya ba der ro |  | de'i rnam pa dngos po dang mi mthun pas ste de ni dngos po dang mi mthun par 'dzin pa'i phyir zhes bya'o |  | dngos po gzung par rlom yang dngos po nyid mi 'dzin pa de'i phyir ro |  | nye bar bslad pa zla gnyis snang pa lasogs pa dbang skyes 'ga' zhig kyang mngon sum ltar snang pa'o zhes kyang gis bsdu ba 'am |  nye bar bslad pa yang 
mngon sum ltar snang pa ste 'ga' zhig dbang po las skyes pa yin du zin kyang zhes 'gal ba'i rgyan du blta'o |  | zla gnyis lasogs pa de dbang po las skyes pa nyid ci ltar zhe na |  dbang shes su brjod pa sngo 'dzin lasogs pa gzhan las rgyu mtshan khyad med pa'i phyir ro |  | 'o na de dngos por 'dzin pa ma yin nam ji ltar 
mngon sum ma yin ce na |  dngos bo dang mthun par te dngos po yod pa nyid snang pa ma yi pa'i phyir ro |  | de gang las ce na |  ji ltar snang pa'i don bya ba la slu bas so |  | rtags gnyis po 'dis ni yid gyi dbang po bslad pa'i rtog myed la 'dod 'jigs goms pa'i tshul dang rmi lam gsal bar snang pa'ang mngon sum 
ltar snang par bshad pa yin no |  | slob dpon phyogs kyi glang po'i slob ma kha cig dbang shes mngon sum ltar snang du brjod pa la mi bzod pas gal te zla gnyis dang mgal me'i 'khor lo dang ljon shing 'gro ba lasogs par cung zad 'khrul pa de ni dbang po las skyes pa ma yin gyi |  'on kyang dbang shes la zla ba cig 


| nyid dang mgal me dang ljon shing gi dngos po ji lta bar snang pa las rtogs pas grangs dang dbyibs dang bya ba sgro btags pa yin pas rtog pa med pa ni mngon sum nyid yin no zhes zer ro |  | de ni ma yin te zhes zla gnyis dbang shes nyid dang rtog med mngon sum ltar snang pa rigs pa dang lung gis bsgrub par bya ba las |  rigs pa yang 
dngos su ngo bo dbang po yod myed dang khyad par 'grur ba'i rjes su byed pa'i phyir sngo 'dzin bzhin no zhes dbang po las skyes pa nyid du rang rgyud kyis bsgrub pa dang |  yid las skyes pa'i rtog bcas yin na ngo bo dang khyad par dngos su dbang po'i rjes su mi byed par thag pa la sbrul 'dzin bzhin zhes yid las skyes pa thal bas dgag pa dang |  rten gang yin 
min gyi rgyu mtshan rjes su byed mi byed tsam yin no zhes chos gnyis ka'i khyab pa gsum dbang po las zhes dang |  yid las zhes dang |  rten du zhes pas bstan to |  | de ltar dbang po las skyes pa yin kyang zhes bya ba 'gal ba'i rgyan te |  sgra bshad pa'i rgyu mtshan gyi dbang shes yin yang 'jug pa'i rgyu mtshan don mngon du 
byed pa'i dbang shes ma yin no zhes bya ba'o |  | zla gnyis lasogs par 'khrul pa dbang shes nyid dang dbang shes la mngon sum ltar snang pa yod pas 'thad pa nyid slob dpon phyogs kyi glang po'i bzhed pas bsgrub pa'i lung gnyis las |  dang po ni de dag nyid kyi phyir kun las btus par rab rib kyis mtshon pa'i mngon sum ltar snang par 
gsungs so zhes sbyar ro |  | tshul ji ltar ce na |  rnam par rtog pa'i de tshan las logs su'o |  | ci'i don du ce na |  rtog med mngon sum ltar snang pa ma go dogs pas dmigs kyis bsal ba bstan pa'i don du'o |  | gang gis ce na |  yongs su rdzogs pa'i tshig 'o zhes bya bas ste |  ji skad du |  'khrul 
dang kun rdzob shes pa dang |  rjes dpag rjes su dpag pas byung |  | dran dang mngon par 'dod pa'o |  | mngon sum ltar snang rab rib bcas |  | zhes gang gsung pa'o |  | lung gnyis pa ni gzhan du yang ste dmigs pa brtag par yang rdul phra rab dag dbang po'i shes pa la mi snang yang de'i rgyu yin pas yul du brjod na 
mig gang lasogs pa dbang po'i rdul phran yang sngo 'dzin dang zla ba gnyis snang lasogs pa'i rgyu yin pas yul du 'gyur ro zhes bla ba gnyis snang gi dngos kyi rgyu mig gi dbang por gsungs ste |  ji skad du dbang po rnam par rig pa'i rgyu |  | phra rab rdul dag yin mod kyi |  | der mi snang phyir de yul ni |  | rdul phran ma 
yin dbang po bzhin |  | zhes gsungs pa'o |  | de'i phyir mngon sum ltar snang pa rtog pa dang rtog myed 'khrul pa gnyis su grub pa yin no |  | 'di mtshan nyid kyi tshig gnyis kyis bsal bya brjod pa ni ma yin te |  ma 'khrul pa nyid kyis bcad pa dang rtog bral mtshan nyid ma yin pa'i phyir ro |  | 


rnam par dbye ba yang kun las btus par drug gsungs la |  rnam 'grel du ni |  mngon sum ltar snang rnam pa bzhi |  | rtog pa'i shes pa rnam gsum dang |  | rten bslad pa las byung pa'o |  | rtog pa myed pa cig yin no |  | zhes bzhi gsungs mod kyi rigs bsdus ste rtog pa dang rtog med 'khrul pa gnyis su brjod te | 
des kyang gzhan dag mngon sum rtog bcas su smra ba dang rtog med ma 'khrul pa nyid mi srid pa dang 'khrul yang mngon sum yin no zhes bya ba'i log rtogs rnams bsal ba yin no |  | mngon sum ltar snang pa bshad zin to ||    || da ni mngon sum de'i tshad 'bras rnam par gzhag pa'i phyir |  yang tshad ma 
'di 'i 'bras bu'i don ci yin zhes dri ba dkod do |  | de la 'dir tshad ma ni yang dag pa'i shes pa ste spyi dang bye brag gi mtshan nyid bshad pa dang 'chad par 'gyur ba nyid dang |  'bras bu yang thun mong gi 'bras bu blang dor skyes bu'i don grub nyid yin par sngar brjod la bye brag gi yang mngon gyur dang lkog gyur gyi don la blang dor grub pa 
yin pas spyad par bya ba cung zad kyang med mod kyi |  'on kyang sngon byung pa'i rtog ge smra ba dag gis 'jal ba zhes bya ba'i sgras thos pa'i las dang byed po bya ba gsum gyi bdag nyid kyi gzhal bya dang tshad ma dang 'bras bu dag yul dang dngos po tha dad par bzhag pa de dag slob dpon dag gis ma rigs par gzigs nas rnam par dpyad pa 
mdzad pa yin no |  | des na 'dir don gsum shes par bya ste |  snga rabs pa'i 'dod pa rjes su brjod pa dang |  sgrub bya sgrub byed kyi don nyid ngos gzung pa dang |  de rang gi gzhung lugs smra ba rnams la sbyar ba'o |  | dang po ni re shig mu stegs dpyod pa ba dag don la lta ba zhes bya ba thog mar don snang pa'i shes pa 
rtog pa med pa ni tshad ma yin la de'i 'og du don gyi ngo bo dang khyad par nges pa'i rtog pa ni tshad ma'i 'bras bu yin no zhes 'dod te |  ji skad du |  dang por yod pa'i lta ba po |  | shes pa rtog pa med pa can |  | byis dang lkugs sogs blo 'dra ba |  | dag pa dngos las skyes pa'i |  | de ni tshad ma nyid du 'dod |  | 
de'i 'og du blo gang gis |  | dngos chos rigs lasogs rnams su |  | blo ni zhen par byed pa gang |  | de yang 'bras bu nyid du 'dod ces 'byung pa yin no |  | rigs pa can dag dbang po dang don phrad pa ni sgrub byed tshad ma yin la de las don rtogs pa ni 'bras bur 'dod te |  ji skad du dbang po dang don dag phrad 
pa las skyes pa'i 'phrod pa 'du ba can ni tshad ma yin no zhes 'byung pa yin no |  | bye brag pa rnams ni khyad par 'dzin pa zhes bya ba tshig gi don drug las yon tan lasogs pa rten pa 'dzin pa ni tshad ma yin la khyad par can gyi shes pa zhes bya ba rdzas rtogs pa ni de'i 'bras bur 'dod te |  ji skad du | 


| yon tan mthong pa las rdzas rtogs par 'gyur ro zhes 'byung pa yin no |  | nyan thos bye brag du smra ba rnams ni dbang po nyid yul rnam par 'jog pa'i tshad ma yin la de las byung pa'i shes pa ni 'bras bur 'dod te |  ji skad du |  myig lasogs pa'i dbang po nyid kyis yul 'dzin pa yin no zhes 'byung 
pa yin no |  | gnyis pa ni de lta mod kyi 'dir slob dpon dag gis tshad ma dang 'bras bu bsgrub bya sgrub byed bshad pa'i don ci yin ce na |  re shig skyed bya skyed byed kyi rgyu 'bras nyid ni ma yin te |  de yang de'i bdag nyid yin |  ces gsungs pa'i phyir ro |  | rnam pa gzhan 'jog las yul can dang yul 
yang ma yin te |  'bras bu gzhal byar thal bas bdag cig par ma nges pa'i phyir ro |  | gtan tshigs dang bsgrub bya 'ang ma yin te rtogs pa'i go rims ma bshad pa'i phyir ro |  | gtan tshigs dang bsgrub bya 'ang ma yin te rtogs pa'i go rims ma bshad pa'i phyir ro |  | des na 'dir mtshan nyid dang mtshon bya nyid 
la brjod pa yin te rang nyid byed po min na yang |  | de'i dbang gis der gzhag phyir |  | zhes 'dogs pa'i rgyu mtshan dang btags pa'i tha snyad la bshad pa'i phyir ro |  | gsum pa ni de bde bar gshegs pa'i gzhung lugs la sbyar na |  phyi rol don yod par smra ba la nyan thos sde gnyis dang |  rnal byor spyod pa la 
sems cam sde gnyis te bzhi po thams cad kyang rang rig mngon sum gyi gzhal bya dang tshad 'bras ngo bo gcig pa nyid la mi mthun pa med do |  | gzhan rig mngon sum la thaMd tha dad te |  re shig don rig rnam pa myed par smra ba dag gzugs lasogs pa thug phrad du snang pa'i don nyid gzhal bya la de la sgro 'dogs dang 'gal 
ba'i don mthong pa tshad ma dang don rtogs mtshan nyid pa'i tha snyad 'bras bur smra bas gzhal bya dang tshad 'bra gnyis tha dad dus mnyam par 'gyur ro |  | don gyi rnam bcas smra ba dag rnam pa gtod pa'i don gzhal bya la don dang 'dra ba'i rnam pa tshad ma dang don rtogs btags pa'i tha snyad 'bras bur 'dod pas |  gzhal bya 
dang tshad 'bras gnyis dus dang ngo bo tha dad par 'gyur ba yin no |  | sems tsam rnam bcas smra ba dag don du snang ba'i bdag nyid gzhal bya la |  rang myong par rung pa tshad ma dang rang rig mtshan nyid pa 'bras bur 'dod pas gzhal bya dang tshad 'bras dag bde sdug myong pa bzhin du dus dang ngo bo gcig nyid du 'gur ba yin no || 
rnam pa brdzun par smra ba dag don dang snang pa'i sgro btags pa gzhal bya la 'dzin pa'i rnam pa tshad ma dang rang rig btags pa ba'i tha snyad 'bras bur 'dod pas gzhal bya dang |  tshad 'bras gnyis skra sogs snang ba bzhin du gcig pa bkag pa'i tha dad par 'gyur ba yin no |  | rnam pa bzhi ka yang slob dpon gyi gzhung gis 


bstan pa nyid te |  de la lugs dang po ni dngos su bzhag pa myed kyang phyogs snga mar byas pas bstan te don mthong pa tshad ma dgag pa dang dbang po dang don gyis byas pa'i tshad ma sun phyung pa las gsal ba'i phyir ro |  | gnyis pa dang gsum pa ni bzhag pa dang sun phyung pas kyang bstan te |  shes pa don dang 'brel byed pa |  | 
don gyi rnam pa min pa myed |  | de phyir gzhal bya rtogs pa'i |  | sgrub byed don dang 'dra ba nyid |  ces dang |  gzung dang 'dzin pa myed pa'i phyir |  | de ni de ltar rang nyid gsal |  | de tshe gzhan rig med pa'i phyir |  | rang nyid rig pa 'bras bur 'dod |  | ces pa'i gzhung las gsal ba'i phyir ro || lugs 
bzhi pa ni nye bar bzhag pa nyid kyis bstan te |  gang tshe gzung 'dzin rnam phye ba'i |  | mtshan nyid rnam par bslad pa can |  | ji ltar 'khrul pas mthong gyur pa |  | de ltar 'di ni gzhag byas so |  | zhes pa lasogs pas bshad pa'i phyir ro |  | thams cad kyi rang rig pa'i tshad 'bras mthun pa nyid ni 
dper na 'dod chags sogs tshor bzhin |  | zhes thun mong pa'i dper byas pas mtshon te |  de la 'dir je thog mar don rig pa'i tshad 'bras 'jog la |  de yang rnam pa myed pa la ma 'khrul pa'i gzung 'dzin ches mi 'thad par dgongs nas de ras su bcad de rnam pa dang bcas pa'i gzhung la brton nas 'jog par mdzad 
do |  | de ltar na don dang 'dra ba tshad ma zhes bya ba yang de tshad ma'i zhes bya ba yang de tshad ma'i mtshan gzhi dang |  mtshon bya yin pas tshad mar brjod pa ni ma yin te |  'bras bu gzhal bya rtogs pa'i sgrub byed gzhal bya'i rnam pa nyid ces bya ba las de dag rtogs pa'i sgrub byed du mi rung pa'i phyir ro |  | 'on kyang 
sngar ma rtogs pa'i don la sgro 'dogs dang 'dra ba'i 'gal ba dang por 'jal zhes bya ba tshad ma'i sgra'i don dang mtshan nyid yin pas tshad mar brjod te tsha ba la mer brjod pa bzhin no |  | rang rig dang snang la ma nges pa lasogs pa la ma khyab pa dang khyab ches pa'ang ma yin te 'dir don rig mngon sum nyid kyi tshad ma la brjod pa'i 
phyir dang 'dra ba khyad par can myed pa'i phyir zhes bya'o |  | 'di tsam gyis skabs kyi don nges par 'gyur bas don myed pa'i brjod tshogs spro bar mi bya'o |  | gzhung gi cha la kha cig de nas gang ces pa'i bar ci ltar 'dod pa bzhin rnam par gzhag pa dang |  bar skabs kyi tshigs su bcad pa'i bar du  ji ltar 'thad pa bzhin rnam par 
gzhag pa gnyis kyi phyi rol don yod pa'i tshad 'bras dang |  phyi rol don myed na ces pas myong pa gnyis myed du bsgrub pa dang |  des na blo ni tshul gnyis pa zhes pa'i gzhung lhag mas blo ni tshul gnyis su grub pa gnyis kyis sems tsam pa'i tshad 'bras su 'chad pa ni gzhung gi bsam pa ma yin te |  de nas ces 


| pas don rig 'gog pa'i gzhung 'jog par 'gal ba'i phyir dang |  blo'i nyams myong bya gzhan myed ces pas sems tsam 'jog par gsal ba'i phyir dang |  ngas kyang mi shes ces gzhag du mi rung pa 'thad pa'i don myed pa'i phyir dang |  phyi rol don gzhan pa la don myed na ces pa'i brgal bar mi 'brel ba'i phyir ro |  | 
des na 'dir don rig pa'i tshad 'bras bzhag te sun dbyung pa dang |  rnam rig pa'i tshad 'bras bzhag ste mi 'thad pa spang pa dang |  gnyi ka'i lugs la blo tshul gnyis su grub pa'o |  | de la don rig pa'i tshad 'bras je bzhag pa las mtshan nyid la log rtogs bsal nas 'bras bu don gzhan du 'dod pa'i log rtogs bsal ba'i phyir 
yang 'jal byed 'di yi 'bras bu gang yin ces pa la |  gzhal bya rtogs pa'i tha snyad du bya ba'o zhes smos so |  | gcig shos kyis me las du ba ltar de las tha dad pa'i sgrub byed myed par 'gyur snyam nas de ni ces dri ba'i lan du |  sgrub byed kyi dngos po ngos ma bzung par mtshan nyid brjod pa ni gang las ces pa ste chos ci tsam gyis ba 
lang gi tha snyad du 'gyur ba de ba lang gi mtshan nyid yin no zhes pa ltar rgyu mtshan gang tsam gyis 'bras bu don rtogs kyi tha snyad grub pa de'i zhes bya'o |  | 'o na ba lang gi nog dang lkog shal de lta bu de gang zhig ce na |  de la mtshan gzhi shes pa 'di yi chos don dang 'brel byed pa ste mtshon bya don rtogs pa'i tha snyad du byed pa ni 
don gyi rang bzhin ni rnam pa 'am 'dra ba ste de las gzhan mi 'thad pas 'dra ba kho na don rtogs rnam 'jog gi tshad ma yin no zhes bya ba dgag sgrub kyi dam bca' mdor bstan pa'o |  | don de nyid rgyas par bshad pa la 'dod pa'i sgrub byed gzhag pa dang mi 'dod pa'i sgrub byed dgag pa gnyis las |  dang po ni don rtogs skye ba'i rgyu 
yul dang dbang po dang yid la byed pa zhes sngar brjod pa de nyid don rtogs pa'i tha snyad du 'jog pa'i rgyu 'ang ma yin nam rgyu gzhan btsal bas ci bya zhe na |  ma yin te dngos po rnams kyi byed rgyu so sor grub pa yin no zhes ston pa ni gang gi phyir ces pa ste |  'dir dngos po rnams rgyus bsgrub par bya ba'i chos rang gi ngo bo bskyed par bya ba 
dang thun mong ma yin pa'i tha snyad du mtshon par bya ba dang blo 'i yul go bar bya ba'o |  | de lta yin dang 'ga' zhig sgrub bya sgrub byed yin pa tsam gyis don byed po thams cad kyi sgrub byed du mi 'gyur bas gang las gang bsgrub par nus pa de de'i rgyur brjod pa yin no zhes bya ba'o |  | 'dir don rtogs pa yang rnam 'jog la ltos 
pa ni de la ces pa ste |  mtshan gzhi shes pa ni rgyu mtshan gang gis don so sor rtogs pa'i bdag nyid du mtshon pa'i rgyu 'ga' zhig dgos ste rig tsam du yul thaMd khyad par med pa'i phyir gong bu ba lang du bya ba la gong bu tsam las lhag pa'i chos la ltos pa bzhin no zhes bya'o |  | dgos pa'i rgyu mtshan de yang 


re shig mtshan gzhi shes pa'i bdag nyid ma yin la gzhan dag 'dod pa'i dbang po dang don dang de dag phrad pa dang yid lasogs pa rgyu rnams ni shes pa don so sor rtogs pa'i rnam par 'jog byed ma yin te zhes bya'o |  | shes pa ci 'dra ba zhe na |  las kyi yul so so la khyad par myed pa'i 'o |  | rgyu de dag la khyad par 
myed dam ce na |  rgyu de dag la bye brag yod du zin kyang ngo |  | 'o na de nyid gang las zhe na |  de dag don so sor rtogs pa'i khyad par mi sgrub pa'i phyir ro zhes bya ba'i rtags khyab pas mtshon pa yin no |  | de mtshon pa'i khyab pa nyid ni myed pa'i tha snyad ni khyad par 'ga' zhig bsgrub pa'i rgyu mtshan las thob pa'i 
phyir ro zhes bya ba 'am bya ba'i rgyu mtshan nyid yin pa'i phyir ro zhes bya ba'o |  | des na de dag la rgyu mtshan sgrub byed de khyad par myed na sgrub bya don rtogs pa de'i khyad par yang mi 'grub po |  | gal te yul la gzugs dang sgra dang ka ba dang bum pa lasogs pa khyad par yod pa ma yin nam zhe na |  yod kyang ste | 
shes pa de'i don rtogs pa'i sgrub bya ma yin te don ma rtogs pas khyad par de nyid mi 'grub pas na de'i yan lag te sngon du grub pa ma yin pa'i phyir ba lang gi tha snyad du bya ba la ba lang gi mgo bzhin no zhes pa'o |  | 'di dag ni kar zal ba lang du bya ba la yal 'dab bkod pa ltar mtshon gzhi ngo bo ma yin pas 
kyang mi rung mod kyi de btang snyoms su byas pa'o |  | bzlog pa'i don bsdu ba ni shes pa'i bdag nyid ma yin pa byed por mi rung pa de'i phyir shes pa 'di 'i bdag nyid kyi bye brag sgrub byed yin no zhes sbyar te |  gang zhe na |  gang las yul so so'i rtogs pa nges par 'gyur ba de'o |  | shes pa don dang 'brel byed 
bdag nyid kyi khyad par de yang don dang 'dra ba las zhes brjod pa la |  gal te dbang po lasogs pa nyid ma yin yang dbang po gsal mi gsal dang yid la byed pa goms ma goms dang yul nye ring lasogs pas byas pa'i shes pa'i khyad par te sgrub byed ci ltar ma yin zhes dogs pa bsu ba ni dbang po lasogs pa zhes pa ste | 
de dag gis byas pa'i shes pa'i khyad par de 'ang gsal ba lasogs pa rnam 'jog gi rgyur 'gyur mod ci don so sor rtogs pa'i rgyu ma yin te gsal mi gsal dang bde sdug dag don ka ba dang bum pa la nye ring gi rgyu myed pa'i phyir ro |  | gal te de lta na yang don tha dad pas byas pa'i nyams su myong pa'i 'dzin stangs kyi 
bye brag 'ga' zhig las don so sor rtogs par 'gyur pa yin no zhes rtog pa la da ni zhes bye brag de ston pa'i dus la bab pas gang zhes dris pa na |  nor bu dang rdul gyi khyad par ltar yod kyang bstan par mi nus so zhe na |  rigs pa smra ba 'di don rtogs pa'i tha snyad legs par 'jog pa yin no zhes sbyar te | 


| rgyu mtshan gyi bdag nyid ma rtogs par rgyu mtshan can gyi tha snyad 'jog pa'i phyir ro |  | don bsdu ba la 'dra ba sgrub byed yin pa dang gzhan ma yin pa dang tshad 'bras bdag cig pa gsum de phyir zhes pa rtsa ba gnyis gnyis so |  | gal te sta res shing gcod pa lasogs pa sgrub byed ces bya ba ni byed pa po'i gzhan gyi dbang du 
gyur pa dang rang nyid byed po dang ldan pa dang gtsor gyur pa'i las la sbyor ba yin na de 'dra ba la ji ltar yod snyam pa la |  sgrub bya sgrub byed kyi chos gsum bsgrub pa la gzung pa'i rnam pa byed po 'dzin pa'i dbang du gyur pa ni de'i bdag nyid 'dzin de ni ces pa'o |  | gzung pa'i rnam pa don dang 'dra bas 'dzin pa'i bya ba dang ldan pa ni 
don rtogs pa'i bdag nyid kyi bya ba byed pas ces pa'o |  | yul la 'jal pa'i bya ba byed pas gtsor gyur pa'i bsgrub bya la sbyor ba ni rang gi las la ni |  byed dang bcas pa lta bur snang |  ces pa'o |  | lta bu nyid du bsgrub pa ni rgang pa gnyis so |  | bye brag mtshan nyid pa myed kyang don dang 'dra ba'i dbang gis don 
rtogs par tha snyad 'jog pa'i phyir ro |  | da ni mi 'dod pa'i sgrub byed gzhan gyis brtag pa rnams rgyas par dgag pa na yongs gcod la don rtogs pa'i bsgrub byed don dang 'dra bar bstan pa 'dis rnam gcad la bye brag du smra ba dang bye brag pa dang dpyod pa ba dang rigs pa can dag dbang po dang phrad pa dang don la lta ba dang khyad par gyi 
shes pa dag don rtogs rnam 'jog gi tshad par ston pa la yang spangs pa yin no |  | zhes bya ba ni rigs pa snga ma'i byed ste mtshon bya cig la rgyu mtshan du ma mi 'thad pas zhes dgongs pa'o |  | gzhan yang de dag las shes pa yul so so dang 'brel pa mi 'grub pa'i phyir ro zhes bya ba ni nyes pa gzhan 
'gog pa'o |  | 'di gang las ce na |  'di dag sngar yang bkag mod kyi nyes pa'i khyad par gyis rgyas par dgag pa'i phyir yang spros te de dag don rtogs skyed pa'i rgyu yin yang rtogs pa'i tha snyad rnam par gzhag pa la bar du ma chod pa ste gzhan la ltos myed kyi rgyu mtshan ma yin pa'i phyir ro zhes smos so |  | 
de lta na yang don rtogs gyi rnam 'jog du ci 'gal zhe na |  byed pa po khyad par can du ma grub pa'i phyir te |  de'i khyab pa ni byed pa po zhes bya ba lasogs pa'o |  | des na dbang po lasogs pa yod kyang shes pa yul so so la bye brag myed pas na sgrub byed ma yin zhes blta te |  de'i bzlog khyab shes pa'i 
byed brag du byed pa'i chos gzhan de nyid byed por 'gyur ba yin no zhes bya'o |  | khyad par du na dbang po ni shes pa don so sor rtogs byed ma yin te |  thun mong pa'i rgyu ma yin pa'i phyir ces pa khyab byed 'gal ba'o |  | mtshan gzhi 'i ngo bor mi srid pa'i yang phyir te rta la nog dang lkog shal bzhin no |  | 


don la lta ba zhes bya ba don mthong pa rtog myed kyi shes pa yang don rtogs pa'i sgrub byed ma yin te don gyi rnam pa ma yin na don mthong pa nyid mi 'grub pa'i phyir ro |  | khyad par gyi shes pa zhes bya ba yon tan 'dzin pa yang yon tan can gyi rdzas rtogs pa'i sgrub byed ma yin te yul gyis rnam pa ma bzhag na de dag gi dbye' ba 
nyid mi 'grub pa'i phyir dang |  grub kyang bsgrub bya sgrub byed du mi rung ste yul rdzas dang yon tan tha dad pa'i phyir sha pa bcad pas tsan dan chod pa bzhin no |  | ci ste de dag yul tha mi dad na yang blo gnyis su brjod pa'i rgyu mtshan 'bras bu'i blo dgos pa myed te bzung pa 'dzin pa'i phyir ro |  | gzhan yang rgyu gzung don cig 
lam 'byung pa'i 'dzin pa rim can ni yod kyi mngon sum gyi skabs su bkag pa 'ang yin no |  | gcig car 'byung pa la ni sgrub bya sgrub byed 'gal te grub bde gcig pa'i phyir ro |  | 'o na khyed rang 'dra ba dang rtogs pa don gzhan min zhes dus dang ngo bo gcig par brjod pas sgrub bya sgrub byed ci ltar mi 'gal ce na |  khyod 
tshad 'bras bskyed bya bskyed byed du 'dod pa la 'gal gyi |  kho bo cag shes pa'i cha shas la 'jog pa ni rnam pa gzhag 'jog la brten pa'i phyir bya byed 'thad ces bya'o |  | de lta na'ang bsgrub bya bsgrub byed la rim pas khyab pa las dngos po tha dad myed pa'i phyir grub pa 'am grub par gcig pas bya byed 'gal lo zhe na | 
dngos po gcig kyang bsgrub bya sgrub byed 'gal ba ma yin te |  blo ngor grub ma grub kyi ldog chos tha dad pa'i phyir byas pa dang mi rtag pa bzhin no |  | nus pa'i khyad par gyis bya byed du 'gyur ba nyid kyang gtan tshigs dang bsgrub byar 'gyur ba'i byas pa dang mi rtag pa bzhin zhes bya'o |  | phrad pa cung zad rig pas phyis 
'gog pa ni dbang po dang don phrad pa tsam yang don rtogs rnam 'jog ni tshad ma ma yin te |  yin na bdag cig la cha shas 'gal bas bum pa'i ldog pa'i chos bdag nyid thams cad dang phrad pas rtogs par thal ba las sngon po lasogs pa chos 'ga' zhig rtogs kyi skad cig lasogs pa'i chos rtogs pa myed pa'i 
phyir khyab byed mi dmigs par sbyar ro |  | yang na rgol ba 'dis dbang po dang don phrad pa'i tshul drug 'dod te |  bum pa dang myig ni sbyor ba'i dang bum pa'i yon tan gyi spyi dang sbyor ba la 'dus pa'i phrad pa dang |  sgra dang rna ba 'du ba'i dang sgra'i spyi dang 'dus pa la 'du ba'i phrad pa dang |  phyogs dgag byas dben pa dang 
dbang po sbyor ba la khyad par can gyi phrad pa'o |  | de la dngos su phrad pa nyid dgongs na yon tan dang de'i spyi dang med dgag mi rtogs pa nyid du 'gyur bas phrad pa tsam rtogs pa'i rgyu mtshan du khas blangs pa la ha cang thal ba las myig gi dbang pos dri lasogs pa'i yon tan rtogs pa myed pa'i phyir zhes bya ba'o |  | 


| kha cig don nye ba zhes 'don pa ltar na gzhan gyis don gyi rnam pa ma yin yang don gang nye bar gnas pa de 'dzin pas thams cad 'dzin par mi 'gyur ro zhes smra ba la |  don shes pa la nye ba tsam yang de rtogs byed ma yin te |  yin na bu ram gyi gong bu nye ba'i tshe kha dog dri ro reg bya'i bdag nyid thams 
cad nye bas rtogs par thal ba las dbang shes re res gzugs lasogs pa'i don 'ga' zhig rtogs pa myed pa'i phyir zhes rang rgyud 'phang ste |  des na de khyad par myed kyang zhes bzlog pa'i don bsdu ba'o |  | gal te sbyor ba 'di rgyu mtshan gyis tha snyad 'phen pa'i thal bar 'gyur bas thal ba dang bzlog pa'i gtan tshigs mi 'grub 
ste don la khegs pa tha snyad mi khegs pa'i phyir ro zhe na |  de dag rtogs pa myed pa'i zag phyogs su byas pa na chos can 'dzin pas bsal ba 'am khas blangs pa nyid kyi bsal bas skyon myed do |  | gal te 'dra ba tshad ma yin na yang skad cig lasogs pa'i bdag nyid thams cad dang 'dra bas thams cad rtogs par thal 
ba las zhes mtshungs pa nyid du slar rgol na don rtogs pa'i rgyu mtshan sgro 'dogs dang 'gal ba'i 'dra ba zhes bya ba khyad par can la brjod pas de bdag nyid thaMd la yod pa'i gtan tshigs ma grub la |  phrad pa'i yang bye brag du 'dod na tshad 'bras rgyu 'bras mtshan nyid par smra ba'i lugs la mi rung ste |  cha shas kyi bskyed 
bya skyed byed du 'gyur ba'i phyir ro |  | yang na skad cig lasogs pa ldog pa'i chos nyid ni rnam pa ma yin la de dag gi bltar rung pa'i rnam pa ni bum pa nyid yin pas bum pa'i rdzas rtogs par 'dod pa kho na'o zhes brjod par bya'o |  | de yang chad ni don rig pa'i tshad 'bras rnam par gzhag pa yin no || 
da ni de nas zhes bya ba lasogs pas de sun 'byin pa tsom ste |  de ltar don rig pa'i tshad 'bras de dag gis ji ltar 'dod pa ltar rnam par bzhin rnam par bzhag pa'i de ma thag du slob dpon rnam par rtog pa 'dir gyur te |  de lta mod kyi rtog ldan rnams kyis yid ches pa'i gnas su bya ba ni rnam par dpyad nas 
yin no zhes dgongs nas yang dag par ni tshul 'di yi sgrub bya sgrub byed kyi don ci zhes don la cig du mngon par zhen pa rnams la brtag pa mdzad pa las |  re shig bsgrub bya 'bras bu'i ngo bo nyid dri ba ni tshad ma'i 'bras bu rtogs pa zhes bya ba de gang zhig ces pa la |  don gyi rnam par myong pa mngon sum 
gyis grub pa 'di nyid do zhes mtshon gzhi' smras so |  | de'i sgrub byed dri ba na don du snang pa'i blo ni yod myed kyi snang pa nyid don ma yin na 'di don rtogs pa nyid du rgyu mtshan gang gis 'jog ces pa'o |  | cig shos kyis rgyu mtshan smras pa don las skyes pa dang 'dra ba'i rgyu mtshan gyis don 'dzin par gzhag 


go zhes brjod pa la don ma grub par rgyu mtshan de nyid ci ltar 'grub ces bya ba'i skyon nyid shin du nye mod kyi de bzhag ste grub du chug kyang 'khrul par dgongs nas shugs kyis khas blangs la 'khrul pa dngos su brjod pa ni 'o na ni ces pa ste |  don cig la rgyun chags su dmyigs pa'i shes pa de ma thag pa snga ma rnams phyi ma'i gzung 
yul du thal te 'dra ba'i skyed byed yin pa'i phyir ro zhes bya ba'o |  | 'dis shes pa phyi ma rnams kyang snga ma'i 'dzin byed du 'gyur te snga ma la ltos nas skyes shing 'dra ba yod pa'i phyir zhes dngos su brjod pa la 'khrul pa shugs la bstan par 'gyur ro |  | gal te shes pa phyi ma'i don dang 'dra ba'i cha ni don las skyes pa yin gyi 
shes pa snga ma las ma yin no zhe na |  ma yin mod skyes la 'dra ba nyid de la yod pas skyon mi yongs la |  ci ste yang gang gi rnam par skyes pa de de'i 'dzin par brjod na yang mya ngan dang 'dod 'jigs goms pa lasogs pa sgro btags pa'i dmyigs yul mtshungs pa'i shes pa phyi ma rnams snga ma'i 'dzin par thal ba 
bzlog par mi nus ste yul gyi rnam par yang shes pa snga ma nyid las skyes pa'i phyir ro |  | pha rol gyis sngar rnam gzhag mdzad pa'i slob dpon la slar 'dri ba ni rang gi rnam par skyed pa de mi 'dzin na 'o na da shes pa 'di don gang zhig 'dzin ces so |  | slob dpon gyis kho bo cag kyang ste kho bos kyang rnam par bzhag 
mod kyi de'i 'og du yid ma ches pas don 'dzin pa la rnam rtog gting tshugs pa khyod la 'dri ba ma yin nam zhes ma rangs pa'i dri ba la |  pha rol gyis 'o na brjod par bya'o zhes 'khrul pa myed pa'i mtshan nyid bzhag pa ni 'di bltas pa 'am ces pa ste |  skyes pa dang 'dra ba gang la don myong pa'i rjes su 'brang pa'i 
nges shes kyis yul dang yul can du nges pa de gzung 'dzin yin la de shes pa snga phyi la myed do zhes bsams pa'o |  | de rang ldog rdzas su ma grub pas sun 'byin pa ni lta ba po ces pa ste |  don mthong pa dang thos pa'i rjes su yul dang yul can du nges pa 'di ni don 'dzin pa'i sgrub byed du mi rung ste don shes de 
dag gi 'brel pa las 'gyur ba yin pa'i phyir zhes bya'o |  | de'i phyogs chos ni de med na ces pas sgrub la |  khyab pa ni ji ltar ces pa ste gzung 'dzin gyi nye ba dpyod dus na de ma grub pas so |  | yang na gang las lta ba po'i gang zag rnams don rtogs pa'i tha snyad du 'gyur ba'i mthong pa dang thos pa las 
sogs pa yin no zhes pa la |  lta ba po 'i tha snyad de de dag las 'gyur mod kyi rgyu mtshan nyid da ltar ma grub pa yin no zhes bya bar yang 'grigs so |  | yang dag par na 'dra ba nyid mi srid par ston pa las re shig rang gi de pa'i lugs la 'gog pa ni |  yang dag par na rnam par shes pa gzung 


| don dang 'dra ba nyid srid pa yang ma yin te zhes bya ba'i yang gis khyab ches sdud pa'i |  gtan tshigs ni shes pa de la rags par snang pa'i rnam pa ltar phyi rol rdul phran so sor gnas pa la myed pa'i phyir ro zhes bya ba'o |  | gal te rags par snang pa'i rnam pa 'di phra mo so so ba dang mi 'dra yang du ma tshogs pa dang 
'dra'o zhe na |  shes pa'i snang pa'di rdul mang po tshogs pa dang 'dra ba yang ma yin te |  pol gcig yin pa'i phyir ro |  | de'i khyab pa ni rang bzhin rang bzhin cig ni ces pa ste cha med du ma la bsags pa mi rung pas cig du snang pa 'gal ba'i phyir ro |  | gal te rdul mang po nyid mi 'dra yang mang po la yod 
pa'i spyi gcig dang 'dra'o snyam pa'i dogs pa 'gegs pa ni mang po rnams la yang ces pa ste |  nam mkha'i gos can rnams kyi sngon po rnams cig kyang yin la du ma yang yin ces pa 'am rigs pa can gyi spyi ltar du ma la yod pa'i gcig rigs pas khegs pa'i phyir zhes dgongs pa'o |  | mu stegs bye brag 
pa dag rtsom byed kyi rdul mi snang yang brtsams pa yan lag can gyi rdzas rags pa cha med dang 'dra ba yod do snyam pa 'gog pa ni yul rags pa cig shes pa dang mthun par snang pa 'ang ma yin te |  'dra byed kyi yul rags pa cig nyid mi srid pa'i phyir ro zhes brjod te |  ci ltar mi srid ce na |  'di 'i gzhung gis 
spyi bo nas rkang 'thil bar gyi lus ril po cig dang de bzhin du bum pa dang snam bu lasogs pa gong bu thams cad ril po cha myed pa re rer 'dod pa la re shig lus la mtshon te 'gal ba'i chos gsum gyis ril po gcig dgag pa las |  bya ba la rten pa'i 'gal ba brjod pa ni lag pa lasogs pa'i yan 
lag gcig g.yo' na mi g.yo' ba'i mgo' bo lasogs pa yang g.yo' bar 'gyur te tha dad myed pa'i phyir lag pa nyid kyi kha dog bzhin no |  | gal te mgo bo lasogs pa mi g.yo' na yang lag pa dang tha dad par thal te g.yo' ba dang mi g.yo' ba'i phyir chu tshags kyi ras dang chu bzhin no zhes yi ge ji lta 
bar bshad pa 'am |  yang na mi g.yo' ba'i mgo chos can g.yo' ba'i lag pa dang tha mi dad pa'i phyir g.yo' bar thal ba las mi g.yo' ba'i phyir gcig ma yin te ras dang chu bzhin zhes ngag snga phyi thal ba dang bzlog par blta'o |  | shes pa'i yul du 'gal bas dgag pa ni rkang pa lta bu cig bsgribs 
pa'i tshe ma bsgribs pa'i mgo' bo lasogs pa 'ang bsgribs par thal te bsgribs pa'i rkang pa dang tha dad myed pa'i phyir ro |  | yang na bsgribs pa'i rkang pa yang ma bsgribs par 'gyur te ma bsgribs pa'i mgo bo dang tha dad myed pa'i phyir zhes bya ba'i thal ba gnyi ga la tshad mas bsal pas bzlog pa 'phen par blta'o |  | 


de gnyis la 'khrul pa yang pa ni yan lag ces pa ste bsgribs ma bsgribs kyi cha yan lag la yod kyang yan lag cig du mi smra la | yan lag can gyi lus cig du 'dod kyang bsgribs pa'i cha myed pas thams cad bsgribs par thal ba mi 'jug go zhe na | yan lag bsgribs kyang lus mi sgrib na yan lag rnams
kyi phyed bsgribs kyang lus la bsgribs pa'i cha myed pas thams cad mthong par 'gyur te yan lag ma bsgribs pa'i dus bzhin no | | yan lag gi zhes pa ni khyab pa ma grub ste lus ma bsgribs kyang lus mthong pa'i rgyu mtshan yan lag mthong pa myed pas der lus mi rtogs so zhe na | re shig yan lag can la
mthong pa dang ma mthong pa rigs pa ma yin te | lus tha dad myed pas yan lag mthong pa'i dus kyang mi rtogs par thal ba'i phyir ro | | yan lag can mthong pa'i rgyu mtshan kyang mi 'thad te | ci yan lag thams cad mthong pas yin na cung zad bsgribs pas lus mi rtogs par thal ba dang | cung zad mthong pas
yin na phal cher bsgribs kyang mthong par thal ba snga ma nyid gnas par ston pa ni yan lag thams cad ces dang yan lag cung zad ces pa'o | | yon tan la rten pa'i 'gal bas kyang dgag pa ni gdong pa lta bu yan lag cig tshon gyis kha bsgyur la lag pa lta bu ma bsgyur ba na | de dag gi yan lag can
bsgyur ba dang ma bsgyur ba yang ma bsgyur ba dang bsgyur ba nyid du rtogs par thal te phan tshun tha dad myed pa'i phyir zhes bya ba'i 'dod pa la bsal bas rang rgyud 'phen par blta'o | | 'di la yang snga ma bzhin du yan lag kha bsgyur ma bsgyur yod kyi yan lag can la myed pas mi 'dod pa thal bar mi 'gyur ro snyam pa'i dogs pa
ni yan lag ces pa ste | yan lag dang lus so sor snang par thal lo zhes bya ba'i bya ba'i don to | | 'di ni gong ma gnyis la'ang sbyar bar ste lus dang yan lag tha dad pa 'gog pa yin no | | kha cig 'di skad ces mi 'gal ba'i chos 'di dag yan lag la yod pas cig 'gog na gtan tshigs ma
grub la | yan lag 'gal ba'i chos dang ldan pas gcig 'gog na grub pa la sgrub cing | yan lag 'gal ba'i chos dang ldan pas yan lag can cig 'gog na khyab pa ma grub po zhes rtog na || 'dir tshul gsum kas dgag par nus pa nyid te | 'di ltar yan lag la 'du ba'i lus nyid 'gal
ba'i chos dang ldan pas cig ma yin zhes dang | lus chos can cig ma yin te yan lag 'gal ba dang ldan pas zhes rtsa ba'i rtags su byas kyang rigs pa dang gzhung la rung pa nyid te | de la snga ma'i phyogs chos dang phyi ma'i khyab pa la rgol ba g.yo' mi g.yo' lasogs pa yan lag la yod kyi lus la myed


| do zhe na |  re shig lus dang yan lag rdzas tha dad par mi 'dod la brtag par yang mi nus ste gzhan du ma dmyigs pa'i phyir ro |  | rdzas cig la g.yo' ba dang mi g.yo' ba lasogs pa 'ang 'gal te |  tha dad par 'jog pa'i rgyu mtshan 'ga' yang myed par thal ba'i phyir ro |  | de lta yin dang yan 
lag cig g.yo' ba lasogs par gyur na de la 'du ba'i lus dang yan lag gzhan la 'du ba'i lus kyang g.yo' dgos par 'gyur te g.yo ba dang tha dad myed pa'i phyir ro |  | des na gtan tshigs dang khyab pa ma grub pa ma yin no |  | de bzhin du mthar lus kyi yan lag rnams kyang cig du khas blang dgos pas 
yan lag tha dad par grub pa la sgrub pa'ang ma yin no  || de dag gi bsdus pa'i don yan lag thams cad la khyab pa'i lus cig yod na 'gal ba'i chos de dag myed par thal ba las 'gal ba'i chos de dag dang ldan pa'i phyir lus ril po cig ma yin zhes bya ba khyab byed 'gal bas 'phangs pa'i 'gal bas 
khyab pa'i rtags don bsgrub pa nyid 'phen pa ni de'i phyir zhes bya'o  || da ni tha dad pa'i don la gzhal bya dang tshad ma ma rung pas yid byung pa'i tshul gyis sems tsam pa'i tshul la tshad 'bras rnam par 'jog pa na gzhal bya dang tshad ma gnyis myed pa'i tshul ni | de ltar don 'dzin pa'i mtshan nyid mi 
srid pa nyid dang srid du chug kyang khyab ches pa dang rdzas su ma grub par 'gyur ba de nyid kyi phyir blo'i gzung pa don gzhan myed cing blo nyid la'ang 'dzin pa'i blo gzhan yod pa ma yin te tha dad pa'i gzung pa dang 'dzin pa'i mtshan nyid mi 'thad par mtshungs pa phyir ro zhes bya ba rnam par bcad ba'i don to  || gal te 
don dang blo'i gzung 'dzin myed na shes pas ci rig ce na | mi rig pas bslad pa'i blo de ni don gyi rnam pa ltar rang nyid gsal ba yin no |  | de la yang 'di ltar snang pa thams cad shes pa'i ngo bo nyid do zhes bya ba rnam pa bden pa'i lugs ni slob dpon bzhed pa ma yin te | gzhan du cig go ngo bo 
la zhes gzung 'dzin du mar snang pa cig du bden pa 'gog pa'i phyir dang |  re shig bzhag nas sun 'byin pa'i sa 'tshams kyang ma dmigs pa'i phyir ro |  | des na rang nyid gsal ba zhes bya ba 'dir don gzhan gsal ba dgag pa lhur byas pa dang |  don du snang yang don phyir rol na yod pa gsal 
ba ma yin gyi blo rang nyid kyis sprul pa'i yul gsal bas rang sha za'o zhes brjod pa bzhin te |  sems nyid don du rtog pa'i bag chags kyis bslad pas nam mkha'i skra sogs bzhin du myed pa'i don snang pa 'byung pa'i phyir ro |  | ji skad du mdo' las |  bag chags kyis ni bslad pa'i sems |  | 


