|| thams cad mkhyen pa la phyag 'tshal lo |  | mchod pa brjod pa xxx dgos pa'i don dang |  bsdus pa'i don dang |  tshig gi don to ||  dang po la gnyis ste |  rang gi don dang |  gzhan kyi don to |  | rang gi don kyang gsuM ste |  jig rten bas rtogs paʼi don ni bdag nyid ya rabs kyi tshul can du bstan pa'o ||  phan bde'i don ni bsod nams 
'phel bas 'dod pa thob pa dang |  myi 'dod pa 'dor ba'o ||  'dod paʼi don ni bgegs zhi bas bstan bcos mthar phyin pa'o ||  gzhan kyi don ni lnga'o ||  de la dang po ni 'jig rten dang 'jig rten las 'das pa'i 'bras bu kun kyi rgyu bsod nams rgyud la bskyed pas te | de ni rgyu yongs su 'dzin pa'o ||  nges paʼi rkyen la 'jug pa ni rnam pa gnyis ste bstan bcos don chen po dang 
ldan par bstan pa dang |  ston pa'i che ba bstan pa dang |  ston ba rab du grub pa'o ||  zhugs pa'i rkyen myi 'dor ba ni nyan ba dang bshad pa mthar phyin pa'o ||  bsdus pa'i don ni |  ston pa la bstod pa dang | chos la bstod pa'o ||  dang po'i dbang du byas na gnyis ste |  bstod pa dang shis par brjod pa'o ||  bstod pa la bzhi ste |  bsam pa dang |  sbyor ba dang |  rang don dang gzhan 
kyi don phun suM tshogs pa'o ||  de yang rnaM par rgyal ba zhes bya ba yan chad ni bsam pa'o ||  dgra ldan zhes bya ba yan chad ni sbyor ba'o ||  bde bar gshegs pa zhes bya ba yan chad ni rang don no ||  deʼi gsung yid kyi mun ba sbyong par mdzad pa zhes bya bas ni gzhan don to ||  sa rgyas zhes bya ba ni shis ba brjod pa'o ||  yang na rang gi don dang gzhan kyi don gnyis kyis sangs
rgyas la bstod pa'o || de la bde bar gshegs pa zhes bya ba ni rang gi don brjod do || gzhan kyi don la gnyis ste | nyon mongs pa sel ba dang | ma rigs sel ba'o || de yang gsung gi brjod bya'i khyad par bden ba bzhi ston pas ni dang po | bstan la nus pa'i khyad par yid kyi mun pa sbyong par mdzad pa ni gnyis pa'o || rgyal zhes bya ba ni snga ma ltar shis pa brjod paʼo ||
chos la bstod pa ltar na yang bstod pa dang gshis ba brjod pa'o ||  bston la la gsum ste |  brjod bya dang |  ston pa dang |  'bras bu phun suM tshogs pa'o ||  dang po ni 'phags pa'i bden pa bzhi ston pa ste |  dgrar ldan zhes bya ba yan chad do ||  ston pa phun suM tshogs pa ni bde bar gshegs pa zhes bya ba'o ||  'bras bu ni yid kyi mun ba sbyong par mdzad pa zhes bya ba'o ||  shis pa 
brjod pa ni rgyal ba zhes bya ba'o ||  gzhan dag ni tshigs su bcad pa 'dis chos kho na la bstod kyi sangs rgyas la bstod pa ni ma yin par rtogs ste |  bcom ldan 'das la dngos su myi bstod par chos la bstod pa'i rgyu mtshan sems pa na 'di skad ces chos la bstod pas bshad par bya ba'i gzhung gi che ba grub pa'i phyir ro ||  yang na chos da lta gnas kyi sangs rgyas myi gnas pa'i 
phyir ro ||  yang na shugs kyis sangs rgyas la bstod pa 'grub pa'i phyir ro zhes bstod pa ni ma 'brel lo ||  brgal zhing brtag pa mtshungs pas de ltar bstod kyang rgyu mtshan bsam pa myi 'thad paʼi phyir ro |  | yang na de la sems na chos dngos su phan 'dogs par byed pa'i phyir ro zhes bya ba nyid lan du brjod par rigs pa ma brjod paʼi phyir ro ||  chos la bstod pas rigs 


| thigs kyi che ba 'grub pa ltar sangs rgyas la bstod pas kyang 'grub pa'i phyir  || de de'i bka' la rten pa'i phyir ro ||  sangs rgyas da ltar myi bzhugs pa yang ma grub pa'i phyir ste 'di'i 'dod pas sgrib pa myed pa'i sems nyid mya ngan las 'das par 'dod pa'i phyir mar me shi ba ltar khas myi len bas bas |  dngos su myi bzhugs pa la myi bstod na |  sangs rgyas la bstod pa gtan myi bya ba 
dang |  'das pa'i tsa la tsogs pa la yang myi bstod par thal lo ||  byis pa'i smra ba la nyes pa nye bar mtshon ba tsam gyis chog go ||  gzhan yang chos bstod pa'i yul du bzhag nas 'di skad ces rang gi don dang |  gzhan gyi don gyi thabs dang |  gzhan kyi don gsuM gyis bstod do zhes zer ba yang ma 'brel lo ||  'di ltar don gsuM po de su la bstod |  sangs rgyas la'o zhe na |  ji ltar chos 
bstod paʼi yul du 'gyur |  chos la'o zhe na |  ci chos gang zag yin nam |  de lta ma yin na de la rang dang gzhan gyi don myi 'thad de buM pa bzhin no ||  bde bar gshegs pa yang thos pa la ltos ste |  rang gi don du myi 'thad de |  sangs rgyas la   ltos ste rang don yin pa'i phyir ro ||  gsung yang chos la bltos ste gzhan gyi don 'grub pa'i thabsu myi 'thad de |  chos kyi ngo bo 
yin pa'i phyir ro ||   || tshig gi don ni skye ba'i gdung pa ni skye ba'i sred pa ste |  srid pa'i sred pa'o ||  de nyid phung po'i rgyun rab du 'byung pa'i rgyu yin pas na rgyun rab 'byung rgyu'o ||  de dang ldan pa'i 'gro ba ni rgyun rab 'byung rgyu can kyi 'gro ba'o ||  'dis ni sred pa dang ldan pa'i phung po lnga ma nyid rgyu yin bar bstan bas kun 'byung gi bden pa bstan to ||  des na skye ba po 'di shes pa yod myin ste || 
bdag gi sdug bsngal dag la rang dbang myed ||  dbang phyug gis btang yang na mtho' ris sam ||  g.yang sa dag du 'gro ba kho nar 'gyur |  zhes 'gro ba dbang phyug gis byas par smra ba de bkag nas |  sred pa dang ldan pa'i 'gro ba kho na skye ba mngon bar 'grub pa'i rgyur brjod de |  bdag la chags pa dang ldan zhing ||  seMn gzhan kyis bkri myin ba ||  bde thob sdug bsngal 'dor dod pas ||  dman pa'i gnas 
ni yongs su len ||  zhes byshad pa yin no ||  'o na 'bras bu gang yin snyam na |  rgyun rab 'byung pa yin la de yang 'gro ba kho na yin no ||  de yang dngos su ma brjod de 'gro ba nyid 'bras bu yin ba la log par rtogs pa myed pa'i phyir ro ||  rgyu la ni log par rtogs pa yod pas |  de ltar ma brjod na myi rtogs ba kho na'o ||  yang na skye ba'i gdung pa ni |  skye ba'i sdug bsngal ste |  skye ba dang 
'brel ba'i sdug bsngal lo ||  'di yang 'gro ba zhes bya ba dang 'brel to ||  'dis ni sdug bsngal kyi bden ba bstanto ||  de yang rgyun rab 'byung rgyu can ste |  kun 'byung gi rgyu dang rjes su 'brel paʼo ||  'dis ni kun 'byung gi bden pa bstanto ||  de lta bu sdug bsngal rgyu dang bcas pa'i 'gro ba de las rnaM par rgyal ba ni |  de phaM par byas shing spangs pas ste 'dis ni 'gog pa'i 
bden ba bstanto ||  'dod chags lasogs pa'i dgra ldan zhes bya ba ni laM kyi bden ba dang ldan zhes bya ba'i donto ||  lhag ma ni go sla'o || : || dgos 'brel kyi ngag bshad pa rnam pa gsuM ste |  spyi'i don dang |  dgos pa'i don dang |  tshig don bshad pa'o ||  dang po nges pa gsuM ste dgos 'brel kyi dbye ba nges pa dang |  dngos su brjod pa'i don dang |  shugs kyis bstan pa'i don to  || 


de la dbye ba nges pa ni brjod bya'i dgos pa dang |  dgos pa dang |  brjod par bya ba dang |  'brel ba bzhi kho na ngag 'dis bstan to ||  de rnaMs kho na las myi mang myi nyung pa yang gang las zhe na |  'dir don kyi dgos pa yod pa dang |  sgra'i dgos pa 'dod par bya ba dang |  don kyi dgos pa'i khyad par bsgrub par nus pa dang | sgra'i dgos pa'i khyad par du rab du byed pa 'dis bsgrub par sla par bstan na |  bstan bcos 
kyi 'bras bu gzhan 'jug pa'i yan lag ma tshang pa myed par bstan pa yin la | de bzhi yang rim pa bzhin du brjod par bya ba'i dgos pa dang | brjod bya dang | 'brel ba bstan pa kho nas 'grub pas na dgos 'brel bzhi kho na'o || de'i dbye ba nges pa'o || dngos su brjod pa'i don ni rnaM pa lngas stan te | dngosu brjod pa'i don kyi do bo nyid dang | de ma 'brel ba spang pa dang | ma khyab pa spang pa dang |
myi dgos pa spang pa dang | dngos kyi brjod bya nyid du ma grub pa spang pa'o || dang po ni yang dag pa'i rnaM pa bzhi zhes bya ba lasogs pas ni zhes bya ba'o || de lta na rab du byed pa'i 'jug pa'i yan lag gi 'bras bu brjod par bya ba na don kyi 'bras bu brjod pa ni skabs su ma bap po snyaM na | rab du byed pa 'di' don ni zhes bya bas ma 'brel pa spangs paso || don rab du byed pa ji ltar yin | ci don
rang gi mtshan nyid daM | 'on te don kyi spyi rab du byed pa yin | dang po ltar na yang 'ba zhig gi | sgra dang 'brel pa rab du byed pa yin | de la 'ba' zhig ni ma yin te | rab du byed pa ni brjod byed dang 'brel pa'i phyir | 'ba' zhig ni de las bzlog pa'i phyir ro  || de bzhin du rab du byed pa ni brtsam par bya ba yin paʼi phyir dang | rang gi mtshan nyid 'ba zhig kyang skyes bu'i 'dod paʼi rjes su myi 
'jug pas brtsam par bya ba ma yin pa'i phyir ro  || sgra dang 'brel pa yang ma yin te | rang gi mtshan nyid sgra'i yul ma yin pa'i phyir ro  || des na don la 'bras bu yod kyang rab du byed pa la 'jug pa'i yan lag ma yin no  || don kyi spyi yang rab du byed pa ma yin te | don byed myi nus pas brjod bya'i dgos pa dang | myi ldan pa'i phyir ro zhe na | 'dir don rang gi mtshan nyid daM | don kyi spyi 
la rab du byed pa'i lus su brjod bar 'dod pa ni ma yin kyi | 'on kyang sgra'i chos zhen pa'i don dang 'brel pa la der 'dod do || 'di ltar brjod byed kyi sgra la ni rang bzhin gnyis yod de | dngos kyi yul ston par byed pa dang | zhen pa'i yul la 'jug par byed pa'o || dang po ni sgra'i lus yin la | gnyis pa ni don kyi lus yin no || de 2 kyi 'bras bu yang rim pa bzhin du brjod bya gang
zhig rtogs pa tsaM dang | skyes bu'i don 'jug yul kyi 'bras bu thob pa yin no || de lta na yang don dang sgra'i dgos pa 2 dngos su brjod par rigs pa las | sgra'i dgos pa dngos su ma brjod pa'i phyir dngos su brjod pa ni ma khyab po snyaM na | de la sgra'i dgos pa ni zhes bya ba smos te | brjod par byed pa'i sgra yin na de'i brjod bya rtogs pa'i 'bras bu dang ldan pa la log par rtogs pa myed pas
dngos su brjod myi dgos so snyam du bsams pa'o || 'o na don kyi dgos pa ma brjod kyang sgra'i dgos pa rtogs pa nyid kyis rab du byed pa la 'jug pa'i phyir | don kyi dgos pa yang dngos su brjod myi dgos so snyam na | ji ste brjod par bya ba yang dgos pa myed pa nyid yin na ni smos so || bsaM pa ni brjod bya'i dgos pa ma grub na | sgra'i dgos pa tsaM ni don du myi gnyer ro || des na sgra'i


| dgos pa yang don kyi dgos pa'i yan lag yin na blang bar bya ba yin kyi gzhan du ni ma yin no zhes bya ba yin no  || de ltar na yang brjod bya'i dgos pa dngos su bstan par myi 'gyur ste | brjod bya'i chos dgos pa bsgrub pa'i nus pa nyid dngos su bstan pa'i phyir ro snyam na | 'di rang gi don zhes bya bas dngos kyi brjod bya ma grub pa spong ngo  || rgyu nyid dgos par 
brjod pa yin no zhes bya ba ni de bsgrub pa'i nus pa bstan pa nyid de bstan pa yin te | 'bras bu don du gnyer ba kho na nus pa la 'jug pa'i phyir ro  || des na nus pa ni 'bras bu kho na yin la | nus pa bstan pa yang 'bras bu dngos su bstan pa yin no  || || shugs kyis bstan pa'i don ni rnam pa bzhis ston ste | shugs kyis bstan pa'i don kyi rnaM pa dang | 
de dag shugs kyis bstan byar grub pa dang | dngos kyi bstan bya yin pa dgag pa dang | shugs nyid bstan pa'o || de yang don 'di nas brjod pa yin te zhes bya ba dang | 'di ltar nas bstan pa yino zhes bya ba dang | ngag cig cig po nas bstanto’o bar dang | de la zhes bya ba la rtsogs pas rim pa bzhin du bshado || tha ma shugs nyid bstan pa la yang rnaM pa bzhi ste | de'i tshig gi shugs ni
de zhes bya ba ni zhes bya ba'o || bstan pa'i tshigi shugs ni bstan to zhes bya ba ni zhes bya ba'o || bstan pa'i tshig gi shugs kyis 'phangs pa'i don kyi shugs ni smra ba po zhes bya ba lasogs pa'o || 'di'i don rtogs pa bstan bcos kyi 'bras bu yin bar grub na | rtsom pa po dang | 'chad pa po dang | nyan pa po'i skyes bu'i 'bras bur yang rtogs pa 'grub ste | skyes bu yang bstan bcos
kyi 'bras bu don du gnyer ba'i phyir ro zhes bya ba'o || ngag gi don kyi shugs ni 'brel ba ston pa'i tshig ni myed de zhes bya ba lastsogs pa'o || phyi'i don no || || dgos pa'i don ni rnaM pa bzhis ston te | ngag nye bar bkod pa'i dgos pa'i ngo bo nyid dang | de la ngag myi nus pa dgag pa dang | myi dgos pa dgag pa dang | 'jug bsdu ba'o || de la dang po ni rab du byed pa nyan pa'i snga
rol du zhes bya ba lasogs pa'i rgol ba la lan du rab du byed pa ma thos par ni zhes bya ba lastsogs pas dgos pa'i ngo bo mdor bstanto || 'jug pa'i yan lag gi the tsoM nyid dgos pa yin no | zhes bya ba'o || 'jug pa'i yan lag gi the tsoM nyid khyad par ci 'dra ba yin snyam na | rtog pa dang ldan pa rnaMs zhes smos te | de'i don du 'gyur ba'i the tsoM kho na yin zhes bya ba'o || 'dis ni dgos
pa'i ngo bo nyid rgyas par bshad pa yino  || de ltar bstan pa dang bshad pas ni dgos pa'i ngo bo don du 'gyur ba'i the tsoM yin bar brjod do  || don du 'gyur ba'i the tsoM de yang gang yin zhe na | kha cig na re phan pa dang gnod pa dang | gnyi ka la the tsoM za ba gsuM mo  || dang po ni phan pa dang btang snyoMs la | gnyis pa ni gnod pa dang btang snyoms la | gsuM pa ni phan pa dang gnod pa la the tsoM za ba'o || 
'di la yang gsuM te | phan pa la shas cher phyogs pa dang | gnod pa la shas cher phyogs pa dang | gnyi ka la cha mnyam pa'o || de lnga las dang po dang gsuM pa ni 'jug pa'i yan lag yinte | don la the tsoM za ba'o || lhag ma gsuM ni don du myi 'gyur ba la the tsoM za ba'o || zer ba'o || de ni myi rigs te | de lta na don du 'gyur ba'i the tsoM ngag gi sngar gnas pas bskyed myi dgos pa dang |


don du myi 'gyur ba'i the tsoM yang bzlog par | dang po ni ci rab du byed pa 'di la phan pa'i 'bras bu 'ga zhig yod dam 'on te myed rtog pa ni myed pa la shas cher rtog kyang don du 'gyur ba'i the tsoM za ba yin no || des na myed pa'i cha la gnod byed myed pa'i phyir ngag bkod pa'i sngar yang the tsoM de yod pas 'jug pa'i phyir ngag don ci yod | gnyis pa ni gal te rab du byed pa 'di la gnod 
pa'i 'bras bu 'ga zhig yod dam myed ces the tsom za ba yang yod la | de ni myed pa la shas che ba yang don du myi 'gyur ba'i the tsoM yin no || des na tshad ma myed par tshig tsaM kyis de myi ldog pas ngag gis ci bya | yang kha 1 na re don la the tsoM za ba ni | dgos pa lasogs pa yod par nges pa yinte | don kyang nges par byed pa'i rgyu myed pas the tsoM kho na'o || don du myi 'gyur ba'i 
the tsoM ni dngos su the tsoM nyid 'jug pa'o zhes zero || 'di yang myi 'thed yod par nges pa the tsoM yin ba la gnod byed yod pa'i phyir dang | bsgrub byed myed pa'i phyir ro || dang po ni the tsoM ni mngon suM kyi byed pa la myi gnod kyi rmyi sgyu la chur nges pa lta bu phyin ci log ni gnod do || zhes gsungs pas nges pa'i rgyu mtshan ma mthong pa'i nges pa the tsoM las gzhan du gsungs so ||
de bzhin du log par rtogs pa dang the tsoM dag tha dad par yang gsungs so || des na lung gis gnod do || yang na rigs pas gnod de | 'di ltar de ni nges pa'i rang bzhin du myang pas the tsoM ma yin bar mngon suM kyis grubo || ji ltar bsgrub byed myed ce na | gal te nges pa'i rgyu las ma skyes pa'i phyir the tsoM yin no zhe na | rtog myed 'grul pa dang | ma 'khrul ba mtha' dag gis ma 
nges so || de dag kyang nges pa'i rgyu las skyes na ni nges pa kho nar 'gyur ro || 'on te dpyad na the tsoM skyes pas the tsoM nyid do zhe na | de ltar na yang rjes su dpag pa dang | mngon suM kyi 'jug pa la yang log par dpyad na the tsoM skyes pas ma nges so || de ltar rgyu dang 'bras bu'i khyad par gnyi ka the tsoM sgrub byed du myi rung la bsgrub byed gzhan yang yod pa ma yin no  || des na mgon du gyur ba'i the 
tsoM ni dgos pa lasogs pa don yod pa la shas che ba kha na yin la | don du myi 'gyur ba ni de las bzlog pa yin bar blta'o || gal te 'di la yang dgos 'brel kyi ngag don myed pa'i nyes pa de nyid du 'gyur ma yin naM | 'di ltar dngos po la dpyad na the tsoM bzhi yod de | phan pa la the tsoM za ba dang | gnod pa la the tsoM za ba dang | gnyi ka la the tsom za ba dang | gnyi ka ma yin ba la the tsoM za ba'o || de la
dang po ni ci 'di la phan pa'i 'bras bu yod daM myed snyaM ba na yod pa la shas che ba ma yin yang 'jug pa'i yan lag yin la de yang don la gnod pa'i tshad ma myed pas ngag gi sngar yang yod pa'i phyir ngag don myed do || de bzhin du gnod pa'i 'bras bu yod dam myed snyaM pa don ma yin ba la the tsoM za ba de ni myed pa la nas che yang ldog pa'i yan lag yin la | de yang don ma yin ba la gnod pa'i tshad 
ma myed par tshig gis bzlog par myi nus so  || des na don du myi 'gyur ba'i the tsoM 'jug pa'i yan lag sngar yod pas don du 'gyur ba'i the tsoM nyid myi dgos pa dang | don du myi 'gyur ba'i the tsoM ldog pa'i yan lag gzhan sngar gnas pa yang bzlog par myi nus pas dgos 'brel kyi ngag don myed do zhe na | de ni bden te bdag cag dgos 'brel kyi ngag 'jug pa'i yan lag du khas lento  || 


