phyi
tsha
60


|| 'gon po byams pa la phyag 'tshal lo | | ma pham mgon gyis gsungs pa'i | | zab yangs theg chen rin chen mdzod | | rgyal sras rnams kyis bgrod cig lam | | rag du sdeb ba rgyal gyur cig || || theg pa chen po mdo' sde rgyan la don gsum ste | skabs bsgrub pa dang |
spro ba skyed pa dang | chos brjod pa'o | | dang po ni bstan chos dgos pa dam pa dang ldan zhing brjod bya phun sum 'tshogs pa dang gsung rab gyi don la dga' ba'i rgyu yin pas rgyan dang 'dra ba'i sgra'i don la gnas pas rtsom pa'i skabs bsgrub pa'o | | gnyis pa ni chos 'di 'bras bu sgrib pa spong zhing thun phun 'tshogs pa thob par byed pa dang |
de thob pa'i rgyu 'phags pa'i nor la spyod pa che ba dam pa dang ldan zhing bde bar gshegs pa'i bka' nyid du 'thad pas nges pas skal ba dang ldan pa'i gus pa'i yul du grub pa ste | de gnyis ni rtsom pa dang 'brel pa'i don yin no | | gsum pa ni skabs kyi don bstan bcos kyi rang bzhin no | | dang po la dgos pa phun sum 'tshogs
pa dang | brjod bya phun sum 'tshogs pa dang | mying gi don phun sum 'tshogs pa'o | | dang po ni don zhes don ston zhes pa'o | | gnyis pa ni gser las byas 'dra zhing zhes pa ste | rang gi lugs dang gzhan gyi lugs dgod pa dang | de sun dbyung pa gsum gyis nges par bya'o | | dang po yang mdo' sde rgyan gyi
spyi don nges par bya ba dang | bye brag du don lnga ngos gzung pa gnyis kyi nges par bya'o | | dang po ni theg pa chen po mdo' sde rgyan la don tshan brgya bcu' rtsa brgyad dang | skyabs su 'gro ba dang | rigs dang | sems bskyed pa dang | bsgrub pa dang | de kho na dang | mthu' dang | yong su smin pa dang || ||
mos pa dang | chos tsho pa ba dang | bshad pa dang | bsgrub pa dang | gdam ngag dang | thabs dang ldan pa'i las | pha rol phyin pa dang | bsdu' ba'i dngos po dang | dkon mchog mchod pa dang | tshad med bsgom pa dang | ngo tsha shes pa dang | brtan pa dang | myi skyo ba dang | bstan bcos shes pa dang | 'jig rten shes pa dang |
rton pa dang | so so yang dag par rig pa dang | tshogs dang | byang chub kyi phyogs kyi chos dang | zhi gnas lhag mthong dang | thabs la mkhas pa dang | gzungs dang | smon lam dang | rnam thar sgo gsum chos kyi sdom bzhi dang bcas pa dang | ngo mtshar ba dang | ngo mtshar med pa dang | snyoms pa'i sems dang | phan 'dogs
pa dang | smon lam dang | chud mi za ba'i sbyor ba dang | yang dag pa'i sbyor ba dang | khyad par du 'gyur ba'i sbyor ba dang | bcos ma ma yin pa'i sbyor ba dang | seMn 'du' ba'i sbyor ba dang | lung bstan pa dang | nges pa thob pa dang | nges par bya ba dang | rtag par bya ba dang | gtso bor bya ba dang | gdams pa rnam par
gzhag pa dang | tshol ba dang | yang dag pa ji lta ba bzhin du shes pa dang | dpag du med pa bshad pa dang | bshad pa'i 'bras bu dang | theg pa chen po'i ming gi don dang | theg pa chen po bsdu' ba dang | byang chub sems dpa'i dbye' ba dang | mtshan nyid dang | mtshan gyi rnam grangs dang | mtshan gyi don dang || ||


| rtags dang phyogs dang | lhag pa'i bsam pa dang | skye ba dang | yongs su 'dzin pa dang | sa bcu dang | spyod pa'i dbye ba dang | tshad myed pa dang | rnam thar dang | zil gnon dang | zad par dang | nyon mongs pa myed pa dang | smon gnas shes pa dang | so so yang dag par rig pa dang | mngon par shes pa dang | mtshan dang | ongs