don du snang pa rab du 'byung | | phyi rol don mthong log pa yin || | zhes gang gsungs pa bzhin no | | gal te de ltar tha dad pa'i don dang blo la gzung 'dzin mi 'thad na sangs rgyas bcom ldan 'das kyis snod dang bcud kyi 'gro ba gzung par mi 'thad pas 'jig rten mkhyen pa'i ye shes mi 'thad par 'gyur ro zhe na |
'dir dbang po dang blo zhan pa'i tshu rol mthong pa dag rgyu mtshan nges pas don mtshon pa'i mtshan nyid bkag pa yin gyi | sgrib pa zad pa dang ting nge 'dzin gyi mthu' bsam gyis mi khyab pa mkhyen pas ni 'dis mi khegs te shes bya dang shes pa yod pa tsam gyis gzung 'dzin du 'gyur ba'i phyir ro | | ji skad du rnam 'grel
las | gzugs sogs dang ni sems de ltar | | gzung dang 'dzin pa'i mtshan nyid ni | | ma dag blo can la yin te | | rnal 'byor rtogs pa bsam mi khyab | | phra rabs lasogs ngo bo'i phyir | | zhes gsungs pa yin no | | 'o na rnam myed dang rnam pas mi rung pa nyid kyis don brdzun pa
'dzin pa yang mi 'thad do zhe na | re shig 'khrul pa'i snang pa ni gzung 'dzin 'brel pa nges pa la mi ltos par thun mong du khas len pa yin te | rmi lam gyi yul dang nam mkha'i sgra sogs re 'ga' bar snang pa bzhin no | | bdag nyid rig pa ni bdag po'i rkyen dang rgyu mtshan la mi ltos ste skye ba'i rgyu nyid
las rig pa'i ngo bor 'byung pa'i phyir mi mtshungs snyam du dgongs pa yin no | | don dam par thams cad khegs pas mtshungs pa nyid 'dod pa kho na'o zhes ni bshad par mi bya ste | 'dir tha snyad la bkag pa dang bsgrub pa gzhung gis ma bstan pa'i phyir ro | | gnyis myed pa'i dam bca' la bsal pa yang pa
las re shig blo'i myong pa gzhan myed par mi 'thad te bde ba lasogs pa'i blo rnams blos rig pa ma yin nam zhes dogs pa bsu nas mngon sum du zhes pa ste | rig kyang rig byed bde sogs nyid kyi bdag nyid yin pas gzhan yod min pa las ma 'das pa'i phyir ro | | yang blo yis nyams myong bya gzhan
myed pa la sngo sogs myong pas bsal lo snyam pa la sngon po lasogs pa zhes smos ste | der yang rang las gzhan pa'i dngos po myong pa myed ces bya ba'i don te des na sgra sogs snang pa'i dus kyi tha dad bzhin du rig bya rig byed rnam pa ste las dang byed po bya ba gsum du snang yang yod pa ma yin no zhes bya ba'o | | de la
myed na snang pa mi 'thad la myed kyang snang na ri bo gi rwa yang ci'i phyir mi snang ces pa'i rtsod pa spang pa ni de'i tshe gsung dang 'dzin pa'i mtshan nyid can la bcad bya min ces blang ste | gang gi tshe zhe na | gzung 'dzin gyi mtshan nyid 'di nus pa nges pa'i ma rig pas bslad pa'i 'khrul pas ji ltar mthong


| pa ltar bzhag pa de'i tshe'o |  | do'i lugs la 'bras bu rang rig las mi 'da' bar ston pa ni de tshe ces pa ste |  'grel par 'dod pa po gang zag gis mtshon pa ni sems tsam pa gang dag gi ste |  sems nyid rnam pa gnyis sngos su |  | gzung dang 'dzin par snang pa ste |  | ces pa'i tshul gyis so |  | sems 
tsam pa'i tshad ma chos can 'bras su rang rig par 'thad pa yin te gzhan rig myed pa'i tshad ma yin pa'i phyir zhes bya ba'o |  | don du tshor ba ma yin nam ci ltar rang rig yin ce na |  bden mod kyi don rig par rlom yang shes pa'i ngo bo las mi 'da' ba'i phyir ro |  | yang na don rtogs pa ni ces pa 'bras bu rang rig gi 
'thad pa gzhan yin te nang shes pa'i rnam pa ji lta bar yul rtogs pa'i phyir ro zhes pa'o |  | de'i don bshad pa ni gang gi phyir ces pa ste |  rang bzhin bsams na shes pa'i ngo bo yin pa 'am shes pas bstan pa'i yul rig pas ces pa ma yin gyi |  shes pa rang nyid ji ltar goms pa'i yul rig pa ste | 
yul yid du 'ong pa mi 'ong par rig pa la shes pa'i dbang gis rig pas zhes bya ba'o |  | rgyu mtshan 'di nyid phyi rol don yod pa la'ang mtshungs pas rang rig 'bras bur 'phen pa ni phyi rol ces pa'o |  | 'di gtan tshigs ma grub ste don yod pa'i lugs la don gtso' bo yin no snyam pa la thal ba brjod pa ni 
don gyi ces pa ste |  don cig la 'jug pa'i shes pa rnams chos can 'dzin stangs kyi rnam pa cig du thal te don ji ltar bar 'jug pa'i phyir zhes bya ba'o |  | 'dod pa la bsal pa brjod pa ni 'dzin pa'i rnam pa ni du mar mthong ste ces pa la |  yid du 'ong pa dang mi 'ong pa zhes bya bde ba dang sdug bsngal nyid 
ni ma yin te bde sogs don gyi chos su 'dzin na log shes su 'gyur ba'i phyir ro |  | bde' sdug gi rgyur 'dzin pa'ang ma yin te don cig shes pa du ma'i dmyigs rkyen du mi 'gal ba'i phyir ro |  | 'on kyang sem pa dang gdung pa'i yul de sdug pa dang mi sdug pa'i rnam par ro |  | de la gtan tshigs ma grub ste 
don cig 'dzin pa'i dbang shes thams cad kyang khyad par myed kyang sdug pa dang mi sdug pa dang mi sdug par 'dzin pa ni rtog pas sbyar ba yin no zhe na |  rtog pa kho na ma yin te |  rtog pas kyang de ltar 'dzin mod kyi dbang po'i shes pa de nyid la yang 'chi ltas dang nad kyi bye brag 'ga' zhig gis zin pa'i tshe sngar sdug pa'i yul cig la 
phyis mi sdug par mthong ngo zhes bya'o |  | de'i tshe 'ang rtog pa yin no snyam na sngar mi sdug pa goms pa'i 'tshams sbyor myed par te rtog pa'i khyab byed bkag pa'o |  | gang zag gzhan dang gzhan la yang gzugs dang sgra lasogs pa don cig nyid la dbang po 'i 'khor gyi bde ba dang mi bde ba skyed pas mtshon pa yid du 'ong 


mi 'ong par mthong pa yin no zhes bya'o | | nang shes pa ji lta ba bzhin yul yongs su gcod pa de'i phyir ces skabs kyi don sdud pa'o | | 'o na de'i sgrub byed tshad ma 'ang sems tsam pa ltar 'dzin pa'i rnam par gyur ram zhe na | don rig pa 'di 'i 'bras bu'i sgrub par byed pa'i tshad ma ni gzung pa'i rnam pa la byed dgos ste don gyis
rnam pa shar ba'i dbang gis don 'dzin pa'i phyir ro | | de lta na sngar don dang 'dra ba tshad ma yin pa'i tshe don rtogs pa 'bras bu bshad pa ci ltar ce na | bden te de ltar 'bras su rang rig du rigs kyang sngar tshad ma'i 'bras bu nges shes kyis slob pas don rtogs pa 'bras bur brjod pa yin no | | slob pas 'bras bu yang don rig
yin pa de nyid kyi phyir don rig pa'i tshad 'bras yul tha dad pa ma yin la rigs pa'i dbang gis de ma bag du rang rig par yang bshad ces bya'o | | gal te don cig la rnam pa du ma 'byung na don dang rnam pa mi mthun par 'gyur ba dang don nyid ma grub pa rnams rnam pa don dang 'dra ba nyid mi 'grub pas don rnam pa myong pa'i gzhal
bya ji ltar yin zhe na | bden te don ni der snang pa'i rgyu yin pa tsam gyis gzhal byar 'dod ces bya'o | | rgyu nyid du 'ang ma grub ste rmi lam lasogs pa'i rnam pa 'ga' zhig ltar don dngos rgyur myed kyang don gyi rnam par snang pa na don la 'khrul pas ji ltar don 'dzin ce na | bden ces pa ni de lta mod kyi kho bos
kyang lugs 'di thabs sna tshogs kyis bzhag ste | spang par mi nus pa'i nyes pa du ma dang 'brel par mthong nas bzhag pa'i de ma thag du dor bas rjes su skyed pa ni ma yin no zhes bya ba'i don to | | gzhung 'dis ni don rig pa'i tshul bsgrub pa'i tshul gyis sun dbyung pa yin te zhar la 'ongs pa yin no | | skabs
kyi don rnams rig pa'i lugs la mi 'thad pa spang pa las | re shig tshad 'bras rnam bzhag mi 'thad pa spang pa ni phyi rol don yod na gzugs lasogs pa gzhal bya mig gi rnam shes lasogs pa tshad ma dang de des rig pa'i gzhal bya dang tshad 'bras rung pa la phyi rol don myed na de dag ji ltar 'thad ces pa'o ||
'di la bshad zin to ces sbyar te | gang du ji skad bshad ce na | sgra sogs shes pa'i tha dad bzhin ces pa'i skabs su ji ltar 'khrul bas mthong pa bzhin du yin no zhes so | | yang bshad pa ni yul gyi rnam pa zhes pa ste | mi rig pas bslad pa'i shes pa nyid skye ba na gsum du snang pas de la gzhal bya dang
tshad 'bras su rnam par gzhag pa yin no zhes pa'o | | ji skad du de'i gzhung las | | gang zhig snang de gzhan gyi dbang || | ji ltar snang pa brtags pa ste | gang snang de la ji ltar snang | | rtag du med nyid gang yin pa || | yongs grub rang bzhin du shes bya | | zhes 'byung pa yin no | | don de


| nyid tshig le 'ur byas pas ston pa ni gzung 'dzin gnyis kyi dngos po rigs pas khegs pa'i blo bdag rnam par dbyer myed kyang ngo |  | bstan bcos la grags pa'i dpes mtshon pa ni dper na ces pa ste |  rnam pa gzhan ni rta dang glang po lasgos par yin la de'i tshe de ltar gyur pa nyid ma yin nam snyam pa la mig ma 
ma bslad pa rnams kyis ces so |  | 'jig rten la grags pa'i dpes ston pa ni ji ltar ces pa'o |  | don las sbyar ba ni gzung dang ces pa'o |  | rnam gzhag de kho na nyid du ma grub pa ni ji ltar snang pa tsam las gzhan du zhes bden pa 'gog pa ste |  du ma ma grub pa dang cig ma grub pa dang des na rang bzhin myed pa gsuM 
las |  dang po ni blo'i nyams myong bya gzhan myed |  | ces pa'i tshul gyis thams cad du snang yul don gzhan bkag pa na blo bdag gnyis med kyi ngo bo cig la gzung pa dang 'dzin pa dang rig pa'i rnam pa gsum ji ltar bden 'gyur te |  gsum bden na gnyis myed pa'i gcig pa nyid nyams te gzung don yod par 'gyur ba'i phyir ro : 
'o na de dag ngo bo cig nyid du bden no zhe na |  de yang mi rung ste gzung pa dang 'dzin pa'i rnam pa chos can dngos po cig nyid ma yin te du ma ste tha dad par snang pa'i phyir bde ba dang sdug bsngal bzhin zhes bya'o |  | 'di 'i phyogs chos ni mngon sum nyid kyis grub la |  khyab pa ni tha dad par snang pa 'khrul lam ma 'khrul yang cig du 
'gal bas grub myod kyi |  du mar snang yang gcig yin na du ma'i tha snyad yul myed pas du ma nyid rgyun chad par 'gyur ro zhes ston pa ni cig las gzhan gyi gzhan te du ma'i du ma nyid nyams par 'gyur ba'i phyir zhes pa'o |  | gzhan yang sngon po lasogs pa rnams 'dzin cha myig shes kyi bdag nyid yin na de 'dzin pa la 
snang par 'gyur te dung dang kar po bzhin no |  | de 'dod na rnam ldan yid gtad cing 'khrul pa'i rgyu myed pa la snang pa'i phyir rjes shes kyis nges par thal te bum pa'i bdag nyid du sngon po bzhin no |  | thal ba las ma nges pa'i phyir mi snang la |  de 'dzin la mi snang pas de'i bdag nyid ma yin ces khyab byed med pa'i rtags 
gnyis dngos mthong myed par ces pas bstan te |  de ltar na ji ltar snang pa'i gzung 'dzin 'di du mar snang pas cig du mi 'thad cing sngar bkag pas du ma nyid du 'ang mi 'thad pas rang bzhin myed do zhes rtags su 'god pa ni gang gis ces pa ste |  | ji ltar snang pa'i dngos po rnams chos can de kho na nyid du dngos por myed te |  gang gi 
phyir rnam par dpyad na cig dang du ma'i rang bzhin myed pa'i phyir nam mkha' bzhin zhes bya ba'o |  | yang na gzhan du zhes bden pa 'gog pa 'di 'i don gzhan yin ste |  'dir rang gi sde pa de kho na'i dngos por smra ba don dang don myed pa'i rnam bcas rnam myed bzhi las |  gnyis ka'i rnam bcas 'gog pa ni rkang yang 


lnga ste | 'di ltar kar dmar sna tshogs su snang pa 'di shes pa'i ngo bor 'dod la | de yang rnam pa'i grangs ji snyed shes pa skye 'o zhes bya ba mi 'thad par sla bas 'gog pa'i gzhung ma bris so | | rnam pa sna tshogs 'di shes pa cig nyid kyi ngo bor bden te zhes smra ba 'gog pa ni rang bzhin du mar snang pa'i rnam pa chos can shes pa cig
gi ngo bo du ci ltar bden 'gyur te dngos po cig du mi rung ste | rang bzhin du mar snang pa nyid kyi phyir skye mched tha dad pa'i snang pa bzhin no zhes bya ba 'gal bas khyab pa'o | | khyab pa sgrub pa ni du mar snang pa ni 'khrul lam ma 'khrul yang dngos po cig dang 'gal bas cig pa nyid te nyams phyir ro zhes bya ba'o | | yang shes pa
chos can rnam pa du mar ji ltar bden 'gyur te rang bzhin cig du snang pa'i phyir zhes brjod te | 'di phyogs chos ni shes pa rang bzhin cig du rtog pa myong pa'i rang rig gis grub la | khyab pa ni cig du snang pa ni 'khrul lam ma 'khrul yang du ma'i dngos por 'gal bas gzhan gyi gzhan te rnam pa'i du ma nyams phyir
ro zhes bya ba'o | | des na yan lag can 'gog pa'i rigs pa nyid mtshungs pa yin te | ji skad du rnam 'grel las | sna tshogs dngos po'i don rnams la | | gal te cig nyid mi rigs na | | de blo sna tshogs snang pa yang | | cig pa nyid du ji ltar 'gyur | | zhes gang gsungs pa yin no | | ci ste
yang rnam pa de dag shes pa de snyed kyi ngo bo nyid du bden pas skyon med do zhe na | de lta na yang rnam pa'i rdul rnams ma shas yod na don dam par mi rung la | cha shas myed na phyogs du ma la bltas par 'gyur la | 'dod na rags pa ma brtsams par thal ba las brtsams par snang pa'i phyir phyogs du ma dang 'brel pas cha
shas yod ces rdul phra rab 'gog pa'i rigs pa mtshungs pa yin te | ji skad du | ji ste rnam pa'i grangs bzhin du | | rnam par shes pa khas len na | | de tsha rdul phran 'drar gyur pa'i | | dpyad pa 'di la bzlog pa dga' | | zhes bshad pa bzhin no | | yul rags par snang pa myed par yang 'gyur te shes pa
cig gis rnam pa du ma mi snang par 'gyur ba'i phyir zhes bya'o | | gal te 'di 'dod pa nyid te rags par 'dzin pa ni rtog pa 'am rtog myed 'khrul pa yin no zhes kyang brjod par mi nus ste | 'khrul pa'i snang pa yang brdzun na rnam bden nyams la | shes pa cig du bden na sna tshogs gnyis myed du 'gyur zhing | du ma'i ngo bor
bden na skabs kyi don nyid du 'gyur ba'i phyir ro | | khyad par du yang rags pa rtog pa'i yul ni ma yin te | dbang po'i rjes su byed pa'i phyir dang gsal bar snang pa'i phyir ro | | rtog pa la gsal ba ji ltar myed pa'i tshul ni brjod zin to | | yang sems tsam rnam pa myed pa dag rnam pa du par snang pa'i shes pa cig du mi


| rung yang rnam pa'i dri mas dben pa'i shel sgong dag pa lta bu'i shes pa cig yin no zhes pa 'gog pa cig gi dngos por mthong myed phyir ces pa ste |  rang gi rgyud chos can rnam pas dben pa'i shes pa cig med te de lta bu mthong pa myed pa'i phyir |  de'i gtan tshigs 'phen pa'i thal ba ni blos dngos tha dad myed mthong na ces pa'o || 
rnam pa yod myed gnyis kas 'dod pa'i phyi 'i don 'gog pa ni gang gis ces pa ste gzugs lasogs pa'i don rnams chos can de kho nar dngos por myed te cig dang du ma dang bral ba'i phyir nam mkha' bzhin zhes bya'o |  | gtan tshigs 'di ci ltar grub ce na |  re shig rags pa cig ni ma yin te 'gal ba'i chos dang ldan pa sngar brjod pa 
nyid kyi phyir ro |  | rdul phra rab kyi rang bzhin cig yin na de'i phyogs bcu'i gzugs rnams rang bzhin cig gi bltas par khas blangs pa'i phyir phyogs tha dad na mi gnas par thal ba las |  phyogs tha dad na gnas pa'i phyir rang bzhin cig gi blta sa ma yin zhes bya bas lta byed rang bzhin gcig yin pa rang bzhin shugs la khegs 
pa yin no |  | de ltar phra rags kyi gcig myed pa'i phyir du ma'ang khegs pa'i phyir ro |  | khyab pa'i rtags kyi ngo bo 'dzin pa dang mi mthun phyogs la khegs pa'i tshul gnyis las |  ngo bo ni rtags kyi rnam pa la rtog pa myong pa'i rang rig nyid kyis grub po |  | de mi mthun phyogs la zhugs pa ni cig dang du mas ma khyab pa'i 
yang dag pa'i dngos por 'gyur la |  de ni tha snyad pa'i mngon sum nyid kyis khegs ste |  dngos po tsam la cig pa 'am du mas khyab pa grub pas cig dang du mas ma khyab pa'i yang dag pa'i dngos po yang khegs pa'i phyir ro |  | 'di 'i mtshon bya ni bsgrub pa 'am dgag pa yang rung tha snyad pa'i gtan tshigs yin te |  zla bcas zla myed dang 
bral ba'i dngos por sgro 'dogs mi srid pa'i phyir ro |  | 'khrul pa la mi 'thad pa yang pa ni chos mthun ces pa ste |  gal te gzung pa dang 'dzin par snang pa 'di 'khrul pa yin na nya phyi la dngul du sgro 'dogs pa ltar sngon chos mthun pa mthong dgos pa las 'gro ba la 'khrul pa'i sngon du don mthong pa myed pas mi 'thad do zhes 
pa la |  rtog bcas 'khrul pa chos mthun mthong pa la ltos pa de yang yod na chos mthun mthong sogs la ltos myed kyang yod ces bya'o |  | de gang dag ce na |  nang gi dbang po dang shes pa bzod pa las byung pa rang bzhin gyis log par snang pa'i rtog myed 'khrul pa'o |  | de cis 'khrul ce na |  rgyu nyes pas bskyed phyir 
ro |  | de las 'khrul pa ci lta bu zhe na |  mig rab rib lasogs pa'i shes ba bzhin no |  | sems tsam gyi lta ba nyid la sgrub byed med pa spang pa ni gal te ji ltar snang pa 'di rnam par rig pa tsam yin na ces pa la |  'di la bshad zin pa ces ni gong du shes pa'i don dang 'brel pa ni 'dra ba las 


gzhan ma yin ces dang |  rnam par shes pa yul dang 'dra ba yang ma yin te ces pa lasogs par tha dad pa'i don la rnam myed rnam bcas kyi gzung 'dzin bkag pas myong bya'i don dang myong byed kyi blo gzhan yod pa ma yin te de la yang gzung dang 'dzin pa mi 'thad pa'i phyir ro zhes bya bar ro |  | 'dis ni gzugs lasogs par snang pa 
'di rig par bya ba yin pa'i phyir rig byed las gzhan ma yin te bde sdug bzhin no zhes bya ba'i rtags kyang 'phangs par 'gyur ro |  | gzhan yang bye brag du snang yul rdzas gzhan 'gog pa ni gzhan yang ces pa ste |  'di la lhan cig dmyigs pa dang rig pa'i gtan tshigs gnyis las |  dang po ni lhan 
cig dmigs pa nges pa'i phyir ro |  | sngo dang de blo gzhan ma yin |  | zhes bya ba'o |  | 'di 'i chos can dang bsgrub bya dang gtan tshigs kyi don gsum nges par bya ba las |  de la chos can ni gzung cha sngon por snang pa nyid dam 'dzin cha dang gnyis ka bzhag nas phan tshun rdzas tha dad pa nyid dgag par 'thad 
kyi |  'dzin cha nyid ni gzung pa las gzhan pa'i dngos por yod pas phyogs su mi rung ngo |  | bsgrub bya'i don gzhan ma yin par dgag pa 'dzin cha'i ngo bo nyid dam myed dgag dngos po myed pa yin ce na |  gzhung gi bsam pa gzhan du cig gi ngo bo la ces pas ma yin dgag sun phyung pas skra sogs shes pa'i 
tha dad bzhin zhes pa'i tshul don gyi dngos po med dgag yin no |  | rtags kyi nus yul du bya ba ni de gnyis ka ma yin te zla gnyis dang rang rig gis ma nges par dogs pas khyab pa thun mong du mi 'grub pa'i phyir ro |  | 'on kyang rdzas phan tshun spangs pa'i gzhan bkag pa tsam mo |  | rtags kyi don la ngo bo dang 
mtshan nyid phyogs chos khyab pa sgrub pa dang rtags kyi skyon spangs pa las |  ngo bo ni dmyigs pa lhan cig nges pa zhes bya ba gzung ba dang 'dzin pa dag phan tshun mi 'bral bar dus cig du blo'i rdzas cig gis dmyigs pa khyad par gsum dang ldan pa ste |  'ji skad du rnam 'grel las |  nges par blo dang lhan cig du |  | cig 
car du ni myong 'gyur ba'i |  | yul ni de las gzhan nyid du |  | rnam pa gang gis 'grub pa 'gyur |  | zhes gsungs pa yin no |  | mtshan nyid bsgrub pa las 'di 'i phyogs chos ni gzugs dang mig shes lasogs la phan tshun mi 'bral bar rang rig mngon sum nyid kyis grub pa yin te |  gzug 
kyi rnam par snang pa las ma rtogs pa'i gzugs dang myig shes myed pa'i phyir sgra dang mnyan bya 'am shing dang sha ba'i khyab pa bzhin no |  | khyab pa ni ngo bo grub pa dang mi mthun phyogs la khegs pas 'grub pa las |  rtags kyi ngo bo ni dpe' zla gnyis lasogs pa'i steng du rang rig pas grub la |  mi mthun 


| phyogs dngos po tha dad pa la yang dus mi mnyam pa la ni rtags sam dgag bya'i ngo bo 'dzin pa nyid kyis 'khegs shing |  dus mnyam pa la'ang rtags kyi cha sgro btags dang lhan cig dmyigs pa ni ngo bo 'dzin pa nyid kyis khegs so |  | tha dad dus mnyam pa la dngos po'i lhan cig dmyigs nges 'gog pa ni tha dad 
dus mnyam pa chos can dngos po'i lhan cig dmigs pa mi srid te 'brel pa myed pa'i phyir mig dang sgra bzhin no zhes bya ba gnod pa can gyi rjes su dpag pa ste |  'di 'i phyogs chos ni chos can 'dzin pa'i mngon sum gyis grub la |  bzlog khyab ni bde' sdug myong pa'i steng du rang rig gis grub po |  | de ltar tshad ma 
gnyis po des rtags mi mthun phyogs la ldog pa dang mthun phyogs kyis khyab pa'i rjes su 'gro ba bde blag du 'phen pas |  des na dngos por snang pa ni 'dzin pa'i shes pa las rdzas gzhan pa yin te |  'dzin pa dang lhan cig dmyigs pa nges pa'i phyir zla gnyis bzhin no zhes bya ba don bsgrub pa'i khyab byed 'gal 
ba'i gtan tshigs grub pa yin te |  ji skad du rnam 'grel las |  shes pa med pa'i yul 'ga' 'am |  yul myed pa'i shes pa yang |  | myong par gyur pa ma mthong pa |  des na de dag tha dad myed |  | ces gang gsungs pa bzhin no |  | rtags de'i skyon spang pa la kha cig na re rtags 'di 
gzung pa dang 'dzin pa tsam la ma grub pa yin te |  gang zag du mas zla ba dang gyad lasogs pa gzung pa cig la lta ba'i tshe cig gis gzhan gyi 'dzin pa ma dmigs kyang gzung pa dmyigs pa'i phyir ro |  | gzhan 'dzin pa ltar gzung pa 'am dmigs pa med te gang ci snang pa thams cad rang rang gi shes 
pa nyid dam shes pas sgro btags pa nyid yin pa'i phyir ro zhes kyang brjod par yang rigs pa ma yin te |  de ni rtags kyis nges par bya ba rnam rig pa'i lta ba nyid yin pas rtags des bsgrub bya dpog na skra bregs nas skar ma rtog par 'gyur ro zhe na |  'dir gzung pa dang 'dzin pa'i khyad par mtha' dag lhan cig 
dmigs pa ni rtags kyi don ma yin la |  'on kyang 'dzin pa dang gzung pa'i spyi lhan cig dmyigs pa rtags su bkod pa na der yang 'dzin pa tsam dang bral ba'i gzung pa dmyigs par ma grub ces bya'o |  | gzugs dang snang pa dang sems dang sems byung gis dngos su ma nges pa ma yin te |  gzugs dang snang 
pa dang sems dang sems byung gi rdzas tha dad na rtags kyi ngo bo ma zhugs la rdzas cig na mthun pa'i phyogs nyid yin pa'i phyir ro |  | mi mthun phyogs kyi phyogs cig sems kyi rgyud dang sangs rgyas kyi ye she lasogs pa la ldog par the tsom za ba yang ma yin te |  ji skad brjod pa gnod pa can 


gyis bkag pa'i phyir ro |  | lhan cig pa la gnyis kyis khyab pas rtags dang dam bca' ba'i sgra'i don 'gal ba yin no zhes kyang brjod par byi ste |  chos dang ngo bo la ltos nas gzhan dang gzhan ma yin pa mi 'gal ba'i phyir chos dang chos nyid bzhin no |  | des na btsun pa dge bsrungs lasogs pas |  | gtan tshigs 
'di 'gal gang gi phyir |  | 'jig rten na ni lhan cig cig sgra |  | gzhan ma yin la 'gal myed pa |  | de'i phyir bzlog pas khyab pa yin |  | lhan cig gzung pa cig 'dzin blo |  | gcig par 'dod na de ma grub |  | dus cig yin na ma nges ste |  | sangs rgyas ye shes gzhan sems dang |  | sems 
dang sems las byung rnams kyi |  | gtan tshigs 'di ni 'khrul phyir ro |  | sngo dang de blo gcig min te |  | tshogs pa snga ma nyid kyis ni |  | snang dang bcas gzugs ldan pa'i |  | shes bcas yul gyi skad cig byed |  | des na lhan cig dmyigs par 'gyur |  | zhes klan kar sgras pa de thams cad 
spangs pa yin no |  | don de nyid gzhung gis ston pa ni 'brel par rtags nyid bkrol ba ni gang gi phyir ces pa yin la |  khyab pa ma 'khrul ba'i mtha dgag pa'i phyir bzlog pa la gnod pa can brjod pa ni rang bzhin tha dad pa la ni ces pa ste sngar brjod pa bzhin du sbyar ro |  | gnod pa can gyi rtags 
'di nyid gzugs dang snang pas dngos su ma nges ste 'brel pa myed kyang lhan cig dmyigs pa nges pas so zhe na |  'di 'i lan gyi tshul gnyis las 'dir dngos su ma nges pa ni mi mthun phyogs la rtags zhugs pa yin pa las re shig mi mthun phyogs yin yang rtags zhugs pa myed ces ston pa ni gzugs dang 
snang ba dag ni 'brel pa yin pas snang pa myed par gzugs mi dmyigs pa yin te zhes sbyar te |  'brel pa ci ltar yod ce na |  gzugs kyi rang 'dzin pa'i dbang po dang shes pa skyed pa'i nus pa snang pa las thob pas zhes bya ba'o |  | 'o na rgyu 'bras kyi 'brel pa yod pa tsam gyis de dag lhan cig dmyigs 
par 'gyur ram ce na |  bar chad med pa ste dngos kyi rgyu dang lhan cig gzung pa ste dbang po cig gi yul yin pa dang de yang rgyun rjes su 'jug ba'i mtshan nyid can yin pas lhan cig dmyigs pa 'am gzung par 'gyur ro zhes bya'o |  | rtags zhugs kyang mthun phyogs nyid yin pa'i lan gnyis pa ni 
yang na de dag ni lhan cig dmigs pa tsam yod kyang 'dir dgag par bya ba'i lhan cig dmigs pa nges pa ma yin te |  snang pa ces pa rtags de phan tshun bral ba 'ang mthong pa'i phyir zhes bya ba'o |  | 'o na gnod pa can gyi dgag bya 'ang lhan cig dmyigs pa can ma yin nam zhe na |  'dir ces 


| pa ste gnod pa can gyi dgag par bya ba rtsa ba'i gtan tshigs sngon po dang de    lhan cig dmyigs pa' ni nges pa'i khyad par can nyid do zhes bya'o |  | gang dag gzhung 'di rtsa ba'i rtags nyid 'brel pa'i rgyu mtshan myed bzhin du lhan cig du dmyigs pa nges pa zhes btsangs nas gzugs dang snang pa la khyad par dang 
ngo bo nyid ma zhugs pa'i tshul gyis ma nges pa spong par 'chad pa de dag ni legs par bshad pa ma yin te rtags khyad par can bkod pa myed pa'i phyir dang bkod nas gnod pa can gyi bzlog khyab ston na rang gi 'jug pa la co 'dri bar 'gyur ba'i yang phyir ro |  | des na gzhung 'di la ni bshad pa snga ma nyid snang po |  | phyogs 
chos ma grub pa spang pa ni yul ni ces pa ste gzhan gyi sde pa kha cig gzung yul dang 'dzin pa'i shes pa ni rgyu 'bras yin pa'i phyir snga phyir dmyigs pas shes pa'i rdzas cig gis dus gcig du dmyigs pa'i gtan tshigs ma grub po zhes pa la |  ha cang thal ba brjod pa ni dmyigs pa mngon sum ma yin na ces pa'i rtsa ba 
gnyis ste |  dmyigs byed ma rig pa'i lus kyi skyes bu chos can don yang ma dmyigs par thal te 'dzin pa' ma dmigs pa'i phyir de'i 'dzin pa dmigs pa'i tha snyad du rung zhes bya ba 'phen par blta ste | 
spyod dgag par bshad pa bzhin no |  | de'i 'grel pa na 'di ltar re shig dmyigs pa de yod nges su ma grub na don rab du mi 'gyur ro zhes gdon te |  de'i khyab pa ni yul yod pa tsam gyis ni yul dmyigs pa ma yin gyi zhes sbyar la phyogs chos don gyis khas blangs pa'i rim pa don ni yul yod dus kyi dmyigs 
pa de yang rang gis ma rig pas tshad mas ma grub par 'gyur zhes brjod de |  de 'dod pa la tshad ma dang mi ldan na mi slu bas yod nges kyi tha snyad mi rung par 'gyur te sha za bzhin zhes bya'o |  | de'i khyab pa la 'khrul pa spang pa ni yod kyang ces pa'o |  | de ltar na dmyigs byed yod par ma grub kyang don kyang yod par mi 
'grub pa'i phyir thams cad ces pa ni don dang shes pa dang des de dmyigs par nges pa'i tha snyad rnams so |  | de'i phyir rig byed dmyigs pa myed na rang dang don rig par byed pa po cung zad kyang myed par 'gyur ro zhes don bsdus pa'o |  | ma nges par rtog pas rig pa ni ste gal te 'dzin pa ni rang gis ma rig kyang gzung pa dmigs 
pa'i dus gnyis par gzung pa bzhin du shes pa gzhan gyis dmigs pas yod pa'i tha snyad mi 'thad pa'i skyon myed do zhe na |  ci rig pa thams cad gzhan kho nas dmigs sam 'ga' zhig rang gis grub |  dang po ltar na nyes pa gnyis las re shig de lta na yod pa'i tha snyad phyir ci log tu 'gyur ro zhes 


brjod pa ni de lta ni re shig yul de rang gi dmyigs pa yod pa'i tshe ma grub la gzhan de'i dmyigs pa yod pa'i dus su grub po zhes phyin ci log gi tha snyad legs par byas so zhes sbrel te ma grub pa dang grub pa'i rgyu mtshan ni sgrub pa'i shes pa ma grub pa dang grub pas so |  | phyin ci log pa ci ltar ce na |  dmyigs par gyur 
kyang yul yod pa de'i tshe ma grub la yul myed pa'i tshe grub par 'gyur ba'o |  | gzhan yang don rtogs pa nyid myed par thal ba brjod pa ni yul rig pa yang ces pas rang rig myed pa'i skyes bu rnams dmyigs pa mthar thug la sdod par khas len du bcug nas dmyigs pa mthar thug la sdod pa'i skyes bu 'dis don 'ga'ang mi 
rtogs par 'gyur te dmyigs pa mthar thug pa'i rjes su 'brang pa de'i phyir zhes bya'o |  | de'i khyab pa gang las ce na |  gcig ma grub na ces pa ste phyi ma ltos pa dang phyi ma nyid myed pas so |  | 'on te phyogs gnyis pa 'ga' zhig du mthar thug ste yul rig pas rang yang rig pa yin na de rang dang yul gyi 
rnam pa cig char dmyigs par 'gyur te blo'i rdzas cig gis dmyigs pa'i phyir mdog dang dbyibs bzhin no zhes brjod te |  'di 'i khyab pa ni 'og nas gcig gi bya ba la rim pa mi rigs ces pa'o |  | de lta yin na rig bya gzhan yang de bzhin 'gyur dgos ste |  shes ba rnams rang rig pa'i rdzas nyid kyis 
yul rig pa de'i phyir dmyigs pa chos gsum ldan gyi gtan tshigs grub ces bya'o |  | rig pa zhes bya ba yang ces pa'i gzhung kha cig de lta na sngon po lasogs pa gzhan rig pa'i tha snyad 'gal lo zhes lhan cig dmyigs pa'i dam bca' la bsal bar rgol ba'i lan du sbyor ba ni mi rigs ste |  brgal lan 
'di sngar blo yis nyams myong bya gzhan myed ces par bshad zin pa'i phyir dang |  'di nyid du 'ang gzhan ma yin pa de'i phyir yang de ni gzhan du mi rigs ces gzhung ma 'brel par 'gyur ba'i phyir ro |  | des na 'di ni yang dag par rig pa zhes bya ba'i gtan tshigs gzhan yin no |  | 'o na gtan tshigs 
'di 'i don rig par bya ba 'am byed pa 'am rig pa gang zhig yin zhe na |  kha cig gzung cha sngon por snang pa ni 'dzin cha shes pa las gzhan ma yin te gsal zhing rig pa'i phyir bdag rig pa bzhin no zhes brjod te |  gsal zhing rig pa nyid ni shes pa tsam gyi thun mong ma yin pa'i chos yin pas 
mtshan nyid kyis mtshon bya bsgrub pa yin te nog dang lkog shal gyis kar zal ba lang du bsgrub pa dang 'dra'o zhe'o |  | de ni mi rigs te gzhan rig ma 'khrul pa'i gzung pa gzugs sogs la shes pa'i mtshan nyid grub na gzung pa don rnam gcad la khegs pa na de'i 'dzin pa 'ang khegs pas chos kyi bdag 


| myed mngon sum gyis grub par thal ba'i phyir dang |  'khrul pa'i gzung pa zla gnyis lasogs pa dngos por ma grub kyang shes pa'i mtshan nyid gsal ba tsam grub pas ma grub pa la yod chos rtags su rung par 'gyur ba'i phyir ro |  | yang kha cig gzugs dang sgra ltar rig bya tha dad pa la de'i rig byed kyang tha dad pas 
khyab pas 'dir gzung pa dang 'dzin pa dag rig byed rdzas cig gis rig bya yin pas gzhan ma yin ces bya ba khyab byed 'gal ba'i rtags yin no zhes zer ba 'ang ma yin te |  mar me cig gis gsal ba'i mar me nyid du bum pa dang ka ba ltar ldog pa la the tsom mi khegs pa'i phyir dang yi ges ma bstan pa'i phyir ro || 
gang yang shes pa dang 'dres par gsal ba zhes brjod pa yang lhan cig dmyigs pa nyid las don gzhan ma bstan par 'gyur ro |  | des na yi ge ji lta bar bshad pa nyid slob dpon gyi dgongs pa yin pas 'di ltar bshad te |  slob dpon phyogs kyi glang po'i gzhung las rig bya zhes 'byung pa de yang rig par byed pa de nyid 
kyi bdag nyid yin pa'i phyir zhes bya'o |  | de ltar na phyogs chos mngon sum gyis grub cing khyab pa sngar bsgrubs pas gtan tshigs kyi don ni sngon por snang pa ni 'dzin pa las rdzas gzhan pa ma yin te rig par bya ba yin pa'i phyir bde sdug gam zla gnyis bzhin no zhes bya ba yin par gdon mi za'o |  | gal te 
shes pa las rdzas gzhan pa la gsal zhing rig pa'i rtags ldog na rnam pa brdzun pa ltar na sngo sogs shes pa'i rdzas ma yin pas gsal ba mi 'thad do zhe na |  sngon po lasogs pa zhes smos ste |  shes pa las gzhan pa'i dngos po ma yin na brdzun pa'i gzung pa snang pa 'brel pa la mi ltos pas rung ngo zhes 
dgongs pa'o |  | bdag nyid ces pa ni bdag nyid las ma 'das shing gzhan ma yin na bdag nyid dang rang gis sprul pa'i gzhan gyi rnam pa yang gsal bar rung ste sgron ma bzhin ces pa'o |  | de ltar sems tsam gyi tshul la tshad 'bras gzhag pa ni gzung pa don gzhan myed pa de'i phyir sgro btags pa 'dzin pa 
'i phyir sgro btags pa 'dzin pa'i rnam pa ni 'bras bu rang rig pa'i tha snyad kyi sgrub par byed du 'dod de de tsam las shes pa 'di rang rig pa de'i tha snyad 'jog cing mtshon pas so |  | gal te rig bya rig byed cha gsum med pa la tshad 'bras ji ltar 'thad ce na |  dngos po gsum myed kyang ldog pa'i dbye bas 'thad 
pa don yod pa'i kha nang lta'i tshad 'bras bzhin no zhes don pa ni dper na ces pa'o |  | de la'ang ces pa'i shu log ni dpe' dang don gang la snyag par bshad kyang rung ngo |  | tshad ma'i rnam grangs bstan pas slob dpon gyi lung 'gal spang pa ni 'dzin pa'i ni ces pa ste |  'dzin pa'i rnam pa dang bdag 


myong par rung pa dang yul yongs su gcod pa'i bdag nyid de la slob dpon gyis rig par byed pas rig pa zhes byed pa sgrub pa lhur byas nas tshad mar bshad la |  'dir rig pas na rig pa zhes pa dngos po sgrub pa lhur byas nas 'bras bur bshad pa mi 'gal zhes pa ste slob dpon gyis kyang rang rig 'bras bu yin |  zhes gang gsungs 
pa yin no |  | yang na de'i phyir ces pa rnam rig pa'i kha phyir lta'i tshad 'bras dang |  dper na ces pa'i shu log gnyis thun mong gi kha nang lta'i tshad 'bras te rnam rig pa'i gnas skabs der 'dod chags lasogs pa tshor ba bzhin du bdag yul du bzhag pa na gzhal bya dang tshad 'bras gnas pa'i tshul 'di ni grub 
mtha' kun la'ang sbyar te |  sbyar ba nyid bshad pa ni de la'ang ces pa'o |  | de ltar phyi rol gyi don yod pa dang myed pa'i lugs kyi gzhal bya dang tshad 'bras rnam par dpyad nas |  de dag thun mong gi don bsdu ba la gnyis ka ltar yang snang pa sems nyid du 'thad pa ni gtan tshigs gnyis po de'i phyir ces pa'o |  | 
des na blo nyid tshul gnyis ces pa gzung cha blo 'i bdag nyid du brjod pa ni ma yin te sngar dngos mthong myed phyir ces par bkag pa'i phyir ro |  | 'on kyang rang nyid kyis bstan pa'i mi bden pa'i don gzung par snang pas cha gnyis par brjod pa yin te |  phyogs kyi glang pos kyang |  yul shes pa dang de shes pa'i || dbye' 
bas blo ni tshul gnyis yin |  | ces gsungs pa yin no |  | da ni so so 'i lugs la mi 'thad pa spang pa las don rig pa'i lugs la gzhal bya'i sgrub byed brjod pa ni gal te zhes rgol ba'i lan du phyi rol gyi don ni 'bras bu 'dzin shes res 'ga' ldog pa'i rtags las grub par 'gyur ro zhes bya ste | 
rnam shes la nus pa'i rgyu gzhan ni dbang po dang snang pa dang yid la byed pa ste rkyen gsum nus pa tshang yang bum 'dzin gyi rnam shes mi skye ba'i phyir rkyen bzhi'i pa la ltos par dpag la de yang phyi 'i don nyid yin ces pa shugs la grub ces pa'o |  | 'o na mngon sum gyi gzhal bya rtags kyis dpags par mi 
'gyur ram zhe na |  'gyur mod kyi 'on kyang de'i rnam pa myong pa las don myong pa nyid du btags ba yin te |  ji skad du |  shes pa rnam bcas phyogs la ni |  dngos su de gnyis tha dad kyang |  | de dang gzugs brnyan 'dra bas |  | btags pa tsam zhig tshor bar rung |  | zhes brjod pa bzhin no || 
rnam bcas smra ba'i bsam pa ni de kho na nyid yin mod kyi slob dpon gyis lugs 'di snga nas mi 'thad par gzigs pas 'dir yang zur gyis sun 'byin pa ni gal te ces pa ste |  sems tsam pa dag rgyu bzhi' pa ni de ma thag pa'i khyad par don der snang pa'i bag chags yin pa de log pas ldog par mi smra 


| na ni 'gyur ba la smra bas ces 'phen to | | don gyi rnam par snang pas zhes rjes su 'gro ba'i sgo nas kyang mi 'grub ste | rnam pa tsam rmi lam lasogs pas ma nges la don gyis byas pa'i rnam par mi 'grub pa'i phyir rdzas skya bo las me bzhin no | | don nyid nam yang mthong pa myed pas 'brel pa'o |
mi 'grub pa'i yang phyir te na za bzhin no | | rnam rig pa'i lugs la blo'i rnam dbye mi 'thad pa yang pa ni gal te sems tsam pa de yang blo 'khrul pa dang ma 'khrul pa gnyis su ji ltar smra ste | 'khrul pa nyid du khyad par myed pa'i phyir ro | | de yang 'khrul par 'jog pa'i rgyu mtshan kha phyir lta'i shes
pa thams cad kyi rgyu mtshan yul bzlog te ji ltar mthong pa de ltar myed pa'i phyir te | yod pa ma yin don snang phyir zhes gang bshad pa yin no zhe na nye bar bslad pa'i zhes pa'i lan gyi bsam pa ni yang dag par na de lta nyid yin pas ji ltar 'khrul pas mthong gyur pa || de ltar 'di ni gzhag bya ba |
zhes sngar brjod mod kyi 'on kyang 'jig rten grags pa'i tha snyad rnam par gzhag pa ni cig gi tshad ma ma yin par brjod la gzhan ni tshad mar brjod do zhes bya'o | | gcig po gang zhe na | tha snyad gang la 'jig rten pas kyang yid brtan mi byed pa nam mkha'i sgra shad 'dzin pa lasogs pa ste | de 'ang der
rtog pa'i bag chags kyi mtshams sbyor myed pas so | | gzhan gang zhe na | 'khor ba ji srid par ji ltar bzung pa'i yul don byed pa dang 'brel pa me dang chu lasogs pa 'dzin pa'i shes pa ste | de 'ang der rtogs pa'i bag chags brtan pas so | | de'i tshad ma nyid kyang de kho nar ma yin gyi tha snyad
du yongs su bcad pa'i don la mi slu ba las yin no | | gal te rnam 'grel du | yang dag min pa bzlog don du | | yang dag nyid gsungs de'i phyir | | tshad yin zhes tshad ma mi slu ba'i yul ni yang dag pa'i don nyid du brjod pa ma yin nam zhe na | de lta 'ang yin mod kyi rnam par nges pa'i
gzhung 'di ni kun du tha snyad pa'i tshad ma'i rang bzhin brjod pa yin ces bya'o | | yang na de ni ste mi slu ba de ni yang dag par tha snyad pa'i tshad ma'i mtshan nyid yin par brjod do zhes gdon par bya'o | | gal te mkhas pa rnams kyis ni de kho na 'jal ba'i tshad ma nyid dpyad par bya ba ma yin nam tha snyad
pa'i tshad ma ni ba lang rdzi yan chad la grags pa de dpyad pas ci bya zhe na | 'di la yang zhes bstan pa'i dgos pa gnyis gsungs ste | bstan bcos kyi dgos pa ni pha rol rmongs pa bzlog pa yin la tha snyad pa'i tshad ma'i mtshan nyid la'ang pha rol rmongs pas mngon sum gyi don rgyu la 'bras bu dang gsal