| 'on kyang 'dir ni slob dpon chos mchog gi bzhed pa tsaM bkod pa yin la de'i 'dod pas kyang don du 'gyur ba'i the tsoM don la shas cher rtog pa la 'dod do || de yang myi 'thad pa ni dngos po'i nyes pa yin bas 'di ci byar yod | gnyis pa de la ngag myi nus pa spang pa ni | lag te tshig gis don yod pa bsgrub par myi nus pa dang | don myed pa la gnod myi nus na ni don dang don myed pa'i the tsoM
skyed pa dang bzlog par myi nus | 'on te nus na ma nges par byed pa'i tshad ma nyid du 'gyur ro zhe na | 'chad pa po rnams kyi tshig ni zhes gsungs so || 'di'i don ni de dag bkag pa dang | bsgrub par byed na ni nges pa kho nar 'gyur ro || shas cher rtogs pa tsaM ni yul bkag pa dang bsgrub par ma byas 'gyur ro zhes bya ba'o || gsuM pa myi dgos pa spang pa ni don du 'gyur ba'i the tsoM tshig gi
'bras bu yin na | tshig dang rjes su 'gro ldog brjod dgos so  || gzhan yang bye brag du dgos 'brel bzhi bstan ba kho nas de bskyed par nus kyi | gsuM pa dang lnga ba lastsogs pas ma yin ba ji ltar zhes dogs pa la | ma bstan na ni zhes pa lastsogs  pas ldog pa brjod pa dang | brjod par bya ba lastsogs pa smras na ni | de zhes bya bas rjes su 'gro ba brjod do  || 'di'i don ni spyir dgos 
'brel kyi ngag dang | the tsom ldog pa dang | rjes su 'gro ba grub pas tshig myed par the tsoM myi skye'o || de bzhin du bzhi lastsogs pa gang rung cig ma smras na don du myi 'gyur ba'i the tsoM myi skye du myi 'gyur ba'i the tsoM skyed | don du 'gyur ba'i the tsoM myi skye la | bzhi las mang pa yang myi dgos ste des na grangs nges pa yang grub po zhes bya ba'o || bzhi pa 'jug bsdu ba ni des na rtog pa dang ldan pa 'jug paʼi yan lag du zhes bya ba'o || dgos 'brel kyi ngag gi dgos
pa bshad pa'o || || tshig gi don la rnaM pa brgyad de | yang dag pa'i shes pa dang | sngon du 'gro ba dang | skyes bu'i don dang | 'grub pa dang | thaMd dang | yin bas na dang | de bstanto zhes bya ba'i tshig gi don to || yang dag pa'i shes pa'i tshig gi don rnaM pa gsuM ste | mtshan nyid nye bar gzung pa dang | mtshan nyid kyi skyon spang pa dang | mtshan nyid la log par rtogs pa dgag pa'o || dang po ni
rnaM pa gnyis ste 'bras bus nye bar mtshon pa dang | byed pas nye bar mtshon pa yang de nyid do || de la 'bras bu ni myi slu ba ste thob pa'o || des nye bar mtshon par byed pa'i nye bar mtshon pa ni myi slu ba'i shes pa'o || byed pa ni rtogs par byed pa'o || des nye bar mtshon pa ni myi rtogs paʼi don gsal bar byed pa'o || de las slob dpon chos kyi drags pas 'bras bu nye bar mtshon pa'i mtshan nyid gsungs pa de gtan la
dbab par 'dod pa'i yang dag pa'i shes pa'i tshig gi don 'chad pa ni myi slu bar byed pa'i shes pa ni yang dag pa'i shes pa yin no zhes bya ba'o | 'dir gzung par bya ba phyin ci ma log pa tsam ni yang dag pa'i shes par myi 'dod kyi | 'on kyang tha snyad pa'i yang dag pa'i shes pa ste myi slu bar byed pa'o || de yang don thob par byed pa'i nus pa | yongsu bcad paʼi don kyi mthar thug pa | thob bya gcod pa'i
byed pa dang 'brel pa ste | nus pa nyid dang de'i yul nus pa'i yul dang nus pa'i rten gyi khyad par gsuM tshogs pa'o || || des na ni don rtogs pa tsaM dang ma bstan ba'i don thob pa'i nus pa dang | rtogs pa'i byed pa dang ma 'brel ba'i nus pa rnaMs rim ba bzhindubkag go || myi slu bar byed pa nyid kyang thob par byed pa nyid yin no zhes ston pa ni 'jig rten na yang zhes bya ba'o || de ltar 'jug par byed pa nyid yin no zhes ston pa ni


thob par byed pa nyid kyang zhes bya ba'o || de ltar yang dag paʼi shes pa dang | myi slu bar byed pa dang | thob par byed pa dang | 'jug par byed pa bzhi ni don cig ste yul dang rten kyi khyad par du byas pa'i nus pa nyid don yin ba'i phyir ro || rten kyi khyad par gcod byed dang ldan pa nyid yin no zhes ston pa ni byed pa nyid brjod pa ni 'jug par byed pa nyid zhes bya ba'o || 'jug paʼi yul ston par byed pa dang | bstan paʼi don thob
par byed pa'i bstan pa'i don la 'jug par byed pa don cig ni ma yinte | de ltar ni bstan pa'i don ston par byed pa zhes bya bar 'gyur na de ltar ni myi rigs shing 'brel ba ma yin no  || 'jug pa'i yul rtogs par byas na rtogs pa'i yul thob pa'i nus pa yang ma nyaMs par gnas pas yul rtogs par byed pa nyid thob par byed pa la myi 'khrul ba'i phyir | ma chod pa'i 'bras bu rtogs pa dang 'brel pa na | chod pa'i 
'bras bu thob pa dang 'brel pa yin no zhes ston pa ni de bas na zhes bya ba'o || byed pas nye bar mtshon pa'i mtshan nyid kyang de nyid yin te | nye bar mtshon byed tha dad kyang don cig ste | khang bzangs bya rog can dang | khang bzangs ba gaM can zhes bya ba bzhin no zhes ston pa ni de bas na ma bcad pa'i yul cani zhes bya ba'o || de lta yin dang ma rtogs pa'i don rtogs par byed pa'i bsal bya ni myi slu bar byed
pas gcod do zhes ston pa ni de bas na zhes bya ba'o || mtshan nyid kyi skyon spang pa la gnyis las dang po ni ma khyab pa'i skyon spang pa'o || 'di la yang gsuM las | dang po 3 la khyab par ston pa ni gal te 'jug yul ston pa ni tshad ma'i byed pa yin na | mngon suM po | 'di ltar yul ston pa ni tha snyad pa yin de yang zhen par byed pa'o || mngon suM ni zhen par byed pa ma yin te | rtog pa myed
pa'i phyir ro ||  snyaM na de la zhes smos so ||  'di'i don ni mngon suM rang nyid zhen par byed pa ma yin yang rang gi yul la zhen pa skyed par byed do ||  des na 'jig pa'i yul ston par byed pa yin no ||  gnyis pa rjes dpag la khyab par ston pa ni | gal te de ltar na rjes su dpag pa la ma khyab ste |  'jug yul ni dngos po yin na rjes su dpag pa ni sgro btags 'dzin pas 'jug yul myi 
ston pa'i phyir ro zhe na | rjes su dpag pa yang zhes bya ba smos so || dngos su sgro btags 'dzin kyang zhen pas phyi rol ston pa'i phyir ro zhes bya ba'i don to || gsuM pa 'jug bsdu ba ni de lta yin dang zhes bya ba'o || ha cang khyab pa spang pa la bzhi las log pa'i shes pa la ha cang khyab pa spong pa ni rnaM par shes pa gzhan ni zhes bya ba'o || 'jug par byed pa ni 'jug yul ston par byed pa la yod pa
yino | log pa'i shes pa ni de ston pa ni ma yin te | des bstan pa ni myed pas 'jug pa'i yul du myi rung pa'i phyir ro zhes bya ba'o || gnyis pa yid gnyis la khyab pa spong ba ni kha cig ni zhes bya ba'o || gsuM pa yid dpyod la ha cang khyab pa spong pa ni rtags myed par zhes bya ba'o || yid dpyod rnaM pa bzhi po rgyu mtshan myed pa dang | log paʼi rgyu mtshan can dang | yang dag pa'i rgyu mtshan gtan la ma
phebs pa dang |  phebs kyang brjed pa ni the tsoM du 'du la the tsoM yang gnyi gar gyur ba myed pa'i yul 'jog pas log pa'i shes par du'o zhes slob dpon chos mchog sems so ||  bcad pa'i yul can dang snang la ma nges pa di 'jug pa'i yul ston pa'i byed pa dang myi ldan pas na 'jug pa'i yul ston pa nyid tshad ma'i byed par brjod pas sngar dpyad pa grub pa'i phyir 'dir ma brjod do ||  bzhi ba 'jug 


| pa na zhes bya ba'o || bdag gis ni 'di ltar rig go || shes pa ni rnam pa bzhi ste | yang dag par rtogs pa dang | ma rtogs pa dang | log par rtogs pa dang | the tsoM mo || de la dang po ni tha snyad pa'i yang dag par rtogs pa kho na yin bas tshad ma'o || gnyis pa ni tha snyad pa'i rtogs pa'i byed pa dang bral ba yin bas snang pa ma nges pa dang bcad pa'i yul can no || gsuM pa ni myed pa'i don rtogs par
byed pa la log pa'i shes pa mtha' dag go || bzhi ba ni gang yang rnaM par myi gcod pas gang yang yongs su myi gcod pa'i phyir don 'jig pa'i nus pa myed pa'o || yid dpyod mtha' dag ni log pa'i shes par 'du ste | don myed par 'byung pas don myed pa'i rang bzhin dang ma bral ba'i phyir ro || dper na du ba dang dus mnyaM du yod pa'i dngos po rnaMs ni me myed kyang 'byung pas mye'i 'bras bu ma yin ba'i rang bzhin dang ma bral
ba bzhin no || mtshan nyid la log par rtogs pa spang pa ni | slob dpon shes rab 'byung gnas sbas pa dang | slob dpon shag kya blo phyi rol kyi nor bu'i 'od la nang gi nor bur sgro 'dogs pa tshad mar 'dod pa dang | slob dpon dul ba'i lha ni phyed kyi dus su nyin bar bu 'ongs par mthong pa'i rmyi laM kyang shes pa tshad mar 'dod pa dang | slob dpon phyogs kyi glang po'i slob ma kha cig dang mu stegs kha cig dang
dkar po la ser por 'khrul pa yang dkar po'i mdog dang dbyibs la tshad mar 'dod pa rnaMs spangs pa'o ||  || de yang rnaM pa bzhi las rnam pa de lta bu la thob bya thob byed myed par bstan pa'i phyir | dang po thob bya thob kyi rang bzhin ston pa ni don byed pa la don du gnyer ba zhes bya'o || gnyis pa rang bzhin gzhan du 'dzin pa la thob byed spyir dgag pa ni de la zhes bya ba'o || gsuM pa so sor dgag pa ni de'i
phyir zhes bya ba'o || 'dir dung dkar po la ser por 'dzin pa de ci mdog gaM 'on te dbyibs pa tshad ma yin | dang po myi 'thad de ser ba'i mdog dngos po myed pa dang | dkar po'i mdog ma rtogs pa'i phyir ro || gnyis pa yang myi 'thade | 'di ltar rdza sa cig gi rang bzhin yan lag can kyi dbyibs saM | rdul phran bkod pa'i dbyibs la tshad ma yin | dang po myi rung ste myed pa'i phyir ro || gnyis pa'ang myi rung
ste bkod pa can ser po'i kha dog myed na | de bkod pa yang myed pa'i phyir dang | dkar po'i kha dog ma bzung na de'i bkod pa yang tshad mas myi rtogs pa'i phyir ro || gal te dkar po'i mdog ma gtogs par de'i bkod pa yang myi rtogs pas de gnyis tha myi dad pa las ma yin naM | de ltar na rigs pa khyad par myed pas myi rtag pa ma rtogs par sngon po tshad mas myi rtogs par 'gyur ro zhe na | ma
yin te tha myi dad kyang chos gang zhig chos gzhan la rten ba de ni rten ma bzung par myi 'dzin la | gang zhig la myi rten pa de ni gzhan ma rtogs kyang 'dzin no || bkod pa yang bkod pa can kyi kha dog la rten pas kha dog ma rtogs par myi rtogs so || sngon po ni myi rtag pa la myi rten bas myi rtag pa ma rtogs kyang rten pa myi 'gal lo  || myi rtag pa sngon po la rten bas sngon po ma rtogs 
par de'i myi rtag pa tshad mas myi rtogs so || gal te rten kyang chos rten pa ma rtogs par rtogs pa dang | kha dog kyang bkod pa'i rten yin na 'o na bkod pa'i bdag nyid dbyibs ma rtogs kyang kha dog la tshad mar 'gyur bas 'gal mye la 'khor lor 'khrul ba chad par 'gyur ro zhe na | myi thal te der ni myeʼi kha dog nyid la 'khrul ba'i phyir te | me myed pa'i yul du mer snang pa'i phyir ro ||


de ltar myi rtog pa ma rtog pa ma rtogs na sngon po nyid la 'khrul ba ni ma yin no  || 'o na bkod paʼi dbyibs dang myi rtag pa kha dog la rten la | bzlog par myi ʼgyur ba ji ltar zhe na | chos gang zhig chos gzhan kyi khyad par can du rtogs pa de ni rten pa yin la | yang gang zhig gzhan kyis khyad par du ma byas par rtogs pa de ni rten yin no  || sngon poʼi myi rtag pa zhes bya ba ni sngon po phyis 
myi 'byung pa yin bas sngon po'i khyad par can yin no || des na rten pa yino || sngon po ni phyis myi 'byung pas khyad par du byas nas rtogs pa ma yin bas rten yin no || de bzhin du de nyid gzhan dang lhan cig pa ni bkod pa yin bas de nyid kyis khyad par du byas ste rtogs so || mdog de nyid tsaM ni bkod pa can yin bas gzhan dang lhan cig pas khyad par du ma byas par rtogs so  || des na bkod pa ni 
mdog la rten kyi bzlog pa ni ma yino de'i phyir dung dkar po la ser por 'dzin pa ni dbyibs la tshad ma ma yin no || || de bzhin du 'od la nor bur 'dzin pa yang tshad ma ma yin no || sgo'i nor bu med pa'i phyir ma rtogs pa'i phyir dang | nor bu tsaM kyi spyi yang de'i rten khyad par ma bzung par myi 'dzin pa'i phyir te | nor bu'i rigs ni phug na gnas pa'i mdog dbyibs can khyad par kyi
chos yin na khyad par de ma rtogs par ga la 'dzin | de bzhin du mngon suM ma yin te 'khrul pa'i phyir ro ||  rjes su dpag pa yang ma yin te | phyogs chos dang 'brel pa rtogs pa sngon du ma song pa'i phyiro ||  khyad par du rjes su dpag ni chos dcan dang chos ma 'brel ba rnaM par bcad pa'i da nir la tshad ma yin na 'di ni de lta ma yin te | phyi rol kyi bzhi dang ma 'brel ba rnaM par bcad pa myed pa dang | nang gi bzhi 
dang ma 'brel ba rnaM par bcad pa yang ma rtogs pa'i phyir ro || 'onte chos tsaM dang chos can tsaM la tshad mar 'dod na ni | chos can 'dzin pa'i mngon suM dang | khyab pa dran pa las rjes su dpag pa khyad par myed par thal lo || des na nor bu 'di la nor bur 'dzin pa ni nor bu la rnaM pa thaMd du tshad ma ma yin no || 'od la ltos ste ni tshad ma yin te | 'od kyi rigs la nor bur sgro 'dogs pas bsgribs pa'i 
phyir tshad ma ma yin yang | 'od kyi mdog gi khyad par la ni tshad ma yinte | rten pa la tshad ma ma yin yang rten tshad ma'i yul du 'gyur ro zhes sngar bshad do || dus gzhan la gzhan du 'dzin pa tshad ma ma yin ba ni dper na ji ltar naM phyed yin ba la nyi ma gung gi ngo bor 'dzin pa'i rmyi laM kyi shes pa ni naM phyed kyi dus la tshad ma ma yin ba bzhin no zhes gsungs so || 'di'i doni nub mo nyal 
ba na nyin bar bu 'ongs par smis par rtogs pa'i blo ni naM phyed la nyi ma gung du 'khrul ba yinte | bu 'ong par snang pa'i shes pa skyes pa'i dus nyid nyi ma gung yin bar 'dzin pa'i phyir dang | de yang dngos po la mtshan mo kho na yin pa'i phyir ro zhes bya ba'o || 'di ni dpyad pa myi 'thade | bu 'ong par snang pa'i blo ni myig phye ba las byung pa dbang po'i blo yin bar rtogs kyi | rnaM par rtog pa yin bar ma rtogso ||
dbang po'i blo yang yul bzhin du nyi ma phyed na skye ba nyid sgro btags pa yin bas mtshan mo skyes pa ji ltar yin | des na de skyes pa'i dus mtshan mo ma yin bas mtshan mo la nyi ma gung du 'khrul yin no ||  rnaM par rtog pa mtshan mo skyes mod kyi | 'on kyang de ni 'khrul bas ma rtogs so || des na skye ba'i dus la nyi ma gung du 'khrul ba yang ma yin te | de skye ba'i dus nyid ma rtogs pa'i phyaro || 


| des na 'di'i tshad ma ma yin yang | dus gzhan la gzhan du 'khrul ba ni ma yino || gal te ni phyed la nyi ma gung du 'khrul ba ma yin na | 'byung par 'gyur ba'i nyi ma gung nyid la de ltar 'dzin pas ji ltar tshad ma ma yin zhe na | don kyi stobs kyis ma zhugs pas de dang ma 'brel ba'i phyir | don myed kyang 'byung pas don myed kyang rang bzhin las ma 'das so || des yid
yid dpyod bzhin du log pa'i shes pa kho na'o || de ltar na rnal 'byor ba'i shes pa yang log pa'i shes par 'gyur ro zhe na | de ni don dang 'brel ba ma yin yang log par 'gro ba'i bag chags spang pas | don ji lta ba bzhin du 'jug pa ma yin no || des na don myed par 'byung pa'i rang bzhin ma yin bas log pa'i shes pa ma yin no || || bzhi ba rtsod pa spang pa ni ma nges pa dang
zhes bya ba'o || 'di 'i don ni ji ltar bcad pa'i yul dang | rnaM pa ni de kho na bzhin thob mod kyi | ji ltar bcad pa'i dus ni ma thob ste | da ltar kyi dus kyi buM pa bcad pa'i phyir dang | de yang thob bya ma yin ba'i phyir || 'byung par 'gyur ba'i buM pa ni thob kyang ma bcad paʼi phyir ro | zhes bya ba'o | lan ni bcad paʼi tshe nyid thob bya yod par ni myi brjod kyi 'on kyang 'byung par 'gyur ba'i thob bya la de ltar
bcad pa yinte | phyis kyi gnas skabs na thob pa yod par nges pa'i phyir ro || 'o na phyis kyi gnas skabs da ltar rtogs par ji ltar nus zhe na | da ltar dang tha myi dad par zhen pas | da lta'i gnas skabs yod pa bzhin phyis kyi gnas skabs kyang yod par nges pa'i phyir ro || || sngon 'gro'i tshigi don 'chad pa ni gang gi sngon du zhes bya ba'o || rgyu'i sgra bzhag nas sngon du song pa'i sgra smos pa'i yon tan
ni rgyu'i sgras bstan pa'i don brjod pa'i don brjod pa ni rgyu'i sgra smros na zhes bya ba'o || dngos kyi rgyu kho na rgyu yin kyi brgyud paʼi rgyu ni rgyu'i rgyu yin bas btags nas rgyur brjod kyang | rgyu'i sgra'i don mtshan nyid pa ma yin ba'i phyiro zhes bsams pa'o || sngon du song pa'i sgras ni de ltar bstan ba yino zhes bshad pa ni sngon du song pa zhes bya ba'o || sngon du song pa ni spyi'i yin bas sngos dang brgyud pa gnyi
ka la yod la | de yang skabs don kyi shugs kyis brjod pa'i rgyu la brjod par 'grub po zhes bya ba'i don to || des cir 'gyur ba zhe na | 'dod pa'i yang dag pa'i shes pa la 'jug par grub po zhes pa ni yang dag pa'i shes pa ni zhes bya ba'o || don byed par snang pa ni dngos su thob par byed pa'i rgyu yin mod kyi zhes bya ba ji ltar dngos su thob pa'i rgyu yin te | thob pa'i rang bzhin ma yin naM 'di ltar thob pa ni don
bsgrub pa yin no ||   | don nyid dang | ser snang pa'i shes pa'o || don byed par snang pa'i don kyis na 'bras bu yin | shes pa'i ni rang bzhin yin bas bas dngos kyi rgyu ma yin no zhe na | don byed par snang pa zhes bya ba 'bras bu kho nas snang pa ni ma yinte | 'on kyang 'bras bu byed bzhin pa'i rgyu snang pa yin no || de yang 'bras bur snang pa'i dngos kyi rgyu yin bas de ltar brjod do || de la don thob pa ni don
thob pa don du gnyer ba rnams yid gnyis myed pa de'i phyir de brtag par bya ba ma yin no zhes bya ba ni yang dag pa'i shes pa nyid du grub bas blang bya nyid du grub pa'i phyir na yang tshad ma spyi'i mtshan nyid dang bye brag gi mtshan nyid dang ldan bar bstan pa'i sgo nas blang bya nyid du bsgrub myi dgos so snyam du dogs pa'o || 'di ni myi 'thade | don grub pa'i dngos kyi rgyu nyid du myong yang myong pa'i don la rmongs pa srid pas


