|| dkon mchog gsum la phyag 'tshal lo |  | bcom ldan 'das 'jam pa'i dbyangs la phyag 'tshal lo |  | bla ma rnams la phyag 'tshal lo |  | ma brtags snang pa dbang po'i gzhu 'dra zhing |  | dpyad na mkha' ltar spros pa rab zhi ba |  | ro gcig nyid du gang gis rtogs gyur pa |  | 
skyes chen dam pa'i mgon la phyag 'tshal lo |  | mkhas mchog rnams kyis bskal zhing brtag pa'i |  | spros pa rgya chen ring nas gsal mdzad kyang |  | blo chung rnams kyis bden pa gnyis kyi don |  | nges phyir skabs kyi don tsam rnam par dbye |  :  | thub dbang rnams dang 'jam dbyangs dam pa'i mgon |  | rgyal sras klu grub bla ma 
skyes chen rnams |  | bdag la rtser dgongs blo'i mun bsal te |  | shes rab snang pas bdag blo brgyan par mdzod ||    || slob dpon ye shes snying pos mdzad pa'i bden pa gnyis rnam par 'byed pa la don lnga ste |  mchod par brjod pa dang |  rang gi bstan bcos kyi 'bras bu dgos 'brel dang |  bden pa gnyis 
gtan la dbab pa dang |  dbu ma la blo sbyar bar gdams pa dang |  bshad pa'i bsod nams yongs su bsngo ba'o |  | dang po ni gang dag zhes bya ba'i tshigs su bcad pa ste |  'di 'ang ngag nye bar bkod pa'i dgos pa dang |  bsdus pa'i don dang |  tshig gi don gsum gyis nges par bya'o |  | dang po'ang rtsom pa pos bzhed pas yul du byas pa'i 
dgos pa dang |  bshad pa pos 'bras bu grangs su bgrang pa'i dgos pa gnyis las |  rtsom pa pos bzhed pas yul du byas pa'i dgos pa ni rtogs par myi nus te |  gzhan gyi sems rkog du gyur cing myi 'khrul ba'i rtags myed pa'i phyir ro |  | rtsom pa pos bzhed pas yul du byas sam ma byas kyang bla ste |  ngag dang rjes su 'gro ldog byed par 
mthong pas bshad pa pos 'bras bu grangs su bgrang pa'i dgos pa ni |  rang dang gzhan gyi don gnyis so |  | dang po la'ang gsum ste |  rtsom pa'i thog mar mchod par brjod pas rtsom pa po ya rabs su gzhan gyis rig ste |  bstod pa dang grags pa 'byung pa ni 'jig rten pas don du brtsi bas 'jig rten du gtogs pa'i don zhar la byung pa'i 
'bras bu'o |  | mchod par brjod pas phyi nang gi bar chad zhi ste |  rtsom pa mthar phyin pa ni bzhed pa dmyigs pa skabs su bab pa'i 'bras bu'o |  | mchod par brjod pa las bsod nams 'phel bas mngon mtho'i bde ba thob cing mthar nyon mongs pa'i nad zhi ba'i thar pa dang |  thams cad mkhyen pa thob pa ni phan pa dang bde ba thob pa 
ste gtso' bor byas pa'i 'bras bu'o |  | gzhan gyi don gyi dgos pa'ang gsum ste |  phun sum 'tshogs pa thams cad kyi rgyu yongs su 'dzin pa dang |  nges pa'i rkyen la 'jug pa dang |  zhugs pa'i thabs yongs su myi 'dor ba'o |  | dang po ni mchod pa'i ngag gis thub pa sras dang bcas pa'i yon tan brjod pas nyan pa pos de dag 


| gi yon tan rig ste |  dad pa thob pas rgyud la dkar po'i sa bon bzhag pas mngon mtho' dang nges legs kyi rgyu sa bon bskrun pa'o |  | gnyis pa ni ngag 'di las ston pa sangs rgyas kyi che ba rig te |  de'i bka' dang bka' la rten pa'i bstan bcos la gus pas 'jug pa dang |  bstan bcos 'di nyid 'bras bu myed pa dang dman pa 
ma yin te |  'bras bu che bar shes nas bstan bcos 'di nyid la 'jug pa dang |  rtsom pa po'i yon tan rig te bstan bcos 'di rtsom pa po myed pa dang dman pa ma yin par shes nas bstan bcos 'di nyid la 'jug pa gsum ste |  de dag gis rkyen byas pas dkar po'i sa bon des 'bras bu phun sum 'tshogs pa gnyis po 'thob pas rkyen nges pa la 'jug pa'o 
gsum pa ni bstan bcos 'di la zhugs pa rnams kyang rtsom pa po'i rjes su thub dbang sras dang bcas pa la mchod pas bsod nams 'phel te sdig pa 'gribs pas bstan bcos la zhugs pa'i bar chad zhi ste nyan pa lasogs pa mthar phyin pa'o |  | de ltar rang don gsum dang gzhan don lnga te brgyad re shig bstan te 'bras bu mtha' yas pa yod pa'ang dgag par myi nus so |:| 
bsdus pa'i don yang gsum ste |  yul don dam pa'i bden pa la dmyigs nas de kho na gzigs pa dang |  yul 'khor ba kun rdzob pa la dmyigs pa'i thugs rjes 'jig rten na bzhugs pa dang |  phyag 'tshal ba'o |  | dang po ni gang dag dngos po ngo bo nyid myed yang dag mkhyen gyur ces pa'o |  | gnyis pa ni 'jig rten na rgyu gang gis bzhugs 
pa dang |  dus ji srid du bzhugs pa dang |  dgos pa ci'i phyir bzhugs pa dang |  mdzad pa po gang bzhugs pa dang |  skyon gyis ma gos pa'i tshul gang gis bzhugs pa rnams thugs rjes zhes pa dang |  'khor ba ji srid bar du zhes pa dang |  'jig rten ma lus pa'i 'tshal ba'i dngos po bsgrub slad du zhes pa dang |  thub dbang sras bcas rnams zhes 
pa dang |  dri myed blo mnga' zhes pas rim pa bzhin no |  | de kho na gzigs pa na bdag 'dzin gnyis bsal bas sgrib pa gnyis myed pas dri ma myed pa de'i khyad par du'ang yod mod kyi |  de kho na rtogs pa la dri mas gos pa'i dgos pa myed pas de'i khyad par du dri ma myed pa ma smos la |  'jig rten na bzhugs pa la dri mas gos pa'i dgos pa srid pas de'i 
khyad par du dri ma myed pa gsungs pa yin no | : | tshig gi don la gang dag gis mkhyen gyur ces sbrel to |  | ji ltar mkhyen ce na ngo bo nyid myed mkhyen no |  | chos can gyi phyogs gcig la 'am snyam na dngos kun te shes bya kun la khyab par mkhyen no |  | dgag bya kun rdzob pa'i ngo bo bkag pa 'am snyam na dpyad bzod pa'i ngo bo bkag pas 
yang dag ngo bo nyid myed mkhyen no |  | yang na ngo bo myed pa sgra rtog gis mkhyen nam snyam na yang dag mkhyen te |  mngon gsum gyis dgag bya yod na snang du rung pa las ma dmyigs pa'i tshul du mkhyen no |  | 'o na spros pa zhi bas srid par sbyor ba chad de mar me shi ba ltar gyur tam snyam na |  mkhyen gyur kyang 'dir bzhugs zhes 'gal ba'i 


rgyan du sbyar te |  srid pa las 'das kyang sa la gnas pa la longs spyod rdzogs pa dang nyan thos rang rgyal dang so so skye bo la sprul skur snang pas bzhugs par snang pa mi 'gal lo |  | bdag 'dzin dang sred pa spangs pas 'khor bar bzhugs pa'i rgyu myed do snyam na |  thugs rjes zhes gsungs te |  da lta'i dmyigs myed kyi thugs rje 'am |  sngon gyi thugs rje'i 
'phen pas gzhan don gyi snang pa 'jug pa mi 'gal lo |  | 'jig rten na bzhugs pa la dgos pa myed do snyam na |  'jig rten ma lus pa'i 'tshal ba'i dngos po bsgrub slad du bzhugs zhes pa ste |  rigs can gsum lam gsum la bkod de don du gnyer ba'i 'bras bu gsum bsgrub pa 'am rigs ma sad pa 'ang mngon mtho' 'am mthong pa'i chos kyi 
bde' ba skyed pa'i phyir bzhugs so |  | 'o na 'jig rten la mtha' myed pas de dag ma lus pa 'bras bu dgod par myi nus so snyam na |  'khor ba ji srid bar du zhes gsungs te 'khor ba ji srid du bzhugs pas mtha' dag la 'phrin las 'jug pa myi 'gal lo zhes pa'o |  | gtan 'khor bar bzhugs na de'i dri mas gos par 'gyur ro snyam na |  gdul 
bya la bzhugs par snang yang rang gi rgyud dri ma mtha' dag gis ma gos pas dri ma myed ces gsungs so |  | 'o na rang gi rgyud mar me shi ba ltar gyur tam snyam na blo mnga' zhes gsungs te |  zag pa myed pa'i sems dang sems las byung pa nam mkha' ji srid bar gnas pa yin no |  | 'o na srid pas ma gos kyang 'gro ba mtha' dag gi don mdzad pa'i 
sems can chen po de su yin snyam na thub dbang sras bcas rnams zhes gsungs te |  sku gsung thugs thub pa thun mong ma yin pa'i rnal 'byor gyi dbang phyug sangs rgyas rnams dang de'i rigs las skyes shing gdung 'tshob pa'i sras byang chub sems dpa' rnams bzhugs so |  | nyan thos dang rang sangs rgyas ni gdung las skyes kyang gdung 'tshob pa ma yin 
pas sras ma yin te |  mya ngan myed kyis byin pa'i mdo nas gsungs pa lta bu'o |  | de dag rnams la phyag 'tshal zhes pa brda phrad par zad do ||    || rang gi bstan bcos kyi 'bras bu dgos 'brel la gsum ste |  dgos pa spyir bstan pa dang |  grub pa la sgrub pa'i skyon spang pa dang |  dgos pa'i dgos 
pa'o |  | dang po ni bden pa gnyis ji lta ba bzhin du zhes pa ste |  ngag bkod pa'i dgos pa dang |  bsdus pa'i don dang |  tshig gi don gsum gyis nges par bya'o |  | dang po 'ang rtsom pa pos rtsom pa'i thog mar bstan bcos kyi dgos pa brjod pa la 'bras bu gnyis te |  nyan pa po bstan bcos la 'jug pa dang |  rtsom
pa mdzes pas nyan pa po chos dang ston pa la gus pa skye ba'o |  | bstan bcos la 'jug pa 'ang 'jug pa'i mthun rkyen bsgrub pa dang |  'gal rkyen sel ba'o |  | dang po ni nyan pa po rtsom pa po la tshad ma'i skyes bur 'dod pa dag tshig la brjod byas khyab par yid ches nas lung la rten pa'i rjes dpag gis dgos pa yod par nges par 


| 'jug la |  smra ba po log par ston pa dogs pa dag kyang dgos pa la blo kha phyogs par byas te don la the tsom tsam skyes pas kyang 'jug pa yin te |  de lta ma yin na bsod nams kyi 'bras bu yid du 'ong pa don du gnyer nas bsod nams la 'jug pa myed par 'gyur te |  phyis kyi 'bras bu nges pa'i tshad ma dngos po stobs kyis 
zhugs pa ni myed la |  tshig las kyang sems dpa' myi skye zhing the tsom gyi yul la'ang myi 'jug pa'i phyir ro |  :  | 'gal rkyen sel ba'ang kha cig bstan bcos 'di la dgos pa myed pa'i phyir 'jug pa'i yul ma yin no zhes log par rtogs pas 'jug pa'i gegs su gyur pa na dgos pa brjod pas log rtogs de bsal te the tsom 'am nges pa skyed nas 'jug pa 
yin no |  :  | gnyis pa ni rtsom pa'i skabs mngon du byas te bstan bcos brtsams pa na gzhung mdzes pas nyan pa po dga' ba skyes te |  chos dang ston pa la gus pas dge legs 'phel bar byed pa yin no |  | ngag de'ang dgos pa'i rgyu nus pa thogs myed ma yin pas dgos pa 'byung nges pa ma yin te |  rgyu kha yar ba yinpas 'byung pa'i go skabs 
yod pa tsam yin no |  :  | bsdus pa'i don yang ngag 'dis dngos su brjod pa'i don dang |  shugs la gnas pa'i don gnyis so |  | dang po dgos 'brel can gyi rab du byed pa dang |  de la yod pa'i dgos 'brel dang |  de dag gcig pa dang tha dad pa rtag pa gsum gyis nges par ba'o |  | dang po ni nyan pa po'i yid kyi shes pa rtog bcas sgra spyi dang 
brjod bya don spyi 'dres nas snang zhing phyi rol du zhen pas bzlog pa sel ba ni don spyi gzung yul du byed la rang gi mtshan nyid zhen yul du byed pas rab du byed pa'i mtshan nyid pa'o   || lus kyi rig byed yi ge'i gzugs su bris pa dang |  ngag gi rig byed rna ba'i rnam shes la snang pa ni rjod byed du snang pa'i rtog pa skyed pa'i rgyu yin pas rab du byed pa btags pa p+'o 
gnyis pa ni bden pa gnyis brjod bya ste |  bden pa gnyis kyi don spyi rtog pa la snang pas dngos kyi brjod bya yin la |  bden pa gnyis kyi shes bya'i gshis la gnas pa nyid rtog pa des zhen yul du bya ba yin bas zhen pa'i brjod bya yin pa'i phyir ro |  :  | bden pa gnyis ston pa'i sgra las bden pa gnyis shes bya'i gnas lugs dang mthun par go ba'i 
thos pa'i shes rab skye ba dgos pa'o | : | gal te rab du byed pa ni rgyu yin la dgos pa de'i 'bras bu ma yin nam | sgra spyi don spyi 'dres par snang zhing zhen pa'i brjod bya zhen nas go ba'i rtog pa rab du byed pa'ang yin la thos pa'i shes rab kyang de nyid yin bas de gnyis tha dad myed pa'i phyir rgyu 'bras su ji ltar thad ce na | bden nas rdzun yang rung ste don 'di 
lta bu zhig ngag des ston pa tsam du nges pa rab du byed pa yin la |  bstan bcos mdzad par de ltar bstan pas de ltar shes bya'i gshis la bden par gnas so zhes khas blangs kyi rjes dpag gis nges pa thos pa'i shes rab yin pas tha dad de rgyu 'bras yin no |  | des na phyi rol pa'i bstan bcos kyis rang gi brjod bya de   ston par phyi rol pa'i bstan bcos myed ces 


chos 'di pas myi brjod kyang |  de la brten nas bden pa'i don la nges pa skye bar myi 'dod pas chos 'di pas de la dgos pa myed ces brjod pa yin no |  :  | thos pa'i shes rab las bsam pa dang bsgom pa lasogs pa'i shes rab 'phel bas thabs dam pa zin nas byang chub chen po dang |  ma zin na byang chub dman pa thob pa dgos pa'i dgos pa'o |  : byang chub gsum thos | 
pa'i shes rab la rag las pa dang |  thos pa'i shes pa rab du byed pa la rag las pa 'brel pa'o |  :  | gsum pa ni dngos kyi brjod bya dang zhen pa'i brjod bya log pa'i kun rdzob dngos myed yin la |  dgos pa dang dgos pa'i dgos pa dang 'brel pa dang zhen pa'i brjod bya yang dag pa'i kun rdzob rnams dngos po yin pas de gnyis gcig pa bkag pa'i tha dad yin no |  | 
dgos pa dang dgos pa'i dgos pa rgyu 'bras yin pas dngos po tha dad la |  de gnyis ga zhen pa'i brjod bya yang dag pa'i kun rdzob dang yang dngos po gcig la ldog pa tha dad yin la |  rang rang gi rgyud la rag las pa'i 'brel pa dang yang dngos po gcig la ldog pa tha dad pa'o |  | 'di thams cad kyang zhen pa'i brjod bya rnam grangs ma yin pa'i don dam pa'i bden pa dang 
ngo bo dbyer myed pa'i ldog pa tha dad yin no |  :  | gnyis pa shugs la gnas pa'i don yang smyon pa'i tshig ltar dngos kyi brjod bya myed na don spyi mi 'char bas rtogs pa tsam mi 'byung la |  bya rog gi so rtog pa'i bstan bcos ltar zhen pa'i brjod bya bden pa myed na yang ngag de las bden pa rtogs pa'i blo myi skye bas brjod bya bden pa log na bden pa'i rtogs pa'i dgos 
pa ldog la |  ngag de zhen pa'i brjod bya bden par dngos su grub na ngag de las zhen pa'i brjod bya shes bya'i gshis su nges pa'i blo bden pa rtogs par shugs la grub pas brjod bya bstan pas rab du byed pa la dgos pa yod par grub po |  :  | yang dgos pa de 'jog po'i spyi bo'i rims nad sel ba'i rin po che ltar bsgrub myi nus na de du'ang don du myi gnyer la |  de lta na'ang 
rtogs pa tsam ni rab du byed pa la ma brten par snga nas kyang yod pas dgos pa ma yin la |  don du gnyer ba'i nyan pa po la rtogs pa sgrub pa dgos pa yin yang dgos pa de bsgrub par myi nus na de la don du gnyer ba la rtogs pa bsgrub mi nus pas dgos pa myed par 'gyur ba las |  ngag 'di la don du gnyer ba po la rtogs pa bsgrub pa'i dgos pa yod pas dgos 
pa de don du gnyer bya yin la |  don du gnyer bya yin zhing bsgrub par nus par 'grub pas dgos pa bstan pas dgos pa de bsgrub par nus par grub po |  :  | yang dgos pa de ma bag mar len pa'i bstan bcos ltar dgos pa de nyid myi kho la |  dgos pa gzhan gyi rten yang myi byed nas 'dod bya ma yin na |  nying dgos bzang po gzhan myed pas dgos 
pa'i dgos pa myed par 'gyur na |  dgos p+'i nying dgos byang chub gsum bsgrub pa'i dgos pa'i dgos pa yod pas dgos pa 'dod bya yin par grub po |  :  | yang mtho' ris kyi thabs su phyugs bsad pa'i mchod sbyin bstan pa ltar dgos pa rab du byed pa 'di dang ma 'brel ba 'brel pa myed par 'gyur ba las |  rab du byed pa thabs dgos pa thabs las byung pa 


| dang dgos pa thabs dang dgos pa'i dgos pa thabs las byung pa yin pa'i 'brel pa bstan pas dgos pa rab du byed pa 'di dang 'brel pa grub po |  | de ltar bden pa gnyis shes bya'i gshis yin par go ba'i dgos pa yod la |  de sgrub par yang nus shing des nying dgos byang chub sgrub pas de 'dod par bya ba'ang yin la |  de'ang thabs rab du byed pa : 
'di dang 'brel na mthar thug byang chub gsum don du gnyer bas de'i thabs thos pa'i shes rab la 'jug la |  thos pa'i shes rab don du gnyer bas kyang de'i thabs rab du byed pa 'di la 'jug pas rab du byed pa la 'jug pa'i yan lag ma tshang pa myed pas dgos 'brel bzhi yin no zhes shugs la gnas so |  :  | tshig gi don ni rab du byed pa 'di brtsam mo zhes drang ngo |  | 
rab du byed pa ni ngag dang tshig du ma 'dus pa las skabs kyi don rdzogs par ston pa'i rjod byed du snang pa'o |  | nang gi byed par rdzogs pa 'am phyi rol du'ang 'byung du nye bas 'di zhes smos so |  | dgos pa ci'i don du brtsams zhe na ji lta ba 'am ma nor bar khong du chud pa'i phyir ro |  | brjod bya gang khong du chud pa'i phyir zhe na bden pa gnyis so |  :  | gnyis pa 
grub pa la sgrub pa'i skyon spang pa ni |  gal te bden pa gnyis mdo dang mdo 'grel du ma nas bshad pa las ji lta bar khong du chud pa'i blo 'byung pas bstan bcos 'di don myed do zhe na |  bden pa gnyis po rnam phye yang |  | bdag gis rnam par dbye zhes smos so |  | ci'i don du zhe na rnam par dbye ba de nyid la rmongs pa bsal ba'i phyir ro |  | rmongs pa 
su la'ang myed do snyam na |  shing rta che dag rmongs te slob dpon chos skyong lasogs pa yang dag pa'i lam gyi srol 'byed par rlom pa dag kyang chos can gzhan chos nyid yongs su grub pa don dam yin la |  kun brtags kho na kun rdzob ces rmongs na de'i rjes su 'brang pa dang phyi rol pa gzhan rnams smos kyang ci dgos te |  rmongs pas de dag gi 'khrul pa bsal 
ba'i phyir brtsom pa don yod do |  | de 'grel pa na bden pa gnyis lan mang du rnam par phye la zhes dra ngo |  | sus phye zhe na bcom ldan 'das kyis te srog gnas pa la bar du gcod pa 'chi bdag dang |  yon tan la bar du gcod pa lha'i bu dang |  lhag bcas la bar du gcod pa nyon mongs dang |  lhag myed la bar du gcod pa phung po'i bdud bzhi bco pa dang 
dbang phyug dang gzugs bzang pa dang dpal dang grags pa dang ye shes dang nan tan gyi skal ba dang ldan pa des phye'o |  | dgos pa ci'i don du phye na skye bo la phan gdags pa'i phyir ro |  | skyes bo la phan pa'i thabs bden pa gnyis ston pa nyid ji ltar yin zhe na |  gzhan gyi don 'byung pa la mkhas pas te |  gzhan lam la 'god pa'i thabs bden pa gnyis ston pa 
nyid yin pa'i phyir ro |  | skyob pas gsungs kyang dgongs pa ma bkral lo zhe na |  slob dpon klu grub lasogs pas gsal bar mdzad ces bla ngo |  | dgos pa ci'i don du mdzad ce na |  bcom ldan 'das kyis dgongs pa myi shes pa'i skye bo blo chung du la phan gdags pa'i phyir mdzad do |  | 'o na dgongs pa bkral na da rmongs pa myed pas bstan bcos don 


myed do snyam na gsal bar mdzad du zin kyang rang gi sde pa dag kyang rmongs pa nyid yin na gzhan phyi rol pa rnams lta smos kyang ci dgos zhes pa dang |  rang gi sde pa chen po skye bo phal po che'i bla ma dag kyang rmongs pa nyid yin na de dag gi kha nas las pas 'jug pa de'i rjes su 'brang pa dag smos kyang ci dgos pas de dag gi rmongs pa bsal ba'i phyir bstan bcos brtsam pa don yod do zhes 
pa'o |  :  | gsum pa dgos pa'i dgos pa la bden pa gnyis rtogs pa goms na dgos pa'i dgos pa spangs pa dang ye shes rang don dang thugs rjes dang 'phrin las gzhan don mur thug pa sangs rgyas thob pas bden gnyis rnam phye shes pa dag |  | phun 'tshogs pha rol 'gro ba nyid ces pa bden pa gnyis rnam par dbye ba la mkhas pa bdag dang gzhan gyi don phun gsum 
'tshogs pa bye brag du byar myed pa'i pha rol tu shin tu nges par phyin par 'gyur zhes sbrel bas bstan to |  :  | de lta bu'i dgos pa'i dgos pa de gang zag su la 'byung zhe na |  bden pa gnyis rtogs pa'i shes rab ste theg pa chen po'i lam gyi thabs kyis grogs byas pa la 'byung ngo |  | theg pa chen po'i lam gyi thabs kyi grogs de ji lta bu zhe na |  bsam pa dang | 
chos la 'jug pa'i spyod pa dang |  don la 'jug pa'i spyod pa gsum mo |  | dang po ni 'gro ba la phan pa 'byung pa skyed pa'i blo dang ldan zhes pa ste brtse bas gzhan 'khor ba las bsgral bar 'dod pa'i byang chub kyi sems kyis zin pa'o |  :  | gnyis pa ni sa ma thob pa 'am sa thob pa'i yang rjes kyi gnas skabs su sde snod mtha' dag la thos bsam bsgom gsum gyis 
slob pas thub pa'i bka' la mi rmongs te zhes pa dang |  de'i 'grel par bde' bar gshegs pa'i bka' rab 'byam la shes pa'i snang pa skyes pa'i 'jig rten zhes gsungs te |  su ga ta zhes pa su ru pa 'ji tra zhes mdzes par gshegs pa ni gang zag gi bdag du 'dzin pa'i rtsa ba can rab du ma zhi ba'i nyon mongs pa'i sgrib pa spangs pa ste |  des so so'i skye bo dang slob 
pa las khyad zhugs so |  | su su na ga ta zhes ma lus par gshegs pa ni nyon mongs kyi rgyur gyur pa dngos por zhen pa dang 'bras bur gyur pa'i gnas ngan len shes bya'i sgrib pa zad pa ste des myi slob pa las khyad zhugs so |  | su na ta ra dza zhes slar myi ldog par gshegs pa ni de gnyi ga'i sa bon spangs pas phyis myi skye ba'i chos can du byas pa te |  des phyi 
rol pa'i lam gyis 'dod chags dang bral ba las khyad zhugs so |  | yang na ga zhes ma rtogs kyi rkyen bsnan na legs par rtogs pa j lta ba zhi ba rtogs pa yin la ma lus par rtogs pa ji snyed pa kun rdzob pa thams cad rtogs pa yin zhing slar myi ldog par rtogs pa rtogs pa nam mkha' srid du myi nyams pa yin no |  | bka' rab 'byam ni gsung rab 
ma lus pa'o |  | de la shes pa'i snang pa skyes pa ni sgra ji bzhin pa dang dgongs pa zab mo phyed pa'o |  :  | gsum pa ni de dag ma lus tshogs bsags nas zhes pa dang |  de'i 'grel par bsod nams dang ye shes kyi tshogs ma lus par bsgrubs pa ni zhes pa ste |  grangs myed gsum du bsdu ba'i dngos po dang tshad myed pa dang pha rol du phyin pa lasogs 


| pas tshogs mthar phyin pa ste |  bsod nams ni dge ba'i rang bzhin yin la ye shes ni bdag myed rtogs pa'i blo gros so |  :  | 'o na bden pa gnyis rtogs pa'i shes rab de theg pa chen po'i lam gyi thabs kyi khyad par gsum dang bral ba ji ltar 'gyur zhe na |  bden pa gnyis rnam par dbye ba la mkhas pa gzhan ni yid la bsams 
pa bzhin du re ba yongs su rdzogs par 'gyur ro zhes sbrel te |  gzhan ni zhes pa ni bsam pa dman pas 'gro ba la phan pa skyed pa'i blo dang ldan pa las gzhan 'khor ba'i sdug bsngal gyis 'jigs pa dang sems can gyi don la blo ltos pa myed pa'i bsam pa can dang |  chos la 'jug pa'i spyod pa dman pas bka' rab 'byam la snang pa skyes pa las gzhan rta 
thul gyis nye rgyal dang pang nas skyes la ji ltar 'jig rten las dang nyon mongs rgyur bcas byed rgyu ldan 'byung dang |  las dang nyon mongs pa dag ldog rgyu de'ang 'dren pas rab du gsungs |  | gang na skye dang rga dang rgud pa'i sdug bsngal nges par myi gnas pa |  | thar pa'i mchog de smra ba'i khyu mchog de yis rang gis mkhyen te gsungs zhes rjes su bstan pas 
chos kyi mig dag ste |  mthar len pa las grol ba ltar bdag myed ston pa tshigs su bcad pa gcig tsam lasogs pa'i don goms par byas pa dang |  don la 'jug pa'i spyod pa dman te bsod nams dang ye shes kyi tshogs ma lus par bsgrubs pa las gzhan tshe gsum lasogs par dge ba'i tshogs kyi cha bsgrub pa'o |  | yid la bsams pa bzhin du 
re ba yongs su rdzogs pa ni len pa las grol te yang srid zad pa'o |  | des na tshogs ma lus par sgrubs pa ni zhes gdon gyi |  bden pa gnyis rnam par dbye ba la mkhas pa ni zhes myi gdon te |  de lta na gzhan ni zhes pa bden pa gnyis dbye ba la mi mkhas pa la 'jug pas yid la bsams pa bzhin re ba yongs su rdzogs pa dgos pa'i dgos 
par myi 'gyur ro |  | 'gro ba la phan pa 'byung pa skyed pa'i blo dang ldan pa ni zhes kyang myi gdon te |  de lta na chos dang don la 'jug pa'i sbyor ba'i khyad par ma smos par 'gyur ro |  | dgos pa dang bsam pa dang rtogs pa dang sgrub pa dang 'bras bu lnga char la shin du sbyar la |  'bras bu gnyis char la nges pa sbyar ro zhes kyang kha cig 'chad do |  :  | 
gal te yid la re ba yongs su rdzogs pa ma rig pa'i bag chags kyi sa dang mtshan ma'i spros pa dang yid kyi lus dang bsam gyis myi khyab pa'i 'chi 'pho las grol ba yin na bdag dang gzhan gyi don phun gsum 'tshogs pa bye brag du byar myed pa'i pha rol du phyin pa las tha dad du bshad pa myi 'thad pa |  len pa las grol ba dang yang srid pa zad pa tsam yin na 
de dbu ma'i lugs kyi bden pa gnyis rtogs pa myed kyang gang zag gi bdag myed tsam rtogs pa las kyang 'byung pas bden pa gnyis rtogs pa dang ldog pa ma grub pas bden pa gnyis rtogs pa'i dgos par myi 'thad do zhe na |  yang srid zad pa tsam yin mod kyi de dbu ma pa'i bden pa gnyis rtogs pa dang ldog pa ma grub pas rigs kyi rgyu 'bras ma yin yang dbu 