ba la phyi ma dmyigs kyang yod pa dang snang du mi rung pa'i khyad par mngon sum gyis 'gegs pa dang |  'chi ba dang mi rtag pa dang dbyibs dang gnyis bcas lasogs pa'i rtags kyis 'jig rten rkyang pa dang byed pa po gzhan lasogs pa' sgrub pa'i sgo nas gdul bya'i 'jig rten slu bar byed pas de'i rmongs pa bsal ba'i phyir ro |  | 
gzhan yang tha snyad pa'i tshad ma 'di thos pa dang phyogs chos khyab pa nges pas bsams pa las byung pa bdag myed pa rtogs pa'i shes rab goms pa las 'bras bu don dam pa'i tshad ma mngon du byed te |  ci lta bu zhe na | dri ma ni rtog pa ste rtog pa dang 'khrul pa slar ldog pa myed pa rtog bral ma 'khrul pa'i mngon sum 
nyid bstan pa 'am |  yang na shes bya'i sgrib pa'i 'khrul pa myed cing nyon mongs pa'i dri ma myed pa de gnyi ka slar ldog pa myed pa'i yangs pa chos gsum ltan gyi tshad ma mngon du byed de de yang 'jigs sogs bzhin du bsgoms pa'i stobs kyis ces par cha tsam zhig bstan pa yin no |  | des na tha snyad pa'i tshad 
ma yang dgos pa gnyis dang ldan pas mkhas pa rnams kyis brtsam par bya ba yin te |  ji skad du rnam 'grel las |  | chos dang chos can rnam gzhag dang |  | tha dad tha dad min ci 'dra |  | de bzhin nyid du ma brtags pa'i |  | 'jig rten ji ltar grags de las |  | bsgrub dang bsgrub pa rab 
gnas pa |  | dam pa'i don la gzhug bya'i phyir |  | mkhas pa rnams kyis byas pa yin |  | zhes gang bshad pa bzhin no |  | de lta mod kyang mngon sum gyi le'u 'di ni kho bo'i gzhung 'di las 'byung pa rtog ge la grags pa'i brda' thun mong ma yin pa dang phyi rol pa dang nang pa'i gzhung lugs kyi 
rnam par dbye ba dang skabs kyi don dngos po'i stobs zhugs kyis ji ltar nges pa bsal pa'i tshul gsum po 'dis nges par bya ba yin gyi |  gzhan du na gzhung 'don thabs kyi bshad pa 'am rtsa ba ma mthong par lo ma tshol ba'i spros bshad mang du byed pa dag gis ni kha dang rna ba bya par 'gyur gyi skabs kyi don 
nges par mi 'gyur ro |  | 'dir bshad rtog ge'i skad dang gzhung lugs kyi ||   rnam bzhag dngos don bsam pa mi shes na |  | brgya tshar nyan dang shad pa'i skye bos kyang |  | mngon sum gzhung gis de rtogs 'gyur ma yin |  | tshad ma rnam par nges pa'i ti ka legs par bshad pa bsdus pa las | 
mngon sum rnam par nges pa'i le'u 'i bshad pa'o ||     || de ltar yang dag pa'i shes pa rnam pa gnyis ste zhes gang smos pa'i cig bshad nas | gnyis pa bshad par bzhed pas re shig rjes su dpag pa'i dbye' ba mdzad pa na mdor bstan pa ni rjes dpag  


| rnam gnyis ste |  rang gi don dang gzhan gyi don te zhes bya ba'o |  | 'dir yang bsdus don gyis tshig bshad te dgos pa'i don bsam pa las |  re shig gang la dbye ba'i gzhi ni rjes dpag ces pa sngar yang dag pa'i shes par bgrangs pa de'o |  | gang dag dbye ba'i ngo bo ni rang gi don te mngon sum ma yin 
pa'i don rang gis rtogs pa shes pa'i rang bzhin dang |  gzhan gyi don de de'i rtags brjod pa sgra'i rang bzhin no |  | 'o na sgra yang dag pa'i shes par ci ltar 'du zhe na |  bden mod kyi rgyu la 'bras bu btags pa'i phyir zhes 'chad pas sam |  yang na phyi rol pa dag gis rang don dang gzhan don dang rnga ma can dang 
lhag ma can gyi rjes su dpag pa zhes gang brjod pa de dag las cung zad rjes dpag gi sgras brjod par rigs pa ni 'di gnyis yin te |  gzhan ni rtogs par bya ba'i don la mi 'khrul pa ma yin pa'i phyir ro |  | rtags kyang de'i sgras brjod par rigs mod kyi gzhan gyis ma brjod pas 'dir ma phye'o |  | ci ltar 
dbye ba'i don rnam pa gnyis ces pa ni blo dang sgra dngos po tha dad pa'o |  | de ltar dbye ba nges pa la rgol ba gal te rjes dpag gnyis su grangs nges pa 'di gang gis yin ce na |  rtogs pa po gang zag rang dang gzhan du nges pas so |  | rang dang gzhan zhes bya ba 'ang mtha' cig du nges pa myed mod kyi 'dir blo dang sgra dag gang 
gi rgyud du gtogs pa dang mi gtogs pa la brjod do |  | de lta na yang blo dang sgra dag so so 'i don du nges pa mi 'thad te |  dngos su rtogs par byed pas 'jig na sgra der mi 'gyur te |  nyan pa'i rnam shes skyed pa dang sgra'i ngo bo nges pa dang ming don 'brel pa dran pa lasogs pas chod pa'i phyir ro |  | 'on te 
brgyud nas byed pas kyang 'jog na blo yang brjod pa slong pas gzhan don du 'gyur ro zhe na |  de lta mod kyi 'dir rang dang gzhan la rtso ba'i rgyur blo dang sgra mthong pas de dag gzhan dang gzhan ma yin pa rtogs pa'i gtso' bo'i rgyu ma yin pas so so'i don du brjod do |  | de ltar dbye ba smos pa'i dgos pa'i don ni 
grangs dang ngo bo nges pa gnyis rtogs pas rjes dpag gi sgras brjod par rigs pa don du gnyer ba'i 'jug yul nges pa rtogs par 'gyur ba ste sngar bshad pa bzhin no |  | de la gzhan dag 'di snyam du rang don gyi le'ur rang rtogs pa'i rgyu rtags gtan la dbab dgos pa ma yin nam de'i dgos pa ni sgrub bya rtogs pa yin 
la gzhan don du rtags brjod pa yang de las dgos pa khyad pa myed pas de brjod pa sgra'i le'u logs su mi rigs so zhe na |  khyad myed pa ma yin te brgyud pa'i 'bras bu cig kyang dngos kyi byed pa tha dad pa'i phyir te |  don rtags blo yul du song pas ni rtags can bsgrub bya ma rtogs pa rtogs par byed la | 


sgra blo yul du song pas de'i rtags ma dran pa dran par byed pas so | | de lta na yang brjod pa'i le'u logs su bya ba ma yin te | rang don las mtshan nyid gzhan brjod du myed pa'i phyir rgyu dang 'bras bu dag dgos pa tha dad kyang brjod bya grub bde gcig pas gzhung logs su mi bya ba bzhin no | | brjod bya gzhan med pa
nyid 'chad pas re shig rang don gyi rgyu rtags rtogs pa'i tshul ni de go bar byed pa yin no zhes rang don du rang go ba'i rgyu rtags kyi dngos po rtogs pa yin no zhes gdon te | gang gang gis gang du gang la go zhe na | du ba lasogs pa'i rtags gang zhig phyogs 'ga' zhig du mthong pa de sngar gang dang 'brel pa grub pa
'i sgrub bya de rtags des gzhi de nyid du phyogs chos mthong pa dang 'brel pa'i khyab pa shes pa'i skyes bu de la go bar byed ces sbyar te | 'dis ni gang la phyogs chos khyab pa grub pa de go byed kyi rtags yin no zhes bya bar shes pa yin no | | de lta yin dang rang go byed kyi mtshan nyid de nyid ma tshang pa myed par brjod pas
ngag gi le 'us rtogs par 'dod pa'i don bstan pa yin te | rang go ba'i mtshan nyid las gzhan du brjod na sgrub pa ltar snang par 'gyur bas so | | brda' mi shes pa la slob pa'i gnas skabs kyang ma yin te | des na gang zhig don shes pa'i brda' shes pa de ni ston pa'i brjod tshul ston pa gzhan la mi
ltos ste skye bo dag rang rang gi rtogs pa'i rnam pa smra ba bzhin no zhe na | lan gsungs pa brjod tshul mkhas pa de ltar 'gyur ba bden mod kyi 'on kyang mdo' mdzad pas gzhan don gyi le'u logs su byas pa 'di ni rang gis mthong pa gzhan la son pa'i brjod tshul la mi mkhas pa'i phyis pa la bstan pa'i
phyir ro | | byis pa dag rang rtogs pa'i tshe rtags kyi mtshan nyid ji lta bar shes kyang de gzhan la ston pa na de'i mtshan nyid lhag chad du smra ba mthong ste | de la ma khyab pa ni ma tshang pa ste myed na mi 'byung pa'i khyab pa mi brjod pa'o | | ldog pa ni lhag pa ste | phyogs la chos nye bar gtod par
dang sgrub bya lan gnyis zlos par sbyor ba'o | | de yang slob dpon dbyig gnyen lasogs pa sngon gyi rtog ge ba dag 'di skad ces la me dang ldan te | du ba yod pa'i phyir ro | | dper na tshang bang bzhin no | | la la yang du ba yod pas | 'o na me yod ces bsgrub par bya ba dang de sgrub byed dang de'i nus
pa dpe' la bstan pa dang phyogs la sbyar ba dang des grub pa'i 'bras bu bsdu ba'i tshig yan lag lnga pas gtam gyu na tshogs pa'i sbyor ba 'god te | 'di la gang dang gang ces pa'i spyi khyab ma tshang pa dang | bsgrub bya gnyis dang nye bar gtod pa gcig dang gsum lhag par 'gyur te de dag ma brjod


| kyang stogs pa'i phyir ro |  | rang gi lugs kyi sgrub pa nges pa'i sbyor ba nyid ni mi 'byung na khyab pa dpes bstan pa dang phyogs la sbyar ba'i tshig yan lag gnyis pa ste |  gtan tshigs de dag kyang zhes 'og nas ston par 'gyur ro |  | de ltar bshad par bya ba'i rjes dpag gnyis yod pa las dang po rang don 
gyi rjes dpag bye brag du bshad par bzhed nas re shig mtshan nyid kyi sgo nas ngo bo ngos gzung pa ni rjes dpag gnyis po de la rang don zhes grags pa'i mtshan nyid ni tshul gsum rtags las don mthong yin zhes so |  | 'dis ni rang don gyis mtshon pa'i rjes dpag pa nyid mtshan nyid gsum par bstan ste | 
de la rang gi ngo bo'i khyad par ni mthong pa 'am rtogs pa zhes bya ba bzlog pa'i sgro 'dogs sel pa ste |  'dis ni log shes dang the tsom dang snang la ma nges pa rnams bsal to |  | rgyu'i khyad par rtags las rtogs pa yin la rtags kyang gzhan du mi 'thad pa lasogs pa'i tshul can ma yin pas tshul phyogs 
chos dang rjes su 'gro ba dang ldog pa'i tshul gsum zhes smos ste |  'dis ni yid dpyod dang bcad pa'i shes pa dang mngon sum tshad ma rnams bsal to |  | gal te bcad pa'i shes pa rtags las rtogs pa 'ang yod ma yin nam gzhan du na mos pas spyod pa'i rnal 'byor pas 'dus byas mi rtag pa dang chos bdag 
myed pa sgom pa'i rgyun 'di mngon sum gyis shes pa yin nam zhe na |  ma yin te rtags kyi tshul phyogs kyi chos ni sgrub bya ma grub pa nyid yin pas ma rtogs pa las rtogs pa bcad pa'i shes pa nyid du 'gal ba'i phyir ro |  | de'i phyir rtags las shes pa ni rtags 'dzin las skyes pa nyid yin pa na de 
rtags la rtogs pa'i rgyun yin gyi blo 'i rdzas de nyid ni rtags 'dzin las skyes pa ma yin no |  | de la rjes dpag gi rgyun rjes dpag ma yin na mngon sum dang chu'i rgyun yang de dag ma yin ces ni bsgre bar mi nus ste |  rgyun dag la de dag gi mtshan nyid yod pa dang myed pa'i phyir mngon sum tsam dang | 
tshad ma'i rgyun bzhin no |  | yul gyi khyad par ni don ces pa bsgrub par bya ba la dmigs pa ste |  'dis ni rtags la shes pa'i mngon sum la thal ba'i log rtogs sel pa 'am |  chos dang chos can tshogs pas lkog du gyur par mtshon pas rnam gcad myed kyang lkog gyur rtogs pa zhes pa rjes dpag 
nyid kyi don ldog yin no |  | de rnam par 'grel par mtshan nyid rjes su brjod nas mtshon bya'i tha snyad sbyor ba ni mtshan nyid ces pa ste |  dper na la la me ma mthong yang du ba mthong pa las me ldan du rtogs pa lta bu'o |  | rjes dpag tshad ma'i tha snyad du bya ba ni rtags kyi stobs kyis 'dzin stangs 


mi 'khrul pas sngar ma rtogs pa'i don rtogs pa yin no ||    || 'o na rjes dpag 'di 'i gzhal bya dang tshad 'bras kyi tshul ji ltar gzhag snyam pa la |  mngon sum bzhin du shes par bya'o zhes bya ba ni don rig pa'i tshad 'bras bzhag ste sun dbyung pa dang |  rnam rig pa'i tshad 'bras bzhag ste 
mi 'thad pa spang pa'i don gnyis blta bar bya ste |  de la don rig sgra ba yang tshul gnyis las bye brag du smra ba ni snang pa'i du ba nyid las sngos kyi rgyu me nyid dpog pa na nges pa'i blo dang don tha dad dus mtshungs pa dang |  'das pa'i sgra mi rtags par dpog pa na dus mi mtshungs pa dang |  rtag pa la dngos po 'gog pa na cig la 
bkag pa dang |  rjes su dpag pa ni mi rtag ste shes pa nyid yin pa'i phyir mngon sum bzhin no zhes pa'i tshe bdag nyid cig par yang 'gyur ro |  | mdo' sde pa'i lugs kyis ni lar snang pa 'di chos can rnam pa gtod pa'i me dang ldan pa yin te du bar snang pa dang 'brel pa'i phyir tshang ba du snang ba bzhin 'god te 
de'i tshe brgyud nas rang gi rnam pa gtod pa'i la rgyab kyi me'i don gzhal bya dang du bar snang pa las byung pa'i yid la me'i rnam par shar ba'i gzung cha tshad ma yin pas gzhal bya dang tshad ma rgyu 'bras nyid do |  | 'di ltar me lasogs pa'i don rnams blo la dngos su rnam par 'jog na mngon gyur yin zhing rtags las 
brgyud nas rnam pa gtod pa na lkog gyur yin no |  | 'dra ba yang mngon sum gyi rnam pa ni bdag nyid thams cad kyis yin la rtog pa'i rnam pa ni ldog pa 'ga' zhig gis yin te |  ji skad du |  rtags spyi'i yul can du bshad te |  khyad par gnas pa myed phyir ro zhes dang |  | don las kyang ni 
'byung 'gyur zhing |  de'i rno bo rtogs byed la |  | de ni cha 'ga' zhig gis kyang |  | zhes gang gsungs pa yin no |  | thams cad du rnam pa dang 'dra' ba'i yul rgyu nyid du nges pa yang ma yin te |  sgra don dang med dgag 'jal ba'i rnam pa la 'jog pa'i don nyid myed pa'i phyir ro |  | de lta mod kyi don tshad ma 
nyid mi 'thad de |  rnam pa myed pa dang rnam pa'i dbang gis don gzhan 'dzin pa nyid sngar bkag pa'i phyir ro |  | yang sems tsam pa snang pa thams shes pa'i rnam par smra ba ltar na du ba lasogs pa rtags su snang pa las bsgrub byar snang pa'i blo nyid sngon du song pa can du 'jal bas tshad ma dang gzhal bya ngo bo gcig nyid do |  | 
gal te rtag pa dang don du snang pa'i sgra don yang blo nyid yin na de dag rngos por dgag pa dngos po'i khyab byed dang bral ba'i rtags ci ltar 'grub ce na |  de dag rtag pa dang don gyi dngos po nyid dgag pa la de dag nyid kyi don byed pa gnyis dang gcig dang du bral 'god pas skyon myed do |  | tshul de yang dngos mthong myed phyir 


| gcig ma yin ces pas sun phyung pa nyid do | | rnam brdzun pa ltar na don du snang pa thams cad sgro btags pa nyid kyi 'on kyang lar snang pa 'di chos can me'i rnam pa tsam dang ldan pa yin te du ba'i rnam pa dang bcas par snang pa'i phyir zhes yul sgro btags pa'i rnam pa nyid dpog pa 'am | lar snang pa 'di mer snang
gi bag chags dang bcas pa yin te | du bar snang pa dang bcas pa'i phyir tshang bang du snang ba bzhin no zhes yul gyis khyad par du byas pa'i bag chags kyi blo nyid dngos su dpag par bya ba yin te | ji skad du rnam 'grel las | de la du bar snang pa'i blos | | mer snang pa'i bag chags ni | | dpog par byed kyi me nyid min
zhes gsungs pa yin no | | tshul 'di la dpag bya'i rang bzhin brtags na mi 'thad pa dang | dpog byed rjes dpag nyid mi 'thad pa dang | rtags kyi dbye ba mi 'thad pa'i rtsod pa gsum spang par bya ste | dang po ni 'di dpag par bya ba mer snang pa tsam yin na de la blo phyogs pa nyid na grub zin cing mngon sum la snang pa
dpog na tshad mas bsal lo | | snang pa'i nus pa tsam ni blo thams cad la 'ang myed pa ma yin no | | ci ste de la zhugs na mer snang 'byung pa nyid dpog na yang ma 'ongs pa dpog pas rtags 'khrul pa yin no zhe na | lar snang pa'i mngon sum 'di nyid mer gsal snang gi bag chags can yin no
zhes dpog pas skyon de dag med te | rnam 'grel las | der ni bag chags snying po can || | gsal bar snang ba can blo'o | | sems kyi rgyud ni nges par byed | | ces gsungs pa yin no | | gnyis pa ni 'o na gzung pa myed na de 'dzin myed | | ces 'byung pa'i tshul gyis rtog thams cad gzung
ba dngos po ba myed pas rjes dpag kyang rnam par rtog pa dri ma'i cha nyid pas dngos por mi rung ngo zhe na | gzung pa la ma 'khrul pa'i 'dzin pa myed kyang 'khrul pa'i 'dzin pa yod cing tha snyad du tshad mar yang rung ste de yang shes pa thams cad kyi yul bzlog pa na ces rgol ba'i skabs su brjod pa bzhin no ||
gsum pa ni 'o na thams cad du rtags su snang pa'i blo dang sgrub byar snang pa'i bag chags ngo bo gcig pa nyid kyis rtags thaMd rang bzhin du 'gyur bas gsum du dbye ba mi 'thad do zhe na | de yod kyi blo'i yul 'brel pa gnyis la rten pa'i ma yin dgag dang med dgag gi dbang gis rtags gsum du tha snyad byas par zad
do | | mngon sum gyi tshad 'bras kyi rjes su 'brangs na grub mtha' bzhi 'i tshad 'bras de ltar 'gyur yod kyi slob dpon gyis gnas skabs kun la grub mtha' thams cad kyi rnam gzhag sbyar na gzhung mangs par dogs pas rang don man chad nas phal cher don rig pa nyid kyi dbang du mdzad do || ||


gal te rjes su dpag pa ni rtog pa yin la rnam par rtog pa ni dngos po'i yul can ma yin no zhes dang rnam rtog dngos mi snang phyir ro zhes don la 'khrul pa nyid du brjod pa ma yin nam te ji ltar na don rtogs rnam par 'jog pa'i tshad ma yin ce na | spyod yul bstan pas tshad ma dang 'khrul pa mi 'gal bar gzhag pa'i
phyir de ni zhes smos ste | rjes dpag de ni 'khrul pa dang tshad ma nyid ces sbyar ro | | kyang ces pa ni snang yul dang 'jug yul gnyis la ltos pas mi 'gal ba'i rgyan no | | de dag gi 'thad pa ni sgro btags la dngos por snang pa dang dngos po nyid dang brgyud nas 'brel pa'i phyir ro | | de 'grel pa na mngon par zhen nas
ces pa snang yul sgro btags la phyi rol du rlom pa'i tshe snang pa de phyi rol nyid du zhen yul du gyur pa las kyang 'khrul pa'o | | de rgyas par 'chad pa na dang po tshad ma'i rtags sgrub pa las du ba dang byas pa las me dang mi rtag pa'i dngos po sgrub pa'i dbang du byas ste rtags bsgrub bya la mi 'khrul pa dang rtags 'dzin rtags la mi
'khrul pa dang rjes dpag rtags 'dzin la mi 'khrul pa'i rim pa gsum ldog pa'i sgo nas ston pa ni 'di ltar ces pa dang | de bzhin du zhes pa dang | shes pa myed na de las byung pa'i zhes pa'o | | dgag rtags 'brel pa la rten pa ni de bzhin du zhes pa ste | rang bzhin mi dmyigs pa ni dgag bya dmigs
pa'i rgyu thogs med yod na 'bras bu dmigs byed dang de'i yul dmyigs byar 'gyur ba la mi 'khrul pas bzlog 'brel la brten te | des dgag rtags gzhan yang mtshon no | | 'khrul pa'i rtags snang pa don med pa nyid sgrub pa ni rjes su dpag pa'i snang pa de chos can rnam pa gtod pa rgyu'i don nam bya ba 'bras bu
'i don dang ldan pa ma yin te don ldan gyi snang pa de ni mngon sum gyis tshul gzhan du mthong ces pas de dang rtogs pa gcig pa mngon sum gyis mthong pa dang mi mthun pa'i phyir ro zhes pa rtags su blta'o | | don de dag tshigs su bcad pa'i sgo nas lhag dang bcas par sdud pas de mi tshad mar grub pa'i rtags sgrub
pa ni 'di ltar ces ste | me dang mi rtag pa lasogs pa bdag nyid ji lta bu'i dngos po de ni bdag nyid sgrub pa'i rtags 'dzin gyi rgyu yin la des bskyed pa me lasogs pa de lta bu'i dngos la rtags can blo ste rjes dpag 'byung zhes sngar gyi 'brel tshul bsnyad pa'o | | 'brel pa rtags su sbyar ba ni de ltar na rtags can
gyi blo ni rtags can bsgrub bya'i dngos po la slu byed ma yin ces bya'o | | 'o na mngon sum ltar de nyid snang ngam zhe na | der snang bas stong pang so | | 'o na de gang las ce na | rtags can gyi dngos po dang 'brel phyir ro | | mi snang na ci ltar 'brel ce na brgyud pas so | | gang las ci ltar brgyud ce na |


| rtags dang de ltar brgyud ces bya ba kha na ma tho ba myed pa'i bshad pa'o |  | 'di la gzhan dag rtags dang rtags can gyi blo gnyis ka slu byed min ces pa'i bsgrub bya la sbyar nas |  de la gzhan gyi rtsod pa 'dir rtags kyi blo mi slu bar bsgrub pa ni mi 'thad de mngon sum yin na skabs su ma bab la rjes 
dpag yin na rtags can nyid du 'dus pas so |  | yang rtags la mi slu na mngon sum yin na rtags can la mi slu na rjes dpag don myed ces bkod nas 'bras bu'i khyab 'dzin dang rang bzhin gyi phyogs chos 'dzin pa rtags can la mi slu ba 'thad cing des 'brel pa'i rtsa ba nges pas rtags can mi slu bar bsgrub pa'i skabs 
su yang bab po zhes lan 'debs pa ni don myed pa'i spros pa yin la |  de la der snang pas stong pa mi 'thad pas gzhung la'ang sbyar bar mi nus so |  | 'khrul par grub pa bsdu' ba ni rjes dpag te de ltar dngos po la mi slu yang mdo' mdzad pas 'khrul par rnam gzhag byas zhes sbyar te sla'o |  | de lta yin 
dang du ba las grang reg dang byas pa las rtags par dpog pa'i rjes dpag ltar snang las khyad par grub po zhes dpes ston pa ni nor bu ces pa ste |  ji ltar khang pa gnyis kyi nang na nor nu pad ma ra ga dang sgron me yod pa gnyis ka'i 'od sgo'i bu ga zlum por shar ba la phyi rol nas skyes bu gnyis nor bu zlum po gnyis 
'dug par shes nas so sor len du rgyug pa dag ji ltar bcad pa'i don la 'khrul par 'dra yang brgyud nas ma bcad pa'i nor bu thob par byed pa la khyad yod pa de bzhin du du ba las me nges pa'i rjes dpag dang der snang dag kyang dngos su bzung pa'i me dang grang reg don myed par mtshungs kyang rjes dpag ni de las zhen pa'i me 
'i dngos po dang 'brel pas mi slu la |  gcig shos ni de las zhen pa'i dngos po dang 'brel chad pas mi slu ba ma yin no zhes bya ba gzhung ji ltar bar bshad pa'o |  | 'di la kha cig rjes dpag gzung pa la 'khrul yang dngos po la tshad mar mi 'gal ba'i dper mdzad pas 'di la nor bur 'khrul pa yang nor bu 
tsam la tshad mar slob dpon bzhed par 'chad do |  | 'di rnam par spyad pa la gsum ste |  'khrul pa'i rnam pa dper brjod pa dang |  de nor bu la tshad mar rigs pas mi 'thad pa dang |  slob dpon gyi bzhed pa ma yin pa'o |  | dang po ni bu gar shar pa'i nor bu'i 'od mthong pa la nor bu dang dmar la 
zlum par gzugs chos mthun pa las nor bu 'o zhes sgro 'dogs pa'i rtog bcas 'khrul pa ste nya phyis la rdul du 'khrul pa bzhin no |  | gnyis pa ni de la re shig 'di nor bu la mngon sum tshad ma ji ltar ma yin pa'i tshul ni brjod zin to |  | rjes su dpag par mi 'thad te re shig snang pa'i 


snang pa'i dmar zlum pa nyid nor bu dpag pa la de nyid nor bu yin pa 'am 'od yin pa'i rtags su 'god na yul bsgrub bya bden pa la dmyigs pa myed cing rtags las shes pa myed te | phyogs chos dngos po 'am blo la ma grub pa'i phyir ro | | go skabs der nor bu yod par dpog na yang phyogs chos mi 'grub pa nyid
las mi 'da' 'o | | gal te de la 'od dang nor bu nges pa'i gtan tshigs mi 'grub kyang gnyis las gang yang rung pa zhig yod pa rtags su bkod na phyogs chos dang khyab pa gnyi ka grub po zhe na || 'di yang phyogs dang mthun phyogs las gang yang rung pa bkod pa ltar cig du gnas pa dang brtag pa'i phyi
'gal bas dngos po la ma grub nyid dam | blangs par dogs pa'i du ba ltar khyad par gnyi kar ma nges pas rtags the tsom za ba nyid do | | 'o na slob dpon gyis ba lang ngam ba men gang yang rung yin pa bkod pa yang ma grub par 'gyur ro zhe na | der ni dbyibs kyi khyad par te gnyis kyi thun mong ma yin
pa'i spyi chos nges pa rtags su 'god pa'i phyir ro | | 'dir yang kha dog gi khyad par de gnyis kyi thun mong ma yin pa'i khyad par nges pa zhig 'god na 'gyur ba 'ang yin te | phyogs chos grub cing dmar la gdang pa'i spyi ldog de la 'od dam nor bu gang yang rung pas khyab pa bdag gcig pa dang |
'od nor bu las byung pa'i 'brel pa gnyis kyis grub la | de yang de las byung pa'i 'brel pa la ltos nas ma yin dgag sgrub pas 'bras bu'i rtags nyid do | | de lta na yang 'od la nor bur 'khrul pa nor bu la tshad mar song pa ni nam yang myed do | | gsum pa 'di ni slob dpon gyi bzhed pa 'ang
ma yin te | 'di rtog pa nyid dang rtog myed kyang cha shas kyis 'khrul pa 'gog pa'i phyir dang | rtags kyis ma 'ongs pa'i nges pa tshad mar mi bzhed pa'i phyir dang | rjes dpag mtha' dag tshad ma ma yin par rtog pa la 'ga' zhig dper 'god par mi rigs pa'i phyir ro | | de ltar rjes
dpag tshad ma nyid bsgrubs nas tshad ma de'ang dngos po'i yul can du sgrub pa la rtags gnyis las | dang po ni dngos po bsgrub pa'i rjes su dpag pa'i tshad ma de chos can dngos po'i yul can yin te 'brel pa'i stobs kyis don byed pa rtogs pa de nyid kyi phyir mngon sum gyi tshad ma bzhin no zhes bya ba bsnyad
sgrub pa'i rang bzhin yin no | | yang sgur ba de nyid la rtags gnyis pa gcod pa ni don byed pa gnyer ba'i skyes bus de shes pa'i thabs su dpyad par bya ba yin pa'i phyir ro zhes bya ba don bsgrub pa'i rang bzhin pa ste | rtags de 'phen pa'i khyab pa ston pa ni dpyod pa ni ces pas don byed pa


| ni dngos po nyid do |  | rtog pa sngon du gtong pa ces pa de nyid bshad pa ste |  don byed pa gnyer ba'i rtog ldan gyis de rtogs pa'i thabs su spyod pa ni phan gnod kyi don byed par shes nas blang dor 'dod pa kho nas yin pas dngos po'i yul can gyis khyab ces bya ba'i don to |  | gal te rtags de dag gis rjes dpag 
tshad ma de dngos po'i yul can du ni de mngon sum bzhin du snang yul la ltos ste yin nam zhe na |  zhen yul la yin gyi snang yul la ma yin no zhes rtags de gnyis ldog par ston pa rjes su dpag pa'i snang pa de nyid ni ces pa ste |  'gags kyang mi 'gags pas don gyis bzhag pa'i rnam pa ma yin la 
de nyid kyis 'bras bu mi 'grub pas don nyid ma yin no |  | yang na gzhung ji lta bar bshad pa 'di yin te |  rjes dpag tshad ma ni dngos po'i yul can yin te tshad ma nyid du rnam par gzhag pa de nyid kyi phyir mngon sum tshad ma bzhin no |  | de'i khyab pa bsgrub pa ni spyod pa ni ces pa ste |  tshad 
ma chos can dngos po'i yul can yin te don byed pa gnyer bas de rtogs pa'i thabs su dadpyod bya'i phyir ro zhes bya'o |  | khyab pa 'di cung zad mi 'thad mod slob dpon gyi bzhed pa yin te |  rnam 'grel las tshad ma slu ba myed can gyi shes pa zhes 'byung pas so |  | dngos po'i yul can de yang snang yul la ltos 
nas ma yin no zhes ston pa ni rjes su dpag pa'i snang pa nyid ni ces pa'o |  | 'di la kha cig rjes dpag tshad ma rang gi mtshan nyid kyi yul can yin te don byed pa dang yul can du 'brel pa de nyid kyi phyir zhes 'god te de bsgrub pa la spyod pa'i phyir ro zhes 'god pa ni yi ge'i don ma yin te |  bsgrub bya 
gzhung na myed pa dang rtags sngar bsgrubs pa rjes du brjod pa la bsgrub mi dgos pa'i phyir ro |  | yang bsgrub bya snga ma nyid la rtags gnyis pa ni dngos po dang dngos 'brel gyi rtags las rtogs pa'i phyir ro zhes pa ste |  'di 'i gzhi rtags don cig pas khyab pa grub pa na sgrub bya grub par 'gyur mod kyi tha snyad 
du bya ba gzhir byas pas mi 'thad pa myed do |  | gal te de ltar tshad ma gnyis dngos po'i yul can du mtshungs na kun las btus par 'bras bu sngar bzhin 'di dag gi |  | yul dang rang bzhin 'dra ma yin |  | rang dang spyi'i spyod yul can |  | zhes yul tha dad du gsungs pa 'gal lo zhe na | 
slob dpon phyogs kyi glangs pos ni snang yul tha dad pas yul gyi dbye ba bshad pa yin gyis |  de dag gi tshad ma'i yul nyid ni gzhal bya rang mtshan gcig nyid yin |  | zhes bshad pa nyid do |  | snang pa tha dad ces pa yang cig nyid ma yin pas |  mig dang rna ba'i yul ltar du ma nyid ni ma yin 


te mngon sum bzhin du rjes su dpag pa la yul myed pa'i phyir ro zhes sbyar te |  de'i 'thad pa la rang gi yul du 'dod pa ni me lasogs pa phyi rol gyi dngos po'o |  | don gyi ma bzhag kyang spyi nyid kyi dngos por yod snyam na spyi yang don dang blo'i dngos po las gzhan du myed pas ces bya'o |  | de lta na yang skabs gzhan du 
gnyi ga'i tshad ma'i yul nyid spyi dang rang gi mtshan nyid du bshad pa mi 'gal lam zhe na |  bden te rang gi mtshan nyid nyid la yang spyi dang rang gi mtshan nyid kyi dbye ba bstan pas mi 'gal bar brjod pa'i phyir rang gi mtshan nyid nyid la yang rtags spyi'i yul can du bshad ces bya'o |  | de gang las ce na |  me lasogs pa te 
ma yin las ldog mtshungs kyi spyi sgrub nus la |  yul dus rnam pa'i khyad par blo ngor gnas pa ste rtogs par mi nus pa'i phyir ro zhes brjod te |  rtags dang rjes dpag yul gcig pas phan tshun mtshon par blta'o |  | shes par 'dod pa ni 'dod yul chos can no |  | spyi de las chos tha dad pa'i khyad par blo 
ngor ma grub pa yin gyi yangs pa ma yin no zhes bya'o |  | de nyid kyi 'thad pa rtags rtogs pa zhes bya ba phyogs chos sam khyab pa 'ba' zhig la bya ba ma yin te de dag khyad par la yang yod pa'i phyir ro |  | 'on kyang rtags kyi mtshan nyid phyogs chos khyab pa grub pa ni gzhi cig la 'gal bas de lta 
bu ste ldog pa mtshungs pa'i spyi kho na la yin pa'i phyir dang |  phyogs la sgrub bya rtogs pa'ang rtags dpe' la rjes su 'gro ba'i khyab pa la ltos pa'i phyir zhes bya'o |  | rjes 'gro'i khyab pa la ltos pas khyad par mi rtogs pa'i tshul yang 'di ltar dpe' la rtags dang bsgrub bya'i khyab la mu bzhir brtag 
pas las | khyad par la khyad par gyis khyab pas ni ma yin te phyogs chos dang rjes 'gro gnyis ka myed pa'i phyir ro |  | spyi la khyad par gyis khyab pa nyid myed cing |  khyad par la spyis khyab kyang khyad par de phyogs kyi chos su mi 'grub ste |  des na spyi la spyis khyab pa'i sgo nas dpog pas 
khyad par mi rtogs pa'i tshul 'di dgongs nas rnam 'grel las |  | gang phyir go byed rjes 'gro ba |  | spyi'i ngo bo nyid du rtogs |  | de phyir lkog gyur don rnams kun |  | khyad par du ni rtogs mi nus |  | zhes gsungs so ||  gcig shos mngon sum tshad ma ni rang gi mtshan nyid kyi yul can yin te 
rang gi ngo bo'i sgo nas don rtogs pa'i phyir zhes sbyar ro |  | bsgrub bya'i don nyid yul dus so sor gnas pa'i ces pa yin la |  khyab pa ni khyad par gzhan 'dzin pas dben pas ces pa ste yul dus gzhan dang thun mong pa gzung mi dgos pas so |  | yan lag gzhan las rtogs pa de lta ma yin pa 


| ni sngar brjod pa nyid la de lta na yang de'i tshad ma ni dngos po'i yul can nyid te zhes bya ba skabs don bsdus pa'o ||     || da ni rjes du dpag pa'i rgyu'i khyad par tshul gsum rtags las don shes pa ni |  zhes sngar smos pa'i rtags kyi mtshan nyid tshul gsum po de nyid gang zhig 
snyam pa la |  tshul gsum po de ni |  rjes dpag bya dang de mtshungs la |  | yod dang myed la myed par ni |  | nges pa zhes bya ba mdo nyid kyi tshig bkod pa'o |  | 'di yang don nges pa sngon du song nas gzung bshad na 'jug pa myur bas 'dir dang por rtags su bkod pa'i spyi'i don nyid gtan la dbab par bya ba yin 
no |  | de la gsum gyis nges par bya ste |  gang la rtags dgod par bya ba'i ltos gzhi' ngos gzung pa dang |  de la ltos nas rtags su bkod pa'i dbye ba spyir bsam pa dang |  bye brag du yang dag pa'i rtags nges par bya ba'o |  | dang po yang phyogs nyid ngos gzung pa dang |  mthun pa dang mi mthun pa'i 
phyogs gnyis ngos gzung pa dang |  de dag ltos gzhi' yin pa'i don gsum gyis nges par bya'o |  | dang po ni re shig don rnams yi gyis btsal bar bya dgos pas brjod byed sgra'i don spyir bsam pa'i sgo nas brjod bya skabs kyi don ngos gzung par bya'o |  | de yang 'di ltar rtog ge'i bstan bcos rnams las rjes 
du dpag par bya ba dang bsgrub par bya ba dang phyogs zhes pa'i ming gsum ni thams cad du rnam grangs pa nyid yin la |  ming de dag gang la 'jug pa'i yul ni gzhi chos can dang |  bsgrub bya'i chos dang |  de dag tshogs pa'i spyi gsum nyid la mthong ste |  gtan tshigs dang der snang pa phal cher phyogs kyi chos ces dang 
rtags rjes su dpag bya la yod pa zhes pa dang |  gtan tshigs bsgrub bya'i rjes 'gro ba |  | bsgrub bya myed na myed pa nyid |  | ces pa dang |  bsgrub bya brjod phyir phyogs kyi tshig |  | brgyud pa yis kyang nus pa myed |  | ces pa lasogs pa dag du'o |  | ming gi don nges pa myed pas rtogs pa po'i 'jug pa 
'chol par 'gyur ba'i nyes pa yang myed te |  spyi'i sgra yin yang rtags kyi tshul phyogs chos dang khyab pa dang de'i bsgrub bya'i rang bzhin gtan la 'bebs pa'i skabs gsum du go rims bzhin don gsum po la 'jug par nges pa'i phyir ro |  | skabs de dag re re la yang mtshan nyid mtshon bya'i spyi'i 'brel nges pa dang : 
mtshan nyid kyi dngos po rig pa dang mtshan nyid kyis mtshon bya tha snyad du byed pa'i dus gsum gsum yod de mtshan nyid mtshon bya'i skabs su bshad pa nyid do |  | de dag las sgra'i 'jug yul bsam pa ni skabs phyi ma gnyis su ma yin te |  dngos po tsam rig pa ming gis brjod pa la mi ltos shing tha snyad du bya 


ba ltos kyang sngar brda' gang la btags pa'i don la 'jug pas gdod bsam mi dgos pa'i phyir ro |  | gtan la 'bebs pa'i skabs su ni dgos te mtshan nyid kyi don la mtshon bya'i ming sbyor ba'i phyir dang sngar ma grags pa'i phyir ro |  | des na de'i tshe rang nyid rnam gzhag sems sam rnam gzhag de slob ma la 'chad dam 
rgol phyir rtsod pa byed kyang bla ste phyogs chos lasgos pa'i tha snyad du bya ba tsam gyi don tshol ba na sgra la byas pa sgrub pa lasogs pa'i khyad par gyis mi rung pas rtags rjes su dpag bya la yod pa ni phyogs chos ces dang |  rtags bsgrub bya'i rjes su 'gro ba ni khyab pa'o zhes dang |  grub bsal myed la 'dod pas khyab pa ni 
phyogs so zhes pa'i ming rnams don gsum la 'jug par blta'o |  | skabs der don de dag la sgra de dag ji ltar 'jug pa'i tshul ni gsum ste |  dngos dang brtag pa'i dbye ba dang |  de dag don la 'jug pa'i shes byed dang |  dngos dang btags pa'i chos bsam pa'o |  | dang po la spyir ming gi sgra ni gnyis te 
dngos dang btags pa'o |  | 'di dag gi khyad par ci zhe na |  'dod rgyal gyis thog mar sbyar ba dang gzhan la grags pa'i sgra dgos pa dang rgyu mtshan gyis btags pas brda' sbyor ba'i khyad par dang |  don gang la dmigs nas brjod pa na nges pa'i shes pa la don de nyid don gzhan gyi spyi 'char ba go bar byed pa'i 
khyad par gyis de lkog shal 'dus pa'i gong sun skyes bu la ba lang gis brjod pa bzhin no |  | ji skad du rnam 'grel las |  'khrul myed can shes dang po'i |  | brda'i spyod yul gang yin dngos |  | 'khrul rtog can gzhan phal pa yin |  | ces dang |  bha dra ha ri 'i sgra'i bstan bcos las kyang 
blun po la ni ba lang zhes |  | rjes 'brel rgyu mtshan 'ga' las 'dod |  | don tsam phyin ci log 'gyur gyi |  | sgra ni rang gi don la gnas |  | zhes 'byung pa yin no |  | gal te 'di snyam du ba lang gi ming gi rang gi don lkog shal 'dus pa yin pa de ngo bo nyid kyis nges pa 'am btags pas 
yin |  dang po ltar na sgra don 'brel par 'gyur la gnyis pa ltar na skyes bu la'ang mtshungs pas 'di dag gi khyad par mi 'thad do zhe na |  dngos po 'i nye ba myed cing btags pas yin mod kyi gzhan la grags pa'i sgra'i rgyu mtshan gyis 'dir sbyar ba la ma ltos pa dang ltos pa'i khyad par yod pas ba lang gi 
sgra dang po btags na 'gyur yang phyis ni ma yin te |  skyes bu gnyis la dang po nye ring myed pa'i brdar 'dod pas so sor btags te grags pa'i 'og du don 'dra ba las phan tshun gyi ming gis brjod pa bzhin no |  | gnyis pa ni de ltar ming gnyis las 'dir chos dang chos can tshogs pa la rnam grangs kyi 


| ming gsum 'jug pa ni dngos su yin la |  chos can dang chos la 'jug pa gnyis ni btags nas yin te |  ji skad du kun las btus pa las |  rtags kyi bsgrub bya tshogs pa nyid |  | yin pas chos dang chos can dag |  | gtso' bo yin yang phyogs cig phyir |  | bsgrub bya nyid du 'dogs pa yin |  | 
zhes gsungs pa yin no |  | gsum pa de dag gi chos bsam pa la re shig tshogs don la dngos kyi ming yin pa ni sgra bshad pa'i don can la rgan po rnams kyis btags pas de'i mtshan nyid yod par dgongs pa'o |  | gnyis po la btags pa'i chos bsam pa ni rgyu mtshan dang |  dgos pa dang |  dngos la gnod pa gsum 
las | 'dogs pa'i rgyu mtshan ni 'dra ba dang 'brel pa las 'dra ba las rgyu 'bras kyi 'brel pa ma yin gyi khog pa la shing rtar brjod pa ltar tshogs pa dang ya khyal gyi 'brel pas gzhi dang chos dag tshogs don gyi cha shas yin pa'i phyir ro |  | gnyis pa ni gal te rgyu mtshan yod tsam gyis 'dogs na 
thams cad thams cad du brjod par thal bas mkhas pas 'dogs pa la dgos pas khyab pa yin na 'dir de dag la de'i ming btags pa'i dgos pa ci yin ce na |  bden mod kyi brjod par bya ba las | re shig chos can la btags pa'i dgos pa ni dngos dang |  ma btags pa dang mtshungs pa'i rtsod pa dang |  | 
mi mthsungs pa'i lan gdab pa gsum gyis nges par bya ste |  dang po ni rjes su dpag bya lasogs pa'i ming gis ma btags par rtags chos can la yod pa phyogs chos zhes rang ming gis brjod na dpe'i chos can la yod pa 'ang der go bas rtags rjes 'gro can la phyogs chos tshang par 'gyur ro zhes pa'i glan 
ka spangs pa yin no |  | ma btags pa dang mtshungs pa'i rtsod pa ni gal te de lta na rjes su dpag bya la yod pa zhes brjod kyang de'i don yang cig du ma zad te bsgrub bya'i chos la 'ang 'jug pas rtags rjes 'gro can la phyogs chos tshang par thal ba'i glan ka snga ma nyid 'byung par 'gyur ro zhes pa'o |  | 
'di mi mtshungs pa'i lan la blo gros chen po dag spyi rjes su dpag bya'i sgra'i yul gsum yod kyang bstan bcos kyi gdul bya ni sgra'i byed pa shes pa nyid yin pas de shes pas dpyad pa na tshigs pa'i spyi la yod pa ni rang nyid mi 'grub pa 'am bsgrub bya grub zin par 'gyur bas he du ces pa go byed kyi sgra 
'gal ba dang |  bsgrub bya'i chos la yod pa ni mthun phyogs la yod ces rjes 'gro 'i tshig gis brjod pa dang zlos pas mi 'jug par shes pa dang rtsod gzhi chos can la yod par go bas mi mtshungs ces pa lan dngos dang |  de lta na chos can la yod ces brjod kyang mi mthun pa'i chos can la 


bsgrub bya go byed kyi sgra 'gal ba dang |  mthun dpe'i chos can la yod par rjes 'gro'i tshul rigs kyi spyi la yod ston dang zlos pas mi 'jug pa na rtsod gzhi' la yod par go bas ming gzhan gdags mi dgos ces pa la |  brnan par dogs pas mi zlos ste |  ji ltar mthun phyogs nyid la yod ces pa'i rjes su 
'gro bas mi mthun phyogs la spyir bkag kyang myed la myed ces pa'i ldog pas bye brag myed pa mi mthun phyogs la ldog par rnon par 'dod pa ltar rjes 'gros rigs kyi spyi mthun phyogs la yod par bstan pa las de yang rigs kyi bye brag dpe'i chos can la yod do zhes rnon par dogs pas so zhes pas gdags mi 
dgos pa spang pa dang |  'o na 'dir yang de ltar 'gyur ro zhes ni brjod par mi nus ste chos ldan gyi gzhi' chos tshogs pa la rnon na rjes 'gro'i don gcig pas sgra zlos shing |  chos rkyang pa la rnon na rjes 'gro dang sgra 'gal bas sam |  yang na tshogs pa'i spyi la yod na bye brag la yod par grub pas zlos pa nyid 
do zhes mi nus pa spang pa'i sgo nas lan 'debs so |  | lan 'di nyid rigs pas 'thad cing slob dpon gyi dgongs pa yin nam zhe na |  dpyad par bya ste |  re shig rigs pas ni tshogs don la rtags kyi sgra 'gal bas mi 'jug par mi 'thad de | rtags zhes pa nyid kyis go byed ma yin par 'gal na 'dir 
de tshul gang dang ldan pas go byed du 'gyur ba'i chos bsam pa don myed par 'gyur ro |  | ci ste rtags su bkod pa gang zhig tshul 'di dang ldan na go byed do zhes ngos 'dzin na bkod pa tshul de dang mi ldan pa go byed ma yin pa ci lta 'gal |  'gal bas mi 'jug pa yang ma yin te |  sgra thams cad bshad 
pa'i don can nyid ma yin pa'i phyir ro |  | gal te sgra rnams gang la'ang 'jug na sgra las don nges pa 'ga' yang mi rtogs par 'gyur ro zhe na |  tha snyad kyi sgra rnams ni brjod 'dod kyi dbang gis brda'i don nyid la 'jug kyang 'dir dang po rtan la 'bebs pa'i skabs su bshad pa'i rgyu mtshan myed kyang brda' 'dod pas 
sbyor ba ma yin nam |  gal te sgra 'gal bas mi 'jug na pad mo dang rma bya 'ga' zhig la mtsho' skyes dang sgra sgrogs kyi sgra mi 'jug par 'gyur ro |  | chos la rjes 'gro'i sgra dang zlos pas mi 'jug pa'ang mi 'thad te |  dang por rjes dpag bya la yod ces phyogs chos kyi ngag 'dri ba dang lta ba'i dus 
na rjes 'gro'i ngag mthong pa myed pa'i phyir dang |  mthong yang zlos pa med te tshogs pa dang ya khyal ldog pa tha dad pa'i phyir ro |  | chos la rnon pa 'gal ba'ang ma yin te ya khyal tshogs par 'du ba'i phyir dbul po dang phyug po 'dus pa la nor yod pas phyug po la yod pa mi 'gal ba bzhin no |  | 