de bzlog pa'i phyir bstan chos su dpyad de | bstan chos ni rmongs pa bzlog par byed pa yin noʼi phyir ro || myong pa'i don la rmongs pa myi srid na ni | tha snyad bsgrub pa'i rjes su dpag pa mtha' dag don myed do || gzhan yang tshad ma nyid du grub pas myi brtag na rjes su dpag pa mtha dag dang goms pa pa'i mngon suM mtha' dag kyang myi dpyad par thal te | rang nyid las tshad ma grub ba'i phyir ro || 
gzhan las grub pa rnaMs kyang thabs gzhan kyis tshad mar nges pas de la bstan chos | skyes bu'i don ni zhes bya ba yang don ni don du gnyer bar bya ba ste | 'bad pas bsgrub par bya ba'o || de yang gnyis ste | phan 'dogs pa blang bya dang | gnod pa'i byed pa dor bya'o || btang snyoMs ni dngos po de gnyis su ma 'dus par yod kyang don ni ma yinte | phan myi 'dogs pas thob pa don du mnyer bya ma yin pa dang | gnod par
myi byed pas dor bar don du gnyer ba ma yin pa'i phyir ro || des na slob dpon chos mchog gis dor byar bsdus pa dang | slob dpon du ba'i lhas don gsuM par bshad pa gnyi ka 'khrul pa yin no || de grub pa ni dor ba dang len pa'o zhes bya ba lta bu'o || dor ba grub pa dang len ba grub pa'o || de yang 'bad pas bskyed pa yin kyi rgyu'i mthus rang bzhin kyis grub pa ni ma yin no || thaMd kyi sgra ni zhes bya ba la rdzas ma lus
pa ni gsal ba nyid ma lus pa'o || rnaM pa ma lus pa ni rigs tsaM ma lus pa'o || de yang dper na 'byung po thaMd 'chi'o zhes bya ba dang | nad thaMd sel lo zhes bya ba lta bu'o || log pa'i shes pa la bya rog dang ta la tsaM du yang don grub pa myed do zhes bya ba lastsogs pas ni gzhan las don grub pa 'gog pa'o || des na phyi rol kyi bems po lastsogs pas kyang don grub pa myed par grub ste
rigs pa mtshungs pa'i phyir ro || ji ltar sman dang lus ngag gi byed pas don grub pa ltar ni log pa'i shes pas kyang grub ste | myi sdug pa lastsogs pas 'dod chags dang bral ba lastsogs pa yang 'grub po || ji ltar sman dang nad zhi ba lastsogs pas ni 'brel ba tshad mas nges nas de'i rgyu bsgrubs pas don grub pa'i phyir sman lastsogs pa skye ba'i rgyu tsaM yin kyi | rjes su bsgrub pa'i rgyu ni myi sdug pa bsgoMs
'bad rtsol las chags pa zhi ba dang | bde ba thob pa nyid skye bar tshad mes nges nas de'i rgyu bsgrubs pas don grub pa'i phyir | myi sdug pa dang lus kyi 'bab rtsol lasogs pa ni skye ba'i rgyu tsaM yin kyi rjes su bsgrub pa'i rgyu ni tshad ma kho na yino || des na yang dag pa'i shes pa'i rgyu can du grub pa la rgyu gzhan dgag pa'i phyir | yang dag pa'i shes pa kho na'i rgyu can zhes pa dang de'i rgyu can du ma grub
pa bsgrub pa'i phyir yang dag pa'i rgyu can kho na zhes gzung pa gnyi ka bya'o || || dgos 'brel bshad pa'o || || tshad ma'i dbye ba bstan pa'i phyir | 'dir log par rtogs pa ni rnaM pa bzhi ste zhes bya ba smos so || dbye ba 'di la rnaM pa bzhi las dang po drangs kyi don ni | 'di la bye brag gnyis yod bas na rnaM pa gnyis so zhes bya ba'o || bye brag rnaM pa gnyis zhes bya ba ngo bo tha dad
pa gnyis nyid ni ma yin te | rang rig pa las ngo bo tha dad na rig pa nyid ma yin bar 'gyur ba'i phyir ro || rang rig pa'i rang bzhin ni rig pa'i rang bzhin kho na yin ba'i phyir ro || tshad ma gnyis kyi gzung yul ltar cig bkag pa tsaM yang ma yin no || 'di ltar kha cig mngon suM rang rig pa'i rang bzhin don daM par yod la | rjes su dpag pa rnaM par rtog par rtog pa ni don daM par myed kyi 


| kun rdzob du yod do zhes zer ba ni myi rigs ste rang rig pa las ngo bo tha dad na | rnaM rtog dngos por yod ba la gnod byed myed pa dang | tha snyad du yang bsgrub byed myed par thal pa dang | dngos por yod pa'i bsgrub byed yod pa'i phyir ro || dang po ni gal te yul dngos po myed pas de 'dzin pa dngos po myi 'thado zhes 'dod na | yul myed pas 'dzin pa ma 'khrul pa dgag par nus kyang | 'khrul pa ni yul yod pa 
la ltos pas myi nus so || des na dngos po myed pa'i bsgrub byed ci yod | gnyis pa ni rnam rtog tha dad du yod par yang tshad mas myi 'grub par 'gyur te | tshad ma ni dngos po'i yul can yin pa'i phyir ro || de lta ma yin na 'khrul pa es pa mtha' dag kyang rang gi yul la tshad mar thal lo || bye brag du dbang po dang yid kyi mngon suM kyis ni myi 'grub ste | phyi'i dngos po'i yul can yin 
pa'i phyir ro || rang rig pas kyang ma yin te | rtog pa rang gi ngo bo ma yin pa'i phyiro || rnal 'byor kyi mngon suM kyis kyang ma yin te myed pa'i phyir ro || rjes su dpag pas kyang ma yin te rtog pa dngos po ma yin na de'i rang bzhin dang 'bras bu yang dngos por 'gal bas dngon suM kyi yul ma yin pa'i phyir dang | de yang rjes su dpag pas bsgrub na thug pa myed par thal pa'i phyir ro || de ltar tha
snyad du yang ma grub na ri bong dang khyad par myed na de gzhal bya rnaM par 'jog pa'i tshad mar myi 'gyur ro || gsuM pa ni rnam par rtog pa dngos por yod pa rang rig pas grub pa dang | gzhan kyi rgyud la rjes dpag gis nges pa'i phyir te myed pa la tshad mas gnod do || des na dngos po cig la rang gi mtshan nyid mngon suM dang | rnaM par rtog pa rjes su dpag pa gnyis rtog pa'i dbye bas brtags pa yin no || 
de ni grangs kyi don no || || dbye ba smos pa ni | gal te grangs bstan pa'i don myed de de ma brjod kyang mtshan nyid gnyis bshad pas grangs nges pa'i phyir ro || yang na grangs ma smras par grangs ma nges mod | grangs nges pa nyid don myed de | rang bzhin nges pa kho nas rang bzhin la 'jug pa dang | gzhan kyi rang bzhin can spong pas skyes bu'i 'jug ldog nyaMs pa myed pa'i phyir ro zhes rgol na | re shig rtsod 
pa dang po ni myed de grangs ma smras na mtshan nyid gnyis bshad kyang 'dir ni re shig 'di tsaM bshad par zad kyi | gzhan yang myed pa ni ma yin no || zhes rtogs par 'gyur ba'i phyir ro || gnyis pa yang myed de grangs nges pa ma rtogs par mtshan nyid myi rtogs pa'i phyir ro zhes ston pa ni yang dag pa'i shes pa'i gsal ba ni zhes bya ba'o || gsal ba'i dbye ba ni mtshan gzhi'i dngos po dbye ba'o ||
gsal ba'i dbye ba bstan pa nyid kyis ci bya snyaM na | gsal ba'i dbye ba bstan na ni zhes smos so || so sor nges pa'i yang dag pa'i shes pa'i mtshan nyid ni mngon suM da gyi mtshan nyid rjes su dpag pa'i mtshan nyid do || de bstan pas kyang cir 'gyur zhe na | rang gi mtshan gzhi la spyi'i mtshan nyid myi slu ba yod pa dang | gzhan la myed pas mtshon bar byed do snyaM du dgongs pa'o ||
so sor nges pa'i mtshan nyid ma rtogs mod | de'i gsal ba la yod cing gzhan la myed paʼi mtshan nyid gzhan dbye ba ma bstan par rtogs pa nyid kyis rang gi rten la myi slu ba mtshon to snyaM na | gsal ba'i dbye ba ma bstan na ni zhes smos so || smra bar myi nus so zhes bya ba ni myed pa'i phyir ro || snyaM du dgongs pa'o || de bas na zhes bya ba ni 'jug bsdu ba'o ||


de ltar na grangs bstan pas ni gsal ba'i dbye ba rtogs so || des ni de la yod pa'i so so'i mtshan nyid rtogs so || des ni rang gi rten la myi slu ba yod la gzhan la myed par rtogs pas myi slu ba don du gnyer ba rnams kyi 'jug pa'i yul bstan bar 'gyur ro zhes gnas so || 'di la kun tu bzang po ni mtshan nyid bstan par nus kyi zhes bya ba | ci de kho nas nus saM | 'on te des kyang nus 
dang po ltar na yang bsal ba'i dbye ba bstan pa don myed do zhes rtsod na | gsal ba'i dbye ba ma bstan na ni zhes ldog pa smras so || 'di la yang so so nges pa de myed par bstan par nus pa kho nas drangs don myed pa myi spongs so || des na bzlog pa brjod pa ni ma brelto || gal te cig po dang so sor nges pa gnyi ga bstan par myi nus na ni | gcig po zhes khyad par gzung pa don myed do || grangs ma 
bstan par yang rnaM 'grel lasogs par mtshan nyid cig po bstan pas ldog pa ma grub pa yang yin no zhes rtsod na | ma yin te snga mar yang so sor nges pa'i mtshan nyid cig po bstan par nus kyi zhes cig po zhes bya ba la ltos la | phyi mar yang cig po so sor nges pa la smra bar myi nus so zhes so sor nges pa la ltos so || des na skabs kyi 'bras bu khas blangs pa nyid kyi ldog pa brjod pas ma 
'brel ma yin la | cig po nyid rtogs pa 'bras bu yin pas khyad par bzung pa don myed pa yang ma yin no || ldog pa ma grub pa yang ma yin te rnam 'grel lasogs par grangs ma bstan par mtshan nyid cig po gsal ba so so ma nges par rtogs pa'i phyir ro zhes 'chad do ||  || gsuM pa mying don la gnyis ste | mngon suM kyi mying gi don dang | rjes su dpag pa'i mying gi to || dang po la bzhi 
las dang po mying gi don sgra bshad pa'i yul ston pa ni 'jug pa'i rgyu mtshani ma yin no zhes bya ba yan chado  || gnyis pa 'jug pa'i gzhi ni dbang po la rten pa nyid 'dis ni zhes bya ba nas bya ba yan chad do || gsuM pa de gnyis tha dad par bsgrub pa ni ji ste nas 'gyur ro yan chad do || tha dad pa'i dpe ni dper na zhes bya ba bzhin no zhes bya ba'i bar ro || rjes su dpag pa'i mying la ni bshad pa'i rgyu 
mtshan dang 'jug pa'i rgyu mtshan tha myi dad do || bsdu ba'i don ston pa ni dang zhes bya ba ni zhes bya ba la sogs pa'o ||  || mngon suM kyi mtshan nyid la gnyis te | thun mong gi mtshan nyid dang | khyad par kyi mtshan nyid do || dang po la gnyis ste bstan pa dang | bshad pa'o || bstan pa la bzhi las dang po bdun pa'i don ni de la zhes bya ba nas | dmyigs kyir dgar ba'o zhes bya ba'i baro ||
gnyis pa bsgrub pa dang rjes su brjod pa'i tshul ston pa ni | de la mngon suM nyid rjes su brjod nas zhes bya ba lasogs pa'o || grub zin pa ma grub pa bsgrub pa'i yan lag du bston pa ni rjes su brjod pa'i tshul yin la ma grub pa bsgrub pa ni sgrub pa yin no || 'di la slob dpon ka ma la shi la na re | mtshan nyid ni grub pa yin te mtshon par byed pa yin ba'i phyir ro || mtshon bya'i ma
grub pas bsgrub pa yin na mtshan nyid dang mtshon bya phyin ci log du thalo zhes gsungs so || 'di la slob dpon chos mchog na re | gnas skabs ni gnyis ste mtshan gtan la 'bebs pa dang | mtshan nyid kyis tha snyad du byed do || dang po ni rgyu'i rgyu'i rtags ni gtsug phud yin no zhes bya ba bzhin du mtshon bya rjes su brjod nas mtshan nyid bsgrub pa yino || 


| gnyis pa ni mtshan nyid kyis mtshon bya rtogs par byed pa yin te | 'di ni kun tu rgyu yin te gtsug phud yod pas so zhes bya ba bzhin no || des na da lta ni mtshan nyid gtan la 'bebs pa yin bas de nyid bsgrub par 'thad to || de lta ma yin na nyes pa gnyis ste | rten dang 'gal ba dang | rigs pa dang 'gal ba'o || dang po ni kun tu rgyu'i dpe' bstan zin to || gnyis pa yang ci mtshan nyid sngar grub
na gzhi myed par ram | gzhi la | dang po ni myi srid do || gnyis pa ltar na mtshon bya yang grub pas bsgrub du ci yod zhes gsung nga || des na 'dir mtshon bya bsgrub pa la mtshan nyid rtog pa dang bral zhing ma 'khrul ba bsgrub pa yin no || 'di la slob dpon rab du zhi ba bzang po 'di skad ces | mying dang mying can kyi 'brel pa ci zhig bsgrub par zad kyi | mtshon bya grub pa la mtshan nyid bsgrubs pa'am | mtshan 
nyid grub pas mtshon bya bsgrub pa ni ma yin te | rtog bral ma 'khrul ba nyid la mgnon suM zhes 'dogs pa'i phyir ro zhes zer ba'i don la bsdu ni | rtog pa dang bral zhing ma 'khrul ba nyid bsgrub pa yin na zhes bya ba'o || de la nyes pa gsuM ste | skabs su ma bab pa'i grangs lasogs pa la log par rtogs pa sel ba na mying dang mying can kyi 'brel ba skabs su ma bab po | dgos pa myed pa ni
des don la dpog par rtogs pa mi sel ba'o || mying gi don ma yin ba ni rtog pa dang bral zhing ma 'khrul ba ni mngon suM kyi don ma yin te | 'on kyang don la mngon du byed pa yin dang | gsal bar snang pa nyid dang | dbang po'i rjes su 'gro ba dang | ldog pa'i rjes su byed pa nyid da zhes bya ba'o || gsuM pa mtshan nyid kyi rang bzhin bston pa ni rtog pa dang bral te mi ldan pa ni zhes bya ba'o || mtshan nyid dang po
'di la mi mthun pa myed do || mtshan nyid gnyis pa thob bya'i don la ma 'khrul ba yin ba bkag nas | gzung pa'i yul la ma 'khrul ba ston pa ni | ma 'khrul ba'i don ni don byed pa'i nus pa'i dngos po'i ngo bo la phyin ci ma log pa'o || zhes bya ba'o || de yang slob dpon kyis 'khrul ba ni log par snang pa yin no zhes bshad pas de bral ba gzung yul la ma 'khrul ba grub po | yang rnaM par rtog pa
dngos po myi snang pas mgnon suM ltar snang par bshad pas na | de las bzlog pa mngon suM dngos por snang par grub po  || yang rjes su dpag pa gzung yul la 'khrul par brjod pas | mngon suM gzung yul la ma 'khrul par grub ste | de lta ma yin na rjes su dpag pa dmyigs kyis 'dzin pa'i rgyu ci yin | yang dag pa'i shes pa yin bas myi slu bar grub pa bzhin du ma 'khrul bas myi slu ba brjod na ma 'brel 
bar thal pa'i phyir ro zhes gsungso || de ni myi 'thade log par snang pa ni gzung yul 'khrul pa'i mtshan nyid yin kyi | 'khrul pa'i sgras brjod par bya ba tsaM kyi mtshan nyid ni ma yin te | 'khrul pa dang kun rdzob shes pa dang zhes bya ba 'khrul pa'i don ni log par snang pa la myi 'dod pa'i phyir ro || 'dod na ni kun rdzob kyi shes pa dang rjes su dpag pa lasogs pa yang der 'dus par thal lo ||
gzhan yang dngos po myi snang pas rnaM par rtog pa mngon suM ltar snang par bshad mod | de las bzlog pa mgnon suM gzung yul la ma 'khrul par ji ltar grub | dngos po myi snang pa'i don ni gzung yul la 'khrul pa yin ba'i phyir ro zhe na | 'o na rtog pa myed 'khrul pa kun kyang dngos po myi snang par 'gyur ro || de lta na'o zhe na | 'o na dngos por zhen pa yod daM myed | dang po ltar na rnaM par rtog par


thal lo || gnyis pa ltar na dngos por gtan ma bzung par thal te zhen pa dang snang pa las gzhan pa'i 'dzin pa'i byed pa myed pa'i phyir ro || dngos po gtan ma rtogs na 'khrul pa nyid nyaMs par 'gyur ro || des na dngos po snang pa tsaM kyis ni gzung yul la ma 'khrul bar myi 'grub po || rjes su dpag pa nyid gzung pa la 'khrul par bshad pa yang rjes dpag ni cig du de ltar nges pa'i phyir ro || mngon suM 
ni de ltar ma nges pas gzung pa la 'khrul par ma bshad par zad kyi | mngon suM gzung yul la 'khrul pa myi srid pa ni ma yin no || myi slu ba nyid du yang dag pa'i shes pa yin bas grub kyang 'dir mgnon suM kyi mtshan nyid du ma grub pas da ltar bsgrub pa yin no || don gyis bsgrub pa tsaM ni mtshan nyid ma yin te | yod pa dang shes bya lasogs pa la mtshan nyid du thal ba'i phyir dang | myi slu 
ba yang mngon suM dang rjes su dpag pa gnyi ka la yang mtshan nyid gsuM par thal ba'i phyir ro || de ltar 'dod na yang des ci zhig rnaM par gcod | mtshan nyid ni rnaM par gcod pa la ltos pa yin no ||  || mtshan nyid nye bar gzung pa'i dgos pa ston pa ni | mtshan nyid de gnyi ka yang zhes bya ba'o || de la ma 'khrul bas rjes dpag sel ba nyid 'gog pa ni 'di ltar rtog pa dang bral ba smos pa nyid kyis zhes bya
ba'o || rjes su dpag pa sel nus pa'i mtshan nyid gzhan dang lhan cig smos pa'i phyir rjes su dpag pa sel nus pa'i 'bras bu can ma yin no zhes bya ba'o | don no || ma 'khrul ba rjes su dpag pa sel ba'i don du log par rtogs pa su yod ce na | su yang myed mod kyi 'dir ma 'khrul ba rigs myi mthun pa bsal ba'i don du smos pas 'gog go || rigs myi mthun pa yang gnyis ste | yang dag paʼi shes pa yin ba dang
ma yin ba'o || dang po ni gnyi ka'i thun mong gi chos yang dag pa'i shes pa'i mtshan nyid mngon suM la yod par brjod pas de myed pa la tha snyad par grub po || gnyis pa yang rjes dpag kho na yin bas ma 'khrul ba'i rigs myi mthun pa rnaM par gcod par byed na rjes su dpag pa gcod par khas blang par bya dgos na | de yang 'di dag 'thad par bstan pa yin no || 'di log par rtogs pa sel ba'i don can
du ston pa ni | de la ma 'khrul ba smos na shes bya ba lasogs pa'o || de ma yin ba'i don la der rtog pa sel ba ni rigs myi mthun pa sel ba yin la | de sel ba'i mtshan nyid kyi ngag nyid la the tsoM sel ba ni log par rtogs pa sel ba yin no || ma 'khrul bas kyang myi slu ba'i mtshan nyid gsal bar byed pas de'i ngag la the tsoM spong par byed pa yin no || rtog pa dang bral ba rjes su
dpag pa sel ba 'gog pa ni de bzhin du zhes bya ba'o || log par rtogs pa sel bar bsgrub pa ni rtog pa dang bral ba smos pa ni zhes bya ba'o || 'dis ni 'khrul ba'i don gsal bar ston pas de'i ngag la the tsom spong ngo zhes bya ba'i donto || mdor bstan pa'i thun mong gi mtshan nyid de nyid 'chad do || de la gnyis las dang po rtog pa dang bral ba 'chad do || de la yang mtshan
nyid kyi ngo bo ston pa ni rtog pa yang ci 'dra ba zhig zhes bya ba nas gnyi ka yang rung pa smos pas bsdus pa yin no || zhes bya ba'i bar ro || mtshan nyid des khyab par bsgrub pa ni | brjod pa dang 'gres pa na | ji ltar rung pa nyid du shes par bya zhe na | zhes rgol ba bkod pa sngon du 'gro btang nas ston par byed do || 'di la lus ngag gi bya ba las rjes su rjes su dpag pa byis pa'i rnaM par rtog 