su dag pa dang | srung ba myed pa dang | dran pa shes par gzhag pa dang | bsnyel ba mi mnga' ba dang | bag chags yang dag par bcom pa dang | thugs rje chen po dang | stobs dang | mi 'jigs pa dang | ma 'dres pa dang | rnam thaMd mkhyen pa dang | pha rol du phyin pa yongs su rdzogs pa dang | sangs rgyas kyis rnam par gzhag pa ste | don tshan 
brgya bcu rtsa brgyad kyis ston pa las | de dag kyang rnam pa gsum du gnas te | theg pa chen po'i rang bzhin dang | rang bzhin nyams su len pa'i spyod pa dang | spyod pas thob pa'i 'bras bu'o | | de la theg pa chen po'i rang bzhin ni yul dang dus dang gang zag so so nges las khyad par du ma byas pa'i phyir sangs rgyas kyi lam 'bras bu dang bcas ba'i rnam
gzhag thos pa dang bsam pas gtan la dbab par bya ba kun mkhyen gsum ltar shes par bya ba'i mngon par rtogs pa'o | | nyams su len pa'i spyod pa ni dus da ltar gang zag gcig gis lam gyi gnas rkabs nyams su blang bya sbyor ba bzhi ltar sbyor ba'i mngon par rtogs pa'o | | spyod pas thog pa'i 'bras bu ni | dus ma 'ongs pa na da
ltar nyams su len pa'i gang zag des thob pa'i 'bras bu ste | chos kyi du ltar 'bras bu'i mngon pa rtogs pa'o | | theg pa chen po'i rang bzhin la don lnga ste | rang bzhin gyis bzang pa'i rigs dang | 'jig rten las 'das pa'i sems dang po bskyed pa dang | ma gos pa'i spyod pa dang | mi gnas pa'i rtogs pa dang |
phun sum 'tshogs pa'i thob pa'o | | rang bzhin gyis bzang pa'i rigs ni spyir rigs kyi dbye' ba nyan thos dang rang rgyal dang theg pa chen po'i rigs dang | rigs ma nges pa dang | rigs chad pa lnga las gang zag 'ga zhig la theg pa chen po'i rigs yod pa ste | rang bzhin du gnas pa'i rigs dbu' ma bas spros pa myed pa'i chos nyid la 'dod kyang
sems tsam du smra bas kun gzhi la theg pa chen po'i lam gyi sa bon gzhag du rung pa 'am gsor rung pa'i bag chags snying pa la 'dod la | rgyas pa las gyur pa'i rigs skyabs 'gro dang sems bskyed lasogs pas dge ba'i bag chags gsar du bzhag pa ste | 'jig rten las 'das pa'i 'bras bu mthong lam lasogs pa ma zob pa'i gnas
skabs ni thar pa'i cha mthun gyi dge' ba'i nus pa 'phel bas rgyud smin pa tshogs lam dang sbyor lam gyi gnas skabs so | | 'jig rten las 'das pa'i sa dang po bskyed pa sa dang po ste | 'jig pa'i brda' las byung pa'i sems bskyed pa 'bad pas thob pa phal cher slob dpon las len pa'i sems dang po | bskyed pa ni las dang spo bskyed pa
'jig rten las 'das pa'i chos nyid kyis thob pa don dam pa'i sems dang po bskyed pa ni sa dang po rab du dga' ba ste | mnyam bzhag na chos nyid rtogs pas rjes la bdag gzhan mnyam pa'i snying rje seMn gyi don du sangs rgyas 'dod pa chos nyid la mos pa'i rgyu dang stong pa nyid dmyigs pa dang | bsam gtan sa drug gi bde' ba bdag po dang | snying rje'i de
yi ge la de ltar bkod zin ste mos spyor kyi skabs su | theg pa chen po'i chos la mos zhes pa'i myi can smen pa sems skyed rgyu'i rkyen | rtog bcas kyi shes rab dmyigs rkyen | chos spyod kyi bsaM gtan pa drug gi ting nge 'dzin gyi bde ba dag rkyen | chos mchog snying rje de ma thag rkyen ste de ltar mthong laM 'bras bur bde | gzhag du na phyis 'byung gi rgyu rin pa thom