ma'i bden pa gnyis rtogs pa la'ang yang srid zad pa skyed pa'i nus pa yod pas gnas skabs kyi rgyu 'bras yin pas de'i dgos pa brjod de |  rgya rigs che zhing mtho ba lasogs pa byang chub kyi sems kyi 'bras bu bshad pa bzhin no |  | spros pa mtha' dag dang bral ba rtogs kyang snying rje dman te thams cad mkhyen pa myi 'dod pas goms pa yun thu na yang sla ba'i nyon 
mongs zad kyang spang dka' ba'i shes bya'i sgrib pa ma spangs pas nyan thos su 'gyur ba yin te | theg pa chen po'i nges 'byed la theg pa gsum char thob pa'i rgyu zhes gsungs pa bzhin no |  :  | yang na gang zag gi bdag myed rtogs pa dang yang srid zad pa ldog pa grub la |  gang zag gi bdag myed rtogs pa 'ang bden pa gnyis kyi gzhung gi brjod bya'i phyogs 
cig rtogs pa yin pas brjod bya'i phyogs gcig rtogs pa'i dgos pa'i dgos par bshad pa yin no |  | brjod bya ma lus pa'i rtogs pa'i dgos pa'i dgos pa ni phyi ma yin no ||  ::  || de ltar rtsom pa dang 'brel ba'i don bstan nas skabs kyi don bden pa gnyis gtan la dbab pa la gnyis ste |  rang gi lugs bden pa gnyis rnam par 
gzhag pa dang |  de la dngos por smra ba'i brtsad pa spang pa'o |  | dang po la bstan pa dang |  bshad pa'o |  | dang po la dbye ba mdor bstan pa dang |  mtshan nyid mdor bstan pa gnyis so |  | dang po ni gsungs pa la zhes drang ngo |  | brjod bya gang gsungs zhe na kun rdzob dang ni dam pa'i don |  | bden gnyis thub pas gsungs so |  | 
gang gis gsungs zhe na thub pas so gang du gsungs zhe na mdo' de dang der gsungs so |  | de rtsa ba'i tshig du ma chud pas lhag mar lus pa 'grel par kha bskangs pas tshig gi lhag ma'o zhes pa'o |  | 'di yang dbye ba'i gzhi dang |  dbye ba'i don dang |  grangs nges pa dang |  mying gi don bzhis nges par bya'o |  | dang po ni ldog pa gang la shes pa'i 
yul du byar rung ba'i mtshan nyid dang mtshon bya shes bya'i tha snyad rten du rung ba'i mtshan gzhi shes bya de gzhir byas nas |  de la rigs pa'i gzhal bya dang don dam gyi tha snyad rten du rung pa don dam pa'i bden pa dang |  ma dpyad pa'i blo'i shes bya dang kun rdzob kyi bden pa'i tha snyad rten du rung pa kun rdzob kyi bden pa gnyis su dbye ba yin no |  :  | gnyis pa ni rigs pa'i shes 
byas don dam gyi bden par mtshon du rung pa'i mtshan gzhi ni spros pa'i bye brag dang spros pa tsam bkag pa kho na yin la |  ma dpyad pa'i blo'i shes byas kun rdzob gyi bden par mtshon pa'i mtshan gzhi dngos po tsam dang snang pa tsam dang shes bya tsam lasogs pa ma yin dgag mtha' dag yin bas dmyigs bcas kyi blos yul du bya ba'i kun rdzob kyi bden pa dang spros bral don 
dam pa'i bden pa dag dngos po tha dad pa 'am gcig pa bkag pa'i tha dad ma yin te |  yin na phan tshun spangs pas dgongs pa nges par 'grel pa nas gsungs pa'i tha dad pa'i phyogs kyi skyon bzhir 'gyur te |  don dam rtogs pas snang pa la mtshan mar 'dzin pa'i gnyen po ma yin pa dang |  snang pa'i chos nyid ma yin pa dang |  kun rdzob la bdag dang : 


| chos bkag pa tsam ma yin pa dang |  kun nas nyon mongs pa dang rnam byang dus gcig par 'gyur ba'o |  | dang po ni rtag pa dang myi rtag pa phan tshun spangs pas rtag pa la byas pa khegs kyang mi rtag pa byas pa yin pa la myi gnod pa ltar |  don dam pa stong pa nyid du 'jal ba des kun rdzob pa 'di bden pa'i dngos por yod pa'i sgro 'dogs la 
myi gnod par 'gyur te |  kun rdzob kyi bden pa las gzhan 'jal ba'i phyir zhes pa'i 'gal bas khyab pa dmyigs pa'i thal bas kun rdzob pa la sgro 'dogs la gnod pas kun rdzob las gzhan 'jal ba ma yin zhes khyab byed 'gal ba'i rang rgyud 'phangs pas phan tshun spangs pa la gnod do |  | gsum pa ni spros bral de gzhi kun rdzob la spros pa bkag pa ma 
yin par thal te |  kun rdzob dang ngo bo gcig ma yin pa'i phyir zhes pa khyab byed myi dmyigs pa'i thal ba'o |  | de 'dod na rtags kun rdzob kyi rdzas la grub pas dgag bya spros pa'ang kun rdzob pa'i rdzas la bkag pas bsal bas |  dgag bya kun rdzob pa'i rdzas la bkag pas bkag chos kun rdzob dang rdzas gcig zhes pa 'phangs pas phan tshun tha dad pa 
khegs so |  :  | bzhi pa ni kun rdzob dang spros bral phan tshun spangs na sangs rgyas kyis kyang phan tshun spangs par gzigs par 'gyur la |  de lta na spros bral legs par gzigs pas rnam byang du'ang 'gyur la |  kun rdzob spros bral gyis dben pa'i spros bcas gzigs pas kun nas nyon mongs su 'gyur bas |  kun nas nyon mongs dang rnam byang dus 
cig du gyur   zhes pa'i rang bzhin gyi rtags kyi thal bas |  dus cig du myed par lung nas bshad pas de gnyis phan tshun spangs par ma gzigs zhes pa'i khyab byed myi dmyigs pa'i rang rgyud 'phangs pas shugs la bden pa gnyis tha dad pa khegs pa yin no |  | gzhan yang shes bya mtha' dag spros bral dang dngos 'gal yin na spros pa'i ldog par 'gyur 
la |  brgyud 'gal yin na spros pa'i khyab byar 'gyur bas spros bral gyis dben pa'i shes bya ni gtan yod pa ma yin no |  :  | yang kun rdzob kyi bden par mtshon par bya ba'i gzhi ma yin dgag rnams dang don dam pa'i bden par mtshon par bya ba'i gzhi spros bral ldog pa tha dad du mtshan gzhi de gnyis nges pa'i tshad mas grub mod kyi |  de gnyis ldog 
pa tha mi dad do zhes tha snyad la log par rtogs na yang dgongs pa nges par 'grel pa nas gsungs pa'i tha mi dad kyi skyon bzhi ste |  don dam pa'i bden pa so so'i skye bo'i mngon sum gyi gzhal byar 'gyur ba dang |  sgrib pa'i dmyigs par 'gyur ba dang |  mthong pa dang thos pa las gzhan du btsal myi dgos par 'gyur ba dang |  kun rdzob la rnam dbye myed 
par 'gyur ba'o |  | dang po ni spros bral so so'i skye bo'i mngon gsum gyi gzhal byar thal te snang pa dang ldog pa tha myi dad pa'i phyir zhes pa rang bzhin gyi rtags kyi thal ba yin la |  de 'dod na so so'i skye bo'i mngon sum bden pa mthong pa'i blor 'gyur pas |  spros bral so so'i skye bo'i mngon sum gyi gzhal bya ma yin pas snang pa dang ldog pa tha myi 


dad ma yin zhes pa 'phen pa yin no |  :  | gnyis pa ni spros bral snang pa dang ldog pa tha mi dad pas chags sdang lasogs pa sgrib pa'i dmyigs par 'gyur srid par 'gyur zhes pa rang bzhan gyi rtags kyi thal ba'o |  | de la gnyen po kho na'i dmyigs par gsungs pa'i lung gis gnod pas sgrib pa'i dmyigs par 'gyur myi srid pas snang pa dang ldog pa tha mi dad 
ma yin zhes pa'i khyab byed mi dmyigs pa'i rang rgyud 'phen pa yin no |  :  | gsum pa ni stong pa nyid snang pa dang ldog pa tha myi dad pas mthong pa dang thos pa las gzhan du bsgom pa'i 'bad pas btsal myi dgos par thal zhes pa 'gal bas khyab pa dmyigs pa'i thal ba yin la |  de la myong pas gnod pas mthong pa dang thos pa las gzhan du btsal dgos pas : 
snang pa dang ldog pa tha mi dad ma yin zhes khyab byed 'gal ba'i rang rgyud 'phen pa yin no |  :  | bzhi pa ni snang pa 'di spros bral dang ldog pa tha mi dad yin pas rnam dbye myed par thal zhes pa 'gal bas khyab pa dmyigs pa'i thal 'gyur yin la |  de la gzugs can dang gzugs can   ma yin pa lasogs pa dbye ba sna tshogs dmyigs pas gnod 
pas dbye ba yod pas spros bral dang ldog pa tha mi dad ma yin zhes khyab byed 'gal ba'i rang rgyud 'phangs pas ldog pa tha mi dad khegs pa yin no |  :  | des na don spyi rtog pa la ltos nas gzung yul du gnas la mngon gsum la ltos nas snang pa gtan myed pa ltar |  chos thams cad ma dpyad pa'i blo'i yul du shes bya dang gzhal bya dang byas pa 
dang myi rtag pa dang dngos po lasogs pa ma yin dgag sna tshogs su bden pa de kun rdzob kyi bden pa yin la |  mthar thug spyod pa'i rigs pa'i yul du cir yang ma grub par bden pa don dam pa'i bden pa yin bas ngo bo gcig la ldog pa tha dad yin no |  :  | dngos po stong pa nyid dang rdzas gcig kyang don dam pa'i dngos por myi 'gyur te |  rang rig dang 
zla ba gnyis snang rdzas gcig kyang phyi rol la ltos nas 'khrul la shes pa la ltos nas ma 'khrul ba myi 'gal ba ltar |  rigs pa'i yul du bden pa don dam pa'i bden pa yin yang rigs pa'i yul du dngos po myed la |  ma dpyad pa'i yul du dngos po gnas kyang blo de'i yul du bden pa don dam pa'i bden pa ma yin pa'i phyir ro |  :  | dngos 
po so so'i skye bo'i mngon sum gyi gzhal bya dang sgrib pa'i dmyigs pa dang mthong pa dang thos pa las gzhan du btsal du myed pa yin yang sgyu ma lta bu de ltar ma yin pa ltar |  kun rdzob so so'i skye bo'i mngon sum gyi yul dang sgrib pa'i dmyigs pa dang mthong pa dang thos pa las gzhan du btsal du myed kyang don dam pa'i bden pa de ltar ma yin : 
pa yin la |  byas pa dpe la rjes su 'gro yang sgra dpe la myi 'jug pa ltar |  spros bral la rnam dbye myed kyang kun rdzob la rnam dbye yod pa myi 'gal bas bden pa gnyis ngo bo gcig pa'i phyogs dgongs pa 'grel nas gsungs pa'i gcig pa'i phyogs kyi nyes pa yod pa ma yin no |  :  | grangs nges pa ni ldog pa cig : 


| rigs pa'i yul gyi chos dang ldan na ma dpyad pa'i yul yin pa'i chos dang ldan pa khegs la |  ma dpyad pa'i blo'i yul yin pa'i chos dang ldan na dpyad nas 'jug pa'i rigs pa'i yul yin pa khegs pas kun rdzob kyi bden pa dang don dam pa'i bden pa gnyi ga yin ba'ang khegs la |  ldog pa mtha' dag blo'i yul yin la dpyad nas 
'jug pa'i blo'i yul yin pa khegs pa na ma dpyad pa'i yul du bden pa grub la |  ma dpyad pa'i blo'i yul du bden pa khegs pa na dpyad nas 'jug pa'i yul du bden pa grub pas kun rdzob kyi bden pa dang don dam pa'i bden pa gnyi ga ma yin pa khegs pas grangs mang ba khegs la |  stong nyid la mthar thug dpyod pa'i yul gyis don dam pa'i bden par mtshon : 
pa dang |  ma yin dgag la ma dpyad pa'i yul du bden pas kun rdzob kyi bden par mtshon pas bden pa gnyi ga shes bya la gnas pas grangs nyung pa'ang khegs pa yin no |  :  | ming gi don la snang bcas kyi blo ni kun rdzob ste |  sgra bshad na saṃ bhri ti zhes sgrib par byed pa yin la |  sgra 'jug pa ni sgrib pa ma yin pa'i sangs rgyas kyi snang bcas la'ang 
'jug go |  | snang bcas kyi yul du bden pa thams cad blo de nyi kyi bsam ngor bden pas kun rdzob kyi bden pa ste |  dpyad bzod par bden par ma yin bas |  myang ngan   'das pa bden gcig su |  | de tshe lhag ma log pa zhes |  | rgyal ba rnams kyis gang gsungs pa |  | mkhas pa su zhig 'dod mi byed |  ces gsungs pa yin : 
no |  | mthar thug dpyod pa'i rigs pa ni sgrib pa spong pa'i bya ba byed pas don du gnyer bya dam pa dang ldan pa dang yul dam pa la myi slu bas don dam pa yin la |  de'i yul du spros bral bden pa ni rigs pa'i yul du bden pas pa ra m+'a r+th+'a sattyaṃ zhes pa don dam pa'i bden pa'o |  :  | dbye ba mdor bstan pa byas nas mtshan nyid mdor bstan pa ni |  ji ltar : 
snang pa zhes pas ste |  ji ltar snang pa 'di kho na zhes pa kho na'i sgras snang tshod tsam las gzhan dpyad na 'jug pa'i yul yin ba bkag pas mthar thug ma dpyad pa'i tha snyad pa'i blo'i bsam ngor bden pa kun rdzob kyi bden pa'o |  | gzhan ni gcig shos yin zhes pa gzhan ni zhes pa ma dpyad pa'i blo'i yul du bden pa las gzhan mthar thug dpyod 
pa'i rigs pa'i yul du bden pa don dam pa'i bden pa'o |  :  | de gnyis kyi mtshan gzhi yang don dam pa'i bden par mtshon pa'i mtshan gzhi ni spros pa dang bral ba ste |  de la rigs pa'i gzhal bya dang don dam pa'i bden pa'i    tha snyad gnyis ga rten pa'i phyir ro |  | kun rdzob kyi bden par mtshon pa'i mtshan gzhi ni ma yin dgag thams : 
cad de |  de la mthar thug ma dpyad pa'i tha snyad pa'i bsam ngor bden pa dang kun rdzob kyi bden pa'i tha snyad gnyi ga rten pa'i phyir ro |  :  | mtshan gzhi spros pa dang bral ba ni spros pa gcod pa'i rjes dpag dang rnal 'byor gyi mngon sum gyis nges la |  rigs pa spros bral 'jal byad du de'i rang rig gis grub pa na spros bral mthar thug dpyod pa'i rigs : 


pa'i gzhal byar yang rang rig pa'i shugs la grub pa yin no |  | mtshan gzhi ma yin dgag rnams ni tha snyad pa'i mgnon gsum rjes dpag gis nges la |  ma dpyad pa'i blo de ma yin dgag 'jal byed du de'i rang rig pas nges pa na ma yin dgag rnams kyang ma dpyad pa'i yul du bden par rang rig gi shugs la nges pa yin no |  :  | gzhan dag 
don dam pa'i bden pa'i mtshan nyid |  yod myed gnyi ga gnyi ga ma yin pa gzhir yul du byer myed pas shes bya ma yin pa dang |  sgra rtog gi zhen yul ma yin pas spros pa myed pa dang |  mtshan nyid gang gis kyang mtshon du myed pas mtshan nyid myed pa dang |  dngos po myed pa dang |  skye 'gag lasogs pa gnyis myed pa dang |  myi stong 
par ma grub pas stong pa nyid de drug yin no zhes zer ba |  don ldog drug yod na log pa drug las log pas mtshon bya'i tha snyad kyang drug du 'gyur te |  rgyus bskyed pa dang dus gzhan du myi sdod pa'i ldog pa gnyis las mtshon bya gnyis mtshon pa lta bu'o |  :  | gzhan yang dngos po la shes bya dang mtshan nyid yod pa dang sgra rtog gi zhen yul 
dang 'dus byas kyi dngos po dang myi stong pa dang gnyis su yod pas khyab pa myong pas grub pas |  shes bya ma yin ba dang mtshan nyid myed pa dang sgra rtog gi zhen yul ma yin pa dang gnyis su myed pa dang stong pa nyid dang dngos po myed pa dang tshogs pa srid pa mngon sum gyis khegs te |  don dam pa'i dngos po gtan myi srid par mngon sum gyis grub pas 
bden pa mthong pa dang sprod pa gcod pa'i rjes dpag don myed par 'gyur ro |  :  | 'on te dpyad bzod pas stong pa dang dpyad bzod pa'i dngos po dang gnyis myed pa don dam pa'i bden pa'i mtshan nyid yin na'ang dpyad myi bzod pa thams cad don dam pa'i bden par 'gyur zhing don dam pa ma yin ba ma yin pa myi srid pas kun rdzob kyi bden pa gtan myi srid par 'gyur : 
'i den pa
ro |  :  | khyad par du shes bya ma yin pa don dam pa'i bden pa yin na don dam pa'i bden pa la shes bya tshad mas ma khegs na shes bya ma yin par brjod myi nus la |  khegs na 'gegs byed de'i yul yin bas shes pa tsam gyi yul ma yin pa dang 'gal ba dang |  shes bya khegs na de'i khyab bya dngos myed khegs pas don dam pa'i bden pa dngos : 
par 'gyur la |  shes bya khegs kyang dngos myed myi khegs na yang dag pa'i gcig dang du ma khegs kyang yang dag pa'i rang bzhin myi khegs par 'gyur zhing |  dngos myed khegs kyang dngos por myi 'gyur na'ang don dam pa'i dngos po la zla myed khegs kyang zla bcas su myi 'grub pas phung po gsum pa srid pas dgos pas gcig dang du ma bkag pas yang 
dag pa'i rang bzhin myi khegs par 'gyur ba dang |  stong pa nyid shes bya ma yin na de shes pa'i blo myed pas rnal 'byor gyi mngon gsum dang spros pa gcod pa'i rjes dpag kyang rgyun chad par 'gyur ro |  :  | de rnam par 'grel pa na kun rdzob kyi bden pa bshad pa dang |  don dam pa'i bden pa bshad pa gnyis so |  | dang po la ma dpyad pa'i 


| ngor bden pa dang |  dpyad nas bden pa myed pa dang |  ma dpyad pa'i ngor bden pa'i rgyu mtshan dang |  des brtags pa la ma khyab pa spang pa'o |  | dang po ni ji ltar zhes pa ste |  grub mthas ma bsgyur ba rnams kyis rang gi blo'i gzung par myong pas grub pas blo de'i yul tsam du bden no zhes pa'o |  | gnyis pa ni yang dag 
par ni zhes pa ste mthar thug dpyod pa'i yul du bden pa ma yin no zhes pa'o |  | gsum pa ni ma dpyad pa'i yul du bden par ji ltar 'grub ce na mthong pa dang mthun par zhes gsungs te |  ma dpyad pa'i blos ji ltar snang pa ltar shes bya'i gshis yin par zhen pa rang rig pas grub pa na yul de blo de'i bsam ngor bden par rang rig pa'i shugs la 
grub pa'o |  | dpyad na bden par myed par spros pa gcod pa'i rjes dpag gis grub pa yin no |  :  | bzhi pa ni blo la snang pa ltar ma dpyad pa'i blos bden par zhen par byas pa kun rdzob kyi bden pa yin na des brtags pa la ma khyab ste |  de blo gang la'ang myi snang pa'i phyir ro zhe na |  don rang gi mtshan nyid   rtog myed ma 'khrul pa dang zla ba gnyis 
lasogs pa rtog myed 'khrul pa la snang pa ltar don spyi kun brtags kyang rtog pa la snang la ji ltar snang pa ltar tha snyad pa'i blos kyang de ltar bden par zhen pas ma khyab pa myed do zhes 'chad pa ni mthong pa ni rnam pa gnyis te zhes pa'o |  :  | kha cig mthong pa dang mthun par dngos po'i don nges par 'dzin ces pa rgyu dang mthun pa'i 'bras bu thob pa la brjod pa myi 
rigs te |  kun rdzob kyi bden pa'i mtshan nyid yin na log pa'i kun rdzob la ma khyab la |  nye bar mtshon byed yin na mtshan nyid 'chad pa'i skabs su ma bab po |  :  | don dam pa'i bden pa'i mtshan nyid ni rigs pa ji lta ba zhes pa ste |  mthar thug dpyad pas de ltar nges par bya ba don dam pa'i bden pa'o |  | brnan pa zhes pa ni 
don dam pa'i tha snyad rigs pa'i yul kho na la 'jug ces pas gzhan la 'jug pa bcad pa'o |  | rgyas par bshad pa la gnyis te |  don dam pa'i bden pa rgyas par bshad pa dang |  kun rdzob kyi bden pa rgyas par bshad pa'o |  | dang po la'ang don dam pa'i bden pa'i sgra'i don dang |  rigs pa'i yul du bden pa'i mtshan nyid de mtshan gzhi snang 
bcas ma yin dgag la 'jug pa dgag pa'o |  | dang po la gsum ste |  yul don dam pa'i bden par gzhag pa'i sgra'i don dang |  yul can la don par brjod pa'i sgra'i don dang |  kun rdzob kyi bden pa la don dam pas khyad par du byas pa'i bden pa dgag pa'o |  | dang po ni mthar thug dpyod pa'i tshad ma don dam yin la |  des 
dam 
gzhal ba ltar bden pa don dam pa'i bden pa yin pas don dam par bden pa ni zhes ste |  rigs pa'i yul du bden pa sgra 'jug pa'i gzhi mtshan nyid pa'i rgyu mtshan du'ang 'gyur pa'o |  :  | gnyis pa la don dam gyi sgra 'jug pa'i gzhi ni mthar thug dpyod pa'i tshad ma spros pa gcod pa'i rjes dpag ji lta ba mkhyen pa'i rnal 'byor gyi mngon suM 


yin pas rig pa ni don dam yin te zhes pa'o |  | sgra bshad pa'i don ni slu ba myed pas zhes pa ste |  ji ltar gtan la phab pa la gnod pa myed pas gnod myed 'di ni myi slu ba zhes pa 'am |  ji ltar nges pa ltar yid la byas pas don du gnyer ba'i 'bras bu sgrib pa spangs pa dang mthar thug pa'i yon tan thob pa 'byung pas don du gnyer ba'i 'bras bu 'thob : 
pas myi slu ba'o |  | de bshad pa ni rigs pa'i stobs kyis zhes pa ste |  gcig dang du bral lasogs pa 'brel pa'i rtsa ba can gyi khyab pa dang phyogs chos kyi mtshan gzhi rtags su bkod pa 'am gnas lugs myong pas sgro 'dogs gcad pa ni rigs pa'i stobs kyis don la nges pa yin te gnod myed du bden pas slu bar myi 'gyur te de'i phyir dam pa yang yin 
la zhes pa sbrel la |  de lta bu'i rtogs pa de sgrib pa spong zhing yon tan thob pa'i rgyu yin te don du gnyer bya yin pas don kyang yin pas don dam pa'o |  :  | gsum pa ni gal te rigs pa'i yul du bden pa don dam pa'i bden pa yin na sgra myi rtag pa lasogs pa'ang tshul gsum dang ldan pa'i rtags la rten pa'i yul du dpyad na bden zhen myi ldog par bden 
pas don dam pa'i bden par thal lo zhe na |  sgra myi rtag par nges pa na shugs la rtag pa'i dngos po don dam khegs te |  de lta ma yin na sngon por nges kyang sngo ma yin gyi dngos po myi khegs par 'gyur ro |  | dpyad na spros pa dang bral bar nges pas de las bden zhen ldog pa 'ang ma yin te |  de lta ma yin na shing myed par nges pas sha pa la bden 
zhen ldog par 'gyur ro |  | des na shugs kyi yul de don dam pa'i bden par thal ba ni 'dod pa yin no |  | bdag gcig sur yongs su bcad pas bdag du ma rnam par bcad pa la tshad mar thal ba'ang ma yin la |  'di ni rtags stobs kyis sgro 'dogs bcad pa yin la |  de la myong pa dang rtags gang la brten nas kyang sgro 'dogs bcad pa myed : 
pa'i phyir ro |  | dngos kyi gzhal bya sgra dang myi rtag pa'i tshogs don ma yin dgag mthar thug dpyod pa'i yul du bden pas don dam pa'i bden par thal lo zhes gtan tshigs ma grub ste |  de la dpyad na bden zhen myi ldog pa myed pas de nges pa'i blo mthar thug dpyod pa'i rigs pa ma yin pa'i phyir ro zhes ston pa na thal ba'i gnod pa myed pa dang | 
de'i 'thad par thal ba'i rtags ma grub par brjod pa dang |  bden pa'i sgra myi 'thad par spang pa dang |  kun rdzob la dbye ba myed par thal ba spang pa'o |  | dang po ni kun rdzob myin |  kun rdzob kyi bden pa don dam pa'i bden par thal ba'i nyes pa yod pa ma yin te zhes pa'o |  | 'o na kun rdzob kyi bden pa la don dam pa'i bden par thal ba 
myed ces brjod pa la |  kun rdzob myin ces yul can kun rdzob la thal ba'i skyon yod pa myin zhes brjod pa ji ltar yin zhe na kun rdzob ces pa la tshig tha ma bden pa zhes pa khong nas phyung pas yul la thal ba myed par bstan to zhes 'chad pa ni tshig tha ma zhes pa'o |  | don dam kyi bden par thal ba ma yin zhes don dam la tshig tha ma khong : 


| nas phyung pas yul la thal ba myed par bstan to zhes 'chad pa ni tshig tha ma zhes pa'o |  don dam gyi bden par thal ba ma yin zhes don dam pa tshig tha ma kho nas dbyung pa ma yin nam zhe na |  sgra mi rtag pa rigs pa'i yul du bden pas don dam pa'i bden par thal zhes pa'i rgol ba spyi khong nas phyung pa yin gyi sgra mi : 
rtag pa don dam du thal zhes tshig dang po dngos su ma brjod par thal ba khong nas phyung zhes pa ji ltar 'ong bar 'gyur |  :  gnyis pa ni thal ba'i gnod pa myed pa ci'i phyir zhe na |  de ltar myi slu myin phyir te mthar thug dpyod pa'i yul du bden pa'i gtan tshigs ma grub pa'i phyir ro |  | de nyid gang las zhe na ji ltar zhes gsungs te |  sgra mi rtag : 
pa lasogs pa cha phye ste dpyad na gcig dang du mar ma rnyed de bden zhen ldog pas de 'jal ba mthar thug dpyod pa'i rigs pa ma yin pa'i phyir ro |  :  | gsum pa ni dpyad na bden zhen ldog na kun rdzob gyi bden pa zhes ji ltar brjod ce na |  ma dpyad pa'i blo'i yul du bden pas kun rdzob kyi bden pa zhes brjod do zhes 'chad pa ni ji ltar snang pa de nyid ces bya ba'o |:| 
bzhi pa ni 'o na zla ba gnyis lasogs pa'ang ma dpyad pa'i snang ngor bden pas yang dag pa'i kun rdzob du 'gyur ro zhe na |  yang dag dang log par brda byed pa ni 'jig rten pa'i brda'i rjes su 'brangs pa yin na |  'jig rten pa dag ma dpyad pa'i ngor bden pa'i spyi la yang dag gi kun rdzob kyi brda myi byed de |  ma 'khrul pa'i ngor don byed pa yang dag dang bzlog pa ma :
'khrul pa'i ngor don myi byed pa la yang dag ma yin pa'i brda byed pas zla ba gnyis lasogs pa ma dpyad pa'i ngor bden yang ma 'khrul ba'i ngor don byed pa myed pas yang dag pa ma yin pa'i kun rdzob yin no zhes 'chad pa ni zla ba gnyis lasogs pa'ang zhes pa'o |  :  | kha cig gzhung gi cha 'dis mthun pa'i don dam bstan pa yin no zhes 'chad pa ni rigs pa 
ma yin te |  kun rdzob kyi bden pa'i zlar gyur pa rnam grangs ma yin pa'i don dam pa'i bden pa 'chad pa'i skabs su mthun pa'i don dam skabs don ma yin pa'i phyir dang |  'di mthun pa'i don dam yin na rnam grangs ma yin pa don dam ma yin pas kun rdzob kyi bden par 'dus par 'gyur te |  ma 'dus na rnam grangs ma yin pa'i don dam dang kun rdzob kyi 
bden pa gnyis su kha tshon ma chod par 'gyur ro |  | kun rdzob kyi bden par 'dus na rigs pa'i yul ma yin par 'gyur te |  kun rdzob kyi bden pa ni don dam pa'i bden pa ma yin zhes pa dang |  de'i 'thad par de ji ltar shes pa'i bdag nyid la gnas pa de ltar rigs pas myi rung pa'i phyir ro zhes gsungs pa'i phyir dang |  kun rdzob kyi bden pa 
la rigs pa'i yul du bden pa yod na don dam pa'i bden pa'i mtshan nyid khyab ches par 'gyur ro |  | rigs pa'i yul ma yin pa 'dod na'ang de ni rigs pa'i rjes su 'gro ba can gyi bden pa nyid ces bya ba'i tha tshig go zhes pa'i tshig ji ltar drang par bya |  :  | de ltar sgra'i don bshad nas rigs pa'i yul du bden pa'i mtshan nyid de mtshan gzhi snang 