| pa ni chos can no || ming dang don 'brel par snang par nus pa zhes bya ba khyad par yin la thaMd snang par nus pa ni spyi tsaM yino || spyi las khyad par dpog pa ma nges pa yang ma yin no || khyad par tshogs pa la gnas pa'i spyi ni khyad par la myi 'khrul ba'i phyir ro || khyad par srid pa tsaM la gnas pa'i spyis khyad par dpog pa ni 'khrul ste | shing las sha pa bzhin no ||
khyad par thaMd tshogs pa'i spyi yod par grub na | khyad par myed par dogs pa yang ldog pas don grub mod kyi tha snyad bsgrub pa yin no || tshogs pa'i spyi de ni rjes su dpag pas nges la des kyang don kyis khyad par grub kyi | dngos su ni ma yin bas tha snyad ma grub pa myi 'gal te | rjes su dpag pa ni dngos su grub pa'i don la tha snyad rang gis rtogs kyang shugs kyis nges pa'i don la tha snyad ma rtogs 
pa myi 'gal ba'i phyir ro || de la yang gtan tshigs snang pa nges pa'i rgyu myed pa ste | nges pa'i rgyu myed pa'i shes pa yin ba'i phyir zhes ma yin bar dgag pa'i don gtan tshigs su blta'o || rgyu myed pa'i don nyid ston pa ni gzung pa'i don kyis zhes bya ba'o || de ltar na rab rib du snang pa lasogs pas ma nges so zhe na | snang pa nges pa'i rgyu ni gsuM ste | dbang po dang | de ma thag
pa'i khyad par la goms pa dang | gnyid lasogs pa dang | yul lo || byis pa'i shes pa rtog pa can dbang po la ma byung par ni grub pa kho na'o || goMs pa lastsogs pa las skye ba lasogs pa yang chos can du myi byed do || gsal snang gi rgyu gnyid lastsogs pas ma bskyed pa nyid chos can du byed do || des na snang pa nges pa'i rgyu gzhan myed par grub pas don 'ba zhig 
lus so || bkag pa na snang pa nges pa'i rgyu mtha' dag myed par nges pa gtan tshigs kyi don du 'gyur bas | rab rib du snang pa lasogs pas ma nges pa ma yin te | de la gtan tshigs myi 'jug pa'i phyir ro || 'di la yang gtan tshigs don nye bar myi ltos te | de nyid gang las snyaM na | re shig snga phyi cig du sre ba log na 'jug par byed pa nyid ldog go zhes ston pa ni | byis pa rnaM byang zhes bya 
ba'o || des na 'jug par byed pas snga phyi cig du grub po zhes dgongs so || snga phyi cig du sre ba grub na rtogs pa cig gi yul yin bas don nye ba la myi ltos pa nyid du grub po zhes ston pa ni | sngon mthong pa dang zhes bya ba'o || de ltar rtog pa'i mtshan nyid bstan nas | de dang bral ba'i rang bzhin ston no || de yang rnaM pa bzhi las | dang po rtog pa 'gog pa'i tshad ma ston pa ni | dbang po'i rnaM
par shes pa ni zhes bya ba'o || de bas na zhes bya ba ni snang pa nges pa nas te | mying gis dben ba'i don 'ba' zhig snang bas na mying dang 'brel bar rung pa snang pa ma yin no zhes dgongs pa'o || snang pa nges pa yang snang pa nges pa'i rgyu las byung pa'i phyir ro || de yang don nye ba la ltos pa'i phyir ro || gnyis pa tshad ma 'di la ma nges pa spong pa ni | gal te mying gis dben pa'i don snang par nges kyang
mying dang 'brel bar rung pa snang pa ci 'gal te | don rang gi mtshan nyid kyi rang bzhin ni sgra dang 'brel bar rung pa ma yin no snyaM na | de nyid kyi phyir zhes gsungs ste | snang pa nges pa myed pa'i phyir ro || gal te don rang gi mtshan nyid kyi rang bzhin sgras brjod par nus pa yin yang de'i mying 'dzin bar myi nus pa yin yang myi 'dzin te | myi rtag pa dang nus pa lasogs pa ltar


rnaM pa'i khyad par myed pas myong pas gcad par bya ba ma yin ba'i phyiro || des na de yang 'bras bu mthong pa las nus pa nges pa bzhin du mying snang pa la ltos nas snang pas don 'ba zhig snang pa la myi srid do || gsuM pa phyogs cig la ma grub pa spong pa ni gal te de lta yang mying gis dben pa'i don 'ba zhig snang pa zhes bya ba ni rna ba'i rnaM par shes pa la myed pas dbang po'i shes pa'i phyogs cig la ma 
grub po snyaM du dogs pa ni 'o na zhes bya ba'o || de lta bu'i skyon myed de zhes bya ba ni | de la'ang brjod byed du snang pa ni myed kyi dngos po tsaM snang par zad pas gtan tshigs ma khyab pa ma yin no zhes bya ba'i donto || bzhi pa rtog pa dang bral ba'i mtshan nyid du sbyar ba'i tshul ston pa ni de dang zhes bya ba ni zhes bya ba lasogs pa'o || ma 'khrul rgyas par bshad pa la bzhi las dang po 'khrul pa'i rgyu rnaMs kyi rten tha dad pa ni |
rab rib ni zhes bya ba lasogs pa'o || dbang po la yod pa zhes bya ba ni dbang po nyid la gnas na dbang po rnam par 'gyur bar byed pa'o || gzhan gsuM yang de bzhin du blta'o || khyad par ni lus la gnas nas myig lasogs pa sgyur na ni rten la gnas pas lus nyid rnaM par sgyur na ni dbang po la gnas pa'o || phyi rol kyi rten la gnas na ni nang gi rten la gnas pa logs su bshad pa myi 'thad de | nang gi
rten la rnaM par 'gyur ba ma bskyed par phyi'i rten 'khrul ba'i rgyu ma yin ba dang | bskyed nas yin na yang nang gi rten la gnas pa nyid dngos su 'khrul pa'i rgyu yin la | phyi'i rten ni mtshon dang dug lasogs pa ltar brgyud pa'i rgyu tsaM yin ba'i phyir ro || brgyud pa'i rgyu yang logs su ston na ni | rab rib kyi rgyu zas dang nyi ma'i 'od lasogs pa yang tha dad par ston pas mtha' yas pa'i phyir ro zhe na | de bden 
te des na chos mchog chen por grur zhugs pa'i 'khrugs pa lasogs pa zhes rgyu gsuM bshad do || 'dir ni slob dpon chos mchog gis legs par ma brtags par nges so || gnyis pa 'khrul pa'i rgyu rnaMs nus pa tha myi dad pa ni | 'khrul pa'i rgyu dbang po la yod pa dang zhes bya ba lasogs pa'o || gsuM pa bsogs pas bsdus pa'i don ni bsogs pa smos pas ni zhes bya ba lasogs pa'o || bzhi ba ma 'khrul
ba'i rang bzhin ni de dag gis 'khrul ba gang du ma bskyed pa'i zhes bya ba'o || || de ltar thun mong gi mtshan nyid bstan nas | da ni khyad par kyi mtshan nyid stonto | 'di la lnga las dang po dbye ba bstan pa ni de ltar zhes bya ba'o || gnyis pa dbang po'i shes pa'i mtshan nyid ston pa ni dbang po dang 'brel pa'i don ni zhes bya ba'o || gsuM pa yid kyi mngon suM ston ba ni yid kyi mngon suM la
zhes bya ba'o || 'di la bzhi ste | mtshan nyid kyi khyad par dang | mtshan nyid rnaM par bzhag pa'i dgos pa dang | skye ba'i dus dang nges par byed pa'i tshad ma'o || dang po ni gsuM ste | rang bzhin kyi khyad par dang | yul kyi khyad par dang | nye bar len pa'i khyad par gsuM dang ldan pa'o || rang bzhin kyi khyad par ni yid kyi rnaM par shes pa zhes bya ba ste | yid tsaM kyi bdag po'i bdag po'i rgyu las byung pa'o ||
shes pa'i rgyu ni gnyis ste | nye bar len pa dang lhan cig skyes pa'o || dang po ni khyad par myi rtag pa'i skyed byed yin la | gnyis ni rang gi ngo bo tsaM kyi de yang blo tsaM la yod pa'i 'dzin pa'i rnaM pa skyed pa'i rgyu la yid ces brjod do || des na yid tsaM las 'dzin pa'i rnaM pa skyes pa ni yid kyi rnaM pa shes pa zhes bya ba'o || yul kyi khyad par ni dbang po'i shes pa'i gzung yul kyi skad cig 2pa'o ||


| de ni gzung pa'i rnaM pa gtod pa'i rgyu'o || nye bar len pa ni 'dzin pa dang gzung pa'i rnaM pa de gnyi ka'i rten du gyur ba rang gi ngo bo nyid skyed pa'i rgyu ste | rig pa tsaM du byed pa'o || de yang snga ma'i rig pa tsaM mo || yid kyi rnaM par shes pa yid tsaM kyi rgyu las skye ba yin yang yid kyi mgnon suM ni dbang po'i shes pa la yod pa'i rig pa tsaM las rang gi ngo bo skye ba yin no || don de nyid gzhung nas ston pa ni phyi ma bzung pa yin no ||
yan chad kyis ni yul kyi khyad par brjod do || lhan cig byed pa de zhes bya ba nas lhan cig byed pa yin no'i bar kyis ni lhan cig byed pa'i donto || 'di 'dra ba'i zhes bya ba nas des skyed pa'o zhes bya ba'i bar kyis ni nye bar len pa'i khyad par ro || 'dis ni zhes bya ba nas smra ba yin no zhes bya bas ni rang bzhin kyi khyad par ro || de ltar rnaM ba bzhis mtshan nyid kyi khyad par bshad nas | mtshan nyid rnaM par gzhag
pa'i dgos pa ston pa ni de'i phyir nas bsal ba yin no'i bar ro || dgos pa ni rnaM pa gnyis ste | rigs myi mthun rnam par gcad pa dang | glang ka spang pa'o || dang po ni yul kyi khyad par brjod pas ni 'khrul ba dang rnaM par rtog pa'i yid bsalto || nye bar len pa'i khyad par brjod pas ni rgyu gzhan la yod pa'i yid bsalto || yid kyi rnam par shes pa zhes bya bas ni yul dang nye bar len pa de lta bu las
byung ba'i dbang gis shes pa bsalto || 'dir rgyud gzhan kyi yid bsal bar gsungs pa ni nye bar mtshon byed du blta'o || glan ka spang pa ni don gzhan myi 'dzin na bcad pa'i yul can du thal ba dang | 'dzin na dbang po'i shes pa la myi ltos na | 'on long myed pa dang | ltos kyang don gzhan 'dzin bas 'on long myed par thal ba brjod pa las | yul gzhan yin bas nyes pa dang po spangs so || de'i rgyun
'dzin bas don gzhan myi 'dzin ba'i phyir 'on long myed pa'i nyes pa myed la | de'i nyer len la ltos pas gtan tshigs myi ltos pa yang ma yin no || zhes slob dpon chos mchog dgongs so || yul skad cig gzhan yin bas bzung zin bar myi 'gyur ba yang rnal 'byor ba la ltos nas brjod de | tshu rol mthong pa la ni skad cig tha dad par rtogs pa'i tshad ma myed pas rgyun la ltos nas
bcad pa'i yul can nyid myi zlogs so zhe'o || de yang nus pa nges pa na de'i 'bras bu skad cig phyi ma nges par byed pa'i dbang po'i shes pas rtogs zin ba'i phyir yid kyi shes pa bcad pa'i yul can kho na'o || des na dbang po'i shes pa dang yid gnyi kas nges pa cig skyed pa'i phyir tshu rol mthong pa nyid la yid kyi ngon suM rgyun kyi rgyun yul can kyi tshad mar 'thad do || nges byed kyi tshad ma sems pa ni
yid kyi rnaM par shes pa de yang zhes bya ba'o || nges byed gyi tshad ma sems pa ni yid kyi mngon suM dang zhes bya ba'o || rang ma nges na gzhal bya nges pa byed pa'i tshad ma nyid nyaMs pa yang ma chin te | rigs ma nges pas yid kyi mngon suM kyi mngon suM kyi ba snyad du bya bar tshad mas ma grub kyang | gzugs gsal bar snang pa can kyi ngo bo ci nges pas myi 'gal lo || || rang rig mngon suM 'di
la gsuM ste ngo bo dang de bsgrub pa'i tshad ma dang | mtshan nyid kyi khyad par ro || deng po ni de'i bdag nyid rig pa gsuM mo zhes bya ba yan chad do || gal te shes pa thaMd rang rig pa'o ngo bo yin na | ci de ma' dag mngon suM kyi tshad ma yang tin ni zhe na | xxx so || 'di ltar ngo bo ci dang | rang bzhin gyi khyad par ro || dang po ni sgribs pa mtha' dag zad pa rnaMs kyi des pa dang | nges pa'i rang


bzhin mtha' dag dang | nges pa 'dren pa'i myong pa mtha' dag tshad ma yin te | rang gi ngo bo la sgro 'dogs sel bas de las ltos nas ma rtogs pa'i don rtogs par byed pa dang | slu ba myed pa can yin ba'i phyiro || nges pa skyed myi nus pa'i myong pa tshu mthong pa la yod pa ni tshad ma ma yin no || rang bzhin kyi khyad par yang rnaM pa dang ldan pa'i chos chags pa dang | bde ba lasogs pa'i ngo bo bzhin no || rnaM pa dang myi 
ldan pa'i skad cig ma lasogs pa la ni sgrib pa mtha' dag zad pa'i shes pa ni rang gi ngo bo rtogs pa las gzhan pa'i tshad ma ma yinte | de'i rnaM par gsal ba myed pa dang | de la 'jug par byed pa yang ma yin ba'i phyiro || sgrib pa ma zad pa rnaMs kyi shes pa ni rnaM pa myed pa la goms pas rnam pa can du bsal ba'i phyir | de la 'jug par byed pa'i tshad ma yin yang 'khrul bar ni 'gyur ro ||
gzhan kyi ni gal te dngos po gzhan mthong pa'i dbang gis rang bzhin de nges na de la tshad ma yin ba yang srid la ma nges na ma yin pa yang srid do || rang rig pa'i ngo bo nyid bsgrub pa ni | gal te ni myong pa la brtsod pa myed mod rang rig par ni ma grub ste | rig par bya ba dang rig par byed pa tha dad pa'i phyir ro || bde ba gzugs 'dzin pa'i rang bzhin yin yang | de rig par byed pa 
shes pa phyi ma yin ba'i | bde ba 'dzin par byed pa gzugs rig par nyid yin yang rig par bya ba'i bde ba ni | de las gzhan yul kyi ngo bo yin pa'i phyir ro zhes dogs na | re shig bde ba rig par byed pa'i shes pa phyi ma yin ba 'gog pa ni 'dir gzugs lasogs pa snang pa na zhes bya ba'o || shes pa phyi ma yin na des bde ba phyi migs la gzugs ni bde ba phyis dmyigs
sngar dmyigs par 'gyur bas dus cig du dmyigs par 'gal lo || 'on te myur du 'jug pas dus cig du 'khrul pa yin na | shes pa'i skad cig ma thaMd dus cig du skye bar tshor par thal te | skad cig ma nyid kyis myur du 'jug pa'i phyir ro || 'o na dus cig du shes pa tha dad par skyes pa yin zhe na | 'brel ba myed pa'i phyir gzung 'dzin 'galo || des na 'brel ba yod
la de yang rgyu 'bras ma yin bas cig du grubo || 'di snyaM du bde ba rig par byed pa gzugs shes par byed myi gzhan yang | rig par bya ba bde ba ni de las tha dad de phyi rol kyi rang bzhin yin pa'i phyir ro || des na rang rig pa ma grub ste | rig bya rig byed myi cig pa'i phyir ro || snyaM du dgongs pa sel ba ni gzung par bya ba'i rnaM pa zhes bya ba'o || myi nus ste zhes bya ba 'di la gtan tshigs
ni gzung pa ni bde ba'i rang bzhin ma yin te | de'i ngo bor snang du rung pa las ma dmyigs pa'i phyir ro zhes bya ba yin no || ma grub pa ste myong pas gzung pa bde ba dang cig par dmyigs kyang ma nges pa'i phyir ro snyaM na | rnaM pa dang ldan paʼi don dmyigs pa ni yid nye bar gtod pa yid na myi nges pa 'gal to zhes ston ba ni 'di ltar zhes bya ba'o || de ltar na yang snang rung gi khyad par ma grub ste |
sngon po snang yang bde ba dang cig pa myi snang pa'i rang bzhin yin pa'i phyir ro || zhe na | 'o na sa phyogs snang yang buM pa myi snang pa'i rang bzhin du ci ste myi dgos | sa phyogs snang pa dang rang bzhin khyad par myed pa kho na dgag bya yin no zhe na | de ltar na sngon po snang pa dang rang bzhin khyad par myed pa'i bde ba nyid 'gog ste | rnaM pa dang ldan ba bltar rung pa'i ngo bo tha dad pa gnyis cig snang pa na gnyis


| pa myi snang par 'gal na | ngo bo tha myi dad pa gnyis la shin tu 'gal lo || de lta ma yin na snang pa myi dmyigs pa'i tha snyad rgyun chad par 'gyuro || gsuM pa mtshan nyid kyi khyad par sbyor ba ni shes pa'i ngo bo rig pa de yang zhes bya ba'o ||  || rnal 'byor ba'i mngon suM ni rnaM pa lngas nges par bya ste | rten dang rgyu dang rang bzhin dang | spyod yul dang bsgrub byed kyi tshad ma'o || dang po rten
ni de kho na mthong pa'i 'phags pa nyid yin gyi | tshu rol mthong pa ni ma yin no || de dag la mngon par shes pa nas bsdus pa chod pa'i don rig pa'i tshad ma yod kyang | de ni dbang po'i mngon suM yin no |  | don dam pa mthong pa dang mthong pa'i bdag po las byung pa gnyis kho na yid kyi mngon suM gzhan las khyad par du 'phags pas rnal 'byor kyi mngon suM du rnaM par gzhag la | de gnyis 
kyang byis pa la myi srid do || rgyu ni gnyis ste skye ba'i rgyu dang | don la phyin ci ma log pa'i rgyu'o || don daM pa'i yul can kyi rnal 'byor pa'i shes pa skye ba la ni yang dag pa'i don bsgoMs pa rab kyi mthar phyin pa yin no || || de mthong pa'i bdag po las byung pa skye ba la ni smon laM kyi khyad par las yin la | de yang sngon kyi tshogs kyi nus pa rtas pa snying rje'i rang bzhin can no || phyin ci ma log
par 'jug pa'i rgyu yang snga ma la ni skye ba'i rgyu nyid yin no || tshad mas nges pa'i don shos pas tshad ma'i yul nyid la shes pa skye ba dang | de yang zhes 'ag pa ma yin bas shes pa skyes pa na myi gnas pa'i rang bzhin ma yin pa'i phyir ro || gnyis pa la ni rnam par gro ba yin te | log par 'jug pa'i bag chags las rnaM par grol na | rnaM par rgrol ba'i ye shes phyin ci ma log pa skye ba'i
phyir ro || shes pa 'di gnyi ka yul kyi nus pa la ltos pa ni ma yin te | goMs pa tsaM dang log pa'i sa bon spangs pa tsaM las gzhan la myi ltos pa'i phyir ro || rang bzhin ni gsal bar snang pas rnaM par myi rtog pa dang | don yod bas ma 'khrul ba'o ||  || spyod yul ni rim pa bzhin du don daM pa dang kun rdzob kyi donto ||  || bsgrub pa'i tshad ma ni gnyis ste | 'byung par rung pa nyid
dpog pa ni goms pa lhas rang gi ngang gis khyad par du 'gro ba dang rten brtan pa can yin ba'i phyir | myi rtag pa dang bdag myed kyi blo ni gsal bar snang pa rab rib kyi mthar thug par skyed par rung ngo zhes bya ba'o || mthar thug pa skyed myi nus pa ni res 'ga' ba mthong pas rgyu nges pa la ltos la | de 'ang gzhan la myi 'thad pas rten myi brtan pa dang byas zin ba la rtsol ba la ltos pa kho
na yin no || de yang gtan tshigs kyi khyad par gnyis dang 'gal bas ldog pa nges so || grub zin ba dpog pa ni brjod pa yongs su dag pa las shes pa de 'dra ba dpog pa'o || don 'di nyid gzhung nas lngas ston de | dang po yul kyi khyad par ni bden ba bzhi lta bu'o || zhes bya ba yan chad kyis so || 'di bsgoMs pa'i yul du bkod kyang de'i 'bras bu yul du nges pas na rnal 'byor kyi mngon
suM kyi yul bstan pa'o || yang dag pa'i don ces bya ba nas mtha zhes bya ba'i bar rgyu'i khyad par ro || mtha' de las na rnal 'byor ba'i mngon suM yin no zhes pa'i bar kyis ni ngo bo nyid bstanto || de ni zhes bya ba lasogs pas ni mtshan nyid bsgrub pa'o || rnal 'byor ni ting nge 'dzinto || zhes bya ba lasogs pas ni gang zag gi khyad par brjod do ||  || mngon suM kyi spyod