ma thag pa+'i las rang gis 'byung pa ste | rgyal sras chos ci 'gyur med 'di | | rtogs nas ma rig mdongs rnams kyis | skye ba lasogs dag du ni | | mthong pa gang yin de smad do | | 'phags pa'i spyod yul thob pa gang | | spyod pa'i spyod yul du ston ste | | de nyid phyir na 'gro ba yi | | gnyen gyi thabs dang snying rje mchog | |
ces pa dang | tshigs su bcad pa dang po dang gnyis pa ni sa dang po rab du dga' ba snga na med pa'i 'jig rten las 'das pa'i chos mthong pa'i phyir sems dang po bskyed pa'i byang chub sems dpa'i yon tan yongs su dag pa'i mtshan nyid bstan to zhes gsungs pa yin no | | ma gos pa'i spyod pa ni sa gnyis pa nas bdun pa'i bar na | byang chub sems pa'i sa thob
kyang | | blo bstan pa ni ma yin te | | ji srid sangs rgyas ma thob pa | | de srid theg pa dman pas 'rigs | | zhes pa ltar nyan thos su lhung pa'i 'jigs pa yod pas de'i gnyen por ched du bsams te 'khor bar skyes nas seMn gyi don byed la de lta na'ang las dang mthong yang gi ma rig pa la ma ltos par zag myed gyi las smon lam gyis
kha bsgyur bas rgyu byas sred len gyis rkyen byas nas skye ba blangs te gzhan don byed pa las dang nyon mongs pas ma gos pas ma gos pa'i spyod pa nyams su len pa ste | de ni 'jig rten thaMd las | | 'das kyang 'jig rten las ma g.yos | | 'jig rten don du 'jig rten na | | 'jig rten dri mas ma gos spyod | | ji ltar pad ma 
chu nang du | skyes pa chu yis gos pa myed | de bzhin 'di ni 'jig rten du | | skyes kyang 'jig rten chos mi gos | | ces pa dang | tshigs su bcad pa 3 pa dang bzhi pas ni dri ma med pa'i sa nas bzung ste mi g.yo' ba'i sa'i bar la nye bar ma gos pa'i spyad pa'i phyir spyod pa la gnas pa'i yon tan yongs su dag pa'i
mtshan nyid bstan to | | zhes gsungs pa yin no | | mi gnas pa'i rtogs pa ni sa brgyad pa lasogs pa dag pa'i sa gsum pa sangs rgyas la chos nyid kyis thob pa'i gdam ngag thob pas srid pa'i kun du sbyor ba spangs kyang zag pa myed pa'i las dang ma rig pa'i ban chags la brten nas bsam gyis myi khyab pa'i skye ba bzung nas seMn gyi don byed pas
mya ngan las 'das pa la mi gnas pa dang | nyon mongs pa can gyi yid gnas gyur nas nyon mongs pa zad pas 'khor ba'i nyes pas ma gos pas rnam par myi rtog pa la dbang ba dang | zhing dag pa la dbang pa lasogs pa'i rtogs pa thob pa'i phyir ro | | phun sum 'tshogs pa'i thob pa ni spangs pa dang ye shes 'gyur thug pas rang don dang
thugs rje dang 'phrin las mur thug pas gzhan don phun sum 'tshogs pa sangs rgyas kyi sa'o | | don lnga po de dag kyang skyabs su 'gro ba nas byang chub gyi bar gyi le'u brgyad gyis ston pa las rang bzhin gyis bzang pa'i rigs la bzhi ste | rigs sad pa'i rkyen dang rigs sad pa dang rigs la brten pa'i bsam pa'i yon tan dang sbyor ba'i yon tan no ||
dang po ni thar pa'i cha mthun gyi dge ba'i thog ma skyabs su 'gro ba ste | de sgon bsod nams kyi cha mthun gyi dge ba las thar pa'i cha mthun gyi dge' ba bskyed ma myong pa las da ltar sangs rgyas la ston pa dang chos la lam dang dge 'dun la lam bsgrub pa'i grigs la brten nas rang dang gzhan 'khor ba'i 'jigs pa las thar bar bya'o snyam du skyabs su song pas


