|| oM swa sti | bslab pa kun las btus pa'i don bsdus pa ni rnaM pa gsuM te |  rtsoM pa dang 'brel pa'i don dang | skabs kyi don dang | mthar phyin pa'i bya bao |  | dang po la gnyis ste | myi'i 'gro ba dang | 'gro ba gzhan nyan par bskul ba gnyis kyis chos nyan pa la sbyar ba dang | rang bshad pa la 'jug pa 'bras bu'o | 'di la gsuM ste | phyag btsal ba dang | bshad par daM bca' ba dang |
gzhan rtogs pa gtso bo ma yin pa dang | rang rtogs pa gtso bo yin pa dang | gzhan don la ltos pa yod pa gsuM gyis le'u bskyung ba'o |  | skabs kyi don la gsuM ste | rten dang | seMs bskyed pa dang | bslab pa bsgrub pa'o | rten la gnyis ste | lus dang | bsaM pa'o | de la gnyis ste | rgyu dang | bsaM pa gnyis kyis brtse ba'i bsaM pa dang | dad pa'i bsaM pa'o | 'di la mdo'i kha bzhis bstan pa las dkon
mchog sgron ma'i mdo la gnyis ste | rgya cher bshad pa dang | mdor bsdus te brjod pa'o | rgyas par bshad pa la gnyis ste | thun mong gi phan yon dang | khyad par gyi phan yon ste | dang po la drug ste | byang grub kyi ses skye ba dang | mya ngan las 'das pa thob par byed pa dang | bsaM pa dang sbyor ba'i rtsa ba yin pa dang | bya ba sna tshogs byed pa dang | tshogs dang | sbyar ba dang | mthong ba dang | bsgo pa'i phaM sgrub par byed
pa bzhis laM gyi dbye ba sgrub par byed pa dang | laM dang 'bras bu ston par byed pa'o | | khyad par gyi phan yon la gsuM ste | sangs rgyas kyis bcas pa'i bslab pa myi 'dor dang | daM pa'i skye bos bsdags pa gnyis kyis sangs rgyas la dad pa'i phan yin dang | thos pas chog par myi 'dzin pa dang | bsod naMs mngon par 'da byed pa gnyis kyis chos la dad pa'i phan yon dang | dge 'dun la dad pa'i phan yon no | 'di la


gsuM ste | dge 'dun gyi phan yon 'thob pa dang | sangs rgyas mthong ba dang myi 'bral ba dang | chos thos pa las myi nyaMs pa'o | dang pa la gnyis ste | bstan pa dang | bshad pa'o | deng pa gsuM ste | skyabs su 'gro ba brtan pa dang | seMs bskyed brtan pa dang | rigs du skye ba dang | chos mnyaM pa nyid thob mi sbyor pa la rloM seMs spangs pa dang | dkon mchog la shes nas dad pa thob mi bsaM pa g.yo ba myed pa dang | lhag pa'i bsaM
pa dag pa dang | pha rol tu phyin pa yongs su rdzogs par myed pa dang | 'jig rten las 'das pa'i laM daM par zhugs par 'gyur ba drug gis sa la 'jug pa'o | | bsdus te brjod pa la gnyis ste | rgyu'i khyad par dang | 'bras bu'i khyad par ro |  | mdo gzhan gsuM ni gsal lo | | seMs skyed la drug ste | thun mong gi phan yon dang | rten gyi gang zag dang | rab tu dbye ba dang | smon pa'i mtshan nyid dang |  | rmon pa'i che
pa dang | de'i thun mong ma yin pa'i rkyen no | rten gyi gang zag la gnyis ste | so so'i skye bo rten du bsgrub pa dang | de la lung gzhan dang 'gal bsal ba'o | dang po la gsuM ste | bdag lta dmyigs pa dang | chos su lta ba dang khong 'khro dang sdug bsngal dmyigs pa gnyis kyis sa thob pa dang myi 'thun pa'i nyon mongs dang sdug bsngal dmyigs pa dang | dpe dang | don gnyis kyis sa thob pa dang myi 'thun pa'i sgrub pa
dmyigs pa dang | de dag gis grub pa'i don to |  'di la gnyis ste | sa ma thob pa rten tu grub pa dang | de nyid sgrub pa'o | 'di la gsuM te | byis pa'i rtud pa las 'das pa dang | dge ba'i ches mang pos rnaM par bstan pa dang | rgya chen pa la mos pa'i dga' bdes chim pa dang | lun re lor theg pa mchog goms pa rdzobs pa dang | ched du bya ba don tu gnyer ba mthar phyin pa dang | tshogs mngon bsgrub pa'i sbyor
ba rdzogs pa drug gis mos pa chen po'i rang bzhin lung gis bshad pa dang | drang don yin yang myi gnod pa dang | gzhan du drang bar myi nus pa gnyis kyis de dgongs pa can du 'dod pa dgag pa dang | rtsod pa spang ba'o | | lung bzhan dang 'gal ba spang ba la gnyis ste | de dang 'gal ba'i lung dgod pa dang | dgos pa dang | dgongs gzhi dang | sgra ji bzhin pa la gnod pa'i lung gsuM gyis lung gi
dgongs pa sbyar ba'o | | smon pa'i mtshan nyid la gsuM ste | mtshan nyid kyi rang bzhin dang | sgrub pas sangs rgyas kyi rgyur 'thad pa dang | de nyid lung gis bsgrub pa'o | | che ba la gsuM ste | dpe dang | don gnyis kyis 'khor ba'i bde ba 'grub pa dang | phan pas grub pa dang | don dang | 'thad pa gnyis kyis bde ba grub pa'o | | bslab pa rdzas su bsgrub pa la gsuM ste | sgrub pa po'i gang
zag dang | yang dag par len pa'i tshul dang | blangs nas rjes su sgrub pa'i mtshan nyid do | dang po la gsuM ste | so so'i skye bo rten yon pa'i sgrub byed dang | gang zag gnyis kyi blab pa'ang khyad par dang | bu myed kyang ngon du myi 'gal ba'o | dang po la gnyis ste | lhung ba'i rgyu dang | nyes dmyigs rnaM par gzhag pa gnyis kyis lhung pa rnaM par gzhag pa bsgrub pa dang | bslab pa rnaM par gzhag
pa bsgrub pa'o | | len pa'i tshul la lnga ste | pha rol pas blang ba dang | rang nyid las blang ba gnyis kyis len pa'i yul dang | nus pa'i rim pa dang | de lta ma yin pa'i nyes pa dang | skabs pa btu pa gsuM kyis blang pa'i gzhi dang | len pa'i dus dang | cho ga dang | gtan tu daM bca' bar myi nus pa spang ba'o | cho ga la gnyis ste | sbyor ba dang | dngos gzhi
paʼi gsuM ste | spyod pa'i ngo bo khas blangs ba dang | spyod pa dang ldan pa'i seMs bskyed pa khas blangs pa dang | bsaM pa sbyar pa dang | seMs can dang snod kyi 'jig rten kyi zhing sbyar ba dang | dang po sbyar ba bzhi spyod pa dang ldan pa rjes su bsgrub pa'i byal ba khas blang ba'o |  | blangs nas rjes su bsgrub pa'i mtshan nyid la gsuM ste | bslab pa bsgrub pa la nus pa bskyed pa dang |