yul ni bzhi ste | mngon suM kyi gzung yul kyi ngo bo dang | mtshan nyid dang | mtshan nyid la ma khyab spang pa dang | zhar la rjes su dpag pa'i gzung bstan pa'o || dang po ni de'i yul ni rang gi mtshan nyid de zhes bya ba'i rtsa ba'i tshig 'di 'chad pa'i 'grel pa'i gzhung ste | de ltar na mngon suM kyi mtshan nyid yin bar bstan to zhes bya ba'i bar ro | | gnyis pa mtshan nyid ston pa ni shes pa'i yul
gang zhig zhes bya ba nas de nyid rang gi mtshan nyid yin no zhes bya ba'i bar ro || don gang nye ba dang myi nye ba dag las shes pa la snang pa tha dad pa de ni rang gi mtshan nyid do zhes bya ba'i rtsa ba'i gtan tshigs 'di 'chad pa'i 'grel ba'i gzhungo || don byed nus pa'i tha ma ni rang gi yul can kyi shes pa skyed pa 'di yin pas | 'dis ni don byed nus pa tsaM nye bar mtshan bar zad do || gal te rjes su dpag pas
gsung par bya ba lasogs pa yang rang gi mtshan nyid ni ma yin te | de ltar nges pa'i phyir ro || 'on kyang de nye ba dang myi nye bas rang gi yul can kyi shes pa la tha dad pa snang pa myi skyed de | myi btsum nas thag ring por me brtags pa pa dang | mdun du brtags pa'i yul gnyis 'dzin pa'i blo rnaM pa myi 'dra ba myed pa'i phyir ro || des na mtshan nyid ma khyab po snyaM na | gsuM pa ma khyab pa spang pa ni
ci'i phyir zhes bya ba nas rnaM par rtog pa'i yul ni ma yin no zhes bya ba'i bar to || de nyid don daM par yod pa ste dngos po'i mtshan nyid ni don byed nus pa kho na yin ba'i phyir ro zhes bya ba'i rtsa ba'i tshig 'di bshad pa'i gzhung ngo || 'di'i don ni rtog pa'i gzung yul la rang gi mtshan nyid du nges kyang de rang gi mtshan nyid ni ma yin te | don daM par yod pa ma yin te'i phyir ro || de 'ang don byed nus pas
stong pa'i phyir ro || des na de la shes pa snang pa tha dad pa 'jog par byed kyang ma khyab pa'i skyon myed do zhes bya ba yin no || zhar la rjes su dpag pa'i gzung pa ston pa ni rang gi mtshan nyid de las gzhan pa'i zhes bya ba lasogs pa'o || yang na rtsa ba'i don ni de'i yul ni de'i yul ni rang gi mtshan nyid do zhes bya bas mngon suM kyi tshad ma'i 'jug yul brjod do || de yang rang thun mong ma
yin ba'i ngo bor yod pa tsaM ni ma yin gyi | rang thun mong ma yin ba'i ngo bor rtogs par bya ba la rang gi mtshan nyid ces brjod pa'i phyir ro || des na rnaM par nges pa nas don gang zhig shes pa'i snang pa'i bdag nyid kyi rjes su 'gro ba dang ldog pa'i rjes su mthun par byed pa de ni mngon suM mo || de ni thun mong ma yin pa'i dngos po'i rang bzhin ste rang gi mtshan nyid do zhes mngon suM du gyur ba'i gzhal bya kho na
la rang gi mtshan nyid du gsungs pa yin no || de'i mtshan nyid brjod pa ni don gang nye ba dang myi nye ba las shes pa la snang pa tha dod pa de ni rang gi mtshan nyid do zhes bya ba ni mngon suM kyi gzhal bya'i mtshan nyid shes pa'i snang pa dngos su 'jog pas nye bar mtshon pa bstanto || mtshan nyid dngos ni yan lag gzhan la myi ltos par dngos su rtogs par bya ba'i dngos po yin no || gal te yan lag gzhan
la myi ltos par dngos su rtogs par bya ba'i dngos po'i mtshan nyid du khas len na | rtog myed 'khrul ba dang | rnaM par rtog pa'i gzung yul yang thal bar 'gyur ro snyaM na de nyid don daM par yod pa ste zhes smos so || de dag la ni dngos po nyid myed do snyaM du dgongs so || 'di'i 'thad pa de dngos po'i mtshan nyid ni dngos po'i mtshan nyid ni don byed nus pa yin pa'i phyir ro zhes bya ba ste | 'khrul ba'i gzung


| yul la ji ltar bzung bzhin pa'i don byed nus pa myed pas yod pa nyid la yin la des na ha cang khyab pa ma yin no || zhes bya ba'i don to || zhar la lkog du gyur ba'i gzhal bya'i mtshan nyid ston pa ni gzhan ni spyi'i mtshan nyid de zhes bya ba ste la rgyab kyi me lasogs pa ni thun mong ma yin ba'i ngo bor yod kyang dpe' dang thun mong par blos rtogs par bya ba yin bas spyi'i mtshan nyid ces
brjod do || de ni rjes su dpag pa'i yul yin no zhes bya ba ni tshad ma nyid kyi yul yin ba'o || || tshad ma dang 'bras bu la gsuM ste | 'bras bu'i rang bzhin dang | tshad ma'i rang bzhin dang | sgrub bya sgrub byed kyi donto || dang po ni yul la log par rtogs pa bsal nas zhes bya ba lasogs pas stonto || 'dir 'bras bu'i don ni byed pa'i 'bras bu ste | gzhal bya las la byed pa don kyi rnaM pa'i rang
bzhin tshad ma'i mtshan nyid kyi gzhi zhugs pa'i dgos pa ni gzhal bya gtan la 'bebs pa'i dgos pa yin no || de yang gzhan dag gis rtogs pa dgos par brtags la | de yang dpyad na shes pa nyid yin bas tshad ma nyid dang 'bras bu tha myi dad do || rgyu 'bras 'di snyid ni brtags pa yin pas cig pa myi 'gal lo || tshad ma'i rang bzhin 'chad pa ni | gal te shes pa zhes rgol ba bkod
pa sngon du btang bas byed do || 'di 'dra ba ni tshad ma'i mtshan nyid myi slu pa'i rten yin bas tshad ma zhes brjod do || de gzhan rig gi tshad ma yin kyi rang rig ni ma yin no || dper na du ba dang byas pa la gtan tshigs kyi mtshan nyid tshul gsuM rten bas gtan tshigs su brjod pa dang | gong bu la ba lang gi mtshan nyid yod bas ba lang zhes brjod pa bzhin no || gsuM pa rgyu 'bras kyi
don ston pa la lnga las | dang po rgyu 'bras cig pa 'gal bar brgal ba ni shes pa las ma gtogs pa zhes bya ba'o || gnyis pa rnaM par gzhag 'jog gi don du khas blangs pas 'gal ba spong pa ni | de'i dbang gis zhes bya ba smos ste zhes bya ba'o || 'dra ba'i rgyu mtshan la brten nas rtogs par tha snyad byed pas | 'dra ba'i dpang gis rtogs pa rnaM par gzhag pa yin no || des na rnaM par
gzhag pa'i 'bras bu dang | rnaM par 'jog pa'i rgyu yin no || zhes 'jig rten na grags pa dang mthun ba rgyu 'bras su brtags par zad kyi rgyu 'bras mtshan nyid pa ni ma yin bas cig pa skyi 'gal lo || rnaM par gzhag 'jog gi don nyid ston pa ni rnaM par gzhag pa dang zhes rgol ba bkod pa sngon du btang nas byed do || bzhi ba 'jog byed gzhan myed pa tshad ma ma yin pa ni | rnaM par 'jog par
byed pa ni zhes bya ba lasogs pas ston to || myi nus so zhes bya ba yan chad kyis ni 'jog byed gzhan la ltos par bstanto || gal te don rtogs pa'i mtshan nyid dang ldan bas | don daM par don rtogs pa nyid ma yin naM | nges pa'i shes pa gzhan la ltos myi dgos snyaM na | nges par byed pa'i shes pas rnaM par ma bzhag na ni zhes smos so || don kyi rang bzhin myi ldog kyang tha snyad kyi yul
ma yin pas myed pa dang 'dra'o zhes bya ba'i donto || des na nges pa'i shes pa la ltos so zhes ston pa ni de bas na zhes bya ba'o || tha snyad kyi yul du 'gyur ba ni de skyed par byed pa kho na yin kyi | gzhan ma yin bas na rtogs pa'i tha snyad du bya ba de la ltas sa zhes brjod pa myi 'gal lo || de kho nar ni tha snyad du byar runng pa nyid tha snyad du byed pa myed kyang yod pa yin te | de lta ma yin na myi


dmyigs pa las myed pa'i tha snyad du dpog pa 'khrul bar thal te | tha snyad du byed pa'i shes pa rjes su dpag pa ma skyes pa na tha snyad du byar rung myed kyang snang pa myi dmyigs pa yod par thal ba'i phyir ro | | de bzhin du gzhan du yang sbyar ro || don de nyid ldog pa dang rjes 'gro'i sgo nas gsal bar ston pa ni zhen par ma byas na ni zhes bya ba lasogs pa'o | | de bas na bsgrub par byed pa daM pa myed
pa'i phyir zhes bya ba ni bsgrub byed dam pa ma yin pa'i phyir ro || bya ba la ni byed pa rnaMs |  | thams cad nye bar sbyor na yang |  | tha ma'i tha dad byed gang yin |  | de ni bsgrub byed dam par 'dod |  | 'di 'dra dbang po la yod myin |  | kun kyi mtshungs rgyu nyid phyir ro ||  zhes dbang po'i bsgrub byed daM pa ma yin bas tshad mar myi rung pa ltar |  'di yang 'bras bu'i bsgrub byed dam pa yin bas tshad mar myi 'gyuro || 
zhen ba skyed pa zhes bya ba ni rjes su 'gro ba'o || de ltar na bsgrub byed dam pa gzhan la myi ltos pa nyid yin bas tshad ma yin no || lnga ba 'jog byed gzhan tshad ma ma yin ba ni ci ste zhes bya ba'o || de kho na'i tha snyad du yang nges pa'i shes pa tshad ma ma yinte | don daM par yul gsal ba myed pa'i phyir dang | zhen nas kyang don 'jal bar byed pa ma yin ba'i phyir te | de'i zhen bas ni
mngon suM kyi sngon po rtogs par zhen kyi |  bdag nyid kyis rtogs par mi nges pa'i phyir dang |  de yang mngon suM kyi byed pas nges kyi rang gis byed par myi nges pa'i phyir ro ||  'dir dpyad na nges pa'i shes pas rnaM par gzhag pa'i sngon po'i rnaM pa nyid tshad ma yin la ma bzhag |  ma bzhag pa ni bsgrub byed dam pa ma yin bas tshad ma ma yin no zhes bya ba'i don ni myi 'thado ||  ci nges shes myi skye
ba de la myi slu ba'i mtshan nyid myed pa 'aM |  'on te rtogs pa'i bsgrub byed ma yin |  dang po ni rtogs pa'i bsgrub byed ma yin |  sgrib pa zad pa'i blo rnaMs la nges pa'i shes pa myi skyed kyang tshad ma'i mtshan nyid yod pa'i phyir ro ||  gnyis pa yang myi 'thade |  rtogs pa'i tha snyad du byar rung pa ni |  don kyi rnaM pa myong pa tsaM las gzhan la myi ltos ba'i phyir ro ||  de lta ma yin na sgrub byed daM pa ma yin bas 
tshad mar myi rung ngo || myi slu ba myed na 'dra ba rtogs pa'i sgrub byed yin mod tshad mar ci ste brjod ce na | 'dra ba ni myi slu ba'i mtshan gzhi yin te | des na tshad mar brjod do || 'on kyang mtshan gzhi la ma khyab pa skyon ma yin bas na | myi slu bas ma khyab kyang 'dra ba tsam la mtshan gzhir myi 'gal lo || de'i phyir 'dra ba tsaM kyi 'bras bu ni tshad ma'i 'bras bu yin la de yang nges
pa'i shes pa skye ba la myi ltos ste |  nog dang lkog shal lasogs pas nges pa skye ba la ma ltos pa kho nar ba lang gi tha snyad du rung pa rnam par 'jog pa'i rgyu yin ba bzhin no ||    || mngon suM kyi le'u rdzogs s+hwo ||    || rang gi don kyi rjes su dpag pa'i le'u don rnam pa bzhis 'chad de |  rjes su dpag pa'i dbye ba dang |  rang gi don kyi mtshan nyid dang |  tshad 
ma dang 'bras bu dang | skyed par byed pa'i rgyu'o || dang po ni gsuM ste | grangs kyi dbye ba dang | de'i dgos pa dang | mying gi don to || de la drangs kyi dbye' paʼi gzhi ni rjes su dpag ba tsaM mo || de yang 'dir rjes su dpag pa'i sgras brjod par ri+ugs pa la nidom ma yin te | 'dod pa tsaM dang rjes su 'brel ba'i sgra ni thaMd kyang don thaMd la yod paʼi phyir ro || rjes su dpag paʼi mtshan nyid kyis khyab pa yang ma


| yin te | gzhan don rjes su dpag pa'i dbye ba ma yin par thal ba'i phyir ro || des na rjes su dpag pa tsam zhes bya ba ni rjes su dpag pa'i sgras brjod par rigs pa la 'dod do || de la rang don ni mtshan nyid yod pas de'i sgras brjod par rigs pa | gzhan don ni rgyu mtshan dang dgos pa yod pas rjes su dpag pa'i sgras brjod par rigs so || de ltar sgras brjod par rigs pa de
gnyis su dbye'o || de la grangs kyi dbye ba'i don ni | ngo bo nyid phan tshul 'gal bas bye ba yin te | sgra dang shes pas rang bzhin tha dad pa'i phyir ro || des na ngo bo cig la ldog pa la ltos ste chos gnyis su brtags pa de ni ma yin no || de ni bye brag gnyis so zhes bya ba yan chad kyis bstanto || dbye ba'i dgos pa bstan pa'i phyir 'o na zhes brtsod pa bkod do || mngon suM kyi mtshan
nyid dngos por bstan nas | de'i 'og du dbye ba bstan pa las | 'dir dbye ba thog mar ston pa'i rgyu ci yod zhes bya ba'i donto || blo bur du zhes bya ba ni rgyu mtshan myed par ro | | bshad pa zhes bya ba lasogs pa ni lan no | | 'di'i don ni mngon suM kyi khyad par bzhi la mtshan nyid cig yod pas na dbye ba la myi ltos par bstan to | | rjes su dpag pa gnyis la de myed pas thog mar dbye
ba byas ste | des na so so'i mtshan nyid bstante | dbye ba bstan pa ni de'i yan lag yin ba'i phyir ro | zhes bya ba'o || mying gi don ni rnam pa gnyis po de yang gang yin zhe na zhes bya ba lasogs pas stonto || 'di la brtsad pa ni | gal te rang khong du chud par byed pa ni rang gi don ces bya la gzhan khong du chud par byed pa ni gzhan don ces bya ba ni myi 'thade | rang dang gzhan ni phan tshun
ltos nas thaMd kyang gnyi kar 'gyur ba'i phyir ro || ngo bo nyid kyis gnas pa myed do || des na shes pas rtogs pa'i rang yang skyes bu gzhan la ltos nas gzhan yin bas | shes pa yang gzhan khong du chud par byed par 'gyur ro | | sgra yang de bzhin du rang khong du chud par byed par 'gyur ro zhe na | skyes bu'i phan tshun ltos pas rang dang gzhan du rnaM par 'byed na rang don dang gzhan don 'chol ba bden yang
'dir ni sgra dang shes pa nyid la ltos ste |  de dang rgyud cig pa dang |  tha dad pa rang dang gzhan yin bas skyon myed do ||  de ltar na yang 'chol te | shes pas kyang rgyud de las gzhan rtogs par byed la | brjod pas kyang res 'ga' rgyud de nyid rtogs par byed pa'i phyir ro zhe na | bden mod kyi 'on kyang shes pa ni rang rtogs pa la gtso' yin te | rjod pas kyang shes pa bsgrub pa'i phyir ro || rjod pa ni gzhan 
rtogs pa la gtso' yin te | smra ba po'i shes pas kyang rjod pa skyed pas gzhan rtogs pa'i yan lag yin ba'i phyir ro || des na cig gi rgyud dang 'brel ba'i rjod pa ni gzhan don yin la shes pa ni rang don kho na'o || rang dang gzhan gnyi ka yin ba dang ma yin ba phung po gsuM pa ni myi srid pas de'i don kyi rjes su dpag pa gsuM pa yang myi srid la | gang zag gnyis yod bas de'i don ni rjes
su dpag pa gnyis las nyung pa yang ma yin no || rang gi don kyi mtshan nyid ston pa ni | rang gi don dang zhes bya ba lasogs pa'o || rgyu dang yul kyi khyad pa gnyis dang ldan pa'o || yul kyi khyad par ni log par rtog pa sel ba tsaM ste | rigs myi mthun pa mtha' dag las ni rgyu'i khyad par kho nas rnaM par gcod do || 'di ltar tshul gsuM pa'i rtags las skyes kyang rjes su dpag pa ma yin


ba ni myi srid do || rtags 'dzin pa'i mngon suM kyi nus pa las byung pa ma yin no | | rtags ni dngos po'i rang bzhin yang ma yin te | sgrub bya sgrub byed dang chos dang chos can du blos bzhag pa la ltos pa'i phyir ro || des na rtags las skyes pa zhes bya ba ni rtags nges pa'i shes pa las skyes pa la brjod pas | mngon suM ni des bskyes pa ma yin no || rtags nges pa'i blo'i 
myi slu ba'i yul la rtags yod par tha snyad byed pas du ba lasogs pa rtags yin par brjod do || sgrub bya sgrub byed dang chos dang chos can du nges pa'i blo'i 'jug yul la de dag du tha snyad byed pa bzhin no || gsuM pa tshad ma dang 'bras bu ston pa ni mtshan nyid la zhes bya ba'o || 'dir don kyi rnaM pa myi gsal ba zhes bya baʼi khyad par can ni tshad ma yin la byed bcas
kyi don rtogs pa ni 'bras bu yin no || zhen pa nyid ci' ste tshad ma ma yin rnaM pa ci dgos snyaM na | don 'ga' zhig zhen pa nyid kyang rnaM pa'i khyad par 'ga zhig myed par myi 'gyur bas rnam pa la ltos so || bzhi ba skyed par byed pa'i rgyu la ni spyi'i mtshan nyid dang khyad par kyi mtshan nyid kyis ston to | | dang po la yang gsuM ste | dang po la yang gsuM ste | mtshan nyid kyi dbye ba dang | so so'i 
ngo bo dang | ltos gzhi'o || dbye ba ni tshig gi lhag ma'o zhes bya ba yan chad do | | rtags la rten pa'i chos ni gsuM mo zhes bya ba'i donto || rten rtags kyang 'dir la'i du ba lta bu khyad par can ni ma yin te | la'i du ba mye yod la yod par nges na | la me dang ldan bar yang grub pa'i phyir te | skyes bu gtan khra bo la gnas par grub na | de'i gtan khra bor grub pa
bzhin no | | yang na don gyis nges ste byas pa rtag pa las ldog pa dang rtag pa dang myi rtag pas kyang thaMd bsdus par grub na | myi rtag pa la gnas par don kyis grub ba bzhin du la'i du ba me yod la yod pa dang me yod kyi khyad par gzhan las kyang ldog par nges bas la me yod la gnas par don kyis nges so | | du ba mtha' dag kyang ma yin te | la la phyogs cig ma grub pa'i phyiro ||
des na du ba ma yin ba las ldog pa tsaM mo || de yang blos khyad par la rnaM par phye nas mtshan nyid kyi rten du nges pas blo'i yul du de rtags yin yang | de las nges pa'i blo'i 'jug pa'i yul ni la'i du ba lasogs pa khyad par can kho na yin no || don cig la chos gsuM phye ba de yang ldog 'tshaMs kyi khyad par gsuM yod pas byas so || so so'i ngo bo las tshul
dang po'i ngo bo ston pa ni tshul gsuM yang zhes bya ba lasogs pa'o || de'i bsgrub bya rtogs pa'i nus pa ston pa ni 'dir zhes bya ba lasogs pa'o || rgyu ni gsuM ste | skyed byed dang | gsal byed dang | shes par byed pa'i rgyu'o || dang po ni myu gu las sa bon bzhin du rang gi ngo bo dang 'brel ba ma nges par rang gi bya ba byed nus so || gnyis pa ni buM pa las sgron ma
bzhin du rang gi ngo bo shes pa tsaM kyis 'brel ba shes pa la myi ltos par rang gi don byed do | | gsuM pa ni gnyis ka shes pa la ltos so | | de nyid ston pa ni ji ltar myu gu la zhes bya ba lasogs pa'o || phyogs chos brjod pa'i sgra'i byed pa ston pa ni | de la yod pa'i tshig gis zhes bya ba lasogs pa'o || rjes su 'gro ba'i tshul la gnyis las dang po ngo bo