bcas ma yin dgag la 'jug pa dgag pa ni ji ltar snang ba'i dngos por ni zhes pa'o |  | de la kha cig mtshon bya don dam pa'i bden pa chos can |  shes bya ma yin te |  thams cad mkhyen pa man chad kyi shes pa gang gis kyang ma dmyigs pa'i phyir zhes pa khyab byed myi dmyigs pas shes bya bkag pas mtshon bya de la mtshan nyid shes bya ma yin pa sgrub pa 
yin no zhes zer ba de ni ma yin te |  chos can don dam pa'i bden pa tshad mas ma grub na gzhi ma grub la |  grub na blo de shes byar grub pas shes bya ma yin pa'i dam bca' la bsal pa'i phyir dang |  mtshan nyid ma nges pa'i sngar mtshon bya nges na mtshon bya rdzas yod du 'gyur la |  myi nges na'ang bsgrub bya ma grub pa'i sngar gzhi nges su myi rung pas 
ma grub pa'i gtan tshigs ltar snang du 'gyur ba'i phyir ro |  :  | yang kha cig ji ltar snang pa'i dngos po chos can du byas nas dpyad bzod pa'i rang bzhin du rnam par gnas pa myi rung pa bsgrub bya dang |  shes pa'i dngos po thams cad la |  | ji lta bur yang snang par myi 'gyur ba gtan tshigs su byed pa'ang yi ge'i don ma yin te |  rtsa bar yang ji ltar 
snang pa'i dngos por rnam par gnas pa zhes dgag byar byas nas myi rung ste zhes de 'gog pas snang pa'i dngos por gnas pa dgag bya'i khyad par du gsungs pa'i phyir dang |  'grel par yang don dam pa ni zhes bya ba chos can du byas nas ji ltar snang pa bzhin du rnam par gnas pa myed ces snang pa bzhin du rnam par gnas pa myed ces snang pa bzhin du rnam par gnas pa : 
dgag byar gsungs pa'i phyir ro |  :  | des na rigs pa'i gzhal bya dang don dam gyi bden pa'i tha snyad mtshan gzhi snang bcas ma yin dgag la 'jug pa dgag pa'i rtags dgod pa dang |  phyogs chos sgrub pa dang |  khyab pa bsgrub pa dang | bsgrub bya'i don lung dang sbyar ba dang |  rtags kyis nges pa'i don bsdu ba lngas nges par bya ba'o |  | 
dang po ni ji ltar snang pa'i dngos po zhes pa'i tshigs su bcad pa 'grel pa dang bcas pa ste |  mthar thug dpyod pa'i rigs pas gang zag gi bdag gam rdul phra rab lta bu khegs pa na bdag bkag pa 'am rdul phran bkag pa'i myed dgag de la mthar thug dpyod pa'i rigs pa'i gzhal bya mthong pa na |  bye brag gtang snyoms su byas te |  mthar : 
thug dpyod pa'i rigs pa'i gzhal bya tsam chos can du byas nas mtshan gzhi snang bcas ma yin dgag la 'jug myi srid de |  rigs pa'i gzhal bya ma yin dgag la 'jug par thams cad mkhyen pas kyang ma dmyigs pai phyir ro zhes pa khyab byed myi dmyigs pa'o |  :  | de'i phyogs chos bsgrub pa na lung gis bsgrub pa dang |  lung gi don : 
gzhan du rtog pa la rigs pas bsgrub pa'o |  | dang po ni chos yang dag par sdud pa'i mdo ste de nyid kyi phyir zhes bya ba'o |  | 'ga' yang mthong pa myed ces pa ni gzhi ma yin dgag rigs pa'i yul du gnas pa gtan ma mthong pa'o |  | de kho na mthong zhes pa ni ma yin dgag rigs grub kyis stong pa shes bya mtha' dag gi de kho na mthong 


| pa'o |  :  | gnyis pa ni sems tsam du smra ba dag shes pa rang rig pa skad cig cha myed snga ma las phyi ma skye ba gzhan dbang chos can don dam pa yin la |  de la dbyer myed par yod pa'i gzung 'dzin gnyis dang gang zagi bdag gis stong pa'i myed dgag ni yongs su grub pa'i chos nyid don dam pa yin pas de gnyis mthong 
mod kyi 'ga' yang mthong pa myed ces pa ni gzung 'dzin dang gang zag gi bdag bden par kun brtags pa de gzhan dbang gi ngobor yod na snang du rung pa las ma dmyigs pa yin te |  myed pa gang yin de nyid ni |  | yod pa yi ni dam pa yin |  | rnam pa kun du ma dmyigs pa |  | dmyigs pa yi ni mchog du 'dod |  | ces 
gsungs pa ltar brtags pa kho na ma mthong pa yin zhes rgol ba ni |  gal te brtags pa'i ngo bo nyid ces pa'o |  | de'i 'thad pa la ngo bo nyid gsum ka ma mthong na bye brag dgag pa'i tshig myi 'thad pa ni de lta ma yin na 'ga' yang zhes ci'i phyir gsungs te zhes pa yin la |  ngo bo gsum char mthong pa 'gog pa'i tshig sbyor bar thal : 
zhes 'chad pa ni ngo bo nyid myi mthong pa zhes bya ba'o |  :  | de sun 'byin pa na gzhan gyi lugs dang |  de sun dbyung pa dang |  rang gi lugs kyi lan gzhag pa gsum gyis nges par bya'o |  | dang po ni gtan tshigs dgod pa dang |  khyab pa bsgrub pa dang |  phyogs chos bsgrub pa gsum mo |  | dang po ni gzhan dbang 
dang yongs su grub pa gnyi ga gzung 'dzin gnyis myed yin pas gzhan rig pa'i yul du 'gal bas |  de dmyigs pa la rang rig pas khyab pas sangs rgyas la rang rig pa bkag pas gzhan dbang dang yongs us grub pa gzigs pa 'gog pa ni |  de myi rung ste |  rang rig rigs pa ma yin phyir zhes pa'o |  :  | gnyis pa ni gal te 
gzhan dbang shes pa'i dngos po yin pas de dmyigs pa la rang rig pas khyab kyang yongs su grub pa bdag gnyis kyis stong pa tsam dngos po ma yin pas de dmyigs pa la rang rig pas ma khyab pas rang rig bkag pas yongs su grub pa dmyigs pa 'gog par ma grub por zhe na |  rang rig bkag pas chos can gzhan dbang dmyigs pa 'gog la 
chos nyid dmyigs pa la sngar chos can dmyigs pas khyab pas chos can ma dmyigs pa'i rtags kyis chos nyid dmyigs pa 'gog pa na gzhi rtogs pa yod na de'i chos nyid gnyis myed rtogs su rung zhes ldog pa'i khyab pa 'chad pa ni shes pa ni zhes pa yin la |  gzhi shes pa ma rtogs na de'i chos gnyis myed myi rtogs zhes rjes 'gro'i khyab 
pa brjod pa ni de lta ma yin na myi rigs pa'i phyir ro zhe sbya ba'o |  :  | gsum pa la rtsa ba'i rtags sgrub pa'i rtags dang |  de'i phyogs chos sgrub byed 'phen pa'i thal ba dang |  rtsa ba'i rtags sgrub pa'i rtags kyi khyab pa sgrub pa'o |  | dang po ni sngon pos shes pa la rnam pa gtad pa ltar rang rig gis rang la rnam pa gtad pa 


myed pas rang rig pa myed ces 'chad pa ni shes pa ni zhes pa'o |  :  | gnyis pa ni rnam pa ma gtad par ma grub po zhe na rang snang par khas len na zhes gsungs te |  rnam pa gtad pa'i phyir myong bya myong byed rdzas tha dad par thal zhes rang bzhin gyi rtags kyi thal ba yin la |  rdzas tha dad myed pas rnam pa gtad sa myed ces pa khyab byed mi 
dmyigs pa'i rang rgyud yin no |  :  | gsum pa ni gal te rnam pa ma gtad kyang rang rig shes pa'i yul can yin pa ci 'gal khyab pa myed do zhe na |  'o na don byed pa myed pa'i dngos po ji ltar dgag |  mtshan nyid myed par mtshon bya yod pa 'gal lo zhe na |  'dir yang mtshan nyid yul dang 'dra ba myed par mtshon bya 
yul can myi 'thad do |  | gal te 'dra ba yul can gyi mtshan nyid ma yin te |  rig pa'i ngo bo yin pa mtshan nyid yin no zhe na |  'o na myong pa de rang la ltos nas rig pa'i ngo bo yin pa ltar gzhan ltos nas kyang rig pa'i ngo bo yin pas rang rig yin pa ltar gzhan rig du'ang 'gyur ro zhes 'chad pa ni rigs pa'i ngo bo yin pa'i phyir 
yang zhes bya ba'o |  :  | gal te yul can gyi mtshan nyid ni rang rig pa yin la shes pa la ltos nas rang rig yin pas myong pa shes pa'i yul can yin la |  phyi rol la ltos nas rang rig ma yin pas phyi rol gyi yul can thal ba myed do zhes rgol ba ni gal te rang rig pa'i zhes pa'o |  | de la rang gis rnam pa pa ma gtad pas 
rang rig du myi 'thad pa dang |  rnam pa ma gtad kyang rig na gzhan yang rig par thal ba gnyis de yang zhes pa dang de lta ma yin na zhes pa nas rim pa bzhin no |  :  | de la gal te me'i rgyu las tsha bar skye la bsil ba myi skye bas me tsha ba chos nyid yin pa ltar shes pa'i rgyu las rang rig du skye la gzhan rig du myi skye bas rang rig gis : 
gzhan ma rig pa chos nyid kyi rigs pa yin no zhes rgol ba ni gal te shes pa'i ngo bo nyid ces bya ba'o |  | de dgag pa la bzhi ste |  sngar brjod pas gnod pa dang |  sgrub byed myed pa dang |  bye brag du smra ba myi khegs pa dang |  rgyu las skyes pa nyid myi 'thad pa'o |  | dang po ni de'ang myi rung ste zhes pa ste   |
lan btab zin pa ni rig par rgyu las skyes na ha cang pa dang nye ba'i rgyu myed pas rang rig du rgyu las skyes pa myi 'thad pa'o |  :  | gnyis pa ni myi slu ba'i zhes pa'o |  :  | gsum pa ni shes pa rnam pa myed pas zhes pa'o |  :  | bzhi pa ni rgyu'i nus pa zhes pa te rgyu las skyes pa tsam khegs pa na rang rig du rgyu las 
skyes pa'ang khegs pa'o |  :  | gnyis pa ni de sun dbyung pa ni |  de la nyes pa bzhi ste |  khyab pa sgrub byed la dgos pa myed pa dang |  phyogs chos sgrub byed la nus pa myed pa dang |  lan btab zin pa'i tshig gi don myi 'thad pa dang |  phyogs chos sgrub byed kyi khyab sgrub kyi rjes dpag skyes nas rtsa ba'i rjes dpag : 


| don myed pa'o |  | dang po ni sems tsam du smra bas bdag gnyis kyis stong pa tsam gzhan dbang don dam gyi chos nyid du myi 'dod na na ni bdag gnyis myed pa tsam du sun dbyung par myi rigs pa la |  gzhan dbang don dam gyi chos nyid du 'dod na gzhan dbang dang ngo bo gcig pas rang rig gi myong bya yin pas de dmyigs pa rang rig bkag 
pa nyid kyis khegs pas rang rig bkag pas chos can dmyigs pa 'gegs la |  chos can dmyigs pa bkag pas chos nyid dmyigs pa 'gog pa'i rjes dpag nye rim don myed do |  :  | gnyis pa ni mdo sde pa nyid kyi gzhung gis bdag nyid gsal ba myong pa yin |  | 'dra bar snang pa dmyigs pa yin |  | des na shes pa thams cad kyi |  | 
dmyigs myong bdag nyid tha dad gnas |  zhes 'dod pas rang gis rang la rnam pa gtad pa bkag pas rang gis rang la dmyigs pa 'gog na grub pa la sgrub ste |  rang myong par 'dod kyi rang la dmyigs par myi 'dod pa'i phyir ro |  | rang myong pa 'gog na khyab pa ma grub ste |  rnam pa gtad pa dmyigs pa'i khyab byed yin gyi myong pa'i khyab byed ma 
yin pa'i phyir ro |  :  | gsum pa ni me tsha bar rang gi rgyud la skyes pas rang bzhin yin pa chos nyid du gnas pa ltar |  yul can gyi mtshan nyid yul la ltos nas rang rig du gnas pa yin la |  de'ang rang gi rgyud las rang rig du skye la gzhan rig du myi skye ba chos nyid yin no zhes brjod pa ni rig pa'i ngo bor skye na ha cang thal ba dang rang 
rig du skye na nye ba'i rgyu myed zhes pa myi 'thad de rig pa yul can gyi mtshan nyid khas len pa bor ba yin pas ha cang thal ba brjod pa ma 'brel ba dang |  rang rig chos nyid du 'dod na rang rig rig pa mtshan nyid par 'dod pa yin pas gdags pa'i rgyu nye ba'i rgyu la myi ltos pa'i phyir ro |  :  | bzhi pa ni phyogs chos dang khyab pa nges pa rgyu yin la : 
rjes dpag 'bras bu yin pas na rtsa ba'i rtags kyi phyogs chos sgrub byed kyi khyab pa sgrub pa'i rjes dpag skye la |  phyogs chos sgrub byed kyi rjes dpag las rtsa ba'i rtags kyi rten pa'i rjes dpag skye ba yin na |  'dir phyogs chos sgrub byed kyi khyab pa bsgrub pa'i rtags rgyu'i nus pa bkag phyir ro zhes pa la rten pa'i rjes dpag gis gzhan dbang 
don dam dngos su bkag pa na |  des khyad par du byas pa'i chos nyid yongs su grub pa'ang shugs la khegs pas gzhan dbang dang yongs grub gzigs pa'ang shugs la khegs pas rtsa ba'i rtags la rten pa'i rjes dpag don myed par 'gyur ro |  :  | gsum pa rang gi lugs rnam par gzhag pa ni rang rig bkag pas gzhan dbang dang yongs su grub pa mthong pa dgag : 
pa dang |  gzhan dbang don dam nyid bkag pas gzhan dbang dang yongs su grub pa mthong pa dgag pa'o |  | dang po ni rtags dgod pa dang |  phyogs chos bsgrub pa'o |  | dang po ni gzhan dbang dang yongs su grub pa sgro ma btags pa yin pas de dmyigs pa la mngon sum gyis khyab la |  de'ang gnyis myed yin pas gzhan rig gi : 


yul du 'gal bas de dmyigs pa la rang rig gis khyab pas khyab byed bkag pas 'gog pa ni rang rigs pa ma yin phyir zhes bya ba'o |  :  | gnyis pa ni rtags de ma grub po zhe na shes pa rig bya dang myong pa rig byed du brjod pa rig bya rig byed mtshan nyid pa 'am brtags pa ba yin |  dang po dgag pa ni shes pa ni zhes pa ste gnyis kyis dben pa'i 
ngo bo rig pa 'byung pa yin dang zhes pa ni rdzas gnyis la ma ltos pa'i bya byed rung na zhes pa'o |  | de myed pa shes par 'gyur gyi zhes pa ni gnyis myed la rig bya rig byed mtshan nyid pa 'thad par 'gyur gyi zhes pa'o |  | de lta ma yin na zhes pa ni bya byed la rdzas tha dad pas khyab pas gnyis myed pa'i bya byed myi 'thad na zhes pa'o |  | myi  
rigs pa'i phyir ro zhes pa rang rig myi rigs pa'o |  | des na dpe rta re dang shing lasogs pa la brten te bya byed la rdzas gnyis kyis khyab pa nges pas shes pa chos can | de la myong bya dang myong byed kyi bya byed myed de | rdzas tha dad myed pa'i phyir zhes pa khyab byed myi dmyigs pa ste | 'od srung gis zhus pa dang gtsug na rig po che dang lang kar 
gshegs pa las ral gri la rang gis rang gcod pa myi 'thad pa ltar | shes pa rang gis myi 'thad par gsungs pa'i mdo'i don yin no |  | rdzas tha dad myed pa'i phyogs chos kyang tha snyad pa'i rang rig pas grub ste | gnyis myed pas don dam pa rang rig khegs kyang tha snyad pa'i rang rig myi khegs te | cha dang bcas pa la kun rdzob du   
gcig gi blo 'jug pa myi 'gal ba ltar | tha dad myed pa la kun rdzob du bya byed kyi blo 'jug pa myi 'gal ba'i phyir ro |  | gal te rnam shes bems po'i rang bzhin las |  | bzlog par rab du skye ba ste |  | bems myin rang bzhin gang yin ba |  | de 'dir bdag nyid rig pa yin |  | gcig pa cha myed rang bzhin la 
gsum gyi bdag nyid myi 'thad phyir |  | 'di'i bdag nyid rig pa ni |  | bya dang byed pa'i dngos por myin | zhes pa ltar bya byed la ma ltos par bems po las bzlog ste rig pa'i ngo bor skyes pa rang rig yin pas gnyis kyis ma khyab po zhe na | 'o na rtag pa la rim dang cig char giys 'bras bu byed pa khegs kyang bya bed la ma ltos 
par nus myed las bzlog ste nus par skyes pas don byed nus par smra ba ji ltar dgag | nus pa de yul gang las nus zhe na | rig pas kyang yul gang rig | rig pa yul la myi ltos na nus pa 'ang yul la myi ltos so |  | 'bras bu myed na nus myed las log pa myi 'thad do zhe na | yul yongs su myi gcod na'ang bems 
po las log par myi 'thad do |  :  | gal te rig bya dang rig byed btags pa ba yin te | mdo sde pas rang nyid sngon po'i rnam pa skyes pa la sngon po rig par 'dogs pa bzhin no zhe na | dmyigs pa dgag pa'i rtags dgod pa dang | phyogs chos sgrub pa dang | khyab pa bsgrub pa gsum mo |  | dang po ni shes pa chos can  |


| rang la dmyigs pa myed de | rang gis rang la gzugs brnyan ma bzhag pa'i phyir zhes 'chad pa ni shes pa ni zhes pa ste | khyab pa mdo sde pa'i lugs la rten pa'o |  | shes pa gzhan gyis shes pa gzhan la rnam pa ma gtad pas dmyigs pa myed pa ni mthun pa'i dpe'o |  :  | gnyis pa ni rnam pa ma gtad par ma grub po 
zhe na | rnam pa gtad pa’i phyir rdzas tha dad par sngon po dang de shes pa bzhin zhes pa'i rang bzhin gyi rtags kyi thal bas rdzas tha dad myed pa'i phyir rnam pa gtad pa myed ces khyab byed myi dmyigs pa'i rang rgyud 'phangs pas bsgrub pa ni rang snang par khas len na zhes pa'o |  | sngon po dang de shes pa'i dpe'ang mdo sde pas rnam pa gtad par yang 'dod la rdzas tha dad du'ang 
'dod pas lugs de la grub pa yin gyi | bye brag du smra ba ltar na rdzas tha dad kyang rnam pa gtad par myi 'dod pas sgrub byed myed pa'i dpe ltar snang par 'gyur la | rnam bcas pas bdag gcig pa dang rnam myed pas gcig pa bkag pa'i tha dad du 'dod pas rdzas tha dad du'ang myi 'dod la | gnyi gas gzugs brnyan 'jog par yang myi 'dod pas sems tsam 
pa'i ltar na gnyi ga myed pa'i dpe' ltar snang par 'gyur ro |  :  | gsum pa khyab pa sgrub pa ni shes pas myong pa la rnam pa ma gtad na | myong pa yul dang 'dra ba myed de yul can gyi mtshan nyid myed pas myong pa shes pa'i yul can du myi rung ste | byas pa rtag pa la ltos nas phyogs chos dang khyab pa myed pas rtag pa la ltos pa'i rtags 
ma yin pa bzhin no |  | gal te yul can gyi mtshan nyid yul dang 'dra ba yin na khyab pa grub pa bden yang yul can gyi mtshan nyid rig pa'i ngo bor gnas pa yin pas 'dra ba myed kyang shes pa'i yul can du rung ngo zhe na | 'o na shes pa la ltos nas rig pa'i ngo bor gnas pa bzhin du phyi rol la ltos nas kyang rig pa'i ngo bor gnas 
pas phyi rol gyi 'ang yul can du thal la | yul dang 'dra ba la myi ltos pas myig gi shes pa kha dog la ltos nas rig pa'i ngo bor gnas pa bzhin du sgra la ltos nas kyang rig pa'i ngo bor gnas pas sgra'i yul can du'ang 'gyur ro zhes 'chad pa ni rig pa'i ngo bo yin pa'i phyir yang zhes pa'o |  :  | gal te yul can gyi mtshan nyid rig pa'i 
ngo bor gnas pa ma yin te rang rig pa'i ngo bor gnas pa yin la | shes pa la ltos nas rang rig du gnas pas myong pa shes pa'i yul can yin gyi phyi rol la ltos nas rang rig du gnas pa'i gtan tshigs ma grub pas phyi rol gyi yul can du thal ba myed do zhes rgol ba ni gal te rang rig pa'i zhes pa'o |  | de la rang rig du gnas 
na rang gis rnam pa gtad dgos pa las rang gis rnam pa gtad pa myed pas rang rig gi ngo bor gnas pa nyid myi 'thad pa ni de yang myi rung ste nye ba'i rgyu myed pa'i phyir ro zhes bya ba'o |  | rnam pa ma gtad kyang rang rig gi ngo bor gnas pa 'thad na gzhan gyis rnam pa ma gtad kyang gzhan rig gi ngo bor gnas pa 'thad pas gzhan rig gi ngo bo yin pa'i 


phyir gzhan yang rig par thal lo zhes 'chad pa ni de lta ma yin na ha cang thal ba de nyid du 'gyur ro zhes bya ba'o |  :  | de la gal te rang rig ni rnam pa gtad pa la ltos pa'i glo bur pa ma yin te | ma'i rgyu nyid las tha bar skyes pas tha ba me'i rang bzhin yin pa ltar she spa'i rgyu nyid las rang rig du skyes pas shes pa'i chos nyid rang rig pa 
yin no |  | zhes rgol ba ni gal te shes pa'i ngo bo nyid ni zhes pa'o |  :  | de sun dbyung pa la gsum ste |  sngar bshad pas gnod pa dang |  sgrub byed myed pa dang |  gzhan rig la'ang rtag pa mtshungs pa'o |  | dang po ni de'ang myi rung ste lan btab zin pa'i phyir ram zhes pa ste | gong du shes pa ni gnyis kyis dben pa'i 
zhes pa lasog spas gnyis myed pa la rig bya rig byed myi srid par bstan pas myi srid pa shes pa'i rgyu las skye ba myi 'thad do zhe pa'o |  :  | gnyis pa ni mi slu ba'i zhes pas chos nyid yin pa la sgrub byed myed pa'ang dang | sems myi mthun pa zhes pas dam bca' brjod pa'i tshig yid ches pa'i gnas ma yin pa gnyis kyis bstan to ||  
gsum pa ni shes pas myong pa la rnam pa ma gtad kyang myong pas shes pa rig na myig shes la kha dog gi rnam pas ma gtad kyang myig shes kha dog rig la | nye ba'i rgyu myed kyang rig na myig shes kyis sgra'ang rig par 'gyur ro zhe na |  myong pa dang shes pa la nye ba'i rgyu myed kyang myong pas shes pa rig na nye ba'i rgyu myed kyang myong pas phyi rol gyi don 
rig par ‘gyur la | rnam pa ma gtad kyang rang rig par rang gi rgyu las skye bas ran grig pa chos nyid yin la | rang gi rgyu las gzhan rig du ma skyes pas gzhan myi rigs pas chos nyid yin no zhe na'ang |  kha dog gis rnam pa ma gtad kyang myig shes kyi rgyu las kha dog rig par skye bas kha dog rig pa myig shes kyi chos nyid yin la sgra 
myi rig par skye bas sgra myi rig pa myi shes kyi chos nyid yin no zhes bye brag du smra ba shes pa la phyi rol gyi rnam pa dang bdag gcig pa myed par smra bas mgo mtshungs par de skad bshal ba la mtshan nyid byed pa phyogs kyi glang po dang | rnam 'grel byed pa chos kyi grags pa dang | lha'i dbang po blo gros lasogs pa gzhan yang rung don dang 'dra ba 
tshad ma zhes gang gi yul gyi rnam pa tshad ma grub par brjod pas mgo myi mtshungs pa ji skad brjod par bya zhes bya ba'o |  :  | de ltar rang rig bkag pas gzhan dbang don dam dang de'i chos nyid yongs grub dmyigs pa bkag nas |  dmyigs bya gzhan dbang don dam dang de'i chos nyid yongs grub nyid bkag pas sangs rgyas kyis de dmyigs 
pa 'gegs pa ni |  rgyu'i nus pa bkag phyir ro zhes pa ste mtha' bzhi'i skye ba rigs pa'i ngor bkag pas rigs ngo'i gzhan dang khegs pa na | des khyad par du byas pa de'i chos nyid khegs pa na dmyigs bya myed pas sangs rgyas kyis de dmyigs pa shugs la khegs te |  thams cad mkhyen pas ma yin dgag la rigs pa'i 


| gzhal bya 'jug pa ma dmyigs pa'i gtan tshigs grub po zhes bya ba'o |  :  | gsum pa khyab pa bsgrub pa ni de nyid kyi phyir ngo bo nyid thams cad myi mthong pa de kho na mthong pa zhes bya bar bshad de snags rgyas kyis ma yin dgag rigs grub ma dmyigs pa'i phyogs chos su 'dug mod |  sangs rgyas kyis ma dmyigs pa la myed 
pas ma khyab ces kyang rtag par myi nus te |  'di ltar yod myed dngos po mkhyen pa po kun mkhyen zhes pa dang shes bya mtha' dag la mkhyen pa'i ye shes dang ldan pa'i phyir kun mkhyen pa ste zhes pas shes bya la srid tshad la thams cad mkhyen pas dmyigs pas khyab pas ma yin dgag la rigs pa'i gzhal bya ‘jug na’ang thams cad mkhyen pas 
dmyigs pas khyab ces ldog khyab bstan la |  kun mkhyen pas kyang gang ma gzigs |  | de'i dngos po ci 'dra zhig |  | shin du zhib pa'i lta bas dpyod ces pa dang |  des myi dmyigs pa ji ltar yod par 'gyur zhes bsam pa'o zhes pas sangs rgyas kyis ma gzigs pa la myed pas khyab pas ma yin dgag la rigs pa'i gzhal 
bya 'jug pa myed ces rjes 'gro'i khyab pa bshad pa'o |  :  | bzhi pa rtags kyis nges pa'i don lung dang sbyar pa ni lung dgod pa dang |  de bshad pa dang |  don gzhan du rtog pa dgag pa dang |  don bsdu ba'o |  | dang po ni de nyid kyi phyir zhes pa ste |  sgra'i zhen yul myong pa'i yul gyi dngos po kun rdzob du bsgrub pa dang |  rtog pa'i yul sgra spyi 
dang don spyi kun rdzob par sgrub pa dang |  myong bya don dam du dgag pa dang |  sgra spyi don spyi don dam du dgag pa rnams de la zhes pa dang yi ge dang zhes pa dang don dam pa'i zhes pa dang yi ge rnams lta zhes pa nas rim pa bzhin no |  :  | gnyis pa ni mdo'i don bshad pa la tha snyad du bya ba'i don dang |  de gzhan du rtog pa dgag pa dang |  ji snyed kyi tshig gi 
don dang | de rigs can gzhan la sbyar pa'o |  | dang po ni jig rten kyi zhes pa ste |  'jug pa ni zhen pa 'jug pa'o |  | shes pa ni rang rig gi myong byas yin la shes bya gzhan rig gi gzung pa yin pas don rang gi mtshan nyid kun rdzob du grub pa'o |  | gnyis pa ni brjod par byed pa'i zhes pa ste |  sgra spyi dang don spyi kun rdzob par 
bsgrub pa yin na yi ge dang zhes pa dang zlos so zhes pa'o |  :  | gsum pa ni ji snyed ces pa ste gzugs lasogs pa gzhan rig gi yul yin la | bde ba lasogs pa rang rig pa'i yul lo |  :  | bzhi pa ni de ni 'og du yang zhes pa ste |  zhugs gyur bram ze'i lag la chu |  | 'dod lha snying la myang na mye |  zhes pa ltar gong du bshad 
pa 'og du 'brel pas ji snyed yi ge dang ji snyed ji snyed brdas bstan pa dag go zhes 'brel pa ste |  mdo las 'byung pa ni gsung rab kyi tshig go |  | yi ge dang skad dang brda bstan pa gzhan ni 'phags pa'i tha snyad dang 'phags pa ma yin pa'i tha snyad dang kun brtags pa'i tha snyad lasogs pa'o |  | gzung ngo zhes pa thams cad kun rdzob kyi bden par 