| grub zin pas zlos pa 'ang ma yin te rten ldog pa tha dad pa'i phyir snga ma des dbul po la nor yod par dang phyogs chos tsam la rtags rten par mi 'grub pa bzhin no |  | brjod bya'i ngo bo gcig du chug kyang nges gzung gi byed pa tha dad pas mi zlos ste |  rjes 'gro dang phyogs chos kyi brjod pa ni gzhan ldan 
rnam gcod dang mi ldan rnam gcod yin pas snag mas gzhan la bkag pa phyi mas ma byas la phyi mas rang la khyab par bstrub pas snga mas ma byas pa'i phyir ro |  | des na zlos pa med do |  | slob dpon gyis phyogs ni chos can no zhes par dpe' la ston na rjes 'gro dang zlos pas zhes rtog pa'i lan du de gnyis 
mi zlos par ma gsungs pa ni gzhan gyi bsam pa blangs nas de ltar mtha' gsum bcad nas rtogs pa tshegs che bas zhes lan gzhan brjod pa yin te de gnyis zlos pa nyid myed pa'i phyir ro |  | tshul 'di ni slob dpon gyi dgongs pa yang ma yin te |  der mtha' gsum bcad pa'i 'cad pas 'jigs nas rjes 
su dpag bya'i ming btags pas de don gzhan la ma grags pa dang tshogs don la 'gal ba dang chos la zlos pa dang brnan pa 'gal ba dang don myed pa'i mtha' gcad pa'i 'cad pa la rtsol bar 'gyur ba'i phyir ro |  | des na ming gzhan btags pas tshogs chung rdus go bar dgongs pa ni 'di yin te |  rjes su 
dpag bya 'am phyogs zhes brjod pas don gsum las gang yang rung pa go zhing la yod ces pa 'am de'i chos yod ces pas rtags de yod pa'i gzhi chos can zhig gi chos su go la |  gsum po'i nang na rtags kyi gzhir bzung pa ni chos can yin pas phyogs chos bde' blag du rtogs pa'o |  | tshogs don 
dang bsgrub bya'i chos na skabs gzhan du chos can du rung yang sbyor ba der gtogs kyi chos can ma yin no |  | khyab pa ston pa na yang tshang bang du bum pa bzhin no zhes rtags dpe'i chos can la yod par ston gyi chos la ma yin no |  | 'o na rtags shes 'dod kyi chos can la yod pa phyogs chos 
zhes brjod na dogs pa'i mtha' gcad ci dgos zhe na |  mi dgos med kyi de ni yi ge mang pas brjod pa dka' ste |  de ltar na sgra ba po tshig nyung la nyan pa po rtogs pa sla ba'i phyir mkhas pa rnams kyis btags pa yin no |  | chos la bsgrub byar rtogs pa'i dgos pa yang ma btags par rtags chos 
kyi rjes su 'gro ba zhes brjod na chos gang yang rung pa la go bas 'gal ba rjes 'gro can du thal ba'i dogs pa skye la |  gang bsgrub par bya'i chos kyi zhes brjod pa tshig mang par 'gyur bas so |  | 'dir yang gnyis la mi 'jug pa ni tshogs don la 'gal ba dang chos can yod pa zlos pas zhes mi 


brjod kyi | 'on kyang bsgrub byas khyab pa grub pa phyogs chos dang 'gal zhing chos can gyis khyab pa dpe' la grub par 'gal bas so | | de ltar brtags pa gnyis pa'i ni dngos kyi don la gnod pa yang dngos kyi don yin par 'gal ba ni rtags kyi don yin pas mi 'thad la gzhung gi bsam pa dngos don yin par mi
dgos pa ni tshogs pa rtags kyi sgrub nyid | yin phyir chos dang chos can dag | | ces 'byung pa dang | dogs par 'gal ba ni sngar bshad pa'i sgra'i byed pas yin no | | skabs kyi don ngos gzung pa ni de ltar sgra de don de dag la skabs gsum du nges par 'jug pa las 'dir ni rje phyogs chos kyi mtshan nyid rtan
la 'bebs pa'i skabs yin pas shes par 'dod pa'i chos can no | | de yang gang 'dod rgyu'i chos dang ldan pa ma yin te 'gal ba'i rtsod gzhi dang yang dag gi mthun dpe' dag la khyab pa dang 'khrul pas so | | de 'dod pa'i blos zin pa yang ma yin te log par rtogs pa dang blo ma phyogs pa'i gzhi la ma khyab
par 'gyur ba'i phyir ro | | spyir shes 'dod 'jug par mi 'gal ba tsam yang ma yin te da ltar grub zin pa la 'ang phyogs chos yod par thal ba'i phyir ro | | 'on kyang gzhi gang la bsgrub bya'i chos tshad mas grub bsal myed pa ste | rtag par log par nges pa dang mi rtag par yid spyod kyis nges pa dang gnyi kar
the tsom za ba dang blo ma phyogs pa'i gnas skabs kyi sgra lasogs pa'o | | phyogs nyid ngos gzung pa'o | | mthun phyogs mi mthun phyogs gnyis ngos gzung pa la gsum ste | phyogs gnyis rnam 'jog gi mtshan nyid dang | phyogs gnyis su shes bya tha tshon chod pa'i tshul dang | phyogs gnyis
so so'i sgra'i don to | | dang po yang gzhan gyis brtags pa dgag pa dang | 'thad pa'i don gzhag pa dang | de la nyes pa spang pa gsum gyis nges par bya ba las | dang po ni kha cig phyogs dang mthun pa dang mi mthun pa zhes bya ba sgra'i don nyid mtshan nyid du rtog pas bsgrub bya dang bsgrub bya'i chos kyis 'dra ba dang
mi 'dra ba ste sgra'i rtag pa la ltos nas bum pa dang nam ka bzhin no zhes smra'o | | 'di la re shig mthun pa dang mi mthun pa'i yul de bsgrub bya mtshan nyid pa chos dang chos can tshogs pa nyid yin na rtags kyi rjes 'gro nges pa na bsgrub bya grub par 'gyur te | rtags kyis yod pa mthun phyogs grub
pa la de'i mtshan nyid gang dang mthun yul grub pa la ltos pa'i phyir ro | | sgra rtag ste gzhal bya'i phyir zhes pa'i ma nges pa 'gal bar 'gyur te | de'i tshe mthun phyogs mi srid pas phyogs chos mi mthun phyogs nyid la yod pa'i phyir ro | | rang nyid rang dang 'gal bas bsgrub bya nyid mi


| mthun phyogs su 'gyur la 'dod na de la rtags zhugs pas ldog pa mi 'grub par 'gyur ro | | slob dpon gyi dgongs pa 'ang ma yin te | mthun yul chos can la gsungs pa'i phyir ro | | kha cig tshogs don gyi sgra don bsgrub bya'i rnam pa tsam mthun yul du smra ba yang mi rung ste |
de la dpe' dang bsgrub bya'i chos me lasogs pa'i dngos pos 'dra ba nyid myed pa'i phyir ro | | me med kyi dngos po myed par bkag pas 'dra'o zhe na yang myed pa mi mthun phyogs kyang der 'gyur ba dang | de bsgrub bya'i chos yin na rtags thaMd mi dmyigs par 'gyur zhing mi dmyigs kyang des 'dra bas mthun phyogs su thal na
ha cang thal bar 'gyur ro | | dngos po dang btags pa'i spyi me'i rnam pa tsam gyis 'dra na yang de bsgrub bya'i chos ma yin na mi phan la yin na de sgrub pa rtags la mi ltos par 'gyur ro | | gzhan yang rang nyid 'dra ba myed pas bsgrub bya'i rnam pa de nyid mi mthun phyogs su 'gyur ro | | 'dod na rtag pa byas
pas stong te don byed pas stong pa'i phyir ces bya ba'i tshe de la rtags zhugs na ldog pa ma grub la zhugs na dngos por thal ba'i nyes pa spang dka'o | | gzhan yang de'i tshe rtsod gzhi mi mthun phyogs yin na phyogs chos 'gal la mthun phyogs nyid yin na yang mthun phyogs nyid la nges par bzung pas
chos can la myed par 'gyur ro | zhes gzhung gi brgal lan mi 'thad pas slob dpon gyi dgongs pa 'ang ma yin no | | kha cig phyogs btags pa ba rtsod gzhi dang mthun mi mthun la brjod do | | de'i ltar na yang sgra rtag ste gzhal bya'i phyir ces pa'i ma nges pa la rtsod gzhi dang 'dra ba'i mthun phyogs mi srid
pas 'gal bar thal ba dang | rtsod gzhi nyid rang dang 'dra ba myed pas mi mthun phyogs su 'gyur ba la rtags zhugs na ldog pa myed la ma zhugs na phyogs chos myed par 'gyur ro | | gnyi ga'i yul yin pas mi mthun phyogs kyang ma yin no zhe na yang de la rtags zhugs pas skyon du 'gyur na phyogs
chos mi rung na mi 'gyur na ni dngos po tsam rtag ste gzhal bya'i phyir zhes bya ba'i lhag ldan gtan tshigs nyid du 'gyur ba spang par mi nus so | | gnyis pa 'thad pa'i don ni sgra'i don tshang dam tshang yang bla ste | bsgrub bya'i chos ldan mi ldan las | mthun phyogs mi mthun phyogs su brjod | |
zhes bya ba bzhin du gzung par bya ste | de yang bsgrub bya'i chos nyid ngos gzung pa dang | de dang ldan pa'i don bsam pa gnyis las | re shig bsgrub bya'i chos zhes bya ba ni 'dir rtags kyis bsgrub nus pa nyid la mi bya ste 'gal ba dang yang dag gi phyogs gnyis gcig par thal ba'i phyir ro | | 'on kyang


gang zhig rtsod gzhi' la skyes bus bsgrub bya nyid du 'dod par bya ba'o |  | de dpe' ste su dpag byar gzung pa myed pas chos ma yin pa 'ang ma yin te de 'ang rtsod gzhi' la dpag byar gzung pa'i rigs las ma 'das pa'i phyir ro |  | de lta na 'ang rtsod gzhi' la ma bzung pa'i sngar dpe' chos ldan du mi 'gyur bas phyogs kyi sngon rjes 
'gro myed par 'gyur ro zhe na |  phyis 'dod par bya ba'i chos dang lnga nas ldan pa'i phyir ro |  | de bzhin du glo bur pa'i rjes dpag gi rtsod gzhi la yang 'dod bzhin pas bzung pa'i chos myed kyang 'dod par bya ba'i chos dang ldan pas mthun phyogs nyid do |  | des na rtags dang mtshan nyid kyi tshul ni thaMd du 'di yin te ji ltar dgod par 
bya ba dang mtshon pa dang dpag par bya ba la ltos nas mtshan nyid gnas pa'o |  | gal te 'dod pa dang mi 'dod pas bsgrub bya'i chos yin pa dang ma yin pa dang ma yin par 'gyur na mthun phyogs mi mthun phyogs dngos po la mi gnas par 'gyur ro zhe na |  de ni 'dod pa nyid te ji skad du rtag pa 'am mi rtag pa yin te 
phyogs dang mthun phyogs dag las gang rung yin pa'i phyir bum pa dang nam ka bzhin zhes pa'i skabs kyi don gyi chos su bzung pa ma grub par gsungs pa'i phyir ro |  | des na phyogs gsum ka yang blo la ltos nas don la gnas pa yin no |  | chos de dang ldan pa'i don yang chos de steng du ldan pa 'am de dang 
tshogs pa cig pa tsam ma yin te |  me bsgrub pa na du ba dang me nyid mi mthun phyogs su thal ba dang 'dus byas sgrub pa na 'dus ma byas kyang mthun phyogs su 'gyur ba'i phyir ro |  | chos de'i ngo bor gyur pa tsam yang ma yin te me bsgrub pa na tshang bang mi mthun phyogs dang med dgag bsgrub pa na ma yin dgag 
mthun phyogs su thal ba'i phyir ro |  | 'on kyang gzhi gang la rtsod gzhi' la ji ltar bsgrub par bya ba'i chos de ltar rten pa ste |  dper na chos tha dad yod par bsgrub pa na me dang rdzas tshogs pa gcig pa gzhi dang |  ngo bo yin par bsgrub pa na mi rtag pa dang rdzas cig pa'i chos rnams dang |  ldog pa der sgrub 
pa na rang ldog la de rten pa ste myed dgag dang ma yin dgag sgrub pa na stong nyid dang shes bya'i ldog pa bzhin no |  | tshul 'di la rtsod pa yang spang par bya ste |  gal te me dang tshogs pa gcig pa zhes bya ba dngos su 'am brgyud nas phrad pa la 'dod |  dang po ltar na de dang dngos su 'byar ba'i skad cig lasogs 
pa'i yul kho na mthun phyogs yin pas blos mi zin par 'gyur la |  gnyis pa ltar na rlung gi dkyil 'khor dang skal pa lasogs pa 'ang mthun phyogs su 'gyur bas mi mthun phyogs nyid myed pa 'am mthun phyogs dang mi 'gal bar 'gyur ro zhe na |  srid mi srid dang nus mi nus la mi ltos par 


| phyogs la skyes bus yul dus rnam pa'i khyad par ci tsam zhig du bsgrub par 'dod pa de tsam zhig mthun phyogs yin la |  der yang mi srid par bsgrub pa na mi srid pa mi mthun phyogs yin gyi me myed pa tsam ni ma yin no |  | 'o na rdzas sam ldog pa'i chos sgrub kyang rung bsgrub byar gzung pa'i chos rang 
nyid la rang mi rten pas mi mthun phyogs su 'gyur la |  'dod par yang mi nus te de la rtags 'jug pas ldog pa myed par 'gyur ba'i phyir ro zhe na |  'dir rten pa 'am ldan pa'i don ni bsgrub bya'i chos dang rdzas tshogs pa cig pa 'am chos kyi rdzas su gyur pa 'am ldog pa tshogs pa cig pa la 'dod cing ldan pa'i 
brjod byar yang rten pa rten chos gnyi ga yang 'dus pa yin te |  gzhi 'am chos rkyang pa la ldan pa'i sgra mi 'jug pa'i phyir ro |  | des na bsgrub bya'i chos rang la rang ldog gnyis pa mi rten yang rang nyid ldan chos yin pas ldan pa'i brjod bya las ma 'das pa nyid do |  | gal te de ltar bsgrub bya'i chos dang 
ldan pa mthun phyogs yin na yang dag pa'i chos can yang mthun phyogs su 'gyur ro |  | 'dod na mthun phyogs nyid la nges par gzung pas chos can la myed par 'gyur ro zhes pa'i brgal lan ma 'brel par 'gyur ro zhe na |  de lta mod kyi pha rol gyis sgra bshad pa'i don can gyi mthun phyogs la brtan 
par go nas rgol la |  slob dpon gyis kyang rang gi bsam pa ston pa'i lan bla bas bzhag te khyod kyi bsam pa ltar na'ang sgra'i byed pas de ltar mi 'gyur zhes lan gzhan 'debs par gsal bas nyes pa myed do |  | phyogs gnyis su shes bya kha tshon chod pa'i tshul yang kha tshon chod dgos pa dang |  gcad 
nus pa dang |  chod pa la rtsod pa spang pa gsum gyis nges par bya ste |  dang po ni 'dir bsgrub bya 'ga' zhig bsgrub pa na shes bya thams cad mthun phyogs mi mthun phyogs gnyis su kha tshon chod dgos pa nyid rgyu mtshan gang las ce na |  gzhan du na rjes su dpag pa'i 'jug pa nyams par 'gyur ba'i 
phyir te |  'di ltar re shig phyogs gnyi ga yin pa bsgrub phyogs kyi byung gsum srid na de nyid de yin pas rtags mthun phyogs nyid la yod pa'i rjes 'gro dngos su grub kyang mi mthun phyogs la ldog pa 'phen mi nus shing phyogs la sgrub bya grub kyang dgag bya mi khegs par 'gyur la |  gnyi ga ma yin 
pa dgag phyogs kyi phung gsum srid na de ma yin der ma nges pas rtags mi mthun phyogs la mi 'jug pa'i ldog pa grub kyang mthun phyogs la 'jug pa'i rjes 'gro 'phen mi nus shing phyogs la dgag bya khegs kyang bsgrub bya mi 'grub par 'gyur ba'i phyir ro |  | de dag kha tshon gcad par nus pa 'ang 


yin te | rdzas sam ldog pa'i chos kyang rung ste bsgrub bya'i chos dang ldan mi ldan dag dngos 'gal du nges pa'i tshad mas ldan pa grub pa la mi ldan pa bkag pa'i tha snyad kyis khyab pa grub pas sgrub phyogs kyi phung gsum sel zhing | gcig bkag pa la cig shos grub pa'i tha snyad kyis grub pa grub pas dgag phyogs kyis
phung gsum khegs pa'i phyir ro | | chod pa la rtsod pa spang pa la yang rjes su 'gro ldog gi tshul cig du thal ba dang | chos gsum cig du bsdu ba mi 'thad pa dang | rdzas dang ldog par brtags na mi 'thad pa spang pa gsum las | dang po ni gal te phyogs gnyis dngos 'gal yin na mi mthun phyogs la
myed pa'i ldog pa dang mthun phyogs la yod pa'i rjes 'gro ldog pa cig du 'gyur te dgag pa bkag pa bsgrub ldog nyid yin pa'i phyir sngo ma yin ma yin pa dang sngon po ni ldog pa sngo ma yin du gcig la | 'dir rjes 'gro ni mthun phyogs la myed pa las ldog pas sgrub ldog yin zhing | ldog pa ni
mi mthun phyogs la 'jug pa las log pas dgag ldog yin pas ga la mtshungs | de bzhin du sngo min la ltos nas ma yin pa dang sngon po la ltos nas yin pa'ang ldog pa tha dad do zhe na | sngon po dang yin pa ltos sa ltos chos su byed na de ltar 'gyur yang de ni 'ga' zhig yin pa'i phyir sngon pa'o
zhes bya ba'i rtags kyi rjes su 'gro ldog nyid yin no | | de bzhin du rtag pa ma yin pa dang mi rtag pa tha dad pa yin gyi mi rtag pa yin pa zhes brjod na khyab byar 'gyur te | rjes 'gro nyid yin pas tha dad pa kho na'o | | gnyis pa ni 'o na sbyor ba'i chos gzhi rtags sgrub bya gsum po nyid gcig du mthun
phyogs sam mi mthun phyogs su 'du | dang po ltar na phyogs chos grub pa na yang yang dag ldog pa myed la gnyis pa ltar na 'gal ba la rjes 'gro yod par 'gyur ro zhe na | kha cig me bsgrub pa'i rtags su ba ni mi mthun phyogs yin te me steng du mi ldan pa'i phyir ro zhes zer ro | | de'i ltar
na 'bras rtags kyi rjes 'gro dang rgyu mi dmigs pa'i ldog pa'i khyab pa mi gcig pa 'am gcig par brjod | dang po ltar na de gnyis phan tshun 'phen byed ma yin par 'gyur la | gnyis pa ltar na yang de gnyis kyi khyab pa de du ba la me rten par yod pa 'am rgyur yod pa yin kyang bla ste | grub na
'bras bu'i rtags ji ltar bsgrub pa'i chos dang ldan pas mthun phyogs su 'gyur la | ma grub na rgyu mi dmigs pa'i rtags dgag bya la zhugs pas ldog pa myed pa'i skyon yang par mi nus so | | de bzhin du bsgrub bya'i chos ma nyid mi mthun phyogs su 'dod pa yang de la rtags zhugs pas ldog pa 'khrul par


| 'gyur la |  me ma yin la du ba yod pa'i phyir zhes ni du bas me bsgrub pa'i gzhung 'gar yang bkod pa myed do |  | des na don 'di ltar shes par bya ste |  rdzas la rten pa'i sgrub pa na yang dag pa'i sbyor ba'i gzhi rtags gnyis mthun phyogs yin te chos ldan pa yin pas ldan par 'du ba'i phyir ro |  | ma grub 
pa dang ma nges pa'i |  'gal ba'i gzhi rtags mi mthun phyogs yin te chos ldan par mi 'du ba'i phyir ro |  | ma grub pa dang ma nges pa'i gzhi rtags ni ci rigs par 'du ste |  de yang chos la khyab ches pa'i spyi ldog gzhi rtags su 'god pa'i tshe ni rdzas la rten pa'i ldog mtshungs rnams mthun pa dang mi mthun pa 
'i phyogs gnyis su 'gyur bar blta'o |  | bsgrub bya'i chos ni sbyor ba thaMd la mthun pa'i phyogs kho na ste ldan chos ldan par 'du ba'i phyir ro |  | gsum pa ni 'di snyam du sbyor ba skor cig la phyogs gnyis su kha tshon chod pa de ci rdzas sam ldog pa la brjod |  dang po ltar na gtan tshigs dang dgag pa'i chos 
bsgrub pa'i tshe bum pa'i rdzas phyogs cig du mi 'du ba mi thad cing gnyi kar 'du na phung gsum du 'gyur la |  gnyis pa ltar me dang mi rtag pa bsgrub pa'i tshe dngos po dang shes bya tsam phyogs cig du 'du ba mi 'thad cing gnyi gar mi 'du na phung gsum du 'gyur ro zhe na |  'dir rdzas la rten pa'i chos bsgrub pa na kha 
tshon chod pa'i tshul dang |  ldog pa la rten pa'i chos sgrub pa na kha tshon chod pa'i tshul dang |  de dag la rtsod pa gsum shes par bya ste |  dang po ni re shig rdzas dang ldog pa la rten pa'i chos zhes bya ba nyid ci tsam yin pa'i don ni le'u dang por brjod zin to |  de la 'dir me dang mi rtag pa lasogs 
pa rdzas la rten pa'i chos bsgrub pa'i tshe rang gi rten rdzas la kha tshon gcod pa na dngos po dang shes bya rten pa'i rdzas gsum pa myed la |  ldog pa gnyi gar ma 'du ba mi 'gal te ldog pa dgag sgrub mi byed pa'i phyir ro |  | shes bya tsam gyi rdzas ni du ma nyid yin te ldog mtshungs sgro btags pa'i gcig la rdzas 
kyi spyi med pa'i phyir ro |  | gtan tshigs lasogs pa ldog pa la rten pa'i chos sgrub pa'i tshe rten ldog pa kha tshon gcod pa na ldog pa gsum pa med la rdzas gnyi gar 'du ba mi 'gal te rdzas dgag sgrub mi byed pa'i phyir ro |  | gal te ldog pa ni mtshan mtshon gzhi' gsum du 'gyur na gang la kha tshon 
gcod ce na |  mtshan nyid dam mtshon bya ldog pa yin min du kha tshon gcod pa ma yin te gcad mi dgos pa'i phyir ro |  | gcad nus pa'ang ma yin te |  tshul gsum gyis mi rtag pa'i gtan tshigs sgrub pa dgag chos 'ba' zhig pas med dgag gi tha snyad sgrub pa na rtsol byung gi ldog pa de dag 


gi mtshan mtshon yin pa 'am min ldog gar yang mi 'du ba'i phyir ro |  | gal te sbyor ba dang po la yin pa dang gnyis pa la ma yin par 'du ba ma yin nam zhe na |  ma yin te de lta na rtsol byung myed pa ni mi rtag pa'i rtags dang med dgag yin pa mi srid par 'gyur ba'i phyir ro |  | 'on kyang rtsol byung gi ldog 
pa de gtan tshigs yin pa dang med dgag min pa'i chos dang ldan pa yin te des na mtshon gzhir 'gyur ba yin no |  | des na mtshon gzhi' kha tshon chod pa yin te ldog pa gang la chos de dag ldan mi ldan las mi 'da' ba'i phyir ro |  | des na ci 'dra ba'i chos bsgrub pa na de 'dra ba'i rten la kha chod pa yin 
no |  | de dag la rtsod pa spang pa la rdzas dang ldog pa la rten pa'i chos bsgrub pa la mi 'thad pa spang pa gnyis las re shig rdzas la rten pa'i chos bsgrub pa la mi 'thad pa spang pa gnyis las re shig rdzas la rten pa'i chos bsgrub na kha tshon chod pa mi 'thad te rjes su dpag pa mngon sum gyi ngo bo dang mngon sum yin pa'i ngo bo gnyi ka yin pa'i phyir ro zhe na |  mngon sum dang mgnon 
sum ma yin pa'i ngo bo tsam ni rdzas cig kyang mi mthun phyogs nyid ma yin zhing |  mngon sum gyi ngo bo tsam dang tsam ma yin mi mthun phyogs yin kyang 'dus pa myed la |  yul cig la ltos nas ni snga ma nyid kyang 'du ba myed pa nyid do |  | ldog pa'i chos sgrub pa la rtsod pa spang pa la gsum ste | 
rtags dgag bya las ldog pa mi 'grub pa spang pa dang |  chos cig du bsdu ba mi 'thad pa spang pa dang |  rtags cig du bsdu ba mi 'thad pa spang pa'o |  | dang po ni byas pa chos can rang ldog gtan tshigs yin te rang ldog la tshul gsum tshang pa'i phyir ro zhes brjod pa'i tshe tshul gsum tshang pa'i gtan 
tshigs la mi mthun phyogs ldog pa gtan tshigs ma yin pa'i shes byas ma khyab na gtan tshigs blos mi 'grub cing khyab na 'gal bar 'gyur te phyogs chos dang ldog pas khyab pa grub pa'i phyir sgra la byas pas rtag par bsgrub pa bzhin no zhe na |  gtan tshigs ma yin pas kyang khyab mod kyi de lta na yang 
'gal ba'i rtags su mi 'gyur te mthun pa'i phyogs la 'jug pa'i phyir ro |  | ma nges par 'gyur ba yang ma yin te rtags rtsod gzhi la ji ltar bkod pa ltar mi mthun phyogs la zhugs pa myed pa'i phyir ro |  | gzhan yang rtags rnams dgag bya las ldog dgos pa ma yin nam gzhan du na rtags kyis 
dgag bya ji ltar khegs dgos na yang ci dgag bya'i chos sam chos can las ldog pa yin |  dang po ltar na med dgag gi tha snyad kyis stong ldog ni med dgag gi tha snyad du rung ste |  dgag chos 'ba' shig dang ldan pa'i phyir ro zhes pa dang |  yang med dgag gi tha snyad ni med dgag gi tha snyad du mi thu ste 


| dgag chos kyis stong pa'i phyir ro zhes bya ba'i sbyor ba 'di dag gi rtags rang gi gzhi' las ldog dgos par 'gyur te myed dgag gi tha snyad du rung pa dang mi rung pa'i chos dngos 'gal yin pa'i phyir ro |  | 'dod na phyogs chos myed par 'gyur ro |  | gnyis pa ltar na sbyor ba de dag gi rtags rang gi bsgrub bya las ldog 
par 'gyur te rung pa dang mi rung pa'i chos dag phan tshun la ldan pa'i phyir ro |  | 'dod na rjes 'gro myed par 'gyur ro zhe na |  dgag bya'i chos ldan la ldog par 'dod mod kyi rjes su 'gro ba ni rtags gzhi' la bkod pa ltar bsgrub bya'i chos la myed kyang chos ldan la 'jug pa la brjod pas skyon las grol ba nyid dam | 
yang na gnyi ka las ldog kyang skyon med te dgag bya'i chos dang chos can dang bsgrub bya'i chos can dang mos dag ming cig kyang ltos sa mi gcig pas ldog pa tha dad pa'i phyir zhe'o |  | gnyis pa ni gal te ldog pa'i chos sgrub pa la yang bsgrub bya'i chos mthun phyogs su 'du bar 'dod na dngos po tsam ldog ni mngon gyur gyi 
tha snyad du rung ste myong stobs kyis rtogs pa'i phyir bde sdug bzhin no zhes brjod pa'i tshe bsgrub bya'i chos mngon gyur gyi tha snyad de nyid myong stobs kyis rtogs na rtags don myed la |  ci ste de myong stobs kyis mi rtogs na mtshan nyid kyis mtshon bya bsgrub pa'i yang dag mthun phyogs la rjes 'gro myed pa dang |  mi rtag pa'i 
ldog pa ni mngon gyur du rung ste myong stobs kyis mi rtogs pa'i phyir bdag med bzhin no zhes mtshan nyid bkag pas mtshon bya bsgrub pa'i 'gal ba'i rtags mthun phyogs la ldog pa myed par 'gyur ro |  | ci ste de tshe chos mi mthun   phyogs yin na rdzas la rten pa sgrub pa na'ang ji ltar yin te chos ldan gyi khongs 
su chos 'du ba'i rgyu mtshan mtshungs pa'i phyir dang |  de la rtags zhugs na ldog pa 'khrul zhing ma zhugs na mtshan nyid rang gi mtshon bya la mi srid par 'gyur ba'i phyir ro zhe na |  chos mthun phyogs yin yang skyon gnyis po med te |  rjes 'gro'i don rtags phyogs la yod pa ltar chos ldan la yod pa 
la brjod pa na yang dag gi rtags myong stobs kyis rtogs pa de chos la myed kyang chos ldan la yod cing |  'gal ba'i rtags chos la yod kyang chos ldan la zhugs pa myed pa'i phyir ro |  | mthun phyogs ma yin par byas kyang rdzas la rten pa dang mi mtshungs ste |  der ni chos la chos mi ldan yang chos de chos dang 
tshogs pa 'am chos kyi ngo bor 'du ba'i phyir la |  'dir de tsam gyis mthun phyogs su brjod na med dgag gi tha snyad sgrub pa na shes bya mthun phyogs su 'gyur ba'i phyir ro |  | mtshon bya la mi srid pa dang ldog pa 'khrul pa'i skyon yang myed te |  myong stobs kyis rtogs pa de mngon gyur gyi tha snyad la don ldog de 


nyid du yod cing phyogs la bkod pa ltar myed pa'i phyir ro | | gsum pa ni yang ldog pa'i chos sgrub pa'i tshe rtags mthun phyogs sam mi mthun phyogs yin | dang po ni mi 'thad te | tshul gsum gyis gtan tshigs kyi tha snyad bsgrub pa na tshul gsum nyid bsgrub bya'i chos sam chos ldan ma yin pa'i phyir dang |
rang la rang mi rten pas de mthun phyogs la khyab pa'i rang bzhin ma yin par yang 'gyur ba'i phyir ro | | gnyis pa'ang mi rung ste mtshon bya bsgrub pa'i mtshan nyid mi mthun phyogs yin na rtags su mtshan nyid kyi khyad par tshul gsum gyi shes bya lta bu bkod na de la zhugs pas ldog pa myed par thal ba'i phyir ro zhe na | rang gi
mtshon bya dang 'brel tsam sgrub pa na mtshan nyid kyi rtags mthun phyogs yin yang mthun phyogs la ma khyab pa'i skyon myed te mthun phyogs su 'jog pa'i rgyu mtshan bsgrub bya'i chos ldan pas yin pa na bsgrub bya'i chos ldan gyi tshul gsum dang tshul gsum tsam ldog pa tha dad pa'i phyir ro | | mtshon bya rten par bsgrub
pa'i mtshan nyid mi mthun phyogs su gyur yang skyon myed te | de la phyogs la ji ltar bkod pa'i gzhi' ldog la tshul gsum tshang pa'i shes bya zhugs pa myed pa dang zhugs na yang de lta bu rtags nyid du mi 'dod pa'i phyir ro | | de lta mod kyi ldog pa'i chos rnams rang ldog la rten par sgrub pa yin pas sbyor ba la mu bzhir
'gyur te | bsgrub bya gtan tshigs gnyi'i ka mthun phyogs su 'du ba bum pa shes bya'i tha snyad du bya ste blo'i rten rung pa'i phyir ces pa dang | gnyis ka mi mthun phyogs su mi 'gyur bar byas ldog gtan tshigs yin te tshul gsum ldan pa'i phyir zhes pa dang | bsgrub bya mthun phyogs pa 'gyur ba sngo ldog med dgag
gi tha snyad kyis stong pas ma yin dgag gi tha snyad du bsgrub pa dang | rtags mthun phyogs su 'gyur ba stong ldog sgrub chos dor bas med dgag gi tha snyad du sgrub pa lta bu'o | | de'i tshe bsgrub bya grub pa na rtsod gzhi' la mi mthun phyogs grub par 'gyur yang gnod pa med te yod gzhi nyid mthun phyogs yin pa'i
phyir ro | | der grub pas de nyid de ma yin khegs kyang de min ldan pa mi khegs ste mi 'gal ba'i phyir te du rgya la sngo ma yin rten pa bzhin no | | de de ldan du grub pas kyang de dang mi ldan pa khegs kyi de med dang ldan pa mi khegs ste ldog pa 'gal ba rnams kyi chos gzhi cig la mi 'du yang chos can gzhi
cig la 'du ba mi 'gal pa'i phyir rdzas yod dang btags yod kyi chos can mtshan gzhi'i la 'du ba bzhin no | | yang na gzhi ldog la tshul gsum ma ba dang sgrub chos ma dor ba lasogs pa rtags yin pa ni de thams cad gzhi ldog gtan tshigs lasogs pa dang ldan pa nyid yin pas rtags thaMd mthun phyog


| nyid yin no zhes bya ba lugs gcig go |  | de ltar ldog pa la rten pa'i chos phra mo'i rnam par gzhag pa 'di la 'khrul pa myed mod kyi rtog ge ba phal pa'i gtam du grags pas skye bo blo gsal ba rnams kyis yid gzhungs te mnyan par bya'o |  | de lta na yang bdag myed dang stong pa nyid sgrub pa'i sbyor ba la 
phyogs gnyis su kha tshon chod pa myed de mi mthun phyogs nyid myed pa'i phyir ro |  | phyogs gsum pa myed pas gnyis su brjod na bzhi pa myed pas gsum du ci ste mi brjod ce na |  der yang brtag pa'i mtha' gnyis su kha tshon chod cing mtha' gsum par rtog pa mi 'jug pas gnyis su brjod do |  | phyogs gnyis po de 
dag gi sgra'i don las mthun phyogs ni sa bha kßa ces pa phyogs btags pa ba rtsod gzhi dang bsgrub bya'i chos kyis 'dra ba ste |  de la mtshan nyid dang sgra'i don gnyi ka tshang pa ni mthun pa'i dpe'o |  | gnyi ka ma tshang pa ni mi mthun pa'i dpe'o |  | mtshan nyid 'ba' shig tshang pa ni yang dag gi rtsod gzhi 'o |  | 
sgra'i don kho na tshang pa ni mi srid te chos kyis 'dra ba chos ldan yin pas so |  | mi mthun phyogs ni a sa bhakßa ces pa rtsod gzhi dang bsgrub bya'i chos kyis 'dra ba myed pa ste |  de yang mtshan nyid dang gnyis ka tshang ba mi mthun dpe'o |  | gnyi ga ma tshang pa ni mthun dpe'o |  | sgra don kho na tshang pa ni 
yang dag gi rtsod gzhi 'o |  | mtshan nyid kho na tshang pa ni mi srid te chos med na chos kyis 'dra ba 'gal bas so |  | de ltar phyogs gsum po de dag rtags kyi ltos gzhir brjod pa'i don ni spyir rtags su bkod pa tsam gyi skyon yin te gsum la ltos nas rtsi ba'i phyir dang |  bye brag du rtags su bkod 
pa bzhi po so so 'i mtshan nyid de las 'jog pa'i phyir dang |  khyad par du yang dag gi tshul gsum de las 'jog pa'i phyir ro |  | gal te ldog pa'i tshul mi mthun phyogs la ltos na dgag bya mi srid pa 'gog pa'i rtags rnams la ltos sa myed pas ldog pa myed par 'gyur ro zhe na | thaMd du mi mthun 
phyogs grub pa la mi ltos mod kyi der yang mi mthun phyogs bdag lasogs pa rnam par brtag pa'i yul du ngos zin pa la ltos pa nyid te de lta ma yin na bskal pa'i gzhi la du ba ltar rtags ldog par the tsom za ba'i phyir ro |  | rtags kyi ltos gzhi bshad zin to |  | de la ltos nas rtags su bkod pa'i 
dpye ba spyir bsam pa la'ang gsum ste |  gsal ba'i dbye ba dang |  rigs bsdu ba dang |  nges pa bsam pa'o |  dang po yang dngos po dang blo'i dbang gis dbye ba gnyis las | 


gnyis las | ma grub pa bzhi ste | gzhi chos can gyi ngo bo nyid ma grub pa dang | de rtsod gzhir ma grub pa dang | rtags kyi ngo bo ma grub pa dang | gzhi dang 'brel par ma grub pa'o | | de la dang po ni gzhir dgod par bya ba'i ngo bo nyid ma grub ste dper na phyi rol pas byed pa po'i bdag gam nam mkha'i yon tan
gyi sgra chos can du bkod pa lta bu'o | | gnyis pa ni gzhi 'i ngo bo grub kyang de'i tshe bsgrub bya shes 'dod 'gal ba ste | dper na mnyan bya 'am mnyan bya ma yin par sgrub pa la sgra gzhir bkod pa lta bu'o | | gsum pa ni rtsod gzhi' grub kyang de la bkod pa'i rtags kyi ngo bo nyid myed pa ste dper na skyes bu 'di bdag
dang bcas pa yin te | bdag gi yon tan dang ldan pa'i phyir ro zhes pa lta bu'o | | bzhi pa ni gzhi rtags so sor grub kyang ma 'brel pa ste de yang 'gal ba sgra la mig gi gzung bya yin pa 'am tha dad pa myed pa sgra nyid yin pa bkod pa lta bu ste ji ltar bkod pa sgra'i ngo bo yin pa 'am rang nyid chos su myed pa'i phyir
ro | | de yang gzhi dang rtags su dgod par bya ba'i chos de dang 'gal ba 'am tha dad myed pa yin gyi gzhi dang rtags kyi ldog pa nas 'gal ba dang tha dad myed par brjod pa ni ma yin to | | gzhi dang rtags kyi ldog pa tha dad pas phan pa yang ma yin te 'dir go bar byed pa ni dgod par bya ba du ba lasogs pa yin gyis
rtags kyi ldog pa ma yin pa'i phyir ro | | de dag las rtags kyi ngo bo nyid mi srid pa ni ma grub par mtshon par bya ba'i gzhi nyid myed pas ma grub pa'i grangs su bsnyad du med mod kyi rang gi mtshan nyid khegs shing spyi'i rnam pa rtog pa la shar ba tsam la rang mtshan ma grub pa'i ming btags pa yin te |
dper na mi srid pa ni bzhi ste bud med 'khor lo sgyur ba'i rgyal po byed pa dang ces pa bzhin no | | des na de lta bu'i sgra don brjod pa las de brjod par blos pa yin gyi de nyid mi srid pa la rtags su bkod pa ces pa'i chos kyang myed pas rtags yang dag pa 'am ltar snang par gzhag du myed do | | 'o na gzhi ma grub
pa 'ang de ltar 'gyur ro zhe na | der yang rang nyid mtshon na de ltar 'gyur mod kyi rtags gzhi ma grub pa can du mtshon pa yin te | rtags go byed du 'dod pas ltos gzhi gsum par la ltos pa'i skyon yon rtags la ci ba'i phyir ro | | 'on slob dpon dag gi gzhung las rjes su dpag bya la yod pa kho na
zhes bya ba'i nges gzung gi gcad par bya ba chos can gyi phyogs cig la rtags ma grub pa dang rtags kyi phyogs cig chos can la ma grub pa 'ang yod pa ma yin nam zhe na | 'dir gzhan gyi lugs dpyad pa dang | rang gi lugs brjod pa dang | de la glan ka spang pas nges par bya ste | dang po ni slob


| dpon dag gzhi 'i phyogs cig la rtags ma grub pa ni yod kyang phyogs chos kyi nyes par mi 'gyur te |  'di ltar la'i phyogs cig la yod pa'i du bas me yang la la rten tsam du sgrub na 'dod pa 'grub pas skyon gang yang myed par gsal lo |  | gal te me khyab byed du yod par sgrub 'dod na yang 
de'i tshe du ba yang la'i khyab byed du yod par 'god na gzhi 'i ngo bo nyid la ma grub par 'gyur la |  rten tsam du 'dod na bkod pa ltar grub pas phyogs chos skyon can ji ltar yin |  me khyab byed du sgrub ma nus pa ni de lta bu'i rtags mi mthun phyogs la 'jug pas khyab pa'i skyon yin pa'i phyir ro |  | de lta ma 
yin na rtags gzhi las khyab ches pa'ang phyogs chos kyi skyon du 'gyur te me la kho na yod ces khyab byar bsgrub pa na rtags kyi rjes su bsgrub bya yang 'brang pas 'dod pa mi 'grub par mtshungs pa'i phyir ro |  | rtags kyi phyogs cig gzhi la ma grub pa ni 'god pa'i tshul brtags na mi srid pa nyid te |  re shig sgra 
gzhir bzhag pa la byas pa 'god pa na sgra dang sgra ma yin pa'i byas pa thams cad ces tshogs pa'i spyi bkod na phyogs cig myed pas tshogs pa'i ngo bo nyid ma grub par 'du ba'i phyir dang |  byas pa tsam zhes rigs kyi spyi 'god na ldog pa gcig la cha myed pas ril por 'grub par 'gyur zhing |  sgra dang bum pa'i byas 
pa so sor bkod na so sor grub pa dang ma grub pa'i rtags gnyis su 'gyur gyi rtags cig la grub pa dang ma grub pa'i cha myed pa'i phyir ro |  | tshul de gsum gyi brtag pa gzhir bkod pa la yang mtshungs so zhe na |  so sor bkod na mtshungs kyang tshul gnyis la mi mtshungs ste |  'dir de tsam gyis rtags su 
mtshon nus ces pa'i rtags gzhi phyogs chos khyab pa tshogs pa'i ngo bo la grub kyang ya khyal phyogs chos la ma grub par 'gyur ba'i phyir ro |  | rigs kyi spyi bkod pa la mi mtshungs pa yang re shig rdzas dang ldog pa'i sgo nas mi mtshungs te |  'dir chos can ni sgra tsam gyi ldog pa dang ldan pa'i rdzas 
yin pas tha dad la rtsol byung grub pa dang ma grub pa rung la rtags ni byas pa tsam gyi ldog pa cig la sgra la grub ma grub kyi cha 'gal ba'i phyir ro |  | sgrub chos dgag chos kyis kyang mi mtshungs ste |  'dir sgra tsam la ni rtsol byung grub pa dang ma grub pa cha gnyis yod pa yin te |  rtsol byung grub 
ma grub kyi bye brag rnga sgra chu sgra yod pa'i phyir zhes pas bye brag grub pas spyi 'grub la |  byas pa tsam ni sgra la sgra'i byas pa grub pas grub kyang bum pa'i byas pa ma grub pas byas tsam ma grub par mi 'gyur te |  bye brag khegs pas spyi mi khegs pa'i phyir ro |  | dgag bya dang dgag gzhi 'i sgo nas 


kyang mi mtshungs ste |  rtags byas pa'i spyi ni sgra la grub pa yod kyi bkag pa ni med te bye brag sgra'i byas pa ma khegs pa'i phyir ro |  | rtsol byung yang sgra'i spyi la grub pa yod kyi bkag pa mi srid te |  bye brag rnga sgra la ma khegs pa'i phyir ro zhe na |  bye brag la ma khegs pas spyi la bkag pa'i mi srid na | 
dngos po'i shes bya la don byed pa ma khegs pas shes bya'i spyi la don byed pa bkag chos mi srid par 'gyur ro |  | 'dir bum pa la rdza'i don bye pa ma khegs pas don byed pa'i spyi bkag pa mi srid par thal ba ni 'dod pa nyid la |  der yang 'dod na shes bya'i spyis don byed pa kho nar 'gyur ro |  | des na mtshungs 
pa ma yin no zhes gsung ngo |  | de lta mod kyi tshul de dag la rim pa bzhin du spyad par bya ste |  re shig gzhi 'i phyogs cig la rtags ma khyab pa'i tshe cha der bsgrub bya shes 'dod myed na tshig du bkod kyang rtsod gzhi ma yin pas shes 'dod sgrub ma nus pa'i skyon nyid myed cing |  khyab par shes 'dod yod 
pa la du ba la'i khyab byed du gyur pa bkod na ngo bo nyi la phyogs chos ma grub par 'gyur mod |  du ba yod tsam bkod pa na gzhi'i cha shas la ma grub pa skyon yin te rtags ma khyab pa'i char shes 'dod bsgrub mi nus pa'i phyir ro |  | 'dir khyab pa'i nyes pa yin na rgya mtsho' na me yod te tshang bang na du ba yod 
pas ces pa yang khyab pa'i nyes par 'gyur te rtags bkod pa ltar gnas kyang sgrub 'dod sgrub ma nus pa'i phyir ro |  | rtags yod pa'i yul dus su sgrub byas ma sleb pa myed na shes 'dod kyi gzhi la rtags myed pa khyab pa'i nyes par ji ltar 'gyur zhe na |  'dir yang ste gang na du ba yod pa'i yul dus kyi cha der me tsam 
'am khyab byed du gyur pa'i me 'am me khyab byed du gyar pa grub na du ba myed pa'i char med ma grub pa phyogs chos kyi nyes pa ji ltar yin te ldogs te shi ba zas kyi skyon du ni su 'ang mi smra'o |  | du ba yod pa'i sar me me'i khyab byed du yod par ma grub pas khyab pa'i skyon yin no zhe na |  de lta bu dpog na khyab pa 
'i skyon yin te 'dir yang du ba yod pa'i gzhir rgya mtsho dang 'brel pa'i me ma byung pas khyab pa'i skyon du 'gyur ro |  | rtags khyab ches dang mtshungs pa 'ang ma yin te |  chos rtsod gzhi'i khyab byar bsgrub mi nus pa ni rtags rnams kyi chos nyid yin te gal te de rtags khyab ches pa'i nyes pa yin na 'khyab ma ches 
na 'grub par 'gyur ro |  | 'dir khyab na 'grub par thal ba 'dod pa nyid pas ga la mtshungs |  de'i phyir shes 'dod kyis khyab pa'i gzhi'i phyogs cig la rtags ma grub pa ni phyogs chos kyi skyon nyid yin te slob dpon dag gis kyang de rnam par gcod pa'i nges par gzung pa gsungs so |  | rtags kyi 