| nyid ston pa ni mthun pa'i phyogs ni zhes bya ba lasogs pa'o | | de la yod pa ni de dang 'brel pa tsaM ma yin no || de lta na ni thun mong ma yin ba'i yang rjes su 'gro ba dang ldan par 'gyur te mnyan bya yin pa'i phyir myi rtag go zhes bya ba 'di la yang rjes su 'gro ba yod pa ste myi rtag pa buM pa'i 'bras bu'i sgra'i mnyan bya yin pa'i phyir ro || des na phyogs dang ji ltar 'brel pa
ltar sgrub bya dang ldan bar grub pa dang 'brel pa ni ngo bo yin no | | gnyis pa brjod byed kyi sgra'i byed pa ston pa ni 'dir yang zhes bya ba'o || gnyis pa ldog pa'i tshul la rnaM pa gsuM las dang po ngo bo nyid ston pa ni myi mthun pa'i phyogs zhes bya ba'o || 'di yang ma 'brel ba tsaM ni ldog pa'i tshul ma yin te | 'di na me yod pa'i phyir zhes bya ba ldog pa ma grub par 'gyur ba'i
phyir ro || 'dir me yod pa ni mes khyab pa la 'dod na | du ba de nyid ni mes ma khyab pas mi mthun pa'i phyogs yin brtsod pa myed do || du ba'i mtshan nyid dmyigs pa de rtags su gzhag pa ni | mes ma khyab pa'i rdzas nyid las myi ldog pas ldog pa ma grub par 'gyur ro || des na chos can la ji ltar yod pa ltar gzhan la 'jug pa bkag pa bkag pa ni ldog pa'i mtshan
nyid kyi rang bzhin yin no || gnyis pa ldog pa brjod pa'i sgra'i byed pa ston pa ni de la myed pa smos pas ni zhes bya ba'o || gsuM pa ldog pa logs su gzhag pa'i dgos pa ni mthun pa'i phyogs nyid la yod pa zhes bstan na zhes bya ba'o | | tshul gsuM gyi ltos gzhi la gsuM las rjes su dpag par bya ba ston pa ni de la zhes bya ba lasogs pa'o || gtan tshigs kyi mtshan nyid gtan
la 'bebs ba'i skabs zhes bya ba ni | gtan tshigs dang gtan tshigs ma yin ba'i tha snyad myi shes pa la gtan tshigs kyi mtshan nyid dang de'i mtshon bya gtan tshigs kyi tha snyad du bya ba'i 'brel ba gtan la 'bebs pa'o || de'i 'og du gsal ba so so la nges pa gtan tshigs kyi mtshan nyid du mthong pa las de'i tha snyad du byed pa ni tha snyad du byed pa'o || spyi dang bye brag gi tha snyad la myi
ltos par tshad mas so sor nges pa'i don la mtshan nyid rtogs pa tsam ni mtshan nyid kyi don rtogs pa'o || de ni tha na ba lang dang bud myed lasogs pa dag la yang yod do || de gsuM las gtan la 'bebs pa'i tshe nye bar gnas pa'i don khyad par can myed pas rang gi sgras brjod na myi 'dod pa la thal bas | chos can la rjes su dpag par bya ba lasogs pa'i sgras brjod do || mtshan nyid kyi tha
snyad du byed pa dang de'i don rtogs par byed pa ni rjes su dpag par bya ba'i sgra la myi ltos ste | nye ba'i don 'dzub tshugs su bstan par myi nus pa'i phyir ro || sgrub bya khong du chud par byed pa dang | khyab pa nges par byed pa yang de dag gi mtshan nyid gtan la 'bebs pa la 'dod do || 'dir chos can la brtags nas rjes su dpag par bya ba zhes brjod do || brtags pa yang nye bar brtags pa'i
mtshan nyid dang | rgyu mtshan dang dgos pa dang | brtags pa'i sgrub byed dang | btags pa'i phyogs la rtsod pa spang pa ste lngas shes par bya'o || mtshan nyid ni 'dir don nye bar brtags pa ste | sgra ni gtso bo'i sgra yang brtags pa las myi 'da ba'i phyir ro || rgyu mtshan ni de'i phyogs nyid kyis de dang 'brel ba'o || dgos pa ni ma btags pa la log par rtogs par thal ba song pa'o || sgrub byed


ni dngos kyi don la gnod pa yod pa dang | de las gzhan la 'jug pa'i 'thad pa yod pa dang | go bar byed pa nyid yin ba'o || rtsod pa spang pa ni phyogs kyi sgra'aM rjes su dpag par bya ba'i sgra ni kyang | rjes su dpag par bya ba'i sgra'i don mtha' dag ni chos gtan tshigs su 'gyur ro || des na bsgrub bya'i chos dang tshogs pa'i don kyi chos kyang gtan tshigs su 'gyur ro zhe na | bsgrub
bya'i chos la rjes su dpag par bya ba zhes brjod na ni | tshig 'di'i don myed par thal te mthun pa'i phyogs la yod par brjod pas don de go ba'i phyir ro | | des na tshig nyid nye ba can du 'gyur ba'i phyir de la tshad mar byed pa'i tshig shes pa rnaMs tshig de las de ltar rtogs par myi thal lo || 'o na mthun pa'i phyogs la yod pas dpe la yod par yang go bas chos can kyi
sgras brjod kyang dpe' la myi thal lo zhe na | grub bzhin du gzhan la yod pa rnaM par gcad pa'i don du mnan par dogs pa'i phyir ro || 'o na chos la rjes su dpag par bya bar brjod pa la yang mtshungs so zhe na | ma yin te chos las gzhan la yod pa rnaM par gcad pa'i don du mnan na | mthun pa'i phyogs la yod par brjod pa dang 'gal bas 'gal ba brjod pa'i skyon tshig
la 'ong pa'i phyir ro || dpe' kho na la yod pa dang mthun pa'i phyogs la yod pa ni de ltar 'gal ba yang ma yin te | dpe ni bsgrub bya'i chos dang ldan pa'i chos can yin bas tshogs pa'i don yin gyi chos can 'ba zhig ni ma yin no'i phyir ro | | mthun pa'i phyogs ni don mtshungs so zhes bya ba la 'dir mthun pa ni 'dra ba la brjod do || de yang 'dra ba'i don dang | 'dra gzhi dang |
'dra bar byed pa thun mong gi chos gsuM la ltos so || des na 'dir gang mthun | gang dang mthun | gang gis mthun zhe na | dngos po pa'i me yod dang de'i gzhi ma 'brel rnaM gcad pa ni 'dra ba'i don te | mthun pa'i phyogs so || yul gang dang 'dra zhe na | phyogs mtshan nyid pa ste | rnam par rtog pas khyad par lnga dang ldan pa'i don btags pa dang ngo | | dngos po dang
btags pa la tshad mas 'thad pa'i 'dra ba myi 'grub kyang | ji ltar btags pa'i bzhin dngos po gnas so zhes tha snyad byed pas | dngos po btags pa dang 'dra ba la nyes pa myed do || gang gis 'dra zhe na | me yod pa ste | blos me yod du btags pa dang | dngos po'i me yod ni | me yod du btags pa dang dngos po'i me yod du mthun bas 'dra'i | khyad par gzhan kyis btags pa dang | dngos po 'dra
bar ni ma nges so || zhes bya ba'i donto || || myi mthun pa'i phyogs ston pa ni | myi mthun pa'i phyogs gang zhe na | zhes bya ba'o || mthun pa'i phyogs ma yin pa zhes bya ba ni mthun pa'i phyogs kyi don bkag pa tsam te | de myed par bkag pas khyab pa'i don mtha' dag go || gzhan ba dang | 'gal ba dang | de myed par zhes bya ba ni de'i khyad par ro || med dgag gis khyab par dngos
su nges par bya ba ni myed pa brjod kyi | med gag gis khyab pa tsaM ni ma yin no || de'ang ri bong gi rwa lasogs pa me myed dgag du dngos su nges par bya ba yin te | dngos po mtha' dag bkag par nges par bya'i phyir ro || gzhan pa ni me las gzhan grang pas dben pa'i don te | de yang me yod pas gzhan du dngos po'o || lhan cig mi gnas pa'i dngos 'gal dang | brgyud 'gal du nges par


| bya ba ni de dang 'gal ba'o || de ltar myed pa dang | gzhan pa dang | 'gal ba gsuM ni phan tshun cig gi nang du cig myi 'du bar rig par bya ba'o || || khyad par gyi mtshan nyid ni | rtags kyi dbye ba dang | so so'i mtshan nyid dang | dbye ba bsgrub pa gsum kyis bstan to || dang po ni tshul gsuM po yang zhes bya ba nas 'bras bu'o zhes bya ba'i bar ro || so so'i mtshan nyid la gsuM
las | dang po myi dmyigs pa'i mtshan nyid ston pa ni | myi dmyigs pa brjod pa'i phyir zhes bya ba'o || phyogs 'ga zhig du na buM pa myed pa bsgrub byar nye bar bzung pa na | dmyigs pa'i mtshan nyid du gyur ba myi dmyigs pa ni gtan tshigs so || de yang slob dpon chos mchog ltar na dmyigs pa'i mtshan nyid du gyur ba ni bltar rung pa'o || de ni myi dmyigs pa'i khyad par yin no || myi dmyigs pa
zhes bya ba ngo bo dang khyad par bltar rung pa 'gal ba ma yinte | khyad par sgro btags pa'i phyir ro || sgro gdags par bya ba ni rgyu mtshan yin la de yang sa phyogs kyi chos yod na buM pa snang par brtag par bya'o || || de'i rang bzhin yang buM par snang pa'i shes pa'i rgyu nus pa thog myed tshang pa'o || sgro gdags pa'i rgyu mtshan de'i shes par byed pa yang shes pa cig la 'dra ba'i don gzhan snang pa'o zhes so ||
'di ni ma 'brel te | sgro gdags pa'i rgyu mtshan gyi shes par nyid ma grub pa dang | sgro gdags pa'i don la khyad par myed pa'i phyir ro || rgyu mtshan ni buM pa yod na de mthong pa'i rgyu tshang pa'o || de'i shes par byed ni | buM pa dang shes pa cig la 'dre ba'i don snang pa'o || sa phyogs 'di buM pa dang shes pa cig la 'dra bar ma nges par ni rgyu mtshan de myi nges so || des na yang sa phyogs 'dzin pa'i shes pa
cig la buM par snang du rung pa nyid du nges pa yin no || de ltar nges par bya ba nyid myi dmyigs pa'i khyad par snang rung gi don yin te | des na sgro 'dogs kyi rgyu mtshan dngos po'i chos nges par byed pa'i tshad ma'i yul ji ltar sgro btags yin | sgro btags yin na yang dngos po'i chos rtogs pa'i tshad ma'i dngos kyi yul laM | de'i rtags su ji ltar 'thad pa soms zhig | de gnyis yod pa na cig nges par
'gyur ba ni ma yinte | zhes bya ba'i 'thad pa 'dis kyang ci sgro btags sgrub pa'aM | 'on te dngos po'i rang bzhin | dang po ltar na tshad mar 'gal la | gnyis pa ltar na yang snang rung sgro btags su 'gal ba ji ltar ma rtogs | gzhan yang de ltar sgro btags pa la dgos pa ci yod | 'on te sgro btags nye bar brtags pa la myi 'dod kyi 'khrul pa'i yul tsaM la brjod na | snang pa myi dmyigs pa'i
yul 'khrul pa'i khyad par 'khrul pa'i yul yin bas ma grub pa spongs shig | gzhan yang buM pa myed do zhes bya ba 'di la yang myed na ji ltar buM pa yin la | buM pa yin na yang ji ltar myed ces rtsod na lan ji skad brjod par bya | des na 'di ni dgag bya'i khyad par yin la | dgag bya buM pa yod na snang du rung par ni de dang 'dra ba'i dngos po gzhan kyi mtshan nyid nges par byed pa'i
tshad ma'i shugs kyis rtogs pa yin bas sgro btags pa yang ma yin la | dngos su de ltar gnas pa la yang myi ltos so || de bas na buM pas dben pa'i sa phyogs de nyid dang zhes bya ba nas myi dmyigs zhes brjod pa yin no'i bar kyis ni | sa phyogs kyi chos snang rung gi dmyigs pa bkag pa nges par byed pa'i rgyu la snang pa myi dmyigs par brtags nas bstanto || mthong pa log


pa tsam ni nas myi dmyigs pa'i ngo bo yin bar smra bar blta'o zhes bya ba'i bar kyis ni | shes pa chad pa'i skabs kyi med dgag go byed du myi rung bas | shes pa 'jug pa'i gnas skabs kyi shes pa dang shes bya'i chos snang rung myed dgag ni gtan tshigs kyi rang bzhin du brjod do || dmyigs pa'i mtshan du gyur ba yang zhes bya ba ni go sla'o ||  || rang bzhin dang 'bras bu'i mtshan nyid
kyang go bar sla'o || || dbye ba nges pa bsgrub pa ni rnam pa gsuM ste | spyir bsgrub pa dang | dngos po bsgrub pa gnyis su nges par bsgrub pa dang | dgag pa bsgrub pa cig du nges pa bsgrub pa'o || dang po la gnyis las bsgrub bya gsuM du nges pas de bsgrub par byed pa yang gsuM du nges par ston pa ni | tshul gsuM pa'i rtags yin ba'i phyir bya ba nas rang gi ngo bos ni ma yin no zhes bya ba'i bar ro || 'o na bsgrub bya gsuM
du nges kyang de rnaMs la ji ltar 'dod paʼi mtshan nyid can 'di gsuM sgrub byed yin pa'i rgyu dang | gzhan bsgrub byed ma yin ba'i rgyu ci yod ces rtog na | gsuM ni 'brel ba dang ldan pas rgyu yin la | gzhan ni 'brel ba ma yin bas sgrub byed ma yin no | zhes 'brel pa la ltos par ston pa ni | ci'i phyir zhes bya ba lasogs pa'i dri sngon du btang nas stonto || 'brel pa yod na sgrub byed ma yin ba myi 'gal la |
myed kyang sgrub byed yin ba myi 'gal bas | 'brel ba'i phyir sgrub byed yin ba dang | ma 'brel ba'i phyir sgrub byed ma yin bar sgrub pa'i gtan tshigs gnyis ma nges par dogs pa su ba ni | ci'i phyir rang bzhin 'brel pa yod pa kho na zhes bya ba'o || 'brel ba yod pa la myi 'khrul bas khyab pa dang | de myed pa la myi 'khrul ba myed pas khyab pa'i sgo nas lan 'debs pa ni | des ma 'brel na zhes bya
ba'o || dngos po sgrub pa gnyis su nges par ston pa ni | gzhan la rag las pa ma yin ba la zhes bya ba lasogs pa'o || de la don ni 'di yin te | de'i bdag nyid du khyad par myed kyang zhes bya ba'i don ni | 'brel ba dang 'brel pa'i yul so sor ma 'chol ba ni tshad ma'i yul rang gi mtshan nyid kyi rang bzhin ma yinte | rang gi mtshan nyid cig la cha myed pa'i phyir dang | gzhan dang
gzhan yang de'i bdag nyid kyi 'brel ba dang | de'i yul du myi 'thad pa'i phyiro || des na myi 'khrul ba'i rtsa ba dngos po la gnas pa'i de'i bdag nyid kyis 'brel ba ni phan tshun de'i bdag nyid yinte | myi rtag pa yang rtsol byung gi bdag nyid rtsol byung yang myi rtag pa'i bdag nyid yino zhes bya ba'o || 'o na go bya go byed 'chol bar thal lo zhes rtog na | de lta na yang rnaM par rtog pa rang dga'
bas brtags pa'i yul du 'brel ba dang 'brel ba'i yul so sor nges pa ma 'chol bas go byed kyang ma 'chol ba'o zhes ston pa ni | 'brel ba gang yin ba de ni go bar byed pa yin la zhes bya ba lasogs pa'o || de nyid gsal bar 'chad pa ni | gang zhig chos gang gi zhes bya ba lasogs pa'o || 'di gnyis don daM par yod pa'i tshul kyis tha dad pa ma yin no zhes bya ba lasogs pa'o don ni |
de'i bdag nyid kyi 'brel ba ni dngos po'i rang bzhin yin la | de'i dbang gis kyang myi 'khrul ba gnas pa yino || bsgrub bya sgrub byed nges pas daM bca' ba rtags su myi 'gyur ba ni rnaM par rtog pa rang dga' ba tha dad du sgro 'dogs pa'i dbang gis gnas bas gnyi ka myi 'gal lo | zhes bya ba'o || lhag ma ni sla'o || dgag pa sgrub pa cig du nges pa la lnga las dang po snang pa myi


| dmyigs pas cig du nges pa'i rgyu ston pa ni | 'on te dgag pa sgrub pa ni zhes bya ba'o || 'di'i don ni sgrub bya myed pa las bzlog pa yod ba la myi srid pas ldog pa nges ba'i phyir ro zhes bya ba'i don to || gnyis pa gzhan kyis myi nges pa'i rgyu ston pa ni 'on te de 'ba' zhig las ci'i phyir yin zhe na zhes bya ba'i dri ba sngon du btang bas ston to || gsuM pa snang pa myi dmyigs pa'i dus
kyi khyad par lasogs pa ston pa ni | 'on te zhes bya ba'i dri ba bkod pas stono || 'di la gsuM las snang pa myi dmyigs pa'i ngo bo ston pa ni | bsgrubs pa po'i mngon suM ni buM pa lasogs pa'i donto zhes bya ba'o || snang pa myi dmyigs pa'i ngo bo ni rtogs pa po'i suM las log pa yin no || de yang ltar rung pa myed pa'i rang bzhin yin bas | bltar rung myed pa'i don ni snang pa myi dmyigs pa'i
ngo bo yin no zhes bya ba'o || 'o na myed pa bsgrub byar ji ltar rung snyaM na de bsgrub bya ma yin ba kho na'o zhes ston ba ni | de bas na rang bzhin myed pa nyid ni zhes bya ba'o || dgag par bya ba myed pa de ji ltar sgrub pa po'i mngon suM yin zhe na | buM pa lasogs pa myed du zin kyang zhes bya ba'o || de lta bu de myed par nges pa yang sa phyogs 'dzin pa'i mngon suM nyid las 'gyur kyi | myi dmyigs
pa'i rtags la myi ltos pas med par nges pa dngos su skyed pa'i mngon suM yul dang bcas pa nyid la snang rung myed pa zhes gdags ste | dper na mngon suM de nyid myi dmyigs par nges pa'i rgyu yin bas | de la myi dmyigs par dogs pa bzhin no zhes ston pa ni | de bas na shes pa cig la 'dre bar snang pa'i don dang zhes bya ba'o || shes pa gtan chad pa'i gnas skabs ni buM pa snang pa myi dmyigs pa
dang | myed par nges pa'i rgyu ma yin bas de dag du myi brjod do zhes ston pa ni | de bas na don dang nas nges pa myed pa'i phyir ro zhes bya ba'o || 'dir rgol ba ni snang pa myi dmyigs pa las snang pa log par nges pa ma yin naM zhes bya ba'o || 'di'i bsam pa ni snang rung ma dmyigs par nges pa mngon suM kyi byed pa yin mod | snang rung myed pa ni ma yin te | phyi rol myed pas mngon suM kyis ma nges pa'i phyir ro || des
na snang rung myed par nges pa ni rtag du myi dmyigs pa'i rtags la ltos so || des na snang pa'i don dang blo de las mngon suM du brtag par bya ba log par khong du chud pa yin no zhes ci'i phyir brjod ces bya ba'o || de bden mod kyi zhes bya ba lasogs pa'i don ni snang rung med par dngos su nges pa snang pa myi dmyigs pa'i rtags la ltos ba ni bden de | myed par dngos su nges pa ni dngos su myi nus pa'i phyir ro || 'on kyang
don gyis ni don gzhan 'dzin pa'i mngon suM nyid las nges pas myi 'gal lo zhes bya ba'o || snang pa myi dmyigs pa nges pa'i stobs kyis kyang zhes bya ba ni snang rung yod par dgos pa dang | snang rung dmyigs pa myed par nges pa 'gal ba'i phyir ro zhes bya ba'o || ngo bo nyid bstan nas dus kyi bye brag ston pa ni buM pa lasogs pa zhes bya ba'o || byed pa ni de ltar zhes bya ba lasogs pa'o || gal te
bum pa myed do snyaM du shes pa ni myi dmyigs pa kho na las 'gyur la zhes bya ba'i don ni | dngos su myed par nges pa myi dmyigs pa'i rtags la ltos kyang | mngon suM kyis myed par nges so zhes bya ba ste | nges pa de nyid kyi bsam pa la ltos na mngon suM kyis myed par rtogs par mos pa'i phyir te | buM pas stong par mngon suM la snang pa'i phyir buM pas stong pa yin no zhes mos pa'i phyir ro ||