gzung pa'o |  :  | don gzhan du rtog pa dgag pa la sems tsam du smra ba myong pa'i yul shes pa'i dngos po don dam par smra ste | rtog pa'i gzung yul kho na kun rdzob par 'dod pas 'jig rten gyi tha snyad gdags pa zhes pa rtog pa'i gzung pa kun rdzob du bsgrub pa mdor bstan dang | de nyid bshad pa yi ge dang skad dang brdas bstan pa zhes pas myong pa'i yul kun
rdzob ma yin par 'dod pa la nyes pa gnyis te | myong pa'i yul kun rdzob ma yin na don dam pa la sems dgag pa myi 'thad pa dang | myong pa'i yul dang rtog pa'i gzung yul gnyis kun rdzob par myi sgrub na don dam pa la dgag pa gnyis kyi rim pa myi 'thad pa'o |  | dang po ni de ni zhes pa tha snyad gdags pa zhes pa'o | | de ltar rtogs par bya
zhes pa sems kun rdzob par sgrub par rtogs par bya ste | myong pa'i yul kun rdzob yin pa shes bya'i gshis yin pa'i phyir ro | | de gang las zhe na don dam pa'i bden pa bstan pa la sems rgyu ba myed ces gsungs pa'i phyir ro zhes gsungs te | gnod pa can gyis byas pa rtag pa la bkag pa na 'os gzhan myed pas byas pa la mi rtag pas
khyab pa 'grub pa ltar | lung gis sems don dam par bkag pa na 'os gzhan myed pas sems kun rdzob par grub pa'i phyir ro || sgra spyi don spyi kho na kun rdzob yin na don dam la yi ge kho na 'gog par 'gyur ba ni rjod par byed pa'i zhes pa'o | | sems kun rdzob ma yin na 'os gzhan myed pas sems don dam du 'gyur
la | de 'dod na don dam pa la sems dgag par myi rigs zhes 'chad pa ni sems zhes gsung par myi 'gyur ro zhes pa'o |  | gnyis pa ni rgyu mtshan ma grub pa dang | rnam par rtog pa rgyu mtshan du rtog pa dgag pa'o | | dang po ni gal te zhes pa ste | ji skad du gsungs pa'i go rims can ni 'jig rten gyi tha snyad
gdags pa dang zhes myong pa'i yul kun rdzob du sgrub pa dang | yig ge dang zhes rtog pa'i yul kun rdzob du sgrub pa'o | | myi 'dod na zhes rtog pa'i gzung pa kho na kun rdzob du sgrub kyi myong pa'i yul kun rdzob par myi sgrub na'o | | don dam pa la'ang rtog pa'i gzung pa kho na 'gog pa yin pas sems rgyu ba myed na zhes myong pa'i yul
don dam yin pa sngar dgag pa dang | yi ge rnams lta smos kyang ci dgos zhes rtog pa'i yul don dam du dgag pa phyi nas brjod pa'i brjod par bya ba'i go rims ci'i phyir mdzad ces pa'o |  | gnyis pa ni gal te myong pa rtog myed rang rig dang de'i gzung pa shes pa gnyi ga kun rdzob ma yin te don dam yin pas rtog myed kyi sems don dam du myi
'gog mod kyi don spyi dang sgra spyi dngos por myed pas don dam ma yin la | mo gsham gyi bu myed pa na de'i gshed ma myed pa ltar gzung pa sgra spyi don spyi dngos myed yin pa ni de 'dzin pa'i rtog pa 'ang dngos myed kun rdzob yin pas sngar sems rgyu ba myed ces pas 'dzin cha rtog pa don dam du bkag pa yin la | phyis yi ge rnams la smos kyang ci dgos


| zhes pas de'i gzung pa sgra spyi don spyi don dam du 'gog pa yin no zhes rgol ba ni rnam par rtog pa'i zhes pa'o | | de dgag pa la bzhi ste | rang mying myi brjod par 'gal ba dang | sgrub byed myed pa dang | gong mar 'og ma 'dus pas dgag pa gnyis myi 'thad pa dang | 'og mar gong ma 'dus pas dgag pa gnyis
myi 'thad pa'o | | dang po ni rnam par rtog pa rgyu ba myed ces zhes pa ste the tsom myed pa ni rtog myed 'gog gam snyam pa'i the tsom myi skye ba'o || gnyis pa ni 'di la zhes pa ste shes pa'i spyi myi 'gog gi rtog pa 'gog pa 'di la'o |  | don gyi shugs kyis spyi sgra bye brag la go ba ni 'ga' zhig 'ongs so so zhes pa 'gro ba'i bya ba myed pa
'ong par 'gal bas sems can ma yin pa la myi go bar sems can la go ba lta bu'o |  | skabs kyis spyi sgra bye brag la go ba ni sen dha ba 'on cig gi sgras g.yul 'gyed pa na ral gri dang ri dags shor ba na rta dang g.yos byed pa na lan tsha la go ba'o | | 'dir don dang skabs myed pas sems kyi spyi sgra bye brag rtog pa la gzhag par myi
nus so zhes pa'o | | 'dir ni rtog myed rgyu ba myed ces rang mying brjod par 'gyur zhes pa dang spyi sems kyi sgra bye brag rtog myed la gzhag par myi nus zhes brjod par myi nus te | sems rgyu ba myed ces pas bye brag rtog myed 'gog par myi 'dod kyi sems rgyu ba myed ces pas myong bya sems kyi spyi don dam du 'gog la yi ge rnams lta smos kyang
ci dgos zhes pas brtag bya sgra spyi don spyi don dam du 'gog par 'dod pa'i phyir ro | : | gsum pa ni yang na zhes pa ste rjod par byed pa'i spyi ni sgra spyi dang don spyi'o | | rnam par rtog pa'i rjes su 'jug pa ni rnam rtog der 'dzin du yod na sgra spyi dang don spyi rnam rtog gi gzung par yod la | rnam rtog der 'dzin du myed na sgra spyi don spyi de'i
gzung par myed pa'o |  | de brjod pas gnyi ga smos pa ni 'dzin cha rtog pa sems rgyu ba myed ces pas dngos su khegs na gzung cha sgra spyi don spyi shugs la khegs pas yi ge rnams smos kyang ci dgos zhes dngos su 'gog pa'i sgra zlos pa'o || yang zhes bya ba'i sgra mdzas pa ma yin pa ni dngos rtogs shugs rtogs la rim pa myed pas rim
can du ston pa myi rigs so |  | gal te rtog pa khegs pas sgra spyi khegs kyang sgra rang gi mtshan nyid myi khegs pas de dgag pa la yi ge rnams smos kyang ci dgos zhes pas 'gog go zhe na | rang gi mtshan nyid ni zhes gsungs te | rjod byed ma yin pa ni dngos kyi brjod bya gzung yul du myi byed pa dang zhen pa'i brjod bya zhen yul du mi
byed pa'o |  | brjod par rung pa ma yin pa ni brjod byed du bgrang par myi rigs pa'o |  | gal te sems rgyu ba myed pas rtog pa shes bya la myed par bstan pas sgra spyi don spyi snang tshod du myed par shugs la grub ces brjod dam | sems rgyu ba myed pas rtog pa don dam du khegs pas sgra spyi don spyi don dam du shugs la khegs zhes


brjod | dang po ma yin ste rtog pa dngos por yod pa dang sgra spyi don spyi snang thod du yod pa shes bya'i gshis yin pas de 'gog pa'i ngag thub pas gsung par myi rigs pa'i phyir ro |  | gnyis pa ltar na yul can spros pa gcod pa'i rjes dpag don dam du khegs pas yul spros bral don dam du khegs par 'gyur ro zhe na |  rtog pa dngos por bkag pas
sgra spyi don spyi snang tshod du khegs par myi 'dod de |  'dzin cha rtog pa rigs pa'i yul du khegs de'i gzung cha sgra spyi dang don spyi rigs pa'i yul du khegs par brjod do |  | 'dzin cha rigs pa'i yul ma yin yang des khyad par du byas pa'i de'i gzung pa rigs pa'i yul yin na khyad par du byed chos ma gzhal yang khyad par du byas chos 'jal
bas de gnyis rtogs pa gcig pa ma yin par 'gyur ro |  | 'o na 'jal byed spros pa gcod pa'i rjes dpag rigs pa'i yul du khegs pas gzhal bya spros bral yang rigs pa'i yul du khegs par 'grub ste |  'jal byed rigs pas ma grub kyang gzhal bya rigs pas grub na khyad par du byed chos 'jal byed dang khyad par du byas chos gzhal
bya rtogs pa gcig ma yin par 'gyur ro zhe na |  'jal byed rjes dpag rigs pa'i yul du khegs pa na des khyad par du byas pa'i gzhal bya ma khegs par du smra |  gzhal bya ni tshad ma'i yul du rung pa zhes bya ba tshad mas khyad par du byas pa'i ma yin dgag yin la |  tshad ma gcig dang du mar ma snyed pa na de'i gzhal
bya 'ang rigs pa'i yul du ma rnyed pa yin no |  | 'on kyang blo la ma ltos pa'i spros pas stong pa tsam gyi myed dgag rigs pa'i yul yin pa mi khegs te |  myed dgag rjes dpag la ma ltos pa'i phyir ro |  | 'o na rtog pa rigs pa'i yul du khegs pas rtog pa'i gzung pa rig pa'i yul du khegs kyang rtogs pas gzung pa kha ma ltos
pa'i don spyi tsam dag pa ba rigs pa'i yul du myi khegs so zhe na |  don spyi ni rtog pa la 'dres par snang pa tsam yin pas rtog pa la ma ltos pa'i don spyi myed do |  | 'o na spros bral yang rjes dpag gis spros pa khegs pa yin pas rjes dpag la ma ltos pa'i spros bral myed do zhe na |  'o na rjes dpag lasogs pa'i tshad ma
myed pa na spros bral myed pas spros bcas su 'gyur ro |  | rtog pa myed pa na don spyi myed par thal ba 'dod pa yin pas ga la mtshungs |  :  | gal te 'dzin cha rig pa'i yul du khegs pas gzung pa rigs pa'i yul du khegs pa de lta na |  sems rgyu ba myed ces pa khyab byed shes pa rigs pa'i yul du khegs pa
na khyab bya rtog pa'ang rigs pa'i yul du khegs pas khyab bya spros bral yang rigs pa'i yul du khegs par 'gyur ro |  | gal te khyab byed rigs pa'i yul ma yin yang khyab bya rigs pa'i yul yin na de gnyis tshad ma gcig gi yul ma yin pas rtogs pa cig pa ma yin par 'gyur ro zhe na |  'dod pa nyid de byas pa rtogs kyang


| myi rtag pa ma rtogs pas phyis dpog pa dang |  mtha' bzhi pa'i skye ba khegs kyang don dum pa'i dngos po shugs la ma khegs pas phyis rjes dpag gis 'gog pa bzhin no |  | 'dzin pa khegs pa na gzung pa shugs la khegs te gzung pa myed pas dpag myi dgos pas mtshungs pa ma yin no |  :  | bzhi pa ni don 'og
ma zhes pa ste | 'og ma ni yi ge don dam du bkag pa'o |  | gong ma ni rtog pa don dam du 'gog pa'o |  | 'dus pa rtogs pa gcig pa'o |  | de'i 'thad pa ni rjod par byed pa zhes pa ste |  gang gi rjod pa rtog pa'o |  | rjes su 'brang pa rtogs pa gcig pa ste |  gzung pa khegs na 'dzin pa shugs la khegs pas dgag pa
gnyis zlos so zhes bya ba'o |  | gal te yi ge rnams smos kyang ci dgos zhes pas sgra spyi don spyi snang tshad du khegs pas rtog pa gtan myed du bstan zhes brjod dam |  sgra spyi don spyi rigs pa'i yul du myed par bstan zhes brjod |  dang po ltar na sgra spyi don snang tshod du yod pa dang rtog pa dngos por yod pa shes bya'i gshis yin pas shes
bya la log par ston pa'i ngag du 'gyur la |  gnyis pa ltar na sgra spyi don spyi dngos por khegs pas rtog pa dngos por khegs par 'gyur ro zhe na |  sgra spyi don spyi rigs pa'i yul du myed kyang der 'dzin rigs pa'i yul yin na gzung pa dang 'dzin pa rtogs pa gcig ma yin par 'gyur bas sgra spyi don spyi rigs pa'i yul du khegs pas rtog pa rigs
pa'i yul du khegs pa yin no |  | sgra spyi don spyi dngos myed yin yang rtog pa dngos po yin na gzung pa dang 'dzin pa rtogs pa gcig ma yin par 'gyur bas sgra spyi don spyi dngos por khegs pa na rtog pa dngos por khegs so zhes brjod par myi nus te |  gzhal bya dngos myed du grub pa na 'jal byed dngos myed 'jal bar grub pas dngos po dang dngos
myed rtogs pa gcig pa myi 'gal ba'i phyir ro |  :  | bzhi pa don bsdu ba ni de lta bas na zhes pa ste |  sems kun rdzob yin pas don dam pa la sems dgag pa dang sgra 'gal ba myed pa dang |  snga mas myong bya 'gog pa kyi ams brtag bya 'gog pas dgag pa gnyis sgra zlos pa'ang myed pas thams cad 'tsham mo zhes bya ba'o |  :  | de ltar
lung dang sbyar nas rtags kyis nges pa'i don bsdu ba ni de ltar gyur na zhes pa ste |  bdag nyid rig pa yin pa'i phyir zhes pa rang gi rgyu las rang rig par skyes pa'o |  | sems spyod yul du gyur pa'i zhes pa ni rang gzung yul du byed pa'i myong pa ste gzhan dbango |  | rnam par dag pa ni bdag gnyis kyis stong pa ste yongs su grub pa'o |  | yang
dag du rigs sam 'on te myin zhes soms te de gnyis yang dag du myi rigs pa bsgrub bya'o |  | de ltar gyur na zhes pa gtan tshigs te |  kun mkhyen pas kyang ma dmyigs pa'i phyir dang |  rgyu'i nus pa 'og nas 'gog pa'i phyir dang |  don dam pa la sems rgyu ba bkag pa'i phyir ro zhes pa sngar gyi rtags gsum dran par bya ba'o || 


kun rdzob gyi bden pa rgyas par bshad pa la lnga ste |  rab du dbye ba dang |  brtags pas dben pa'i rgyu 'bras yang dag gi kun rdzob yin pa dang |  yang dag pa dang dag ma yin pa'i kun rdzob kyi mtshan nyid dang |  rgyu 'bras don dam yin pa dgag pa dang |  kun rdzob kyi bden pa sgra'i don to |  | dang po ni kun rdzob de 'di zhes pa ste
dbye ba'i gzhi dang |  don dang |  grangs nges dang |  dbye ba smos pa'i dgos pa'o |  | dang po ni dpyad myi bzod pa tsam gnyis su dbye ba'o |  | gnyis pa ni don byed pa dang myi byed pa gcig dgag pa'i tha dad yin gyi log pa'i dngos po kun rdzob dngos po ma yin pas dngos po tha dad pa 'am dngos po gcig la ldog pa tha dad pa ni ma yin no |  :  | gsung 
pa ni ma dpyad pa'i snang pa la don byed pa dang mi byed pa gnyis su kha tshon chod de phung po gsum pa myed pas gnyis kho na'o |  :  | bzhi pa ni nges par gzung pa rtogs pa'i don du yin te |  de lta ma yin na mtshan nyid bstan pas mtshon bya tha dad du go'ang grangs mang par dogs par 'gyur ba'i phyir ro |  :  | gnyis pa brtags pas dben pa'i rgyu 'bras
kun rdzob yin pa la lnga ste |  brtags pas dben pa'i rgyu 'bras yang dag pa'i kun rdzob kyi mtshon byed du brjod pa dang |  de yang dag pa'i kun rdzob du bsgrub pa dang |  brtags pa yang dag pa'i kun rdzob yin pa dgag pa dang |  brtags pas dben po de dang myi mtshungs pa dang |  gzhan dbang don dam du myed pa la lung dang 'gal ba'i skyon spang
ba'o |  | dang po ni de la brtags pa'i don gyis dben gyur pa zhes pa ste |  nye bar mtshon byed kyi ngo bo dang |  gsum smos pa'i dgos pa dang |  mtshan nyid yin pa dgag pa'o |  | dang po la rtags pa ni dpyad   bzod myed pa na dpyad bzod du brtags pa ste |  des dben pas ma yin dgag dpyad bzod kyis dben pa'o |  |
dngos po tsam ni don byed nus pa'o |  | brten nas skyes pa ni rgyu dang rkyen las skyes pas so |  | de'ang rtags pa'i don gyis dben gyur pa'i dngos tsam yang dag kun rdzob shes par bya zhes pas ma brtags nyams dga'i 'bras bu yang dag pa'i kun rdzob kyi mtshan gzhi yin par bstan to |  | brtags pa'i don gyi dben gyur pa'i
brten nas gang skyes de yang ldag kun rdzob shes par bya zhes pas ma brtags nyams dga'i 'bras bu yang dag pa'i kun rdzob kyi mtshan gzhi yin par bstan to |  | de bshad pa na yang dag par skye ba ni bye brag du smra bas skye ba lasogs pa bzhi dang skye ba'i skye ba lasogs pa bzhi dang 'du byed dgu yang dag par brtags pa'o |  | rnam par
shes pa'i snang pa sems tsam du smra ba'i lugs so |  | gtso bo ni grangs can pa'i rang bzhin gsum cha mnyam pa'o |  | 'byung pa'i yongs su 'gyur ba ni tshu rol mdzes pa bas 'byung pa las mngon par gsal ba dang mngon par mi gsal ba'i sems pa can du 'dod pa'o |  :  | gnyis pa ni sems tsam du smra ba bdag gnyis


| su brtags pas dben pa'i gzhan dbang don dam par smra bas de dgag pa'i phyir brtags pas dben pa yang dag pa'i kun rdzob du gsungs la |  tha snad pa'i tshad ma smra bas |  don byed nus pa gang yin ba |  | de 'dir don dam par yod pa yin |  ces brjod pa dgag pa'i phyir don byed nus pa yng dag pa'i kun rdzob du bshad cing
slob dpon blo brtan gyis rten 'brel la don dam pa'i dngos pos khyab par 'dodi pa dgag pa'i phyir brten nas skyes pa yang dag pa'i kun rdzob du gzungs pa'o |  :  | gsum pa ni brtags pas dben pa 'ba' zhig yang dag pa'i kun rdzob kyi mtshan nyid ma yin te log pa'i kun rdzob ha cang khyab pa'i phyir ro | |  brten nas skyes pa 'ba' zhig ma yin
te brda la ma rmongs par brten nas skyes par mthong pa na yang dag pa'i kun rdzob du nges pas 'bras bu don dam pa'i dngos po'i sgri 'dogs mngon sum gyis chod par thal ba'i phyir ro |  | don byed nus pa'ang ma yin te brda la ma rmongs pa la rgyur mthong pa na yang dag pa'i kun rdzob du nges pas rgyu la don dam pa'i dngos po'i sgro 'dogs mngon gsum gyis chod
par thal ba'i phyir ro |  | brten nas skyes pa dang don byed nus pa'i tshogs pa ma yin te phyi ma'i rgyu dang snga ma'i 'bras bur mthong ba na brda la ma rmongs pa la yang dag gi kun rdzob du grub pas de la don dam pa'i dngos po yin pa'i sgro 'dogs mngon gsum gyis chod par thal ba'i phyir ro |  | brten nas skyes pa dang brtags pas dben pa tshogs pa
ma yin te 'bras bus kun rdzob pa dang yang dag pa'i kun rdzob rnam grangs par thal ba'i phyir ro |  +  | gsum ka tshogs pa ma yin te rgyu myed ni don byed pas kyang gcod la don byed pa myed pa brten nas skyes pas gcod pas tshogs pa la rnam gcad myed pa'i phyir ro |  :  | gnyis pa rgyu 'bras de yang dag pa'i kun rdzob du bsgrub pa ni ma 'khrul pa'i mngon gsum la
brten nas skyes pa dang don byed par mthun par snang pas yang dag gi kun rdzob yin no zhes 'chad pa ni 'di ltar zhes pa'o |  | ma 'khrul pa la mthun par snang pas tha snyad du dngos po yod par grub pa na yang dag yin pa'i don mngon gsum du grub la tha snyad mngon gsum rjes dpag gis nges so zhes 'chad pa ni shes pa la zhes bya ba'o |  :  |
gsum pa brtags pa yang dag pa'i kun rdzob yin pa dgag pa ni gal te mngon gsum ma 'khrul pa la mthun par snang pas yang dag pa'i kun rdzob yin na yang dag par skye ba lasogs pa brtags pa'ang ma 'khrul pa'i mngon gsum la mthun par snang pas yang dag pa'i kun rdzob du thal lo zhe na |  gtan tshigs ma grub par brjod pa ni mngon
gsum la myi snang pa dang rtog pas sgro btags pa dang myi snang pa'i 'thad pa dang des na log pa'i kun rdzob yin pa'o |  | dang po ni yang dag par skye ba zhes pa ste |  yang dag par skye ba lasogs par zhen pa ni rtog pa rang dga' ba yin gyi myong pas nges pa ma yin te myong pa la yang dag par skye ba lasogs pa dang de dang rtogs pa cig pa gang yang


myi snang pa'i phyir ro |  :  | gnyis pa ni 'o na yang dag par skye ba lasogs pa'i rnam pa snang pa'i blo de gang yin zhe na |  rtog pa la don spyi snang pa yin no zhes 'chad pa ni ji lta bu yang rung pa 'am zhes pa ste |  ji lta bu yang rung pa ni rang dga' ba'i rnam rtog yin la |  grub pa'i mtha' la rten pa ni gzhung lugs gnan pa la yid ches pa'i gnas
su gzung pa'o |  :  | gsum pa ni de lta ma yin na zhes pa ste |  mngon gsum la mthun par snang pas rtsod pa myed par thal ba ni 'gal khyab dmyigs pa yin la rtsod pa yod pas mthun snang myed ces pa khyab byed 'gal ba tha snyad grub pa'o |  | rgol ba dang zhes pa thal ba'i mthun dpe' yin la |  rtsod par byed na zhes pa khyab pa sgrub byed
do |  | mthong pa'i don la skur pa btab na myong pas gnod la |  dpag bya la skur pa btab na 'thad pas gnod pa yin no |  :  | bzhi pa ni yang dag myin ni zhes pa ste ma dpyad pa'i snang pa yin pas kun rdzob kyi bden pa yin la |  ma 'khrul ba la myi snang pas brtags pa yang dag pa ma yin pa'i kun rdzob du grub po zhes bya ba'o |  | brnan
pa ni kun brtags yang dag pa ma yin pa kho na la yod ces gzhan ldan rnam gcod yin la |  go rims bzlog pa ni ma 'brel rnam gcod du sbyor na yang dag pa ma yin pa kun brtags la yod pa kho na zhes sbyar ba'o |  :  | bzhi pa rtags pas dben pa de dang mi mtshungs pa la lngo ste |  rgol ba dang |  dngos po'i chos nyid la thal ba'i rtags ma
grub pa dang |  rtags pa'i chos nyid dang zhig nas myed pa la 'dod pa grub pa dang |  chos yang dag par sdud pa dang 'gal ba spang pa dang |  brtags pas dben pa dang zhig nas myed pa don dam par yod pa dgag pa'o |  | dang po ni gal te yang dag pa'i skye ba lasogs pa'i kun brtags mngon gsum la snang myi srid pas yang dag pa'i kun rdzob ma
yin la |  kun rdzob tsam yin pas log pa'i kun rdzob yin na 'o na snang pa la yang dag pa'i skye ba lasogs pa bkag pa'i rtags pas dben pa'ang mngon gsum la myi snang pa'i phyir yang dag pa'i kun rdzob ma yin la kun rdzob tsam yin bas log pa'i kun rdzob du 'gyur ro zhes rgol ba ni 'o na ni yang dag par skye ba lasogs pa bkag pa yang zhes pa'o
gnyis pa ni ci thal ba de dngos po'i chos nyid du gnas pa'i yang dag pa'i skye myed la log pa'i kun rdzob du thal zhes brjod dam |  dngos po'i chos nyid ma yin ba sgro btags pa'i chos nyid dam dgag bya yang dag pa'i skye ba zhig nas myed pa de log pa'i kun rdzob du thal zhes brjod |  dang po ltar na dngos po'i chos nyid dngos po dang ngo bo gcig yin
yin la ngo bo gcig la snang pa dang myi snang pa cha gnyis 'gal bas dngos po snang pa na myi snang pa'i gtan tshigs ma grub ces 'chad pa ni ma yin te dngos po'i ngo bo dang tha dad ma yin pa'i phyir ro zhes pa'o |  | de la'ang yang dag pa'i skye ba myed pa tsam ni dpyad na bden pa'i zhen pa bzlog du myed pas rigs pa'i gzhal bya yin pas rnam grangs ma


| yin pa'i don dam yin la |  skye myed dngos po'i chos nyid du gnas zhes pa ni chos can dngos pos khyad par du byas pa'i khyad par du byed chos la dpyad na bden zhen ldog pas khyad par du byas pa'i chos la'ang dpyad na bden zhen ldog pas rigs pa'i gzhal bya ma yin pas don dam gyi bden pa ma yin te dngos po dang 'dra bar yang dag
pa'i kun rdzob yin no |  :  | gsum pa ni 'on te phyogs gnyis pa ltar na dngos po'i chos nyid ma yin pa ni zla ba gnyis dang don spyi lasogs pa'i chos nyid dam 'on te dgag bya zhig nas myed pa la brjod |  dang po ltar na dngos po snang pa na myi snang pas yang dag gi kun rdzob ma yin la kun rdzob tsam yang yin pas log pa'i kun rdzob du thal ba
'dod do zhes 'chad pa ni chos gzhan zhin zhes pa'o |  | yang dag pa ma yin pa'i kun rdzob du'ang 'gyur zhes pa'ang gi bsdu ba ni dgag bya zhig nas myed pa la brjod na don dam pa'i dngos po myed pas dngos po zhig nas myed pa shes bya la myed la |  don dam pa'i dngos po don spyi zhig nas myed par rtog pa la snang pa brtags pa yin pas
log pa'i kun rdzob yin zhes bya ba'o |  :  | bzhi pa ni gal te dngos po'i chos nyid yang dag pa'i skye ba myed pa yang dag pa'i kun rdzob yin la brtags pa'i skye myed log pa'i kun rdzob yin na chos yang dag par sdud pa las skye ba myed pa ni bden no |  | skye ba lasogs pa ni brdzun pa slu ba'i chos can zhes skye myed don dam pa'i bden
par gsungs pa dang 'gal lo zhe na |  gang gi phyir zhes gsungs te |  skye rtsogs bkag pa don dam pa btags pa ba yin phar kho bo cag dbu ma pa 'dod do zhessbrel to |  | btags pa'i dgos pa ni de la gces sras bya ba'i phyir te de goms na mngon zhen spong pa'i phyir ro |  | gdags pa'i rgyu mtshan blun po ba lan zhes brjod
pa ltar 'dra bas gdags pa yin bas yang dag dang mthun pa'i phyir yang ngo |  | spros bral myed dgag dang brtags pas dben pa'i ma yin dgag ldog pa gang gis 'dro zhe na yang dag par skye ba lasogs pa rtog pa'i dngos po bkag pa'i gtan tshigs kyis de dgag byas dben pa tsam du 'dra bas btags pa'o |  | mthun pa'i phyir yang zhes pa
mdo'i don don dam pa'i bden pa mtshan nyid par 'dod pa yod dam zhe na |  sems tsam du smra bas bdag gnyis su brtags pas dben pa chos nyid yongs su grub pa dang de'i gzhi gzhan dbang chos can rang rig rnam grangs ma yin pa'i don dam pa'i bden par 'dod pas gzhan dag ni yang dag pa kho nar 'dzin pas yang zhes bya ba ni bsdu ba'i don
to |  | zhes gsungs so |  :  | lnga pa ni brtags pa dang zla ba gnyis kyi chos nyid skye myed dang brtags pa zhig par snang pa log pa'i kun rdzob yin pas de'ang rigs pas dpyad na kun rdzob kho na ste zhes gsungs so |  | gal te zhig nas myed pa dang chos nyid skye myed don dam pa'i bden pa nyid yin pa ci 'gal zhe na |  de don dam