| phyogs cig gzhi' la ma grub pa mi srid pa 'ang ma yin te gzhi dang mtshungs pa'i phyir ro | | re shig tshogs pa'i spyi rtags su bkod pa dang mtshungs te sgra mi rtag te byas pa'i sgra yin pa'i phyir ro zhes brjod pa na ngo bo ma grub pa ma yin yang phyogs cig sgra nyid ma grub pa'i phyir ro | | des na gzhi rtags gnyis
kar yang phyogs cig dang 'gal nas ma grub pa ngo bo ma grub par 'du yang tha snyad myed nas ma grub pa der mi 'du ba kho na'o | | rigs kyi spyi bkod pa la yang mtshungs pa las | re shig chos can yang sgra tsam gyi ldog pa nyid 'god pa yin te ra ni yul dus tha dad pas gcig gam tha dad 'god par mi 'thad pa'i phyir ro ||
ldog pa nyid la'ang cha gnyis 'grub ste shes bya tsam la rtag pa dang mi rtag pa grub pa bzhin no | | sgrub chos dang dgag chos la yang kho bos 'di skad ces byas pa'i spyi la sgra la grub ma grub cha gnyis yod de sgra la grub ma grub kyi bye brag sgra dang bum pa'i byas pa yod pa'i phyir ro | | der ni sgra'i bye brag chu sgra la
rtsol byung khegs pas sgra tsam la mi khegs ste bye brag la bkag pas spyi la bkag par mi 'grub pa'i phyir ro zhes brjod na tshul la mi 'dres par 'gyur mod kyi | brjod tshul ma bsod na ni don mtshungs pa las mi 'da' ba nyid do | | dgag bya dang dgag gzhis mi mtshungs pa la'ang dpyad te | der yang don gyis
spyi bum pas byed par 'gyur ro zhes brjod par bya'o | | spyi thams cad mi byed kyang pa'i don kyang don tsam ma yin pas de byed pas don gyi spyi ma bkag pa nyid do zhe na | shes bya'i spyi thams cad kyis don mi byed kyang dngos po'i shes bya 'ang shes bya tsam yin pas des don byed pas spyi la ma bkag pa nyid do | |
gal te dngos myed kyi shes bya 'ang shes bya tsam yin pas de la bkag pas tsam la bkag pa nyid ma yin nam zhe na | me'i don yang don tsam yin pas de mi byed pas don tsam mi byed par cis mi 'gyur || bye brag la spyi yod kyang de bkag pa dang de la bkag pas spyi dang spyi la bkag par mi 'gyur bar ni mtshungs
so | | gal te shes bya la sor byed pa bkag chos myed na nam mkha' lasogs pa don mi byed pa 'di dag shes bya ma yin nam zhe na | don byed pa'i spyi bum pa la bkag pa myed dam me lasogs pa don byed pa 'di dag bum pa yin nam | bum pa la don byed pa'i spyi bkag pa mi srid par brjod kyi bum
pa la bkag pa'i don byed pa'i spyi mi srid par mi smra'o zhe na | shes bya'i spyi la don byed pa bkag pa mi srid par brjod pa yin gyi don byed pa bkag pa shes bya'i spyi la mi srid par mi smra'o | | de ni bden te de bzhin du sgra'i spyi la rtsol byung ma khegs kyang rtsol byung bkag chos sgra'i spyi la srid pas kho bo'i


skabs don grub pa yin no zhe na |  de yang bden te de bzhin du byas pa'i spyi sgra la ma khegs kyang sgra la bkag pa'i byas spyi srid pas kho bo'i skabs don yang khyed kyi rjes su grub pa ma yin nam |  des na rkang pa lcags sgrog gis sbrel pa'i skyes bu dag ni gom pa gang yang sngon du 'phag par nus pa ma yin no |  | de lta 
yin dang bsdus pa'i don ni 'di yin te |  tshogs pa'i spyi gzhi dang rtags su bkod pa'i tshe ngo bo dang ngo bo la ma grub par ma 'dus pa'i phyogs cig dang phyogs cig la ma grub pa srid kyang skyon nyid ma yin la |  rigs kyi spyi gzhi dang rtags su bkod pa la'ang de lta srid mod kyi |  de dag las gzhi 'i phyogs cig la 
ma grub pa ni phyogs chos kyi skyon nyid du nges ste |  der rtags yod na 'dod pa 'grub cing myed na mi nus pa'i phyir ro |  | rtags kyi phyogs cig gzhi la ma grub pa ni skyon ma yin par nges ste |  de ma grub kyang chad pa myed la grub dgos na dpe' la rjes su 'gro ba'i cha rtsod gzhi la myed pas rtags thams 
cad phyogs chos skyon can nyid du thal ba'i phyir ro |  | don 'di la rtsod pa spang pa ni gal te tshogs spyi'i phyogs cig dang 'gal bas ngo bo ma grub par 'gyur na rigs spyi'i yang phyogs dang 'gal bas ngo bo ma grub par 'gyur ro zhe na |  tshogs spyi'i ngo bo ni 'dus pa yin pas 'dus pa can myed na med la rigs 
spyi'i 'i ngo bo rdzas rnams la yod pa'i ldog pa ro gcig pa nyid yin la de ni rdzas cig la'ang yod pa'i phyir ro |  | 'o na rigs kyi spyi ltar tshogs spyi 'i yang phyogs cig la ma grub pa skyon yin te der bsgrub bya mi 'grub pa'i phyir ro zhe na |  der ni ya khyal 'dus pa'i ngo bo la sgrub 'dod kyi ya kyal la rten 
par shes 'dod myed la |  rigs kyi spyi yang cha der shes 'dod myed na rtags ma grub kyang skyon ma yin no zhes brjod zin to |  | yang rigs kyi spyi zhes pa 'di ci ldog pa gcig nyid yin na grub pa dang ma grub pa'i cha 'gal la |  ldog pa du ma yin na yang thams cad 'dus pa yin na tshogs pa'i spyi 
nyid du 'gyur zhing |  re re ba yin na gsal ba thams cad la khyab par mi rung zhe na |  gsal ba rnams kyi de ma yin las log pa'i ldog pa mtshungs pa rnams la rigs kyi spyi ldog gcig pa zhes tha snyad 'dogs pas skyon gang yang myed do |  | de lta na gzhi rtags phyogs cig gis ma 'brel pa ni 
ngo bo dang ngo bo la ma grub pa dang |  skyon nyid ma yin pa dang |  skyon yin pa yang gzhi rtags ma 'brel pa nyid du 'dus par shes par bya ste |  de ltar na phyogs chos ma grub pa ni gzhi 'i skyon dang rtags kyi skyon dang gnyi ga'i skyon dang bsgrub bya'i skyon kyis rnam pa bzhi yin no |  | phyogs chos grub 


| pa la phyogs kho na yod pa dang |  gzhan la yang 'jug pa la gnyis ste |  dang po ni thun mong ma yin pa dang gnyis pa ni thun mong pa zhes bya'o |  | de la 'di skad ces gang gis thun mong dang thun mong ma yin par 'gyur ba rtsod gzhi las gzhan dang gzhan ma yin pa zhes bya ba rdzas sam ldog pa la brjod |  dang po ltar 
na rtag pa ni dngos po myed te rim dang cig char don byed pas stong pa'i phyir zhes pa'ang thun mong ma yin par 'gyur te rtags rtsod gzhi las rdzas gzhan la 'jug pa myed pa'i phyir mnyan bya bzhin no |  | gnyis pa ltar sgra mi rtag ste mnyan bya'i phyir ces pa'ang thun mong par 'gyur te rtsod gzhi sgra'i ldog pa las gzhan la 'jug pa'i 
phyir gnod pa can bzhin no zhes rtog na |  rtsod gzhi las rdzas gzhan dgos pa nyid dam ldog pa gzhan la 'jug pas chog ces mtha' gcig du mi sgra la |  gzhir bkod pa las rdzas gzhan la 'jug pas kyang ma yin te skyes bu 'di ni lha las 'phos pa yin te mig dang ldan pa'i phyir zhes bya ba rtsod gzhir bkod pa las 
rdzas gzhan la 'jug kyang thun mong ma yin par 'gyur ba'i phyir ro |  | 'on kyang rtsod gzhi yin pa las gzhan te |  rdzas sam ldog pa yang rung gzhi gang la ji skad bshad pa'i rtsod gzhi 'i mtshan nyid myed pa'o |  | de lta yin dang sgra dang rdzas cig pa'i byas yod dang rtag pa dang rdzas cig pa'i dngos myed dag la rtsod gzhi'i 
mtshan nyid yod pa dang myed pas mtha' gnyis kyi skyon las grol ba yin no |  | de la rtsod gzhi 'i mtshan nyid myed pa ni grub pa dang bsal pa yin pas mthun pa dang mi mthun pa'i dpe' gnyis su 'gyur la |  dpe' dang rtsod gzhir yang sgo du ma nas 'gyur ba las 'ga' zhig ngo bo tha dad pa'i sgo nas ste |  tshang bang dang 
bum pa la me dang mi rtag pa grub pas dper gyur la yang la dang sgra la grub bsal myed pas rtsod gzhir gyur pa lta bu'o |  | ngo bo gcig nyid la yang mngon gyur dang lkog gyur gyi sgo nas ste |  kar zal gyi gong bu'i steng du nog dang lkog shal la don byed pas khyab pa mthong nas rtag pa la khyab byed mi dmyigs pas 
bkag pas gzhi mtshan gnyis mi rtag par grub kyang rmongs pa la mtshon bya ba lang gi tha snyad nyid lkog du gyur pa'i tshe grub bsal myed pas rtsod gzhir gyur pa bzhin te |  de ni dang po ba lang gi tha snyad nyid sgrubs te grub pa dang 'di yang mi rtag ste nog dang lkog shal ldan pa'i phyir kar zal bzhin no zhes dpag par bya ba 
yin no |  | 'di ni mi rung ste sngar mtshan gzhi mi rtag par grub na chos can mtshan gzhi 'i ngo bor grub pa nyid na mi rtag pa'i ngo bor grub pas phyis dpag du myed do zhe na |  | kar zal mi rtag par dran bzhin pa'i ngo bor ba lang sgrub na de ltar 'gyur yang de'i tshe de mi rtag par blo ma phyogs srid pas kar zal gyi ngo bor 


grub pa tsam gyis mi rtag par mi 'grub pa'i phyir ro |  | de bzhin du mi rtag pa ni 'dus byas kyi tha snyad du rung ste rgyus bskyed pa'i phyir yod pa bzhin no zhes bya ba yang rung ste khyab pa nges pas rtsod gzhi' mi 'grub pa'i phyir ro |  | de dag bzlog pa yang dpe' dang rtsod gzhir rung ste dpes rtsod gzhi' la ma khyab par dogs pa'i phyir ro |  | 
lkog gyur nyid la yang rags pa dang phra ba'i sgo nas ste dper na sgra'i sgyu ma lta bu yang 'dus byas kyi tha snyad du rung ste rgyus bskyed pa'i phyir mi rtag pa bzhin no zhes pa bzhin no |  | mngon gyur nyid la yang spyi dang bye brag gi sgo nas rung ste dpes rtsod gzhi' la ma khyab pa'i phyir dper na dngos myed kyi khyad bya rang rig nyid kyis stong pa grub kyang 
shes bya'i spyi mi stong par dogs pa na shes bya'i spyi yang stong pas khyab te yang dag par cig dang du ma dang bral bas khyab pa'i phyir dngos myed kyi shes bya bzhin zhes brjod pa lta bu'o |  | gal te de lta na sgra dang rnga sgra dag kyang mnyan byas mi rtag pa sgrub pa la spyi dang bye brag gis dpe' dang rtsod gzhir rung ngo zhe na |  de rgyu mtshan gang las | 
'dir shes bya dang dngos myed kyi shes bya ni gcig dang du bral gyis stong nyid sgrub na dpe' dang rtsod gzhir rung pa yin te rtags dang bsgrub bya gnyis ka dpe' la mngon du gyur zhing rtsod gzhi' la lkog du gyur pa'i phyir ro |  | der yang de skad brjod na gtan tshigs ma grub ste sgrub bya mi rtag pa gnyi ga la lkog du gyur zhing rtags mnyan bya 
gnyi ga la mngon du gyur pa'i phyir ro |  | 'dir de skad brjod par ni mi nus ste stong nyid dpe' la lkog gyur yin na dngos med 'dzin pa'i rang rig gis dngos po'i spyi khegs kyang bye brag mi khegs par 'gyur la |  rtags rtsod gzhi' la lkog gyur yin na sgra 'dzin pa'i mngon sum gyis mnyan bya ma yin pa'i dogs pa mi 
chod par thal ba'i phyir ro |  | des na rtags rtsod gzhi la lkog gyur yin pa dang bsgrub byas khyab par bsgrub pa la tshul 'di rung gi gzhan du ma yin pas |  der yang don byed nus pa'i mnyan bya zhes dang |  byas pa'i sgra yin pa'i phyir zhes bkod na rung pa yang yin no |  | spyi dpe' dang bye brag rtsod gzhi yang 
rung ste sngar sgra tsam stong par shes kyang bye brag la blo ma phyogs pa las nam zhig 'bum grag pa na sgra 'di yang stong pa nyid te yod med skye ba dang bral ba'i phyir sngon gyi sgra nyid bzhin no zhes pa lta bu'o |  | 'di la mnyan bya 'ang rtags su rung ste snga ma dang mi mtshungs so |  | yang ldog pa la rten pa'i chos bsgrub pa na khyab 
mnyam pa la yang ldog pa tha dad pa'i sgo nas kyang ste |  dper na sgra'i yod pa ni sgra la phyogs chos kyi tha snyad du rung ste rtsod gzhi'i la rtags grub pa yin pa'i phyir sgra la mnyan bya bzhin dang de lta ma yin na der mi 'gyur te |  sgra la sgra nyid bzhin no zhes brjod pa lta bu ste |  ngo bo gcig du grub kyang ldog pa'i 


| chos grub pa dang ma grub par mi 'gal ba'i phyir ro |  | de ltar na sgo lngas dpe' dang rtsod gzhir 'gyur bar shes par bya ba las rtsod gzhi kho na la yod pa' ni sgra mi rtag te mnyan bya yin pa'i phyir ro zhes pa lta bu'o |  | rtsod gzhi las gzhan la'ang 'jug pa'i thun mong ba gsum las mthun phyogs 
mi mthun phyogs gnyis ka la 'jug pa ni sgra mi rtag ste gzhal bya'i phyir zhes pa lta bu'o |  | mthun phyogs nyid la yod pa ni sgra mi rtag ste gzhal byas pa'i phyir zhes pa lta bu'o |  | mthun phyogs nyid la yod pa ni sgra mi rtag ste byas pa'i phyir zhes pa lta bu'o |  | mi mthun phyogs nyid la yod pa ni sgra rtag ste byas 
pa'i phyir zhes bya ba lta bu'o |  | de ltar na rtags su bkod pa la phyogs chos ma grub pa bzhi dang grub pa bzhi ste rnam pa brgyad nyid do |  | de dag nyid la blos ji ltar mthong pa'i sgo nas dbye na mang du 'gyur ste |  'di ltar phyogs chos ma grub pa bzhi la tshangs pa'i sgra chos can dang |  mi bsgrub pa la tshang bang chos can dang : 
rig byed kyi sgra mi rtag ste sha zas byas pa'i phyir ces dang |  rgyus byas pa'i phyir ces pa blo'i skyon gyis ma grub pa bzhi ste brgyad do |  | phyogs chos grub pa la mu bzhir 'gyur te mthun phyogs dang mi mthun phyogs gnyi ka la ma mthong pa dang |  gniy ga la cang mthong pa dang |  mthun phyogs nyid la mthong pa dang | 
mi mthun phyogs nyid la mthong pa'o |  | dang po la ma mthong pa'i lugs bzhi ste |  rtags mthun phyogs mi mthun phyogs gnyis char la myed nas gnyis ka la ma mthong pa dang |  yod kyang gnyis ka la ma mthong pa dang |  mthun phyogs la yod kyang ma mthong pa dang |  mi mthun phyogs la yod kyang ma mthong 
pa'o |  | mu gnyis pa la'ang bzhi ste |  rtags phyogs gnyis ka la khyab par mthong pa dang |  mthun phyogs la khyab par mthong pa dang |  mi mthun phyogs la khyab par mthong pa dang |  gnyis ka'i phyogs re la mthong pa'o |  | mu gsum pa la mi mthun phyogs la ma mthong pa'i khyad par bzhi ste : 
rtags mi mthun phyogs la yod kyang ma mthong pa dang |  myed kyang mi 'gal ba dang |  'gal yang ma nges pa dang |  'gal bar yang nges pa'o |  | mu bzhi pa la mthun phyogs la ma mthong pa'i khyad par bzhi ste |  rtags mthun phyogs la yod kyang ma mthong pa dang |  myed kyang mi 'gal ba dang | 
'gal yang ma nges pa dang |  'gal bar yang nges pa ste |  de ltar na rtags su bkod tshad la phyogs su ma grub pa brgyad dang grub pa bzhi phrag bzhi ste nyi shu tsa bzhi 'o |  | de dag kyang bsdu na brgyad ma grub pa dang bcu bzhi ma nges pa dang gcig 'gal ba dang gcig yang dag ste rigs bzhir 'dus la |  bzhi pa de dag 


gi mtshan nyid kyang blo'i dbang gis gzhag na re shig ma 'grub pa'i mtshan nyid ni rtags su dgod par bya ba rtsod gzhi la ma grub pa ste | rigs gzhan gsum po cig par bcad pa yin no | | ma nges pa'i spyi'i mtshan nyid ni phyogs chos grub cing rtags mthun phyogs mi mthun phyogs gnyis ka la ldog pa ma grub pa ste |
spyi 'i rigs gzhan gsum tshig gi cha gsum gyis bcad pa yin no | | gsal ba bcu bzhi po yang bzhi thun mong ma yin pa dang | bzhi dngos su 'khrul pa dang | gsum yang dag gi lhag ldan dang | gsum 'gal ba'i lhag ldan te rigs bzhir 'dus pa las || thun mong ma yin pa ma nges pa ni rtags
mthun phyogs mi mthun phyogs la ma mthong yang gnyis ka las ldog pa ma grub pa ste | tshig gi zung drug gis spyi dang bye brag gi rigs mi mthun gsum gsum bcad par blta' bar bya'o | | dngos kyi ma nges pa ni phyogs chos grub cing rtags mthun phyogs mi mthun phyogs gnyi ka la mthong pas gnyis
ga las ldog pa ma grub pa ste snga ma bzhin du gcod par blta'o | | yang dag gi lhag ldan ma nges pa ni phyogs chos grub cing rtags mthun phyogs la mthong mi mthun phyogs la ma mthong yang gnyis ka las ldog pa ma grub pa ste | 'dis kyang rnam par gcod tshul snga ma bzhin las | mi mthun
phyogs la ldog pa nges na yang 'gal ba nyid du 'gro ba la the tsom lus pas 'gal ba'i lhag ldan ces bya'o | | 'gal ba ni phyogs chos grub cing rtags mthun pa'i phyogs la ldog pa grub pa ste | tshig gi zur gsum gyis spyi 'i rigs gzhan gsum gcod par blta'o | | yang dag ni phyogs chos grub
cing rtags mi mthun phyogs la ldog pa grub pa ste | 'dir yang tshig gsum gyis spyi rigs gzhan gsum gcod par blta'o | | gal te mtshan nyid 'di dag mtshan gzhi rdzas cig la tshang par rtsi na rdzas tha dad pa'i ltos gzhi gsum la 'jug pas rtags thun mong pa gsum po la myed la | ldog pa
gcig la rtsi na mnyan bya tsam la'ang phyogs chos khyab pa res 'jog du tshang pas yang dag du 'gyur ro zhe na | gzhi ldog pa cig la dus cig du tshang par rtsi bas skyon gang yang myed do | | nges pa bsam pa la yang mtshan nyid grangs nges pa dang | mtshan gzhi 'i nus pa nges pa dang | mtshon bya'i rten nges
pa gsum las | dang po ni re shig rtags su bkod pa bzhi nyid nges pa ni mtha' gzhan 'gog pa'i rigs pas ste | 'di ltar gzhi' 'ga' zhig la chos 'ga' zhig bsgrub pa'i rtags su bkod pa la rtags te rtsod gzhi 'i chos su ma grub pa dang | grub pa la yang phyogs gnyi ga las ldog pa ma


| srid pas gnyi ga las ldog pa ma grub pa dang |  mthun phyogs las ldog pa grub pa dang |  mi mthun phyogs las ldog pa grub pa rnams rim pa bzhin du so so'i mtshan nyid yin pas sam |  yang na phyogs chos ma grub pa dang |  grub pa la phyogs gnyis kas khyab pa mi srid pas gnyi gas khyab pa ma 
grub pa dang |  mi mthun phyogs kyis khyab pa dang |  mthun phyogs kyis khyab pa rnams rtags bzhir nges pa'i phyir ro |  | 'di dag gi mtshan gzhi 'i nus pa yang rim pa bzhin du phyogs la rtogs pa ci yang mi skyed ba dang |  bsgrub par bya ba'i don la the tsom skyed pa dang |  mi 'dod pa'i nges pa skyed pa dang |  'dod pa'i nges pa 
nyid skyed par byed pa'o |  | gal te phyogs la rtags ma grub par rigs na mi 'god cing ma shes ste yod par nges na yang de las spyod pa 'ga' zhig mi skye ba 'gal lo zhe na |  shes kyang bkod na zhes pa 'am |  log par nges pa la 'ga' zhig skyes kyang te rtags rgyu mtshan du gyur pa ma yin pa'i phyir ro |  | yang 
phyogs chos dang bzlog pas khyab pa ma nges na 'gal ba'i don mi nus la nges na 'gal ba dpog 'dod mi srid do zhe na |  nges kyang de ltar 'dod na zhes pa 'am |  rtags 'di 'i nus pa phyogs gnyis la ltos nas 'di ltar gnas so zhes ston pas sam rgol bas bkod pa dang phyir rgol gyi rtogs pa gnyis la ltos pas 'gal 
ba myed do  || mtshon bya'i nges pa bsam pa la re shig rtags rtags de dag rang rang gi bya ba byed pa mtshan nyid yod pas sam nges pa la ltos zhe na | phyi ma gnyis ni go byed pa yin pas mtshan nyid nges pa la ltos la snga ma gnyis ni go byed ma yin pas nges pa la mi ltos so zhes bya ba ni slob dpon gyi gzhung dang 'thad pas 
gsal lo |  | 'on kyang bzhi po 'di dag gi tha snyad mtshan nyid gnas pa la rten tam blos nges pa la rten pa yin ces bya ba'i don 'di spyad par bya'o |  | de yang phyogs cig du smra ba gzhan gyi lugs dgag pa dang |  rnam par phye ste brjod pa rang gi lugs dang |  de la skyon spang ba gsum gyis shes 
par bya ba las |  dang po ni kha cig na re rtags nyid du 'jog pa'i mtshan nyid la blos nges par byas pa mi dgos ste |  mi dgos pa dang |  mi 'thad pa dang |  ha cang thal ba'i phyir ro |  | dang po ni re shig nges pa la rnam par gcad bya myed te |  gzhi dang chos kyis khyad par du byas pa'i rtags lta bu phyogs chos khyab
pa nges su mi rung pa ni mtshan nyid bzhag pa nyid kyis de blos nges su rung pa don gyis thob pas bcad la |  sgra mi rtag par sgrub pa la byas pa lta bu rung yang da lta ma nges pa ni sbyang gi nas la sa bon gyi tha snyad ltar rtags nyid yin pa'i phyir ro |  | mi 'thad pa ni nges par byas pa de du ba lasogs pa don gyi chos su mi srid 


pa'i phyir te |  nges byed blo la ltos pa'i phyir ro |  | gal te nges pa don gyi chos yin na skyes bu'i nges byed kyi blo la ltos nas don la skye bas rgyu 'bras log par thal ba dang |  rtsol bas bzhag pa'i sngon po ltar skyes bu cig la rtags su nges pa ltar thams cad la ltos nas kyang nges par thal ba dang |  rtags 'dzin gyis nges par ma 
byas pa'i sngar rtags nyid ma yin na rtags las rtags 'dzin skye bar gsungs pa 'gal ba dang |  gcig dang du bral lasogs pa skyes bus nges pa dang ma nges pa'i rjes su rtags yin min gyi gnas skabs dor len byed pas mi rtag par 'gyur ro |  | gzhan yang rtags ma nges par bsgrub bya mi 'grub pas rtags kyi mtshan nyid nges pa dgos 
na mtshan nyid ma grub par yang mtshon bya blo ngor mi mtshon pas mtshan nyid kyi mtshan nyid kyang blos nges par 'dogs par 'gyur la |  nges na mtshon nus pa ma nges na yang yod pas mtshan nyid yna na rtags la' de ltar ci 'i phyir mi 'gyur |  des na rang gi phyogs chos dang khyab pa dngos po la gnas pas rtags dang 'gal ba 
yin gyi blos nges pa ni mi dgos po zhes zer ro |  | gzhan dag na re phyogs chos khyab pa blos ma nges pa ni rtags ma yin te dngos po la ma grub pa dang mtshungs pa dang |  bsgrub bya grub pa dang mtshungs pa dang |  ha cang thal bar 'gyur ba'i phyir ro |  | dang po ni gal te byas pa lta bu phyogs chos khyab pa ma nges pa de 
nyid kyang nges na 'am nges pa la bsgrub bya go bar byed pas ma nges pa na'ang rtags yin na |  myig gis gzung bya 'am gzhal bya lta bu phyogs chos khyab pa dngos po kha myed pa de nyid kyang grub na 'am grub pa'i gzhi dang chos la go nus pas rtags yin ces brtag par bya ste |  tshul des grub pa rtags su song pa yin gyi ma 
grub pa rtags su bsgrubs pa myed do zhes bya ba'i lan ni mtshungs pa yin no |  | de bzhin du rang nyid ma skyes pa skyed byed kyi rgyu yin zhes kyang bsgra bar bya'o |  | yang sgrub byed la mtshan nyid grub pa mi dgos na bsgrub bya'i mtshan nyid du ma grub pa mi dgos pa ste gal te ma grub na bsgrub dgos pas so zhes bya ba'i 
brgal lan mtshungs pa'i phyir ro |  | gzhan yang phyogs chos khyab pa blos ma nges kyang rtags yin na ha cang thal te |  tshang bang gi du ba yang me bsgrub pa'i rtags su thal bas bsgrub bya grub pa'i sgrub byed du 'gyur ba dang |  mtshan mo mi mthong zhing du ba ma mthong na 'ang rtags su 'gyur bas bsgrub bya sgrub byed 
phyin ci log du 'gyur ba dang |  byas pa dang mi rtag pa dag phan tshun bsgrub pa la phyogs chos khyab pa rtag du tshang pas bsgrub bya bsgrub byed 'chol par yang 'gyur ba'i phyir ro |  | des na rang gi phyogs chos dang khyab pa blos nges pa kho na go bar byed pa yin no zhes zer ro |  | de lta mod kyi de dag gis rtags kyi 


| sgra'i don ci tsam la bya ba ngos ma bzung pas so so'i sgrub byed sun mi phyin pa dang phan tshun brjod pa'i skyon rnams mi 'ong pas sgra ba mang pas dub kyang don dang gzhung gi cha la nges pa'i rnam gzhag ci yang byas par ma gyur to |  | 'o na 'di 'i rnam gzhag nges pa'i don gang yin ce na |  brjod par bya ste |  'dir rtags 
zhes bya ba'i sgra bsgrub bya go bar byed pa la grags pa de'i don skyes bu 'ga' zhig gis rtags grub na sgrub bya go ba la brjod na mtshan nyid nges pa mi dgos ste ma nges pa na'ang de'i don gnas pa'i phyir thang la 'dug pa na'ang zos na phan pa'i sman nyid yin pa bzhin no |  | rang yod tsam gyis sgrub bya go byed la brjod na nges bzhin pa 
dgos pa nyid te |  ma nges pa dngos su go byed ma yin pa'i phyir rang yod tsam gyis mun pa sel pa'i sgron ma 'od 'gyed bzhin pa nyid la brjod pa bzhin no |  | de lta na lugs 'di la nges pa dgos pa dang mi dgos pa'i phyogs gnyis kas brjod pa'i skyon rnams ji ltar yang par nus zhe na |  don ma mthong par ming gis 
phyogs la dga' ba dag gis skyon gyi khral gcal ba de dag ni rlung gis rdul ma ltar tshegs myed pa nyid du 'di ltar yang ste |  de la re shig rnam gzhag dang po la dngos po la ma grub pa dang mtshungs pa myed te |  'dir phyogs chos khyab pa tshang pa'i byas pa ni sgra mi rtag pa la rtags yin te gzhi dang chos la ltos 
nas yod pa'i yon tan nges pas bsgrub bya 'grub pa'i phyir ro |  | der gzhi dang chos la ltos pa'i yon tan nges pas 'grub na phyogs chos khyab pa myed par 'grub par 'gyur la |  'dir yod pa nges pas 'grub par 'gyur ba 'dod pas ji ltar mtshungs |  | yang bsgrub bya'i don ma grub na bsgrub dgos pa la 
brjod na de ltar 'gyur yang slob dpon gyis dam bcas tsam nyid na bsgrub dgos bzhin pa la brda' byas pas de grub pa la myed la |  'dir rtags ni yin pa tsam gyis bsgrub nus bzhin pa la ma byas pas bsgre pa'i gnas ga la yod |  me mthong pa la grub pa dang ma grub pa'i du ba rtags su thal ba ni dmun brul 
gyi tshig yin te |  nog dang lkog shal blos ma nges kyang ba lang yin na ka ba dang bum pa 'ang ba lang du thal bar brjod na lan ci yod |  mtshan nyid ma nges kyang yod dgos pa las de dag la de myed pas der ga la 'gyur ce na |  'dir yang ste sgrub bya grub pa la phyogs chos tshang pa nyid myed do |  | yang 
gnyis ka phan tshun go bya go byed du gnas pa nyid la nyes pa ci yod |  phan tshun rten par ni mi 'gyur te blo ngor gang mngon du nges pa go byed du 'gyur ba'i phyir dpe' bzhin no |  | rnam gzhag gnyis pa la brjod pa'i skyon yang pa yang re shig nges pa mi dgos pa ma yin te |  'dir da lta ma nges na sbyang 


gi sa bon lta bu la ji skad brjod pa'i rtags kyi don myed pa'i phyir ro |  | mi 'thad pa 'ang myed te |  gzhan la ltos pa gzhan gyi chos su 'gal na don la ltos pa'i tshad rtogs pa'i tshad ma'i mtshan nyid du ji ltar gzhag |  ha cang thal bar yang mi 'gyur te gzungs dang 'dzin pa dag dang por rgyu tshogs pa cig las dus cig du 
skyes nas phyis ro gzugs ltar phan tshun khyad par skyed pa'i rgyu nyid yin te |  de lta ma yin na gzhal bya mngon sum pa don chos ma yin nam blo la mi ltos zhes brtags na mi 'thad pa'i phyir ro |  | ltos pa'i don chos yin yang ltos pa nges pas rtsol byung dang gzhal bya mngon sum pa lasogs pa ltar kun gyis 
nges par mi 'gyur zhing |  rtags su dgod par bya ba'i ngo bo du ba dang byas pa las rtags 'dzin skye bar gsungs pa yin gyi mtshan nyid mtshon bya las skyes pa mi dgos pas skyon myed la |  gtan tshigs yin min res 'ga' bas mi rtag par 'gyur na nges mi dgos pa ltar na yang gzhi sgra don la rten pa'i dgag rtags thams cad 
mi rtag par 'gyur ba ji ltar yang ste phyogs chos res 'ga' ba nyid kyi phyir ro |  | des na dngos po'i skye 'jig myed par chos res 'ga' ba tsam mi rtag pa'i don ma yin no |  | mtshan nyid dang sgre ba yang ci mtshan nyid ces bya ba tha snyad blo'i yul du mtshon pa 'am |  de'i tha snyad du rnam par gnas pa'i rgyu la brjod |  dang po ltar 
na de rtags nyid yin pas mi 'dod pa myed la |  gnyis pa ltar na blos ma nges pa'i chos rnams la gnas pa'i rgyu myed pas mi gnas par 'gyur ro |  | 'dir rtags blos ma nges pa'i bsgrub bya rnams la go byed kyi rgyu myed pas mi go bar thal ba ni 'dod pa kho na'o |  | de ltar phyogs gnyis ka la kha na ma tho ba myed mod 
kyi slob dpon gyi bzhed pa ni rnam gzhag dang po yin te |  rtags ni sgro ma bzhin du rang yod tsam gyis bsgrub bya go byed ma yin gyi ces dang |  khyab pa dang chos can la yod pa ma nges na de'i rang bzhin gyi go byed nyid du mi 'gyur ro ces dang |  nges pa'i gtan tshigs la'ang spobs pas mtshan nyid ma nges na the tsom 
du 'gyur ro zhes pa'i gzhung dag las rtags kyi bya ba byed pa nges pa nyid la ltos kyang rtags nyid kyi tha snyad phyogs chos khyab pa ngos rung du tshang ba la gnas par gsal ba'i phyir ro |  | the tsom za ba dang de brjod pa rtags dang sgrub pa ltar snang du gsungs pa ni skyes bu de'i ngor rtags gyi bya ba byed mi nus pas der snang bar bsnyad pa yin te | 
mkha' la nyi ma myed pa mtshan mo 'o zhes brjod pa bzhin no |  | rtags su bkod pa yi'i rnam dbye bshad zin to ||    || yang dag pa'i rtags bye brag du nges par bya ba la de dag gi nang nas yang dag pa'i rtags ni slob dpon gyis mtshan nyid tshul gsum pa'o zhes gsungs pa'o |  | de nges par bya ba 


| la gsum ste |  tshul gsum nyid ngos gzung pa dang |  de mtshan nyid du 'gyur ba'i tshul dang |  mtshan nyid de gang la gnas pa'i mtshan gzhi bsam pa'o |  | dang po yang sgra'i byed pa dang |  don gyi ngo bo dang |  rang ldog ngos gzung pa gsum las |  dang po ni ming gi sgo nas don ngos gzung pa re shig phyogs chos 
kyi brjod pa ni rtags rjes su dpag bya la yod pa nyid du nges pa zhes pa ste 'dis phyogs chos skyon can mtha' dag bcad pas kha na ma tho ba myed pa 'dzin to |  | de 'ang 'di ltar sngar brjod pa'i phyogs chos ma grub pa de dag mdor bsdu' na phyogs dang rtags bdag nyid thams cad dang phyogs cig gis ma 'brel pa'i don skyon gnyis dang |  bdag 
nyid thams cad dang phyogs cig gis ma 'brel par dogs pa'i blo skyon gnyis te rnam pa bzhir 'dus ste |  dper na mi rnams la rgan gzhon lasogs pa'i dbye' ba mtha' yas kyang ston mo byed pa'i tshe rigs bzhir bsdus nas 'gyed pa bzhin no |  | de dag kyang rim pa bzhen rtags rjes su dpag bya la yod pa dang yod pa nyid 
dang yod par nges pa dang yod pa nyid du nges ces pa'i tshig bzhis bcad pa bzhin no |  | brjod pa'i tshul de las gzhan du rtags rjes su dpag bya nyid yod ces gzhi ldan rnam gcad du sbyar na nyes pa gnyis ste |  gzhi gzhan la 'jug pa bcad pas rtags thun mong pa rnams la phyogs chos bkag pa dang |  mi 'jug 
pa bsgrubs pas thun mong ma yin pa phyogs cig la myed pa skyon myed du bstan par 'gyur ba'o  || rtags nyid rjes su dpag bya la yod ces chos gzhan ldan rnam gcad du sbyar na nyes pa gnyis ste | chos gzhan dang ldan pa bkag pas chos gzhan dang lhan cig ldan pa'i rtags gsum la phyogs chos bkag
pa dang |  chos cig ldan bsgrubs pas mi srid pa dgos par 'gyur ba'o |  | dkyus ma bzhin du rtags rjes su dpag la yod pa nyid ces gzhi la mi ldan rnam gcod du brjod na yon tan gnyis ste |  gzhi rang la khyab pa bsgrubs pas sngar gyi mi srid pa dang ma khyab pa bcad pa dang |  chos gzhan dang gzhi 
gzhi gzhan la 'jug pa ma bkag pas rtags thun mong pa gsum la phyogs chos bsgrubs pa'o |  | rjes 'gro 'i brjod pa rtags mthun phyogs nyid la yod par nges ces pas kyang rjes 'gro'i bzlog phyogs bcad pas skyon myed pa bzung ste |  'di ltar sngar brjod pa'i khyab pa ma grub pa de dag mdor bsdu na 
rtags mthun phyogs la ye myed pa dang mi mthun phyogs la'ang yod pa'i don skyon gnyis dang |  mthun phyogs la myed pa dang mi mthun phyogs la yod par dogs pa'i blo skyon gnyis te rjes 'gro skyon can rnams pa bzhir 'dus la |  de dag kyang rim pa bzhin mthun phyogs la yod pa dang nyid la yod 


pa dang yod par nges pa dang nyid la yod par nges ces pa'i tshig bzhis bcad pa'i phyir ro |  | 'dir yang brjod pa'i tshul de las gzhan du rtags mthun phyogs la yod pa nyid ces gzhi' mi ldan gnam gcod du sbyar na nyes pa gnyis ste |  gzhi rang la khyab pa bsgrubs pas mthun pa'i phyogs cig la ma khyab pa'i 
yang dag la rjes 'gro bkag pa dang |  gzhan la 'jug pa ma bkag pas mthun phyogs la khyab pa'i ma nges pa la rjes 'gro bsgrubs par 'gyur ba'o |  | rtags nyid mthun phyogs la yod ces gzhan ldan rnam gcod du sbyar na nyes pa gnyis ste |  chos cig ldan rjes 'gror bsgrubs pas mi srid pa bsgrubs 
pa dang |  chos gzhan dang ldan pa bkag pas chos gzhan dang lhan cig ldan pa'i rtags gsum la rjes 'gro bkag par 'gyur ba'o |  | dkyus ma bzhin rtags mthun phyogs nyid la yod ces gzhi gzhan ldan rnam gcod du brjod na yon tan gnyis ste |  mi srid pa dang gzhi gzhan la 'jug pa bcad pas 
dngos kyi ma nges pa la rjes 'gro bkag pa dang |  mi 'jug pa bsgrubs pas mthun pa'i phyogs cig la ma khyab pa'i yang dag la rjes 'gro bsgrubs pa'o |  | ldog pa'i brjod pa rtags mi mthun phyogs la myed pa nyid du nges pa zhes pas kyang rigs gzhan bcad nas ldog pa yang dag pa 'dzin te |  'dir yang 
sngar brjod pa'i khyab pa ma grub pa de dag la yang mdor bsdu na mi mthun phyogs la khyab par yod pa dang phyogs cig la yod pa'i don skyon gnyis dang |  khyab pa dang phyogs cig la yod par dogs pa'i blo skyon gnyis ste |  ldog pa skyon can rnam pa bzhir 'du la |  de dag kyang rim pa bzhin mi 
mthun phyogs la yod pa dang myed pa nyid dang myed par nges pa dang myed pa nyid du nges pa'i tshig bzhis bcad pa yin no |  | rjod pa'i tshul 'di las gzhan du rtags mi mthun phyogs nyid la med ces gzhi gzhan ldog rnam gcod du sbyar na skyon gnyis ste |  rang la khyab par mi ldog pa ma bkag pas phyogs 
cig la mi ldog pa'i dngos kyi ma nges pa la ldog pa bsgrubs pa dang |  gzhan las ldog pa bkag pas mthun pa'i phyogs cig la dog pa'i yang dag la rjes 'gro bkag par 'gyur pa'o |  | rtags kho na mi mthun phyogs la myed ces chos gzhan ldog rnam gcod du sbyar na nyes pa gnyis ste |  chos 
gzhan dang lhan cig ldog pa bcad pas yang dag pa'i rtags la rjes 'gro bkag pa dang |  chos cig nyid ldog par bsgrubs pas mi srid pa bsgrub par 'gyur ba'o |  | dkyus ma bzhin du rtags mi mthun phyogs la myed pa nyid ces gzhi' la mi ldog rnam gcod du sbyar na yon tan gnyis ste |  mi mthun  


| phyogs la khyab par ldog pa bsgrubs pas khyab mi srid pa dang phyogs cig la mi ldog pa'i skyon can bkag pa dang |  gzhan dang gzhan la ldog pa ma bkag pas mthun pa'i phyogs cig la ldog pa'i yang dag la ldog pa bsgrubs pa'o |  | de ltar na tshul gsum char la yang bsal bya dang sel 
byed dang sgra'i skyon yon bsam pa gsum gsum gyis shes bya'o |  | sgra de dag gis brjod pa'i don gyi ngo bo la phyogs chos kyi mtshan nyid ni rtsod gzhi yin pa la rtags su dgod par bya ba ltar gnas pa ste |  tha dad yod pa 'am ngo bo yin pa 'am rang ldog la rten par ro |  | rjes 'gro'i mtshan nyid ni rtags rtsod gzhi 
la dgod par bya ba ltar mthun phyogs nyid la 'jug pa'o |  | gal te nyid la ces pas gzhan la yod pa 'gog pa ma yin nam |  mthun phyogs las ldog pa gzhan la yod pa 'gog na rtags nam yang mi srid par 'gyur la |  rdzas gzhan la yod pa 'gog pa yin na rtog pa ni gzung yul mngon sum 
yin te |  don spyi 'dzin pa'i phyir zhes bya ba la'ang rjes 'gro yod par gyur ro zhe na |  gnyis ka ma yin gyi ldog pa mthun phyogs ma yin pa ste gang la mthun phyogs kyi mtshan nyid med pa la'o |  | ldog pa'i tshul ni rtags rtsod gzhi la dgod par bya ba ltar mi mthun phyogs la 'jug mi srid pa'o : 
'jug pa tsam gyis ni ldog pa 'khrul par mi 'gyur te dper na byas pa ni sgra mi rtag pa'i rtags yin te de la tshul gsum tshang pa'i phyir ro zhes bya ba'i rtags shes bya la 'jug pa bzhin no |  | tshul gsum po de dag gi rang ldog ngos gzung pa yang tshul dang po gnyis ni sgrub chos yin te phyogs dang mthun phyogs 
dang rtags dang yod ldog rnams rnam pa dang rang dbang du shar bas nges su rung pa'i phyir ro |  | tha ma ni med dgag yin te rtags mi 'jug pa ni 'jug pa'i bsgrub chos dor ba yin pa'i phyir ro |  | de dag mtshan nyid du ji ltar 'gyur ba'i tshul yang mtha' gzhan dgag pa dang |  'thad pa'i don gzhag pa dang | 
de la nyes pa spang pas shes par bya bya ste |  dang po ni 'o na tshul gsum po 'di dag las gang yang rung pa 'am de dag gzhan dang tshogs pa 'am 'di dag nyid mtshan nyid yin zhe na |  kha cig na re go bar bya ba las gzhan du mi 'thad pa'i tshul gcig nyid kyis chog go zhes zer ba ni |  go bar bya'i gzhi' 
dang chos dang tshogs pa las gzhan du mi 'thad par brtags pas mi 'thad par bla'o |  | yang kha cig na re 'di dag gi steng du bsgrub bya la stobs che ba'i gnod pa gcod pa gnod pa myed pa'i yul can dang |  stobs mnyam pa'i 'gal zla gcod par brjod par 'dod pa'i grangs gcig pa dang |  de dag blos 


ma nges pa gcod pas shes pa nyid ces pa dang tshul drug tshang pa mtshan nyid yin no zhe'o |  | 'di'i tshul phyi ma gsum mtshan nyid du mi 'thad pa las re shig bsgrub bya la gnod pa sngos su zhugs pa ni phyogs chos kyis bcad pas de myed pa'i yul can dang 'gal la |  dogs pa myed na bsgrub bya grub par 'gyur bas de med pa 
'i yul can phyogs chos dang 'tshog par 'gal lo |  | grangs cig pa can yang tshul gsum gyi don snga ma ltar yin pa na phyogs chos dang khyab pa nyid kyis bcad pa yin te |  phyogs chos grub pa'i gzhi' la bsgrub bya med na mi 'khrul pa myed na yod na de dang 'gal ba mi srid pa'i phyir dang 'gal zla dogs pa med 
par ni nges par yang mi nus so |  | shes pa nyid kyang sngar spyad zin to |  | 'o na rtags kyi rigs mi mthun ma grub pa dang 'gal ba dang ma nges pa gsum rim par gcod pas tshul gsum char mtshan nyid yin nam zhe na |  'di yang dpyad par bya ste |  re shig gsum du 'grang pa'i rjes su 'gro ldog gnyis ji 
skad brjod pa lta bu yin na khyab pa'i tshul gnyis mi dgos la |  phyogs gnyis la mthong pa dang ma mthong pa tsam yin na gsum ka yang lhag ldan la zhugs par 'gyur ba'i phyir ro |  | tshul de la rtsod pa spang pa yang gal te ldog pa khyad par can der yang rjes 'gro 'dus pa |  phyogs chos dang rjes su 
'gro ldog gang yang rung ba 'ang ma yin te |  mtshan nyid rnam grangs pa mi 'thad pa'i phyir ro |  | rjes 'gro khyad par can du ldog pa 'dus shing tsam po 'khrul pa'i phyir ro |  | de ltar mtha' de dag mi 'thad pas 'thad pa'i mtshan nyid ni de skad bshad pa'i phyogs chos dang ldog pa    pa ste rigs mi 
mthun mtha' dag bcad pa'i phyir ro |  | tshul de la rtsod pa spang pa yang gal te ldog pa khyad par can der yang rjes 'gro 'dus pa ma yin nam zhe na |  des de 'phen kyang 'dus pa ni ma yin te mtshan nyid dang sgra'i brjod bya la myed pa'i phyir ro |  | 'di kho na la yod ces pa'i rjes 'gro'i brjod pa ni 
gzhan ldan rnam gcod yin pas mi mtshungs so  || gal te rjes 'gro khyad par can du ldog pa 'dus shing tsam po 'khrul na rjes 'gros ldog pa 'phen pa nyid mi 'thad do zhe na | khyad par can nyid ldog pa grub pa la mi 'khrul pa 'am dgag bya grub na bzlog khyab 'phen pa la dgongs pas mi 
'gal lo |  | slob dpon gyis tshul gsum gsungs pa dang 'gal ba yang ma yin te |  gzhan dag rjes 'gro dang ldog pa cig du nges pa rtags su 'dod pa'i log rtogs bzlog pa dang chos mthun mi mthun gyi sbyor ba bstan pa'i don yin pa'i don yin pa'i phyir ro |  | mtshan nyid gang la gnas 