| rkyen byas kun gzhi'i sa bon gyis rgyu byas nas thar pa'i cha mthun gyi dge ba'i nus pa mthu' can du byas pas byang chub du sems bskyed du rung pa dang spyod pa sgrub nus par byed pa ste | snying rje'i dmyigs pa gang zag dang | shes rab kyi dmyigs pa shes bya dang | ye+es kyi dmyigs pa then pa dang | thabs la mkhas pa'i dmyigs pa mya ngan las 'das
pa kun du 'gro ba dmyigs pa'i khyad par dang | dkon mchog gsum la ston pa dang lam dang grogs su bzung nas seMn gyi ston pa sangs rgyas thob byar khas len pa rang bzhin gyi khyad par dang | sbyabs su song pa na theg pa chen po'i dge ba'i bsod nams thob pa dang | sems bskyed yan lta dang bcas pa'i mchod 'os su gyur pas srid pa 3 gyi bla bas gyur
pa dang | mos spyod la dge ba'i stobs kyis srid pa'i bde ba thob pa dang | sa thob nas bdag gzhan mnyam pa'i snying rje rang dang gzhan gyi sdug bsngal zhi bar byed pa dang | sa brgyad pa na mi rtog pa la dbang pa'i bde ba ste gnas skabs kyi 'bras bu lnga dang | chos kyi sku rnam par grol ba'i sku dang myi gnas pa'i mya ngan las 'das pa mthar thug pa'i 'bras bu
3 ste | 2su bu brgyad mngon du byed pa'i 'bras bu'i khyad par dang | sa ma 'ob pa dang thob pa dang ma dag pa'i sa rnams la dge ba'i bsam pa rgya che ba dang | gzhan don byed pas don che ba dang | seMn sbyin par byed pa dang | phung po lhag med du mi zad pas nyan thos lasogs pa zil gyis gnon po grogs kyi khyad par bzhi kun du 'grong 'du khas len rtags dang zil
gnon par | | dbye ba'i rang bzhin don rnams bzhi'i khyad par gyis | | theg pa mchog phyir dgon mchog skyabs rab song pa gang | | de ni skyabs su song pa rnams kyi mchog ces bya zhes pas bstan pa dang | gang phyir dang por nges par 'di dka' ste | | de ni rkal pa stong phrag du mas bsgrub par dka' | | gang phyir grub na seMn phan byed
che ste | | de phyir theg chen 'di la skyabs don mchog yin no zhes pas spro ba bsgrub pa dang | gang zhig seMn thaMd bsgral bar zhugs pa dang | | theg pa ye+es kun du 'gro la mkhas par ldan | | gang zhig mya ngan 'das la 'khor zhi ro 1 pa | | de 'dra'i blo ldan dang ni kun 'gror shes par bya zhes pa lasogs pa sngar bshad pa'i khyad par rgyas par bshad 
pa dang | 'di ni di dngos 'dod pa khas len de'ang snying rtse las rig bya | de las rnam pa kun mkhyen phan dang bde byed dka' la skyo ba med | nges par 'byung la theg pa kun gyis ston pa'i yon tan rtag du ldan | brda' dang chos nyid thob pa blo ldan rnams kyi skyabs 'gro 'di mchog yin | zhes pas skyabs su 'gro ba'i don drug rgyas par bshad par
dang | skyabs su 'gro bas dar song don me ste | | des ni tshad myed yon tan tshogs 'phel 'gyur | | 'gro ba 'di la snying rje'i bsam pas khyab | | mtshungs med 'phags chen chos kyang rgyas par byed | | ces pa skyabs su 'gro ba'i phan yon bstan pa rnams kyis bstan to | | rigs sad pa ni kun gzhi'i sa bon gyis nyer len byas
skyabs su 'gro ba lasogs pa thar pa'i cha mthun gyi dge bas rkyen byas nas dge ba'i sa bon gyi nus pa rtas nas rgyud 'os su gyur pas kyang chub du sems bskyed du rung pa dang mi mthun phyogs yamg du rung pa dang spyod pa nyams su len nus par gyur pa ste | spyir seMn gyi ris na rigs gyi dbye ba lnga yod pa dang | de'i nang nas theg pa chen po'i rigs khyad par du 'phags |