du gnas pa 'gog pa na dgag bya zhig nas myed pa don dam gyi bden pa yin ba dgag pa dang |  gzhan dbang gi chos nyid don dam yin pa dgag pa'o |  | dang po la 'ang dngos po zhig pa 'gog pa'i rtags dgod pa dang |  khyab pa bsgrub pa dang |  brtags pa zhig par snang sa kun rdzob du bsgrub pa dang |  de la brtsad pa spang pa dang |  brtags pa ni
par snang pa kun rdzob yin ba'i don bsdu ba lngas nges par bya'o |  | dang po ni shes bya tsam gzhir byas te |  yang dag pa'i dngos po zhig nas myed pa gtan myi srid de |  yang dag pa'i dngos po nyid myed pa'i phyir |  ri bo gi rwa bcad pa myed pa bzhin zhes 'chad pa ni dgag bya yod pa ma yin pas zhes pa'o |  | gnyis pa de'i khyab pa ni dgag bya myed na zhes
pa ste |  yod pa myed phyir myed pa'ang myed |  | gzhig pa'am ni gnyen po yis |  | yod nyid myed par 'gyur grang na |  | dngos po srid pa ma yin pas |  | gzhig pa'am gnyen por ji ltar 'gyur |  zhes gsungs pa yin no |  | kha cig dgag bya ni chos can yin la bkag pa de'i chos yin pas chos can myed na chos myed pa 'am |
dgag bya ni ltos pa yin la bkag pa ltos chos yin pas ltos sa myed na ltos chos myed pa yin pas dgag bya myed pa'i rtags kyis tshad ma'i bkag pa 'gog pa yin no zhes zer ba |  dgag bya bkag pa'i chos can yin na dgag bya dang bkag pa myi 'gal gyur te chos dang chos can yin pa'i phyir te |  sgra dang myi rtag pa bzhin no |  | de 'dod na'ang bkag pa nges
pas dgag bya la myi gnod par 'gyur ro |  :  | gzhan yang bkag pa ni bsgrub bya'i chos de dang ldan pas dgag bya mthun phyogs su 'gyur ro |  :  | ltos sa dang ltos chos yin na'ang ltos chos stong pa nyid grub pas ltos sa don dam pa'i dngos po 'grub par 'gyur ro |  :  | gzhan yang dgag bya myed pas tshad ma bkag pa myed par sgrub na skad cig ma yin pa'i rtags
kyis myi rtag pas stong pa sgrub pa la nyes pa ci brjod |  skad cig mar nges na myi rtag pas stong pa'i dam bca' la bsal la |  skad cig mar ma nges na rtags the tsom za ba'i ma grub par 'gyur ro zhe na |  dgag bya yod pa ma yin par tshad mas nges na de nyid bkag pa yin pas bkag pa myed pa'i dam bca' la bsal la |  ma nges na'ang dags the tsom
za ba'i ma grub par 'gyur ro |  :  | gsum pa brtags pa zhig par snang pa kun rdzob par bsgrub pa ni rgol ba dang ngo bo brtags pa yin na khyad par yang brtags pa yin pa dang de'i dpe' gsum mo |  | dang po ni gal te zhes pa ste sgro gdags pa'i gzhi gzugs lasogs pa'o |  | sgro 'dogs pa ni rnam pa skye ba lasogs pa yang dag pa nyid du'o |  | sgro
'dogs pa po ni rnam par rtog pa zhes pa'o |  | gnyis pa ni gal te de lta na zhes pa'o |  | gsum pa ni mo gsham gyi bu zhes pa'o |  :  | bzhi pa de la brtsad pa spang pa ni gal te bkag pa myed na skye myed par 'gyur la skye myed myed na yang dag pa'i skye ba yod par 'gyur ro zhe na |  skye myed bkag na skye ba yin yang bkag pa myed pa skye


| myed myed par myi 'gyur te rang bzhin skye myed la zhig nas myed pa'i bkag pas ma khyab pa'i phyir ro zhes 'chad pa ni yang dag par zhes pa'o |  | de las gzhan gyi 'thad pas skye ba yod par myi 'gyur ba ni de yod pa'i rigs pa myed pa'i yang phyir ro zhes pa'o |  :  | lnga pa brtags pa zhig par snang pa log pa'i kun rdzob yin pa'i don bsdu ba ni de
bas 'di ni zhes pa'o |  | yang dag par skye ba myed ces bya ba ni ngar skye ba'i don spyi snang pas dgag bya ngos bzung nas phyis de myed ces bkag par snang pa'o |  | de don dam du gsungs pa mthun pa'i don dam yin pa'i don bsdu ba ni yang dag don yin zhes pa'o |  :  | de ltar zhig nas myed pa don dam par gnas pa bkag nas gnyis pa gzhan dbang la brtags
pas dben pa don dam yin pa 'gog pa na bzhi ste |  rtags dgod pa dang |  de'i phyogs chos bsgrub pa dang |  de'i phyogs chos lung gis bsgrub pa dang |  de'i khyab pa bsgrub pa bzhi'o |  | dang po ni yang dag zhes pa rnam grangs ma yin pa'i don dam gyi bden pa chos can no |  | myin zhes pa bsgrub bya'o |  | dgag bya ci myin ce na yang dag pa'i
don ces snyegs so |  | zhes gsungs te gzhan dbang la rtags pas dben pa mthun pa'i don dam des dben pa bsgrub bya'o |  | gtan tshigs ni yang dag du na gnyis myed de zhes pa ste |  bkag pa dang de'i dgag gzhi gnyis rigs pa'i yul du myed pa'i phyir zhes pa gtan tshigs so |  | de nyid bshad pa ni de nyid phyir na zhes pa ste |  dgag gzhi la spyir myi stong pa dang
ngo bo yod pa dang khyad par skye ba lasogs pa gzung la bkag pa'ang spyir stong pa dang ngo bo bkag pa myed pa dang khyad par bkag pa myi skye ba yin no |  :  | rtags de'i phyogs chos bsgrub pa'i don du dri ba 'god pa na de ci'i phyir zhe na zhes pa'o |  | lan la dgag bsgrub gnyis yod pa la sgra rtog gis ma yin dgag du zhen par bya ba'i spros pas khyab pa las spros pa myed pas dgag
sgrub gnyis su myed do zhes 'chad pa ni don spros pa myed pa yin zhes pa'o |  :  | gsum pa de'i phyogs chos lung gis bsgrub pa ni 'jam dpal gyis dris pa na li tsa bye chen pos lan ma gsungs pas yongs gcod byed pa'i sgra rtog gi zhen yul du myed ces sgrub pa ni de nyid kyi phyir zhes pa'o |  :  | bzhi pa lung gi rtags kyis khyab pa sgrub pa ni gal te li tsa chen pos ma
gsungs kyang ma yin dgag du zhen par byar yod na ci 'gal khyab pa myed do zhe na |  ldog khyab dang |  de'i dpe' dang |  de la log rtogs dgag pa dang |  rjes 'gro'i khyab pa bzhi'o |  | dang po ni ma yin dgag du yod na gsung pas khyab ste gnyis po dag las zhes pa rkang pa gnyis myed nas myi gsung par mi 'thad pa dang |  'dris na zhes pas skabs su
ma bab pas myi gsung pa myi 'thad pa dang |  rgyal ba'i sras zhes pas chos mthong pas ma mkhyen nas myi gsung pa myi rigs pas bstan to |  :  | gnyis pa ni brda shes zhes pa ste skye bo gzhan yang yod cing shes la dris na mchad par mthong ngo zhes pa'o |  :  | gsum pa ni gal te yod kyang rang gi mtshan nyid sgra'i brjod bya ma yin pas mi 'chad do zhe na |  dngos kyi brjod


bya ma yin yang zhes pa'i brjod bya yin bas 'chad dgos te |  rang gi mtshan nyid zhen pa'i brjod bya ma yin na rnam 'grel mdzad pas sgras zhen nas rang gi mtshan nyid dpyis phyin par rtogs zhes gsungs pa de mi rigs par thal lo zhes 'chad pa ni de lta myin na zhes bya ba'i tshigs su bcad pa'o |  :  |  bzhi pa ni rtsa ba'i bsgrub bya dang rjes 'gro'i khyab pa gnyis gang phyir zhes pa dang
rkang pa gnyis gnyis so |  :  | lnga pa gzhan dbang don dam par myed pa la lung dang 'gal ba'i skyon spang pa ni chos rnams la zhes pa ste |  gzhan dbang don dam du myed na shes bya'i gnas lugs ltar gzigs pa'i yul du rten 'brel las ma gtogs pa'i chos bkag gi rten 'brel ma bkag pa dang 'gal lo zhe na |  rten 'brel las ma rtogs pa'i chos myed zhes rten 'brel
ma bkag pa ni rten 'brel kun rdzob pa ma bkag pa yin gyi yang dag pa'i rten 'brel ma bkag pa ma yin te shes bya 'di la ma brtags na nyams dga' ba rten cing 'brel par 'byung pa'i chos yod pa ma gtogs pa dpyod bzod pa yang dag pa'i chos phra rab kyang myed ces ston pa'i phyir te |  rten 'brel las ma gtogs pa'i chos myed ces pa'i gang gis rten 'brel chos su yod par
grub pas bye brag don dam pa'i chos myi 'grub pa'i phyir te |  bum pa yod par bstan pas gser gyi bum pa myi 'grub pa bzhin no zhes pa'o ||   || de ltar brtags pas dben pa'i rgyu 'bras yang dag pa'i kun rdzob du bsgrubs nas yang dag pa dang log pa'i kun rdzob kyi so so'i mtshan nyid 'chad pa na yang kun rdzob zhes gsungs so |  | de la
gal te don spyi ni brtags pa yin pas yang dag ma yin pa'i kun rdzob du rigs na zla ba gnyis dang rmyigs sgyu lasogs pa rtags pas dben pa'i rgyu 'bras dang gsal bar snang pa 'dra bzhin du rgyu 'bras ni yang dag pa dang zla ba gnyis dang dmyigs rgyu lasogs pa yang dag pa ma yin par brjod ce na snang du 'dra yang |  yang dag yang dag ma yin pa'i |  | kun rdzob kyi
ni dbye ba byas zhes sbrel to |  | rgyu mtshan gang las zhe na don byed dag |  | nus pa'i phyir dang myi nus phyir zhes gsungs so |  | de 'chad pa na shes pa gsal ba'i rnam pa can du snang par 'dra yang yang dag pa dang dag pa ma yin par rtogs so zhes sbrel ste |  sus rtogs zhe na 'jig rten gyis rtogs so |  | ji ltar rtogs zhe na chu lasogs pa zhes
pa phyi nang gi dngos po mtshan gzhi'o |  | yang dag par rtogs te yang dag pa'i kun rdzob kyi bden par mtshon par bya'o |  | ji ltar snang pa bzhin du don byed pa la myi slu bar nges par byas nas te |  mthar thug myi dpyod pa'i blo don byed pa la myi slu ba'i yul du bden pa mtshan nyid do |  | myigs rgyu lasogs pa ste rmyigs rgyus mtshon nas rtog myed 'khrul
pa'i gzung pa dang don spyi mtshan gzhi'o |  | yang dag pa ma yin par rtogs te yang dag pa ma yin pa'i kun rdzob kyi bden pa'i tha snyad mtshon bya'o |  | ji ltar snang ba bzhin du don byed pa la slu bar nges par byas nas te |  mthar thug myi dpyod pa'i blo don byed pa la slu ba'i snang yul du bden pa mtshan nyid yin te |  gsal snang du 'dra ba la rnam dbye mi


| 'thad pa spang pa la 'phros te kun rdzob gnyis kyis so so'i mtshan nyid bshad pa yin no |  | 'o na sngar don byed pa rgyu'i ldog pa yin pas yang dag kun rdzob kyi mtshan nyid du myi rung zhes bshad nas 'dir don byed pa yang dag gi kun rdzob kyi mtshan nyid du brjod pa ji ltar yin zhe na |  sngar ni blo la ma ltos pa'i don byed pa tsam mtshan nyid yin pa
bkag pa yin la 'dir ni ma dpyad pa'i blo don byed pa la mi slu ba'i yul du bden pa zhes ma 'khrul ba blos khyad par du byas pa mtshan nyid yin pas myi 'gal lo |  :  | 'o na don byed pa la slu ba'i yul dang myi slu ba'i yul gyi tha dad yod na kun rdzob kyi bden pa tsam du brjod pa'i mtshungs pa'i chos ci yod ce na zhar la spyi'i mtshan nyid kyis khyab pa 'chad pa na rigs
pa'i yul du myed par 'dra ba dang ma dpyad pa'i snang ngor yod par 'dra ba gnyis dngos su zhes pa dang ji ltar zhes pa nas rim pa bzhin no |  :  | 'o na blo de gnyis la ltos te 'dra na don byed pa la slu ba dang myi slu bar blo gang gis 'byed ce na |  tha snyad pa'i mngon gsum gyi gzung yul du yod pa dang myed pas 'byed do zhes khyad par gyi mtshan nyid nges byed 'chad pa ni don byed
pa la zhes pa lasogs pa'o ||    :   || de ltar kun rdzob gnyis kyi so so'i mtshan nyid bshad nas brtags pas dben pa'i rgyu 'bras de kho nar 'gog pa na bzhi ste |  rgyu 'bras rigs pa'i yul du myed pa spyir bstan pa dang |  rgyu 'bras de kho nar yod pa la sgrub byed myed pa dang |  gnod byed yod pa dang |  de kho nar myed pa la gnod pa spangs
pa'o |  | dang po ni sems tsam du smra bas gzung 'dzin gnyis dang gang zag gi bdag bden pas stong pa chos nyid du gnas pa dang |  de gnyis myed kyang yod par rtog pas sgro btags pa kun brtags yin par yu bu cag mthun yang bdag cag gzhan dbang don dam par smra la khyod de myi 'dod pas 'o skol rtsod pa yin na |  da gzhung 'dir brten nas skyes pa zhes
gzhan dbang dang dngos tsam zhes don byed pa don dam par yang khyod kyis smras pas kho bo cag gi gzhung las lhag pa khyod la ci yod ces rgol ba ni brten nas skyes pa zhes pa'o |  | de la rgyu 'bras de rigs pa'i yul du myed la snang tshod du yod par 'dod na kho bo la lhag pa myed do zhes 'chad pa ni gal te khyod kyang zhes pa nas rtsa ba gsum dang nga rgyal ga la byed ces
pa'i bar gyi 'brel pa yin la |  gal te rgyu 'bras rigs pa'i yul du 'dod na de 'gog pas don dam pa'i rgyu 'bras myed ces smra ba yin no zhes 'chad pa ni rkang pa tha ma dang gal te khyod zhes pa'i 'grel pa'o |  | gnyis pa ni rigs pa'i yul du rgyu 'bras ji ltar myed ce na sgrub byed myed pa dang gnod byed yod pa'i phyir ro |  | sgrub byed myed pa'ang rang
rig pa ni sngar sun phyung pa dang |  rang rig yod chug kyang skad cig gcig myong pa la rgyu 'bras myed la |  snga ma la ltos pa'i 'bras bu dang phyi ma la ltos pa'i rgyu yin par nges na'ang ltos sa snga 'phyi la dmyigs pa la gzhan rig pas khyab pas gzhan rig 'gog pa na rnam myed gtan myi 'thad pa dang |  rnam bcas don dam du myi 'thad pa dang    |


des na don dam pa'i rgyu 'bras nges pa'i mngon gsum dang myi dmyigs pa myi 'thad pa dang |  rnam bcas rnam myed bkag pas mngon gsum 'gog pa'i khyab pa bsgrub pa dang |  thams cad mkhyen pa'i ye shes kyis dmyigs pa myi 'thad pa dang |  dang po ni rnam pa myed paʼi zhes pa ste rnam pa myi ʼchar na myig shes kha dog dang nye la sgra dng rng paʼi rgyu mtshan myed pa dang
tha dad dus mnyam la 'brel pa gnyi ga myed pas yul can du myi 'thad pa dang |  tshogs pa gcig pas yul yin na rnam shes dang dus mnyam pa'i dbang po'ang yul du thal ba'i phyir ro |  :  | gnyis pa ni gcig shos myin te don dang 'dra ba tshad ma'ang myi 'thad do |  | ci'i phyir zhe na dung ser por snang yang phyi rol na de lta bu myed pas rnam pa la don gyis ma
khyab pas rnam pa tshad ma myin phyir ro |  | gal te don gyis gzhag pa'i rnam pa tshad mar 'dod pas nyes pa de myed do zhe na |  de lta na'ang rnam pa myi rigs phyir na'o |  | ji ltar myi rigs zhe na gang phyir sna tshogs ngo bo ru |  | snang pa can de 'khrul lam ma 'khrul |  dang po ltar na yul sgro btags yin bas dngos po dang bdag gcig par 'gal
bas shes pa'i dngos po gcig la rnam pa rnams bdag gcig par bden par ji ltar 'gyur |  'on te rnam pa rnams ma 'khrul pa'i dngos po yin pas shes pa rang bdag gcig na'ang shes pa de rnam pa du ma dang bdag gcig pas de'i gcig nyid rnyams phyir ro zhes gsungs te du ma dang bdag gcig pas shes pa don dam pa'i gcig yin pa khegs pa yin no |  | kun
rdzob pa'i gcig ni cha dang bcas par du ma dang bdag gcig par myi 'gal bas kun rdzob du rnam pa dang bcas pas don 'dzin par slob dpon nyid kyang bzhed pa yin te |  rang snang pas stong pa'i phyir zhes pa'i ldog pa'i khyab pa mdo sde pa la grags pa de rgol phyir rgol gnyi ga la grub par bzhed pa'i phyir ro |  :  | gsum pa ni de lta yin dang zhes bya ba ste |  rnam
bcas rnam myed gnyis gzhan rig gi khyab byed yin pas de khegs pas mngon gsum tsam khegs pa na mngon gsum dang myi dmyigs pas rgyu 'bras nges pa khegs so zhes bya ba'o |  :  | bzhi pa ni gal te rnam bcas rnam myed gnyis myed kyang rgyu 'bras nges pa'i mngon gsum yod do zhe na rnam pa gzhan myi srid pa dang srid na myi brjod pa myi rigs pa gnyis rnam
pa gzhan zhes pa dang gal te zhes pa nas rim pa bzhin no |  | lnga pa ni rnam bcas rnam myed gnyis khegs pas de'i khyab bya thams cad mkhyen pa'i mngon gsum yang khegs pa ni des na zhes pa'i tshigs su bcad pa'o |  | de la gzung dang 'dzin pa'i mtshan nyid ni |  | ma dag blo can las yin te |  | rnal 'byor rtogs pa bsaM
myi khyab |  phra bsrabs lasogs kho'i phyir zhes pa ltar rnam bcas dang rnam myed kyis yongs su gcod pa so so'i skye bos rtogs pa'i tshul yin bas des sans rgyas kyi mngon gsum la ma khyab po zhes rgol ba ni sangs rgyas spyod yul zhes pa'o |  | de la rim dang cig char gyis don byed pa bkag pas yod pa tsam khegs kyang rtag pa la yod pa 'jug pa


| ma khegs par 'gal ba   ltar nam bcas rnam myed gnyis bkag pas mngon sum gyis dmyigs pa tsam khegs kyang sangs rgyas kyi mngon gsum gyis dmyigs pa myi khegs pa 'gal bas rigs pa myed pa'i tshig tsam gyis 'dod pa'i don myi 'grub pa ni rigs pa'i rjes su 'gro ba la zhes pa'o |  :  | rgyu 'bras de kho 
nar yod pa la gnod byed yod pa la bzhi ste |  rtags dgod pa dang |  phyogs chos bsgrub pa dang |  sngon gyi slob dpon gyi gtan tshigs la glan ka spang pa dang |  rang gi gtan tshigs kyi khyab pa bsgrub pa'o |  | dang po ni rgyu dang 'bras bu'i dngos po 'ang zhes pa ste |  sngar gzhan dbang rgyu 'bras brtags pas dben pa yang dag pa'i kun rdzob du smra
ba na sems tsam du smra bas rgyu 'bras don byed nus pa don dam pa'i rgyu 'bras yin no zhes log par rtogs pa de 'gog pas 'dir chos can ni rgyu dang 'bras bu tsam yin no |  :  | bsgrub bya'ang ra rigs pa ma yin zhes pa rigs pas grub pa'i yang dag pa'i rgyu 'bras kyis stong pa bsgrub bya yin no |  | gtan tshigs ni du mas dngos po gcig myi byed ces bya ba'i
tshigs su bcad pa ste yang dag pa'i mtha' bzhi'i skye bas stong pa'i phyir ro zhes pa gtan tshigs so |  | des gzhan dbang kun rdzob par shugs la grub pa yin no |  :  | 'di'i phyogs chos grub pa na bzhi las du ma las gcig skye ba 'gog pa de'ang nyan thos sde pa dbang po dang yul dang yid la byed pa gsum las rnam par shes pa skye ba don dam pa'i du ma
las don dam pa'i gcig skye bar yin par 'dod pa na don dam pa'i nus pa thogs myed du ma 'brel ba'i rjes su 'bras bu du ma 'phel ba'i rang bzhin can gyi rjes 'gro myed par 'gyur la |  de 'dod na du ma la rjes 'gro ba myed par du ma rgyu myed du thal lo zhes 'chad pa ni 'di ltar ngo bo nyid tha dad pa zhes pa'o |  | kun rdzob pa'i du ma las rdzas cig skye bar
'dod pa la ni 'phel ba'i rjes su byed pa myed par thal ba khyab pa myi 'grub ste |  rnam shes rdzas gcig kyang de la dbang po'i lag rjes yul la 'dzin pa dang yul gyi lag rjes de'i rnam pa dang yid la byed pa'i lag rjes rig pa tsam po zhes bya ba'i ldog pa du ma rgyu ji ltar 'phel ba'i phyir ro |  | don dam pa'i du ma las gcig skye ba la ni de ltar brjod par
nus pa ma yin te ldog pa tha dad pa kun rdzob pa'i tha dad yin gyi don dam pa'i tha dad ma yin pas rgyu don dam par 'phel ba yin gyi 'bras bu don dam par 'phel ba ma yin pa'i phyir ro |  | yang don dam pa'i du ma las don dam pa'i gcig skye na rgyu kha yar ba rgyu ma yin ste gsum tshogs pa rgyu yin la tshogs pa'i ngo bo la don dam pa'i gcig log
kyang 'bras bu la don dam pa'i gcig ma log pas ldog pa 'khrul pas gcig rgyu myed du thal lo zhes 'chad pa ni tha dad pa ma yin pa myed kyang zhes bya ba'o |  | kun rdzob pa'i rgyu 'bras la ni de ltar brjod par myi nus te 'bras bu la kun rdzob pa'i gcig ma log pa ltar rgyu la'ang tshogs pa'i nus pa tsam du gcig yin bas rgyu la gcig log pa'i gtan


tshigs ma grub pa'i phyir ro |  | de gnyi ga 'dod na gcig dang du ma gnyi ga rgyu myed yin pas dngos po thams cad la rgyu myed kyis khyab par thal lo zhes 'chad pa ni de'i phyir tha dad pa dang zhes pa'o |  | de 'dod na res 'ga' ba ma yin par thal ba ni de ltar gyur gyur na zhes bya ba'o |  | de 'dod na gnod pa can gyis dngos po thems cad rtag pa la khegs
te dngos po thams cad la skad cig mas khyab par grub par gnod do |  | des dngos po la res 'ga' bas khyab pa'i phyir rgyu ldan gyis khyab ces 'phen la |  dngos po la rgyu ldan gyis khyab pas gcig dang du ma las rgyu ldan gyis khyab ces sgrub cing |  du ma la rgyu ldan gyis khyab pas rgyu ' phel na 'bras bu 'phel dgos la |  rgyu 'phel na 'bras bu 'phel
dgos pas don dam pa'i du ma la don dam pa'i gcig skye ba myed ces sgrub pa dang |  gcig la rgyu ldan gyis khyab pas gcig la ldog pa yod la |  gcig la ldog pa yod pas don dam pa'i du ma las don dam pa'i gcig skye ba myed ces bsgrubs pas du ma las gcig skye ba 'gog pa yin no |  :  | du ma las du ma skye ba dgag pa la gsum ste phyogs
snga ma dang |  'bras bu'i rnam dbye myi 'thad pa dang |  rgyu du ma'i byed pa'i yul du myi 'thad pa'o |  | dang po la rgyu dad kyis byas pas 'bras bu la chos kyi dbye ba grub pa dang |  chos can rdzas gcig kyang chos ldog pa tha dad pas rgyu du ma'i las su bya bar 'thad pa dang |  rnam shes bzhi po la'ang sbyar ba gsum de ltar ni zhes pa dang dngos su na zhes pa
dang gzhan du yang zhes pa nas rim pa bzhin no |  | gnyis pa ni phan tshun 'gal ba bsgrub pa dang |  chos dang chos can gyi dbye ba lan du myi rung pa dang |  don bsdu ba gsum mo |  | dang po ni 'bras bu'i rnam dbye de don dam pa'i tha dad yin nam brtags pa'i tha dad yin |  dang po ltar na rnam shes don dam pa'i du ma dang bdag gcig pas
du mar 'gyur la de 'dod na myong pas gnod pas du mas stong pas du ma dang bdag gcig pas stong zhes rang bzhin thal bas khyab byed myed pa 'phen pa ni de ni rigs pa ma yin te zhes pa'o |  :  | bye brag gsum dang rnam shes gcig rdzas tha dad pas rnam shes la du ma dang bdag gcig pa'i gtan tshigs ma grub po zhe na |  'o na rgyus bye brag gsum po
bskyed kyi rnam shes gcig po ma bskyed pas rnam shes rgyu myed du 'gyur ro zhes 'chad pa ni tha dad na ni zhes pa'o |  :  | dngos po'i tshad mas bye brag ldog pa gsum po rnam shes gcig dang bdag gcig pas de la don dam pa'i du ma khegs pas rgyur du ma la rjes 'gro myed par thal ba'i skyon snga ma yod do zhes 'chad pa ni de dag phan tshun zhes pa lasogs pa'o |
'on te bye brag gsum po don rang gi mtshan nyid kyi tha dad ma yin te don spyi tha dad du snang pa'i brtags pa yin no zhe na |  'o na rgyu gsum pos brtags pa gsum kho na bskyed pas 'bras bu gcig po rgyu myed par 'gyur ba ni gal te 'bras bu'i bdag nyid zhes pa ste |  du ma las log pa dang ldog pa dang ldan pa ni tha dad du sgros dogs pa'i rgyu mtshan


| yin la |  rgyu dang mthun par brtags pa ni sgro btags pa'i rnam pa'o |  :  | chos dang chos can gyi dbye ba lan du myi rung pa'ang chos gsum po don dam par tha dad na chos can gcig dang bdag gcig par 'gal bas rgyu rnams kyis chos gsum po kho na bskyed pas chos can gcig po rgyu myed du 'gyur ba ni gzhan yang zhes pa'o |  | 'on
te chos gsum po kun brtags yin na de rgyu la ltos par 'gal ba ni ji ste bye brag de dag zhes pa'o |  :  | rang bzhin gyi dbye ba myi 'thad pa'i don bsdu ba ni 'bras bu tha dad ma yin yang zhes pa ste |  gcig dang du ma rdzas gcig pa 'gal ba yin na gcig du sdud pa so su yin zhes pa'o |  :  | de ltar 'bras bu'i rnam bye myi 'thad pa bshad nas gnyis pa
rgyu du ma'i yul du myi 'thad pa 'chad pa na bskyed bya 'chol ba dang ma 'chol ba myi 'thad pa dang |  bye brag bskyed pa dang 'bras bu bskyed pa' myi 'thad pa'o |  | dang po ni dbang po'i bskyed bya yul la 'dzin nus kho na dang yul gyi bskyed bya don gyi rnam pa kho na dang yid la byed pa'i bskyed bya rig pa tsam kho na nges te cha gzhan myi bskyed pa yin nam |  'on
te thams cad kyis kyang thams cad la nye bar sbyor ba yin |  dang po ltar na rnam shes de yul gyi 'bras bu ma yin pa rtogs pa'i ngo bo dang bdag gcig pas gzugs kyi bskyed bya ma yin par 'gyur la |  gzugs kyi bskyed bya rnam pa dang bdag gcig pas gzugs kyi bskyed byar yang 'gyur bas rnam shes kyi rdzas gcig pa dus gcig du sgro ma btags
bskyed bya dang de ma yin pa'i 'gal ba 'du bar 'gyur la |  gzugs kyang rnam pa'i rgyu yin pas rnam shes kyi rgyu dang rtogs pa'i ngo bo'i rgyu ma yin pas rnam shes kyi rgyu ma yin par yang 'gyur bas rdzas gcig la cig char sgro ma btags par rgyu dang rgyu ma yin par 'gal ba 'du bar 'gyur ro zhes 'chad pa ni rtogs pa'i ngo bo las gzhan myin zhes pa'i
tshigs su bcad pa gnyis so |  | des 'gal ba gzhi gcig la 'dus pa myed pa'i phyir bskyed bya'i cha ma 'chol ba don dam par myed ces pa 'phen no |  | kun rdzob du bskyed bya'i cha ma 'chol ba la nyes pa de brjod par myi nus te |  rnam pa dang bdag gcig pas gzugs kyi 'bras bur thal ba ni 'dod pa yin la |  rtogs pa'i ngo bo dang
bdag gcig pas myig gi rnam shes gzugs kyi 'bras bu ma yin par thal ba khyab pa myed de gzhal bya'i rigs me'i 'bras bu ma yin pa dang bdag gcig pa'i du ba'i rigs me'i 'bras bu yin pa mi 'gal ba bzhin no |  | don dam par bskyed bya'i cha ma 'chol ba la ni de ltar brjod par myi nus te |  don dam par rtogs pa'i ngo bo gzugs kyi bskyed bya ma
yin par 'gyur gyi |  rigs ni dum la gcig du sgro btags pa yin bas don dam par myed pa'i phyir dang |  rdzas bskyed bya ma yin pa dang bdag gcig na bskyed byar 'gal ba'i phyir ro |  | thams cad kyis thams cad la nye bar sbyor na bskyed byed gsum gyis bskyed bya gcig skyed pas du ma la rjes 'gro myed pa dang gcig la ldog pa myed pa skyon snga