| pa'i gzhi bsam pa ni 'o na mtshan nyid de dang ldan pas rtags su 'gyur ba de gang zhig ste |  dpe' dang rtsod gzhi dang gnyi ga'i phyogs pa dag la phyogs chos dang rjes 'gro dang gnyi ga mi 'thad pa'i phyir ro zhe na |  'di yang mtha' gzhan dgag pa dang |  'thad pa'i mtshan gzhi yongs su gzung pa dang | 
de la nyes pa spang pa gsum gyis nges par bya ba las |  dang po ni re shig tshogs pa'i spyi dang dpe' la yod pa'i khyad par rtags su 'dod pa nyid myed do |  | lhag ma kha cig rtsod gzhi' la yod pa'i khyad par rtags su rtog pas de dpyad par bya'o |  | de yang 'dod pa rjes su brjod pa dang |  de rnam par dpyad pa dang |  bkag pa 
la nyes pa spang pas nges par bya ba las |  dang po ni slob dpon kha cig rtsod gzhi 'i khyad par can rtags su ji ltar 'thad pa'i tshul skyon spang pa dang bcas pa 'chad te |  'di ltar la me dang ldan te la'i du ba yod pa'i phyir ces pa dang |  sgra mi rtag ste mnyan bya 'am sgra'i yod pa'i phyir ro zhes pa'i rtags 'di'i 
dag tshang bang dang bum pa lasogs pa'i dpe' la rjes su 'gro ba myed na bsgrub bya ma grub par khyab pa ci ltar 'grub ce na |  rtags rang ldog nas dpe' la mi 'jug kyang khyab pa ni rjes su 'gro ba'i phyir khyab byed nges pas 'grub pa dang |  gzhi la bkag pa'i zlog khyab nges pas 'grub pa dang |  de dag gis mi 
grub na nyes par 'gyur ba'i phyir te |  'di ltar dpe' la 'jug pa'i tshad mas yul dus rnam pas khyad par du ma byas pa'i du ba dang yod pa tsam gyi spyi la me dang mi rtag pas khyab pa grub pa na spyi des zin pa'i bye brag la ma khyab pa'i dogs pa chod pas yul dang rnam pa'i bye brag la'i du ba dang sgra'i yod pa la'ang 
khyab pa 'phen pa nyid do |  | de la gal te dpe' la 'jug pa'i tshad mas spyi khyab grub kyang khyab par bya'i bye brag nyid ma mthong pas de la khyab pa 'phen mi nus so snyam na cig dang du bral gyi bzlog khyab dang mtshungs ste |  dngos po tsam la cig dang du ma tsam gyis spyi khyab grub kyang yang dag pa'i dngos po 
nyid grub pa myed pas de la yang dag gi cig dang du mas khyab pa mi 'grub ces dang |  ltos myed kyi rjes 'gro 'i khyab pa dang yang ste |  dpe' rgyu tshogs pa'i steng du spyir gang zhig gang du 'gyur ba gzhan la ltos myed la de'i ngo bor nges pas khyab pa grub kyang khyad par 'jig pa gzhan la ltos med nyid ma grub 
pas de la 'jig par nges pas khyab pa nges pa ces dang |  mi snang pa mi dmyigs pa'i bzlog khyab dang yang ste |  dpe' bum pa'i steng du yod nges kyi tha snyad tsam la dmyigs pas khyab pa grub kyang bye brag sha za yod nges nyid du ma grub pas dmyigs pas khyab pa mi 'grub ces dang |  snang rung mi dmyigs pa'i 


rtags kyi khyad par yang ste |  sa phyogs kyi steng du dmyigs rkyen tshang pa'i yod pa la snang rung gis spyi khyab grub kyang dgag bya bum pa dmyigs rkyen tshang pa'i yod pa nyid du ma grub pas de dmyigs byar gyur pa nyid du mi 'grub ces brtag par bya ste |  de dag la khyad par ma mthong yang mtshan nyid nges pas khyab pa 'phen na 'dir mi mtshungs 
pa myed do |  | rnam pa cig du na rtags kyi ngo bo ma mthong yang dpe' la rten pa'i tshad mas rtags mi mthun phyogs khegs pa'i bzlog khyab nges pas kyang rjes 'gro 'i khyab pa 'phen te byas pa rtag pa la 'gegs pa'i gnod pa can bzhin no |  | de dag gis mi 'grub na nyes par 'gyur ba ni gal te spyi la khyab pa grub kyang 
bye brag la ma khyab par dogs na dngos po tsam la stong pas khyab pa grub kyang rdul dang skyad cig lasogs pa'i dngos po mi stong par rtog pas dbu ma'i lta bas dngos por smra ba mi sel pa dang |  bye brag la ma khyab par dogs kyang spyi khyab 'grub na ldog pa phyogs cig la the tsom za bas rjes 'gro 'i khyab pa la mi gnod par 'gyur ba 
dang |  de dag gi lan du khyab pa ma grub kyang ma khyab pa khegs pas ces ba 'ang mi 'thad te khyab ma khyab dngos 'gal yin pa'i phyir ro |  | phyogs 'di la gzhan gyis bkod pa'i skyon yang myed pa las re shig rtags kyi mtshan nyid   la la yod pa'i du ba yin na mtshan nyid phyogs chos kyang de yin pas gzhi mtshan 
khyad myed par thal zhes pa'i skyon med te |  mtshan nyid phyogs chos cig du ma yin pa'i phyir lkog shal 'dus pa'i gong bu lkog shal 'dus pas ba lang du mtshon pa mtshungs pa dang |  rtags rtsod gzhi la grub pa tsam du ba la la yod pa ma yin pas phyogs chos tsam dang tha dad cing |  rtags 'di nyid kyi phyogs 
chos rtags bkod pa la'i du ba rtsod gzhi la la yod pa dang yang tha dad pas phyogs chos nyid dang yang tha dad pa dang lkog shal 'dus pa dngos po'i mtshan gzhi ltar sbyor ba gzhan du ba tsam gyis me bsgrub pa'i phyogs chos dang khyad myed kyang skyon nyid ma yin pa'i phyir ro |  | rtsod gzhi la yod pa'i rtags la bsgrub byas 
khyab pa nges pa'i dngos sam shugs la bsgrub bya grub par 'gyur ba'ang myed te |  dngos po nges pa'i tshad mas khyab pa grub par khas mi len la |  mtshan nyid nges pa'i tshad mas khyab pa grub kyang de khyab bya rtsod gzhi la yod pa'i rtags mdun du bya ba la mi ltos pa'i phyir ro |  | rtags thun mong pa rgyun chad par 
'gyur ba 'ang myed te rigs kyi spyi yang rtags su 'god pa'i phyir ro |  | rtsod gzhi 'i khyad par can bkod pa'i tshe rang ldog thun mong ma yin par 'gyur ba 'ang skyon myed te khyab pa spyis 'phen pa'i phyir ro |  | des na tshul 'di la kha na ma tho ba myed pas me myed dang rtag pa sgrub pa la 'ang 'gal ba'i rtags 


| nyid do zhes gting tshugs par gsung ngo |  | de la 'di snyam du mo sham gyi bu la sngo bsangs ltar dpe' la 'jug pa'i tshad mas rtags kyi ngo bo nyid ma mthong na de la bsgrub byas khyab pa'i chos ji ltar 'grub ces dpyad par bya ste |  rjes su 'gro ba'i spyi khyab nges pas mi 'grub pa dang |  gzhi la bkag pa'i 
bzlog khyab nges pas mi 'grub pa dang |  de dag gis mi 'grub pa nyid kyi rgyu mtshan yang brjod par bya'o |  | dang po ni re shig don nyid mi 'thad te |  bum pa'i spyi la byas pas khyab pa grub pas shes bya ma yin pa'i bum pa la'ang byas pa 'grub par mtshungs pas der rjes dpag 'jug par 'gyur zhes phyogs chos dang 
brtag pa mtshungs pa dang |  rtag pa la khegs pa'i chos tsam la mi rtag pas khyab pa grub pa na gzhal bya rtag pa la khegs pa la 'ang mi rtag pas khyab pa mtshan nyid nges pas 'grub pas des sgra mi rtag par dpog pa'i rjes dpag 'jug par 'gyur zhes khyab pa dang mtshungs pa dang |  dngos po tsam la rtag pa'i dngos po 
khegs pa dang mi rtag pa'i dngos pos khyab pa dang byas pa dang ma byas pas khyab pa nges pa na rtag pa'i dngos po la la'ang de ltar 'gyur dgos pas 'gal ba 'dus par 'gyur ba'i phyir ro |  | dpe' rnams kyang ma grub pa nyid te |  gcig dang du bral lasogs pa dgag bya mi srid pa rnams kyi bzlog 
'dod pa'i phyir dang |  ltos myed kyi rjes 'gro 'jig pa ltos myed kyi rang ldog nyid la 'jog pas khyab pa dpe' bye brag la ston pa'i phyir dang |  mi snang pa mi dmyigs pa'i sbyor ba sha za'i rnam pa tsam dngos por yod nges mi bya ste dngos por tshad mas ma dmyigs pas zhes 'god pa'i phyir dang |  snang du rtags dang bsgrub bya'i 
khyad par ma yin gyi rtags dang bsgrub bya dag gi dgag bya'i khyad par du 'dod pa'i phyir ro |  | gzhi ma grub pa'i chos 'jal ba mtshan nyid nges pa'i tshad ma zhes bye ba nyid kyang mi 'thad te |  yul la khyab pa'i mtshan nyid dang blo la tshad ma'i mtshan nyid myed pa'i phyir ro |  | dang po ni gal te tshad ma des don dam 
pa'i dngos po la don dam pa'i cig dang du mas khyab pa 'grub na de dag khyab bya khyab byed nyid yin par 'gyur ro |  | de dag shes bya la yod na yin par 'dod pa nyid do zhe na |  dngos po dang rtag pa 'ang khyab bya khyab byed du brjod par bya ste |  de la de'i mtshan nyid tshad mas khegs pa ltar 'dir yang dngos po tsam la don dam 
pa'i gcig dang du bral gyis khyab pa nges pa dang |  cig dang du ma tsam la don dam pa'i dngos pos stong pas khyab pa nges pa'i tshad mas khyab bya'i bye brag mi mthun phyogs la khegs pas de dag la khyab bya dang khyab byed kyi mtshan nyid so sor khegs pa'i phyir ro |  | blo tshad mar mi rung pa yang re shig tshad ma 'di 'i gzhal brtags 


na myed pa nyid te |  re shig 'di 'i gzhal bya bye brag don dam la rten pa'i khyab pa nyid yin na de mi srid la |  mdun du mthong pa'i spyi khab nyid na yang de nyid don dam pa'i khyab pa yin na dgag bya grub par 'gyur la ma yin na de gzhal bas don dam pa'i khyab pa grub par mi 'gyur te spyi snang pas dngos po mthong par mi 'gyur ba bzhin 
no |  | mthong pa'i dngos po nyid bye brag don dam par 'gyur ro zhe na khyab par 'jal bas nyes pa gnyi gar mi 'gyur ro zhes kyang brjod par mi nus ste |  mngon sum brtag pa'i mtha' gzung pa la dmyigs pas rtog par 'gyur ba dang mtha' de nyid mi srid pas yul myed par 'gyur ba'i phyir ro |  | de nyid kyi phyir spyi khyab 
nges pa 'dis gal te dngos po nyid bye brag don dam pa'i dngos por 'gyur ro she na ma khyab pam snyam pa 'ang gcod pas she na ni gcad bya sgro 'dogs kyi rnam pa yin no zhes zer bas kyang de bcad pa'i tshad mas gang zhig 'jal ba brtags na nyes pa snga ma nyid las 'da' bar mi nus pa'i phyir ro |  | 'di la sngar bshad pa'i tshad ma'i 
byed pa rnams kyang myed te |  gong du brjod pa ltar mtshan nyid nges pa'i tshad mas grub pa dngos po nges pa'i tshad mas 'gog par 'gyur ba dang |  khyab pa nges pas lam ka'i du ba la yang me sngon du song pas khyab pa mtshan nyid nges pas grub pa la dngos po nges pa'i tshad ma gdod 'jug par 'gyur ba dang |  rtag pa'i dngos po 
la byas pa dang ma byas pas khyab pa 'jal ba ltar mtshan nyid nges pa'i tshad ma nang 'gal ba la mi 'khrul par 'gyur ba'i phyir ro |  | de'i phyir tshad ma dag gis ni gang ci sgrub pa dang dgag pa rtogs pa de de kho na bzhin bden pa yin gyi grub pa dang bkag pa la phan gnod myed cing gzhal bya grub pa la 'jug 
pa la mi ltos par 'jug pa'i tshad ma ni phyi nang gi rtog ge ba gang gi lugs ma yang myed do |  | bzlog khyab nges pas kyang khyab pa 'phen mi nus te rtags kyi ngo bo nyid grub pa myed pa'i phyir ro |  | gnod pa can gyis byas pa rtag pa la 'gegs pa ni byas pa bum pa la don byed pa'i khyab byar mthong pa dran pa 
yod pas mtshungs pa ma yin no |  | de dag gi khyab pa mi 'grub pa'i rgyu mtshan yang 'di yin te |  chos de la des khyab pa grub pa ni chos de nyid shes bya la grub pa dang de ma yin pa la khegs pa kho nas yin gyi gzhan du mi 'thad pa na |  khyab pa blos grub pa la yang yan lag de gnyis blos grub 
dgos pa las 'dir ji skad gsungs pa'i tshad ma de dag gis des ma khyab par yod pa 'am de ma yin la khegs kyang khyab bya'i ngo bo nyid grub pa myed pa'i phyir ro |  | khyab byed nyid la'ang chos de gnyis tshang pas rang la rang gis khyab par thal zhes ni mi bsam ste chos rnams rang ma yin pa la khegs na chos la | 


| gzhi myed par thal ba'i phyir ro |  | de'i phyir phyogs kyis khyad par du byas pa 'ga' zhig rtags su rung yang de lta bu ni bsgrub bya 'am ldog pa'i rtags su 'gyur ba'i skabs nyid myed par blta'o |  | phyogs 'di la kha na ma tho ba myed na yang khegs pa dang mtshungs pa spang pa dang |  dgag bya mi srid pa'i rtags rnams 
go byed ma yin par thal ba dang |  chos mi mthun pa brjod pa bsgrub pa ma yin par thal ba yang pas ste |  dang po ni 'o na dgag pa bkag pa bsgrub pa yin pas ma khyab par yod pa khegs pa nyid khyab pa grub pa ma yin nam zhe na |  ngo bo mod pa nyid grub na des de ltar 'gyur yang de tsam gyis ni der mi 'grub ste |  bum pa 
tsam khegs pa'i phyogs su gser ma yin gyi bum pa khegs kyang gser gyi bum pa yod par mi 'grub pa bzhin no |  | gal te yod pa nyid ma grub pa la khyab par yod chos mi 'grub na ma khyab par yod chos khegs pa 'ang mi 'grub ste |  dgag gzhi ma grub par 'gyur ba'i phyir ro zhe na |  'dir la'i du ba lasogs 
pa gzhir byas pa la mes ma khyab par yod chos 'gegs pa ma yin gyi shes bya la mes ma khyab par yod pa'i du ba tsam khegs pa na mes ma khyab par yod pa'i la'i du ba 'ang khegs zhes dgag bya'i bye brag du brjod pas mi mthun phyogs la spyi 'gog pas bye brag khegs pa yin la khegs pa la grub mi dgos pas ga la 
mtshungs |  gnyis pa ni cig dang du bral lasogs pa dgag bya mi srid pa rnams la bzlog pa'i khyab pa ma grub na bkag pa 'gog byed ma yin par thal te mi snang pa mi dmyigs pa bzhin no zhe na |  mi mthun pa'i gzhi la bzlog pa'i khyab pa ma grub kyang rtags mi mthun phyogs ma 'gegs pa dang mtshan gzhi 'dzin 
pa'i tshad mas rtags kyi mtshan nyid kyi rjes su 'gro ldog grub pas rtags su 'gyur ba yin no |  | 'o na der bzlog khyab myed kyang rjes 'gro dang thun mong ma yin pa dag la bzlog khyab yod kyang rjes 'gro ldog rtogs pa mi gcig par 'gyur ro zhe na |  'dod pa nyid de rtags dang dgag bya gnyis ka srid pa dang gnyis ka mi srid pa 
dang rtags mi srid pa dang dgag bya mi srid pa'i sbyor ba rnams rjes 'gro bzlog khyab gnyis ka tshang pa dang gnyis ka ma tshang pa dang rjes 'gro ma tshang pa dang bzlog khyab ma tshang par 'gyur ba'i phyir ro |  | slob dpon gyis ni rtags dang mi mthun pa'i gzhi grub pa'i gnas skabs sam rtags kyi mtshan nyid kyi rjes su 'gro ldog la 
dgongs nas rtogs pa cig par gsungs pa yin no |  | de la rang rgyud la rjes 'gro gtso' zhing thal ba ni bzlog khyab gtso' bo yin no |  | gsum pa ni de lta na chos mi mthun pa brjod pa rang rgyud kyi sgrub pa ma yin par 'gyur te gtso' bo rjes 'gro ma bstan pa'i phyir ro zhe na |  dngos su ma brjod kyang shugs 


la ma bstan par ma grub ste |  dpe' la sngon mthong pa'i rtags mi mthun phyogs la rgol bas bkag pa brjod pa na mthun phyogs la rjes 'gro dran par byed pa'i phyir ro |  | 'thad pa'i mtshan gzhi' ngos gzung pa ni de ltar phyogs gsum mtshan gzhir mi rung na rtags kyi mtshan gzhi gang yin ce na |  de dag gis 
khyad par du ma byas ba du ba dang yod pa dang byas pa'i nyid la sogs pa'o |  | phyogs 'di la glan ka spang pa yang khyad par mtha' dag ma yin na rtags kyi ngo bo ma yin pa dang |  phyogs dang mthun phyogs kyis khyad par mi byed na mtshan nyid mi 'thad pa dang |  mtshan nyid gzhi cig la grub pa na sgrub bya grub par thal ba myed 
pas ste |  dang po ni yul dus rnam pa'i khyad par thams cad du ma gtogs pa'i spyi nyid mi srid do zhe na |  gzhan gyis kun brtags lta bu'i rdzas kyi spyi mi 'dod cing khyad par dang ma 'brel pa'i bzlog pa'i spyi yang med mod kyi yul dus rnam pas khyad par du ma byas pa'i sngo la 'phyur ba dang rgyus bskyed pa lasogs 
pa'i ldog pa ni ma grub pa ma yin no |  | gnyis pa ni gal te de phyogs dang mthun phyogs dang 'brel ldog ma yin na phyogs dang rjes 'gro phyogs ci ltar rung snyam na |  'brel ldog rtags kyi ngo bo ma yin yang de dag dang 'brel par mi 'gal bas phyogs chos 'thad de |  khog pa nyid 'khor lo ma yin yang 
de 'khor la gnyis dang mtshon par mi 'gal bas shing rta 'thad pa bzhin no |  | gsum pa ni de lta na yang mtshan gzhi' gcig la mtshan nyid nges pa na bsgrub bya grub par 'gyur ba yang dga' ste |  phyogs chos grub pa'i rtags nyid la khyab pa grub dgos pas la'i du ba dang sgra'i yod pa nyid dang mtshungs pa'i phyir ro 
zhe na |  des na me la khyab pa'i du ba la la grub pa ni mtshan nyid nges pa yin la |  de'i rten la me yod du nges pa ni bsgrub bya grub pa yin pas khyad par yod la |  la'i du ba dang sgra'i yod pa ni de lta yang yin te rten dang bcas pa chos ldan du bstan dgos pa'i phyir ro ||     || 
da ni mdo'i tshig de rnam par 'grel pa'i cha bshad par bya'o |  | de yang sgrub pa'i tshul gnyis 'chad pa las |  phyogs chos kyi ngo bo la rtags kyi yod pa rjes su dpag par bya ba ni spyir don gsum la 'jug pa las phyogs chos ston pa'i skabs 'dir slob dpon nyid kyi bzhed pas chos can te |  ci 'dra ba 
zhig ce na |  rjes su dpag pa'i gzhi ste me lasogs pa shes par 'dod chos dang ldan pas mtshon pa la lta bu 'am shes 'dod 'jug rung dang ldan pa'o |  | de la rtags yod pa nyid du nges pa ni khyab par mthong pa ste |  mngon sum gzhan rig gis mthong pa snang pa'i cha la me dpog pa'i du ba dmigs pa dang 


| phyogs dag par bum pa mi dmyigs pa lasogs pa lta bu'o |  | rang rig pas grub pa blo la goms pas khyad par du 'gyur ba dang rtog pa la sgra don 'dzin pa'i rtags lta bu'o |  | rjes dpag gis grub pa sgra sgyu ma lta bu ste mi rtag pa'i phyir ces pa dang du ba'i khyad par las gzhi' yod par rtogs shing snang pa ma 
yin pas mi snang pa'i gzhi la rten par grub pa lta bu'o |  | rjes su dpag bya brtags pa ba de dang bsgrub bya'i chos kyis mthun phyogs nyid la yang de la yod pa bzhin du tshad ma gnyis kyis mthong pa ni tshul gnyis pa yin te |  me yod la du ba dang mi rtag pa nyid la byas pa lta bu'o |  | sgrub pa'i tshul gnyis phan 
tshun 'gal ba'i rtsod pa spang pa las re shig phyogs chos grub na rjes 'gro 'gal ba ni rtags phyogs la myed na phyogs chos ma yin la phyogs kyi khyad par can yin na dpe' la rjes 'gro 'gal te rta la glang po'i sna myed pa bzhin no zhes rgol ba ni chos can gyis ces pa'o |  | lan ni rtags kyi ngo bo phyogs kyi khyad par 
can ma yin zhing |  phyogs chos la rjes 'gro myed par 'dod la |  phyogs chos phyogs kyis khyad par du byas pas rtags kyi ngo bo rjes 'gro myed par 'gyur ba ni ma yin ste |  phyogs kho na la yod ces gzhan ldan rnam gcod yin na nyes pa der 'gyur spang yod pa kho na zhes gzhi' la mi ldan rnam gcod kyi 
khyad par yin pas so zhes gsung te |  de yang rdzas rjes su 'gro ba nyid mi srid pas mtshungs ldog cig gi dbang du byas pa'o |  | khyad par can du 'dra yang nyes par 'gyur ba dang mi 'gyur ba'i rnam gcad kyi tshul du ma yod dam ce na |  yod do zhes rnam gcad kyi tshul bshad pa las dbye ba ni mi ldan pa dang ces pa'o 
tha dad pa'i rgyu ni chos yod ces pa'i khams kyi tshig gi phrad nges gzung dang sbyor lugs tha dad pas ste |  de nyid bshad pa ni khyad par yod ces pa dang sbyar te yod pa kho na zhes dang khyad par can dang sbyar te |  'di kho na dang 'di kho na la yod zhes dang bya ba 'byung pa'i 'bras bu dang sbyar te srid pa kho na zhes bya bas rnam 
gcod gsum rim bzhin no |  | 'o na thams cad du de dag gi don rtogs pa de ltar brjod pa nyid la ltos sam ce na |  res 'ga' de ltar sbyar ba myed kyang rtogs par 'gyur te de ltar brjod 'dod pa las so |  | gal te don de brjod par 'dod pas zhugs kyang de go bar mi byed na ngag rnams la 'bras bu rnam gcad myed 
par thal ba las gang phyir ro |  | de nyid dpes bstan pa ni dper na ces pa ste |  'jig rten pa skyes bu nag pa 'phong skyen par ma grags nas nag pa 'phong skyen nam ces dang |  srid sgrub 'phong skyen par grags nas srid sgrub pas 'phong skyen pa gzhan yod dam ces dang |  sngon po dang pad mo phan tshun 


'khrul par mthong nas sngon po mtsho' skyes srid dam ces 'dri ba'i lan du nag pa 'phong skyen no sngon po mtsho skyes srid do zhes brjod pas kyang dris lan brjod 'dod kyi dbang gis pha rol gyi nges gzung gsum rtogs pa bzhin no |  | de bzhin du bdag myed bsgom pa ni thar pa'i lam yin no zhes pa'i ngag cig nyid kyang pha rol gyi bsam pa 
'i dbang gis nges gzung gsum gyi don du rtogs par blta'o |  | gal te sgra rnams kyis rang gi brjod bya ma yin pa rnam par gcod na nag pa 'phong skyen ces pa'i sgras de la gtong phod dang sngo bas sa lasogs pa'i chos kyang gcod par 'gyur te de'i brjod bya ma yin pa'i phyir ro zhe na |  rnam gcod byed pa'i skabs der rang 
bya dang 'gal ba gcod kyi brjod bya ma yin pa tsam ni mi gcod te |  de'i 'thad pa de ltar 'jig rten la grags pa dang sgras ni nus pa dang sgra brjod 'dod kyis 'jug pa'i rtags gsum rnam grangs sam dgos pa'i dbang gis bshad pa dang bzlog pa'i go rims kyis sgrub kyang 'gal ba myed do |  | skabs don bstu ba ni des na ste |
'dir mi ldan rnam gcod kyi sgo nas chos can khyad par dang chos can gyi khyad par can yin yang rtags gyi ngo bo dpe' la rjes 'gro myed pa'i skyon med ces bya ba'o |  | skyon gzhan yang brjod pa ni chos can la yod de chog gzhan ldan rnam gcod yin na rtags kyi mtshan nyid mi 'thad pa'i skabs kyi skyon der ma zad dngos  po'i
skyon sgra lasogs pa'i chos can kho na byas pa yin na dngos po gzhan 'dus ma byas su 'gyur ba dang |  sgra'i byed pa tshig phrad khyad par dang khyad par can la sbyar ba'ang khyad med du thal te de lta na rtags phyogs la gzhan ldan rnam gcod la nyes pa gsum mo |  | de bzhin du sgra mi rtag ces sogs bsgrub bya'i chos 
chos can la mi ldan rnam gcod yin pas de lta bu'i zhes pa gsum dang grub pa la sgrub pa'i nyes pa las kyang grol bar ston pa ni 'di ni ces pa'o |  | yang rjes 'gro'i nges gzung phyogs chos dang 'gal ba spang ba la pha rol gyis sgra'i don la bstan par go nas rgol ba ni de dang zhes pa ste mthun dngos mthun yul 
ma yin pas snyam du bsams pa'o |  | slob dpon gyis 'dir rjes 'gro 'i tshul ni mthun phyogs zhes bya ba ji skad bshad pa'i mtshan nyid can yin la rtags yod par brjod pa na spyi la brnan pas bye brag la bkag par mi 'gyur ro zhes bya ba'i lan sla bas bzhag ste |  khyod kyi bsam pa ltar na yang dang zhes 
sdud pa'i tshig gis de ltar mi 'gyur ro zhes sgra'i byed pas lan 'debs pa ni ma yin te ces pa ste |  dper na ces pa'i tshigs bcad ni drang srong rgyal ba'i gzhung las 'byung pa'o |  | ldog pa'i tshul la re shig ngo bo nyid ni yang rtags de'i chos bsgrub bya'i chos myed pa la mi 'jug pa nyid ni tshul gsum pa te 


| ldog pa zhes bya ba'o |  | bsgrub par bya ba ni brtags pa ste rtsod gzhi 'o |  | 'o na ldog pa ji ltar nges zhe na |  re shig sgrub rtags kyi ldog pa bsgrub pa ni don gzhan ces pa'o |  | gzhung 'di la gzhan dag rjes 'gro'i 'brel pa gnyis grub na rgya mtsho dang brag rdzong lasogs pa dgag gzhi 
bltar rung pa la rgyu dang khyab byed bkag pa'i rjes dpag gis grub par 'gyur gyi gzhan gyis ma yin no zhes 'chad pa ltar na gzhung 'di ji ltar yang 'thad par mi 'gyur ste |  don 'di ldog pa gang yang ma yin pa'i phyir dang |  ldog pa 'dis mi 'grub pa'i phyir dang |  'di mi dgos pa'i phyir ro |  | dang po ni 'dir 
rtags kyi ldog pa ni rtags bsgrub bya'i chos myed la mi 'jug pa yin zhing bzlog khyab ni chos myed la rtags myed kyis khyab pa min la |  snang pa'i rgya mtsho' dang brag rdzong dang du ba dang sha pa khegs pa ni de gnyi ka ma yin pa'i phyir ro |  | gnyis pa ni ldog pa gang yin pa ni rjes dpag 'dis mi 'grub ste | 
mi mthun phyogs bsgrub bya'i chos myed nyid dam de'i khyad par can la du ba dang sha pa'i rtags 'gog pa la me dang shing sogs bsgrub bya'i chos nyid bkag pa rtags su 'god na khyab pa nges pa na bsgrub bya grub pas 'gog pa'i sbyor ba mi 'thad pa dang |  ldog pa'i sgrub byed dgag pa'i rtags yin la de yang bzlog 'brel la ltos 
shing ldog 'brel grub pa ldog pa la ltos pas 'khor lo lta bu dang bsgrub pa'i ldog pa nyid dgag pa'i rjes 'gro yin pa na rang gi khyab pa rang la ltos pa mdung khyim lta bu'i phan tshun rten par 'gyur ba'i phyir ro |  | gsum pa ni mthun dpe' la bsgrub pa'i 'brel pa nges pa ni mngon sum nyid kyis mi mthun 
phyogs kyi spyi rigs la rtags khegs zin pas de las 'ongs pa'i rjes dpag don myed par 'gyur ba'i phyir ro |  | bshad pa'i tshul des ni 'di bzlog khyab dran byed yin no zhes kyang bshad par mi nus so |  | des na gzhung gi bsam pa ni 'di yin te |  'di ltar 'bras bu'i bzlog khyab me myed la du myed 
kyis khyab pa ni don gzhan me dud dag mthun dpe' la rab du skye ba'i dngos 'brel grub pa dang |  rgyu mi dmyigs pa ste bltar rung pa'i yul can gyi dmigs pa bkag pa'i rang bzhin mi dmyigs pas mi mthun phyogs grub nas yin la |  yang rang bzhin gyi bzlog khyab shing myed la sha pa myed pas khyab pa ni rang 
bzhin shing dang sha pa dag mthun dpe' la de tsam la khyab pa'i dngos 'brel grub pa dang |  khyab par byed pa mi dmyigs pa ste shing bltar rung pa'i yul can gyi dmigs pa bkag pa'i rang bzhin mi dmyigs pas mi mthun phyogs grub na 'gyur gyi |  gzhan gyis te dngos 'brel dang dgag gzhi grub pa gnyis ma tshog 


par ma yin te gzhal byas mi rtag pa bsgrub pa dang rtag dngos 'gog pa bzhin no zhes bya ba'o |  | de la yang sngar bshad pa'i tshul gyis la'i du ba dang mnyan bya'i yod pa la rjes 'gro grub pa myed kyang grub pa dang |  gcig dang du bral la mi mthun gzhi' grub pa myed kyang grub pas spyir rtags kyi bzlog khyab bam ldog pa tshad 
grub pa tshad ma de gnyis tshogs pa la ltos par ma nges kyang dper brjod nges pa de gnyis la dgongs nas gzhung de bkod par gdon mi za'o |  | dgag rtags la rang bzhin mi dmyigs pa'i ni bzlog pa snang rung yod pa la dmigs pas khyab pa nyid bzlog khyab dang bzlog pa nges byed yin la |  rgyu dang khyab byed mi dmyigs pa'i ldog 
pa ni sgrub pa gnyis kyi dngos 'brel nyid yin no |  | da ni ldog pa smos pa'i dgos pa la gzhan dag rjes 'gro 'i sgra gzhan ldan rnam gcod nyid kyis rtags mi mthun phyogs la 'jug pa bkag pas tshul tha ma'i tshig don myed do zhes dogs pa bsu nas gzhan gyi lan brjod pa ni kha cig dgos pa 'di yin no zhes zer ro zhes 
sbyar ro |  | de la kha cig slob dpon dbang phyug sde ji skad ce na |  mthun phyogs nyid la zhes bya bas bsgrub bya'i chos myed tsam la rtags ldog pa 'grub mod kyi 'on kyang des rtags mi mthun phyogs la 'gog pa la mi mthun phyogs ni 'gal ba yin pas de las ldog pa yin na du ba dang des bsgrubs pa'i me reg bya btang 
snyoms pa la zhugs pas dro ba mi grub par 'gyur la |  chos gzhan pa yin na de las ldog pa rtags mi srid par 'gyur ro zhes rjes 'gro 'i rnam gcad la log rtogs bsal ba'i phyir de gnyi ka ma yin gyi myed pa mi mthun phyogs kho na las ldog par ston pa yin no zhes so |  | de sun dbyung pa ni de la ste 
lugs de'i ltar na tshul gsum pa mi brjod par 'gyur te rjes 'gro 'i tshig la skyon de dag med pa'i phyir ro zhes sbyar ro |  | ci ltar ce na |  re shig rjes 'gro'i tshig de la chos gzhan la rtags 'gog par dogs pa ni mi srid te rtags grub pa nyid na chos gzhan gyi ngo bor grub pas mi srid pa'i phyir la rtags ma grub pa 
la rtags nyid bstan pas chos gzhan ldan du grub pa'i phyir ro |  | des na skye mi srid pa'i dogs pa bstan bcos kyis 'gog par mi rigs so |  | skyon gnyis pa myed pa ni yang de dang mthun pa kho na la yod pa zhes bya ba 'gal ba la rtags 'gog na yang de kho na la 'gog na skyon du 'gyur na 'gog pa ni ma 
yin zhes bya'o |  | skyon ci ltar bur ce na gang gis ces so |  | 'gog pa ci ltar ma yin ce na |  mthun phyogs ma yin pa'i spyi la 'gog pa'i phyir ro |  | de ma yin pa 'gal ba nyid ma yin nam ce na 'gal ba kho na zhes so |  | ngag gi don ni rjes 'gro 'i tshig ni rtags du ba de 'gal 


| zla grang reg kho na la 'gog pa ma yin te |  mthun phyogs ma yin la spyi la 'gog pa'i phyir ro zhes gdon te |  de'i khyab pa ni 'gal ba kho na zhes bya ba'o |  | de'i yi ge'i bkod pa yang de dang mthun pa kho na la yod pa zhes bya bas 'gal ba la 'gog kyang de kho na la 'gog na ni de kho na 
las ldog pas mes dro ba mi 'grub pa'i skyon du 'gyur na 'gal ba kho na de dang zhes bya bar 'gregs so |  | des na dogs pa de gnyis gcod par mi 'thad do |  | myed pa mi mthun phyogs la ldog pa rnon ba nyid kyang mi 'thad te |  'gal ba la mi ldog na du bas grang pa mi khegs par 'gyur zhing |  me myed kyi rdzas 
gzhan la mi ldog na du bas mi 'grub par 'gyur la |  de dag la ldog na myed pa la gzhan ldog rnam gcod du mi 'thad pa'i phyir ro zhes brtag pa 'jug mod kyi ma spyad par zad to |  | rang gi lugs ni 'dir mdo' mdzad pas ldog pa smos pa la rnam gcad myed kyang mi dgos pa'i skyon med te sbyor ba bstan pa'i don yin 
pa'i phyir ro |  | sbyor ba ji ltar ce na |  rjes su 'gro ba dang ces pa'o |  | de la rtsod pa spang pa las gal te ces pa ste |  tshul cig gis gnyis pa 'phen par ni ma nges ste sgra mi rtag ste mnyan bya'i phyir ces pa la ldog pa yod kyang rjes 'gro mi 'grub pa'i phyir ro zhe na |  de la sgrub bya'i sngar ldog pa nges 
pa'i gtan tshigs grub pa ma yin te zhes so |  | de nyid bshad pa ni mnyan bya chos can ldog pa nges pa med te rang grub pa'i gzhi' la the tsom skyed pa'i phyir zhes bya ste |  de'i khyab pa ni ldog pa dang ces dang dngos po'i ces pa yin la |  don bsdu ba ni des na ste rtags mi mthun phyogs la yod par 
dogs pa'i sgo nas phyogs la the tsom du 'gyur ba yin no |  | 'o na slob dpon gyis mnyan bya dang srog lasogs pa ldog pa can du gsungs pa ci ltar ce na |  rjes 'gro ma mthong pa tsam las so |  | brjod zin pa ni tshad ma gnyis kyis nges pa'i ldog pa ste don gzhan dang rang bzhin dag ces par ro |  | 
de yang ni rjes la 'khrul pa ma yin te dngos 'brel grub pa la ltos pa'i phyir ro zhes bya'o |  | rtsod pa gnyis pa rjes su 'gro ldog phan tshun 'du na tshul cig nyid yin pas phyogs chos dang tshul gnyis par thal lo zhes pa la |  ma yin te ces pa'i lan de dag phan tshun bstan pa dang rtogs pa'i 
ngag blo cig kyang rang ldog tha dad pa'i phyir te de skad du yang ces bya ba'o |  | ldog pa la gzhan gyi 'khrul pa bsal ba la rgol ba dgod pa ni gzhan thub pa rkang mig gi rjes su 'brang pa'i mu stegs gsal byed pa dag sgra'i brjod bya thams cad la dngos pos khyab par bsams nas nam mkha' lasogs pa 


pa myed pa mi mthun phyogs la ni rtags ldog pa'i tha snyad mi rung ste myed pa la ldog ces gnas gzhi dang myed pa las ldog ces 'byung khungs lasogs pa'i tha snyad mi 'thad pa'i phyir te |  de 'ang brjod pa'i tha snyad tsam mi 'thad pa'i phyir ro zhe'o zhes pa'o |  | de sun dbyung pa la brjod pa'i tshul ma 'brel pa dang |  'dod pa'i 
don mi 'thad pa gnyis las |  dang po yang re shig smra ba po smad pa ni rgol ba 'di ni bdag nyid mi shes pa zhig go zhes gdon te |  mi shes pa'i bya ba gang las ce na |  slob dpon phyogs kyi glang po lasogs pa mkhas pa chen po'i rnam par gzhag pa la smod pa tsam las gzhan ci yod ces sam |  smod byed mi shes 
pa las gzhan smad bya la skyon ci 'ang myed ces bya'o |  | yang smod pa la 'jug tshul gyis kyang 'di ni phyugs pas kyang phyugs yin te mi rigs par mthong pa la 'jug pa'i phyir ro zhes brjod te |  de'i khyab pa ni re shig ces pa yin la |  phyogs chos ni nyid rgol ba 'di ces pa'o |  | tshig dang 'jug pa 
'gal ba ni myed pa la ldog pa'i tha snyad 'gog pa nyid kyis tha snyad dgag pa'i gzhir bsgrubs pa'i phyir ro |  | de lta yin pas bdag nyid mi sgra na zhes sbyar la | 
srid pa 'gog par thal ba yin la |  de'i don bsdus pa de ltar na blun po'i rnam par gzhag pa la ltos dang ces pa ste |  ci 'dra ba la zhe na |  dngos myed la rtags kyi dngos po myed pa myed na yod par 'gyur te ldog pa myed pa sgrub pa yin pa'i phyir ro |  | de ltar na myed pa la dngos myed myed la dngos po 
yod zhes bya bar gyur pa la'o |  | 'dod pa'i don mi 'thad pa la gsum las ldog pa myed na 'jug par 'gyur ba ni gal te ces pa'i tshigs bcad ste |  dngos myed chos can du ba lasogs pa'i rtags ldog pa'i tha snyad myed pa'i phyir 'jug pa'i tha snyad du rung par thal ba las de mi rung pa'i phyir ldog pa'i tha 
snyad du rung ste 'gal ba mi mthun phyogs bzhin zhes bya ba'i thal ba dang bzlog pa phyed snga phyi ste gnyis ka tha snyad sgrub kyi rang bzhin no |  | gnyis ka myed na tha snyad chad pa ni sgrub dang ces pa ste |  med pa 'di la tha snyad gtan chad par thal te dgag sgrub kyi tha snyad mi rung pa'i phyir ro |  | de'i bzlog 
khyab ni phyed snga ma ste |  rang gi rnam pa rang dbang du shar bas zhen rung ni sgrub chos yin la de las ldog pa ni dgag chos yin pas sgrub pa las log ma log gi don gnyis dngos 'gal yin pas so |  | yang na sgrub dang dgag pa ste gzhi' 'ga' zhig la chos 'ga' zhig yod pa dang myed pa las mi 


| 'da' bas so |  | 'dod pa la khas blangs kyis bsal ba nyid dam tshad mas bsal bas bzlog pa 'phen par yang blta'o |  | shes bya la dgag pa nyid med pa ni yod pa ces pa ste |  'gro ba la de myed ces sogs dgag pa'i sgra la don gtan mi srid par 'gyur te yod myed pa dgag pa'i tha snyad mi rung 
ba'i phyir ro zhes bya'o |  | 'di 'i khyab pa gsal bas phyogs chos la 'khrul pa gal te yod pa spyir dgag pa'i sgra'i brjod bya mi rung yang yul dus kyi khyad par du 'gog go zhe na |  lan rkang pa gsum ste |  de la yang yod pa'i yul dus su 'gal bas mi rung zhing myed pa'i yul dus su mi 'dod pas mi rung na 
zhes bya ba'o |  | tha snyad kyi yul nyid bstan pa la re shig dgag sgrub brjod pa'i yul ni brtags pa nyid yin no zhes ston pa ni de'i phyir ces pa'i tshigs bcad gnyis ste |  sgra don thaMd phyi rol gyi dngos po yin zhing dngos myed la tha snyad mi rung na nyes pa de dag du 'gyur ba de'i phyir brjod pa'i tha snyad ni phyi rol 
gyi dngos po la rten pa ma yin pa'i rtog pa la shar ba'i sgra'i don la brten nas dgag sgrub kyi tha snyad thaMd 'jug par 'dod pa yin no |  | de yang ci 'dra ba zhig ce na |  bag chags goms pa'i rnam par rtog pa la snang zhing bum pa dang nam mkha' dang shes bya'i rnam pa ltar zhen yul yod pa dang med pa gnyis 
ka la rten pa ste |  ji skad du |  thog med bag chags las byung pa'i |  | rnam par rtog pas yongs bsgrubs pa |  | yod med gnyis ka la brten pa'i |  | sgra don chos ni rnam pa gsum |  | zhes gang gsungs pa'o |  | gal te rtog pa la shar ba sgra don gyi bum pa ni med pa kho na ma yin 
nam de la sngon po dang byas mi rtag lasogs pa'i sgrub pa'i chos de dag ji ltar rten ce na |  de dgag sgrub kyi gzhir rung pa ni de 'dra dngos myed kyang ces pa'o |  | de lta bu'i gzhi nyid ces grub snyam na de yang dngos por myed kyang tha snyad tsam du yod ces grub ste  | tshad ma ni sgra 'jug pa nyid na brjod 'dod la 
snang pas rgol ba so so'i brjod 'dod myong pa'i rang rig gis grub la phan tshun ni brjod pa'i sgra las rjes su dpag pas grub pa yin te |  ji skad du |  de lta bu spyad pa la sgra'i don so so rang gis rig pa ni spang par 'os pa ma yin no zhes pa dang smra ba po'i don go bar rung pa'i phyir te zhes gsungs pa yin no |  | 
dngos po la nyes pa brjod pa ni de lta yin na ces pa'i tshigs bcad gnyis ste |  ji skad bshad pa ltar ma yin te khyod kyis 'dod pa ltar dgag sgrub kyi tha snyad du snang pa 'di phyi rol dngos po'i sgra don zhig yin na dgag sgrub du snang pa'i byas mi rtag chos can bdag nyid thaMd kyis de bkag grub kyi snang pa grub bde' 


gcig par thal te phyi rol don gyi chos yin pa'i phyir ro |  | de'i khyab pa ni dngos po'i byas mi rtag chos can snang pa'i rim pa mi 'thad te bdag nyid tha dad myed pa'i phyir kha dog dang dbyibs bzhin zhes bya'o |  | 'di 'i khyab pa'i 'phros pa ni gzhan sel par blta'o |  | phyogs chos ma grub ce na tha dad pa ni na : 
ste |  sgrub pa gnyis gzhi bum pa lta bu cig la mi 'du bar 'gyur te sngon po dang sngo myed bsgrubs pa bzhin no |  | de dag bkag na yang nam mkha' lta bu cig la mi 'du bar 'gyur te sngon po dang sngo min bkag pa bzhin no zhes bya'o |  | thal ba las rdzas gcig la 'du ba'i phyir tha dad myed ces tha dad tsam sgrub par 
byed cing rtsa ba'i thal 'gyur la bsal ba bkag bsgrub kyi sgra'i don rnams rim kyis 'char bas myong pas grub pas dngos po'i byas mi rtag ma yin te rmi lam gyi byas mi rtag bzhin zhes pa'ang don gyis blta bar bya'o |  | ji skad bshad pa'i gzhi brtags pa yin pa la nyes pa de myed pa'i tshul ni sna tshogs ces pa'i 
tshigs bcad gnyis ste |  'dir dngos por myed pa brtags pa'i don can gyi dgag sgrub kyi tha snyad ni ji ltar blos bstan pa ste yid gtad pa'i grangs dang go rims bzhin snang pas chos cig sgrub dang 'gog pa na ces pa'i nyes pa myed ces bya'o |  | de ji ltar ce na |  de 'dra myed kyang chos can de ces      
dgag sgrub kyi chos sna tshogs kyi gzhir gyur pa rtog pa la snang pa'i bum pa'i rnam pa lta bu cig gi dbang du byas ste |  rgyu mtshan 'ga' zhig gis rtag pa las ldog par shes shing mi rtag pa lta bu chos cig bsgrub pa na de'i rnam pa rten pa lta bu dang ka ba las log par shes ste ka ba 'gog pa na dgag byas stong pa lta 
bur snang ngo |  | gnyis ka blo ma gtad pa'i byas pa lasogs pa grub pa tsam dben par snang grub pa 'aM dben par yang snang pa myed te btang snyoms su yin la sgrub pa dang khegs pa'i gzhi bum pa grub pa la ltos par snang zhes mtshon par blta'o |  | ma byas pa 'gog na bya pa grub pa la ltos zhes ni mi bya ste | 
dgag pa 'gog pa ni sgrub pa nyid yin pa'i phyir ro |  | de lta yin dang rnam pa snang pa'i tshul ni gnyis ste don mthu' tshang bas dang blos kun brtags pas so |  | brtags pa snang par sbyor bas zhes bya'o |  | de lta na yang don la de lta bu'i chos sna tshogs nyid myed pas bsil ba me la sgro btags pa ltar don 
la 'jug pa'i blos ji ltar mi gnod ce na |  rnam par dpyad na de lta mod kyang 'jig rten gyi tha snyad rnam gzhag tsam la me chu sre ba lta bu gnod pa myed te brtags chos don la myed par mi shes pa'i phyir ro |  | de yang rgyu gsum gyis te gnod byed blo phyi ma rnams kyang blo snga ma'i rjes su yang dag par na 