gzhan yang zhes bya ba lasogs pa'i don ni snang rung yod par dogs pa'i sgro 'dogs chod pas | don kyis na mngon suM kyis med par nges kyang myed do snyam du dngos su nges pa ni myi dmyigs pa las gyur bas tha snyad myi dmyigs pa las yin no zhes bya ba'i donto || bzhi pa snang pa myi dmyigs pa'i dbye ba stonto || 'di la gsuM las sbyor ba'i grang ston pa ni zhes bya ba lasogs pa'o || dbye ba'i rgyu mtshan
ni sbyor ba'i bye brag gis zhes bya ba'o || 'dir sbyor ba ni don la bkod pa'i sgra'o || de tha dad pa ni dbye ba'i rgyu mtshan no || de yang sgra'i rang bzhin tha dad pa tsaM kyis ni ma yin te | brjod par bya ba tha dad pas so || de yang gang zag cig la ltos ste chos can tha dad pas de'i chos sgra'i brjod bya tha dad do || de yang ngo bo phan tshun tha dad kyi chos tsam tha dad pa ni ma yin no || 'on kyang rang bzhin
myi dmyigs pa'i sgras dngos su brjod par bya ba'i chos de ni thaMd la khyab par byed pas snang pa myi dmyigs pa las ni gang yang ma 'das so || khyab par byed pa yang mtshan nyid cig gis yin kyi | dngos po cig ni ma yin no || sbyor ba so so'i dper brjod pa ni rnam par dbye ba bstan pa'i phyir zhes bya ba'o || 'gal bas khyab pa dmyigs pa la yang rnaM pa gsum las | dpe brjod kyi tshig
gi don bshad pa ni | dgag par bya ba dang 'gal ba gang yin ba zhes bya ba lasogs pa ste | rjes su dpag pas nges pa khas blangs pa'i snang pa myi dmyigs pa yin no zhes bya ba'i donto || khongs su bsdu ba la yang gnyis ste | khongs su bsdu ba'i don dang | de'i 'thad pa'o || dang po ni ji ste cig ni dgag pa bsgrub pa'i gtan tshigs yin bar bstan na zhes bya ba lasogs pa'o ||
zo chun brgyud pa lta bu zhes bya ba'i donto | | 'di skad bstan te zhes bya ba lasogs pa'i don ni sbyor ba brjod pa'i sgra de dag nyid dngos su snang pa myi dmyigs pa myi brjod kyang | des dngos su brjod pa'i don gyis snang pa myi dmyigs pa rtogs par byed pas na | rang gi dngos kyi brjod byas bar ma chod pas snang pa myi dmyigs pa ston pa'i ston pa'i phyir brgyud nas de brjod pa'i sbyor bar 'du ba yin
no zhes bya ba'i donto || khongs su 'du ba'i don bstan nas don de ltar yin ba'i 'thad pa ston pa ni snang pa 'gog na ni rang bzhin myi dmyigs pa'i sbyor ba yin par thal bar 'gyur bas zhes bya ba lasogs pa'o || yang gi sgra ni phyir kyi donte | gang gi phyir zhes bya ba lasogs pa'i don ni | gnyi ka tha snyad sgrub pa'i gtan tshigs bcu po rnaMs ni chos can no || snang pa myi dmyigs par
'dus pa yin te zhes bya ba ni bsgrub par bya ba'o || snang du rung pa'i don 'gog pa'i phyir zhes bya ba ni gtan tshigs so || ma grub po snyam nas | snang pa kho na 'gog pa yang ci'i phyir zhe na shes dris paʼi lan kyi don ni gtan tshigs bcu po'i dgag bya ni chos can no || snang du rung pa yin te zhes bya ba bsgrub par bya ba'o || 'gal zla grub pa dang 'brel zla ma grub pas dgag par bya
ba yin ba'i zhes bya ba ni gtan tshigs so || 'di ni rtsa ba'i gtan tshigs sgrub pa'i gtan tshigs gnyis pa nye bar bkod pa'o || ci ste zhes bya ba lasogs pa'i drgol ba'i don ni | 'gal zla grub pa dang 'brel zla ma grub pa'i gtan tshigs 'dis rtsa ba'i bsgrub bya snang du rung pa nyid ji ltar 'grub ste | rtags yod kyang bsgrub bya myed pa myi 'gal bas ma nges po zhes bya ba'o || 'di'i


| lan kyi don ni 'dis dngos su rtsa ba'i bsgrub bya bsgrub pa ni ma yin no || 'on 'dis ni snang rung myi dmyigs pa dang myi dmyigs pa'i chos dang ldan pa zhes bya ba'o || rang gi khyab byed sgrub la | des ni rtsa ba'i bsgrub bya snang rung bsgrub po zhes bya ba'o || ci'i phyir dgag par bya ba dang 'gal ba lasogs pa zhes bya ba'i rtsod pa'i don ni 'o na 'gal zla grub pa dang 'brel zla ma grub pas dgag par bya ba nyid yin pa
yang | rtsa ba'i gtan tshigs dmyigs pa dang ma dmyigs pa gnyis dang ldan ba ma yin pa ci 'gal des na gtan tshigs gnyis pa ma nges so zhes bya ba'o || gzhan dag la ni zhes bya ba lasogs pas ni | bsgrub bya dmyigs pa dang myi dmyigs pa gnyis dang ldan ba bzlog pa la 'gal ba dang 'brel ba grub pa myed pas khyab po || des na 'gal zla de grub pa dang 'brel zla ma grub pas dgag par bya ba nyid kyang
myed pas khyab ste | 'ga zhig dang 'gal 'brel ba grub pa'i don ni | 'gal zla grub pa'am 'brel zla bkag pas bkag par bya ba ma yin pa'i phyir te | ha cang thal bar 'gyur ba'i phyir ro || des na myed pa dang tha snyad gnyi ka bsgrub pa'i myi dmyigs pa bcu po'i dgag bya ni snang du rung pa yinte | dmyigs pa dang myi dmyigs pa'i rang bzhin can yin pa'i phyir ro || de nyid ma grub po zhe na |
gnyi ka bsgrub pa bcu po'i dgag bya ni | dmyigs pa dang myi dmyigs pa'i rang bzhin can yinte | 'gal ba grub pa dang 'brel pa ma grub pas dgag par bya ba'i phyir ro | | 'di ma nges so zhe na | dmyigs pa dang myi dmyigs pa'i gnas skabs dang ldan pa las bzlog pa | rtag du myi dmyigs pa la ni 'gal zla sgrubs pa'am 'brel zla bkag pas dgag par bya ba nyid myed de | gang dang
yang lhan cig 'gal 'brel du ma grub pas so || de lta ma yin na thaMd yod pa na yang thams cad 'gal zla grub pas dgag par bya par thal la | de bzhin du bong bu lasogs pa thaMd bkag pa na yang buM pa lartsogs pa thaMd 'brel zla ma grub pas dgag par bya bar thal lo zhes bya ba 'di gnas so || de ltar gzhung rnaMs gsal bar bshad nas de'i don gsal bar ston pa ni de'i don ni
'di yin te zhes bya ba lasogs pa'o || shes pa yin zhing zhes bya ba yan chad kyis ni | thog ma 'gal 'brel gtan la 'bebs pa'i tshe gcig yod na gzhan myed pa shes pa dang gcig shos myed na gzhan myed par shes pa la ltos so zhes myed par rtogs pa la ltos par brjod do | | myed par rtogs pa yang snang pa myi dmyigs pa nyid na du rtogs pa la ltos so zhes ston pa ni | dngos po
myed par khong du chud pa yang zhes bya ba lasogs pa'o || de yan chad kyis 'gal 'brel du gtan la 'bebs pa ni myi dmyigs pa nyid rtogs pa la ltos par brjod do || da ni dus phyis 'gal ba lartsogs pa rtags la sbyor ba na yang | sngon rtogs pa'i myi dmyigs pa'i rang bzhin dran ba'i shes pas rtogs par bya ba'i snang pa myi dmyigs pa nyid yod pa dang | de yang blos nges pa dang | de yang |
dgag par nges pa'i rgyu yin bar ston pa ni | de bas na 'gal ba dang rgyu 'bras dang khyab bya khyab byed kyi dngos po dran bar byed pas ni zhes bya ba lasogs pa'o || dran bar bya'o zhes bya bas ni da ltar yul de na gnas pa'i rtogs pa po la snang rung myi dmyigs pa nyid dang | da ltar yod pa ngo shes kyi rang bzhin dran ba'i shes pa mngon suM kyis sad pa nyid kyis nges par bya ba yin kyi | sngon yod pa tsaM


dran pa ni ma yin no | | dper na me mdag   sreg pa'i byed pa myed pa la | ngo shes kyi blos sngon mthong pa'i rang bzhin can sre ba'i nus pa dran ba bzhin no || 'dir gtan tshigs bcu po snang pa myi dmyigs pa yin ba yang | gtan tshigs kyi ngo bo nyid snang pa myi dmyigs par blos nges pa ni ma yin te | der na rtsol ba las byung pa rang bzhin kyi gtan tshigs yin yang
gtan tshigs kyi ngo bo nges pa'i blos myi rtag pa'i rang bzhin du nges pa ma yin bas na | myi rtag pa'i rang bzhin gtan tshigs kyi ngo bo ma yin ba bzhin no || gtan tshigs kyi ngo bo la rten pa'i chos phyogs chos nges pa'i blos snang pa myi dmyigs par nges pa yang ma yin te | rtsol byung phyogs chos nges pa'i blos rang bzhin du myi nges pa bzhin no || des na 'di'i khyab pa
'dzin pa'i blo snang pa myi dmyigs par nges par bya ba yin bas | gtan tshigs kyi ngo bo la rten pa'i chos snang pa myi dmyigs pa yin no || rang bzhin dang 'bras bu yang khyab pa nges par byed pa'i blos de ltar nges par bya ba yin kyi | mtshan gzhi tsaM kyi blo'am phyogs chos kyi blos rtogs par bya ba ni ma yin no || gang zhig khyab pa rtogs pa'i blos rang bzhin dang 'bras bu
rang snang pa myi dmyigs pa'i chos dang ldan par nges par bya ba de ni rang bzhin dang 'bras bu dang snang pa myi dmyigs pa'i gtan tshigs zhes brjod do ||     || rang gi don kyi rjes su dpag pa'i le'u ste | gnyis pa rdzogs l+h+'o ||     ||
gzhan kyi don kyi rjes su dpag pa la gnyis ste | bsgrub ba dang sun 'byin pa'o || dang po la gsuM ste | bsgrub pa yang dag pa'i mtshan nyid la gsum mo || de la dang po spyi'i mtshan nyid ston pa ni gzhan kyi don kyi rjes su dpag pa ni zhes bya ba'o || brjod pa ni zhes bya ba ni rang bzhin kyi khyad par ste | brjod byed du grags pa'i yig ge bkod pa dang | sgra rang gi mtshan nyid kho na
gzung pa'i lag brda' lasogs pa ni ma yin no zhes bya ba'i donto || tshul gsuM pa'i rtags zhes bya ba ni yul kyi khyad par ste | bsgrub bya'i yul can dang gnyi ka ma yin ba'i yul can kyi sgra ni ma yin la | rtags ltar snang pa'i yul can yang ma yin kyi | yang dag pa'i rtags brjod pa kho na yin no zhes bya ba'i donto || rang gis ma mthong pa dang rtog pas sgro btags pa'i don myed
pa yang rtags ltar snang pa yin bas | tshul gsuM pa'i rtags brjod pa zhes bya bas de lta bu brjod pa yang spangs so || gnyis pa rjes su dpag pa'i sgra'i don ston pa ni yang dag pa'i shes pa'i bdag nyid ni zhes bya ba lasogs pa nas tha tshig go zhes bya ba'i bar kyis ni nye bar 'dogs pa'i rgyu mtshan bstanto || de yang khyad par can kyi rgyu ste | rang gi don la dmyigs pa'i blo skyed pas rjes su dpag pa'i rgyu
nus pa thogs myed du byed pa'o || gang ji snyed ces bya ba lasogs pas ni nye bar btags pa'i dgos pa ston pa'o || rjes su dpag par ston par byed pa dang | rtogs par byed pas rjes su dpag pa nyid bzhin du de ston pa'i sgra yang bstan par bya ba dang rtogs par bya ba nyid du rtogs pa'i phyir ro || slob dpon shes rab 'byung gnas sbas pa na re ngag las lkog du gyur ba'i yul can kyi tshad ma


| skyes pa ni rjes su dpag pa las gzhan yin par dogs pa dgag pa'i phyir ro zhes zer ro || 'dir mngon suM kyi rgyu'i brjod pa la gzhan kyi don kyi mngon suM zhes ni myi gdags ste | de ltar dogs pa'i rgyu mtshan gang gi don nges pa'i blo skyed pa tsaM kyis mngon suM kyi rgyu ma tshang pa ma yin pa'i phyir te | don nye bar gnas pa la ltos pa'i phyir ro || dgos pa yang myed de des bskyed pa'i ngag
mngon suM kyi mtshan nyid shes par 'dod pa rnaMs kyis gdon myi za bar shes par bya ba ma yin pa'i phyir ro || de yang de'i brjod par bya ba gdon myi za ba mngon suM kyi khyad par ma yin pa'i phyir ro || gsuM pa ni so so'i mtshan nyid do || 'di la yang lnga ste | rab du dbye ba dang | chos mthun pa can kyi mtshan nyid dang | myi mthun pa brjod pa'i mtshan nyid dang | gnyi ka brjod pa dgag pa dang |
phyogs brjod pa dgag pa'o || dang po ni gzhan kyi don kyi rjes su dpag pa'i dbye ba bstan pa'i phyir zhes bya ba'o || chos mthun pa brjod pa la gsuM las | dang po myi dmyigs pa'i sbyor ba ni sla'o || rang bzhin kyi sbyor ba la gnyis ste | sbyor ba'i rang bzhin bshad pa dang | nus pa'i rang bzhin bstan pa'o || dang po ni rmongs par myi 'gyur bar bya ba'i phyir ro | zhes bya ba yan chad do | | gnyis
pa ni de'i de ma thag du 'on te zhes bya ba lasogs pa'o || 'di la rnam pa lngas ston te | de tsaM dang 'brel ba nyid rang bzhin yin ba ni sgrub pa po'i chos de dag thaMd ni zhes bya ba lasogs pa'o || rang bzhin kho na la gtan tshigs nyid yin ba ni 'di 'dra ba kho na la zhes bya ba lasogs pa'o || daM pca ba'i don rtags su 'gyur ba spong pa ni ji ste zhes bya ba lasogs pa'o || gzhan rang
bzhin du myi 'thad pa ni ci'i phyir sgrub par byed pa'i chos tsaM dang zhes bya ba'o || gzhan sgrub par yang myi nus pa ni | phyis grub pa sngar skyes pa'i rang bzhin ma yin mod zhes bya ba lasogs pa'o || daM bca' ba'i don rtags du 'grub ba'i don spong pa ni 'bras bu'i sbyor pa yang gnyis ste | dang po sbyor ba'i rang bzhin 'chad pa ni | 'bras bu gtan tshigs kyi zhes bya ba lasogs pa'o || gnyis
pa nus pa'i rang bzhin ston pa ni 'di yang zhes bya ba lasogs pa'o || chos myi mthun pa brjod pa'i mtshan nyid kyang rnaM pa gsuM ste sla'o || gnyi ka brjod pa dgag pa la bzhi ste | don cig gi blo nyid kyis gnyis pa'i don grub pa dang | 'brel ba'i blo nyid kyis cig rtogs pa na gnyis pa'i don grub pa dang | de ltar grub pa'i don bdu ba dang | myi dmyigs pa la yang bzlog pa'i 'brel ba'i blos
cig rtogs pa na gnyis pa'i don grub pa'o || dang po ni chos mthun pa can la yang zhes bya ba lasogs pa'o || 'di'i don ni rjes su 'gro ba'i don nges pa'i blos ldog pa nges pa'i don 'grub ste | du ba me yod pa la yod par nges pa shes pa ni | me myed la yod par dogs pa la gnod pa'i phyir ro || de bzhin du me myed la du ba myed pas khyab par nges pa yang | du ba la mes ma khyab par
dogs pa la gnod pa'i phyir ro || de ltar rjes 'gro'i don rtogs pa'am | ldog pa'i don rtogs pa'i nus pa nyid kyis cig shos kyi rtogs pa 'phen bar brjod nas | da ni 'bras su dang rang bzhin pa dngos su gnas pa'i 'brel ba rtogs pa'i nus pa kho nas cig rtogs pa na | gnyis pa yang 'brel ba rtogs pa'i che ba nyid las don gyis go bar ston pa ni ci ste nam mkha' lasogs pa la


zhes bya ba lasogs pa'o || 'dir ldog pas rjes su 'gro ba 'phen pa la | 'brel pa rtogs pa'i nus pa rjes 'gro'i don go bar brjod ba'i skabs yin yang | 'brel pa rtogs pa'i mthus ldog pa rtogs pa na yang rjes su 'gro ba don gyis go ste | rtsa ba cig la rten pa'i phyi ro zhes khong du chud par bya'o || de ltar de gnyis nyid kyi rtogs pa'i mthus phan tshun go ba'aM
de gnyis kyis rtogs pa'i rtsa ba 'brel pa'i blo yin bar 'dra bas cig rtogs pa na gnyis pa gor yang rung ste | gang rung brjod pas gnyis pa go ba'i phyir ro || gnyi ka'i ngag don myed do zhes don kyi 'bras bu sdud pa ni de lta bas na zhes bya ba lasogs pa'i rgyu'i don te zhes bya ba lasogs pa'o || myi dmyigs pa yang bzlog pa'i 'brel ba nges pa'i mthus ldog pa
nges pa na rjes su 'gro ba'i don grub par brjod pa ni myi dmyigs pa la yang zhes bya ba'o || de bzhin du 'brel pa rtogs pa'i mthus rjes su 'gro ba dngos su nges pa na ldog pa yang de'i rtsa ba nyid las don gyis nges par rig par bya'o || dam bca' brjod pa dgag pa la rnaM pa bzhi las | dang po de myi brjod pa'i 'thad pa ni gang gi phyir zhes bya ba lasogs pa'o || gnyis pa zhar la phyogs
kyi mtshan nyid mdor bstan pa ni yang ci 'dra ba zhig zhes bya ba nas log par rtogs pa bsal ba'i phyir phyogs kyi mtshan nyid bstanto zhes bya ba'i bar ro || mtshan nyid mdor bstan pa 'di la rnaM pa gnyis ste | mtshan nyid kyi dbye ba nges pa dang | mtshan nyid kyi rang bzhin no || ngo bo ni rigs myi mthun pa gcod pa gsuM dang | log par rtogs pa sel ba gnyis
ste lnga las lhag ma ni myi dgos la | nyungs na ni rigs mi mthun pa dang log par rtogs pa sel bar myi nus pas lnga kho na'o || 'di ltar rigs myi mthun pa ni gnyis ste | phyogs ma bzung pas phyogs ma yin ba dang | bzung yang nyes pas 'brel ba yang dag pa'i phyogs ma yin ba'o || dang po ni 'dod pas gcod de | 'dod pa dang de'i 'bras bu yul du byas pa
ni 'dod 'gyur kyi don yin ba'i phyir ro | | nyes pa yang gnyis ste | bsgrub myi dgos pa dang | myi nus pa'o || de gnyis ni ngo bo dang ma bsal ba gnyis kyis rim pa bzhin du gcod do || log par rtogs pa sel ba ni 'dod gyur ces bya bas | byed pa po rgol ba dang | las kyi khyad par bsgrub par 'dod pa rtogs par nus bzhin du | bstan chos byed pa'i 'dod pa yang bstan
chos khas blangs pas spyir 'dod pa'i phyir | gtan tshigs 'di'i nus pa'i yul du yang 'dod do zhes log par rtogs pa'i rgyu yod pa dang | log par rtogs pa yang ma mthong pas de gcad pa'i phyir rang nyid ces smos ste | 'dod gyur nyid gsal bar byed pa'o || las bsgrub byar 'dod par don kyis go sgrub byed dang sgrub bya gnyi ka'i ngo bor 'dod pa yang bsgrub byar 'dod par gyur ba nyid kyis bsdus so zhes log par
rtogs nas kho nar zhes smos so || gal te ma bzung na nyes pa dang ma 'brel yang bsgrub bya ma yin no || gtan tshigs la yang de ltar 'gyur bas | tshul bzhi ba 'dod gyur la yang de ltos par thal lo zhe na | ma yin te gtan tshigs ni dngos po la gnas kyi 'dod pa'i rjes su myi byed pa'i phyir ro | | 'di ltar rang gi khyab byed la rtogs pa skyes par byed pa ni myi 'khrul ba nges pa dngos po ma grub pas