mar 'gyur ro zhes 'chad pa ni kun las zhes pa'o |  :  | bye brag bskyed pa dang 'bras bu bskyed pa myi 'thad pa la gsum ste |  bye brag gsum so sor bskyed pa dgag pa dang |  'dus nas ram shes gcig bkyed pa dgag pa dang |  bye brag dang rnam shes tha dad myed pa dgag pa'o |  | dang po ni bye brag re res bye brag re re bskyed kyi rkyen gzhan dang su myi dogs par
smra na gtan tshigs thigs pa las sems pa myed par 'du ba can rang gi rgyu yongs su gyur pa las 'du ba'i chos can dag yin la |  de'i rang bzhin de lta bur gyur pa la ni brgal zhing brtag par 'os pa ma yin no zhes rgyu rtog pa dang mi ldan pas gzhan gyis bskyed nus kyang gzhan gyis bskyed pas nga myi dgos zhes brtags nas myi ldog pas tshogs pa snga mas ma bral ba
bskyed pas tshogs nas 'bras bu la sbyor ro zhes gsungs pa dang 'gal lo zhes 'chad pa ni gal te bye brag zhes pa rkang pa gsum mo |  | rgyu gsum gyis bye brag gsum po kho na bskyed pas 'bras bu gcig po rgyu myed du 'gyur ba ni yin na'ang zhes pa'o |  :  | gnyis pa ni gal te byed ni zhes pa ste tha dad la rjes 'gro 'khrul pa dang gcig la ldog pa
'khrul pas gcig dang du ma rgyu myed du 'gyur ba'o |  :  | gsum pa ni 'bras bu gcig du 'gyur ba dang de la du ma las gcig skye ba'i nyes pas gnod pa gnyis ci ste zhes pa dang bshad zin zhes pa nas rim pa bzhin te |  glang chen khrus 'dra ni rlan pa bsal na scags pa dang de bsal na rlan pa'i nyes pa 'jug pa ltar du ma la rjes 'gro myed pa bsal te bskyed
bya so sor brjod na rnam shes rgyu myed dang |  de bsal te rnam shes gcig po bskyed byar brjod na du ma rjes 'gro myed pa gnyis res kyis 'jug gi skyon myed khas blang du myed pa'o |  :  | dmyig gis rigs 'dra dang rnam shes gnyis bskyed pas gcig las du ma skye bar 'dod na rang rigs bskyed pa'i nus pa nyid kyis rnam shes bskyed dam nus pa gzhan gyis bskyed |
dang po ltar na du ma la ldog pa 'khrul pas du ma rgyu myed dang gcig la rjes 'gro myed pas gcig rgyu myed du 'gyur la |  de 'dod na dngos po thams cad rgyu myed dang |  de 'dod na res 'ga' ba ma yin par 'gyur na res 'ga' ba yin pas dngos po thams cad rgyu ldan yin la |  des na gcig dang du ma gyur ldan yin zhing des na du ma la ldog
pa dang gcig la rjes 'gro yod la |  du ma la ldog pa yod pas kyang don dam par nus pa gcig las 'bras bu du ma skye ba myed la |  gcig la rjes 'gro yod pas kyang don dam par nus pa gcig las 'bras bu du ma skye ba khegs pa yin no |  | kun rdzob du gcig las du ma skye bas du ma la ldog pa 'khrul ba ma yin te 'bras
bu la du ma yod pa ltar rgyu la'ang nyer len gyi nus pa dang rkyen gyi nus pa ldog pa tha dad pa'i phyir ro |  | don dam par de lta ma yin te ldog pa tha dad don dam pa'i tha dad ma yin pa'i phyir ro |  | kun rdzob du gcig la rjes 'gro 'khrul pa'ang ma yin te rgyu rdzas gcig pa ltar 'bras bu'ang dbang po'i 'bras bu tsam du ldog pa gcig pa'i phyir ro


| don dam par de lta ma yin te rdzas tha dad kyi ldog pa gcig don dam pa ma yin pa'i phyir ro |  | 'on te nus pa so sor yod na nus pa tha dad dang bdag gcig pas rnam shes rdzas gcig ma yin par thal ba ni gal te zhes pa'o |  :  | gcig las gcig skye ba 'gog pa na rigs mthun kho na bskyed pas rnam shes myi bskyed par thal
la rnam shes kyang skyed pas rigs mthun kho na myi bskyed ces 'chad pa ni gal te zhes pa'o |  | rnam shes kho na bskyed pas rang rigs myi bskyed par thal |  rang rigs kyang bskyed pas rnam shes kho na bskyed pa ma yin zhes 'chad pa ni rang gi zhes pa ste |  cir yang myi rung pa rigs pa dang 'gal ba yin la khas kyang myi len pa ni rang gi tshig dang 'gal ba'o |
de gnyi ga 'gal bas khyab pa dmyigs pas khyab byed 'gal ba dmyigs pa 'phen pa yin no |  | 'dis ni dngos po thams cad la nye bar blang bya'i 'bras bu kho na bskyed na rkyen byas pa'i 'bras bu myi bskyed pas shes bya la khyab pa'i ye shes kyang myi skye bar 'gyur la |  rkyen byas pa'i 'bras bu kho na bskyed na nye bar blang bya gtan myi bskyed par 'gyur bas gcig la
gcig skye ba gtan myed do zhes brjod pa yin no |  | zhar la dbang phyug rtag par 'gro ba'i rgyu yin pa 'gog pa ni dbang phyug bzhin du zhes pa ste |  'gro ba zhes pa chos can no |  | byed pa po dbang phyug gi byas pa ma yin zhes pa bsgrub bya'o |  | rang nyid la rim pa yod pa'i phyir zhes kha bstang ngo |  | de nyid cis 'grub ce na gzhal bya'i phyir te
blo rim can gyi yul yin pa'i phyir zhes pa gtan tshigs so |  | de lta myin na zhes dbang phyug gis byas na'o |  | dbang phyug bzhin du 'gyur te rgyu nus pa thogs myed rtag du gnas pa las byung pas 'bras bu rtag du gnas par 'gyur ro |  | de 'dod na gzhal bya nyid lasogs blo rim can gyi gzung pa dang bskyed bya bskyed byed lasogs pa ye myed
kho nar 'gyur te |  rang nyid la rim pa myed pa'i phyir zhes thal ba'i rtags so |  | dbang phyug bzhin du zhes pa thal ba'i mthun dpe' ste |  rnim pa myed pa dang gzhal bya lasogs pas stong pa chos gnyis ga dang ldan pa'i phyir ro |  | des blo rim can gyi gzung pa lasogs pa yod pas rang nyid la rim pa yod la rang nyid la rim pa yod pas
rgyu nus pa thogs myed rtag du yod pa'i dbang phyug gis ma byas zhes sngar gyi rtags de 'dis 'phen pa yin no |  | dbang phyug bzhin du zhes pa rang rgyud kyi mthun dpe' ste |  dbang phyug gis ma byas pa'i bsgrub bya'i chos rjes su 'gro'ang rang nyid la rim pa yod pa dang blo rim can gyi gzung pa lasogs pa'i rtags rjes su 'gro ba myed pa'i phyir ro |  :  |
de ltar rang gi gtan tshigs kyi phyogs chos bsgrubs nas sngon gyi slob dpon gyi gtan tshigs la klan ka spong pa na slob dpon gyis bdag las myi gzhan las myi skye zhes gsungs pa na gzhan dag bdag ces bya ba'i sgra dang gzhan zhes bya ba'i sgra'i dngos kyi brjod bya don rang gi mtshan nyid ma yin te don spyi kun brtags min la |  de rgyur su'ang khas myi


len pas de las skye ba 'gog na grub pa la sgrub la |  don spyi la skye ba bkag kyang dngos por smra ba 'dod pa'i don rang gi mtshan nyid las skye ba la myi gnod pas gzhan myi 'dod pas sgrub pa myed do zhes 'chad pa ni slob dpon gyis ni zhes pa'o |  | lan ni rang zhes pa dang gzhan zhes pa'i sgra'i dngos kyi brjod bya don spyi las skye ba 'gog pa dam bca' ba'i don ma yin
pa ni de ma yin zhes pa'o |  | rang gi mtshan nyid kyi dngos po res 'ga' ba yin pas rgyu myed du 'gal na de'i rgyu gang yin zhes 'dri ba ni 'di ltar zhes pa'o |  | sa lu'i myu gu'i rgyu de'i sa bon lasogs pa mthong pa de yin no zhe na |  rgyu de nyid la 'bras bu las gzhan yin nam de nyid yin par kha tshon chod pas phung po gsum pa ni myi srid na rang
dang gzhan gang yin zhes 'dri ba ni sa lu'i sa bon zhes pa'o |  | rang dang gzhan gang yin brjod par myi nus so zhe na ngo bo sa lu'i sa bon brjod par nus la bye brag rang gzhan gang yin brjod par myi nus pa 'gal ba ni brjod par myi nus zhe na zhes pa'o |  | des na brjod par myi nus zhes pa rgyu thabs kyi lan las gzhan zhen nas brjod du rung pas gang yang rung
zhig khas blang par rigs pa ni 'di ltar zhes pa'o |  | zhen nas brjod du rung pas dpe la mthong pas 'dir yang khyad par dgos pa ni tha snyad kyi ni zhes pa'o |  | zhen nas brjod du myed na tha snyad rgyun 'chad pa ni de lta myin na zhes pa'o |  | khyod kyis rang ngam gzhan gang yang rung pa dam bca' bar rigs la kho bos kyang de la gnod pa brjod par rigs la |
gal te gnod pa de khyod kyis spang par nus na khyod rtsod pa la bzo ba yin gyi |  gnod pa 'byung du dogs nas gang yang dam mi 'cha' na rtsod pa la mtho' ba nyid ma yin no zhes 'chad pa ni khyod phyogs gnyis la zhes pa'o |  | de la gal te sngon po dang de ma yin pa 'gal ba'i chos dang ldan pas de nyid ma yin ba ltar sa bon dang myu gu'ang 'gal ba'i chos dang ldan
pas de nyid ma yin te |  rang las skye bar smra ba ni mthong pa'i don la bsnyon par zad pas gzhan las skye ba'i phyogs khas len to zhe na |  de lta na gzhan zhig pa las sam ma zhig pa las skye |  phyi ma ltar na rgyu ma zhig pa dang 'bras bu skye ba dus mnyam na skye ba dang yod pa tha dad myed pas 'bras bu yod pa dang yang dus mnyam par 'gyur la   |
de 'dod na 'bras bu'i rang bzhin rdzogs pa deng phyin chang su la'ang ltos pa myed pas rgyu'ang phan 'dogs byed du 'gal lo zhes 'chad pa ni ma zhig pa las zhes pa'o |  | dang po ltar na rgyu'i ngo bo zhig pas de'i nus pa'ang zhig pa'i phyir byed pa po nyid myed do zhes 'chad pa ni zhig nas zhes pa'o |  | 'bras bu'i dus na zhig mod snga dus su yod pa'i nus pa las
skye ba yin no zhe na 'bras bu'i dus na snga dus su yod pa nyid sgro btags pa yin na des khyad par du byad pa'i sgro btags pa ji ltar ma yin |  des na rigs pa'i lam smras kyang de'i srol las 'das te log par sems par 'gyur bas |  'o ma 'thungs pas sbrul gyi dug zhi bar myi nus pa ltar rigs par smra bas rmongs pa zhi bar myi nus pas phyogs snga


| ma nyid du'ang myi 'os pa yin no zhes 'chad pa ni lag 'gro zhes pa'o |  :  | de ltar slob dpon gyi gtan tshigs la glan ka spangs nas rang gi gtan tshigs kyi khyab pa bsgrub pa ni dngos po la res 'ga' ba tsam khyab byed du yod pas rgyu ldan khyab byed du grub la rgyu la gcig dang du ma las gzhan khegs pa ni gcig pu byed po zhes pas bstan
la 'bras bu la phung po gsum pa myed pa ni gcig pu bya zhes pas bstan pa na 'bras bu gcig la gcig las skye ba dang du ma las skye ba gnyis su nges la 'bras bu du ma la'ang gcig las skye ba dang du ma las skye bar nges pas dngos po la mtha' bzhi'i skye bas khyab pa na mtha' bzhi'i skye ba dang bral ba dang dngos po tshogs pa dngos su khegs pa na mtha' bzhi'i skye ba
dang bral ba dang don dam pa'i dngos po tshogs pa shugs la khegs pa nam mkha' lasogs pa'i dpe' la mtha' bzhi'i skye ba dang bral ba'ang mthong pas de la stong pa nyid kyis khyab pa grub pa yin no ||  :  || de ltar rgyu 'bras de kho nar yod pa la gnod pa brjod nas rgyu 'bras de kho nar myed pa la gnod pa spang pa la gsum ste |  thams
cad kyi tshad mas gnod pa spang pa dang |  rgol ba'i khas blangs pa dang 'gal ba spang pa dang |  phyir rgol ba'i tshig tsam gyis gnod pa spang pa'o |  | dang po ni khyed rgyu 'bras don dam par myed par dam 'cha na rgyu 'bras su mthong pas gnod do zhe na |  mthong myed yang dag pa'i rgyu 'bras myed pa la gnod pa myed de rnam pa myed pa'i shes pa ni zhes pa
lasogs pa sngar bshad pa'i tshul gyis rgyu 'bras don dam du sgrub pa'i mngon gsum dang myi dmyigs pa myed pa'i phyir ro zhes 'chad pa ni 'di yod 'di zhes zhes bya ba'o |  :  | gnyis pa ni gal te khyed rgyu 'bras myi 'dod na sngar dngos tsam brten nas gang skyes zhes brjod pa dang 'gal lo zhe na |  de ni yang dag pa 'i rgyu 'bras yod par smra ba ma yin te
dpyad na myed kyang snang tshod tsam du yod par bstan pa yin no zhes 'chad pa ni nged kyi rkyen nyid zhes pa'o |  | nges kyang de ltar 'dod pas rnam pa myed pa dang rnam pa dang bcas pa lasogs pa'i sgrub byed bsam pa don myed do zhe na de kyang de ltar 'dod ce na kho bo dga' ston chen po ni byed pa'i dus 'byung par 'gyur zhes sbyel to |  | rgyu mtshan gang las
zhe na khyod kyi snying la dngos por 'dzin pa'i gdon bcas pa las grol bar gyur na'o |  :  | gsum pa ni rgyu 'bras don dam par smra ba tshad ma myed pa dang |  tshig la brjod byas khyab na tshig thams cad las brjod bya grub par thal ba dang |  tshig gi spyi la brjod byas ma khyab pa yin pas rang nyid kyi tshig la brjod byas khyab par smra ba rang nyid dge bar
brjod pa tsam yin pa gsum rkyen nyid ces pa dang thams cad zhes pa dang bdag nyid zhes pa nas rim pa bzhin no ||  :  ||  kun rdzob kyi bden pa sgra'i don la bzhi ste |  yul can la kun rdzob kyi sgra'i don dang |  yul la bden pa sgra'i don dang |  sgra'i don la brtsad pa spang pa dang |  gcig du gsungs pa'i mdo'i


don yang grub pa'o |  | dang po ni ci ste zhes pas mthar thug ma dpyad par shes bya la 'jug pas ma yin dgag yul du byed pa la kun rdzob ces pa'i sgra 'jug pa'i sgra bshad pa'i don dris pa na saM bhri ti zhes bya ba sgrib pa'i sgra'i don du gnas pas gang zhig gis sam zhes gsungs te |  gang zhig gis zhes pa sgrib byed de snang bcas so |  | gang zhig la zhes pa
sgrib bya ste yul de kho na dang yul can du rung pa blo gnyug ma la'o |  | sgra bshad pa'i don gyi yin gyi mtshan nyid yin na sangs rgyas kyi snang bcas la ma khyab par 'gyur ro |  | de la shes byed dgod pa ni mdo las zhes pa ste dngos rnams skye ba zhes des mtshon nas ma yin dgag du gnas tshad ma dpyad pa'i blo'i yul du grub pas kun rdzob du zhes pa'o ||
dpyad pa'i yul du gang yang ma grub pas dam pa'i don du zhes gsungs la |  dpyad na myed pa la rang gi blo ngor yod pa sgro 'dogs pa po nges par blo kun rdzob pa yin pas rang bzhin myed la zhes gsungs so |  | de ni kun rdzob kyi sgra 'jug pa'i gzhi yin no |  :  | gnyis pa ni des na zhes pa ste |  blo rang nyid kyis yul de ltar gnas par gzung pa
'am zhen pas 'di kun zhes pa ma yin dgag mtha' dag go |  | bden pa ni bsam ngor bden pa'o |  rigs pas dpyad na bden par myed pas dam pa'i don du bden ma yin zhes gsungs so |  | de la lung dgod pa ni mdo pas zhes pa ste |  gang la gnas pa ni yul de la dmyigs nas so |  | lasogs pa ni kun slong des kun nas bslang
nas so |  | dngos po bden pa sgra'i tse mo'i cha shas gzugs pa'i tshad tsam yang myed ces pas rigs ngor bden pa myed par bsgrubs la |  phyin ci log ma gtogs zhes pas 'khrul pa'i bsam ngor bden par bsgrubs paso |  | bsam ngor bden pa'i sgrub byed 'jig rten na grags pa yin la |  rigs ngor bden pa myed pa'i rgyu mtshan mtshan
nyid gsum pa'i rigs pa 'jug pa de ltar myi bden pa'o |  :  | gsum pa sgra'i don la brtsad pa spang pa la bzhi ste |  rigs ngor  dngos po myed pa la rtsad pa spang pa dang |  bden pa'i sgra'i don myi 'thad pa'i brtsad pa spang pa'o |  | kun rdzob du skye ba'i don la brtsad pa spang pa dang |  don dam par skye ba myed pa'i sgra'i don la brtsad pa spang pa'o | |
dang po ni kun rdzob ni rigs pa'i yul du myed pa yin pas sgra des don byed pa bkag la |  skye ba dang gnas pa dang myi rtag pa lasogs par bstan pas de'i khyab byed pa sgrubs pas rdzas gcig la 'gal ba 'du'o zhes pa kun rdzob dngos po myed yin na zhes pa'i tshigs bcad rigs pa'i rjes su 'brangs na zhes pa'i rkang pa gnyis dang bcas pa'i rgol ba bkod nas
mthar thug dpyod pa'i yul du don byed pa myed kyang ma dpyad pa'i yul du don byed pa myi 'gal lo zhes pa'i lan rigs pas brtags na ngos ma yin zhes pas bstan to |  :  | gnyis pa ni slob dpon chos skyong gis kun rdzob pa 'khrul pa'i dmyigs pa yin na brdun pa kho na yin pas bden pa sgra'i don myi 'thad do zhe na |  mthar thug dpyad pa'i


| yul du bden pa myed kyang ma dpyad pa'i bsam ngor bden pa myi 'gal lo zhes ston pa na rigs pas brtags na bden ma yin zhes pa'i tshigs su bcad pa'o |  :  | gsum pa ni lha'i slob dpon lha'i dbang po blo gros kyis kun rdzob du zhes pa skye ba lasogs par snang pa ngo bo dang blo gang gis yul du skye ba lasogs par snang zhe na blo kun rdzob pa'i
yul du snang zhes yul can gyi khyad par du ma bzung par kun rdzob pa'i rang ldog skye ba yin par bsams nas kun rdzob du skye zhes pa sgra zlos par rgol ba kun rdzob skye ba yin na zhes pa'i tshigs bcad rigs pa'i rjes su 'brangs nas zhes pa kang pa gnyis dang bcas pas bkod nas de lasogs pa zhes pa'i lan gyis bstan te |  skye ba lasogs pa'i ngo bo yin ma kun
rdzob du zhes pa yul can 'khrul pa'i ro skye ba khyad par yin pas khyad par ston pa dang khyad par can ston pa ldog pa tha dad brjod pa la zlos par brjod pa ma 'brel pa'o |  | sgra don ma yin zhes skye ba zhes pa saM bhri ti zhes sgrib par byed pa'i don ma yin pa'o |  | kun rdzob mtshan nyid las nyams ni ni ma dpyad pa'i yul du bden pa mtshan nyid yin gyi skye ba ma yin
te skye ba de'i khyad par yin pa'o |  :  | bzhi pa ni skye ba myed ces bya ba'i skye ba dgag bya yin la don dam pa zhes pa rigs pa'i yul du skye ba dgag bya'i khyed par du sbyar te de myed pa bkag pa yin pa ma rtogs pas slob dpon lha'i dbang po blo gros kyis skye ba myed pa don dam pa'i bden pa'i rang ldog du byas te don dam pa'i bden ba'i skye ba myed ces bya ba skye ba myed pa skye ba ces
sgra zlos la skye ba yod pa skye ba ma 'gags pas gzhan dbang rigs ngor skye ba ma bkag pas dngos por smra ba dang myi mthun pa sgrub pa myed do zhes pa'i rgol ba 'di'i skye bkun rdzob ste zhes pa'i tshigs su bcad pa gnyis kyis bkod nas de lta yin yang dam pa'i don du ma skyes pa zhes pa lasogs pas skye myed kyi dgag bya skye ba la don dam gyis khyad par du byas pa 'gog pa dang
ji ltar 'dir zhes pas stong pa dang dngos po myed pa lasogs pa'i dgag bya'ang don gyis khyad par du byas pa dang |  pha rol rnams kyis zhes pa lasogs pas don dam gyis khyad par du byas pa'i skye ba lasogs pa 'gog pas ma brtags nyams dga'i skye ba lasogs pa la myi gnod pa gsum gyis lan btab pas ston to |  :  | bzhi pa gcig du gsungs pa myi 'gal
ba la bzhi ste |  spros pa myed pa dang kun rob rdzas gcig pa dang |  de'i 'thad pa dang |  de dang rjes su mthun pa'i lung dgod pa dang |  lung gi dgongs pa gzhan du'ng bshad pa'o |  | dang po ni de nyid kyi phyir zhes pa ste |  kun rdzob de bzhin nyid gang yin zhes pa ni shes bya ma yin dgag kun rdzob pa 'di thams cad la dpyad na cir yang ma
grub pa ngo bo dbyer myed kyi chos nyid du yod pa'i de nyid dam pa'i don gyir bzhed ces pa ni chos nyid yin pa btang snyoms su byas te spros pa bkag pa tsam gyi myed dgag du gnas pa don dam pa'i bden pa yin pa'o |  | de kun rdzob pa'i chos nyid yin pa ci'i phyir zhe na rdzas tha dad myin phyir zhes gsungs so |  | de nyid gang las zhe na de nyid nyi phyir te rigs


pas brtags na dngos ma yin zhes pa lasogs pas rigs pa'i ngo bor cir yang ma grub pa dang 'khrul ngor yod pa myi 'gal ba'i phyir ro |  :  | gnyis pa ni spros bral nges pa'i rigs pa'ang snang pa'i rdzas la spros pa 'gog pa'i phyir ro zhes 'chad pa ni rigs de'ang zhes pa'o |  | de 'chad pa na rtsod gzhi dang dpe'i chos can mthun snang la brten nas phyogs chos dang
khyab pa nges pa dang |  de las rjes dpag 'byung pa dang |  grub mtha' brtags pa'i chos can la brten te rtags 'dzin dang rjes dpag myi skye ba dang |  phyogs chos dang khyab pa mthun snang du grub pa'i sgrub bya la phyir rgol ba'ang bsnyon myi nus pa rnams rgol ba gnyi ga'i zhes pa nas rkang pa bzhi dang gcig dang gcig dang gnyis rim pa bzhin yin la |  de dag
'grel pa'ang rjes su dpag pa dang nas rnam par gzhag pa 'byung gi zhes pa'i bar dang chos can de lta bu la zhes pa nas khas blang bar bya'o 'i bar dang chos can dang zhes pa nas blo mtshungs pa myed pa'i phyir ro'i bar dang de lta bas na nas rgya ma bskyed do zhes pa'i bar gyis rim pa bzhin bstan to |  :  | gsung pa de dang rjes su mthun pa'i lung dgod pa ni de nyid kyi phyir zhes
pa'o |  :  | bzhi pa lung gi dgongs pa gzhan du bshad pa ni kun brtags kyis dben pa'i gzhan dbang dbu ma bas kun rdzob du brjod pa de sems tsam smra ba'i don dam yin pa dgongs pa yin ba ni yang na zhes pa'o |  | de la slob dpon klu grub kyi gzhung dgod pa ni 'di ltar zhes pa'o ||  || de ltar rang gi lugs kyi bden pa gnyis
rnam par bzhag nas gnyis pa de la dngos por smra ba'i brtsad pa spang pan bdun ste |  don dam dpyad pa kun rdzob la mtshungs pa dang |  rgyu la 'bras bu mthong pas gnod pa dang |  kun rdzob gzhi myed pa myi 'thad pa dang |  don dam pa'i skye ba bkag pas kun rdzob kyi skye ba la gnod pa dang |  las 'bras lasogs pa myi 'thad pa dang |  rtag pa dang chad par
thal ba dang |  thams cad mkhyen pa myi 'thad pa'i brtsad pa spang pa'o |  | dang po la rgol ba ni spyir bstan pa dang sgrub byed myed pa mtshungs pa dang gnod byed yod pa mtshungs pa rnams gal te zhes pa dang ji ste zhes pa dang du mas zhes pa nas rim pa bzhin no |  | lan la brtag bzod khegs pas ma brtags nyams dga'i snang par grub pa ni de
bden zhes pa'o |  | de ye shes snang pa brgyan gyi mdo dang sbyar ba ni gang gi phyir zhes pa ste spros bral chos su yin pa dang des kun la khyab pa dang de la log par zhugs pa'i rnam pa rnams rkang pa gcig dang gcig dang gnyis rim pa bzhin no |  | yid dpyod tshad ma ma yin par khas blangs pa la mngon gsum yin nam rjes dpag yin gyi brtag
pa myi 'jug pa ltar dpyad myi bzod par smras pa la gcig gam du ma lasogs pa'i dpyad pa myi 'jug pa ni ji ltar nang bzhin zhes pa'o |  | dpyad pa byed pa po nyid khas ma blangs pa sun 'byin pas tshad gcad pa'i gnas yin pa ni rnam par dpyod pa byed na zhes pa'o |  | brtag bzod bkag pas kun rdzob pa myi gnod pa ni ji skad bshad pa'i


zhes pa'o |  :  | gnyis pa rgyu las 'bras bu mthong pas gnod pa spang pa la don dam par myed kyang kun rdzob du skye ba la rgyu mtshan 'dri ba dang chos kyi rigs pa myong bas grub pa lan du brjod pa dang mngon 'gyur la rtags 'dir ba kun nas nyon mongs pa can gyi dri ba yin pa gsum 'o na zhes pa dang 'di la zhes pa dang de'i phyir zhes pa nas rim pa bzhin no ||
gsum pa kun rdzob gzhi myed du myi rung pa spang pa la rgol ba ni 'di ni gzhi myed par zhes pa ste |  gnas brtan blo brtan gyis myir 'khrul ba la gzhi mthong por dgos pa ltar gnyis su 'khrul pa la snang pa la sgro gdags pa'i gzhi 'am skyed byed kyi rgyu sems ran rig pa bden pa dgos pas gnyis su snang pas rgyu gzhan dbang don dam pa'i dnogs po sgrub pa na snang pa la sgro gdag
pa'i gzhi don dam pas khyab pa sgrub na dpe la rjes 'gro myed pa dang |  kun rdzob pa skyed byed kyi rgyu don dam sgrub na bzlog pas khyab pas 'gal ba dang ldog pa ma grub pa gsum gyis de 'gog pa na |  dang po ni brtags pa zhes pa rkang pa gnyis kyis kun brtags la 'khrul gzhi don dam pas khyab pa dpe gang la'ang ma mthong par bstan la |  shing lasogs pa rkang
pa gnyis 'grel pa dang bcas pas rags par gdags pa'i gzhi rdul phran don dam par rtog na rdul la gcig dang du mar myed pas rdul don dam par yod pa bkag pas bstan no |  :  | gnyis pa ni gal te kun rdzob zhes pas kun brtags don dam pa las skyes pas don dam par thal ba dang yang na zhes pas kun rdzob yin pas rgyu kun rdzob yin par rang rgyud kyis
bsgrub pa'o |  | de lta na myig gi shes pa rgyu dbang po dang yul bems po las skye na bems por 'gyur la rang nyid rig pa yin bas rgyu'ang rig pa yin zhes sgrub pa dag la ji ltar brjod ce na |  'bras bu bems po ma yin yang rgyu bems po yin bar ci 'gal |  'o na 'bras bu don dam ma yin yang rgyu don dam yin pa ci 'gal zhe na |  don dam
pa pa zhes pa rigs pa'i gzhal bya la brjod na khyad par du byed chos 'bras bu rigs pas ma gzhal yang khyad par du byas chos de'i rgyu yin pas rigs pas gzhal na khyad par du byed chos dang khyad par du byas chos tshad ma gcig gi yul ma yin par 'gyur ro |  | khyad par du byed chos 'bras bu bems po ma yin yang khyad par du byas chos rgyu bems po yin
na de gnyis tshad ma gcig gi yul ma yin par thal lo zhe na |  khyab pa myed do me bems po yin la me bden pa rtogs pa bems po ma yin yang de gnyis rtogs pa gcig pa bzhin no |  :  | gsum pa ldog pa ma grub pa la spyir bstan pa dang |  rgyu log pas gnyis snang log par 'dod pa dgag pa dang |  gnyis snang ma log
kyang rgyu ldan du 'dod pa dgag pa'o |  | dang po ni de ni de lta ma yin te zhes pas 'tshams sbyar nas 'di ltar brtags pa'i zhes pa rkang pa gnyis kyis bstan te bhyed nyid kyis gzung 'dzin du snang pa kun rdzob pa rgyu don dam pa log kyang myi ldog par 'dod pa yin no zhes bya ba'o |  :  | gnyis pa ni gal te rgyu myed pas gnyis snang tshod du'ang myed pas