| don la chos 'di lta bu yod dam ci zhes ma brtags par 'jug pa dang |  gnod bya 'jig rten pa'i blo yang ldog 'tshams tha dad pa'i rgyu mtshan la rten pa dang |  zla gnyis ltar res 'ga' ba ma yin gyi thog myed kyi bag chags brtan pa las byung pa'i phyir ro |  | 'brel pa yod pas 'khrul par 
mi rtogs pa bshad pa ni de 'bras ces pa'i tshigs bcad gnyis ste |  de yang blo bslad pa dag gis brtags pa'i chos mthong pa don du sbyor ro zhes bya ste |  re shig blo bslad pa de nyid ci 'dra ba zhig ce na |  rang gi ngo bo bum pa lta bu sngo ma yin lasogs pa dgag chos dang ka ba lasogs pa sgrub chos du ma las log 
par regs par shes pa las chos 'phel 'grib lta bur byed pa dang de 'ang rgyu ldog 'tshams tha dad la rten pa ste |  ldog 'tshams tha dad pa nyid ni ngoms pa lasogs pa'i 'bras bu yod pa dang myed pa chu dang me lasogs pa ste de dag las log chos kyang bum pa'i steng na don gcig nyid ces bya'o |  | 'o na chos de dag don la yod 
dam ce na |  de ldan min yang ngo |  | rgyu gang las sbyor zhe na |  ngoms pa dang bsil ba dang rlan pa lasogs pa ji ltar zhen pa ltar don las byung pa'i 'brel pa 'ga' las so |  | rgyu de'i phyir yang snang brtags bsre ba'i 'jig rten pa'i blo de dag bslad par shes ma yin zhes 'bras bu bsdu ba'o |  | gzhung gi don de lta 
yin dang gang dag phyi rol rten min ces pa'i shu log gnyis po 'dir rjes su dpag pas med dgag dang ma yin dgag gang zhig rtogs pa'i dpyad pa spro ba ni gzhi myed pa'i chos la rtog pa yin te |  mtho' yor la yal ka btsugs te ljong shing gi gzugs su sgro btags nas sha pa dang da bar dpyad pa byed na bzhad gad du 
'gyur bas rjes su dpag pas gang zhig rtogs pa ni gzhung gi sa bon las de ma thag du dpyad par bya'o |  | shes byed kyi rgyu rtags kyi mtshan nyid bshad zin to |  | mtshan gzhi 'i dbye' ba la dbye ba mdor bstan pa dang |  so so 'i rang bzhin rgyas par bshad pa dang |  thun mong gi 'brel pa sgrub pa gsum las | 
dang po yang re shig ming gi sgo nas grangs nges pa ni mtshan nyid de dang ldan pa'i gtan tshigs mi dmyigs dang |  | bdag dang 'bras bu zhes bya gsum |  | kho na'o zhes pa ste |  'di yang bsdus don gyis tshig bshad te dgos pa bsam par bya ba las |  gang la dbye ba'i gzhi ni ji skad bshad pa'i mtshan nyid de dang ldan 
pa'i gtan tshigs so |  | ji snyed dbye ba'i grangs ni gsum kho na'o |  | gang dag dbye' ba'i dngos po ni dgag pa go bar byed pa mi dmyigs pa dang yul bdag nyid go bar byed pa rang bzhin dang go bya'i 'bras bu'i nyid gtan tshigs kyang yin pas 'bras bu'i gtan tshigs so |  | dbye ba'i don ni bsgrub bya cig la 


ltos nas phan tshun spangs shing tha dad la ltos nas ngo bo cig la ldog pa tha dad yin la |  gang gis dbye ba ni gzhan gyi log rtogs bzlog pa'i phyir te 'chad par 'gyur ro |  | de dag gis dbye ba bstan pa'i dgos pa yang grangs dang ngo bo nges pa rtogs ste des kyang rtags don du gnyer ba'i 'jug yul bstan pa'i phyir te sngar bshad 
pa bzhin no |  | ngo bo de dag ngos gzung pa'i phyir rim pa bzhin dper brjod pa dper na ces pa la |  phyogs kyi bye brag 'ga' zhig ni rang bzhin myi dmyigs pa'i chos can de dgag bya nyid bltar rung pa'i gzhi 'o |  | bum pa myed de ces pa bsgrub bya'i don de dgag bya ci 'dra ba'i myed pa ce na |  ci yang rung pa ma yin 
gyi gal te yod na dgag gzhi' ltar dmyigs su rung pa'i yod par 'gyur ba ces pa ste |  'dis ni dgag bya la ltos nas bsgrub bya'i khyad par brjod la bkag pa'i khyad par ni myed pa'i tha snyad du byar rung pa'o |  | rtags kyi ngo bo ni mi dmyigs pa'i phyir ro ces pa ste dgag bya de nyid kyi dmyigs pa bkag pa'o  |   | 
dgag bya ci 'dra ba'i ce na |  dmyigs pa'i mtshan nyid kyi gzhir gyur pa ste yod na dmyigs pa'i rgyu thogs myed du gyur pa'i dmyigs pa myed pa'o |  | de nyid ston pa ni gal te yod na ces pa'o |  | de lta yin dang rtags kyi ngo bo dang khyad par 'gal ba'i skyon myed pa nyid de |  mi dmigs pa nyid dmyigs byar 
gyur pa zhes mi sbyor gyi yod na dmyigs byar gyur pa zhig mi dmigs zhes rtags kyi dgag bya'i khyad par yin la |  de nyid kyas na de lta bu'i dmyigs pa myed pa zhes dgag bya la ltos nas rtags kyi khyad par du 'ang 'gyur bas slob dpon gyis rnam 'grel las |  gtan tshigs bye brag la ltos na |  la la 
myed nges 'bras bu can |  | zhes gsungs so |  | gal te dgag bya'i khyad par ma bzung na rtags la khyad par smos kyang 'khrul pa mi yongs te gzhi 'dir dgag bya bskal pa la ltos nas kyang dmigs pa'i rgyu tshang pa'i dmyigs pa myed pa'i rtags ma grub na de lta bu dmyigs par 'gyur la rtags grub kyang 
dgag bya mi khegs pa'i phyir ro zhe na |  de la ltos nas de lta bu'i rtags ma grub kyang dmyigs par mi 'gyur te yod kyang snang rung ma dmyigs pa la ltos nas dmyigs pa myed pa yin pa'i phyir ro |  | des na slob dpon gyis ci rigs par gsungs pa'i khyad par 'di rtags sam bsgrub bya gang la sbyar yang 'khrul 
pa yongs mod kyi yod na dmigs rung gi bum pa med te zhes bsgrub bya'i khyad par nyid du sbyar na go bar sla'o |  | bkag pa'i khyad par ni dmyigs pa myed dgag yin te 'chad par 'gyur ro |  | 'di sgrub pa'i rtags nyid yin mod kyang rtags kyi ngo bo dmyigs pa myed dgag dang bsgrub bya myed nges kyi 'bras bu can 


| pas dgag pa'i rtags su bgrangs so |  | des na dper brjod pa 'di' ni ma yin dgag sgrub pas rang bzhin gyi rtags dang |  dgag bya nyid snang rung mi dmyigs pas rang bzhin mi dmyigs pa dang |  dgag bya yod pa'i khyab byed dmyigs pa 'gog pas khyab byed mi dmyigs pa dang dmyigs pa nyid dgag bya'i 'bras bu yin 
pas 'bras bu mi dmyigs par gzhung gi cha dag las bsnyad pa yin no |  | rang bzhin gyi dper brjod pa ni skyes pa 'di ni ces pa gzhi nyid yin par sgrub ste sa phyogs la yod sgrub pa la yang ngo |  | 'bras bu ni 'di na ces pa don gzhan la ldan par bsgrub pa ste de nyid me 'bras yin par bsgrub pa yang ngo |  | 'o na kho na'o 
zhes rtags de dag grangs dang ngo bo nges pa rgyu gang yin ce na |  gnyis las bsgrub bya'i dbang gis rtags de dag las phyi ma gnyis ni dngos po sgrub pa yin la dang po cig ni dgag pa bsgrub pa dang |  dngos po sgrub pa de 'ang rtsa ba rang bzhin 'brel pa kho nas yin pas zhes bya'o |  | de lta mod kyi de tsam gyis don gyi 
mtha' rtogs par mi 'gyur bas |  gzhung gi cha 'di las skabs su bab pa'i don gsum blta bar bya ste |  je dang por rtags gsum gyi mtshan nyid gzhag pa dang |  rtags gsum nyid du grangs pa bsam pa dang |  rtags gsum las rtogs pa'i gzhal bya dpyad pa'o |  | dang po ni re shig grangs dang ngo bo nges pa rtags 
gsum po nyid kyi so so 'i mtshan nyid gang yin ce na |  kha cig gzhung gi sgra ji lta bar rtags rang las tha dad tha mi dad kyi dngos po dang dgag pa bsgrub pa la tshul gsum tshang pa dag rim pa ltar 'bras bu dang rang bzhin dang mi dmyigs pa'i mtshan nyid yin no zhes zer ro |  | de ni mi rung ste |  'bras bu'i rtags kyi 
mtshan nyid slob dpon gyis 'bras bur gsungs pa rtsol ba'i rjes su gsal ba las mi rtag pa'i 'bras bur bsgrub pa lasogs pa rgyu sngon du song pa can du dpog pa rnams la ma khyab pa dang |  rgyu nus pa thogs myed la mi rtag pa'i 'bras bu dpog pa 'bras rtags ma yin pa la khyab ches pa dang |  tha dad pa 'bras bu las don 
ldog gzhan du 'gyur ba'i phyir dang |  rang bzhin gyi mtshan nyid kyang dngos myed kyi chos bsgrub pa'i grags pa rnams la ma khyab pa dang sngar 'bras bu khyab ches dang ma khyab pa'i gzhi' la ma khyab pa dang khyab ches par 'gyur ba'i phyir dang |  mi dmyigs pa'i mtshan nyid gzhi'i ma yin dgag gi rtags rnams la ma khyab 
pa'i phyir dang |  tshul gsum yang spyi'i mtshan nyid ma yin par dpyad zin pa'i phyir ro |  | des na bras bu'i rtags kyi mtshan nyid ni de las byung pa'i 'brel pa'i stobs kyis bsgrub bya'i chos ma yin dgag bsgrub pa la phyogs chos dang ldog pa nges rung du tshang ba ste |  mtshan nyid gsum pa 'dis mas rims 


gtan tshigs ma yin pa dang mi dmyigs pa dang rang bzhin rnams bcad pas rang ldog gsum pa 'bras bu'i sgrub rtags zhes bya bar mtshon to |  | 'di la rgyu sngon du song pa can du sgrub pa la ma khyab pa'i skyon myed te |  de'i bsgrub bya dang bdag cig kyang go bar byed pa po ni sngon du 'gro ba po dang de las byung pa'i cha na yin pas so |  | 
khyad par du byed chos dang 'brel pa tsam gyis byas pa chos la mi 'khrul par mi 'grub mod kyi byed chos las byung pa ni de sngon du song pa can gyi ngo bo la mi 'khrul te sngon du song pa dang song pa can dag grub bde cig pa'i phyir ro |  | rang bzhin gyi mtshan nyid bdag nyid cig pa'i 'brel pa tsam gyis chos ma yin dgag sgrub pa la 
phyogs chos dang ldog pa tshang pa ste |  'dis kyang spyi dang bye brag gi rigs mi mthun gsum bcad nas rang ldog rang bzhin gyi sgrub rtags zhes mtshon te |  'di la yang sngar gyi ma khyab pa'i skyon med te bsgrub byas khyad par byas chos mi rtag pa'i du ba'i rgyu thogs med dang bdag cig pa'i cha nas zhugs pa'i phyir ro |  | mi 
dmyigs pa'i mtshan nyid ni chos myed dgag sgrub pa la phyogs chos dang ldog pa tshang pa ste |  spyi dang bye brag gi rigs mi mthun gnyis bcad pas dgag pa'i gtan tshigs zhes mtshon to |  | dper brjod pa nyid la ma khyab pa'i nyes pa 'ang med te de ni sgrub pa'i rtags nyid yin pa'i phyir ro |  | bye brag du rgyu mi dmyigs 
pa'i mtshan nyid ni de las byung pa'i 'brel stobs kyis chos med dgag sgrub pa la phyogs chos ldog pa tshang pa ste |  mtshan nyid chos gsum gyis gtan tshigs dang bsgrub bya dang 'brel pa'i rigs mi mthun gsum bcad pas rang ldog rgyu 'gog pa'i gtan tshigs zhes mtshon to |  | khyab byed mi dmigs pa'i 
mtshan nyid ni bdag cig pa'i 'brel pa tsam gyis chos myed dgag sgrub pa la phyogs chos khyab pa tshang pa ste |  'dis kyang snga ma bzhin du rigs mi mthun gsum bcad pas rang ldog khyab bya 'gog pa'i gtan tshigs zhes mtshon to |  | slob dpon gyis ji skad bshad pa ni gnyis la dngos po sgrub pa yod ces mtshon 
pa yin gyi mtshan nyid du ni bzhed pa ma yin te |  ji skad du |  'gro la grags pa rang bzhin rtags zhes nas |  grags pa ni dngos po'i yul can gyi rjes dpag la logs su brjod do zhes gsungs pa'i phyir ro |  | gnyis pa ni de lta na yang rtags gsum nyid du grangs nges pa'i 'di dag las yin te sgrub pa ltar 
dgag pa'ang gnyis ste bzhi am dgag pa ltar bsgrub pa 'ang gcig pas gnyis su 'gyur ba'i phyir ro zhe na |  'di la chen po dag ni sgrub pa 'brel pa gnyis la rten pas dbye ba'i tshul ci 'dra ba myed pas sam |  mi dmigs pa'i sgrub bya med dgag la dbye' ba myed pas sam |  dbye bdu' byas kyang gsum gyi grangs 


| nges la gnod pa myed te mngon sum bzhir phye bas tshad ma'i grangs nges la mi gnod pa bzhin no zhes zer ro |  | lan 'di dag gi dgongs pa rnyed pa ma yin te |  mi dmyigs pa la'ang bzlog 'brel gnyis la brten pa yod pa'i phyir dang |  bsgrub bya tha dad myed kyang 'brel yul mi dmyigs pa dang 'gal zla 
dmyigs pa'i rtags tha dad pa'i phyir dang |  gnyis dang bzhir 'gyur ba gsum du nges par 'jog pa'i rgyu myed pa'i phyir ro |  | 'on kyang rtags grangs nges pa'i tshul ni 'di ltar brjod par bya ste |  'dir rtags zhes bya ba ni 'brel pa la brten nas chos 'ga' zhig go bar byed pa yin pa na de ni dbye ba'i sgo gsum nas grangs nges pa yin 
te |  re shig rtags rang gi ngo bo'i sgo nas dbye na bsgrub pa dang dgag pa gnyis las mi 'da' ste dngos 'gal yin pa'i phyir ro |  | de la gnyis ni ces pas mtshon pa go bar bya ba yul gyis dbye' na sgrub pa dang dgag pa'i rtags gnyis su 'gyur te |  sgrub chos dor ma dor gyi myed dgag dang ma yin dgag gnyis su shes bya 
kha tshon chod pa'i phyir ro |  | rang bzhin 'brel pa yod na ces pas mtshon pa rtsa ba 'brel pa'i dbang gis dbye na de las byung pa dang bdag cig pa'i 'brel pa la mi rten pa dang gsum pa la rten pa'i rtags khegs pa'i phyir ro |  | de yang 'dir rang bzhin 'brel pa yod na zhes bya ba'i nges par gzung pas 'brel myed gyi rtags 
dgag pa dang |  rang bzhin 'brel pa gnyis su nges pa'i tshul dang |  des rtags kyi nges pa grub pa gsum gyis shes par bya ste |  dang po ni re shig rang bzhin 'brel pa'i rtsa ba la ma brten pa la ni ji skad bshad pa'i rjes su 'gro ldog mi rung pas rtags nyid ma yin pa dang de las rtogs pa yang 'dzin stangs mi 'khrul ba'i 
rjes dpag ma yin par 'gyur ba'i phyir ro |  | don gnyis pa ni rang bzhin 'brel pa'i mtshan nyid dang |  de gang la rtsa ba'i rten dang |  rten la mtshan nyid nges pa'i blo bsam pa gsum gyis nges par bya ba las |  dang po yang 'brel pa'i spyi'i mtshan nyid chos gang zhig chos gzhan mi 'dor ba'o |  | ma yin 
dgag gi chos zhes ni mi brjod te |  myed par dgag pa'i chos bdag myed dang stong pa lasogs pa phan tshun mi 'khrul pa rnams kyang 'brel par brjod dgos pa'i phyir dang dgag bya mi srid pa'i dngos po myed dgag sgrub pa'i rtags rnams 'brel pa'i rtsa ba la mi rten par thal ba'i phyir dang slob dpon gyis dang de dang ma 'brel pa ni 
de la mi 'khrul pa nyid la 'brel pa'i brda' 'dogs pa'i phyir ro |  | de lta na dgag pa'i rtags la'ang dngos 'brel yod par thal ba ni 'dod pa nyid te 'on kyang spu ris mi zin par zad do |  | bye brag du de las byung pa'i 'brel pa ni skyes pa'i sgo nas chos gzhan mi 'dor ba 'bras bu rnams rgyu la 'brel pa gang yin 


'di byas pa dang mi rtag pa la khyab ches te byas pa'i rgyu 'ang mi rtag pa yin pas so zhes ni mi bsam ste |  byas mi rtag tsam la zhugs na de dag snga phyi yod par 'gyur la bye brag bdeg gcig pa la zhugs pa myed cing rdzas tha dad la zhugs pa skyon ma yin te |  rgyu 'bras nyid yin pa'i phyir byas pa nyid kyang byas pa las skyes pa 
bzhin no |  | bdag nyid cig pa'i 'brel pa ni rdzas dbyer myed pa'i sgo nas chos gzhan mi 'dor ba ste |  sha pas shing dang byas pas mi rtag pa'i chos mi 'dor ba lta bu'o |  | 'brel pa zhes bya ba'i sgra yul dang 'brel pa gnyis la ltos kyang 'brel pa po nyid kyi chos su brtsi bar blta'o |  | gnyis pa ni 'o na gang gi stobs 
kyis sgrub pa dang 'gog pa'i rtags su 'gyur ba'i rang bzhin 'brel pa de rdzas sam ldog pa gang zhig la 'jog ce na |  'di yang gzhan gyis brjod pa dgag pa dang |  rang gi lugs brjod pa dang |  de la rtsod pa spang pas nges par bya ste |  dang po ni kha cig na re dngos po rnams ni rang gi mtshan nyid ces bya ba yul 
dus rnam pa so sor nges pa'i rdzas kho na yin pas de dag gi 'gal ba dang 'brel pa yang rdzas nyid la 'jog pa yin no |  | de lta yin dang rdzas cha myed cig gi ngo bo la bdag gcig pa dang mi gcig pa mi 'thad pas bum pa'i steng gi rtsol byung dang mi rtag pa phan tshun 'brel pas mi 'khrul par mtshungs pa la |  ri 'i 
mi rtag pa dang ma 'brel pas gnyi ka 'khrul pa nyid do |  | de bzhin du rdzas cig gi 'bras bu'i spyi dang rgyu'i khyad par yang bskyed bya skyed byed min par 'gal la yin pas mi 'khrul pa nyid du mtshungs pa nyid do |  | 'on kyang de dag gi go bya go byed yin min du 'jog pa'i nges pa ni rnam par rtog pas sbyar ba yin te |  'di'i
rigs can gzhan du de myed par mthong pa dang ma mthong pa las 'di de la 'khrul pa dang mi 'khrul par rtog pa'i phyir ro zhe'o |  | de ni ma yin te |  go byed kyi 'brel pa rdzas la mi 'thad pa dang |  go bya go byed du du rtog pas 'jog pa mi 'thad pa dang |  slob dpon gyi dgongs pa ma yin pa'i phyir ro |  | dang po ni rdzas 
cig gi steng du chos gnyis de'i ngo bo dang de las byung pa dang mthong pa tsam gyis de dag spyi khyab mi 'grub ste ha cang thal bar 'gyur ba'i phyir bum pa dang sngon po bzhin no |  | 'on te rtags kyi khyab pa yang so sor nges pa'i rdzas la mthong pa nyid yin na khyab pa de bsgrub bya rtogs pa'i yan lag du mi 'gyur te |  lhan cig mthong
pa'i gzhir bsgrub mi dgos shing ma mthong pa'i gzhir rjes su mi 'gro ba'i phyir ro |  | don gyi dbang 'di gzigs nas rnam 'grel las |  | gang tshe go byed rjes 'gro ba |  | spyi'i ngo bo nyid du rtogs |  | zhes gsungs so |  | ci ste 'brel pa khyab pa'i rtsa bar mi 'dod na yang gang gis gang zhig sgrub pa 'am dgag 


| pa'i don du 'brel pa rtog cing |  rtags kyi rjes su 'gro ldog de dang de ma yin la mthong pa dang ma mthong pa tsam du 'ang 'gyur la |  kho bo cag rtags mi 'khrul pa'i spyi khyab de nyid la 'brel par brjod pa'i yang phyir ro |  | gnyis pa ni go bya go byed nges par 'jog pa'i rtog pa de rgyu mtshan myed kyang rtog na ha cang thal 
la |  'dir lhan cig mthong pa 'am gzhan du ma mthong pa tsam yang de'i rgyu mtshan du mi rung ste smra ba dang 'dod chags kyang go bya go byed du thal ba'i phyir ro |  | de la mi 'khrul pa'i rnam pas mthong pa dang gzhan la 'gal ba'i rnam pas khegs ba yin na blo de tshad ma nyid yin pas tshad mas mi 'khrul pa nges pa la rtags kyi tha 
snyad rtog pas 'dogs pa ni mi 'gal lo |  | gsum pa ni gzhung gi cha dag las |  rgyu dang 'bras bu'i dngos po 'am |  | rang bzhin nges par byed pa yang |  | med na mi 'byung nges pa ste |  | ma mthong las min mthong las min |  | gzhan du gzhan ni gzhan dag dang |  | nges par yod pa'i nges pa gang |  | 
rgyu la rang bzhin ji snyed cig |  | myed na mi 'byung nges pa ni |  | ces khyab pa 'brel pa'i rtsa ba can dang 'brel pa ldog pa'i chos la rten par gsungs zhing skyes bu'i rtog pas gtan tshigs dang der snang par 'jog pa ma yin par gsungs pa'i phyir ro |  | gang yang 'brel pa ni yul dus rnam pa thams cad la khyab pa'i 
du ba dang byas pa tsam ces pa ldog pa'i spyi gcig yod pa de la rtsi ba yin te | de thams cad du rjes su 'gro bas dgag sgrub rtogs pa'i rgyur yang 'thad do zhes rgyun lugs su 'byung pa |  de yang rdzas kyi spyi nyid dang mtshungs pa dang | rdzas las phyogs gnyis su mi 'thad pa dang |  rgyu mtshan nyid ma 
grub ces spyad par bya ste |  dang po ni phyi rol pa lta bu ba'i gsal ba rnams la rdzas kyi spyi cig yod pa cis dgag |  tha dad du 'dzin pa gsal bas ma dmyigs la |  de dag nyid cig yin pa yang 'gal ba'i chos dang ldan pas khegs so zhes bya ba'i rigs pa 'dir yang mtshungs so |  | gal te 
'dir chos 'gal ba de dag gis du ba'i gsal ba rnams rdzas tha dad par 'gyur gyi du ba ma yin par mi 'gyur bas du ba'i ldog pa cig pa nyams pa myed do zhe na |  bden na chos 'gal bas du ba'i yul dus rnam pa tha dad par 'gyur yang des du ba'i rdzas ma yin par mi 'gyur bas rdzas cig nyid la nyams pa myed 
ces smra mi nus sam |  yul dus rnam pa dang de ldan gyi rdzas gzhan ma yin pas de dag gi grangs snyed du de'ang 'gyur dgos so zhes ni kho bo yang smra'o |  | gnyis pa ni du ba tsam ces pa'i ldog pa de du ba'i rdzas las tha dad par ni mi 'thad te |  ma dmyigs pa dang ldog pa du ba ma yin par 'gyur ba'i 


phyir ro |  | rdzas du ma'i ngo bo snang pa nyid ni bden nam brdzun yang dngos po cig du 'gal ba'i phyir ro |  | gsum pa ni gal te de dag thams cad ldog pa du ba ma yin pa las ldog pas ldog pa cig yin no zhe na |  ldog bya du ba ma yin pa cig yin na de ltar 'gyur na ldog pa du ma las ldog pa cig du ci ltar 'gyur | 
du ba ma yin pa'i rdzas tha dad kyang ldog pa cig yin no zhes bya ba ni du ba'i ldog pa cig nyid la ltos pas brgal zhing brtag par bya ba yin no |  | ldog pa mtshan nyid la brjod na yang mtshan gzhi' du ma la rten pas cig du 'gal te snod du ma la rten pa'i rgya shug bzhin no |  | gal te 'gal ba'i chos dang 
ldan pas don dam pa'i gcig ma yin yang gsal ba'i mthar ma thug pa'i don spyi cig 'char bas don rang mtshan la spyi ldog cig du sgro 'dogs pa yin no zhe na |  sgro 'dogs pa ni bden te rdzas gyi spyi 'ang sgro mi 'dogs pa ma yin no |  | des na 'gal ba'i chos myed pa'i cig ni ldog pa 'ang ma yin 
la yod kyang sgro btags pa'i gcig ni rdzas kyang yin pas slob dpon gyis kyang |  ldog pa ngo bo nyid myed phyir ro |  | gnas dang mi gnas rtog pa myed |  | ces dang | chos kyi bye brag kun brtags pa'i phyir ro |  | zhes gsungs so ||  des na 'gal ba dang 'brel pa'i mtshan gzhi ni 'di ltar shes par bya ste | 
gnas skabs kyi 'gal 'brel ni de dang de ma yin par mthong pa'i rdzas nyid la'ang gnas la |  rtags kyis dgag sgrub rtogs pa'i rgyu rang bzhin gyi 'gal 'brel ni mtshan nyid la brtsi bar bya ba yin te de yang dus rnam pa'i mtshan gzhi' tha dad la rten pas ldog pa cig ma yin gyi ldog pa mtshungs shing ro cig 
pas spyi'i mtshan nyid ces brjod pa'o |  | 'di la rtsod pa ni gal te kun rdzob du yang ldog pa gcig pa myed na mtshungs pa'i du ma 'ang mi rung bas ldog pa'i tha snyad nub par 'gyur ro zhe na |  bden na gang phyir dngos kun rang bzhin gyis rang rang ngo bo la gnas phyir |  | ces rdzas du mar dmyigs pas cig 
'gog pa'ang bzhad gad du mi 'gyur ram |  mi 'gyur te cha bcas kyi du mar grub pas cha myed pa'i cig 'gog pas so zhes 'god na ni 'dir yang smra ste |  des na rdzas dang ldog pa gnyis kar yang tha snyad du dmag dang 'phreng ba'i cig ltar brtags nas so zhes mtshungs pa yin no |  | yang gal te gsal ba thaMd
dang 'brel ba'i ldog pa cig myed na spyi dang bye brag la khyab che chung gi dbye ba mi 'thad de rdzas cig la rten pa'i ldog pa phan tshun khyab cing mi gcig pa'i ldog pa phan tshun ma khyab par mtshungs pa'i phyir ro zhe na |  de lta mod kyi de'i rigs la khyab pa dang ma khyab pa las de ltar brjod pa yin no |   | 


| gal te dpe' la 'gal 'brel grub pa dang phyogs la mthong pa'i rtags ldog pa mi gcig na ldog pa gzhan la 'gal 'brel grub pas gzhan gyis dgag sgrub kyi rtags su ji ltar 'gyur te ha cang thal ba'i phyir ro zhe na |  khyod kyis kyang du ba dang byas pa lasogs pa dbang po'i don yin pas rjes su 'gro ba nyid 
bkag pa ma yin nam |  de lta ma yin na de la brda' nus pa dang 'bras bu myed par yang ci ltar 'gyur |  des na 'dir thams cad du ldog par mtshungs pa la 'gal 'brel grub pas de'i rigs can mthong pa las dgag sgrub go bar 'gyur ba yin no |  | de lta na de dag bdag nyid thaMd kyis 'dra ba mi srid la phyogs 
cig gi 'dra ba la grub pas yin na ha cang thal te du ba la me dang grang pas 'gal 'brel grub pas de dang gzugs can du 'dra ba'i mthus de dag dgag sgrub go ba 'gyur ro zhe na |  ldog pa gang la 'gal 'brel grub pa des mtshungs pa la 'dod pa na gzugs can gyi ldog pa la de grub pa myed pas thal ba'i go skabs 
ga la yod |  de lta yin dang mdo' las |  | gcig gi stong nyid gang yin pa |  | de ni kun kyi stong nyid yin |  | ces sogs chos rnams kyi khyab pa'i chos nyid rtogs pa 'thad pa yin gyi gsal ba rnams kyi spyi ldog pa gcig nyid yin na ngo bo cig la snang mi snang 'gal bas de snang ba na de yang snang dgos 
pas thams cad mkhyen pa nyid du 'gyur ba 'am de mi snang na 'ga' yang mi snang par rtogs pa nyid myed par thal ba bzlog par mi nus so |  | gsum pa mtshan gzhi' de la 'gal 'brel nges pa'i blo yang kha cig spyod pa'i shes rab du 'dod te |  de la spyod pa'i mtshan nyid ni 'gal ba dang 'brel pa'i stobs 
kyis spyi'i mtshan nyid la sgro 'dogs sel pa ste |  rtogs pa chos gsum dang ldan pas yang dag pa'i rtogs pa nyid myed pa dang 'gal 'brel la ma brten pa'i yid spyod dang 'jug yul nges pa'i rtogs pa tshad ma rnams bcad pa yin no |  | de yang gnyis las dngos po'i spyod pa ni dngos po'i 'gal 'brel 
las srid pa'i don la dogs pa sel pa yin la |  sgra don gyi spyod pa ni chad byas kyi 'gal 'brel las brtag pa'i mtha' la dogs pa sel pa ste rtsis dang dmig mangs lasogs pa'i shes rab bzhin no |  | de dag skye zhing dogs pa sel pa'i tshul yang 'di ltar yal 'dab dang ldan pa'i rdzas
lasogs pa mthong pa ste mtshan gzhi 'dzin pa'i tshad ma dang |  de la mthun dngos dang gzhan dngos las ldog pa sna tshogs kyi tha snyad byed pa mtshan nyid rnam par 'byed pa'i blo gros dang |  de'i rjes su des bstan pa'i chos rnams la 'gal 'brel spyod pa'i shes rab 'byung ste |  de rnams kyi rnam pa 


shar ba la yid gtad pa na gang zhig gang las rnam pa gzhan du mi 'char ba de ni de dang ma 'brel zhing de ma yin dang mi 'gal ba'i dogs pa gcod pa yin te shing dang shing ma yin la sha pa bzhin no |  | bzlog pa ni de lta ma yin te sha pa dang sha pa ma yin pa la shing bzhin no |  | mtshan nyid de dang ldan par yang rang nyid 
kyi grub pa yin te |  'dzin stangs myong pa'i rang rig pas rang nyid 'gal 'brel la rten pa dang gzhan rig gis dpyad bya bden pa nyid du grub pas gzhan du spyod pa 'khrul par yang shugs la grub ste goms pa'i mngon sum bzhin no |  | des na |  'jug yul nges pa ma rtogs pas |  | tshad ma'i mtshan nyid myed 
kyang bla |  | 'gal 'brel rtsa ba la brten pas |  | rnam gzhan dogs 'gog yid ches rgyu |  | zhes smra'o |  | 'di la dpyad te dpyod pa'i rnam pa 'khrul pa dang |  | rtogs pa'i tshul tshad mar 'gyur ba dang |  | spyod yul tshad mas mi 'grub pa dgag par bya'o |  | dang po la don gyi rnam pa 
gzhan du mi 'char ba dang 'char bas phyi rol gyi 'brel ba dang ma 'brel par rtogs na rtog pa la chos thams cad mi gsal ba'i rnam pa nyid du 'char bas mi gsal bas khyab pa 'grub par 'gyur la |  byas pa dang yod pa yang mi rtag pa las rnam pa gzhan du 'char bas |  de dang 'brel pa des mi 'grub cing |  | 
de bzhin du gang la gang gis ma khyab par dogs pa skyer rung thaMd de las rnam pa gzhan du 'char bas de dag gi khyab pa yod pas mi 'grub par thal ba spang dka'o |  | gnyis pa ni yang ci spyod pa'i rtogs pa de don 'ga' zhig snang pa nyid kyi stobs kyis yin nam snang pa'i don dang 'gal 'brel dran pa las yin | 
dang po ltar na mngon sum gyi rtogs par 'gyur la |  gnyis pa ltar na rjes dpag gi rtogs par 'gyur te |  'brel pa can gyi don gzhan las |  | chos can la rtogs skye ba gang |  | de ni rjes dpag ces gsungs pa'i tshul gyis de nyid de'i mtshan nyid yin pa'i phyir ro |  | gal te snang pa'i 
stobs kyis yin yang spyi'i rnam pa snang pa'i stobs kyis phyi rol la dogs pa sel pas mngon sum du mi 'gyur ro zhe na |  spyi 'i rnam pa de nyid rgyu mtshan las ma 'ongs pa'i snang pa yin na des phyi rol la dogs pa mi chod la |  'ongs na du ba'i rtags las me ldan gyi rnam pa snang pa'i stobs kyis rtogs pa 
ltar rjes dpag du 'gyur ba las mi 'da' ba nyid do |  | gsum pa ni mngon sum nyid kyis sha pa dang sgra grub pa na de la shing dang dngos po ma yin pa'i dogs chod pas sha pa dang sgra'i spyi la shing dang yod pas khyab pa grub pas gzung pa'i rnam pa la 'gal 'brel lta ba'i spyod pas ci bya ste des mi 'grub na des kyang 


| mi 'grub ces brgal zhing brtag pa mtshungs la |  de nyid kyis na sgra'i spyi la yod pas khyab pas mi rtag pas khyab ces pa'i rjes dpag skye bas lkog gyur gyi spyi khyab rjes dpag gis 'jal bar grub po |  | 'o na tshad ma ni 'di dag gis don bcad nas 'jug pa na zhes 'jug yul ston par bshad pa ma yin 
nam bye brag ma rtogs pa'i spyi 'jug pa'i yul du ci ltar rung zhe na |  bye brag ma grub pa'i spyi la sgrub pa rtogs par mi 'dod te |  dgag pa yang dngos su rtogs pa'i gzhi ni mthong pa yin la shugs la khegs pa'i yul nges par mi 'dod te |  mdun gyi bum pa sngon por grub pa na bum pa 'di 'dzin gyi blo sngo 
'dzin ma yin pa yul dus rnam pa thams cad du chod pa bzhin no |  | tshul 'di ni slob dpon gyi bzhed pa yang ma yin te |  rang gis grub pa ma yin pa thams cad ni bdag nyid dang 'brel pa'i mi 'khrul ba gzhan la ltos pas ces dang |  'brel pa las spyi'i tshul du don rtogs pa 'ang rjes su 
dpag pa nyid yin ces dang |  don gang zhig yod pa 'am myed par nges pa de yang tshad ma nyid kyis yin gyi ces tshad ma gnyis las yid ches pa'i blo gzhan myed par gsungs pa'i phyir ro |  | des na rang bzhin 'brel nges par byed pa ni thams cad du tshad ma nyid yin te |  mtshan gzhi myong pa'i rtags kyis 
grub pa nyid na de ma yin gyi dogs pa chod pa ni des khyab pa mngon sum rjes dpag gis dngos su grub pa yin la |  mi chod na de de ma yin la 'gegs pa'i mngon sum 'am rjes dpag dang tshogs pa'i shugs kyis grub pa yin te |  mtshan gzhi grub pa dang de ma yin la khegs pa nyid de dang 'brel pa 
grub pa yin pa'i phyir ro |  | des rtags nges pa grub pa ni de ltar tshad mas nges pa'i rang bzhin 'brel pa de yang gnyis ste | rang las rdzas tha mi dad pa dang tha dad pa'o |  | dang po ni bdag nyid cig pa'i 'brel pa yin la |  gnyis pa yang de las byung pa dang des khyad par du byas pa las tha ma ni 
rtog pa dang sgra don ltar go bya go byed du mi rung pas dang po gnyis kyis go bar byed pa'i rtags gnyis nyid do |  | 'brel pa de dag re re las yul gnyis gnyis sgrub pas ni rang bzhin dang khyab byed mi dmigs pa dang |  'bras bu dang rgyu mi dmyigs pa'i rtags bzhir 'gyur te des na dbye ba'i tshul ni 'di nyid 
rigs pa yin no |  | slob dpon gyis gsum du phye ba'i dgongs pa ni 'di yin te |  bskal pa rnams la med nges yod ma yin zhes mi dmyigs pa dgag bya snang rung 'gog pa zhes cig du bsdus pa ni kha cig las 'bras lasogs pa ma mthong pas myed par smra ba bzlog pa yin la |  'brel pa 


gnyis kyis bsgrub pa gnyis su phye bas ni ldan 'du lasogs pa'i 'brel pas sgrub pa dgag pa'i don te |  ji skad du yod pa gang med mi 'byung pa 'am |  | rang bdag rnam dbyer med can gang |  | de ni de dang 'khrul mi 'gyur |  | zhes bya'i don du de rab phye |  | ldan pa phan sogs gang dag pa |  | 'di 
'dra'i 'brel pa yod min pa |  | de dag 'khrul pa srid pa'i phyir |  | gtan tshigs min zhes bshad pa yin |  | zhes gang gsungs pa yin no |  | rtags de dag las rtogs pa'i yul dpyad pa yang mi 'thad pa'i phyogs dgag pa dang |  'thad pa'i phyogs gzung pa dang |  | de la nyes pa spang ba 
gsum gyis nges par bya ste |  | dang po ni rtags thams cad kyi rjes dpag gis chos can dang dgag bya'i tshogs pa myed par dgag pa nyid 'jal ba yin gyi me dang shing lasogs pa ma yin dgag gi dngos po ni mi 'jal te |  'di ltar tshad mas don rtogs par 'gyur ba ni gzung pa'i rnam pa don dang mthun pa las 
yin na rtog pa'i gzung pa ma yin dgag ni phyi rol dang mthun pa ma yin te |  dgag sgrub gzhan dang 'brel par snang pa'i phyir dang |  dngos po dang dngos myed thun mong par snang pa'i phyir dang |  phyi rol yod myed kyi rjes su mi byed pa'i phyir ro |  | 'o na me dang shing myed kyi dngos po myed dgag phyi rol la gnas kyang 
blos ji ltar bzung zhe na |  don gyis gzung pa nyid te blo 'dis rang gi zhen yul dngos po dang dngos myed thun mong pa dngos po'i rnam par nges pa dang |  rang gi snang pa don ma yin la don du zhen pa dang |  yod nges zhes nges pa'i rang bzhin mtha' cig du nges pa'i phyir snang pa dang phyi rol la 'dra chos 'ga' zhig sgro ma btags 
par mi 'thad la de yang de dag la me dang shing med kyi dngos po myed par dgag pa las gzhan myed pa'i phyir ro |  | yang rjes dpag gis me lasogs pa'i dngos po nyid rtogs na de'i rang bzhin mi rtag pa dang bdag myed lasogs par rtogs par 'gyur te de'i rang bzhin de dag yin pas so |  | sgra rtog thaMd med dgag gi 
gzhan sel pa ste |  dngos po la mi reg pa la nyes pa der mi 'gyur te |  de ltar yang rnam 'grel las |  | rjes su dpag pa las kyang dngos |  | 'dzin na chos cig snang 'gyur bas |  | chos kun 'dzin te sel pa la |  | nyes pa 'dir ni thal mi 'gyur |  | zhes gsungs pa yin no zhes zer 
ro |  | 'di ni mi 'thad te |  sgrub byed de dag mi rigs pa dang |  gnod pa gzhan yod pa dang |  slob dpon gyi dgongs pa ma yin pa'i phyir ro |  | dang po ni rtog pa gzhan don dang mthun par mi 'dod la |  rjes su dpag pa'i gzung pa ma yin dgag la don dang mthun pa 'gog pa'i rtags de dag ma 


| grub pa'i phyir dang |  myed dgag sgro btags par dpog pa yang gal te phyi rol gyi med dgag de rjes dpag gi zhen yul ma yin na dngos yul du mi 'thad la |  yin na yang de ltar nges na dpog pa'i rtags don myed la ma nges na zhen yul du mi 'thad de |  ji skad du |  nges pa rnams kyi ma nges gang |  | 
de ni ji ltar de dag yul |  | ces gsungs pa yin no |  | ci ste rtags de dag gis med dgag kho na sgro btags par dpog na ma nges te me lasogs pa'i rnam pa ma yin dgag gis kyang 'dra ba'i phyir ro |  | de lta ma yin te rtog pa'i gzung pa dang phyi rol la ma yin dgag gi rnam pas 'dra ba myed na gtso' bo lasogs 
pa'i sgra don gzhir byas pas phyi rol la sgro 'dogs chod pa'i rgyu mtshan dpyod cig |  gnyis pa ni yang ci rang bzhin dang 'bras bu'i rtags de dag gis me dang shing lasogs pa'i ma yin dgag sgrub pa 'am med dgag sgrub |  dang po ltar na rtags kyi bsgrub bya mi 'jal bas |  rjes dpag rtags la mi ltos par 'gyur la | 
gnyis pa ltar na rtags de dag mi dmyigs par 'gyur te rgyu dang khyab byed 'gog pa'i rtogs bzhin no |  | de lta na 'ang sgrub pa rtogs par rlom pas bsgrub par 'jog na rtog pa rnam par rang gi ** por rlom pas dngos po 'dzin pa'i mngon sum du 'gyur la |  de'i mtshan nyid tshad mas khegs na rlom pas der ga la 'gyur 
zhes mtshungs par brjod do |  | med dgag kyang mi 'jal zhes brtag pa mtshungs pa'ang yin te |  tshul gsum tshang pas rtags kyi mi sgrub pa 'gal la bsgrub bya yin yang rtags la ** sa pas mi 'jal na blo de rtags la mi ltos par 'gyur ro zhes pa'i lan mtshungs pa'i phyir ro |  | gsum pa ni slob dpon
gyis |  | tshad ma slu ba med can gyi |  | shes pa don byed nus pa ni |  | mi slu yin te |  ces dang |  tshad ma rnam gnyis dngos po'i |  | yul can yin te ces bya ba lasogs pas rjes dpag gis dngos po 'jal bar gsungs pa'i phyir ro |  | yang kha cig lung de dag gis na rtags thams cad kyi rjes dpag 
gis ma yin dgag gi dngos po nyid 'jal ba yin gyi dngos myed ni tshad ma'i gzhal byar mi rung ste khyad par du byar myed pa'i phyir ro |  | 'on kyang dngos po tha dad par grub pa na 'di la 'di med ces sgro 'dogs kyi yul du byed pa yin no |  | dngos po 'jal ba'i tshul yang bsgrub pa'i rjes dpag gis ni gzhi dang 
chos kyi tshogs pa grub par 'jal bar gsal lo |  | dgag pa'i rjes dpag gis kyang kha cig ni 'di la myed ces dgag byas dben pa'i dgag gzhi 'i dngos po 'jal bar smra la |  kha cig ni 'di myed ces dgag bya'i dngos po nyid 'jal bar 'dod te |  'dir myed pa ni lta sbyin no zhes bkag pa dgag bya'i 