| pas yin kyi | skyes bu'i 'dod pas ni ma yin pa'i phyir ro || gzhan yang byas pa nyid rtag pa la rtags su 'dod kyi myi rtag pa la myi 'dod kyang dngos po'i mthus myi rtag pa bgrub pa'i phyir ro || bsgrub bya ni 'dod pas gnas ste | 'gal ba'i gtan tshigs kyi dam bca' ba dngos ba la ma grub kyang 'dod pa'i yul du gnas bas bsgrub bya'i skyon myed pa'i phyir dang | don cig la skyes bur
ma'i 'dod pas bsgrub bya skyon myed du gnas pa'i phyir ro || gnyis pa mtshan nyid kyi rang bzhin ni mtshan gzhi dang mtshon bya la ltos pas dang po de brjod do || de la mtshan gzhi ni myi mkhas pa'i bsaM pa la ltos ste phyi rol kyi la dang me ma 'brel ba rnaM par gcad pa'i tshogs pa'o || rang bzhin sems dpas dpyad na ni rang bzhin sngar kyi rigs pas dngos po ma yin bar grub pa brtags pa kho na'o | |
mtshon bya ni phyogs so zhes bya bas bstan zhing | phyogs kyi tha snyad du bya ba'o || mtshan gzhi de la mtshon bya de rnaM par 'jog pa'i rgyu ni mtshan nyid yin no || de yang ston byed kyi byed pas yul du byas pas bya bar rigs pa la brtens tha snyad byed pas tha snyad kyi rgyu mtshan yin no || de la byed pas bzung pa ni 'dod gyur dang de bsal bar byed pa rang nyid dang kho na'o || rigs pa ni ngo bo dang ma
bsal ba'o || mtshan nyid de nyid rgyas par 'chad pa ni lnga ste | rang gi ngo bo dang | kho na dang | bdag nyid dang | 'dod pa dang | ma bsal bas rgyas par bshad pa'o || 'di la gnyis las dang po ma bsal ba'i rang bzhin ston pa ni | ma bsal ba ni zhes bya ba lasogs pa'o || gnyis pa bsal ba'i mtshan nyid do || 'di la bzhi ste sla'o || de la grags pas bsal ba la ri bong can kyi zla ba
ma yin no zhes bya ba ni dpe' yin no || 'dir ri bong can ni mtshan mo gsal bar byed pa'i rdzas mngon suM du mthong pa la 'dod kyi blos tu brtags pa ni ma yin no || grags pa ni rnam par rtog pa'i rnaM par shes pa'i yul te | don la brjod do zhes bya ba ni mthong pa'i ri bong can la rnaMs par rtog gi zhen yul du rung pa nyid ces bya ba yod do || 'dir yang slob dpon chos mchog ni
kun brtags su 'dod de | de kho nar rang gi mtshan nyid la sgra dang rtog pa'i zhen yul kyi chos kyang myed do zhe'o || 'dir grags pa ni rnaM rtog gis zhen nas rtogs par bya ba yin la de ni sgra'i zhen yun du rung pa sgrub po || des na sgra'i zhen yul ma yin bar daM bca' ba la gnod do || 'di yang grags pas bsgrubs pa'i chos sgra'i yul grags par brtags pa yin no zhes bya ba ni slob
dpon chos mchog gi bsam pa'o || de nyid ston pa ni drags pa ste | rtogs par bya ba nyid ni zhes bya ba'o || 'di ltar rnaM par rtog pa'i shes pa'i gzung par bya ba gang yin de ni zhes bya bas ni rtog pa'i yul la sgra'i yul kyis khyab pa nyid sgrub po | gal te rtog pa'i gzung pa sgra dang 'drer rung pa bsgrubs pas phyi rol kyi zhen yul sgra'i zhen yul du ji shar 'grub snyaM na | 'di gzung
yul la sgra dang 'drer rung pas khyab par 'thad pa sgrub par ru smra | de ni 'dzin pa rang rig pas nges pa'i shugs la nges pas de ltar tha snyad du byed par zad do || rnaM par rtog pa'i shes pa'i gzung pa gang yin ba de ni zhes bya bas ni rtog pa'i bsaM pa'i dbang gis de ltar mos pa'i phyir | phyi'i don nyid la gzung par brjod pa yin bas zhen yul kho na la 'dod do || 'dir ni mngon suM


dang rjes su dpag pas bsal pa snga ma gnyis las tha dad de | tha snyad kyi yul can yin bas so || || ra gi tshig gis bsla ba'i mtshan nyid ni ston pa ni | rang gi tshig ni zhes smos ste | daM bca ba'i don rang tshig brjod pa'i tshig go || des bsal ba ni des 'gal ba'i don gzhan nye bar gzhag pa'o || de yang gnyis ste tshigs gzhan kyis tshigs gzhan kyi don dang
myi mthun ba brjod pa ni nga'i ma mo gzhaM yin no zhes bya ba lta bu'o || tshig de nyid kyis de nyid kyi don dang myi mthun bar brjod ba ni rjes su dpag pa tshad ma ma yin no zhes bya ba lta bu'o || 'dis ji ltar tshig de nyid kyis de nyid kyi don dang 'gal ba nye bar bzhag ce na | 'dir rjes su dpag pa thaMd tshad ma ma yin bar dam 'cha' ba na | rjes su dpag pa mtha' dag gzhal bya la phyin ci
log du brjod pa yin no || don de myed na rang gi sgra myi 'byung par khas blangs pas sgra'i shes ba don de la dmyigs pa yang rjes su dpag par khas blangs so || des na rjes su dpag pa rang rang gi gzhal bya bsgrub pa rnaMs dang de thaMd kyis gzhal bya sel ba gnyi ka tshad ma ma yin bar daM bcas par 'gyur ro || de ltar na gzhal bya 'jog pa tshad ma ma yin bar brjod pas | de las bzlog pa
gzhal bya sel ba'i don bden bar bstan la | des na sel ba de tshad mar khas blangs so || de nyid kyang tshad ma yin ba bkag pas na dus cig la dngos po cig la | chos 'gal ba gnyis bsgrubs pa yin no || de bzhin du gzhal bya sel ba tshad ma ma yin bar khas blangs pas de bsgrub pa tshad mar khas blangs pa dang | de tshad ma nyid bkag pa dang 'gal ba brjod pa yin no || 'dis ni
dgag pa dang bsgrub pa'i blo kun tshad mar daM bcas pa yang rang gi tshig dang 'gal bar blta'o || yang na rjes su dpag pa mtha' dag tshad ma ma yin no zhes bya bas ni | ngag ʼdiʼi brjod bya la dmyigs pa yang tshad ma yin ba bkag la | shugs kyis de tshad mar khas blangs pas bkag pa de nyid yang bsgrubs paʼi phyir ʼgal baʼi don brjod pa'o zhes ston pa ni | 'dir daM bcas paʼi don ni
zhes bya ba lasogs pa'o || 'dir ni gnod bya'i don khas blangs par stonto || de'i gnod byed khas blangs pas ston ba ni rjes su dpag pa tshad ma ma yin no zhes bya ba'i zhes bya ba'o || 'dis ji ltar rjes su dpag pa tshad mar khas blangs pa de nyid re shig bsgrub pa ni sbyar ba'i ngag 'dis ni zhes bya ba'o || ngag gi don bden bar khas blangs pas ngag las skyes pa de'i don la dmyigs pa'i blo gzhal bya
dang ldan bar khas blangs so || de yang rjes su dpag par khas blangs pa nyid do || zhes bya ba'o || gal te ngag gi don bden bar khas blangs par ma nges ste rang gi ngag brdzun bar daM 'cha ba yang srid pa'i phyir ro || zhe na | dgos pa 'di bzlog pa'i phyir gang yang zhes bya ba lasogs pa'o || de yang brdzun ba nyid myed na de brjod pa'i sgra myi 'byung pas de ltar brjod pa'i ngag gi don khas blangs pa kho na'o || zhes
dgongs so || de bas na ngag las byung pa zhes bya ba lasogs pas ni | thaMd du ngag brjod pa na rang gi don bden par ston pas khyab po zhes don sdud pa'o || de lta yin dang zhes bya ba lasogs pas ni | sgras skyed pa de'i don la dmyigs pa'i shes pa yang tshad mar khas sblangs par stonto | 'o || de bas na zhes bya ba lasogs pas ni shes pa de rjes su dpag par khas blangs par stonto ||


| da ni rjes su dpag pa rnams tshad ma yin ba bkag pa'i don brjod pa sgra'i shes pa tshad ma yin ba bkag pa dang | de tshad mar khas len ba 'gal don cig la sdud pa yin no zhes ston na ni de'i phyir zhes bya ba lasogs pa'o || gzhan dag ni zhes bya ba lasogs pas ni 'grel ba byed pa gzhan gyi bshad pa 'gog pa'o || de ni myi rigs ste zhes bya ba lasogs pa ni de sun
'byin te brda' phrad par sla'o || 'dir daM bca ba'i don gyi gzhi chos can de nyid la don sgrub pa'i mngon suM dang rjes su dpag pas gnod pa ni | mngon suM dang rjes su dpag pas bsal ba'o || chos can la de nyid tha snyad sgrub pa'i rjes su dpag pa zhugs pas gnod pa ni grags pas bsal ba'o || gzhi der tshad ma 'jug pa la myi ltos par 'gal bar nges pa'i don rang gi brjod pa ni rang gi
tshig dang 'gal ba'o || 'di la ngag gis brjod pa'i 'gal ba'i don de la gnod par byed pa ni 'gal bar gtan la 'bebs pa'i shes pa yin la de yang mngon suM maM | rjes su dpag pa yin ba yang srid la | da lta'i rang rig pa'i mngon suM yin ba srid do | | yang na ni spyod pa kho na yin no || des na bsal ba snga ma las tha dad la | tha snyad pa nyid kyis gnod pa yang yin no ||
bsgrub pa ltar snang pa la lnga'o || de las dang po mdor bstan pa ni | tshul gsuM pa'i rtags bkod pa rdzogs ste zhes bya ba lasogs pa'o || gnyis pa ni tshul re re skyon kyi mtshan nyid do || 'di la phyogs chos kyi skyon la bzhi ste | gnyi ka dang gang yang rung pa la ma grub pa dang | the tsoM za ba'i ma grub pa dang | gzhi ma grub pa bzhi dper brjod pa ni go bar zad do || ldog pa'i skyon
la gnyis las ldog pa ma grub pa ni sgra'o || ldog pa la the tsoM za ba la bzhi las dang po dper brjod pa ni ji ltar thul 'di nas smra ba nyid ni ma nges pa can yin no'i bar ro || gnyis pa ni gtan tshigs dang po ldog pa la the tsoM za bsgrub pa'o || de yang gnyis ste | myi dmyigs pas dngos su ldog pa nges par myi nus pa dang | des ldog pa nges par byed pa'i 'gal ba yang bsgrub par myi nus pa'o ||
dang po ni thaMd mkhyen pa smra ba zhes bya ba nas the tsoM du myur ba yin no zhes bya ba'i par ro || gnyis pa ni myi dmyigs pa'i phyir thaMd mkhyen pa la smra ba myed do zhes ni myi smra'i zhes bya ba'o || 'di la bzhi las dang po 'gal ba myed pa spyir bstan pa ni thaMd mkhyen pa nyid gnyis su 'gal ba myed do zhes bya ba'i bar ro || gnyis pa lhan cig myi gnas pa'i 'gal ba ston pa ni 'gal ba rnaM pa
gnyis po 'di gang zhe na zhes bya ba lasogs pa'o || bzlog par bya ba'i dngos por gzhag go zhes bya ba yan chad kyis ni mtshan nyid bstanto || de bas na zhes bya ba nas skad cig gsuM pa la zlog par byed pas 'gal ba yin no'i bar kyis ni gnod bya ldog pa'i dus bstanto || bskyed par bya ba dang nas dro ba'i reg paʼi rgyun yod na myed pa yin no'i bar kyis ni rnaM par gnas pa'i yul bstano ||
gang dang 'gal ba ni zhes bya ba lasogs pas ni 'gal ba dngos por yod pa'i 'thad pa bstan pa'o || gsuM pa phan tshun spangs pa'i 'gal ba ston pa ni | 'gal ba gnyis pa zhes bya ba lasogs pa'o || 'di la lnga las dngos 'gal kyi mtshan nyid ston pa ni | phan tshun spangs ste gnas pa'i ngo bo yin no yan chad do || rgyud 'gal kyi mtshan nyid ston pa ni sngon po las gzhan pa'i


ngo bo zhes bya ba nas myed pa la myi 'khrul pa las 'gal ba yin no'i bar ro || myi dmyigs pas myed par nges par bya ba'i don kyi khyad par ston pa ni yang gang zhig zhes bya ba nas blta bar bya'o zhes bya ba yan chad do || 'gal ba 'di'i byed pa ston pa ni 'di ni nas nyaMs pa dang ldan pa yang rnaM par gcod pa yin na'i bar ro || snga ma dang 'gal ba 'di'i khyad par ston pa ni phan tshun spangs ste gnas
pa'i ngo bo zhes bya ba basogs pa'o || bzhi ba smra ba dang thaMd mkhyen pa la 'gal ba de gnyi ka myed par ston pa ni | 'gal ba rnaM pa de gnyi ka yang zhes bya ba lasogs pa'o || de ltar dper brjod pa dang gtan tshigs dang po ldog pa la the tsoM za bar bsgrubs nas | gtan tshigs gnyis ya ldog pa la the tsoM ma bar bsgrub pa ni de bzhin du zhes bya ba'o || 'di la gnyis ste 'bras bu ma yin dang
lhan cig mthong pa tsaM kyis myi 'khrul pa myi 'grub pa las dang po rtogs pa ma yin no zhes bya ba yan chad do || gnyis pa ni tshig ni zhes bya ba lasogs pa'o || de ltar na zhes bya ba lasogs pa ni ldog pa la the tsoM za ba'i skabs kyi 'jug bsgru pa'o || || tshul gnyis kyi skyon la bzhi te | gnyis phyin ci log du grub pa'i dbye ba bstan pa dang | 'dod pa la
gnod pa der 'dus pa dang | cig ma grub la cig la the tsoM za ba dang | gnyi ka la the tsoM za ba'o || de las snga ma gsuM pa ni cung zad kyang bshad du myed do || tha ma 'di la yang bzhi las dang po dper brjod 'chad pa ni | da ni nas 'di ni gtan tshigs so zhes bya ba'i bar ro || gnyis pa rjes su 'gro ldog yod par nges pa dgag pa ni thun mong ma yin ba 'di yang zhes bya ba
lasogs pa'o || rgyu rnaM pa gnyis kyi the tsoM kyi rgyur 'gyur ste zhes bya ba ni | thun mong ma yin ba'i the tsoM kyi rgyu la 'dod kyi | the tsom tsaM kyi rgyu la ni yan lag gnyis yod myi dgos so || the tsoM kyi rgyu'i yan lag dang po las bzlog nas the tsoM kyi rgyu yang ldog par ston pa ni rnaM pa gang dag gis zhes bya ba'o || the tsoM kyi rgyur myi 'gyur ro zhes bya ba ni the tsoM tsam kyi rgyur
myi 'gyur ba'o || de nyid bsgrub pa'i phyir the tsoM kyi rgyu'i mtshan nyid ston pa ni | chos gnyis la ma nges par zhes smos ste cig kho nas khyab pa ma yin bar chos de gnyis la yod na the tsoM kyi rgyur 'gyur ro | | de las bzlog pa ni ma rtogs pa'i rgyu dang || yang dag par rtogs pa'i rgyu dang | 'gal ba rtogs pa'i rgyu yin no || de la gnyis kyis thaMd ma bsdus na ni ma rtogs pa'i rgyu yinte |
gnyi ga ma yin ba kho na la yod pa ni de gnyis la ci yang rtogs pa'i rgyu ma yin pa'i phyir ro zhes ston pa ni | gnyis la ma nges pa yod pa yang zhes bya ba'o || nges par yod par bstan na ni zhes bya ba ni myi 'khrul ba nyid du yod par bstan na'o || des na yan lag dang po la ltos dgos pas yan lag gnyis khas blang par 'jug sdud pa ni de bas na zhes bya ba'o || lan gnyis pa khas
myi slang du myi rung par bstan pa'i phyir de las ldog pa'i rnaM pa ston pa ni yod par nges pa yang zhes bya ba'o || 'dir thun mong ma yin ba'i mtshan nyid kyi the tsoM kyi rgyu'i yan lag ni gang la yang yod par ma nges pa yin te | de las bzlog na 'gal ba dang yang dag par nges pa dang | thun mong ni ma nges pa dang | ldog pa la the tsoM za ba dang | rjes su 'gro ba la the tsoM za ba rnaMs


| kyi rgyur 'gyur ro zhes bya ba'i donto || gsuM pa gnyi ka myed par nges pa 'gog pa ni phyir rgol ba la ni zhes bya ba lasogs pa'o | | re re dang gnyis kyi skyon 'jug sdud pa ni | tshul gsuM ma grub pa dang zhes bya ba'i | | tshul gsuM tshang pa'i sgrub pa ltar snang pa dgag pa la gsuM las dang po dngos po la myi srid pas ma brjod pa ni rgyu nyid yin no zhes bya ba yan chad do | | gnyis pa lung la
rten pa la srid pa'i rgyu ni 'o na zhes bya ba nas so | | gsuM pa dper brjod pa ni de la zhes bya ba nas btsams pa'o || dpe' bsgrub pa'i yan lag yin ba dgag pa la bzhi las | gtan tshigs kyi yan lag ma yin ba'i dpe' dgag pa ni logs shig du ma brjod do zhes bya ba yan chad do || gtan tshigs kyi yan lag de bstan pa nyid kyis grub pa ni | 'o na gtan tshigs kyi
dpe' myed na zhes bya ba lasogs pa'o | | de grub pas dpe ltar snang pa yang spangs par grub pa ni gtan tshigs kyi thul bshad pa las dpe'i de kho na nyid bstan ba 'dis ni zhes bya ba lasogs pa'o | | dper ltar snang pa spangs par grub pa'i 'thad po ston pa ni | dpe'i skyon kyi dpe' bstan nas | nyes pa nyid kyi rgyu bstan pa'i phyir zhes bya ba lasogs pa'o | | de ltar yang dag pa
dang ltar snang pa dang | dpe' sgrub byed kyi yan lag du log par rtogs pa dgag pa gsuM kyis sgrub pa bshad zinto || da na || da ni sun 'byin pa stonto | | de las dang po yang dag pa nyid ston pa ni | sun 'byin pa bstan pa'i phyir zhes bya ba lasogs pa'o || 'di ni gzhan don tsaM du chos mthun bas rjes su dpag pa btags pa pa dang lhan cig bstanto | |
pa ltar snang pa ston pa ni | sun 'byin pa ltar snag pa ni zhes bya ba lasogs pa'o || || shag kya'i dge slong blo ldan shes rab kyis sbyar ba | | bam po lnga pa'i bshad pa | rdzogs s+h+'o || || ||