ldog pa grub po zhes rgol ba ni gal te zhes pa'o |  | lan la snang tshod du yod pa myong pas grub pa dang |  gnyis myed myong pa la gnyis myong par rtog pas zhen pa myi 'thad pa'o |  | dang po ni gnyis kyi rnam pa snang par sems tsam du smra ba'i ltar na gnyis 'dzin myong pa'i rang rig pa'i shugs la grub pas gnod la |  phyi rol don yod par smra ba'i
ltar na gzung pa gzhan rig pa dang 'dzin pa rang rig pas gnod do zhes 'chad pa ni mngon gsum dang 'gal ba zhes pa'o |  :  | gnyis pa ni gal te shes pa skad cig mar snang yang 'dra ba gzhan 'byung pa lasogs pas slad pas rtag pa snang par zhen pa ltar gnyis myed myong pa la ma rig pas dkrugs pas gnyis myong par zhen pa yin no zhes rgol ba ni gal te ma
rig pas zhes pa'o |  | de la skad cig ma ni rnam pa myed pas snang pa ma nges pa yin na gnyis myed rnam pa dang ldan pa myong pa la ma nges par 'gal bas gnyis myed nges na gnyis kyi rtog pa skye ba 'gal la gnyis myi snang yang snang par zhen pa yin na gsal bar snang pa 'gal zhing 'dod pas ldog par 'gyur na 'jig rten pa'i mngon gsum gyis gsal bar snang
zhing 'dod pas myi ldog par grub pas gnod do zhes 'chad pa ni myong pa dang 'gal ba zhes pa'o |  | gnyis myed rnam ldan myong yang gnyis su snang pa zhen pa myi 'gal te rmyi lam na re lasogs pa dang 'dzin la shes pa gnyis su snang par zhen pa bzhin no zhes rgol ba ni gal te zhes pa'o |  | gnyis snang par zhen pa bden yang myong pas gnyis myi 'dzin
par myong pa ma yin te gnyis 'dzin par myong pa yin no |  | de lta ma yin na myong pa nyid la bsnyon pa yin no |  | gnyis 'dzin par myong yang gnyis bden par myi 'gyur te 'khrul pas myong pa'i phyir ro zhes 'chad pa ni bden na zhes pa'o |  :  | gsum pa gnyis snang ma log kyang rgyu ldan du 'dod pa dgag pa la gnyis te |  gnyis snang yod
par myi 'thad pa dang |  rgyu las skye bar myi 'thad pa'o |  | dang po ni gnyis kyi rnam pa yod cing shes pa'i ngo bor snang na 'khrul pa la snang ngam ma 'khrul ba la snang |  dang po ltar na sgro btags pa yin bas shes pa'i ngo bor myi 'thad la |  gnyis pa ltar na gzhan dbang de ma 'khrul ba la gnyis su snang pas gnyis su bden par 'gyur ba ni
gang yang zhes pa'o |  | gnyis myed du bden na gzhan dbang snang pa na de dang bdag gcig pa'i gnyis myed snang dgos la gnyis myed snang pas gnyis snang par myi 'thad pa ni de ni zhes pa'o |  :  | gnyis pa rgyu las skye bar myi 'thad pa ni lngas nges par bya ste shes pa dang gnyis snang 'gal ba'i chos dang ldan pas bdag gcig par myi 'thad pa na shes pa la rig
pas dkrugs kyang de gnyis snang gi rgyu ma yin pa yin pa dang |  gnyis snang kun brtags nyid rgyu la ltos pa dgag pa dang |  gzhan dbang gnyis myed du bskyed pas gnyis snang pa 'gal ba dang |  shes pa gnyis snang gi ngobr rgyus bskyed pa 'gal ba dang |  'khrul pa'i shes pa gzhan yod pas shes pa de la gnyis su snang par 'gal ba'o ||


dang po ni ma rig pas dkrugs pa'i phyir zhes pa ste |  dben pa'i phyir ro zhes pa yan cad kyis ma rig pas bskyed pa'i shes pa dang gnyis snang bdag gcig par 'gal ba bstan la de lta yin dang zhes pas gnyis snang sgro btags pa de rgyu ma rig pa dang ma 'brel bar bstan to |  :  | gnyis pa gnyis snang kun brtags nyid rgyu ma rig pa
bskyed do zhe na de lta na gzhan dbang du thal ba dang de'i khyab pa dang 'dod pa la gnod pa gsum gal te 'brel pa zhes pa dang gcig shos kyang shes pa dang de bas na zhes pa nas rim pa bzhin no |  :  | gsum pa ni gnyis myed bskyed pas gnyis snang par myi 'thad pa dang |  shes pa'i ngo bo gnyis myed yin pas gnyis su snang par myi 'thad pa gnyis gal te zhes pa
nas rim pa bzhin te |  bshad kyang zin to zhes pa ni de ni de'i bdag nyid ma yin te zhes bya ba der bshad zin pa ste |  des na de ni de'i bdag nyid ma yin te |  de'i bdag nyid ni gnyis kyis dben pa'i phyir ro |  | de lta yin dang 'brel pa myed pa'i phyir de snang pa na gnyis po ci'i phyir snang par 'gyur |  de dag gis ji lta bur bskyed pa de kho na ltar snang par
zad do zhes sbrel te gnyis myed du bskyed pas gnyis myed nyid snang par rigs kyi gnyis snang par myi rigs pa'o |  | de ni yang dag par des dben pa yin na ji ltar de ltar snang zhes pa der bshad zin pa ma yin te |  de ni rnam bcas dgag pa yin la 'di ni rnam myed dgag pa yin pa'i phyir ro |  :  | bzhi pa ni gal te zhes pa ste rnam bcas pas gnyis kyi
rnam pa kun brtags rgyu las myi skye'ang gzhan dbang nyid gnyis snang du rgyu las skye bar 'dod pa na'o na gnyis kyi rnam pa dngos po'am sgro btags yin |  phyi ma ltar na shes pa'i ngo bor myi 'thad pa dang po ltar na gzhan dbang gnyis bden pas dben par myi 'thad do zhes pa'o |  | bshad kyang zin to zhes pa ni de ni yang dag par des dben pa yin na ji ltar de
ltar snang zhes bya ba der bshad zin pa'o |  | gzhan dbang nyid smros zhes pa  der bshad zin pa ma yin te |  rnam bcas pa la gnyis snang gzhan dbang du thal ba  'dod par 'gyur ba'i phyir ro |  :  | lna pa 'khrul pa gzhan yod pas shes pa gnyis snang du 'gal ba ni gnyis myed pa'i zhes pa ste |  brgal zhing brtag pa mtshungs pa'i phyir zhes pa ni
gnyis kyi rnam pa kun brtags de las byung na gzhan dbang du thal ba dang |  gnyis myed kyi shes pa de las byung na gnyis snang par myi 'thad pa dang |  gnyis kyi rnam pa gzhan dbang rgyu las byung na shes pa gnyis kyis dben par myi 'thad pa dang gnyis kyis dben na gnyis su snang pa myi 'thad pa'o |  :  | bzhi sa don dam pa'i skye ba bkag pas kun rdzob kyi
skye ba la gnod pa spang pa la bzhi ste |  gnod byed kyi tshad ma sun dbyung pa dang |  tshad mas gnod kyang myi 'jigs pa dang |  tshad ma nyid sun dbyung par thal ba dang |  tshad mas dgag par bya ba'i don bstan pa'o |  | dang po la gnyis te rang rgyud sun dbyung pa dang |  thal ba sun dbyung pa'o |  | dang po ni rtsod na zhes pas spyir bstan pa dang |


yang dag par zhes pas khyab pa brjod pa dang | gzugs lasogs pa zhes pas phyogs chos brjod pa rnams ni phyogs snga ma'o | | de sun dbyung pa la bzhi ste | dam bca' la bsal ba dang | ldog pa'i khyab pa ma grub pa dang | khyab pa khas len pa la bsal pa'i nyes pa 'bab pa dang | rjes su 'gro ba'i khyab pa ma grub pa'o | | dang po
la sel byed kyi tshad ma dang | tshad ma ma grub pa'i skyon spang pa dang | rang gi tshig dang 'gal ba dang | rtsa ba'i rtags ma nges pa'o | | dang po ni 'jig rten gnod sogs zhes pa ste | rtags 'dis zhe 'dod bsgrub myi nus te | dam bca' la bsal pa'i phyir ro | | ji ltar bsal zhe na rgyu las bdag thob pas skye ldan gyi tha snyad sgrub pa'i
grags pa dang skye ba tsam mthong pa'i mngon gsum gyis skye ba tsam myed pa bsal la | kun rdzob skye myed du dam 'cha' ba la'ang skye ldan tsam mngon gsum dang rjes dpag gis grub pa de la cha phye ste dpyad bzod khegs pa'i shugs la dpyad myi bzod par grub pas bsal zhing | dam 'cha ba dang rtags 'god pa'i tshig las pha rol la nges pa skye bar khas len
pas kyang bsal pa yin no | : | gnyis pa ni gal te kun rdzob pa'i skye ba tsam myed pa na tshad ma de dag kyang kun rdzob tsam du skye ba myed pas sel byed kyi tshad ma nyid myed do snyam na | 'o na gzhi dang rtags dang 'dzin myed pas kun rdzob pa'i skye ba 'gog pa'i rjes dpag skye ba myi 'thad do zhes ston pa ni gal te zhes pa'i rgol ba bkod nas gtan tshigs lasogs
zhes pas bstan to | | yang dag pa'i skye ba 'gog pa'i rjes dpag la brtsad pa myi mtshungs te rtags dngos po don dam pa myed kyang rtags 'dzin tha snyad pa'i dngos por yod pas rjes dpag skye ba myi 'gal ba'i phyir ro | : | gsum pa ni rang gi tshig dang zhes pa ste | tshig las gzhan las nges pa skye bar 'dod pa dang skye ba gtan myed du 'dod pa 'gal ba'o ||
yang zhes pa bsgrub bya rtogs par myi 'thad pas 'jig rten ma skyes par 'dod pa myi 'thad par ma zad de rang gi tshig dang 'gal bas kyang myi 'thad pa'o | | yang gi sgras bsgrub bya bsgrub pa myi 'thad pa la gtan tshigs lasogs pas myed pa dang rang gi tshig dang 'gal ba 'gal ba gnyis sdud pa ma yin te 'jig rten gnod rtsogs kyis rang tshig dang
'gal ba'ang bsdus pa'i phyir ro | | des na sngar kun rdzob kyi skye ba tsam myed pa la rang tshig dang 'gal ba yin la | 'dir ni gnod byed myed par dam 'che ba la rang tshig dang 'gal ba brjod pa yin pas zlos pa myed do | : | bzhi pa ni gal te zhes pa ste rang gi tshig kun rdzob du skye ba myed par ma gtogs na kun rdzob pa'i skye bar 'gyur la
de la don dam pa'i skye myed zhugs pas ma nges so | | de ltar dam bca' ba la bsal ba brjod nas ldog pa'i khyab pa grub pa myed pa ni yod pa'i grub par byed pa ni | | dpe' yod pa ma yin no zhes pa ste | ji ltar dngos rnams rab grub na | | dngos nyid grub par byed pa ltar | | de bzhin dngos rnams rab log na |


| dngos nyid ldog par byed pa yin zhes pa ltar bkag pa'i rjes 'gro ldog pa'i 'brel pas 'phen pa yin na kun rdzob pa'i skye ba la don dam pa'i skye bas khyab pa'i dpe myed pas dgag pa'i khyab pa myi 'thad do zhes bya ba'o | : | gsum pa khyab pa khas len pa bsal pa'i nyes pas gnod pa ni khyed la phyogs chos dang khyab pa gnyi ga grub pas
bsgrub bya kun rdzob pa'i skye myed khas len dgos la de khas len na bsal pas gnod do zhes 'chad pa ni gal te zhes pa'o | | kho bo cag khyab pa khas myi len pas kun rdzob kyi skye myed dam myi 'cha bas bsal ba myed do zhes 'chad pa ni der ni zhes pa'o | | 'o na te kyang khyab pa khas len mod kyi don dam pa'i skye myed kyi phyogs chos de la ma grub pas
kun rdzob kyi skye myed khas myi len te bsal ba myed do zhe na tshad ma grub pa gnyi gas khas len dgos pa dang tshad mas grub pa dran pa la sbyar pa gnyis gal te zhes pa dang tshad ma zhes pa nas rim pa bzhin no | : | bzhi pa rjes 'gro'i khyab pa ma grub pa ni kho bo'i bden par ma skyes dang zhes pa ste don dam pa'i skye ba myed dgag gis kun rdzob kyi skye ba myed
dgag sgrub kyang khyab pa ma grub ste | don dam par myi skye bar snyon myed pa rags pa lasogs pa lang kun rdzob du skye ba mthong pa'i phyir ro | | de lta yin na zhes pa ni khyab pa myed pa la khyab pa grub pa khas blangs pas bsal bya'i dam bca' khas len pa'o | | rigs pa'i yul du yang dag pa'i skye ba bkag pa'i ma yin dgag gis kun rdzob kyi skye ba
bkag pa'i yin dgag sgrub ni de gnyis shes bya la yod du chug kyang yang dag pa'i skye ba bkag pa'i don gnas pa la yang dag pa'i skye ba rnam gcad kyis khyab kyi kun rdzob pa'i skye ba rnam gcad kyis ma khyab pas de gnyis bdag gcig pa myed pa ni yang dag skye bkag pa yis zhes pa'o | | don dam pa'i skye ba bkag pa'i ma yin dgag dang kun rdzob pa'i skye ba
bkag pa'i ma yin dgag tha snyad pa'i tshad ma'i yul du yod kyi rigs pa'i yul du gtan myed pas de gnyis bdag gcig pa dang | don dam pa'i skye ba bkag pa'i ma yin dgag yod pa'i phyogs chos myed pas de gtan tshigs su grub pa ni yang dag par na zhes pa'o | | rigs pa'i yul du don dam pa'i skye ba bkag pa'i ma yin dgag dang kun rdzob
kyi skye ba bkag pa'i ma yin dgag gnyis po gtan myed pas de gnyis de las byung pa myed pa ni 'di ltar zhes pa'o | : | de ltar rang rgyud sun phyung nas thal bar 'god pa sun 'byon pa ni 'di nyid kyis ni zhes pa ste | rtags grub cing dam bca' la bsal pa yod kyang khyab pa tshad mas kyang ma grub la khas kyang myi len na khyab pa myed pas thal ba myi
'thad pa'o | : | de ltar 'gog pa'i tshad ma sun phyung nas gnyis pa tshad mas gnod kyang myi 'jigs pa la gnyis te | khas blangs dang 'gal ba myed pa dang | tshad ma dang 'gal ba skyon ma yin pa'o | | dang po ni kun rdzob myed par smra na tshad mas 'gog dogs pa dang | tshad ma ma yin pa gnod byed du myi rung pa dang | tshad ma'i


gnod pa 'jug pa na sdang pa'i blos de myi yong pa dang |  'thad pa dang myi 'thad pa brtags pa'i dus na kun rdzob yod par khas blangs pa myed pas rang gi tshig dang 'gal ba myed pa rnams gzhan yang gal te kun rdzob myi rung na zhes pa dang tshad ma ma yin na ni zhes pa dang rigs pas grub pa'i zhes pa dang 'di sngar zhes pa nas rim pa bzhin no | : | gnyis pa
ni kun rdzob myed na mngon gsum lasogs pa 'gal zhe na zhes drang ngo |  | de gzhan gyi'ang dam bca' yin pa ni gang gis na khyod ma gtogs par 'gyur ba khyod dang 'brel par ma byas pa myed do zhes sngar kun rdzob myed pa khyed kyi dam bca' yin la de la tshad ma yod na'ang rjes su 'brang pa yin pas gnyi ga'i dam bca' yin par bstan nas | des na
mngon gsum dang 'gal ba'i skyon yod na gnyi ga la yod pas de ci 'di smra nyid cha 'am zhes smos so | | gzhan gyis 'gal ba dngos po la gnas pa khas blangs pa'i nyes pa ma yin no snyam du bsams nas gal te khyod zhes pa'o | | de la 'gal ba dngos po la gnas pa de la mi 'gal ba'i chos yang dag par yod par ngo bo nyid myed par smra bas kyang
sgrub par myi byed do zhes 'chad pa ni kho bo cag zhes pa'o | : | gsum pa tshad ma nyid sun dbyang par thal ba ston pa ni tshad mas gnod na zhes pa ste | mngon gsum yul la gnod pa 'bab pas tshad ma yin par thal ba ni khyab byed 'gal ba dmyigs pa yin la | de 'dod na des phyogs chos dang khyab pa nges pa'i rjes dpag tshad ma ma yin par thal
ba rgyu myi dmyigs pa'o | | tshad ma ma yin pa'i phyir mngon gsum la gnod byed du myi rung pa'ang khyab byed 'gal ba'i thal ba'o | | de'i 'dod pa la rang gi tshig gis bsal pas sun 'byin pa'i thal ba yin gyi sgrub pa'i thal ba ma yin no | | de rnam par 'grel pa na mngon gsum yul la gnod pa 'bab na mngon gsum tshad ma
ma yin pa dang | des na de'i rigs can mtha' dag la yid ches pa'i gnas ma yin pa dang | des na rjes dpag tshad ma myed pa dang | des na kun rdzob 'gog byed myed pa bzhi kun rdzob te zhes pa dang mngon gsum zhes pa dang de'i phyir zhes pa dang de lta na zhes pa dang rim pa bzhin no | : | don bsdu ba yang yang dag pa'i dngos po myed
pa la kun rdzob pa'i dngos po myed pas khyab na kun rdzob kyi dngos po myed pa de kyang khas len no zhes 'chad pa ni gang zhig zhes pa'o | | de la gzhan gyis tshad ma phan tshun sun phyung pas tshad ma myed la de myed na tshad ma ma yin pa'ang gzhag myi nus te de'ang tshad ma kho nas 'jog pa'i phyir ro | | des na tha snyad mtha' dag 'jig par
thal lo snyam du bsams nas rgol ba ni gal te tha snyad sogs myed na zhes pa'o | | de la 'u 'u cag dam bca' mtshungs pas gnyi ga'i skyon yin no zhes brjod pa ni de ci gzhan la'ang myi mtshungs so zhes bya ba'o | | des na mthun snang yang myi nus pa dang glan ka brjod pa gnyi gas spangs pa grub pa gnyis khyod dang zhes pa nas rkang


| gnyis gnyis so | : | tshad mas dgag par bya ba'i rang bzhin la gsum ste | brtags pa dgag bya yin pa dang | snang pa dgag par myi nus pa dang | de gnyi ga lung dang sbyar ba'o | | dang po la snang pa 'gog na myong pa dang 'gal ba dang | brtags pa 'gog pa dang | de la myong pa dang 'gal ba myed pa'o | |
dang po ni snang pa'i ngo bo gang yin pa zhes pa'o | : | gnyis pa ni dgag bya'i ngo bo dang khyad par dang de bkag pa la gnod pa myed pa'i tshul rnams skye ba lasogs pa'i rnam pa gang | | gzhan gyis yongs su brtags pa 'gog ces pa dang yang dag par zhes zhes pa dang snang pa myin la zhes pas rim pa bzhin no | | de 'grel pa na myong pas grub pa ni
gang yang zhes pa'o | | dgag bya'i ngo bo ni yang dag par zhes pa ste rnam par shes pa'i snang pa ni shes bya nang gi lugs so | | gtso' bo ni grangs can pas yon tan gsum mnyam pa bems po las rnam 'gyur nyi shu rtsa gsum rang dang tha mi dad par skye bar 'dod pa'o | | yongs su 'gyur pa ni tshu rol mdzes pa bas 'byung pa gyur pas mngon par gsal
ba dang myi gsal ba'i sems pa 'byung par 'dod pa'o | : | gsum pa de bkag pa la gnod pa myed pas dgag par rigs pa ni dbkag pa la zhes pa'o | : | snang pa dgag bya ma yin pa ni bkag pa la myong pa'i bsal pa 'bab pa dang | des na brtags pa dgag bya yin pa dang |  yang dag bkag pa'i khyad par ma yin te dgag bya'i khyad par du grub
pas bkag pas kun rdzob la myi gnod pa gsum brtags pa ma yin zhes pa dang | rnam par rtog pa zhes pa dang | brtags pa 'gog par zhes pa nas rim pa bzhin ste | dgag par myi nus pa ni tshul gsum tshang pa'i rtags myed pas dgag par myi nus pa'o | | byed pa po la gnod pa dam bca' la bsal pa'o | : | de lung dang sbyar pa
la lang kar gshegs pa'i don ni dpyad bzod pa'i dngos pos stong pa don dam pa dang | ma brtags nyams dga'i rten 'brel kun rdzob dang | dgag bya sgro 'dogs pa dang dgag gzhi la skur pa 'debs pas nges dang mngon mtho' myi 'thob pa dang | brtags pas stong shes bya kun kyi khyab byed yin pa dang | dgag bya sgro 'dogs pa'i 'khrul gzhi kun
rdzob yin pa rnams brtags pa'i zhes pa nas rtsa ba gcig dang gcag dang gcig dang gnyis dang gnyis dang gnyis rim pa bzhin no | | brtags pa myed pas kun brtags dgag bya yin pa'i lung yin la | gzhan dbang yod pas gnang pa dgag bya ma yin pa'i lung yin no | : | rgyal ba'i yum ni de ltar byas na zhes pa ste tha snyad pa'i phung po
dgag gzhir bstan pas snang pa dgag bya ma yin par grub la rigs ngo gzugs pa'i rang bzhin dang khyad par skye 'gag dang gzhan du 'gyur ba bkag pas brtags pa dgag bya yin pa'i lung yin no | : | 'dir don gnyis kyis nges par bya ste | brtags pa 'gog pa'i tshig dang | brtags pa ma yin pa 'gog pa la gnod pa 'bab pa'i tshul lo


dang po yang dgag bya dang bsgrub bya dang 'gog byed dang sgrub byer kyi tshad ma la bya byed mtshan nyid pa dgag pa dang | brtags pa ba dgag bya dang bsgrub byar tha snyad byed pa'i tshul dang | bsgrub bya'i chos dang | dgag bya'i chos kyi dbye ba dang | dbu ma pa pas thun mong ma yin par dgag par bya ba'i chos nges par bya ba bzhis gtan la dbab po | | dang po ni
dgag bya don dam pa'i dngos po dang 'gegs byed spros ba gcod pa'i rjes dpag la mye dang grang reg ltar gnod bya dang gnod byed mtshan nyid pa myed de | yod na tshad mas ma bkag pa'i snga rol du shes bya la don dam pa'i dngos po yod dam myed | phyi ma ltar na gsal bya ye nas myed pas de la sel byed kyi byed pa 'jug par myi rigs te mo gsham gyi bu'i
gshed ma myi srid pa bzhin no | | dang po ltar na sngar don dam pa'i dngos po yod pa phyis myed pas zhig nas myed par 'gyur zhing rang bzhin myed pas 'das pa'i dus la ma khyab par 'gyur ba dang | tshad ma de dgag bya zhig nas 'byung ngam ma zhig nas 'byung | phyi ma ltar na tshad ma de dgag bya zhig pa dang dus mnyam pas rgyu 'bras bu myi 'thad pa
dgag bya rigs 'dra phyi ma bskyed pa'i nus myed kyi phyis byung yin bas de'i rgyur yang myi 'thad na ji ltar zhig pa'i byed pa por 'gyur | dang po ltar na dus de na dgag bya yod bzhin du myed par nges pas tshad ma de log pa'i shes par 'gyur ro | | dus mnyam du yod kyang phyis myed par 'gyur bar nges par byed do zhe na | rjes dpag de'i gzhi 'dang
pa dang de ltar la myi 'jug par ma 'ongs pa kho na la 'jug pas khyab pa'i stong nyid nges pa'i tshad ma gtan myed par 'gyur ro | : | de bzhin du dngos po la myi rtag pas khyab par bsgrub pa'i tshad ma dang bsgrub bya'i chos myi rtag pa la'ang sgrub byed btung pa dang bsgrub bya ngoms pa'i bya ba ltar bya byed mtshan nyid pa myed de | yod na sngar tshad ma yod pa'i dus na
gzhi de la de'i bsgrub bya'i chos yod dam myed | dang po ltar na grub zin pa bsgrub byed la myi ltos te bum pa grub zin nas rdza mkhan don myed pa bzhin no | | phyi ma ltar na tshad ma log shes su 'gyur te bsgrub bya myed pa la yod par nges pa'i phyir ro | | da ltar myed kyang phyis yod pa la dmyigs pas log shes ma yin no zhe na | 'o na ma 'ongs
pa kho na 'jal bas dus thams cad kyi dngos po la myi rtag pas khyab pa nges byed du myi rung pa dang ma 'ongs pa rnam pa gtod pa'i rgyu'ang ma yin la ngo bo snang par yang myi 'thad pas mngon gsum gyi yul yang ma yin la ma 'ongs pa'i 'bras bu dang khyab bya da ltar grub myi srid pas rang bzhin dang 'bras bu'i rjes dpag mi 'jug la | myi dmyigs pa grub pa'i yul
can ma yin pas rjes dpag gi'ang yul du myi rung ngo | : | gnyis pa bya byed myed kyang dgag bya dang bsgrub byar gdags pa'i rgyu ni dgag bya ye nas myed pa la tshad ma myed par ngo shes pas de yod par rlom pa gsar du 'gog pas rloms pa ltar shes bya la gnas pa de bkag go zhes tha snyad byed pa yin te | de bzhin de ni rang nyid la | | bsal ba


| rnam gcod blo 'bras yin | zhes bshad pa yin no | | de bzhin du bsgrub bya'i chos kyang rtsod gzhi la sngar nas yod mod kyi tshad mas yod par ngo shes par byas pa ni de la dmyigs pa'i bden zhen phyi ma 'jug par bsgrubs pas yul can bsgrubs pa la yul de bsgrubs zhes tha snyad byed pa yin te | don la shes pa'i be
yod pas | | de la cung zad byas pa myed ces bshad pa yin no | : | gsum pa ni yang dag pa'i rtags kyi dgag bya de rtsod gzhi la gtan myed mod kyi | dpe' la dngos por gnas pa 'gog pa ni yod pa rtag pa la 'gog pa dang mtsho la du ba 'gog pa dang | brag rdzong la sha ba 'gog pa'o | | dpe la brtag par gnas pa 'gog pa ni don rang
gi mtshan nyid la sna'i dngos kye brjod bya 'gog pa lta bu'o | | gtan shes bya la myed pa 'gog pa ni don dam pa'i dngos po dang gang zag gi bdag 'gog pa lta bu'o | : | de bzhin du bsgrub bya'i chos kyang dngos po mye dang myi rtag pa bsgrub pa lta bu'o | | brtags pa sgrub pa ni ri bo can gyi sgra don la sgra'i dngos kyi brjod bya sgrub pa lta bu'o | | gnyi
ga'i khyab byed bsgrub pa ni don dam pa'i rang bzhin myed pa'i tha snyad sgrub pa lta bu'o | : | bzhi pa ni dgag byar gzung bya dang | de'i khyad par dang | de la brtags par tha snyad 'dogs pa'i dgongs pa' dang | snang pa nyid dgag byar thal ba spang pa'o | | dang po ni mtsho la du ba lasogs pa 'jig rten pas kyang 'gog la | gang zag gi
bdag lasogs pa nyan thos pas kyang 'gog cing rdul phra rab don dam lasogs pa rnam rig pas kyang 'gog pas dbu ma pa'i thun mong ma yin pa'i dgag bya ma yin te | dngos por smra ba rnams kyis rigs ngo'i dngos po dang rigs ngo'i ma yin dgag 'dod la dbu ma pas de 'gog pas rigs ngo'i dngos po dang rigs ngo'i ma yin dgag thun mong ma yin pa'i
dgag bya yin no | : | gnyis pa ni de la dngos po 'gog ces brjod par myi bya ste | rigs ngo'i dngos po la don byed nus pa rten na mtshan gzhi grub par 'gyur la myi rten na de dngos por myi rung ba'i phyir dang | dngos po la stong pa nyid kyis ma khyab na nyi tshe ba'i stong par 'gyur la khyab na stong pa nyid kyi khyab bya don dam pa'i dngos po la 'jug par
'gal ba'i phyir dang | de la rten 'brel 'jug na rten 'brel gyi rtags ldog pa ma grub la ma zhugs na rgyu myed pa'i dngos po myi rung pa'i phyir ro | | de la brtags pa zhes kyang brjod par myi nus te | de la gcig dang du ma dang bral ba 'jug na rtags de ldog pa ma grub par 'gyur la | ma zhugs na gcig dang du mar yod pas dngos por 'gyur
ba'i phyir dang |  brtags pa la stong pa nyid kyis khyab na stong pa nyid kyi khyab bya yang dag pa'i dngos po la 'jug par 'gal la | ma khyab na nyi tshe ba'i stong par 'gyur ba'i phyir ro | : | des na gzhal byas rtag pa bsgrub na mthun pa'i phyogs dang myi mthun pa'i phyogs gnyi ga la khyab par yod pa yin la rtag pa dang myi rtag par kha tshon chod