chos su 'jal ba'i phyir dang |  'gog pa'i tshad ma dgag bya yod myed la rag las pa'i phyir sgrub pa'i tshad ma bzhin no |  | des na dgag sgrub kyi tshad ma gnyis kas sgrub pa dang sel pa'i tshul gyis dngos po nyid yul du byed pa yin te 'dren pa dang 'phul ba dag gis sog le bzhin no zhes zer ro |  | 'di yang rnam pa thams cad 
du mi 'thad te |  rigs pas mi 'thad pa dang |  slob dpon gyi dgongs pa ma yin pa'i phyir ro |  | dang po yang dngos med mi 'jal ba mi 'thad pa dang |  dngos po 'jal tshul mi 'thad pa dang |  dngos med sgro 'dogs kyi yul du mi 'thad pa gsum las |  dang po ni tshad mas dngos po mi 'jal lo zhes bsgre bar bya ste |  dngos su
rang nyid mi 'jal ba shes pa nyid du 'gal lo zhe na |  der 'dzin myong pa'i shugs la der snang pa'i sgra don dang zla gnyis mi 'jal ba'ang 'gal lo |  | de dag kyang shes pa nyid du 'dod na shes pa 'ang dngos myed du smra ste |  sem gdu gi don byed pas gnod pa ltar te dag kyang snang pa ltar don byed pa khegs pas ji ltar mi gnod | 
shugs la dngos myed 'jal bar 'dod na'ang dngos su ci 'i phyir mi 'dod te myed pa bya ba'i yul du 'gal ba'i rgyu mtshan mtshungs pa'i phyir ro |  | gnyis pa ni bye brag du pa dgag gzhi 'i dngos po nyid 'jal ba mi 'thad te skad cig mas stong pa dngos por myed te don byed pas stong pa'i phyir ro zhes pa'i rjes dpag la dgag gzhi 'i 
dngos po myed pa'i phyir ro |  | kho bo cag blo rnam bcas smra bas der yang rtag par snang pa'i sgra don blo'i dngos po nyid yin te 'on kyang de rtag pa'i don byed pa bkag pas de'i dngos por 'gog pas phyogs chos kyi skyon yang myed do zhe na |  de ltar 'dod kyang 'thad pa ma yin te |  rtag par snang pa'i blo de ma 'khrul na shes pa rtag pa'i 
dngos po nyid du 'gyur la |  'khrul pa'i gzung pa dngos por myed pas shes par 'gal ba'i phyir ro |  | dgag bya'i dngos po 'jal ba'ang mi 'thad pa las re shig bsgrub byed mi rigs te bkag pa rtogs pa dgag bya'i rnam pa shar ba la ltos kyang de dgag bya la ldan pa'i chos ma yin te phan tshun 'gal ba'i phyir tsha ba
dang grang pa bzhin no |  | gzhan yang de lta na dgag bya mthun phyogs su 'gyur te bsgrub bya'i chos dang ldan pa'i phyir ro |  | de'i phyir skad cig mas stong te byas pa'i phyir ces bya ba'i 'gal ba rjes 'gro dang ldan par 'gyur ro |  | mi slu ba'i rag las sa zhes pa yang rgyu mtshan phyin ci log yin te gzhan du
na ba lang grang reg stobs ldan yod myed kyi rjes su byed pas de'i 'bras bur 'gyur ba cis bzlog |  gnod byed kyang spyir tshad ma gang gi dgag bya 'ang su'i gzhal byar mi rung ste ji ltar gzhal bya'i yul dus rnam pa der 'gog pa 'khrul par 'gyur ba'i phyir ro |  | khyad par du rang gi dgag bya 'jal ba mi 'thad te | 


| dgag bya de grub cing ma khegs na 'gog byed 'khrul pa dang |  ma grub cing khegs na yul bkag pas rang nyid rang gis 'gog par thal ba'i phyir ro |  | khegs kyang dgag bya de nyid bsal bar 'jal bas yul myed par mi 'gyur ro snyam na |  ci dgag bya bum pa bsal ba de bum pa yin nam ma yin |  dang po ltar 
na bum pa grub pa dang bsal pa gnyis ka bum pa yin na shes bya thams cad bum pa nyid du 'gyur te de gnyis las mi 'da' ba'i phyir ro |  | gnyis pa ltar na de gzhal bas bum pa gzhal bar ji ltar 'gyur te bum pa gzhal bas bum myed bzhin no |  | dper yang ma grub ste der gnas skabs skyed 'jig gi rgyu ni ngo bo grub pa 
nyid la khyad par skyed pa yin la |  'dir tshad ma ni yod myed shes byed kyi rgyu yin pas dgag mi nus pa 'am yul myed par 'gyur ba'i phyir ro |  | gsum pa ni dngos po rnams phan tshun cig la cig myed pa sgro 'dogs kyi yul du 'ang mi 'thad te |  de dag phan tshun myed par mi gnas na thaMd thaMd kyi ngo bor 'gyur la 
gnas kyang der 'dzin sgra 'dogs yin na ha cang thal ba'i phyir dang |  bya ba'i yul ma yin pa sgro 'dogs kyi shes byar yang 'gal ba'i phyir dang |  tshad mas yul mi rung na sgro 'dogs kyi yul yin par yang mi 'grub pa'i phyir ro |  | slob dpon gyi gongs pa 'ang shin du ma yin te |  ji skad du |  dngos po'i 
yul can kho na ni tshad ma ma yin gyi tshad ma'i mtshan nyid ni mi slu ba yin la de ni rang gi yul yod pa dang myed pa la de ltar 'jog ces dang |  gzhal bya nyid yod med gnyi' ka'i chos su gsungs pa'i phyir dang |  de ltar 'dod pa'i bsgrub bya la |  | gnod pa ci yang myed pa nyid |  | ces chos dgag pa sgrub 
pa la gzhi dngos po ba mi dgos par gsungs pa'i phyir ro |  | de bzhin du dngos kyi brjod bya rtog pa la snang pa yang der rtog myong pa'i rang rig gis gzhal ba'i phyir dngos por 'gyur dgos pas sgra rtog don rang mtshan gyi dngos yul can du 'gyur na |  slob dpon gyis sgra don dngos po ma yin par gsung pa dang |  dngos kyi ma nges 
par gsungs pa'i gzhal byar mi rtag pa'i go byed du 'gyur ba'ang yin no |  | yang kha cig 'dir rtags gsum gyi bsgrub bya ngos gzung pa na gnyis ni dngos po sgrub la cig ni dgag pa sgrub po zhes dang |  gtan tshigs thigs par yang |  | 'dis ni dngos la dngos po'i cha |  | khas blangs myed par dgag pa ni 
sgrub byed snga ma dag gis ni |  | ma yin dgag pa sgrub par byed |  | ces 'byung pa las na rang bzhin 'bras bu'i rjes dpag gis gzhi dang chos kyi tshogs pa ma yin dgag 'jal la |  mi dmigs pa'i rjes dpag gis ni gzhi dang dgag bya'i tshogs pa myed par dgag pa nyid 'jal ba yin no zhes zer ro | 


de yang mi 'thad te |  de ltar na sgra'i dngos po don dam pa'i dngos pos stong te dngos po nyid yin pa'i phyir zhes bye brag chos can la spyi rtags su bkod pa 'di yang mi dmyigs pa'i rjes dpag yin pas gzhi dang dgag bya'i tshogs pa khegs tsam 'jal bar 'gyur ro |  | de 'dod na khyab pa 'dzin pas rtogs zin la 'jug pas bcad pa'i 
yul can du 'gyur ba dang |  gzhi dang dgag bya'i tshogs pa khegs kyang bkag chos dang tshogs pa'i ma yin dgag mi 'jal na gnod pa can gyis byas pa rtag pa dang tshogs pa khegs kyang mi rtag pa dang tshogs pa mi 'grub pas rtags grub pa'i bzlog khyab kyis rjes 'gro mi 'phen par thal ba 'jug pa'i phyir ro |  | slob 
dpon gyis chos myed dgag sgrub pa la dgongs bas gzhung gi don yang ma yin no |  | gnyis pa 'thad pa'i don ni 'di yin te |  spyir rtags kyi sbyor ba ni mu bzhi ste |  bsgrub bya'i chos dang chos can gnyis ka ma yin dgag dang |  chos can myed dgag dang |  chos myed dgag dang |  gnyi ga myed dgago : 
go |  | rtags kyi bsgrub bya ni thaMd du chos dang chos can tshogs pa nyid yin pas mu dang po gsum gyi bsgrub byas sgrub chos ma dor bas ma yin dgag dang |  bzhi pa med dgag du 'gyur la |  rtags kyi bsgrub bya nyid rjes dpag gi yul yin pas de dag gi rjes dpag gis kyang gsum gyis ma yin dgag dang bzhi 
pas myed dgag nyid 'jal bar gsal te 'di la som nyi ga la yod |  gsum pa rtsod pa spang pa yang phyogs gsum gyi las re shig dngos po la 'jal ba la dngos po'i chos thams cad rtogs par thal ba myed te |  dngos po'i chos thaMd ma rtogs kyang rtogs pa'i chos dngos po yin pas dngos po'i yul can du brjod 
te de lta ma yin na mngon sum tshad ma 'ang dngos po'i yul can du mi 'thad pa'i phyir ro |  | myed dgag 'jal ba la rgyu 'gog pa'i rigs pa dang mthar bzhir dpyad na mi 'thad pa dang rnam gzhag gi yul du mi rung pa'i skyon spang med te |  ngo bo myed pa rgyus bskyed byar 'gal yang tshad ma la ni dngos por 'dzin 
pa'i sgro 'dogs sel pa yin gyi dngos myed byed par mi 'thad pa'i phyir dang |  bum pa myed par 'jal la de bum pa dang ma 'brel yang de dang bum pa 'gal bas khegs shing snam bu myed pa dang bum pa mi 'gal bas mi khegs pa dang |  rnam gzhag gi yul du yang gnyis ka rung ste |  bum myed lasogs 
pa dngos pa'i khyad par myed dgag ni dgag gzhi' mthu tshang pas kyang yul du 'gyur la |  dngos po tsam myed pa 'ang de rtogs pa'i shes rab kyis kun nas nyon mongs spong pas don du gnyer bas kyang yul du 'gyur ba mi 'gal lo |  | yang gal te mi dmyigs pa'i rjes dpag gis kyang ma yin dgag 'jal 


| na rtags kyi bsgrub bya'ang de yin dgos pas bsgrub pa'i rtags su 'gyur ro zhe na |  khyab pa ma grub ste chos myed dgag bsgrub pa'i phyir ro |  | gal te chos med dgag yin yang gzhi ma yin dgag dang tshogs pas ma yin dgag nyid du 'gyur na gzhi ma yin dgag yin yang chos myed dgag gis zin pas 
tshogs don med dgag nyid du ci ste mi 'gyur ce na |  tshogs don la de'i mtshan nyid dgag chos 'ba' shig pa myed la mtshan nyid gzhan gyis tha snyad gzhan mtshon pas kho bo la ci zhig gnod te tshul 'di ni spyad zin to |  | gal te mu bzhi pa skad cig mas stong pa dang dngos myed tshogs pa nyid kyang dgag bya ma tshogs pa'i 
rnam pa 'char ba la mi ltos pas ma yin dgag nyid ma yin nam zhe na |  chos dang chos can ces dang tshogs ces pa'i ldog pa de lta mod kyi de'i mtshan gzhi chos gnyis po dgag bya la ltos pas med dgag nyid te med dgag blos shes kyang shes bya'i ldog pa myed dgag ma yin pa bzhin no |  | de lta na gzhung la 
dgos pa'i don tshang par 'gyur te |  'dir skabs kyi don 'di snyed cig shes par bya'o |  | 'thad pa'i don de nyid thugs la bzhag nas gzhung bkod pa las rtags gsum gyi yul gyi dbye' ba ni rtags gsum po de la gnyis kho na dngos po bsgrub pa yin la cig ni dngos po dgag pa kho na sgrub ces so |  | 'brel pas 
dbye ba ni bsgrub par bya ba dang byed pa nyid dag kyang rang bzhin 'brel pa yod pa nyid na'o |  | rang bzhin 'brel pa mi 'khrul pa gang las ce na |  de ni de'i zhes pa 'am |  yang na rang bzhin 'brel pa de yang gang zhe na |  tshul gnyis las byas pa dang mi rtag pa lasogs pa de ni de'i bdag nyid yin pa'i phyir ro 
zhes bya'o |  | pha rol gyis bdag nyid yin na mi 'khrul yang bsgrub bya gtan tshigs kyi dbye bar mi 'thad par mthong nas de'i bdag nyid yin na zhes rgol ba la |  rang gi mtshan nyid la dbye ba myed kyang blo'i yul du bsgrub bya sgrub byed myed pa ma yin te |  byas pa dang mi rtag pa lasogs pa ldog chos kyi bye 
brag rtog pa la shar ba don la kun brtags pa'i spyi 'ga' zhig gis ma nges pa'i phyir ro |  | de nyid 'di ltar bum pa dang byas mi rtag lasogs pa la chos dang chos can nyid ces so |  | blos mthong na don nyid la yod pa ma yin nam phyi ma leb la kha dog gi dbye ba bzhin no snyam na |  don las skyes ba'i 
blos gzung pa de lta yin kyang blo'i bye brag rang dga' ba ces so |  | tshul de nyid slob dpon phyogs kyi glang po'i gzhung dang sbyor ba ni don cig nyid blo'i gzung ba tha dad la ltos nas sbyor ba'i tha snyad du 'gyur ba de skad du yang ngo |  | 'o na blos tha dad par brtags pa rtags su 'god dam zhe na |  rang dga' ba'i blo de dag gis 


brtags pa'i yul gyis ces ste ngo bo ma grub par 'gyur bas zhes bsams pa'o |  |  gal te don la dbye' ba myed cing blos tha dad brtags pa 'ang rtags ma yin na bsgrub bya dang gtan tshigs ji ltar 'thad ce na |  bden mod kyi brtags pa la ltos nas don nyid la 'thad do zhes rgyas par 'chad pa ni gang phyir ces pa'i tshigs su bcad pa gsum 
ste |  'di yang bum pa lta bu'i don cig la tha dad sgro 'dogs pa'i rgyu mtshan dang rnam pa dang byed pa dang des grub pa'i don bzhir shes par bya ba las |  dang po ni bum pa lasogs pa'i dngos po kun gzhan dngos rtag pa dang ma byas pa dang mthun dngos snam bu lasogs pa bum ma yin las ldog pa can yin te |  gang gi phyir phyi rol pas 
brtags pa'i spyi ma 'dres shing bye brag gis ma phye bas rang bzhin gyis rang rang gi ngo bo la gnas pa'i phyir ro |  | sgro 'dogs pa'i rnam pa ni de phyir ces pa ste de ltar ldog 'tshams tha dad las ldog pa las log chos kyi don spyi re shar ba de'i rgyu mtshan gyis phyi rol gyi dngos po la bum pa dang byas pa dang mi rtag pa lasogs pa chos 
kyi dbye ba sgro 'dogs pa'o |  | sgro btags pa'i byed pa ni de'i ces pa ste |  spyi de'i khyad par rang mtshan nam rang mtshan de'i khyad par byas pa lasogs par rtogs ste bzlog pa'i sgro 'dogs chod pa'o |  | skabs don bsdu ba ni des na ces pa ste |  zhen yul gyi khyad par rtogs pa gzung pa'i chos sgro btags pa cha ltos 
pa des ni mi rtag pa lta bu'i khyad par gang zhig rang gi gzung pa'i chos kyis go bar 'gyur ba de de las gzhan byas pa'i gzung pa'i chos kyis mi nus pas don nyid la blo 'i yul du bsgrub bya sgrub byed kyi rim pa 'thad do zhes bya ba'i don to |  | rang bzhin 'brel pa'i dbye ba gnyis pa ni 'bras bu yang ces pa'o |  | | 
'brel pa gnyis po mi 'khrul pas de las 'brel yul rtogs pa'i blo tshad mar bsgrub pa ni rjes su dpag bya shes pa 'di gnyis ni der 'khrul pa myed pas tshad ma yin te mngon sum bzhin no zhes sbyar ro |  | mngon sum ltar dngos po snang ngam ce na |  snang pa ma yin te dngos su ma skyes pas so |  | 'o na gang las ce na | 
de las brgyud nas skyes pa'i phyir te 'di ltar dngos gang ci lta ba zhes sngar bshad pa'i tshul gyis so |  | da ni gong du brjod pa don rang gi mtshan nyid la dbye ba myed pas de 'dzin pa myong pa'i yul du rim pa myed kyang gzhan sel pas 'jug pa nges pa'i yul du rim pa yod pas rtog pa cha'i yul can no zhes bya ba 'dir sgrub pa dang gzhan 
sel pa'i 'jug tshul cung zad cig brjod par bya'o |  | de la spyir shes pa yul la 'jug pa'i tshul ni gsum ste |  sgrub pa dang |  gzhan sel pa dang de gnyis ka myed pa'o |  | sgrub pas 'jug pa yang mtshan nyid dang mtshan gzhi' dper brjod pa dang rdzas kyi yul can du sgrub pa gsum gyis nges par bya ba las 


| dang po ni rang gi mtshan nyid snang pa'i sgo nas 'dzin pa ste |  dper brjod pa ni gzugs dang bde ba lasogs pa snang pa'i rtog myed ma 'khrul pa rnams so |  | de rdzas kyi yul can du sgrub pa 'ang don gyi gnas lugs dang blo'i 'dzin stangs dang blo don bsam pa gsum las |  dang po ni de'i gzung yul bum pa lasogs pa sngo 
ma yin las log pas sngon por gnas pa nyid dang |  sngon po dang byas pa dang mi rtag pa lasogs pa'i chos kyi dbye rnams rdzas tha mi dad par gnas pa'ang yin te phan tshun spangs na sngon po rgyu myed dang rtag pa lasogs pa'i skyon du 'gyur ba'i phyir ro |  | 'on kyang bstan bcos las phung po gzhan du bzhag pa dang 'jig rten pas chos dang 
chos can gyi dbye' ba byed pa ni tha snyad sgro btags nas yin no |  | de yang gang las sgro 'dogs pa'i rgyu mtshan ni don gang dang gang las ldog pa de'i rgyu can ces bya bas ldog pa tha dad las log pa dang rtog pa la spyi tha dad par shar ba las so |  | ji ltar sgro 'dogs pa'i rnam pa ni de ldan min yang mthong par sbyor ces pas rtog 
pa'i gzung pa de mthong pa don gyi chos su sbyor zhing sre ba'o |  | sgro btags pa'i byed pa ni khyad par rtogs 'gyur ces pas don cig nyid chos dang chos can dbye ba du mar 'gyur zhing de la bzlog pa'i sgro 'dogs su ma gcod par byed pa yin no |  | yang yul dus rnam pa tha dad kyi bum pa rnams mthun dngos gzhan gyi dngos dag las 
ldog ces pa'i tshul gyis phan tshun rjes su mi 'gro bar gnas pa yin te gcig la mthong pa'i chos de gzhan la ma mthong pa'i phyir ro |  | 'on kyang bum pa tsam zhes cig gi tha snyad byed pa ni sgro btags pa yin te |  de yang rgyu mtshan thams cad la bum ma yin las log pa'i lto ldir ba lasogs pa spyi 'i 
mtshan nyid kyi don spyi gcig shar ba las |  rnam pa mthong pa'i don so so ba rnams la bkab te 'di dang 'di 'ang bum pa tsam mo zhes cig du sres pas |  byed pa mtshan nyid cig la sgro 'dogs chod pas rigs can thaMd la dogs pa mi skye bar byed do |  | de ltar na don rang gi mtshan nyid rjes 'gro tha dad med kyang 'khrul 
pa'i rgyu mtshan can gyi rtog pas cig dang du ma nyid du sgro btags pa yin te |  ji skad du rnam 'grel las |  dam pa'i don gyi don rnams ni |  | rang gis 'dre dang tha dad myed |  | de la ngo bo gcig pa dang |  | du ma blo'i bslad pa yin |  | zhes gsungs pa bzhin no |  | gnyis pa blo'i 'dzin stangs ni rtog myed don 
la lta ba tsam ste snang pas 'jug go |  | gsum pa ni de 'ang don ji lta bar 'dzin pas rgya las 'phur bzhin du don gyi gnas lugs gsum dang mthun par snang ba nyid do |  | 'di gang las shes ce na |  re shig bum pa sngon por snang bar ni de 'dzin gyi tshad ma nyid kyis grub po |  | rjes 'gro myed pa yang bum pa


rnams yul dang rnam pa ma 'dres par snang pa ni bum 'dzin nyid kyis grub la |  dus can tha dad par ni des mi 'grub ste mthong pa la rtag pa'i sgro 'dogs mi skye bar thal ba'i phyir ro |  | 'on kyang da ltar 'das ma 'ongs kyi dus 'gal ba'i rtags kyis dus can gyi dngos po snang pa tha dad par 'grub po |  | bum pa 'dzin pa la sngon po dang 
byas mi rtag lasogs pa tha mi dad par snang pa ni thams cad du rjes dpag gis ste |  de yang cha shas kyi snang pa dgag pa'i rtags dgod pa dang |  rtags de'i tshul bsgrub pa dang |  de la rtsod pa spang ba gsum las |  dang po ni bum pa'i sngon po dang byas mi rtag chos can myig shes cig la snang ba dang mi snang bas stong ste ngo bo dbyer myed 
pa'i phyir dbyibs dang kha dog bzhin zhes bya ba khyab byed myed pa 'am 'gal bas khyab pa dmyigs pa'o |  | gnyis pa 'di 'i tshul la phyogs chos ni sngon po mi rtag pa'i ngo bo yin te yod pa'i phyir zhes pa'i sngon po nyid rtag pa la 'gog pa'i rjes dpag gis grub la |  khyab pa ni rdzas cig la rnam pa shar ma shar 'gal 
bar mngon sum nyid kyis grub ste mnyan bya 'jig kyang sgra rtag go zhes brjod par mi nus pa bzhin no |  | gsum pa rtsod pa spang pa yang phyogs chos la rten pa dang |  khyab pa la rten pa dang |  brtags na mi 'thad pa gsum spang pa las |  dang po ni gal te 'di 'i chos can gyi don khyad par ma bzung pa'i sngon po dang mi 
rtag pa tsam yin na ngo bo gcig par ma nges shing snang mi snang myed pa la bsal bas phyogs chos myed la |  'on te snang pa'i dngos po dang mi rtag pa yin na yang chos can grub pa nyid na snang par grub zin pas shes 'dod 'gal lo zhe na |  nga gnyis ka ma yin gyi ngo bo gcig kyi'i sngon po dang mi rtag pa chos can yin te rjes 
dpag gis grub pa'i rang gi mtshan nyid dam sgra don rang rig gis grub pa gzhir 'jog kyang phyogs chos kyi skyon myed do |  | gnyis pa ni de lta na'ang 'di 'i khyab pa la ngo bo gcig pa'i don steng du thal ba 'jug ste |  de dag yid kyi rnam shes cig gis nges ma nges kyang med par thal zhing mngon sum tshad ma nyid la 'ang snang 
mi snang myed par thal te ngo bo gcig pa de nyid kyi phyir ro |  | ldog pa tha dad pas ces pa'i lan ni 'dir yang smra la |  rang bzhin gyi rtags nub par 'gyur du 'ong pas 'dod par yang mi nus so zhe na |  'di khyab pa ma grub pa yin ste |  der nges pa zhes bya ba de ma yin gyi sgro 'dogs chod pa la brjod pa ma yin nam 
de lta yin dang gcad bya sngo ma yin dang rtag pa'i sgro 'dogs tha dad pas don cig la sgro 'dogs cig chod kyang gzhan ma chod pa mi 'gal ba'i phyir ro |  | snang pa ni de'i rnam pa shar ba tsam la brjod pa na shar ma shar chos 'gal ba cig du mi rung pas ga la mtshungs |  de bzhin du tshad ma la snang pa'i don yang don de'i 


| rnam pa shar ba tsam yin na snang la ma nges pa mi srid par thal bas na rtogs pa ste de la bzlog pa'i sgro 'dogs chod pa la brjod pa na rtag pa dang sngo ma yin gyi sgro 'dogs tha dad la chod ma chod mi 'gal bar gsal lo |  | de lta na yang ngo bo gcig pa'i blo steng du ha cang thal ba spang dka' ste |  du ba las me rtogs pa'i rjes 
dpag de rang rig pa'i ngo bo ma yin na shes par mi rung la ngo bo gcig na yang rang rig dang rjes dpag la don spyi snang mi snang myed par 'gyur ro |  | 'dod na rjes dpag bzhin du rang rig mngon sum rtog par 'gyur ba 'am |  rang rig ltar rjes dpag kyang rtog bral du 'gyur ro |  | de bzhin du myig shes dang rang rig kyang ngo bo gcig pas 
gnyis ka'i cha la sngon po dang bde sdug snang par thal bas gzhan rig gi dbye ba myed par thal lo zhe na |  rdzas la don spyi 'dzin mi 'dzin gyi cha myed par 'dod pa nyid te yul gyi phyi rol gyi me dang rang gi ngo bo 'i don spyi 'dzin pa 'am mi 'dzin par gcig pa nyid do |  | 'on kyang de dag nyid kyis rjes dpag rang dang rang rig rtog pa dang mi 
rtog par brjod pa yin no 'o na sngon po dang mi rtag pa yang mngon du byed pa mig gi blo la hril gyis snang pa dang mi byed pa rna ba'i blo la mi snang par gcig mod kyi blo gnyis la snang pa dang mi snang pa nyid la sngon po snang pa dang mi rtag pa mi snang par gzhag go zhe na |  snang pa dang mi snang pa de dag ngo bo'i chos su brjod pa'i rgyu gang las | 
'dir shes pa yul la ltos nas 'jog pa ni de dag rjes dpag dang rang rig la snang pa dang mi snang bar brjod par bya ste rang gi ltos sa'i spyi snang pa dang mi snang pa'i phyir ro |  | der yang don de dag rang gang la ltos pa'i blo la snang pas zhes brjod na ma grub ste |  de dag mig dang rna ba'i blo la ltos nas 'jog na blo de dag med pa na 
de gnyis myed par thal ba 'dod par mi nus la |  'dir me dang rang gi ngo bo myed na de'i yul can rjes dpag dang rang rig myed par 'dod pas ga la mtshungs |  de bzhin du mig shes dang rang rig la gzugs dang bde ba snang par mtshungs mod kyi myig shes la bde ba dang rang rig gzugs snang par mi brjod te |  de dag snang pa'i ldog
pa gzhan du 'gyur ba'i phyir ro |  | de lta yin dang sngon po ni rang myong pa'i ldog pa la mi snang ste rang nyid ma yin pa'i phyir ces dang rang rig gi ldog pas kyang sngon po mi 'dzin te gzung yul ngo bo la ltos nas bzhag pa'i phyir ro zhes brjod te |  de lta na yang de snang na rang gi ngo bor 'gyur la |  sngo 'dzin la skad cig ni 
ldog pa mi snang na ldog pa sngon po'i rdzas ma yin par 'gyur la sngon po rang rig la mi snang na de rang rig gzung pa'i rdzas ma yin par thal ba 'dod pas ga la mtshungs zhes bya'o |  | de bzhin du shes pa'i byas mi rtag gis kyang yul 'dzin dgos mod kyi 'dzin pa'i ldog pa de dag ma yin pas bstan bcos las mi ldan 


pa'i 'du byed zhes brjod pa yin no |  | gsum pa ni gal te rtags kyi don don dam pa 'am kun rdzob du ngo bo gcig pa yin |  dang po ltar na phyogs chos ma grub la |  gnyis pa ltar na khyab pa ma grub ste zla ba kun rdzob kyi gcig yin kyang 'og snang la steng mi snang pa bzhin no |  | dpyad mi bzod las gzhan ni mi srid do zhe na | 
de phyir khyod nyid la 'di dri ste |  sgra byas pa'i phyir mi rtag te bum pa bzhin zhes brjod pa'i tshe sgra'i byas pa rtags su bkod na rjes 'gro ma grub la sgra ma yin gyi byas pa 'god na phyogs chos ma grub par mi 'gyur ram |  rdzas de gnyis las mi 'da' ba yang ldog pa gsum rgyus bskyed pa tsam 'god pas skyon gnyis ka myed ces brjod na | 
'dir yang ste ngo bo dbyer myed kyi gcig rtags su 'god pas skyon gnyis ka las grol ba yin no |  | cha shas kyis dbyer mi phyed pa nyid don dam par mi 'gyur te |  de dag phan tshun dbyer mi phyed kyang gnyis ka la yul dus kyi chas khyab pa'i phyir rang rig gi gzung 'dzin dbyer myed phyed kyang gnyis ka la dus chas khyab pas don dam par 
mi 'gyur ba bzhin no |  | des na tha dad myed pa dang yang snang pa mthun pas ni snang ba ni rdzas kyi yul ces bya'o |  | gzhan sel pa'i 'jug pa nges par bya ba la'ang gsum las |  mtshan nyid ni der zhen pa'i stobs kyis gzhan du 'dzin pa sel ba'o |  | mtshan gzhi ni dper na du ba las mer zhen pa lasogs pa'i 
zhen yul la ma 'khrul pa dang the tsom gyi rtog pa rnams so |  | sel ba de ldog pa'i yul can du bsgrub pa yang don gyi gnas lugs dang |  blo'i 'dzin stangs dang |  blo don mthun pa bsam pa gsum las dang po ni rjes dpag gi zhen yul te me nyid dang de'i byas mi rtag tha dad gyis stong pa dang yul dus rnam pa tha dad kyi me 
rnams rjes 'gro' myed par gnas pa la tha dad rjes 'gro sgro btags pa'i tshul snga ma bzhin du blta bar bya'o |  | gnyis pa blo'i 'dzin stangs ni gsum ste |  rtags las 'ongs pa'i blo de la gzung pa me'i rnam pa sgro btags snang ba nyid dang |  de nyid kyi phyi rol dngos po'i mer zhen pa nyid dang |  de'i stobs kyis me myed du 'dzin 
pa sel pa nyid do |  | gsum pa de dag mthun pa bsam pa las gnas lugs dang po dang snang zhen sel pa'i 'dzin snang ste gsum char mthun pa nyid te |  thams cad me'i rnam pa tsam du 'jug pas so |  | des na rjes dpag dngos po'i yul can du gzhag go |  | rjes 'gro myed pa dang ni mi mthun te |  | de min rang 
ldog pa'i |  | dngos po tsam zhig rab sgrub phyir |  | rtags spyi'i yul can du bshad te |  | khyad par gnas pa myed phyir ro |  | ces pa'i tshul gyis so |  | tha dad myed pa dang yang mi mthun te |  | gzhan gyi cha sgro ma btags pa |  de tsam sel pa'i spyod yul yin |  | ces pa'i tshul gyis chos 


| so so'i rnam pa snang pa dang de ltar zhen pa de ltar sel par myong pas grub pa'i phyir ro |  | des na sel pa ldog pa'i yul can du grub po |  | de bzhin du yid spyod dang zhen yul la 'khrul pa rnams kyang cha shas kyis 'jug par blta'o |  | the tsom kyang sa phyogs na sha za srid par 'dzin pa na mi srid par 'dzin pa 
sel ba nyid te |  gzhan du mi srid par 'dzin pas kyang srid par 'dzin pa mi sel ces brtag pa mtshungs pa'i phyir ro |  | rtog pa dang rtog med *** pa la 'khrul pa rnams la ni sgrub pa dang sel pa'i mtshan nyid gnyis ka myed do zhes bya ba ni lugs cig go |  | yang na bsgrub pa dang sel ba'i mtshan nyid don de'i rnam pa snang pa 
dang de la gzhan du 'dzin pa sel ba la brjod te |  mtshan gzhi'i dbye' ba dang |  de dag rdzas dang ldog pa'i yul can du 'gyur ba'i tshul bshad par bya'o |  | da ni bstan pa'i rim pa bzhin du rtags so so'i rang bzhin rgyas par 'chad pa na dang po mi dmyigs pa'i rtags ni gsum gyis nges par bya ste |  med nges bsgrub pa'i 
snang ba mi dmyigs pa dang |  yod nges 'gog pa'i mi snang ba mi dmyigs pa dang |  de dag gi 'bras bu bsam pa'o |  | dang po yang bsgrub bya'i don dang |  gtan tshigs nges byed dang |  mi dmyigs pa spyi'i dbye ba gsum las |  dang po yang re shig rtags nyid ngos gzung pa ni myed par nges pa'i 'bras bu can gyi mi dmyigs 
pa zhes pa ste |  sngar brjod pa sa phyogs 'di na snang rung gi bum pa med te ma dmyigs pa'i phyir ro |  zhes pa'i rtags nyid sgrub bya med nges kyi tha snyad du bya bas rnam gzhag gi 'bras bu can nam rtags 'dzin myed nges kyi rjes dpag skyed byed kyi 'bras bu can no |  | de bsgrub bya tha snyad la mi 'khrul pa'i tshul ni myed pa'i 
ces pa'o |  | gal te rgyu 'bras bu la ci ltar mi 'khrul ce na |  yul yod pa ste snang ba mi dmyigs pa'i gtan tshigs ni 'bras bu myed nges kyi tha snyad grub zin pa la 'khrul pa myed pa'i phyir ro |  | 'di 'i don ni sngon dpe' la de tsam la myed nges kyi tha snyad zhugs nas khyab pa grub pa myed par rtags mi 'jug
la khyab pa grub na | 'dir rgyu mtshan de tsam las tha snyad zhugs pa nyid dpog pa la mi 'khrul par dgongs pa'o |  | yang na tha snyad du rung ba sgrub pa la mi 'khrul ces rnam 'jog gir gyu 'bras bu la mi 'khrul par brjod te ba lang la lkog shal 'dus pa bzhin no |  | 'o na mi dmyigs pas snang rung myed pa'i don 
nyid mi sgrub pa ci ltar ce na |  gtan tshigs grub pa nyid na snang rung yod pa'i sgro 'dogs chod pa'i phyir ro |  | gzhan yang don med dgag mngon sum gyis mi grub na dmigs pa myed dgag kyang mi 'grub pas na rtags thun med du 'gyur bar brjod pa ni mi dmigs pa'i rtags kyis ces pa ste |  dmyigs pa myed 


myed dgag rang gis grub na don myed dgag dang sgre ba ni ci ste ces pa'o |  | myed dgag don gzhan 'dzin pas grub pa ni ci ste ces pa ste 'thad pa'i don to |  | gzhan yang mi dmyigs pa grub kyang myed pa'i don lkog du gyur na dpe' la yang de mngon sum gyis mi 'grub par mtshungs pas khyab pa sgrub pa'i dpe' thug pa myed par 'gyur 
ba'ang spang par mi nus so ||  de'i phyir mi dmyigs pas de myed pa'i don sgrub pa ma yin te gtan tshigs snang rung mi dmigs pa nyid med pa'i don yin pa'i phiyr ro |  | 'o na de rtags su sbyar bas ci zhig sgrub ce na |  gang gi tshe ces pa ste |  rnam pa 'di lta bu ni snang rung mi dmigs pa'o |  | myed pa rnams ni dgag bya'i dbye bas so || 
myed pa'i tha snyad 'jug yul dgag gzhi dag par grub pas yul can gyi tha snyad tsam rang rtog pa 'am gzhan la sgrub pa yin no |  | ci 'dra ba ce na shes pa dang sgra'i ste de tsam la blo sgras zhen rung nyid tha snyad yin gyi dang zhes zlas dbye ba ni ma yin no |  | de 'ang ci ltar nus zhe na |  gang dang gang zhes sngon de tsam la brda' 
zhugs pa'i yul bstan pas yul can gyi brda' dran pa la 'jug ste dper na ces so |  | de la don sgrub kyi skyon myod pa ni mi dmigs pa nyid myed pa'i don yin pa de lta yin dang ste |  dpe' la de tsam la brda' zhugs par myong pa'i mngon sum nyid kyis grub pas so |  | 'o na phyogs la'ang mtshungs pas rtags don 
myed do zhe na |  mkhas pa la de lta mod kyi brda' mi dran pa'i rmongs pas yul rtogs kyang ces so |  | da ni de la rtsod pa spang pa la rtags bsgrub bya'i don du mi 'thad pa dang bsgrub bya la mi 'khrul pa mi 'thad par rgyol ba gnyis las dang po ni gal te |  sgrub bya dngos po myed pa ni don gyi dngos po log pa yin la gtan 
tshigs mi dmigs pa ni dmigs pa'i shes pa log pa yin pas mi dmyigs pa nyid myed pa rnams kyi myed pa ji ltar yin ces pa'o |  | gnyis pa ni don gyi 'bras bu de 'dzin gyi dmigs pa log pas ces so |  | brgal ba dang po'i lan 'debs pas rnal ma la dmigs pa ni yod par brjod de zhes blang ste des dmigs pa 
log pa myed pa'i don du 'gyur bas so |  | de der brjod pa'i rgyu mtshan gang las ce na |  gnyis las dang po ni 'di 'dra ba'i ces pa ste snang rung gi don yod par rnam 'jog rgyu mtshan yin pas rgyu la 'bras bu btags pa ste sgron ma la gzugs zhes brjod pa bzhin no |  | gnyis pa ni rgyu gzhan tshang ba'i dmyigs 
rung yod pa dmigs pa de la mi 'khrul zhing khyab mnyam pas der brjod te 'bral mi shes pa'i grogs la bdag nyid yin zhes brjod pa bzhin no |  | 'di ma grub par rgol bas dmyigs pa'i rgyu tshang yang snang pa nas grib khang du zhugs pa ltar nus pa yongs su 'gyur ba la ltos pas yod pa dmigs pa la 'khrul zhing 


| mi dmigs pa myed pa la 'khrul par 'gyur ro zhe na |  ltos pa ma yin te 'bras bu skyed bzhin pa'i dus na dmyigs pas khyab pas de'i tshe mi dmyigs pa myed pa rtogs pa'i phyir ro |  | mi dmigs pa'i rtags grub pa'i tshe 'bras bu dmigs pa skyed pa'i dus yin par gang las ce na |  gzhan dmigs pa na 
ste dgag gzhi 'i dmigs pa skye bzhin pa'i dus nyid na snang rung mi dmigs pa'i rtags 'grub kyi gzhan gyi tshe mi 'grub pa de'i tshe dgag gzhi dang bltar rung du mtshungs pa'i bum pa yod na 'ang dmigs pa'i rgyu thogs med mig par 'gal ba'i phyir ro |  | 'bras bu'i dus nyid na yang 'khrul par rgol ba ni de'i tshe bum pa yod 
kyang mthu' dang ldan pas mi mthong par byas pas 'khrul par 'gyur ro zhe na |  de lta na yang ci ltar 'dod pa'i rtags 'khrul pa ma yin no |  | ci ltar ce na |  byin gyis brlabs na yul lam dbang po la ci zhig byas par thal lo zhes brjod te |  de'i khyab pa ni yul dang ces pa'o |  | de dag 'dus byas 
par 'dod na ni de'i tshe gtan tshigs mi dmyigs par ni 'gyur yang bsgrub bya don med pa'ang gnas pa nyid do zhes sbyar te |  'dir don tsam gyi dgag bya ma yin gyi gzhi dang shes pa cig la 'drer rung gi don 'gog pa yin no |  | de lta yin dang don bskal na rnam pa de lta bu'i ste pa phyogs dang khyad myed kyi don myed pa nyid 
dbang pa bslad na bslad pa'i dbang po de lta bus gzung bya'i don myed pa nyid do zhes bya'o |  | yang na don bskal na snang rung mi dmigs pa zhes khyad par can bkod pa'i rtags nyid ma grub ces pa kha bskang ngo |  | de ltar na 'khrul pa myed pas yod pa la dmyigs pas khyab pa de'i phyir dmyigs byed kyi shes pa dang de la bltar rung pa 
skabs 'di 'i dgag bya yod pa'i don du brjod pas de las bzlog pa dmyigs bya dmyigs byed myed pa'i mi dmyigs pa ni myed pa'i don yin no zhes bya ba skabs kyi don bsdu ba'o |  | des brgal ba gnyis pa'i lan yang thebs pa ni brgal ba dang po'i lan dmyigs pa'i rgyu thogs myed kyi yod pa la dmyigs pas khyab 
pa'i tshul 'dis ni ces so |  | de la yang ces pa ni sngar gyi rang bzhin myi dmigs pa'i rtags de nyid mi ldog pa gzhan du gyur bas 'bras bu mi dmyigs pa'i rtags de la yang ste |  du ba mi dmyigs pas du ba'i rgyu thogs med 'gog pa ltar don sgrub pa ma yin gyi tha snyad grub ste |  dpe' la rgyu don myed pa'i 
tha snyad 'bras bu dmyigs pa myed pa de tsam gyi rgyu mtshan can du grub kyang ces pa'o |  | gnyis pa rtags nges byed ni 'o na rang bzhin nam 'bras bu mi dmigs pa'i rtags dmyigs pa myed pa nyid ci ltar grub ces pa la |  'og du ste le'u gsum par |  rang bzhin khyad par can myong pa las |  gzhan bsal pa 


ni gzhan ma yin |  des na de dmyigs pa yang |  de las khyad par can dmyigs nyid |  | des na myi dmyigs pa 'di ni |  | mngon sum nyid kyis grub pa yin |  | ces 'chad par 'gyur ro |  | gsum pa myi dmyigs pa tsam gyi sbyor ba'i dbye ba ni myed nges sgrub pa'i myi dmyigs pa de las 'jug pa zhes pa 'jug yul 
dgag gzhi 'i bye brag gis ste |  dgag bya nyid bltar rung ba dang mi rung ba yang de'i rgyu bltar rung ba dang mi rung ba yang de'i 'gal zla bltar rung ba dang |  mi rung ba yang 'gal ba'i 'bras bu bltar rung ba'i gzhi rnams la'o |  | rnam bzhi ni phyogs kyi glang po'i lugs te rnam 'grel las |  'gal dang 'bras bu dag grub dang | 
rgyu dang ngo bo bltar rung pa'o |  | bdag nyid rab du ma grub pa |  | myed pa'i don can myi dmigs bzhi |  | zhes bshad pa'o |  | de 'grel pa na rtags kyis 'gog pa thams cad der bsdu ba'i phyir re shig dam bca' ba spyir brjod pa ni dgag pa gang ji snyed pa de thams cad ni mi dmyigs pa las yin no zhes gsungs ste |  'di la 
mi dmyigs ces pa mi dmyigs pa'i rtags la byas ste |  dgag pa'i tha snyad thams cad ces dang don dgag pa'i tha snyad thams cad ces sbyor ba ni sngar sun phyung pa'i phyir ro |  | dgag pa dngos su byed pa thams cad ces la 'ang ma yin te |  shugs la mngon sum gyis grub pa kyang rtags mi dgos pa'i phyir ro |  | 'on kyang mi 
dmyigs pa zhes bya ba sngar brjod pa don de'i mi dmigs pa las yin no |  | de yang 'dir rtogs bya dgag pa'i dbye ba dang |  de rtogs byed tshad ma'i dbye' ba dang |  des de rtogs pa thaMd la mi dmyigs pas khyab pa'i tshul lo |  | dang po ni dgag pa gang ci snyed pa thaMd dgag gzhi 'i ngo bo yin pa dang tha dad yod pa'i shes pa dang 
don dgag pa bzhir nges so |  | gnyis pa ni de dag dgag gzhi 'dzin pa la bltar rung 'gog pa ni mngon sum gyis 'grub ste |  re shig shes pa de'i bdag nyid sa phyogs 'dzin pa nyid bum 'dzin gyi ngo bo 'am bde ba sdug bsngal gyi ngo bo yin pa ni de 'ba' shig par myong pa nyid kyis gzhan gyi rnam par shar ba rnam gcad la 
khegs so |  | 'o na bde ba las tha dad pa'i sdug bsngal dang gzugs 'dzin las tha dad pa'i sgra 'dzin lasogs pa myed par gang las shes te de 'ba' shig myong pas ni dngos po gzhan du yod pa mi khegs la |  rang rgyud kyi shes pa yod na rang rig gis ma dmigs pas khegs ces pa yang tshig tsam ste |  blo gzhan gyi rang rig la de 
snang du mi rung la de nyid myed par de'i rang rig ga la yod te de myed pa 'ang yin la des rtogs so zhes bya ba 'gal bas so zhe na |  bden mod kyi rang rgyud kyi shes pa rnam pa dang ldan pa ni yid nye bar gtad na nges pas khyab pa las 'bras bu nges shes ma dmigs pas so |  | nges shes myed pa nyid kyang gang las te gzhan gyi rang rig la de 


| mi snang la rang nyid myed pa'i rang rig gang la yod ces pa'i dpyad pa mtshungs so zhe na |  nges pa ni yod na blo gzhan nges pa de nyid kyi ngo bor 'gyur dgos ste |  rtog gnyis cig car 'jug pa myed |  | 'di ltar rnam par rtog pa rnams |  | rim gyis 'byung par yang dag rtogs |  | ces gsungs pa'i tshul gyis rgyud cig 
la rtog gnyis cig char mi skye ba'i phyir ro |  | nges pa bkag pa de yang 'bras bu mi dmyigs pa'i rjes dpag du 'gyur ba ni ma yin te |  bde ba lta bu'i nges pa de 'ba' shig par myong pa'i rnam gcad la sdug bsngal gyi nges pa khegs pa na de dang rtogs pa cig pa nges pa'i sdug bsngal khegs pa'i phyir ro |  | dmigs byed khegs pas 
dmyigs bya'i bum pa 'gog pa 'bras bu mi dmigs pa yin yang rjes dpag ma yin par brjod pa bzhin no |  | des na rnam ldan gyi blo gzhan myed par nges pa ni thams cad du rang rig mngon nyid yin pas tshul 'di las gzhan du 'chad pa ni rnam par 'khyams pa yin no |  | yang don bum pa sa gzhi 'am ka ba'i ngo bor 
dgag pa ni de 'ba' shig par myong pa'i gzhan rig nyid kyis rnam gcad la dogs pa chod pa yin no |  | gal te bum pa ka ba'i ngo bor yod na ka ba'i rnam par yod par ka ba 'ba' shig par grub pas ci ltar khegs ce na |  bum pa'i rnam pa ma dor bar ka ba'i ngo bor yod na ka ba'i nyid lto ldir zhabs zhum gyi rnam par 
'char dgos pa de ma yin du dmyigs pas khegs la |  bum pa'i rnam pa dor nas ka bar gyur pa su 'gog ste de ni bum pa ka bar yod pa nyid ma yin te 'o ma zhor gyur pa bzhin no |  | don tha dad par ldan pa spang pa phyogs la bum pa dang mgo' la rwa lta bu dgag 'dzin pa la snang du rung pa rnams ni gzhi dag par grub pa'i gzhan 
rig nyid kyis khegs ste |  rang bzhin khyad par can myong las |  gzhan bsal ba ni gzhan ma yin |  ces gsungs pa yin no |  | gcig dmyigs nyams su myong ba las |  zhes dgag gzhi 'i 'dzin pa myong pa'i rang rig gis grub par gsungs pa yang 'gal ba myed te grub bde' cig pa'i phyir ro |  | gang dag dgag 
gzhi'i 'dzin pa la bltar mi rung pa mar me'i rgyun chad pa dang rnga la sgra myed pa lasogs pa ni sngar brjod pa'i 'bras bu nges pa mi dmyigs pa'i rang rig nyid kyis dgag pa nges bya'i nyan shes khegs shing des de'i rgyu mnyan bya'i sgra khegs pa'i rgyud pas khegs par 'grub par blta'o |  | dgag bya bzhi po de dag rnam pa dang mi ldan pa 'gog 
pa ni thaMd du rjes su dpag pa yin te |  dbang po'i blo ni rtog pa ma yin te gsal bar snang ba'i phyir ro zhes dang |  shes pa ni bdag gam bdag 'dzin pa'i ngo bo ma yin te rten mi 'brel pa'i phyir ro zhes bya ba dang |  rjes dpag gis bdag nyid khegs pas brgyal ba dang gnyid pa na yang rang rgyud la bdag 'dzin gyi mngon sum khegs 