pas gzhal bya ma yin pa nyid gtan myed pas de rtag ma yin te rtag pa la gzhal byas khyab pa la myi gnod la myi rtag pa la ma yin pas myi rtag pa la gzhal byas khyab pa la'ang myi gnod cing phung po gsum pa ma yin pas kha tshon chod pa la'ang myi gnod pa ltar don dam pa'i dngos po myi srid pas dngos po dang brtags pa dang phung po gsum pa'ang ma
yin pa myi 'gal lo | : | gsum pa ni don dam pa'i dngos po gtan myi srid pas gang du'ang ma grub bzhin du brtags pa 'gog ces ji ltar brjod ce na | myi srid pa nyid la sgro 'dogs kyi rtog pas shes bya'i gshis su rloms pas shes bya'i gshis la de ltar brtags zhes bya la | rloms pa ltar shes bya'i gshis la myi gnas par nges pa na rlom
pa nyid ldog pas brtags pa bkag ces bya ste | mdo las kyang brtags pa ltar shes bya myi gnas pas brtags pa'i dngos po yod ma yin zhes gsungs pa yin no | : | bzhi pa ni dgag bya shes bya la myed pa la log shes kyis yod par zhen pa 'gog pa ltar shes bya la myed pa log shes kyis yod par snang pa dgag byar myi 'gyur ram zhe na |
'o na dpyad mi bzod pa snang pa de snang pa ltar shes bya la yod pa 'gog gam | dpyad bzod du snang pa na snang pa ltar shes bya la yod pa 'gog | dang po ltar na kun rdzob 'gog par 'gyur la gnyis pa ltar na blo des dpyad bzod bzung pas blo de la dpyad mi bzod pa myi snang par 'gyur ro | | 'o na zhen pa'i rtog pas kyang dpyad myi bzod par zhen pa ltar shes
bya la gnas pa 'gog gam | dpyad bzod par zhen pa ltar shes bya la gnas pa 'gog | dang po ltar na kun rdzob 'gog par 'gyur la gnyis pa ltar na blo des dpyad bzod du zhen pas dpyad myi bzod du ma zhen par 'gyur ro zhe na | dpyad bzod du zhen pa 'gog pa yin la | blo des dpyad myi bzod par ma zhen pa'ang 'dod pa yin no | |
'o na dpyad bzod par snang pa 'gog la blo de la dpyad myi bzod pa'ang myi snang pa 'dod do zhe na | dpyad myi gzod myi snang na de dang bdag gcig pa'i don spyi dang don rang gi mtshan nyid dang rtog myed 'khrul pa'i dmyigs pa'ang myi snang pas blo de la gzung yul myed par 'gyur ro | | dpyad myi bzod par ma zhen na de dang bdag gcig pa'i chos la'ang ma
zhen pas zhen yul myed par 'gyur ro zhe na | dpyad mi bzod la ma zhen yang de dang bdag gcig pa la zhen pa myi 'gal te | rtog pa gzhan sel sa cha la 'jug pa'i phyir ro | | snang pa cha'i yul can ma yin pas ga la mtshungsl | : | gnyis pa brtags pa ma yin pa 'gog pa la gnod pa 'bab pa'i tshul la gsum ste |
brtags pa ma yin pa'i rang bzhin dang | de bkag pa la gnod pa 'bab pa'i tshul dang | de la brtsad pa spang pa'o | | dang po ni brtags pa ni shes bya la myi srid pa la srid par rloms pa yin pas shes bya'i gshis la gnas pa gnod myed du bden pa brtags pa ma yin pa yin no | : | gnyis pa ni shes bya'i gshis gnod myed du bden


| pa ni tshad ma'i gzhal bya yin pas de mngon gsum gyi gzhal bya yin no de bkag pa la mngon gsum gyis gnod la | de rjes dpag gi gzhal bya yin na de bkag pa la rjes dpag gis gnod pa yin no | : | gsum pa ni 'o na zla ba gnyis da rmyi lam lasogs pa brtags pa yin nam | brtags pa ma yin pa yin
dang po ltar na de dog pa'i yul du 'gyur na don spyi ma yin pas gzung yul yang ma yin pas zla ba gnyis 'dzin la zhen pa myed pas zhen yul yang ma yin ji ltar brtags par brjod | gnyis pa ltar ni de bkag pa la tshad ma'i gnod pa yod par 'gyur na | de rtog myed 'khrul pa'i yul yin gyi tshad ma'i gzhal bya ma yin pas de bkag
pa la tshad mas ji ltar gnod ce na | zla ba gnyis dang rmyi lam gsal snang gi blo la ltos pa'i blo de'i snang tshod du yod pa 'am | blo la ltos pa myed par phyi rol gyi dngos por yod pa la brjod | dang po ltar na de ni brtags pa ma yin pa yin pas de bkag pa'i gnod pa yod do | | de tshad mai'i gzhal bya ma yin pa'ang ma yin te blo zlo ba
gnyis 'dzin dag rmyi lam gyi rta glang 'dzin pa rang rig gi gzhal bya yin la | zla ba gnyis 'dzin dang rta glang 'dzin pa'ang gzung cha zla ba gnyis dang rta glang snang tshod du yod pas khyad par du byas la | dbyig pa ma rtogs na dbyig pa can myi rtogs pa ltar zla ba gnyis dang rta glang snang tshod du yod pa ma rtogs na'ang der 'dzin rang rig gis mi rtogs pas de rang
rig pa'i shugs kyi gzhal bya yin pas de bkag pa la rang rig pas gnod do | | yang zla ba gnyis dang rta glang snang tshod du myed par brjod na des khyad par du byas pa'i zla ba gnyis 'dzin dang rta glang 'dzin pa myed par dam bcas pas de la rang rig pa dngos su der 'dzin grub pas gnod pa yin no | | zla ba gnyis snang lasogs pa'i yul snang tshod du ma bkag kyang
bden pa bkag te brdzun par grub pas blo 'khrul par 'grub ste | yul brdzan pas 'khrul pa yin te yul myed pas 'khrul pa ma yin pa'i phyir ro | : | zla ba gnyis dang rta glang blo la ma ltos par phyi rol gyi dngos por yod pa ni brtags pa yin te | dngos por zhen na shes bya la myi srid pa la srid par zhen pa yin pa'i phyir ro | | des na
rtog pas zhen par ma byas par ma grub ste | gsal snang gi blo la zhen pa myed kyang blo gzhan gyis dngos por zhen pa'i phyir ro | | de bkag pa la gnod pa'ang myed de gnyis snang dang rta glang du snang pa log shes yin pas de dngos por te myong pas dngos su myi 'grub la | der 'dzin pa 'khrul pa yin zhing ma 'khrul pa yin yang 'khrul ma 'khrul
rnam myed yin pas myong pas blo ma 'khrul par ma grub pa na yul dngos por myong pas shugs la myi 'grub pa dang | yod pa bsgrub par byed pa'i rjes dpag kyang myed pa'i phyir ro | | 'khrul pa dang ma 'khrul pa rnam ldan yin zhing myong pas nges na gzhan nges kyi mngon gsum myong pa na blo ma 'khrul par grub pa'i shugs la yul bden par grub pas


nges byed kyi blo don myed pa dang gang zag dang chos su zhen pa 'khrul par myong pas grub pas yul rdun par grub pas bden pa khegs pas de dag 'gog pa'i rjes dpag don myed par thal ba'i phyir ro | : | gal te 'khrul pa dang ma 'khrul pa'i rnam dbye myong las myi 'grub na gang gis nges zhe na | gzhan rig gi mngon gsum 'am rjes dpag gis yul
bden par grub na blo ma 'khrul par shugs la 'grub la | yul bden pa khegs na blo 'khrul par shugs la grub pa yin no | | des na gzung la snang tshod du yod pa myong pa'i shugs yin la | 'dzin la 'khrul pa dang ma 'khrul pa ni gzung cha bden pa dang brdzun par nges pa'i gzhan rig pa'i shugs yin no | : | de ltar don dam pa'i skye
ba bkag pas kun rdzob kyi skye ba la gnod pa spangs nas lnga pa la 'bras lasogs pa myi 'thad pa spang pa la bzhi ste | las dang 'bras bu 'thad pa dang | bcings pa dang grol ba 'thad pa dang | myed kyang 'ching pa'i nus pa myi 'gal ba dang | tha snyad dngos po'i rten can ma yin par gnyi ga la grub pa'o | | dang po ni snang pa ji ltas kun rdzob
yin na las 'bras myi snang pas kun rdzob du myed par thal lo zhe na | gtan tshigs ma grub po sangs rgyas mngon gsum dang so so'i skye bo'i lung la rten pa'i rjes dpag la snang pa'i phyir ro zhes 'chad pa ni gal te zhes pas rgol ba bkod nas mthong pa po'i zhes pas lan btag pas bstan to | | gnyis pa ni bcings pa gzigs pa dang | thar pa'i
thabs gzigs pa dang | 'chings byed kyi rtog pa gsum thugs rjes zhes pa'i rkang pa gnyis bcom ldan 'das zhes pas bkral ba dang | sems tsam zhes pa'i rkang pa gnyis bsam pa ji lta ba zhes pas bkral ba dang | ci ste zhes pa lasogs pas rim pa bzhin te rtog pa ni grub pa'i mtha' la grags pa'i rtog pa'o | : | myed kyang 'ching
pa'i nus pa myi 'gal ba ni skabs dgod pa dang | don dam par myed kyang kun rdzob kyi nus pa myi 'gal ba dang | de kho na'i nus pa ma dmyigs pa dang | rgyu 'bras kun rdzob pa khas len pas rtsod pa las grol ba rnams de dag 'ching pa'i zhes pa dang yang dag par ni ma yin te zhes pa dang yod pa rnams kyi zhes pa dang gang las gang zhig
zhes pa nas rim pa bzhin no | : | bzhi pa tha snyad dngos po'i rten can ma yin par gnyi ga la grub pa ni mdor bstan pa dang | nyan thos pa 'dod pa'i rdul cha myed dang sems tsam pas 'dod pa'i myong pa gnyis myed don dam tshad mas ma grub pa dang | tshad mas grub pa gzhan gyis kyang kun rdzob par 'dod pa dang | snang la ma nges pa'i yul
la yod par nges pa'i tha snyad myi 'jug pa dang | rdul dang skad cig cha myed snang par ma grub pa dang | yod nges pa 'gog pa dang myed par nges pa sgrub pa'i tshad ma dran pa la sbyar pa dang | lta ba nan pa la zhen pa dor bdun gzhan la zhes pa dang | 'di ltar zhes pa dang | snang pa zhes pa dang | gal te zhes pa dang | snang pa zhes bya ba


| yang zhes pa dang | tshad ma myed pa'i phyir dang zhes pa dang | rang lta chags pas zhes pa nas rim pa bzhin no | : | drug pa rtag pa dang chad par thal ba spang pa la gnyis te | kun rdzob la myed pa dang | don dam la myed pa'o | | dang po ni chad pa myed pa dang | rtag pa myed pa dang | don bsdu ba rnams gang phyir
zhes pa rkang pa gnyis gang gi tshe zhes pas bkral ba dang | deng log na zhes pa rkang pa gnyis gang gi tshe zhes pas bkral ba dang | de lta bas na de ltar zhes pas rim pa bzhin no | : | gnyis pa ni rtag chad kyi khyab byed 'gog pa'i rtags dgod pa dang | de'i ldog khyab dang | rjes 'gro'i dpe' dang | don la sbyar pa bzhi ma skyes po'i zhes
pa nas tshigs bcad phyed dang phyed dang phyed dang phyed rim pa bzhin no | : | bdun pa thams cad mkhyen pa myi 'thad pa'i brtsad pa spang pa la gsum ste | snang bcas 'thad pa dang | snang myed 'thad pa dang | zhar la sku gsum gzhag pa'o | | dang po ni dang po ni thub pas bden pa gzigs na dngos por smra ba'i lugs grub la brdzun pa gzigs na
'khrul pa dang bcas par 'gyur ro zhe na | dpyad myi bzod pa gzigs mod kyi de la dpyad bzod du zhen pa gang zag dang chos su zhen pa myed pas sgrib pa mnga' bar myi 'gyur ro | | dpyad myi bzod gzigs kyang sgro btags pa snang pa dang shes bya la myed pa la yod par zhen pa myed pas log shes dang ldan par myi 'gyur ro | | kun rdzob gzigs pas
'khrul par 'gyur na don dam pa myed pa la yod par zhen pas sam don dam par myed pa la yod par snang pas sam | kun rdzob du myed pa la yod par snang pas 'khrul par brjod | dang po ltar na gtan tshigs ma grub ste kun rdzob par gzigs pas so zhes 'chad pa ni ji ltar snang pa 'di kho na | | thams cad mkhyen pas mngon gsum gzigs
zhes pa'o | : | gzhan gyi lugs la myi 'thad pa ni gzhan rig myed pa la kun mkhyen 'gal ba dang | rnam bcas rnam myed khegs pas rgyud gzhan myi rigs pa dang | rang rgyud kyi shes pa'i rdzas gzhan myi rigs pa dang | ma brtags nyams dga'i rang gzhan rig dgag myi nus pa bzhi gang la zhes pa dang | shes bya nang gi zhes pa dang |
ngo bo nyid myed par smra ba'i zhes pa nas rim pa bzhin no | : | snang myed 'thad pa la spros pa'i mtshan ma nub pa dang | gnas pa las myi bzhengs pa gnyis so | | dang po yang dgag bya'i mtshan ma nub pa dang | bkag pa'i mtshan ma nub pa'i rgyu dang | mtshan ma myed pa'i ye shes kyi ngo bo dang | ye shes su myi rung pa'i brtsad pa sang
thams cad mkhyen pas mngon gsum gzigs zhes pa'o | | gnyis pa'ang gtan tshigs ma grub ste bden zhen bcom pa'i phyir ro zhes 'chad pa ni brtags pa'i ngo bos dben pa'i | | thams cad mkhyen pas mngon gsum gzigs zhes pa'o |  | 3 pa ltar na'ang gtan tshigs ma grub ste rten 'brel kun rdzob du pa'i phyir ro zhes 'chad pa ni rten te skyes pa thaMd ni ba'o 


ba'o |  | dang po ni don dam pa'i dngos po ma mthong pa'i rgyu gang las zhe na | gang gi tshe yang dag par skye ba lasogs pa bkag pa'i bdag nyid do zhes khong du chud par byas nas te rjes dpag gis bkag pa goms par byas pa'o | | gnyis pa ni bkag pa myi mthong pa ci ste zhe na rgyu mtshan dgag bya ma grub pa de nyid kyis bkag pa'i ngo bo chos rnaMs
ma skyes so zhes bya ba lasogs pa'ang brtags pa'i bo nyid do zhes khong du chud par byas nas de bkag pa myed par shes pas goms pas so | | gsum pa ni dgag bya dang bkag pa gnyis ga myed pas cung zad kyang myi mthong pa de'i tshe chan bzhin gnas te zhes pa'o | | bzhi pa ni snang pa myed na gzung yul myed pa'i shes pa myi 'thad pa shes pa
myed na brgyal ba lasogs pa lta bur gyur pas ye shes su myi rung zhes dogs na ye shes 'di snang bcas dang dngos po gcig ma yin na snang myed la gzung pa myed pas shes par myi 'thad pa bden pa zhig na 'di snang bcas dang rdzas gcig pas shes par 'thad de | snang bcas la dpyad myi bzod snang pa na de dang bdag gcig pa'i dpyad bzod kyi ma yin dgag yod
na snang du rung pa las ma gzigs pas ma yin dgag yang dag pa yod pa'i dgos pa bcad pa'i cha nas snang myed yin pas shes pa ma yin pa'i skyon myed la rang rig myed pa'i shes pa myi srid pa dang gzung yul myed pa'i mngon gsum myi srid la gzung pa la'ang kun rdzob pas khyab pas snang myed la snang bcas kyi rdzas kyis khyab pa yin no | : | gnyis pa
gnas pa las myi bzhengs pa ni mtshan mar 'dzin pa'i sa bon bcom pa dang | goms pa mthar phyin pa gnyis gang tshe zhes pa rkang pa gsum bcom ldan 'das zhes pa lasogs pa'i 'grel pa dang bcas pa dang gnas pa brtan phyir zhes pa skal pa grangs myed pa zhes pa'i 'grel pa dang bcas pas rim pa bzhin te | khyab pa'i stong nyid rtag
du gzigs pa yin gyi snang bcas nub yin ma yin no | : | zhar la sku gsum rnam par gzhag pa la gsum ste | sdu rnam par dbye ba dang | bsam gyis myi khyab pa'i don dang | zhar la nyan thos lasogs pa'i lus kyi dbye ba'o | | dang po la gsum las chos kyi sku la gnyis te | ngo bo nyid sngar brjod pas yon tan
bsngags pa dang | sgra'i don to | | dang po ni stobs lasogs pa'i yon tan gyi rten du gyur pa dang | 'gro ba rnams kyi bla mar gyur pa dang | skyabs kyi gnas su gyur pa gsum gang la bzhugs na bsam myi khyab | | yon tan kun kyi gnas gyur pa'i | | gnas skabs 'ga' de bsam myi khyab ces pa dang | gang la
bzhugs na mtshungs myed phyag gnas su gyur pa'i gnas skabs 'ga' de bsam myi khyab ces pa dang | gang la bzhugs na 'dren byur pa'i | | gnas skabs 'ga' de bsam myi khyab ces pas rim pa bzhin no | : | sgra'i don la sku zhes pa khyab pa dang bsags pa dang ngo bo nyid kyi don gyis so | | khyab pa ni spros bral gyis shes


| bya la khyab pa ste chos rnams kun kyi lus yin phyir zhes pa'o | | bsags po ni yon tan thams cad tshogs pa'i chos nyid la tshogs pa'i rten du btags pa ste yon tan bsam yang kun rten phyir zhes pa'o | | yang na rang gis zab pa dang rgya che ba byang chub nas gzhan la bstan pa'i chos sgrogs pas ka'i ka'i sha pa ta shes pa'o
ngo bo nyid ni rigs pas gnas pas bcos ma ma yin pa ste rigs pa'i rjes 'brang ngo bo'i phyir zhes pa'o | | de 'grel pa na 'jig rten pa'i yon tan ni mngon shes lasogs pa'o | | 'jig rten las 'das pa'i yon tan ni stobs lasogs pa'o | | rten gyi dngos po ni de la 'jug pa thob pas kun brtags pa'o zhes pa ni dbyings dri ma las grol ba'i
gnas skabs de la yon tan nges pa ste nam mkha' la rten nas mda' so zhes bya ba lta bu'o | | yang na yul myed dgag rten ma yin yang de'i yul can rten yin pas yul la rten du btags pa'o | : | chos kyi sku bstan nas longs spyod rdzogs pa'i sku ston pa ni rnam pa lnga ste | rang bzhin dang | dus dang | mnon par 'grub pa'i
rgyu dang | gang gi spyod du 'gyur ba dang | sgra'i don to | | dang po la gsum ste | gzhan don dang | rang don dang | don bsdu ba'o | | dang po ni de tshe zhes pa ste | bdag po'i rgyu gang las snyam na rnam rtog myed de'i shugs kyis so | | 'phen pa gang las snyam na sngon gyi shugs kyis te smon lam gyi shugs kyis so | | dus
ji srid du snyam na rtag du'o | | yul gang du snyam na phyogs rnams thams cad du'o | | mdzad pa po gang las snyam na rnam pa kun du ste sku gsung zhugs kyi rtsom pa thams cad las so | | ci 'dra ba 'byung snyam na thams cad 'byung ste mngon mtho' dang nges legs so | : | rang don la ye shes dang spangs pa'o | | ye shes la ngo bo nyid ni snang myed
chos su yin pas snang bcas kyi rang bzhin ni mkhyen pa'i skad gcig gcig gis ni | | shes bya'i dkyil 'khor kun khyab can zhes pa'o | | de'i yon tan ni yon tan rin cen tshogs zhes zhe pa stobs dang myi 'jigs pa lasogs pa dang | ting 'dzin zhes pa dpa' bar 'gro ba dang rin chen phyag rgya dang da ltar gyi sangs rgyas mngon gsum du bzhugs pa
lasogs pa dang | bsam gtan bsam myi khyab pa'i rten zhes pa bsam gtan dang po lasogs pa mthar gyis pa dang | thod rgal du snyoms par 'jug pa thams cad kyang de la rten pa'o | | spangs pa la nyon mongs spangs pa dang | shes bya'i sgrib pa spangs pa'o | | dang po ni nyon mongs kyi rgyu dngos por zhen pa dang nyon mongs kyi rang bzhin dang | |
nyon mongs kyi 'bras bu kun gzhi sa bon bzhag pa'am de'i gnas na len spangs pa rnams rtog pa dang ni zhes pa dang | nyon mongs dag zhes pa dang | bag chags dang bcas pa gtan bcad can zhes pas rim pa bzhin no | : | gnyis pa shes bya'i sgrib ba spangs pa la ji lta ba shes pa la sgrib pa dngos por zhen pa spangs pa chos skur 'du bas


ji snyed pa shes pa la sgrib pa spangs pa ni shes bya'i yul la myi shes pa'i | | tshogs ni mtha' dag spangs zhes pa'o | : | rang dang gzhan gyi don bsdu ba ni spangs pa dang | yon tan dang | gzhan don bsdu ba gsum nyes pa zhes pa dang yon tan zhes pa dang rtag du zhes pa nas rim pa bzhin no | | dus ni yid bzhin nor bu zhes paʼo | |
rgyu ni thugs rje zhes pas bsam pa dang | bsod nams ye shes zhes pas sbyor ba'i khyad par gnyis kyis bstan to | | gang gi spyod yul du 'gyur ba ni sa thob cin tshogs rgya chen po bsgrubs pa'i byang chub sems dpas mthong pas yang dag pa'i mchog thob cing zhes pa'o | | sgra'i don ni sa'i dbang phyug dag dang chos kyi rgyal srid kyi dga' bde la longs
spyod pas longs spyed rdzogs pa ste | mthu dang bya ba grub dang chos ro dang | | don dang yon tan 'byor pa dpag myed la | | rtag du myi zad gzigs pas thub dbang rnams | | kha na ma tho myed pa'i dgyes mchog spyod ces gsungs pa lta bu'o | : | spul pa'i rgyu la gnyis te | sprul pa dngos dang | nying sprul lo | | dang po la |
bzhi las dgos pa ni sems can so so'i 'dod pa'i don | | dus bzhin rab du bsgrub pa'i phyir | | sprul pa gdon mi za bar 'byin zhes sbrel ba'o | : | bdag po'i rgyu ni chos kyi sku yin bas de las sprul pa'i sprin gyi rgyun | | kun du rab du 'byung par 'gyur zhes pa'o | | sprul ba'i mtshan nyid ni rnam pa gang dang gang gis ni zhes
dres nas rnam pa de des zhes mchog dang bzo dang skye ba'i sprul pa'i rnam pa dang | yul la gang dang gang na zhes dris nas bar na se dang rgyal po'i khab lasogs pa dang | dus gang gi tshe zhes dris nas skye dgu rnams kyi tshe lo brgya pa lasogs pa de'i tshe dang de'i tshe zhes pa dang | gdul bya skal ldan skye bo gang dang gang zhes dres pa na nyan thos dang rang rgyal
dang theg pa mchog gi rigs can de de yongs su smyin bya ba zhes gsungs pa dang | mdzad pa 'jug pa'i rnam pa thub pa'i spu'i khungs sogs nas | | sprul pa gdon myi za bar 'byin zhes pas bstan to | : | mdzad pa ni rgyal bas zhes pa ste | gdul bya 'dun pa dang smin pa dang rnam par grol ba'i skal ba can du mdzad pa'o | : | nying sprul la
longs spyod rdzogs pa las sprul pa'i sku 'byung pa'i dpe ni khyab bdag shugs kyis mthu yis ni | mdzad pa kun la 'jug pa bzhin zhes pa'o | : | sprul pa las nying sprul 'byung pa'i don ni sprul pa yi ni sprul pa yang | | ji ltar bzhed bzhin mdzad nyid do zhes pa'o | : | de ltar sku gsum gyi rang bzhin rgyas par bshad nas bsam gyis
myi khyab pa'i don ni bcom ldan 'das kyi sku 'di zhes pa lasogs pa'o | : | nyan thos lasogs pa'i lus kyi dbye ba ni phyogs 'dis zhes pa lasogs pa'o ste | gang zag myed par gzigs pas de bzhin nyid la nyon mongs kyi dri ma dang bral ba dang | tshad myed pa nas mngon shes kyi bar gyi yon tan gyis brgyan pa dang | stod nas me 'bar


| ba lasogs pa'i rdzu 'phrul gyis rtsen pa rnams sangs rgyas kyi sku gsum dang ma 'dra ba'i yon tan gyi dbye ba yin no | | de ltar bden pa gnyis rnam par bzhag pa dang | de la dngos por smra ba'i rtsod pa bdun spangs pas bden pa gnyis rgya cher rnam par bzhag pa yin no || : || dbu ma la blo sbyar bar gdaMs
pa la gsum ste | phyogs su 'dzin po dor ba'i tshul bzhin yid la byed pa la bskul ba dang | stong pa nyid la sdang pa dor ba dang | ma mos pa der te rim gyis blo sbyang pa'o | | dang po ni dpyad par gyis zhes drang ngo | | yul gang la dpyad snyam na de ltar bden gnyis phye ba de la spyad do | | tshul ji ltar dpyad snyam na ci nyes yong dem 'on te 
myed dpyad par gyis zhes pa'o | | bsam pa gang gis dpyad snyam na phyogs 'dzin pa yis dkrugs pa'i yid | | legs par 'or la ste | nyon mongs rmongs bdag rnams kyis 'phags la bskur pa dang | | des gsungs chos la brnyas gang de kun zhen ltas byas | | des na zhen lta'i dri can de la blo myi sbyar | gos gtsang tshon gyis
rnam 'gyur snum gyis gos pa myin | zhes gsungs pa lta bu'o | : | sdang pa dor ba ni 'bras bu mya ngan las 'das pa thob dka' ba dang | rgyu lam rnyed dka' ba dang | rkyen dge ba'i shes gnyen dang phrad dka' ba dang | rten dal 'byor thob dka' ba dang | thob pa'i dal ba yun ring du myi gnas pa'i rgyu mtshan lngas yang dag pa'i lam la zhe
sdang par myi rigs pa ste | dang po ni 'khor ba'i dgon pa dkrod dka' na bgrod pa'i lam snyed pa la rab du sdang pa gang du dgos zhes pa'o | : | gnyis pa ni bgrod par dka' bar ma grub ste yang dag pa'i shes rab sbyangs nas bgrod do snyam na blo sbyang nyam yang rab du chung zhes pa'o | : | gsum pa ni de ma grub ste dge ba'i bshes gnyen gyis zin pas sbyong
ngo snyam na bshes gnyen bzang po rnyed par dka' zhes gsungs so | : | bzhi pa ni gal te skye ba 'dir ma rnyed kyang phyi ma lasogs pa la btsal lo snyam na myi'ang shin du thob par dka' zhes gsungs so | : | lnga pa ni gal te phyis thob par dka'ang 'di nyid kyi tshe smad la snyed par bya'o snyam na srog kyang shin du gso' ba yin zhes gsungs so | : | ma
mos pa dor ba ni tshogs rjes su bsgrubs nas rigs sad pa'i thabs la 'bad pa dang | de'ang sdang pa spangs pas 'grub pa gnyis mos pa myed du zin na yang zhes pa dang | sdang pas tshig pa zhes pas rim pa bzhin no || | || bshad pa'i bsod nams yongs su bsngo ba ni bsngo bya'i dngos po dang | ched du bya ba dang | 'bras bu gsum
po rnams bden pa gnyis ni zhes pa dang | 'gro ba ma lus pa zhes pa dang | ye shes snying po bskyed par shog ces pas rim pa bzhin te ye shes ni 'phags pa'i ye she yin la snying po sangs rgyas kyi sa ste | slob dpon nyid kyi mtshan dang bstun pa'o || || rnam bshad rnam mang rgya mtsho sa chen dang | |


rtsi ni shing nags tshal 'o ma'i bum pa las | | ma nor don gyi snying po rin chen gter | | me tog 'bras bu mar gyi snying po blangs | | bsod nams 'di yis 'gro ba ma lus pa | | bden gnyis don gyi tshul lugs legs rtogs nas | | g.yang sa spangs pa'i lam mchog dam pa 'dis | | srid pa gsum gyi bla mar rgyur par shog ||
bdag kyang deng nas skye ba thams cad du | bshes gnyen dam pa'i mgon gyis rjes bzung nas | | rigs pa'i mthu yis dngos po smra ba'i | | rtog ge ngan pa tshar gcod byed par shog ||   || rigs pa'i tshul lugs 'di yang mkhas rnams kyis | | phyogs dang phygs 'tshams kun du gsal byas te | |
thub pa'i bstan pa nyi ma shar pa ltar | | lha nge lham me kun du rgyas par shog || || dbu ma bded pa gnyis rnam par bshad pa yi ge nyung ngus gzhung gsal bar byed pa | rigs par smra ba'i dge slong chos kyi seng ges sbyar pa || || rdzogs s+h+'o ||  ||


